Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Մարմնի խնամք

Ինչու է չորանում մաշկը

Ինչու է չորանում մաշկը

Առողջ մաշկը քնքուշ է, նուրբ ու հարթ մակերեսով, փայլատ, ձիգ: Նրա բնական փափկությունն ու խոնավությունը յուրաքանչյուր մարդու ընդհանուր առողջական վիճակը բնորոշող ցուցանիշներից են, որոնք պայմանավորված են մի շարք գործոններով` մշտական բնակավայրի կլիմայական պայմաններ, սեռ, տարիք, մարմնամաս, մարսողական օրգանների, նյարդային և ներզատական համակարգերի գործունեություն, ժառանգականություն, սննդակարգ և այլն:

 

Մաշկի չորանալու պատճառ կարող են դառնալ արտաքին և ներքին ծագման տարբեր գործոններ, որոնց ազդեցության հետևանքով մաշկի եղջերային շերտը ջրազրկվում է, հաճախակի թեփոտվում, պաշտպանական հատկությունները ու ճարպի քանակը` նվազում: Արտաքին գործոններից են մաշկի ոչ ճիշտ հիգիենան, արտաքին անբարենպաստ պայմանները, սխալ սննդակարգը, ալկոհոլի ու ծխախոտի չարաշահումը և այլն: Ներքին գործոններից են հիպովիտամինոզը, ավիտամինոզը, լյարդի, երիկամների, վահանագեղձի, մակերիկամների ախտահարումը, արյան որոշ հիվանդությունները, շաքարային դիաբետը, մաշկաբորբերը, գենետիկական և ֆիզիոլոգիական որոշ առանձնահատկությունները:

 

Չոր մաշկը լուրջ խնդիրներ է ստեղծում ոչ միայն կոսմետոլոգիական առումով: Այն նաև բավարար չափով չի իրականացնում իր բազմաբնույթ գործունեությունը. մաշկի բջիջները չեն ստանում սննդանյութի անհրաժեշտ քանակությունը, որի հետևանքով նյութափոխանակությունը դանդաղում է:

 

Մաշկի չորության պատճառ հաճախ դառնում են չոր օդը, ուլտրամանուշակագույն ճառագայթների ակտիվ ազդեցությունը, եղանակային տատանումները, ցուրտը, օդի միջանցիկ հոսանքն ու քամին, հաճախակի և սովորականից տաք ջրով լվացվելն ու լողանալը` հատկապես կոշտ օճառով, կենցաղային, արդյունաբերական և գյուղատնտեսական քիմիկատները, կոսմետոլոգիական որոշ միջոցներ, սննդային կամ այլ ծագման թունավորումները, ծերունական տարիքը և այլն:

 

Մաշկի չորությունը ընդհանուր և սահմանափակ բնույթ է կրում: Ե´վ մեկը, և´ մյուսը ավելի հաճախ զարգանում են կյանքի երկրորդ կեսում, մանավանդ 60 տարեկանից հետո: Անձը գանգատվում է մաշկի չորությունից, անհարթությունից, ճաքերից, թեփոտումից, ձգվածությունից` մանավանդ լողանալուց անմիջապես հետո, քորից, ընդհանուր տհաճ, անհանգիստ վիճակից: Երբեմն խանգարվում է քունը: Այդպիսի մաշկի վրա չեն լինում նորմալ մաշկին բնորոշ փոսիկներ, շոշափելիս զգացվում է առաձգականության պակաս, կոշտություն, մատով սեղմելուց հետո գոյացած մատնահետքը երկար ժամանակ չի անհետանում: Կարող է նաև թեթևակի արյունահոսություն նկատվել: Որպես բարդություն` հնարավոր է թարախային բորբոքումների զարգացումը: Տարեց մարդկանց մոտ այս ախտանիշներն ի հայտ են գալիս ընդհանուր կենսական գործընթացները դանդաղելու, մաշկի բոլոր շերտերի և ենթամաշկի որոշակի հետաճի պատճառով:

 

Անգամ նորածինների մոտ կարող է մաշկի չորություն նկատվել կյանքի առաջին օրերին, պայմանավորված քրտնագեղձերի դեռևս ոչ ակտիվ գործելու հետ, որը ժամանակավոր բնույթ է կրում և ինքնուրույն վերանում է: 

 

Այլ է չոր մաշկի ձևավորման խնդիրը երեխաների կյանքի հետագա շրջանում: Դրա առաջացման պատճառ կարող են դառնալ հղիության և կրծքով կերակրման շրջանում մոր, ինչպես նաև երեխայի ոչ լիարժեք սնունդը, վաղ սկսված արհեստական սնուցումը, երեխային հաճախակի լողացնելը, մաշկն անբավարար չորացնելը, սպիտակեղենը լվանալիս երեխաների համար չնախատեսված փոշիներ ու մածուկներ օգտագործելը, կոշտ օճառը և այլն: Պետք է հիշել, որ երեխաների մաշկը շատ նուրբ է և ամենաչնչին գրգռիչն իսկ չորության պատճառ կարող է դառնալ:

 

Հղիների մաշկը հաճախ է թեփոտվում և չորանում հիմնականում դեմքի ու վերին վերջույթների շրջանում:

 

Գլխի մաշկի չորությունը տարածված երևույթ է, հատկապես ձմռանը: Սա չպետք է շփոթել սովորական թեփոտման հետ: Եթե թափված թեփուկները մանր, սպիտակավուն, հեշտությամբ թափվող չեն, այլ խոշոր են և դեղնավուն, համեմատաբար ամուր կպած, ապա դա ախտանիշ է և պետք է դիմել մաշկաբանին` բացառելու համար պսորիազի, սեբորեային մաշկաբորբի առկայությունը:

 

Դեմքի չոր մաշկ հաճախ նկատվում է միջին տարիքի երեխաների մոտ, որի պատճառ են դառնում լվացվելուց հետո մաշկը ոչ բավարար չորացնելը և սառը եղանակին բակում վազվզելը: Մաշկի չորությունն ու թեփոտումը հաճախ զուգակցվում են ճաքերով, թարախային բորբոքումով:

 

Աչքերի շրջակա մաշկի չորությունը հատկապես անհանգստություն է պատճառում կանանց. աչքերի շուրջը գոյանում են ծալքեր, կնճիռներ, դժվարանում է դիմահարդարվելը: Չորության պատճառ կարող են դառնալ քրոնիկական բորբոքումները` բլեֆարիտը, ալերգիկ մաշկաբորբերը, արցունքահեղուկի պակասը, հարդարման համար օգտագործվող միջոցները, ծխախոտի ծուխը:

 

Շրթունքների չորության պատճառ կարող են դառնալ ոչ միայն վերոհիշյալ գործոնները, այլև որոշ մարդկանց մոտ շրթունքները լիզելու սովորությունը. խոնավացած մակերեսն արագ չորանալով` ենթարկվում է անցանկալի փոփոխությունների, որոնք կարող են հանգեցնել խեյլիտի զարգացման, ճաքերի գոյացման:

 

Ձեռքերի մաշկը հաճախ չորանում է` կապված մասնագիտական գործունեության հետ: Քիմիական արդյունաբերությունում աշխատողների կամ գրգռիչ նյութերի հետ շփվող անձանց ձեռքերի մաշկը գրեթե միշտ չոր է լինում: Կենցաղային գործոնների ազդեցությունը առանձնապես նկատելի է կանանց շրջանում, որը հոգեբանորեն նրանք շատ ծանր են տանում. չոր, կնճռոտ ձեռքերը կարող են մատնել նրանց տարիքը:

 

Ոտնաթաթերի, մանավանդ ներբանների մաշկը հաճախ չորանում է նոր գնված անորակ կոշիկների կամ գուլպաների գրգռման ներգործության հետևանքով: Շաքարային դիաբետը նույնպես որոշակի դեր ունի այս հարցում: Մաշկի չորությունն ու թեփոտումը հիմնականում արտահայտվում են կրունկների մոտ, հանգեցնելով գերեղջերացման, կոշտուկների ու ճաքերի գոյացման, որոնք լինում են ցավոտ և խանգարում քայլելուն:

 

Ինտիմ շրջանի մաշկի չորությունը ինչպես տղամարդկանց, այնպես էլ կանանց մոտ, սեռական կյանքի առումով, ծանր վիճակ է ստեղծում: Բարեբախտաբար, այս ձևը այդքան էլ հաճախ չի հանդիպում: Դրա առաջացման պատճառ կարող են դառնալ արտաքին սեռական օրգանների բորբոքումները, ամենօրյա հիգիենայի կանոնները չպահպանելը, սինթետիկ սպիտակեղենը` հատկապես գնելուց հետո առանց լվանալու հագնելը:

 

Մաշկի չորացումից խուսափելու համար անհրաժեշտ է սննդակարգում հանքային աղերով, բուսական ծագման սպիտակուցներով, վիտամիններով հարուստ սննդամթերք ընդգրկել, երբեմն A, C, PP, E վիտամիններ ընդունել, օրվա ընթացքում բավականաչափ հեղուկ խմել, բնակարանի օդը խոնավացնել, որին նպաստում են խոնավացնող սարքերը, տնային բույսերը: Ցուցված են նաև սոդայով, ծովի աղով ընդհանուր կամ տեղային լոգանքները, A վիտամինով հարուստ կանթեղախոտի, հալվեի և այլ դեղաբույսերի պատրաստուկների, խյուսերի ու քսուքների օգտագործումը:

 

Բարդություններից խուսափելու համար անպայման պետք է դիմել բժիշկ մասնագետի: Մաշկաբանը յուրաքանչյուր հիվանդի նկատմամբ առանձնահատուկ մոտեցում է ցուցաբերում հիվանդության առաջացման պատճառը հայտնաբերելու և բուժումը ճիշտ կազմակերպելու համար:

Հեղինակ. Էդուարդ Դանիելյան բ.գ.դ., պրոֆեսոր «Հելիոս» էսթետիկ բժշկության կենտրոն
Սկզբնաղբյուր. Առողջապահություն 2.2012 (295)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

gayane

11.12.2015

Barev dzez,,xndrum em indz patasxaneq,,mot mi tari e arden inch dzerqis vra,dashtanic mi qani or araj,dzerqis vra arajanum ein karmir ketikner,mashkis takic,heto verq,ev ancnum er,,,isk hima arden,erkar bceri tesqov,mashks bacvum e ,noric verq,,,verjin orerin nkatelem arden vor demqis mashkne aydpes linum,zndrum em eli aseq,inchi het e da kapvac??

Կարդացեք նաև

Բնական միջոցներով փափկեցրեք արմունկների և ծնկների մաշկը
Բնական միջոցներով փափկեցրեք արմունկների և ծնկների մաշկը

Ինչպես մարմնի մյուս բոլոր մասերը՝ արմունկներն ու ծնկները ևս ժամանակի ընթացքում մգանում են և չորանում, և դա տեղի է ունենում, քանի որ մաշկի տակ են կուտակվում մեռած բջիջները...

Ինչպես ազատվել ցելյուլիտից
Ինչպես ազատվել ցելյուլիտից

Կանանց մեծ մասին անհանգստացնում է ցելյուլիտի առաջացման հնարավորությունը:Պարզելու համար` սպառնու՞մ է ձեզ ցելյուլիտը, թե` ոչ, երկու մատների օգնությամբ բռնեք ազդրը և սեղմեք. եթե մաշկը ստանա նարնջի կեղևի տեսք, դա ցելյուլիտի նախանշան է...

Ինչպես ազատվել ոտքերի կոշտուկներից
Ինչպես ազատվել ոտքերի կոշտուկներից

Ոտքերի համար նախատեսված վաննաներ օճառով և սոդայով. պահանջվում է սոդա, օճառ և ջուր: Անհրաժեշտ է 3 թեյի գդալ սոդա և 1 ճաշի գդալ քերած օճառ: Այդ ամենը լուծում ենք 1 լիտր տաք ջրի մեջ: Եթե ոտքերի լոգանքի...

Գլիցերինի օգտակարությունը. 168.am
Գլիցերինի օգտակարությունը. 168.am

Գլիցերինը խոնավացնում է մաշկը, ունի մի շարք օգտակար հատկություններ: Fithacker.ru-ի փոխանցմամբ՝ այն դրական է ազդում մաշկի բոլոր տեսակների վրա...

Եղունգների սնկային խնդիրների բուժման ժողովրդական միջոցներ. ankakh.com
Եղունգների սնկային խնդիրների բուժման ժողովրդական միջոցներ. ankakh.com

Երկրագնդի բնակչության կեսը տառապում է սնկային այս կամ այն հիվանդությունից: Երբեմն այն կարող է սուր չարտահայտվել, սակայն բազում անհարմարություններ պատճառել, և մնում է հարմարվել դրան` առանց լուրջ քայլեր ձեռնարկելու...

Վարակաբանություն
Նիհարելու ընթացքում կուրծքը խնամելու համար նախատեսված միջոցներ. ankakh.com
Նիհարելու ընթացքում կուրծքը խնամելու համար նախատեսված միջոցներ. ankakh.com

Շատ կանանց ծանոթ է ավելորդ կիլոգրամներ ունենալու խնդիրը, որոնք առաջին հերթին կուտակվում են կոնքերում, որովայնի, իսկ այնուհետև կրծքի շրջանում: Սակայն նիհարելու ընթացքում ցանկացած կին մտահոգվում է կուրծքը գեղեցիկ պահելու...

Առողջ և գեղեցիկ
Ինչպես ազատվել մեջքին առաջացած բշտիկներից
Ինչպես ազատվել մեջքին առաջացած բշտիկներից

Մեջքին բշտիկների առաջացման պատճառը բակտերիաներն են: Fithacker.ru-ն ներկայացրել է դրանցից ազատվելու մի քանի եղանակ...

​Ի՞նչ անել արմունկների մուգ գույնի դեպքում. ankakh.com
​Ի՞նչ անել արմունկների մուգ գույնի դեպքում. ankakh.com

Միայն երեխաների ու դեռատի աղջիկների արմունկներն են լինում սպիտակ: Ժամանակի ընթացքում արմունկների մաշկն անխուսափելիորեն մգանում է, դառնում անհարթ, որոշ դեպքերում թեփոտում է ու նույնիսկ ցավում...

Ոտքերի ճաքերի դեմ ավանդական բաղադրատոմս. 168.am
Ոտքերի ճաքերի դեմ ավանդական բաղադրատոմս. 168.am

Ոտքերի հատվածում մաշկը հաճախ է չորանում և ճաքճքում։ Budetezdorovy.ru-ն գրում է, որ այս միջոցն օգնում է ազատվել չոր, կոշտացած մաշկից, ճաքերից ու կոշտուկներից...

Վիտամիններ, որոնք անհրաժեշտ են մաշկին
Վիտամիններ, որոնք անհրաժեշտ են մաշկին

Վիտամինների պակասը մի շարք բացասական երևույթների պատճառ է դառնում. մարմնի քաշի և օրգանիզմի դիմադրողականության անկում, գերհոգնածություն, որոնք էլ իրենց ազդեցությունն են թողնում կնոջ մաշկի ու մազերի վրա...

Վիտամիններ և միներալներ
Ինչո՞ւ քնելուց առաջ մերսել ոտքերը. 168.am
Ինչո՞ւ քնելուց առաջ մերսել ոտքերը. 168.am

Ոտքերի մերսումը կարևոր է ինքնազգացողության լավացման համար։ Fithacker.ru-ն գրում է, որ այս սովորությունը կարող է դրական ազդեցություն ունենալ օրգանիզմի վրա...

5 բնական միջոց ցելյուլիտի դեմ. 168.am
5 բնական միջոց ցելյուլիտի դեմ. 168.am

Ցելյուլիտն առավել հաճախ հանդիպում է մեծահասակ կանանց շրջանում, բայց երիտասարդ տարիքում ևս կանայք բախվում են այս տհաճ խնդրին։ Առավել հաճախ այն առաջանում է ոտքերի հատվածում...

Ոտքերի խնամքի դասական ու նորագույն մեթոդները
Ոտքերի խնամքի դասական ու նորագույն մեթոդները

Ամռանը յուրաքանչյուր կնոջ համար ոտքերի խնամքը դառնում է առաջնային: Առանց գեղեցիկ ու խնամված ոտքերի հնարավոր չէ պատկերացնել կնոջ լիարժեք տեսքը: Դա է պատճառը, որ պեդիկյուրի ծառայությունը գեղեցկության...

Ինչպես սպիտակեցնել ծնկներն ու արմունկները. 168.am
Ինչպես սպիտակեցնել ծնկներն ու արմունկները. 168.am

Ծնկների ու արմունկների հատվածում մաշկը հաճախ է սևանում։ Այս հատվածում մաշկն ավելի բարակ է. մելանին պիգմենտի անհավասար բաշխումը կարող է հանգեցնել նրան, որ մաշկի որոշ հատվածներ ավելի մուգ լինեն, քան մյուսները...

Թևատակերի անցանկալի մազերից ազատվելու պարզ միջոց. 168.am
Թևատակերի անցանկալի մազերից ազատվելու պարզ միջոց. 168.am

Fithacker.ru-ն ներկայացրել է մի քանի պարզ միջոց, որոնք կօգնեն ազատվել անցանկալի մազերից...

Անձնական խնամք

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ