ԱՐՏԱՇԱՏԻ ԲԺՇԿԱԿԱՆ ԿԵՆՏՐՈՆ

Տնօրեն                         Հայկ  Համբարձումյան
Հասցե                          ք. Արտաշատ, Արամ Խաչատրյան փող., 116 շենք 
Տեղեկատու                +374  43 03 52 52                                                                                                                                                                                                      Տնօրենի ընդունարան +374-235 2 55 37

Էլ․ հասցե                     [email protected]
Պաշտոնական կայք    artashatmc.am

Հարգելի բարեկամներ, ուրախ ենք ձեզ ողջունելու ‹‹Արտաշատի բժշկական կենտրոն›› փակ բաժնետիրական ընկերության կայքում, որտեղ կարող եք գտնել ամբողջական տեղեկատվություն մեր աշխատանքների և  ԲԿ-ի կողմից մատուցվող ծառայությունների վերաբերյալ:
Մեր Կենտրոնը հագեցած է ժամանակակից և բարձրորակ ախտորոշիչ ու բուժական սարքավորումներով, այստեղ իրենց ծառայություններ են մատուցում բարձրակարգ մասնագետներ, ինչն էլ հնարավորություն է տալիս լավագույնս ու որակյալ իրականացնել ինչպես  Արտաշատի տարածաշրջանի, այնպես էլ  Արարատի մարզի բնակիչների  բուժսպասարկումը: Մեր այցելուներին ենք ներկայացնում ծառայությունների լայն ու բազմապրոֆիլ տեսականի՝  ապահովելով նաև անհատական ու սրտացավ մոտեցում յուրաքանչյուրի համար:
Մենք ուրախ ենք  ըստ արժանվույն հոգ տանելու, որպեսզի դուք պահպանեք կյանքում ամենաթանկը՝ առողջությունը:

                                                                                                                                                                                     Լավագույն ցանկություններով՝
                                                                                                                                                       ‹‹Արտաշատի բժշկական կենտրոն››  ՓԲԸ տնօրեն
                                                                                                                                                                                                 ՀԱՅԿ ՀԱՄԲԱՐՁՈՒՄՅԱՆ

Մեր մասին Արտաշատի հիվանդանոցը հիմնվել է 1920 թվականին, նախկինում կոչվել է Արտաշատի կենտրոնական հիվանդանոց, որի  կազմի մեջ մտել են շրջանի գյուղական ամբուլատորիաները և բուժմանկաբարձական կետերը: Արտաշատի շրջանը մինչև 1951 թվականը չի ունեցել տիպային հիվանդանոց: 1951 թվականին կառուցվել է 200 /երկու հարյուր/ մահճակալանոց երկհարկանի հիվանդանոց, որը գործել է մինչև 1982 թվականը: 1979 թվականին սկսվել և 1982 թվականին ավարտվել է 240 /երկու հարյուր քառասուն/ մահճակալանոց տիպային եռահարկ հիվանդանոցի կառուցումը և հանձնվել շահագործման, որը գործում է առ այսօր: 1987 թվականից Կենտրոնական հիվանդանոցին կից կառուցվել է  մանկաբարձագինեկոլոգիական բաժանմունք 120 / մեկ  հարյուր քսան մահճակալով, որը գործել է մինչև 2008 թվականը: 2008 թվականին մանկաբարձագինեկոլոգիական  բաժանմունքը միավորվել  Է Կենտրոնական  հիվանդանոցին :
1992 թվականին կառուցվել է եռահարկ վերակենդանացման բաժանմունք, որը  իրականացրել է ինչպես  մանկական, այնպես  էլ  մեծահասակների բուժօգնություն: 2002 թվականին վերակենդանացման  բաժանմունքի  մանկական  բուժօգնության սպասարկումը միավորվել է մանկական բաժանմունքին: 2016 թվականին Արտաշատի բժշկական  կենտրոնը  կապիտալ վերանորոգվել  է Համաշխարհային բանկի օգնությամբ, որը  բացվել է 2018 թվականի  հոկտեմբեր ամսին և հագեցած է ժամանակակից  բուժտեխնիկայով և սարքավորումներով: 2019 թվականի մայիս ամսից Արտաշատի բժշկական կենտրոնը համալրվել Է համակարգչային շերտագրման գերժամանակակից սարքով /KT/, իսկ վիրաբուժական բաժանմունքում օգոստոս ամսից վիրահատությունները կատարվում են լապարասկոպիկ  եղանակով:

ՏԵՂԵԿԱՏՎՈՒԹՅՈՒՆ

• ☘Պացիենտների համար
• ☘Մասնագետների համար

ԾԱՌԱՅՈՒԹՅՈՒՆՆԵՐ