Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժշկի ընդունարանում

Քաղցկեղով շատ հիվանդներ նախընտրում են բուժվել Հայաստանում. oncology.am

Քաղցկեղով շատ հիվանդներ նախընտրում են բուժվել Հայաստանում. oncology.am

Վ.Ա. Ֆանարջյանի անվան ուռուցքաբանության ազգային կենտրոնի «Ընդհանուր եւ մանկական քիմիոթերապիայի» բաժանմունքի վարիչ Հասմիկ Պետրոսյանը մանրամասներ է ներկայացնում իր ղեկավարած բաժանմունքի ձեռքբերումների, հիվանդության ճիշտ բուժման ընթացքի վերահսկման եւ քաղցկեղով հիվանդի համար բժիշկ-հիվանդ հոգեբանահուզական հարաբերության մասին:

–   Ձեր ղեկավարած բաժանմունքի վերջին տարիների ձեռքբերումները:

–   Մեր կենտրոնը եզակիներից է, որ հնարավորություն ունի հիվանդներին ընդունել պետպատվերի շրջանակում: Յուրաքանչյուր ամիս նվազագույնը սպասարկում ենք 600-700 այցելուի: Հիվանդների հոսքը բավականին շատ է եւ պատրաստ ենք պատշաճ սպասարկում ապահովել՝ շնորհիվ մասնագիտական արհեստավարժ անձնակազմի եւ ժամանակակից բուժսարքավորումների: Առողջապահության նախարարության կողմից սահմանված պետպատվերը հնարավորություն է տալիս որոշակի հետազոտություններ իրականացնել եւ հիվանդներին տրամադրել համավճարային կարգով դեղերի ցանկ: Մեր ծառայության ձեռքբերումներից է նաեւ այն, որ բուժման կուրսի համար հիվանդին տրվում է զեղչ: Օրինակ, եթե հաշմանդամ է կամ ընդգրկված է պետական ֆինանսական աջակցության ծրագրում, ապա այս դեպքում բուժման յուրաքանչյուր կուրսի համար տրամադրում ենք դեղերի համար նախատեսված 60 000 դրամ զեղչ, իսկ եթե հիվանդը չունի արտոնություններ, ապա` 30 000 դրամ զեղչ:

 

Քաղցկեղով շատ հիվանդներ նախընտրում են բուժվել Հայաստանում
–   Կենտրոնը հագեցա՞ծ է համապատասխան դեղերով:

–   Դեղերի մի քանի տեսակներ կան, որոնք հունվարից կավելանան դեղերի ցանկում՝ ի նպաստ մեր հիվանդների: Դեղերի հարցում բազան գրեթե հագեցած է:

–   Բժշկական տեխնիկական հագեցվածությունն ի՞նչ չափանիշներով է գործում:

–   Հայաստանում մեր կենտրոնը միակն է, որն ունի ճառագայթային բուժման եւ քիմիաթերապիայի հնարավորություն: Բաժանմունքի բոլոր բուժսարքերը վերջին սերնդի են եւ բուժման արդյունքները հիմնականում գոհացուցիչ են: Հիվանդը հնարավորոթյուն ունի մեկ վայրում գտնվելով` անցնել հիվանդության ախտորոշման, քիմիաթերապիայի եւ ճառագայթային բուժման ճանապարհով: Բուժման նման մոտեցումը՝ համակենտրոնացումը մեկ վայրում, շատ կարեւոր է բուժման ելքի համար: Մեր կենտրոնում գործում է լավագույն բժշկական սարքերով հագեցած իմունահիստոքննություն, որը ճշգրիտ տվյալներ է ներկայացնում, իսկ դա խիստ անհրաժեշտ է հիվանդության ախտորոշման եւ բուժման համար:

 

Քաղցկեղով շատ հիվանդներ նախընտրում են բուժվել Հայաստանում
–   Ձեր բաժանմունքում ինչպիսի՞ պայմաններում են բուժվում հիվանդները:

–   Բաժանմունքը վերանորոգված է եւ ստեղծված են հարմարավետ պայմաններ: Շատ կարևոր հանգամանքներից է նաև այս գործոնը, քանի որ դրական տրամադրություն է փոխանցվում պացիենտներին: Մեր բաժանմունքում գործում են ստացիոնար եւ ամբուլատոր ծառայություններ: Հիվանդասենյակները կահավորված են անհրաժեշտ ու հարմարավետ պարագաներով: Բուժքույրերի անձնակազմն աշխատում է բարձր մակարդակով եւ այլեւս անցյալում է աշխատակազմի ծանրաբեռնված գրաֆիկով աշխատանքը: Սա նույնպես ծառայության որակյալ սպասարկման համար կարեւոր է: Արդեն գործում է դեղերի հավաքման համար նախատեսված «մեկ կետ» մոտեցումը: Բաժանմունքում տեղակայված է տեղեկատվական տեխնոլոգիայով հագեցած սարք, որն իր մեջ պարունակում է դեղի չափաբաժնի օգտագործման տեղեկություն: Այն փաստաթղթավորվում է, փոխանցվում է դեղերի հավաքման մեկ կետում: Բուժքույրերն իրենց ձեռքի տակ ունեն այդ բազան, որը եւս մեկ անգամ հնարավորություն է տալիս օգտագործված դեղի չափաբաժնի ճշգրտում եւ բուժանձնակազմի կողմից սխալվելու նվազագույն հավանականություն:

 

Քաղցկեղով շատ հիվանդներ նախընտրում են բուժվել Հայաստանում
Մեր կողմից լուծվել է եւս մեկ շատ կարեւոր խնդիր՝ հաղթահարել ենք հիվանդների հերթերի գոյացումը: Շատ դժվար է մեկ բաժանմունքում օրվա ընթացքում շուրջ 100 հիվանդի սպասարկումը: Մեր բաժանմունքի դիմելիությունը մեծ է: Այլեւս հիվանդները մեկ սենյակից մյուսը չեն գնում, օրինակ, հետազոտությունից հետո արդյունքները բուժող բժշկին իրենք չեն փոխանցում եւ ժամերով հերթ չեն կանգնում, քանի որ ամբողջ տեղեկատվության բազան կենտրոնացված է էլեկտրոնային համակարգում: Այս մոտեցումն առավել դյուրին եւ օպերատիվ է դարձնում նաեւ բժիշկների աշխատանքը: Արտերկրներից մեզ այցելած գործընկերները զարմացած են մեր այս աշխատանքային ռիթմի վրա եւ հիացած, որ նման ծանրաբեռնվածությունից հերթեր չեն գոյանում ու ցանկություն ունեն կազմակերպել փորձի փոխանակում:

Մեր առանձնահատկություններից է նաեւ այն, որ բուժման համար գործում է «մեկ մոտեցում» սկզբունքը. առաջնային հիվանդների, առանձնահատուկ եւ բարդ դեպքերի համար բուժանձնակազմի կողմից կազմակերպվում է մասնագիտական հատուկ քննարկում` արդյունավետ բուժում իրականացնելու համար: Համատեղ այս մոտեցումը բուժման ընթացքի վերահսկողության համար շատ կարեւոր է:

 

Քաղցկեղով շատ հիվանդներ նախընտրում են բուժվել Հայաստանում
Շատ կարեւոր է նաեւ բժիշկ-հիվանդ հոգեբանական եւ հուզական ճիշտ հարաբերությունը: Գաղտնիք չէ, որ քաղցկեղով հիվանդները գտնվում են հոգեպես ծանր վիճակում: Մեր բաժանմունքում կան հոգեբաններ, ովքեր անհրաժեշտության դեպքում հիվանդներին ցուցաբերում են հոգեբանական աջակցություն, ինչն օգնում է նրանց հաղթահարելու հիվանդությունը եւ պահպանելու հուզական հավասարակշռվածություն, դրանով իսկ նաև օգնում բժիշկներին` աշխատանքն արդյունավետ կազմակերպելու: Մարդիկ հնարավորություն ունեն նաեւ զրուցելու քաղցկեղը հաղթահարած հիվանդների հետ: Որոշ դեպքերում բժշկի եւ հոգեբանի խոսքը ընկալելի չէ հիվանդի համար, իսկ քաղցկեղը վերապրած հիվանդը, խոսելով հիվանդության մասին, կարողանում է հոգեբանորեն օգնել մեկ այլ հիվանդի, ով նոր է հայտնվել քաղցկեղի ճիրաններում:


–   Արտերկրից բուժման նպատակով դիմո՞ւմ են:

–   Մեծ թիվ են կազմում սփյուռքահայերը, Ռուսաստանից պացիենտները նույնպես շատ են, քանի որ մեր հոգատորությունն ու մարդկային վերաբերմունքը շատ են կարեւորում:

 

Քաղցկեղով շատ հիվանդներ նախընտրում են բուժվել Հայաստանում
–   Հայաստանից շա՞տ են գնում արտերկիր` բուժման նպատակով:

–   Մեր կենտրոնում որակյալ բուժումն ու սպասարկումը վերջին շրջանում, կարելի է ասել, նվազեցրել է օտար երկիր գնալու հանգամանքը: Շատ դեպքեր կան, որ վերադարձել են եւ բուժումը շարունակել մեր բաժանմունքում՝ հասկանալով, որ բուժման մոտեցումն ու պայմանները նույնն են: Միշտ չէ, որ արտերկրում բուժումը կատարվում է գրագետ: Մեր կենտրոնը Հայաստանում միակն է, որն ապահովում է բարձրակարգ բուժում եւ մոտեցում, ներառված է պետպատվեր, անվճար խորհրդատվություն եւ հոգեբանական աջակցություն:

Սկզբնաղբյուր. oncology.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Թոքաբանության ծառայության կազմակերպումը` արդի միջազգային չափանիշներով. nairimed.com
Թոքաբանության ծառայության կազմակերպումը` արդի միջազգային չափանիշներով. nairimed.com

«Նաիրի» ԲԿ թոքաբանական ծառայությունը մատուցում է ամբուլատոր և ստացիոնար բոլոր ծառայությունները, որն իր որակական հատկանիշներով համապատասխանում է ժամանակակից միջազգային չափորոշիչներին, ինչը ժամանակի հրամայականն է...

Բժշկական կազմակերպություններ և կենտրոններ
Ընդհանուր վիրաբուժական ծառայութանը վերաբերող հարցերին պատասխանում է Արմինա Նալբանդյանը. armeniamedicalcenter.am
Ընդհանուր վիրաբուժական ծառայութանը վերաբերող հարցերին պատասխանում է Արմինա Նալբանդյանը. armeniamedicalcenter.am

–   Ինչպիսի՞ վիրաբուժական ախտաբանության դեպքերն են առավել հաճախ վիրահատվում Ձեր բաժանմունքում:

–   Քանի որ բաժանմունքն ընդհանուր վիրաբուժական է, վիրահատում ենք գրեթե բոլոր ախտաբանությունների ժամանակ...

Վիրաբուժություն Բժշկական կազմակերպություններ և կենտրոններ
Ի՞նչ է պետք իմանալ, եթե հոդացավն անհանգստացնում է Ձեզ
Ի՞նչ է պետք իմանալ, եթե հոդացավն անհանգստացնում է Ձեզ

Եթե մարդն առավոտյան արթնանում է բռնված մկաններով, դժվարանում է  շարժվել մեկ ժամից ավելի, և այդ նշանները  պարբերաբար կրկնվում  են,  սա վկայում է առավոտյան մկանային կարկամածության մասին, որը ռևմատոլոգիական հիվանդությունների...

Վնասվածքաբանություն և օրթոպեդիա
Հարցազրույց «Իզմիրլյան» ԲԿ անոթային վիրաբուժության բաժնի վարիչ Վարդան Ոսկանյանի հետ. izmirlianmedicalcenter.com
Հարցազրույց «Իզմիրլյան» ԲԿ անոթային վիրաբուժության բաժնի վարիչ Վարդան Ոսկանյանի հետ. izmirlianmedicalcenter.com

Ե՞րբ է հիմնադրվել անոթային վիրաբուժության բաժանմունքը:


Բաժանմունքն ունի 3 տարվա պատմություն՝անոթային բաժանմունքի հետ կապված ավանդույթներով, որոնք մինչ մեր այս բաժանմունքի ձևավորվելը չկար բուժհաստատությունում...

Բժշկական կազմակերպություններ և կենտրոններ
Ամեն ինչ վահանագեղձի հանգույցների մասին thyroid.am մասնագիտական կայքում
Ամեն ինչ վահանագեղձի հանգույցների մասին thyroid.am մասնագիտական կայքում

Գաղտնիք չէ, որ վահանաձև գեղձի հիվանդությունները ամենաշատ տարածվածներից են Հայաստանում. մեծահասակ բնակչության ավելի քան 60 տոկոսն է տառապում վահանաձև գեղձի տարբեր հիվանդություններով: Բայց կա նաև ուրախալի հանգամանք...

Ներզատաբանություն
Ինֆեկցիոն հիվանդությունները և սեզոնայնությունը. հարցազրույց «Արմենիա» ԲԿ վարակաբան Նաիրա Ծատուրյանի հետ. armeniamedicalcenter.am
Ինֆեկցիոն հիվանդությունները և սեզոնայնությունը. հարցազրույց «Արմենիա» ԲԿ վարակաբան Նաիրա Ծատուրյանի հետ. armeniamedicalcenter.am

Կա՞ն ինֆեկցիոն հիվանդություններ, որոնց հավանականությունը և հանդիպման հաճախականությունը վերջին տարիներին առավել հաճախ է...

Վարակաբանություն
Փսորիազը` հրատապ խնդիր. հարցազրույց Հովհաննես Հովհաննիսյանի հետ
Փսորիազը` հրատապ խնդիր. հարցազրույց Հովհաննես Հովհաննիսյանի հետ

Դեռևս անբուժելի հիվանդություն համարվող փսորիազը մաշկաբանները հեշտությամբ են ախտորոշում: Այն անզեն աչքով էլ կարելի է տեսնել:

Հիվանդության ախտորոշման և ընթացքի մասին  պատմում է մաշկաբան...

Մաշկաբանություն
«Իզմիրլյան» բժշկական կենտրոնի տնօրեն Արմեն Չարչյանի Սուրբ Ծննդյան և Ամանորի շնորհավորանքը և ուղերձը. izmirlianmedicalcenter.com
«Իզմիրլյան» բժշկական կենտրոնի տնօրեն Արմեն Չարչյանի Սուրբ Ծննդյան և Ամանորի շնորհավորանքը և ուղերձը. izmirlianmedicalcenter.com

Հարգելի հայրենակիցներ, շնորհավորում եմ բոլորիս՝ Սուրբ Ծննդյան և գալիք` 2019 թվականի առիթով, ցանկանում եմ, որ 2019 թվականը լինի առողջության, իմաստության, խաղաղության  և կայունության տարի: Մաղթում եմ, որ փոփոխությունների...

Ամփոփում ենք 2018-ը. «Իզմիրլյան» ԲԿ բուժական գծով փոխտնօրեն Տիգրան Նալբանդյանի Ամանորյա շնորհավորական ուղերձը. izmirlianmedicalcenter.com
Ամփոփում ենք 2018-ը. «Իզմիրլյան» ԲԿ բուժական գծով փոխտնօրեն Տիգրան Նալբանդյանի Ամանորյա շնորհավորական ուղերձը. izmirlianmedicalcenter.com

Անցնող 2018 թվականն «Իզմիրլյան» բժշկական կենտրոնի համար հաջողությունների ամրապնդման տարի էր: Նախորդ տարիների համեմատությամբ մենք ունենք հիվանդների դիմելիության և իրականացված վիրահատությունների կտրուկ աճ...

Շնչառական հիվանդացությունը մանկական տարիքում. Սերգեյ Սարգսյան. arabkirjmc.am
Շնչառական հիվանդացությունը մանկական տարիքում. Սերգեյ Սարգսյան. arabkirjmc.am

Շնչառական հիվանդություններն ամենահաճախն են հանդիպում, քանի որ հիմնականում վիրուսային ծագում ունեն և փոխանցվում են օդակաթիլային ճանապարհով: Հետևաբար, քանի դեռ հաճախ հանդիպող շնչառական վիրուսների...

Մանկական հիվանդություններ Թերապիա
Գիտական գործունեությունն Արաբկիր բժշկական համալիրում. Սերգեյ Սարգսյան. arabkirjmc.am
Գիտական գործունեությունն Արաբկիր բժշկական համալիրում. Սերգեյ Սարգսյան. arabkirjmc.am

«Արաբկիր» բժշկական համալիրում իրականացվող գիտական գործունեության մասին:

«Արաբկիր» բժշկական համալիրում, Երեխաների և դեռահասների առողջության ինստիտուտում...

Բժշկական կազմակերպություններ և կենտրոններ
Պլաստիկ վիրաբուժության և միկրովիրաբուժության ծառայությունը «Արմենիա» հանրապետական բժշկական կենտրոնում. Արա Մելիքսեթյան. armeniamedicalcenter.am
Պլաստիկ վիրաբուժության և միկրովիրաբուժության ծառայությունը «Արմենիա» հանրապետական բժշկական կենտրոնում. Արա Մելիքսեթյան. armeniamedicalcenter.am

«Արմենիա» հանրապետական բժշկական կենտրոնի պլաստիկ վիրաբուժության և միկրովիրաբուժության ծառայության գործունեության մասին զրուցեցինք պլաստիկ վիրաբույժ և միկրովիրաբույժ Արա Մելիքսեթյան ի հետ...

Բժշկական կազմակերպություններ և կենտրոններ
Անոթային վիրաբուժության ծառայությունն «Արմենիա» ՀԲԿ-ում. հարցազրույց Վիրաբ Աղաբեկյանի հետ. armeniamedicalcenter.am
Անոթային վիրաբուժության ծառայությունն «Արմենիա» ՀԲԿ-ում. հարցազրույց Վիրաբ Աղաբեկյանի հետ. armeniamedicalcenter.am

«Արմենիա» հանրապետական բժշկական կենտրոնի անոթային վիրաբուժության ծառայության մասին մանրամասներ պարզեցինք` զրուցելով անոթային վիրաբուժության կենտրոնի ղեկավար Վիրաբ Աղաբեկյանի հետ...

Բժշկական կազմակերպություններ և կենտրոններ
Հարցազրույց Հայաստանի միակ կին միկրովիրաբույժի` Թեհմինե Ասատրյանի հետ
Հարցազրույց Հայաստանի միակ կին միկրովիրաբույժի` Թեհմինե Ասատրյանի հետ

Մեր հյուրն է Հայաստանի միակ կին միկրովիրաբույժ, համալսարանական թիվ 1 կլինիկական հիվանդանոցի պլաստիկ, վերականգնողական վիրաբուժության և միկրովիրաբուժության ամբիոնի ավագ դասախոս Թեհմինե Ասատրյանը...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ