Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժշկի ընդունարանում

Հարցազրույց «Իզմիրլյան» բժշկական կենտրոնի բուժական գծով փոխտնօրեն Տիգրան Նալբանդյանի հետ. izmirlianmedicalcenter.com

Հարցազրույց «Իզմիրլյան» բժշկական կենտրոնի բուժական գծով փոխտնօրեն Տիգրան Նալբանդյանի հետ. izmirlianmedicalcenter.com

Մեր զրուցակիցն է «Իզմիրլյան» բժշկական կենտրոնի բուժական գծով փոխտնօրեն, բ.գ.թ., ընդհանուր վիրաբույժ Տիգրան Նալբանդյանը:

–   Բժիշկ Նալբանդյան, մի քանի խոսք «Իզմիրլյան» բժշկական կենտրոնի մասին:

–   Մեր կենտրոնը որպես «Իզմիրլյան» հիվանդանոց իր գործունեությունը ծավալվել է 2013 թվականից: Նախինում կոչվում էր Պրոկտոլոգիայի ինստիտուտ, իսկ 2005 թվականից վերանվալվել էր «Սուրբ Ներսես Մեծ» գիտաբժշկական կենտրոն։

Իզմիրլյան ընտանիքը` Տիգրան Իզմիրլյանի գլխավորությամբ, տարբեր բարեգործական  գործառույթներ է իրականացնում «Իզմիրլյան ֆոնդի» շրջանակում: Մեր հիվանդանոցի վերանորոգման և արդիականացման մեջ այդ ֆոնդը զգալի  ներդրում ունի, այդ պատճառով 2013 թվականին հիվանդանոցը վերանվանվեց «Իզմիրլյան»:

–   Ի՞նչ բաժանմունքներ կան «Իզմիրլյան» բժշկական կենտրոնում:

–   «Իզմիրլյան» բժշկական կենտրոնը նախ՝ Պրոկտոլոգիայի գիտահետազոտական ինստիտուտի, այնուհետևէ  «Սուրբ Ներսես Մեծ» բժշկական կենտրոնի իրավահաջորդն է և, իրավամբ, նրանց  բարի ավանդույթների շարունակողը: «Իզմիրլյան» բժշկական կենտրոնում ներկայում գործում են հետևյալ բաժանմունքները՝ անզգայացման-վերակենդանացման, ուրոլոգիական, օրթոպեդիայի և վնասվածքաբանության, քիթ-կոկորդ-ականջաբանության,  պլաստիկ և միկրովիրաբուժության, ընդհանուր վիրաբուժության  (ներառում է լապարասկոպիկ վիրաբուժությունը և գինեկոլոգիական ծառայությունը) և, ավանդույթի համաձայն, երկու պրոկտոլոգիական բաժանմունք՝ ընդհանուր պրոկտոլոգիա և կոլոպրոկտոլոգիա:

–   Ի՞նչ ձեռքբերումներ և նվաճումներ ունի «Իզմիրլյան» բժշկական կենտրոնը:

–   Կենտրոնի տնօրինության  և ամբողջ բուժանձնակազմի համատեղ ու անձնվեր աշխատանքի շնորհիվ  ներկայում  հիվանդանոցը  հանրապետությունում մեծ հեղինակություն վայելող, միջազգային չափանիշներին համապատասխան բուժկենտրոն է: Մեր վերջին տարիների ձեռքբերումներից են անոթային վիրաբուժության և ճառագայթային ախտորոշման բաժանմունքների լիարժեք ծավալումը: 2017-ին մեր լաբորատորիան ամբողջությամբ հագեցվեց նորագույն սարքերով և հավակնում է դառնալ հանրապետությունում լավագույներից մեկը:

Ամենամեծ ձեռքբերումը և նվաճումն, առաջին հերթին, պացիենտների գոհունակությունն է: Այս տարի` անցյալ տարվա համեմատ, կա դիմելիության 20 տոկոս աճ:

–   Ինչպիսի՞ բուժական և ախտորոշիչ ծառայություններ է իրականացվում կենտրոնում:

–   Էնդոսկոպիկ ծառայությունը հանրապետության լավագույններից է, որտեղ իրականացվում են կոլոնոսկոպիկ և գաստրոսկոպիկ հետազոտություններ՝ իրենց տարատեսակ մեթոդաբանությամբ:

Ճառագայթային ախտորոշման բաժանմունքը ներկայում հագեցած է ժամանակակից, միջազգային չափանիշներին համապատասխանող համակարգչային և մագնիսառեզոնանսային տոմոգրաֆով, բարձրակարգ թվային ռենտգեն և ուլտրաձայնային սարքերով և իրականացնվում են բազմապրոֆիլ բուժծառայություններ` հիմնականում վիրաբուժական ուղղվածությամբ: Գործում են տարբեր բնույթի թերապևտիկ կաբինետներ, որոնք ծանր հիվանդների բուժման գործընթացում օգնում են վիրաբույժների աշխատանքին, ինչպես նաև ընդունում են թերապևտիկ բուժման կարիք ունեցող պացիենտների:

Մեր հպարտություններից է ուրոլոգիական բաժանմունքը, որը հանրապետությունում լավագույններից է և իրականացնում է ամբողջական, եվրոպական չափանիշներին համապատասխանող բուժում: Չկա նորագույն որևէ սարք, որն այս բաժանմունքը չունենա, և չկա որևէ միջամտություն, որ չիրականացնի:

Մեծ ակտիվությամբ և հաջողությամբ գործում է վնասվածքաբանության- օրթոպեդիայի բաժանմունքը: Դա պայմանավորված է նաև պրոֆեսոր Չարչյանի հեղինակությամբ: Այստեղ իրականացվում են հանրապետությունում էնդոպրոթեզավորումների զգալի քանակը:


Մեծ հաջողություն ունի նաև դիմածնոտային վիրաբուժության բաժանմունքը:

Ավանդույթի համաձայն, ակտիվ աշխատում են պրոկտոլոգիական բաժանմունքները, որոնք հագեցած են անհրաժեշտ բոլոր միջոցներով և իրականացնում են մեծ ծավալի լապարոսկոպիկ վիրահատություններ` նորագույն տեխնոլոգիաներով:

–   Ի՞նչ  խնդիրներ կան, որոնք դեռևս լուծման կարիք ունեն:

–   Մեզ մոտ պարբերաբար խնդիրներ են առաջանում մահճակալների հետ կապված, դրանք հաճախ չեն բավարարում հիվանդների քանակին, և, պարբերաբար, ստիպված ենք լինում դադարեցնել հիվանդների ընդունումը:

–   Ի՞նչ առանձնահատուկ գործելակերպ ունեք որդեգրված:

–   Սա հիվանդանոց է, որտեղ առաջին պլան են մղվել նախ` բժշկությունը, բուժական մոտեցումները, նոր միայն` ֆինանսական կողմը: Մեծ բարեգործական միջոցառումներ ենք իրականացնում: Հիվանդանոցը գտնվում է Մայր Աթոռ Սուրբ էջմիածնի հովանու ներքո և դա մեզ պարտավորեցնում է ցուցաբերել առավելագույն գթասիրտ մոտեցում:  Ընդառաջում ենք կենտրոն դիմող կարիքավոր մարդկանց, եթե նրանք վիրահատության համար միջոցներ չեն ունենում, փորձում ենք օգնել հնարավոր և անհնար բոլոր ճանապարհներով: Հիվանդանոցը կատարում է նաև բարեգործական հիմունքներով արտագնա այցեր` հանրապետության մարզեր, Արցախի հանրապետություն, որտեղ իրականացվում են բուժական խորհրդատվություններ և միջոցառումներ: Այս տարի հոկտեմբերին պլանավորված է Արցախի հանրապետություն մեկնել: Արցախի հանրապետություն եռօրյա կամ քառօրյա այցերն արդեն ավանդույթ են դարձել, անցյալ տարի 3 օրերի ընթացքում սպասարկվել է մոտավորապես 1200 հիվանդ և 36 վիրահատություն է կատարվել: Մարզերում հաճախ հնարավոր չէ բուժական օգնություն ցուցաբերել և այցը հիմնականում խորհրդատվական բնույթ է կրում:

–   Ի՞նչ ծրագրեր ունեք ապագայում:

–   Ապագայի հետ կապված բավականին հետաքրքիր գաղափարներ ունենք, որոնք դեռ նախագծեր են: Դրանցից է՝ շենքային պայմանների մեծացումը, որը հնարավորություն կտա ձևավորել նոր բաժանմունքներ՝ հասարակության կողմից  պահանջված ծառայությունների ներդրումով:

–   Ինչպիսի՞ն է հիվանդանոցի հագեցվածությունը:

–   Հիվանդանոցը հագեցած է և՛ բուժման, և՛ ախտորոշման համար անհրաժեշտ ժամանակակից սարքերով:
2016-2017թթ. բուժսարքավորումների մեծամասշտաբ վերազինում կատարվեց բարձրակարգ ընկերությունների նոր սարքերով, ամբողջովին համալրվեց ճառագայթային ախտորոշման բաժանմունքը: Այս գործընթացը շարունակական է, փորձում ենք հետ չմնալ համաշխարհային մոտեցումներից:

–   Ինչպիսի՞ կապեր ունեք արտերկրի բժշկական կենտրոնների և մասնագետների հետ:

–   Մեր բժիշկները պարբերաբար ակտիվորեն մասնակցում են տարբեր գիտաժողովների, սեմինարների ինչպես արտերկրում, այնպես էլ մեր երկրում: Ունենք գործընկերներ, հովանավորներ, որոնք մշտապես աջակցում են մեզ: Բացի այդ, մեզ մոտ երիտասարդ անձնակազմ է, ովքեր անընդհատ աշխատում են իրենց վրա, կատարելագործվում են:

Ուրոլոգիայի բաժանմունքում ամերիկահայ հայտնի մեծ բարերար, ուրոլոգ Կարո Դերձակյանը մշտապես կանգնած է բաժանմունքի կողքին և բոլոր հնարավոր նորություններով, գիտելիքների ուսուցմամբ փորձում է համալրել և օգնել բաժանմունքին: Նա մշտապես այցելում է մեզ:


Վնասվածքաբանության բաժանմունքը Ֆրանսիայի հետ սերտ կապեր ունի, համագործակցում ենք ֆրանսիացի բժիշկների հետ:

 

Վիրաբուժական բաժանմունքը  համագործակցում է առավելապես ռուսական դպրոցի հետ, և այցելությունները մեզ մոտ հաճախ են լինում: Օրինակ, ներկայում հայտնի ուրոլոգ պրոֆեսոր Կասյանը, ով աշխատում է Մոսկվայում, ցուցադրական վիրահատություններ է իրականացնում բաժանմունքի վարիչ Գրաբսկու հետ, որին մասնակցում են նաև մեր երիտասարդ բժիշկները:

–   Ծրագրեր ունե՞ք բժշկական տուրիզմի ուղղությամբ:

–   Բժշկական տուրիզմն ինքնուրույն փորձել այս ծանրաբեռնվածության հետ այնքան էլ դյուրին չէ: Արտերկրից շատ են դիմում դիմածնոտային բաժանմունք, բավականին շատ հիվանդներ կան և հեռավոր երկրներից, օրինակ, ԱՄՆ-ից, որտեղից մեզ դիմում են մեր հայրենակիցները և Հայստան այցելության ժամանակ նաև վիրահատվում են: Ռուսաստանից նպատակային վիրահատության համար դիմող պացիենտներ կան:

Ընդհանուր առմամբ, բժշկական տուրիզմը սաղմնային վիճակում է և այդտեղ լուրջ անելիք կա բոլորի կողմից` ոչ միայն «Իզմիրլյան» կենտրոնի: Դա շատ հեռանկարային, գայթակղիչ գաղափար է, որը մեր ուժերը ներածին չափ կփորձենք զարգացնել:

–   Խոսենք Ձեր մասին:

–   Ես ավարտել եմ Երևանի պետական բժշկական համալսարանը, ասպիրանտուրան ավարտել եմ Բելոռուսիայում, այնտեղ էլ պաշտպանել եմ գիտական թեզը, ստացել գիտությունների թեկնածուի կոչում: Վերադարձել եմ Հայաստան, զորակոչվել եմ բանակ, 10 տարի՝ 2004-2014 թվականներին ծառայել եմ Հայոց բանակում և հպարտ եմ դրանով:  Վարդենիսի զինվորական հոսպիտալում սկսել եմ աշխատել նախ` որպես վիրաբույժ, ապա ստանձնել եմ հոսպիտալի պետի պաշտոնը: Դա, առաջին հերթին, հպարտություն է, որ կարող ես լինել Հայոց բանակի կողքին, քո փոքրիկ լուման ներդնել մեր զինվորի առողջության պահպանման գործում: Դրանք նաև փորձառության տարիներ էին: Դրանից հետո այստեղ եմ աշխատում, վիրաբուժական աշխատանքից չեմ ուզում կտրվել և շարունակում եմ վիրահատություններ կատարել:

Սկզբնաղբյուր. izmirlianmedicalcenter.com
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

ՇՆՈՐՀԱԿԱԼՈՒԹՅՈՒՆ՝ «Նորք-Մարաշ» բժշկական կենտրոնի տնօրեն Միքայել Ադամյանին. պացիենտ Սամվել Խաչատրյան
ՇՆՈՐՀԱԿԱԼՈՒԹՅՈՒՆ՝ «Նորք-Մարաշ» բժշկական կենտրոնի տնօրեն Միքայել Ադամյանին. պացիենտ Սամվել Խաչատրյան

Սիրտս լի է երախտագիտության խոսքերով, այնքան հուզված եմ և, միևնույն ժամանակ, ուրախ, որ չկարողացա չկիսվել...
Ուզում եմ հայտնել ամբողջ աշխարհին, որ դեռ կան մարդիկ, որոնք ուշադիր, բարյացակամ, հոգատար, գերազանց մասնագետներ են...

Համակարգչային տոմոգրաֆիա. հարցազույց «Արմենիա» ԲԿ ռադիոլոգ Ելենա Բաղդասարյանի հետ. armeniamedicalcenter.am
Համակարգչային տոմոգրաֆիա. հարցազույց «Արմենիա» ԲԿ ռադիոլոգ Ելենա Բաղդասարյանի հետ. armeniamedicalcenter.am

Խոսենք համակարգչային տոմոգրաֆիա հետազոտության մասին:

 

Համակարգչային տոմոգրաֆիան (ՀՏ) ժամանակակից հետազոտության մեթոդ է, որը հնարավորություն է տալիս...

Ախտորոշում
Էլեկտրոէնցեֆալոգրաֆիկ հետազոտություն. հարցազրույց «Արմենիա» ԲԿ նեյրոֆիզիոլոգ Աննա Չախոյանի հետ. armeniamedicalcenter.am
Էլեկտրոէնցեֆալոգրաֆիկ հետազոտություն. հարցազրույց «Արմենիա» ԲԿ նեյրոֆիզիոլոգ Աննա Չախոյանի հետ. armeniamedicalcenter.am

Ի՞նչ է էլեկտրոէնցեֆալոգրաֆիկ (ԷԷԳ) հետազոտությունը:

Էլեկտրոէնցելոգրաֆիան գլխուղեղի ֆունկցիոնալ, ոչ ինվազիվ հետազոտություն է բիոէլեկտրական ակտիվության գրանցման միջոցով...

Ախտորոշում Նյարդաբանություն
Սեզոնային դեպրեսիաներ. հարցազրույց Գայանե Ղալումյանի հետ. izmirlianmedicalcenter.com
Սեզոնային դեպրեսիաներ. հարցազրույց Գայանե Ղալումյանի հետ. izmirlianmedicalcenter.com

–   Ի՞նչ ասել է սեզոնային դեպրեսիա:

–   Սեզոնային և հետտոնական դեպրեսիաները սկսում են, երբ տոնական վիճակներն ավարտվում են, սպասելիքները վերանում են...

Հոգեկան առողջություն
Լապարոսկոպիկ վիրահատություն. հաճախ տրվող հարցերին պատասխանում է Տիգրան Լազրի Նալբանդյանը. izmirlianmedicalcenter.com
Լապարոսկոպիկ վիրահատություն. հաճախ տրվող հարցերին պատասխանում է Տիգրան Լազրի Նալբանդյանը. izmirlianmedicalcenter.com

Ի՞նչ է լապարոսկոպիկ վիրահատությունը

Լապարոսկոպիկ վիրահատությունները ժամանակակից վիրաբուժության անքակտելի մասն են,  որի ժամանակ...

Վիրաբուժություն
Էպիթելային պոչուկային ուղիների բորբոքում՝ «պոչուկի կիստա» (Pilonidal sinus disease) արմատական բուժումը. հարցազրույց Ալեքսանդր Ղուրբանյանի հետ. izmirlianmedicalcenter.com
Էպիթելային պոչուկային ուղիների բորբոքում՝ «պոչուկի կիստա» (Pilonidal sinus disease) արմատական բուժումը. հարցազրույց Ալեքսանդր Ղուրբանյանի հետ. izmirlianmedicalcenter.com

-Պրոկտոլոգիական հիվանդությունները Հայաստանում բավականին տարածված են և այդ հիվանդությունների շարքում տարածվածությամբ աչքի է ընկնում «պոչուկի կիստա» կոչվող՝ էպիթելային պոչուկային ուղիների բորբոքում...

Վիրաբուժություն
Թոքաբանության ծառայության կազմակերպումը` արդի միջազգային չափանիշներով. nairimed.com
Թոքաբանության ծառայության կազմակերպումը` արդի միջազգային չափանիշներով. nairimed.com

«Նաիրի» ԲԿ թոքաբանական ծառայությունը մատուցում է ամբուլատոր և ստացիոնար բոլոր ծառայությունները, որն իր որակական հատկանիշներով համապատասխանում է ժամանակակից միջազգային չափորոշիչներին, ինչը ժամանակի հրամայականն է...

Բժշկական կազմակերպություններ և կենտրոններ
Ընդհանուր վիրաբուժական ծառայութանը վերաբերող հարցերին պատասխանում է Արմինա Նալբանդյանը. armeniamedicalcenter.am
Ընդհանուր վիրաբուժական ծառայութանը վերաբերող հարցերին պատասխանում է Արմինա Նալբանդյանը. armeniamedicalcenter.am

–   Ինչպիսի՞ վիրաբուժական ախտաբանության դեպքերն են առավել հաճախ վիրահատվում Ձեր բաժանմունքում:

–   Քանի որ բաժանմունքն ընդհանուր վիրաբուժական է, վիրահատում ենք գրեթե բոլոր ախտաբանությունների ժամանակ...

Վիրաբուժություն Բժշկական կազմակերպություններ և կենտրոններ
Ի՞նչ է պետք իմանալ, եթե հոդացավն անհանգստացնում է Ձեզ
Ի՞նչ է պետք իմանալ, եթե հոդացավն անհանգստացնում է Ձեզ

Եթե մարդն առավոտյան արթնանում է բռնված մկաններով, դժվարանում է  շարժվել մեկ ժամից ավելի, և այդ նշանները  պարբերաբար կրկնվում  են,  սա վկայում է առավոտյան մկանային կարկամածության մասին, որը ռևմատոլոգիական հիվանդությունների...

Վնասվածքաբանություն և օրթոպեդիա
Հարցազրույց «Իզմիրլյան» ԲԿ անոթային վիրաբուժության բաժնի վարիչ Վարդան Ոսկանյանի հետ. izmirlianmedicalcenter.com
Հարցազրույց «Իզմիրլյան» ԲԿ անոթային վիրաբուժության բաժնի վարիչ Վարդան Ոսկանյանի հետ. izmirlianmedicalcenter.com

Ե՞րբ է հիմնադրվել անոթային վիրաբուժության բաժանմունքը:


Բաժանմունքն ունի 3 տարվա պատմություն՝անոթային բաժանմունքի հետ կապված ավանդույթներով, որոնք մինչ մեր այս բաժանմունքի ձևավորվելը չկար բուժհաստատությունում...

Բժշկական կազմակերպություններ և կենտրոններ
Ամեն ինչ վահանագեղձի հանգույցների մասին thyroid.am մասնագիտական կայքում
Ամեն ինչ վահանագեղձի հանգույցների մասին thyroid.am մասնագիտական կայքում

Գաղտնիք չէ, որ վահանաձև գեղձի հիվանդությունները ամենաշատ տարածվածներից են Հայաստանում. մեծահասակ բնակչության ավելի քան 60 տոկոսն է տառապում վահանաձև գեղձի տարբեր հիվանդություններով: Բայց կա նաև ուրախալի հանգամանք...

Ներզատաբանություն
Ինֆեկցիոն հիվանդությունները և սեզոնայնությունը. հարցազրույց «Արմենիա» ԲԿ վարակաբան Նաիրա Ծատուրյանի հետ. armeniamedicalcenter.am
Ինֆեկցիոն հիվանդությունները և սեզոնայնությունը. հարցազրույց «Արմենիա» ԲԿ վարակաբան Նաիրա Ծատուրյանի հետ. armeniamedicalcenter.am

Կա՞ն ինֆեկցիոն հիվանդություններ, որոնց հավանականությունը և հանդիպման հաճախականությունը վերջին տարիներին առավել հաճախ է...

Վարակաբանություն
Փսորիազը` հրատապ խնդիր. հարցազրույց Հովհաննես Հովհաննիսյանի հետ
Փսորիազը` հրատապ խնդիր. հարցազրույց Հովհաննես Հովհաննիսյանի հետ

Դեռևս անբուժելի հիվանդություն համարվող փսորիազը մաշկաբանները հեշտությամբ են ախտորոշում: Այն անզեն աչքով էլ կարելի է տեսնել:

Հիվանդության ախտորոշման և ընթացքի մասին  պատմում է մաշկաբան...

Մաշկաբանություն
«Իզմիրլյան» բժշկական կենտրոնի տնօրեն Արմեն Չարչյանի Սուրբ Ծննդյան և Ամանորի շնորհավորանքը և ուղերձը. izmirlianmedicalcenter.com
«Իզմիրլյան» բժշկական կենտրոնի տնօրեն Արմեն Չարչյանի Սուրբ Ծննդյան և Ամանորի շնորհավորանքը և ուղերձը. izmirlianmedicalcenter.com

Հարգելի հայրենակիցներ, շնորհավորում եմ բոլորիս՝ Սուրբ Ծննդյան և գալիք` 2019 թվականի առիթով, ցանկանում եմ, որ 2019 թվականը լինի առողջության, իմաստության, խաղաղության  և կայունության տարի: Մաղթում եմ, որ փոփոխությունների...

Ամփոփում ենք 2018-ը. «Իզմիրլյան» ԲԿ բուժական գծով փոխտնօրեն Տիգրան Նալբանդյանի Ամանորյա շնորհավորական ուղերձը. izmirlianmedicalcenter.com
Ամփոփում ենք 2018-ը. «Իզմիրլյան» ԲԿ բուժական գծով փոխտնօրեն Տիգրան Նալբանդյանի Ամանորյա շնորհավորական ուղերձը. izmirlianmedicalcenter.com

Անցնող 2018 թվականն «Իզմիրլյան» բժշկական կենտրոնի համար հաջողությունների ամրապնդման տարի էր: Նախորդ տարիների համեմատությամբ մենք ունենք հիվանդների դիմելիության և իրականացված վիրահատությունների կտրուկ աճ...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ