Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժշկի ընդունարանում

Հարցազրույց ցողունային բջիջների կրիոբանկը ներկայացնող Բիոսթեմ ընկերության տնօրեն Տաճատ Ասատուրյանի հետ

Հարցազրույց ցողունային բջիջների կրիոբանկը ներկայացնող Բիոսթեմ ընկերության տնօրեն Տաճատ Ասատուրյանի հետ

Ցողունային բջիջների, դրանց պրակտիկ կիրառման, առանձնահատկությունների և բանկի առաջարկների մասին զրուցեցինք Բիոսթեմ ընկերության տնօրեն Տաճատ Ասատուրյանի հետ:

 

1.  Ի՞նչ են ցողունային բջիջները:

Ցողունային բջիջները մարդու օրգանիզմում արյան ձևավոր տարրերի՝ թրոմբոցիտների, էրիթրոցիտների նախահայրերն են, որոնցից առաջանում են արյան կարևոր տարրերը: Ծնված օրվանից մարդու օրգանիզմում առկա են ցողունային բջիջներ, որոնք կյանքի ընթացքում նվազում են:

2.  Ինչո՞վ են ցողունային բջիջները տարբերվում այլ բջիջներից:

Ցողունային բջիջները մյուս բջիջներից տարբերվում են նրանով, որ կարող են ձևափոխվել և դառնալ այլ բջիջներ: Եթե որևէ տեղ օրգանիզմում բջիջներ են վնասվում, ցողունային բջիջները տեղակայվում են այդ օջախում և ձևափոխվելով դառնում տվյալ հյուսվածքին բնորոշ բջիջներ` փոխարինելով վնասված բջիջներին:

3.Որտե՞ղ են «ապրում» ցողունային բջիջները:

Ցողունային բջիջներն ապրում են մարդու օրգանիզմում` ամենուրեք: Արյան հոսքով նրանք շրջանառում են ամբողջ օրգանիզմով և, գտնելով վնասված բջիջներով հյուսվածք, վերականգնում են այդ հյուսվածքը: Ցողունային բջիջների աղբյուր են հանդիսանում խոշոր ոսկրերը՝ կրծոսկր, ազդրոսկր, և խողովակավոր ոսկրեր:

 


4.  Ինչո՞ւ է անհրաժեշտ պահպանել ցողունային բջիջները

Ցողունային բջիջների պահպանման հիմնական նպատակը ապագայում երեխաների կյանքն ապահովագրելն է մի շարք հիվանդություններից, որոնց բուժման արդյունավետությունը ցողունային բջիջների կիրառման դեպքում անհամեմատ բարձր է: Այդ հիվանդությունների ցանկը բավականին մեծ է, ընդ որում, հաճախակի հանդիպող հիվանդություններ են, ինչպես օրինակ` լեյկոզը, լիմֆոման և այլն,:


5.  Ցողունային բջիջների ի՞նչ տեսակներ կարելի է օգտագործել:

Ցողունային բջիջները, սովորաբար, լինում են երեք տեսակ.

 

  • հեմոպոետիկ` արյան մեջ բնակվող,
  • մեզենխիմալ` հյուսվածքներում բնակվող


Оնկոհեմատոլոգիայում հիմնականում օգտագործվում են հեմոպոետիկ արյունից ստացվող բջիջներ: Մեզենխիմալ բջիջները վերցվում են հյուսվածքներից, պորտալարից, ճարպերից և կաթնատամներից: Այս բջիջներն՝ ի տարբերություն մյուս տեսակների, հնարավոր է կուլտիվացնել: Համաշխարհային պրակտիկայում կա փորձ, որ նրանց աճեցման ընթացքում հնարավոր է համապատասխան հյուսվածքների ստեղծման ուղղվածություն տալ՝ մաշկ, աճառային հյուսվածք, լյարդ, թոք և այլն: Սա գենային իժեներիայի մեջ կիրառվող և բավականին մեծ ապագա ունեցող գործառույթ է:

Կոսմետոլոգիայում և վերականգնողական բժշկության մեջ կիրառվում են պորտալարից, կաթնատամներից և ճարպից ստացված մեզենխիմալ բջիջները: Որքան երիտասարդ է օրգանիզմը, այնքան ցողունային բջիջներն ակտիվ ու կենսունակ են և առավել արդյունավետ: Ճարպից, սովորաբար, բջիջներ վերցվում են շատ հազվադեպ, երբ չկա այլընտանք, որպես վերջին տարբերակ, քանի որ քիչ արդյունավետ են:

6.  Պորտալային արյո՞ւն, թե՞ ոսկրածուծ: Ինչո՞ւմն է պորտալարային արյան և ոսկրածուծի ցողունային բջիջների կիրառման տարբերությունը:

Ժամանակին որպես ցողունային բջիջների աղբյուր օգտագործվում էր ոսկրածուծը: Սակայն բժշկագիտությունն այսօր շատ ավելի է զարգացել և այդ նույն ցողունային բջիջները վերցվում են ոչ թե ոսկրածուծից, որը բավականին տրավմատիկ է և ցավոտ, այլ ստանում են`ծակելով հաստ, խոշոր ոսկրերը և ներարկում համապատասխան հիվանդին, կամ օգտագործում են արյունից ստացած հեմոպոետիկ բջիջները: Սեպարատրի միջոցով դոնորի մոտ ստիմուլյացիա է իրականացվում և երբ արյունը համապատասխան սարքով պտտվում է, հավաքվում են ցողունային բջիջները:

 


7.  Ինչու՞ պահպանել պորտալարային արյան ցողունային բջիջները և հյուսվածքները: Հնարավո՞ր է երեխայի ցողունային բջիջներն օգտագործել բուժման նպատակով:

Երեխայի ցողունային բջիջները հենց բուժման նպատակով էլ պահվում են: Դա կենսաբանական նյութ է, որը հնարավոր է վերցնել երեխայի ծննդյան ժամանակ՝ չվնասելով ո՛չ մորը, ո՛չ երեխային և ապահովագրել երեխայի առողջությունն ապագայում՝ դրանք կիրառելով փոխպատվաստման նպատակով: Դա հնարավորություն է որոշ դեպքերում օգնել նաև այդ երեխայի քույրերին և եղբայրներին: Այդ ուղղությամբ բժշկության մեջ արդեն բավականին կուտակված փորձ կա:


8.  Հատկապես ովքե՞ր հատուկ ուշադրություն դարձնեն պորտալարային արյան բջիջների պահպանման հնարավորությանը:


Ռիսկային խմբի մարդիկ, ովքեր անցյալում ունեցել կամ ներկայում ունեն վերոնշյալ հիվանդություններով տառապող հարազատներ: Իհարկե՛, ապացուցված չէ, որ այդ հիվանդությունները կարող են փոխանցվել ժառանգականորեն, բայց, ապահովության համար, այդ մարդիկ ընդգրկվում են ռիսկային խմբում: Թեև գիտականորեն ապացուցված չէ արհեստական ճանապարհով հղիությունից ծնված երեխաներին վերաբերող որևէ խնդիր, սակայն ապագայի նկատմամբ անորոշությունը ստիպում է ապահովագրված լինել:


9. Ինչո՞ւ պահպանել առողջ երեխայի ցողունային բջիջները: Ինչու՞ է անհրաժեշտ կատարել «բջջային դեպոզիդ» կրիոբանկում:

Բջջային դեպոզիդը նույնն է, ինչ ցանկացած դեպոզիտային բանկը, որտեղ պահպանվում են թանկարժեք իրեր: Այս պարագայում կատարվում է առողջության դեպոզիտարիա` որպես մարդու առողջության երաշխավոր ապագայում, իսկ մարդու առողջությունն ամենաթանկն է` անհնար վերածելու գումարային արժեքի:


10. Ի՞նչ է պորտալարային արյունը:

Պորտալարային արյան մեջ առկա են ամենակենսունակ և ամենաառողջ ցողունային բջիջները, որոնք հավաքվում, կոնսերվացվում, հեղուկ ազոտով սառեցվում և պահպանվում են: Այդ վիճակում նրանք չեն ծերանում, մնում են նույն վիճակում, նույն կենսունակությամբ և կարիքի դեպքում կիրառվում են ըստ ցուցմունքի:



11. Կա՞ իմաստ պահպանելու ցողունային բջիջները և՛պլացենտայից, և՛ պորտալարային արյունից:

Հարցը սխալ է, քանի որ պորտալարային և պլացենտար արյունը նույն արյունն է: Արյունը պլացենտայից է պորտալարով գնում դեպի պտուղ: Իհարկե՛, եթե պորտալարից վերցրած արյունը չի բավարարում, վերցվում է նաև պլացենտայից, բայց դա նույն արյունն է:

Ցանկալի է պահպանել ո՛չ միայն պորտալարային արյունը, որը հեմոպոետիկ բջիջներ է պարունակում, այլ նաև պորտալարը՝ մեզենխիմալ բջիջներ ևս ունենալու համար: Իսկ դրանց կիրառումը տարբեր է: Դա ցանկության և հնարավորության հարց է, բոլոր դեպքերում, առաջնային և կարոր նշանակություն արյունն ունի:


12. Կարո՞ղ են երեխայի պորտալարային արյան ցողունային բջիջներն օգտագործել ընտանիքի այլ անդամների` հարազատների բուժման նպատակով: Նորածինների ցողունային բջիջների պահպանումը կենսաբանական ապահովագրում է ամբո՞ղջ ընտանիքի համար :

Ամբողջ ընտանիքի համար դա կիրառելի չէ: Եթե հարցը վերաբերվում է  հորը, մորը և երեխային, ապա նրանց երեխան չի կարող օգնել, որովհետև երեխան ծնվելիս վերցնում է  50% մոր և 50% հոր արյունը: Կիրառման հնարավորությունը և արդյունավետությունը մեծ է քույրերի և եղբայրների համար: Եթե ընտանիքում կա չորս երեխա, նրանց մոտ հավանականությունը 25% է, երեք երեխայի դեպքում, բնականաբար, տոկոսային հարաբերությունը փոխվում է:

13.  Էլ ո՞վ կարող է օգտագործել երեխայի պորտալարային արյունը:

Բոլորն ունեն իրենց նմանակները, որոնց, գուցե, հնարավոր է գտնել: Նման դեպքում ցողունային բջիջները կարող են օգտակար լինել: Լինում են դեպքեր, երբ մարդ չի ցանկանում այլևս պահպանել այդ բջիջները, կամ ցանկանում է նվիրաբերել մեկ այլ մարդու: Դրա համար գոյություն ունեն հանրային բանկեր, որտեղ կարելի է հանձնել ցողունային բջիջները, իսկ բանկերն, իրենց հերթին, կարող են տրամադրել դրանց կարիքն ունեցողներին:

14. Կա՞ տարիքային սահմանափակում ցողունային բջիջների կիրառման ժամանակ:

Ցողունային բջիջների փոխպատվաստման արդյունավետությունը, սովորաբար, 60 տարեկանից հետո շատ ցածր է, որի դեպքում հիվանդները հիվանդանոցից հազվադեպ են տուն վերադառնում: Այս պարագայում տարբեր երկրներ տարբեր մոտեցում են ցուցաբերում: Եվրոպական երկրներում` բժշկական արձանագրությունների համաձայն, 60 տարեկանից հետո այլևս ցողունային բջիջների փոխպատվաստում չի իրականացվում, իսկ, օրինակ` ԱՄն-ում, կիրառում են առանց տարիքային սահմանափակման:



15. Ի՞նչ է նշանակում նորածնի գենետիկ անձնագիր:

Գենետիկ անձնագիրը կապ չունի ցողունային բջիջների հետ: Դա տվյալ անձի գենետիկ շղթայի որոշակի հատվածի տիպավորումն է, որով կարելի է հասկանալ, թե այն ինչ կառուցվածք ունի: Դա կիրառվում է և՛ օրգանների, և՛ այլ փոխպատվաստումների ժամանակ, հարկ եղած դեպքում, դոնոր-ռեցիպիենտին դա պարտադիր գործառույթ է:  Ինչ վերաբերում է ցողունային բջիջներին, հավաքագրման դեպքում դա այնքան էլ պարտադիր չէ, որովհետև վերցված արյունը նույն օրգանիզն է ներարկվելու:


16. Բժշկության ո՞ր ոլորտներում, ի՞նչ հիվանդությունների ժամանակ են կիրառվում ցողունային բջիջները:

Առաջին հերթին, դա օնկոհեմատոլոգիան է, իմունագենետիկ, նյարդաբանական, սրտաբանական  հիվանդությունները, ստոմատոլոգիական, պլաստիկ վիրաբուժության բնագավառները:

Ներկայում հետազոտություններ են իրականացվում այլ հիվանդությունների դեպքում ևս կիրառել ցողունային բջիջները: Փորձարկվում են շաքարային դիաբետի, ենթաստամոքսային գեղձի ախտահարումների, Դաունի համախտանիշի, աուտիզմի, աթերոսկլերոզի, Այցհեյմերի հիվանդության ժամանակ ցողունային բջիջների փոխպատվաստման արդյունավետությունը պարզելու համար:

17. Կյանքի երկարատևության ի՞նչ հավանականություն կա պացիենտի մոտ, ով օգտագործել է իր ցողունային բջիջները:

Եթե մարդը հիվանդացել է և բուժվել ցողունային բջիջների փոխպատվաստմամբ, դա երաշխիք չէ, որ այդ հիվանդությունն այլևս չի կրկնվի: Եթե հիվանդությունը կրկնվում է, ներարկումը նույնպես պետք է կրկնել: Դա, իհարկե, անհատական մոտեցում պահանջող միջամտություն է: Եթե հիվանդությունը չի կրկնվում, ուրեմն նա կարող է ապրել բնականոն կյանքով, ինչպես բոլորը:


 


18. Բջիջների ի՞նչ քանակ է անհրաժեշտ:

Անհրաժեշտ բջիջների քանակը որոշվում է հիվանդի քաշից ելնելով: Եթե բջիջների քանակը մեկ միլիոնից պակաս է հավաքագրվում, որն այնքան էլ ցանկալի չէ, ամեն դեպքում, պահպանում են, քանի որ հարկ եղած դեպքում` գտնված դոնորի բջիջների հետ սեփական ցողունային բջիջների որոշակի քանակի կիրառումը փոխպատվաստումը դարձնում է դյուրին: Պրակտիկայում այդպես էլ լինում է, քանի որ բջիջների քանակը (50-60 կգ քաշի դեպքում` 4-8 մլն բջիջ) սովորաբար չի բավարարում:

Լինում են դեպքեր, երբ պայմաններից ելնելով, ցողունային բջիջների քիչ քանակ է հավաքվում: Դրանք են. հղիի տարիքը, հղիության ընթացքը, այդ ժամանակ ի հայտ եկած խնդիրները, պորտալարից հավաքված արյան քանակը և այլն: Ուստի անհնար է նախապես որոշել պահպանվող բջիջների քանակը: Յուրաքանչյուր դեպքի համար այն կարող է ամենատարբեր լինել, և յուրաքանչյուր դեպքում կիրառման սպասելիքները տարբեր են: Սովորաբար, հիմնական ցուցանիշը 2.5-3 մլն բջիջ է: Այդ քանակը բավարարում է միանվագ օգտագործման համար և ոչ մեծ քաշի դեպքում: Միայն փոքրերի համար է քիչ քանակը բավարար՝ 1-1.5 մլն:

19.Կա՞ն պորտալային արյան բջիջների կիրառման սահմանափակումներ:

Սահմանափակումներ չկան: Եթե անգամ այդ փոխպատվաստումը տվյալ դեպքում արդյունք չի տա, ապա վնաս նույնպես չի կարող պատճառել:



20. Ե՞րբ արժե մտածել ցողունային բջիջների պահպանման հնարավորության մասին:


Բջիջների պահպանման մասին կարելի է մտածել, երբ կա հղիություն: Ապագա ծնողները նախապես պետք է որոշում կայացնեն և նախքան երեխայի ծնունդը անձնագրերով ներկայանան գրասենյակ, կնքեն եռակողմ պայմանագիր: Հաջորդ քայլը նրանց պարկիկներ հանձնելն է, որտեղ պետք է հավաքվի ցողունային բջիջներով հարուստ նյութը:


Ծննդատուն ըմդունվելիս հղին անհրաժեշտ իրերի հետ միասին վերցնում է նաև այդ պարկիկնեըը: Հատկապես Երևան քաղաքի գրեթե բոլոր ծննդատները տեղեկացված են, թե այդ գործընթացն ինչպես է իրականանում: Ծննդաբերությունից հետո պարկիկները տրամադրում են լաբորատորիային, որտեղ էլ կատարվում է համապատասխան մշակումը:


21.Կա՞ն կրոնական առարկություններ:

Բացի Եհովայի վկաներից, որևէ այլ կրոն արգելք չի դնում ցողունային բջիջների փոխպատվաստման համար:

22.Կա՞ն պորտալարային արյան հավաքման, ցողունային բջիջների առանձնացման և պահպանման հակացուցումներ:

Իհարկե՛, կան: Արյունը հավաքելուց հետո պարտադիր պայմաններից մեկն է, որ այն ենթարկվի լաբորատոր հետազոտության, որի արդյունքներից ելնելով որոշվում է հետագա ընթացքը: Եթե հայտնաբերվում ախտաբանություն, օրինակ` հեպատիտ C, ՄԻԱՎ վարակ, անաէրոբ պայմաններում աճող մանրէներ, բնականաբար, այդ նմուշների պահպանումն իմաստազրկվում է: Սակայն, եթե ծնողները պնդում են, որ գուցե հետագայում այդ հիվանդությունները դառնան բուժելի, իսկ նմուշն այդ դեպքում` կիրառելի, ցողունային բջիջները պահպանվում են: Ընտրությունը ծնողներինն է:

 

 

med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

ՇՆՈՐՀԱԿԱԼՈՒԹՅՈՒՆ՝ «Նորք-Մարաշ» բժշկական կենտրոնի տնօրեն Միքայել Ադամյանին. պացիենտ Սամվել Խաչատրյան
ՇՆՈՐՀԱԿԱԼՈՒԹՅՈՒՆ՝ «Նորք-Մարաշ» բժշկական կենտրոնի տնօրեն Միքայել Ադամյանին. պացիենտ Սամվել Խաչատրյան

Սիրտս լի է երախտագիտության խոսքերով, այնքան հուզված եմ և, միևնույն ժամանակ, ուրախ, որ չկարողացա չկիսվել...
Ուզում եմ հայտնել ամբողջ աշխարհին, որ դեռ կան մարդիկ, որոնք ուշադիր, բարյացակամ, հոգատար, գերազանց մասնագետներ են...

Համակարգչային տոմոգրաֆիա. հարցազույց «Արմենիա» ԲԿ ռադիոլոգ Ելենա Բաղդասարյանի հետ. armeniamedicalcenter.am
Համակարգչային տոմոգրաֆիա. հարցազույց «Արմենիա» ԲԿ ռադիոլոգ Ելենա Բաղդասարյանի հետ. armeniamedicalcenter.am

Խոսենք համակարգչային տոմոգրաֆիա հետազոտության մասին:

 

Համակարգչային տոմոգրաֆիան (ՀՏ) ժամանակակից հետազոտության մեթոդ է, որը հնարավորություն է տալիս...

Ախտորոշում
Էլեկտրոէնցեֆալոգրաֆիկ հետազոտություն. հարցազրույց «Արմենիա» ԲԿ նեյրոֆիզիոլոգ Աննա Չախոյանի հետ. armeniamedicalcenter.am
Էլեկտրոէնցեֆալոգրաֆիկ հետազոտություն. հարցազրույց «Արմենիա» ԲԿ նեյրոֆիզիոլոգ Աննա Չախոյանի հետ. armeniamedicalcenter.am

Ի՞նչ է էլեկտրոէնցեֆալոգրաֆիկ (ԷԷԳ) հետազոտությունը:

Էլեկտրոէնցելոգրաֆիան գլխուղեղի ֆունկցիոնալ, ոչ ինվազիվ հետազոտություն է բիոէլեկտրական ակտիվության գրանցման միջոցով...

Ախտորոշում Նյարդաբանություն
Սեզոնային դեպրեսիաներ. հարցազրույց Գայանե Ղալումյանի հետ. izmirlianmedicalcenter.com
Սեզոնային դեպրեսիաներ. հարցազրույց Գայանե Ղալումյանի հետ. izmirlianmedicalcenter.com

–   Ի՞նչ ասել է սեզոնային դեպրեսիա:

–   Սեզոնային և հետտոնական դեպրեսիաները սկսում են, երբ տոնական վիճակներն ավարտվում են, սպասելիքները վերանում են...

Հոգեկան առողջություն
Լապարոսկոպիկ վիրահատություն. հաճախ տրվող հարցերին պատասխանում է Տիգրան Լազրի Նալբանդյանը. izmirlianmedicalcenter.com
Լապարոսկոպիկ վիրահատություն. հաճախ տրվող հարցերին պատասխանում է Տիգրան Լազրի Նալբանդյանը. izmirlianmedicalcenter.com

Ի՞նչ է լապարոսկոպիկ վիրահատությունը

Լապարոսկոպիկ վիրահատությունները ժամանակակից վիրաբուժության անքակտելի մասն են,  որի ժամանակ...

Վիրաբուժություն
Էպիթելային պոչուկային ուղիների բորբոքում՝ «պոչուկի կիստա» (Pilonidal sinus disease) արմատական բուժումը. հարցազրույց Ալեքսանդր Ղուրբանյանի հետ. izmirlianmedicalcenter.com
Էպիթելային պոչուկային ուղիների բորբոքում՝ «պոչուկի կիստա» (Pilonidal sinus disease) արմատական բուժումը. հարցազրույց Ալեքսանդր Ղուրբանյանի հետ. izmirlianmedicalcenter.com

-Պրոկտոլոգիական հիվանդությունները Հայաստանում բավականին տարածված են և այդ հիվանդությունների շարքում տարածվածությամբ աչքի է ընկնում «պոչուկի կիստա» կոչվող՝ էպիթելային պոչուկային ուղիների բորբոքում...

Վիրաբուժություն
Թոքաբանության ծառայության կազմակերպումը` արդի միջազգային չափանիշներով. nairimed.com
Թոքաբանության ծառայության կազմակերպումը` արդի միջազգային չափանիշներով. nairimed.com

«Նաիրի» ԲԿ թոքաբանական ծառայությունը մատուցում է ամբուլատոր և ստացիոնար բոլոր ծառայությունները, որն իր որակական հատկանիշներով համապատասխանում է ժամանակակից միջազգային չափորոշիչներին, ինչը ժամանակի հրամայականն է...

Բժշկական կազմակերպություններ և կենտրոններ
Ընդհանուր վիրաբուժական ծառայութանը վերաբերող հարցերին պատասխանում է Արմինա Նալբանդյանը. armeniamedicalcenter.am
Ընդհանուր վիրաբուժական ծառայութանը վերաբերող հարցերին պատասխանում է Արմինա Նալբանդյանը. armeniamedicalcenter.am

–   Ինչպիսի՞ վիրաբուժական ախտաբանության դեպքերն են առավել հաճախ վիրահատվում Ձեր բաժանմունքում:

–   Քանի որ բաժանմունքն ընդհանուր վիրաբուժական է, վիրահատում ենք գրեթե բոլոր ախտաբանությունների ժամանակ...

Վիրաբուժություն Բժշկական կազմակերպություններ և կենտրոններ
Ի՞նչ է պետք իմանալ, եթե հոդացավն անհանգստացնում է Ձեզ
Ի՞նչ է պետք իմանալ, եթե հոդացավն անհանգստացնում է Ձեզ

Եթե մարդն առավոտյան արթնանում է բռնված մկաններով, դժվարանում է  շարժվել մեկ ժամից ավելի, և այդ նշանները  պարբերաբար կրկնվում  են,  սա վկայում է առավոտյան մկանային կարկամածության մասին, որը ռևմատոլոգիական հիվանդությունների...

Վնասվածքաբանություն և օրթոպեդիա
Հարցազրույց «Իզմիրլյան» ԲԿ անոթային վիրաբուժության բաժնի վարիչ Վարդան Ոսկանյանի հետ. izmirlianmedicalcenter.com
Հարցազրույց «Իզմիրլյան» ԲԿ անոթային վիրաբուժության բաժնի վարիչ Վարդան Ոսկանյանի հետ. izmirlianmedicalcenter.com

Ե՞րբ է հիմնադրվել անոթային վիրաբուժության բաժանմունքը:


Բաժանմունքն ունի 3 տարվա պատմություն՝անոթային բաժանմունքի հետ կապված ավանդույթներով, որոնք մինչ մեր այս բաժանմունքի ձևավորվելը չկար բուժհաստատությունում...

Բժշկական կազմակերպություններ և կենտրոններ
Ամեն ինչ վահանագեղձի հանգույցների մասին thyroid.am մասնագիտական կայքում
Ամեն ինչ վահանագեղձի հանգույցների մասին thyroid.am մասնագիտական կայքում

Գաղտնիք չէ, որ վահանաձև գեղձի հիվանդությունները ամենաշատ տարածվածներից են Հայաստանում. մեծահասակ բնակչության ավելի քան 60 տոկոսն է տառապում վահանաձև գեղձի տարբեր հիվանդություններով: Բայց կա նաև ուրախալի հանգամանք...

Ներզատաբանություն
Ինֆեկցիոն հիվանդությունները և սեզոնայնությունը. հարցազրույց «Արմենիա» ԲԿ վարակաբան Նաիրա Ծատուրյանի հետ. armeniamedicalcenter.am
Ինֆեկցիոն հիվանդությունները և սեզոնայնությունը. հարցազրույց «Արմենիա» ԲԿ վարակաբան Նաիրա Ծատուրյանի հետ. armeniamedicalcenter.am

Կա՞ն ինֆեկցիոն հիվանդություններ, որոնց հավանականությունը և հանդիպման հաճախականությունը վերջին տարիներին առավել հաճախ է...

Վարակաբանություն
Փսորիազը` հրատապ խնդիր. հարցազրույց Հովհաննես Հովհաննիսյանի հետ
Փսորիազը` հրատապ խնդիր. հարցազրույց Հովհաննես Հովհաննիսյանի հետ

Դեռևս անբուժելի հիվանդություն համարվող փսորիազը մաշկաբանները հեշտությամբ են ախտորոշում: Այն անզեն աչքով էլ կարելի է տեսնել:

Հիվանդության ախտորոշման և ընթացքի մասին  պատմում է մաշկաբան...

Մաշկաբանություն
«Իզմիրլյան» բժշկական կենտրոնի տնօրեն Արմեն Չարչյանի Սուրբ Ծննդյան և Ամանորի շնորհավորանքը և ուղերձը. izmirlianmedicalcenter.com
«Իզմիրլյան» բժշկական կենտրոնի տնօրեն Արմեն Չարչյանի Սուրբ Ծննդյան և Ամանորի շնորհավորանքը և ուղերձը. izmirlianmedicalcenter.com

Հարգելի հայրենակիցներ, շնորհավորում եմ բոլորիս՝ Սուրբ Ծննդյան և գալիք` 2019 թվականի առիթով, ցանկանում եմ, որ 2019 թվականը լինի առողջության, իմաստության, խաղաղության  և կայունության տարի: Մաղթում եմ, որ փոփոխությունների...

Ամփոփում ենք 2018-ը. «Իզմիրլյան» ԲԿ բուժական գծով փոխտնօրեն Տիգրան Նալբանդյանի Ամանորյա շնորհավորական ուղերձը. izmirlianmedicalcenter.com
Ամփոփում ենք 2018-ը. «Իզմիրլյան» ԲԿ բուժական գծով փոխտնօրեն Տիգրան Նալբանդյանի Ամանորյա շնորհավորական ուղերձը. izmirlianmedicalcenter.com

Անցնող 2018 թվականն «Իզմիրլյան» բժշկական կենտրոնի համար հաջողությունների ամրապնդման տարի էր: Նախորդ տարիների համեմատությամբ մենք ունենք հիվանդների դիմելիության և իրականացված վիրահատությունների կտրուկ աճ...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ