Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժշկի ընդունարանում

Հայաստանում բացվել է ցողունային բջիջների պահպանման առաջին բանկը` ԲԻՈՍՏԵՄ (BIOSTEM)

Հայաստանում բացվել է ցողունային բջիջների պահպանման առաջին բանկը` ԲԻՈՍՏԵՄ (BIOSTEM)

Ապրիլի 11-ին Մալաթիա  բժշկական կենտրոնի  ծննդատանը կայացավ հանդիպում բժիշկների, ԲԻՈՍՏԵՄ (BIOSTEM) ընկերության ներկայցուցիչներ Գևորգ Յաղջյանի, Տաճատ Ասատուրյանի և «Ոսկրածուծի դոնորների հայկական ռեեստր» բարեգործական հիմնադրամի տնօրեն Սևակ Ավագյանի  հետ: Հանդիպման նպատակն էր ընկերության գործունեության և ընձեռած հնարավորությունների մասին իրազեկումը: Նշենք նաև, որ ընկերությունը համագործակցում է եվրոպական կազմակերպությունների հետ՝ կիրառելով նրանց բազմամյա փորձը: 

 

Ամբողջ աշխարհում ամենատարբեր հիվանդությունների դեպքում լայնորեն կիրառվում է ցողունային բջիջներով բուժումը: Այսօր Հայաստանում գործում է  ցողունային բջիջների մշակման և պահպանման առաջին բանկը` Բիոստեմը:

 

ԲԻՈՍՏԵՄ (BIOSTEM) ընկերության ներկայցուցիչ Տաճատ ԱսատուրյանՑողունային բջիջներով բուժման մեթոդների, դրանց առանձնահատկությունների և բանկի առաջարկների մասին զրուցեցինք ընկերության հիմնադիր Գևորգ Յաղջյանի և գործադիր տնօրեն Տաճատ Ասատուրյանի հետ:  


–   Ի՞նչ ասել է ցողունային բջիջների պահպանման բանկ, ներկյացրե՛ք, խնդրեմ, գործառույթներն ու նպատակները:

 

–   2014թ. Հայաստանում առաջին անգամ ստեղծվեց ցողունային բջիջների մշակման և պահպանման բանկ: Բանկը զբաղվում է ցողունային բջիջների մշակամամբ և պահպանմամբ և մեր գործառույթների մեջ չեն մտնում իրացումը, կիրառումը և այլն: Ցողունային բջիջները կիրառվում են ավելի քան 70 հիվանդությունների դեպքում` օրգանների և հյուսվածքների վերականգնման նպատակով: Մենք ներդնում ենք ցողունային բջիջների ստացման պորտալարային տարբերակը: Երբ երեխան անջատվում է մորից, պորտալարային արյունը, այսպես թե այնպես, թափվում է: Մենք վերցնում ենք այդ արյունը, մշակում,  առանձնացնում ցողունային բջիջներն ու պահպանում դրանք: Գործողությունը բացարձակապես անվնաս է թե՛երեխայի, թե՛մոր համար: Ցողունային բջիջները տվյալ մարդու սեփականությունն են դառնում, որի համար հավաստագիր են ստանում: Ցողունային բջիջներով ապաքինման մեթոդը վաղուց է հայտնի, սակայն չկար դրանք պահպանելու հնարավորություն: Այժմ բանկն իր վրա կվերցնի մեր առողջապահական համակարգի համար բավականին կարևոր այս գործառույթը, կան բոլոր հնարավորությունները, ամենակարևորը` կան գիտելիքներ:

 

«Ոսկրածուծի դոնորների հայկական ռեեստր» բարեգործական հիմնադրամի տնօրեն Սևակ Ավագյան

–   Ինչո՞ւ հենց պորտալարային արյունը: 

 

–   Պորտալարային արյունը պարունակում է ամենա առողջ ունոր ձևավորված ցողունային բջիջներ, որոնք մուլտիպոտենտ են, կարող են ձևափոխվել ու հետագայում դառնալ օրգանիզմի ցանկացած բջիջներ` արյան, մկանային և այլն: Ցողունային բջիջները կարողանում են փոխարինել մահացած բջիջներին: 

 


–   Բացի պորտալարից, էլ ինչպե՞ս կարելի է ստանալ ցողունային բջիջներ:

 

–   Ինչպես նշվեց, պորտալարից ստացված ցողունային բջիջները լավագույնն են, մուլտիպոտենտ են: Սակայն ցողունային բջիջների ստացման այլ տարբերակներ ևս կան. Կարող են ստանալ, օրինակ, ճարպային հյուսվածքներից, որոնք ավելի շատ կիրառելի են էսթետիկ նպատակների և վերքերի լավացման համար: Բանկը հնարավորություն է տալիս պահպանել նաև ճարպից ստացած ցողունային բջիջներ, որոնք օգտագործվում են նաև երիտասարդացնող միջամտությունների ժամանակ: Մյուս տարբերակը կաթնատամներից ստացվող ցողունային բջիջներն են, որոնք որակական ու քանակական առումով շահեկան չեն: Կյանքում մեկ անգամ մենք հնարավորություն ունենք պահպանելու ամենա որակյալ ցողունային բջիջները` ծնվելիս: Եվ հենց դա հաշվի առնելով` մենք ուզում ենք ցողունային բջիջների ստացման այս տարբերակը կիրառել նաև Հայաստանում:

 

ԲԻՈՍՏԵՄ (BIOSTEM) ընկերության ներկայցուցիչ Գևորգ Յաղջյան

–   Ո՞վ է վերցնում արյունը և ինչպե՞ս, չէ՞ որ յուրաքնաչյուր մանրուք կարևոր է:

 

–   Արյունը վերցնում է ծնունդն ընդունող բժիշկը՝ տեղում, լցվում հատուկ տարրայի մեջև տեղափոխվում բանկ: Գործընթացը բացարձակապես անվնաս է, տեխնիկապես՝ հեշտ, սակայն, այնուամենայնիվ, բժիշկները նախապես վերապատրաստում են անցնելու: 

–   Ի՞նչ է ցույց տալիս արտասհասմանյան փորձը. ո՞ր հիվանդությունների դեպքում են ամենից հաճախ անհրաժեշտ ցողունային բջիջները:

 

–   Մոտ 70 հիվանդությունների բուժում 80-90%-ով կատարվում է ցողունային բջիջների կիրառմամբ, լայնտարածում ունի տրանսպլանտացիոն բուժման մեջ: Ցողունային բջիջները կիրառվում են արյան, նյարդաբանական, սրտաբանական հիվանդությունների բուժման համար: Օրինակ` սրտամկանի իշեմիկ հիվանդության դեպքում ստենտավորման ընթացքում ներարկվում են ցողունային բջիջիներ, որոնք վերածվելով սրտամկանի բջիջների, հետագայում ապահովում են սրտի անխափան աշխատանքը:  Ցողունային բջիջները կիրառվում են նաև վնասվածքաբանության, օրթոպեդիայի ոլորտներում: 

 

–   Հնարավո՞ր է արդյոք որևէ մեկի ցողունային բջիջը դոնոր օգտագործել մեկ ուրիշի համար: 

 

–   Ինչպես և արյունը, ցողունային բջիջը նույնպես կարող է դոնոր ծառայել: Սակայն դա չէ մեր նպատակը: Բանկը լինելու է ոչ թե հանրային, այլ մասնավոր: Յուրաքանչյուր մարդ իր ցողունային բջիջների տերն է լինելուև ինքն է որոշելու ինչպես օգտագործել` նվիրե՞լ, թե սեփական առողջության համար կիրառել:  

 

–   Իսկ նախքան« Բիոստեմ -ի ստեղծումը, հնարավորություն կա՞ր պահպանելու ցողունային բջիջները: 

 

–   Եղել են դեպքեր, երբ ծնողները դիմել են բժիշկներին, բերել համապատասխան ստերիլ արյան տեղափոխման համակարգ և հավաքված արյունը տեղափոխել Մոսկվա և Վրաստան` այնտեղի բանկում պահպանելու համար: Դա իրենից ավելորդ ժամանակ և հնարավորություն է ենթադրում, իսկ հարկ եղած դեպքում՝ Մոսկվա մեկնելու անհրաժետշություն, ինչը և՛ ժամանակատար է, և՛ ծախասատար:

 

Ապրիլի 11-ին Մալաթիա  բժշկական կենտրոնի  ծննդատանը կայացավ հանդիպում բժիշկների, ԲԻՈՍՏԵՄ (BIOSTEM) ընկերության ներկայցուցիչներ Գևորգ Յաղջյանի, Տաճատ Ասատուրյանի և «Ոսկրածուծի դոնորների հայկական ռեեստր» բարեգործական հիմնադրամի տնօրեն Սևակ Ավագյանի  հետ

–   Իսկ ի՞նչ պայմաններ է առաջարկում «Բիոստեմ» -ը հայ ծնողին, ով ցանկանում է պահպանել երեխայի ցողունային բջիջները` հետագայում շատ հիվանդությունների բուժումն ապահովագրելու նպատակով: Գնայինի՞նչ քաղաքականություն է վարում, եթե համեմատենք արտասահմանում գործողցող ունային բջիջների պահպանման բանկերի հետ:

 

–   Արյունը վերցնելու և մշակելու համար առաջնային գումարը կազմում է 1000 ԱՄՆ դոլարին համարժեք ՀՀ դրամ, այնու հետև՝ յուրաքանչյուր տարվա պահպանման համար 50 ԱՄՆ դոլարին համարժեք ՀՀ դրամ: Եթե համեմատենք արտասահմանյան ընկերությունների հետ, ապա առաջնային գումարը 2000 եվրո է, իսկ տարեկան պահպանման համար վճարվում է 75 եվրո:  


–   Ինչքա՞ն ժամանակ կարելի է պահպանել ցողունային բջիջները: 

 

–   Անսահմանափակ: Ցողունային բջիջները պահպանվում են -196˚ հեղուկ ազոտի մեջ: Առաջնային պահպանման ժամկետը 18-20 տարի է, մինչև երեխան դառնա չափահաս և ինքը որոշի` շարունակե՞լ պահել այն, թե` ոչ: 

 

Մալաթիա բժշկական կենտրոնի  ծննդատան մանկաբարձ-գինեկոլոգներ

 

–   Կա՞ն հատուկ դեպքեր, երբ ցողունային բջիջների պահպանումը ո՛չ միայն ցանկալի է, այլև պարտադիր:

 

–   Խորհուրդ է տրվում առողջական խնդիրներ ունեցող երեխաների, ինչպես նաև արտամարմնային բեղմնավորմամբ ծնված երեխաների ծնողներին պահպանել պորտալարային արյունը: Շատ կարևոր է, որ Հայաստանում արհեստական բեղմնավորմամբ զբաղվող կենտրոնները ծնողներին տեղեկացնեն ցողունային բջիջների պահպանման հնարավորության և դրա կարևորության մասին:

 

–   Յուրաքանչյուր նոր բան միանշանակ չի ընկալվում հանրության կողմից: Ո՞ր փուլում են այժմ տեղեկատվական աշխատանքները:

 

–   Մերաշխատանքներն այժմ ուղղված են նման ծառայության գոյության մասին տեղեկացնելը և գործընթացին ծանոթացնելը:  Նպատակ ունենք առաջին հերթին մեթոդի գոյության մասին բժիշկներին ներկայացնել, որպեսզի նրանք էլ իրենց հերթին կարողանան ուղղություն ցույցտալ պոտենցիալ գնորդներին: Այս մեթոդի մասին պետք է իրազեկված լինեն բոլոր ծննդատներում, քանի որ սա լուրջ ձեռքբերում է մեր առողջապահական համակարգի համար: Իրազեկման աշխատանքներ կիրականացվեն նաև բանկի կայքի միջոցով, որը շուտով կմեկնարկի: Նախատեսվում է օնլայն խորհրդատվություն, որպեսզի մարդիկ, ովքեր հետաքրքրված կլինեն, գրեն, զանգահարեն  և անմիջապես ստանան իրենց հուզող հարցերի պատասխանները:  

 

Մեր հեռախոսահամարներն են՝ + 374 91 28 38 32+ 374 91 28 38 32, +374 10 20 83 12+374 10 20 83 12, +374 10 20 83 11+374 10 20 83 11:  

Հեղինակ. Նելլի Ղարիբյան
Սկզբնաղբյուր. med-practic.com
Լուսանկարը. Գևորգ Զուռնաչյան
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

«Մասնագիտությունը՝ բժիշկ» շարքից․ Արմենիա ՀԲԿ վերակենդանացման բաժանմունքի կլինիկայի ղեկավար Սիրանուշ Ավագյան. armeniamedicalcenter.am
«Մասնագիտությունը՝ բժիշկ» շարքից․ Արմենիա ՀԲԿ վերակենդանացման բաժանմունքի կլինիկայի ղեկավար Սիրանուշ Ավագյան. armeniamedicalcenter.am

Բժշկի աշխատանքն ունի դժվարության իր երանգները, Հիպոկրատի «ծանր գլխարկի» ծանրության տարբեր չափերը, և սխալ չի լինի ասել, որ անեսթեզիոլոգ-ռեանիմատոլոգի մասնագիտացումն ընտրած բժիշկներն...

Վիրաբուժություն Բժշկական կազմակերպություններ և կենտրոններ
«Պետք է պայքարել մարդու կյանքի համար՝ առանց ակնկալիքի»․ հարցազրույց մաշկաբան Հովհաննես Հովհաննիսյանի հետ
«Պետք է պայքարել մարդու կյանքի համար՝ առանց ակնկալիքի»․ հարցազրույց մաշկաբան Հովհաննես Հովհաննիսյանի հետ

Ինչո՞ւ ընտրեցիք մաշկաբանի մասնագիտությունը:

2003 թվականինին, երբ ընդունվեցի մաշկաբանության և սեռավարակաբանության օրդինատուրա, դեռ չէի պատկերացնում...

ՄՌՏ ծառայությունը Արմենիա ՀԲԿ-ում․ հարցազրույց ռադիոլոգ Մերի Սուքիասյանի հետ. armeniamedicalcenter.am
ՄՌՏ ծառայությունը Արմենիա ՀԲԿ-ում․ հարցազրույց ռադիոլոգ Մերի Սուքիասյանի հետ. armeniamedicalcenter.am

ՄՌՏ հետազտության ծառայությունը «Արմենիա» ՀԲԿ-ում ներդրվել է  2023 թ. փետրվար ամսին: Երևի բոլորին է հայտնի, որ մագնիսառեզոնանսային պատկերի ստացման սարքի հեղինակն է հայազգի գյուտարար Ռեյմոնդ Դամադյանը...

Ախտորոշում Բժշկական կազմակերպություններ և կենտրոններ
Հիվանդը բժշկի մեջ պետք է ուժ, լույս և հույս տեսնի․ հարցազրույց Ուռուցքաբանության ազգային կենտրոնի Դեղորայքային ուռուցքաբանության բաժանմունքի ղեկավար Նաիրա Ջանոյանի հետ
Հիվանդը բժշկի մեջ պետք է ուժ, լույս և հույս տեսնի․ հարցազրույց Ուռուցքաբանության ազգային կենտրոնի Դեղորայքային ուռուցքաբանության բաժանմունքի ղեկավար Նաիրա Ջանոյանի հետ

Ներկայում քիմիաթերապիայի դերը ուռուցքների բուժման գործընթացում։


Քիմիաթերապիան այսօր, ինչպես և շատ տարիներ առաջ, իր կարևոր և ուրույն դերն ունի ուռուցքաբանության մեջ...

Քաղցկեղի դեղորայքային բուժման ամենաօպտիմալ մեթոդներն են թիրախային եւ իմունաթերապիան. nairimed.com
Քաղցկեղի դեղորայքային բուժման ամենաօպտիմալ մեթոդներն են թիրախային եւ իմունաթերապիան. nairimed.com

Այսօր քաղցկեղի դեղորայքային բուժման ամենաօպտիմալ մեթոդներն են թիրախային եւ իմունաթերապիան։ Երկուսն էլ ավանդական քիմիաթերապիայի հետ միասին հաջողությամբ կիրառվում են Նաիրի ԲԿ–ում...

Ուռուցքաբանություն
«Արմենիա» ՀԲԿ արյան ծառայությունը. հարցազրույց Մարինե Թովմասյանի հետ. armeniamedicalcenter.am
«Արմենիա» ՀԲԿ արյան ծառայությունը. հարցազրույց Մարինե Թովմասյանի հետ. armeniamedicalcenter.am

Խոսենք «Արմենիա» ՀԲԿ արյան ծառայության մասին:

Կենտրոնում կատարվում են արյան հետ կապված այն գործառույթները, որոնք իրականացվում են...

Բժիշկներ
Ի՞նչ է փոխվել. 16 տարի անց հարցազրույց Արմեն Չարչյանի հետ` նույն հարցերով
Ի՞նչ է փոխվել. 16 տարի անց հարցազրույց Արմեն Չարչյանի հետ` նույն հարցերով

Մեդ-Պրակտիկ թիմի կողմից որոշում կայացվեց 2007 թվականին հրապարակվող «Ֆարմացևտ պրակտիկ» պարբերականի շրջանակում պրոֆեսոր Արմեն Չարչյանին հարցազրույցի ժամանակ հնչած...

Բժիշկներ
Կրծքագեղձի քաղցկեղ. erebunimed.com
Կրծքագեղձի քաղցկեղ. erebunimed.com

Երբ հետազոտել կրծքագեղձը, անհրաժեշտ է կատարել ամենամյա հետազոտություն, թե բժշկի դիմել, երբ արդեն կան գանգատներ: Թեման պարզաբանում է «Էրեբունի» ԲԿ մամոլոգիայի և կրծքագեղձի...

Ուռուցքաբանություն
Ինչպես կանխարգելել կաթվածը. erebunimed.com
Ինչպես կանխարգելել կաթվածը. erebunimed.com

Ինչպես նվազեցնել գլխուղեղի կաթվածի՝ ինսուլտի ռիսկը. խորհուրդ է տալիս «Էրեբունի» ԲԿ կաթվածի կենտրոնի նյարդաբան Լինա Զուբալովան...

Նյարդաբանություն
Բնածին հիպոթիրեոզի և ֆենիլկետոնուրիայի սքրինինգային հետազոտություններ․ նեոնատոլոգ Աիդա Դանիելյան. morevmankan.am
Բնածին հիպոթիրեոզի և ֆենիլկետոնուրիայի սքրինինգային հետազոտություններ․ նեոնատոլոգ Աիդա Դանիելյան. morevmankan.am

Ե՞րբ , ի՞նչ նպատակով են կատարվում բնածին հիպոթիրեոզի, ֆենիլկետոնուրիայի սքրինինգային հետազոտությունները...

Առողջ երեխա
Գանգուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am
Գանգուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am

Գանգուղեղային վնասվածքների /ԳՈՒՎ/ պատճառները և դասակարգումը

Գանգուղեղային վնասվածքները կարող են առաջանալ տարբեր պատճառներով՝ ավտոպատահարների...

Նյարդաբանություն Վիրաբուժություն
Միջողային սկավառակների ճողվածքներ. նյարդավիրաբուժական բաժանմունքի վարիչ Ծերունի Հովհաննիսյան. armeniamedicalcenter.am
Միջողային սկավառակների ճողվածքներ. նյարդավիրաբուժական բաժանմունքի վարիչ Ծերունի Հովհաննիսյան. armeniamedicalcenter.am

Միջողային սկավառակների ճողվածքներ. Նյարդավիրաբուժական բաժանմունքի վարիչ Ծերունի Հովհաննիսյան

Ինչպե՞ս կբնորոշեք միջողային սկավառակի ճողվածքը...

Նյարդաբանություն Վիրաբուժություն
Կոնքազդրային հոդի սքրինինգ. նեոնատոլոգ Մարինա Զարգարյան. morevmankan.am
Կոնքազդրային հոդի սքրինինգ. նեոնատոլոգ Մարինա Զարգարյան. morevmankan.am

Ի՞նչ է կոնքազդրային հոդի սքրինինգը


Մոր և մանկան առողջության պահպանման գիտահետազոտական կենտրոնում 2009 թ-ից սկսած կատարվում է...

Առողջ երեխա
Կոկորդի էնդոլարինգեալ վիրահատություններ․ քիթ-կոկորդ-ականջաբան Սոնա Մանուկյան. armeniamedicalcenter.am
Կոկորդի էնդոլարինգեալ վիրահատություններ․ քիթ-կոկորդ-ականջաբան Սոնա Մանուկյան. armeniamedicalcenter.am

Կոկորդի ախտահարումների առանձնահատկությունները


Ժամանակակից քիթ-կոկորդ-ականջաբանության խնդիրների շարքում կոկորդի ախտահարումներն ամենահաճախ հանդիպողներից ե...

Քիթ-կոկորդ-ականջ հիվանդություններ
Քթի պլաստիկ վիրահատություն. հաճախ տրվող հարցերին պատասխանում է Հայկ Ենոքյանը
Քթի պլաստիկ վիրահատություն. հաճախ տրվող հարցերին պատասխանում է Հայկ Ենոքյանը

Քթի պլաստիկ վիրահատությունը` ռինոպլաստիկան, ըստ դիմա-ծնոտային և պլաստիկ վիրաբույժ, բժշկական գիտությունների թեկնածու, դոցենտ Հայկ Ելոքյանի, մի ամբողջ փիլիսոփայություն է ու ներառում է և՛ ֆիզիկական...

Պլաստիկ վիրաբուժություն

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ