Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժշկի ընդունարանում

ԱԼԻՆԱ ՔՈՒՇԿՅԱՆ. Բուժքույրը պետք է լինի համակարգող, խնամող, կրթող և բուժող

ԱԼԻՆԱ  ՔՈՒՇԿՅԱՆ. Բուժքույրը պետք է լինի համակարգող, խնամող, կրթող և բուժող

Մեր հյուրն է ՀՀ ԱՆ Երևանի հայ-ամերիկյան «Էրեբունի» պետական բժշկական քոլեջի տնօրեն, ԵՊԲՀ Քույրական գործի կազմակերպման ամբիոնի վարիչ բ.գ.դ. Ալինա Մաքսիմի Քուշկյանը:


–    Տիկին Քուշկյան, ինչպիսի՞ն է բուժքույրական ծառայության իրավիճակը Հայաստանում, ի՞նչ խնդիրներ կան:


–    Ի պատիվ հայ բուժքույրերի, պետք է ասել, որ ընդհանուր ծառայության մակարդակը վատ չէ: Սակայն սա ցուցանիշ չէ մեզ համար, դեռևս արտասահմանյան չափանիշների հետ համեմատվել մենք չենք կարող: Դրա համար մի քանի պատճառներ կան: Այս մասով թերի են իրավական, օրենսդրական դաշտերը, աշխատանքային պայմանները, կրթական մակարդակը: Եթե ուզում ենք ծառայությունները հասցնել բարձր որակի, առաջին հերթին պետք է մտածենք բարձր, որակյալ կրթություն ապահովելու մասին: Եթե ուզում ենք քայլել ամբողջ աշխարհի հետ հավասար քայլերով, ապա այս բնագավառում ևս պետք է կիրառվեն եվրոպական չափորոշիչները: Բուժքույրը պետք է կարողանա տարբեր իրավիճակներում շատ արագ կողմորոշվել և կատարել այս կամ այն գործողությունը: Դրա համար ուսումնական գործընթացը պետք է այնպես կազմակերպել, որպեսզի բուժքույրերը կարողանան ձեռք բերել անհրաժեշտ ունակություներ պրակտիկ աշխատանքներ կատարելու համար: Սակայն նման գործընթաց ապահովելու համար անհրաժեշտ են գործնական չափորոշիչներ, որոնք մեզ մոտ դեռևս գոյություն չունեն: Արդյունքում`հնարավոր չէ ճիշտ գնահատական տալ բուժքրոջ կատարած ծառայությանը:


–    Ամբողջ աշխարհում բուժքույրական ծառայության ներկայիս վիճակը ի՞նչ մակարդակի վրա է:


–    Տարիներ շարունակ բուժքույրությունը դիտվել է որպես երկրորդական մասնագիտություն: Այսօր վստահաբար պետք է ասել, որ աշխարհում վերանայվել է այս մոտեցումը, և բուժքույրությունն այսօր շատ կարևոր մասնագիտություն է համարվում ամբողջ աշխարհում: Հուսով եմ մեր երկրում էլ կընդունի բուժքույրական գործի կարևորության փաստը։ Այն մտածելակերպը, որ բուժքույրը միայն ենթակա է, պետք է փոխվի մեր երկրում:


–    Ի՞նչ է արվում եվրոպական չափանիշներին հասնելու համար: 


–    Դրա համար նախևառաջ պետք է, որ մեր չափորոշիչները ևս համապատասխան լինեն եվրոպականին: Առաջին հերթին բուժքույրերին պետք է ապահովենք գիտելինքերի անհրաժեշտ ծավալով, պրակտիկայի հնարավորություն տանք, խթանենք բուժքույրական գործի ունակությունների զարգացմանը թե՛ քոլեջներում, թե՛ հետագայում նաև հիվանդանոցներում, պոլիկլինիկաներում և լաբորատորիաներում: Մեզ մոտ` Հայաստանում, բուժքույրը չի ստանում բարձրագույն կրթություն, չի կարողանում ապահովել իր մասնագիտական շարունակական զարգացումը,  ինչը ոլորտի առաջնային խնդիրներից է: Մենք չենք կարող և իրավունք չունենք ետ մնալ այս  ոլորտում արդի զարգացումներից, որոնք տեղի են ունենում ամբողջ աշխարհում:


–    Իսկ ի՞նչ փոփոխություն է սպասվում ոլորտում առաջիկայում:


–    Կարծում եմ շուտով կընդունվի առողջապահության վերաբերյալ օրենքը, որի մեջ կներառվեն միջին բուժծառայության մասին կետեր, ըստ որոնց կվերանայվեն բուժքույրերի կրթական գործընթացի և նրանց աշխատանքային պայմանները:


–    Աշխատանքային ի՞նչ պայմանների մասին է խոսքը:


–    Բուժքույրերն աշխատում են գերծանրաբեռնված: Պետք է վերանայվեն նրանց աշխատանքային ժամերը: Երբ բուժքույրը երկարատև հերթապահում է,  բնականաբար, հոգնում է, առաջանում է օրգանիզմի հյուծվածություն: Եթե աշխատանքի առաջին ժամերին բուժքույրը շատ զգոն է, կատարում է որակյալ աշխատանք, ապա հերթապահության վերջին ժամերին կորցնում է որակ ապահովող աշխատունակությունը, արդյունքում տուժում է և´ հիվանդը, և´ բուժքույրը: Այս խնդրի շուրջ բազմաթիվ հետազոտություններ են կատարվել, ինչի արդյունքում արտասահմանյան մի շարք երկրներում վերանայվել են բուժքույրերի աշխատանքային պայմանները:


–    Սեպտեմբերի 18-20-ը Հայաստանի II միջազգային բուժքույրական համագումարն է, սա նշանակո՞ւմ է, որ այն շարունակական բնույթ կկրի:


–    Հաշվի առնելով, որ սա արդեն երկրորդ համագումարն է, պետք  է ասել, որ արդեն շարունակական բնույթ ունի:  Եթե նախորդ համագումարի հետ համեմատենք գրանցված մասնակիցների թիվը, կտեսնենք, որ հետաքրքրությունը է´լ ավելի է մեծացել, մասնակիցները կրկնապատկվել են: Սա եզակի հնարավորություն է Հայաստանի բուժքույրերի և հատկապես հեռավոր տարածաշրջաներում, նաև Արցախում աշխատող բուժքույրերի համար: Այս համագումարը նոր մոտեցում է  բուժքույրական գործում:


–    Ինչի՞ն էր նվիրված 1-ին համագումարը, և ի՞նչ նպատակներ էր հետապնդում, ի՞նչ արձագանքներ ու ձեռքբերումներ եղան:


–    Մեր նպատակն էր համախմբել Հայաստանի և տարբեր երկրներից ժամանած  բուժքույրերին և ներգրավել գլոբալ բուժքույրության հանրության մեջ: Համագումարը փորձի փոխանակման լայն հնարավորություն է ընձեռում բուժքույրերին: Առաջին համագումարին մասնակցեցին տարբեր միջազգային բուժքույրական ասոցիացիաների նախագահներ, ովքեր պատմեցին, թե ինչպես և ինչ ճանապարհով է իրենց երկրում տեղի ունեցել ոլորտի զարգացումը և այլն: Մեր կողմից նույնպես ներկայացվեց ոլորտում ձեռքբերումներն ու փորձը: Համագումարի վերջում ստորագրեցինք փաստաթուղթ` ներկայացնելու կառավարությանը, որով առաջարկվում էր բարձրացնել բուժքույրական կրթությունը մինչև բակալավրի աստիճան: Մեր բուժքույրերին կարողացանք ապացուցել, որ իրենք նույնպես կարող են խորանալ իրենց մասնագիտության մեջ, հասնել գիտական  աստիճանների, լինել առաջնորդներ, կատարել հետազոտական աշխատանք:


–    Ո՞րն է II համագումարի նպատակը, մանրամասնեք, խնդրեմ, համագումարի առջև դրված խնդիրների մասին:


–    Եթե առաջին համագումարում շեշտը դրված էր բուժքույր-առաջնորդների վրա, ապա այս անգամ ուշադրության կենտրոնում կլինի գործնական հմտությունների զարգացման հարցը: Կխոսվի նորագույն նվաճումների, ոլորտում տեղի ունեցած հսկայական փոփոխությունների մասին:


–    Ի՞նչ կտա բուժքրոջն այս համագումարը:


–    Պետք է փորձենք բարձրացնել բուժքույրության մակարդակը, ինչը բնականաբար կախված է գիտելիքներից և պրակտիկ փորձից:  Այսպիսի համագումարները հնարավորություն են տալիս խորը գիտելիքներ ստանալ ոլորտի վերաբերյալ, բարձրացնել բուժքրոջ գիտական մակարդակը, իրազեկ լինել արտասահմանյան երկրների փորձին: Մեզ համար շատ կարևոր է փորձի փոխանակումը, նորագույն չափորոշիչների ներմուծումը մեր աշխատելաոճի մեջ, որ, ի վերջո, բուժքույրն էլ կարող է պրոֆեսորի կոչում ստանալ։


Բուժքույրը պետք է հասնի այն մակարդակին, որ ո´չ միայն կատարող լինի, այլև կանխարգելող, խնամք ապահովող, կրթող և բուժող:

Հեղինակ. Նելլի Ղարիբյան
Սկզբնաղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Lianna

11.10.2013

Tikin Qushqyan es voxjunum em Dzes ev dzer xosq@ es dzer shrjanavartneric em Lianna petrosyan@

Կարդացեք նաև

Լապարոսկոպիկ վիրահատություն. հաճախ տրվող հարցերին պատասխանում է Տիգրան Լազրի Նալբանդյանը. izmirlianmedicalcenter.com
Լապարոսկոպիկ վիրահատություն. հաճախ տրվող հարցերին պատասխանում է Տիգրան Լազրի Նալբանդյանը. izmirlianmedicalcenter.com

Ի՞նչ է լապարոսկոպիկ վիրահատությունը

Լապարոսկոպիկ վիրահատությունները ժամանակակից վիրաբուժության անքակտելի մասն են,  որի ժամանակ...

Վիրաբուժություն
Էպիթելային պոչուկային ուղիների բորբոքում՝ «պոչուկի կիստա» (Pilonidal sinus disease) արմատական բուժումը. հարցազրույց Ալեքսանդր Ղուրբանյանի հետ. izmirlianmedicalcenter.com
Էպիթելային պոչուկային ուղիների բորբոքում՝ «պոչուկի կիստա» (Pilonidal sinus disease) արմատական բուժումը. հարցազրույց Ալեքսանդր Ղուրբանյանի հետ. izmirlianmedicalcenter.com

-Պրոկտոլոգիական հիվանդությունները Հայաստանում բավականին տարածված են և այդ հիվանդությունների շարքում տարածվածությամբ աչքի է ընկնում «պոչուկի կիստա» կոչվող՝ էպիթելային պոչուկային ուղիների բորբոքում...

Վիրաբուժություն
Թոքաբանության ծառայության կազմակերպումը` արդի միջազգային չափանիշներով. nairimed.com
Թոքաբանության ծառայության կազմակերպումը` արդի միջազգային չափանիշներով. nairimed.com

«Նաիրի» ԲԿ թոքաբանական ծառայությունը մատուցում է ամբուլատոր և ստացիոնար բոլոր ծառայությունները, որն իր որակական հատկանիշներով համապատասխանում է ժամանակակից միջազգային չափորոշիչներին, ինչը ժամանակի հրամայականն է...

Բժշկական կազմակերպություններ և կենտրոններ
Ընդհանուր վիրաբուժական ծառայութանը վերաբերող հարցերին պատասխանում է Արմինա Նալբանդյանը. armeniamedicalcenter.am
Ընդհանուր վիրաբուժական ծառայութանը վերաբերող հարցերին պատասխանում է Արմինա Նալբանդյանը. armeniamedicalcenter.am

–   Ինչպիսի՞ վիրաբուժական ախտաբանության դեպքերն են առավել հաճախ վիրահատվում Ձեր բաժանմունքում:

–   Քանի որ բաժանմունքն ընդհանուր վիրաբուժական է, վիրահատում ենք գրեթե բոլոր ախտաբանությունների ժամանակ...

Վիրաբուժություն Բժշկական կազմակերպություններ և կենտրոններ
Ի՞նչ է պետք իմանալ, եթե հոդացավն անհանգստացնում է Ձեզ
Ի՞նչ է պետք իմանալ, եթե հոդացավն անհանգստացնում է Ձեզ

Եթե մարդն առավոտյան արթնանում է բռնված մկաններով, դժվարանում է  շարժվել մեկ ժամից ավելի, և այդ նշանները  պարբերաբար կրկնվում  են,  սա վկայում է առավոտյան մկանային կարկամածության մասին, որը ռևմատոլոգիական հիվանդությունների...

Վնասվածքաբանություն և օրթոպեդիա
Հարցազրույց «Իզմիրլյան» ԲԿ անոթային վիրաբուժության բաժնի վարիչ Վարդան Ոսկանյանի հետ. izmirlianmedicalcenter.com
Հարցազրույց «Իզմիրլյան» ԲԿ անոթային վիրաբուժության բաժնի վարիչ Վարդան Ոսկանյանի հետ. izmirlianmedicalcenter.com

Ե՞րբ է հիմնադրվել անոթային վիրաբուժության բաժանմունքը:


Բաժանմունքն ունի 3 տարվա պատմություն՝անոթային բաժանմունքի հետ կապված ավանդույթներով, որոնք մինչ մեր այս բաժանմունքի ձևավորվելը չկար բուժհաստատությունում...

Բժշկական կազմակերպություններ և կենտրոններ
Ամեն ինչ վահանագեղձի հանգույցների մասին thyroid.am մասնագիտական կայքում
Ամեն ինչ վահանագեղձի հանգույցների մասին thyroid.am մասնագիտական կայքում

Գաղտնիք չէ, որ վահանաձև գեղձի հիվանդությունները ամենաշատ տարածվածներից են Հայաստանում. մեծահասակ բնակչության ավելի քան 60 տոկոսն է տառապում վահանաձև գեղձի տարբեր հիվանդություններով: Բայց կա նաև ուրախալի հանգամանք...

Ներզատաբանություն
Ինֆեկցիոն հիվանդությունները և սեզոնայնությունը. հարցազրույց «Արմենիա» ԲԿ վարակաբան Նաիրա Ծատուրյանի հետ. armeniamedicalcenter.am
Ինֆեկցիոն հիվանդությունները և սեզոնայնությունը. հարցազրույց «Արմենիա» ԲԿ վարակաբան Նաիրա Ծատուրյանի հետ. armeniamedicalcenter.am

Կա՞ն ինֆեկցիոն հիվանդություններ, որոնց հավանականությունը և հանդիպման հաճախականությունը վերջին տարիներին առավել հաճախ է...

Վարակաբանություն
Փսորիազը` հրատապ խնդիր. հարցազրույց Հովհաննես Հովհաննիսյանի հետ
Փսորիազը` հրատապ խնդիր. հարցազրույց Հովհաննես Հովհաննիսյանի հետ

Դեռևս անբուժելի հիվանդություն համարվող փսորիազը մաշկաբանները հեշտությամբ են ախտորոշում: Այն անզեն աչքով էլ կարելի է տեսնել:

Հիվանդության ախտորոշման և ընթացքի մասին  պատմում է մաշկաբան...

Մաշկաբանություն
«Իզմիրլյան» բժշկական կենտրոնի տնօրեն Արմեն Չարչյանի Սուրբ Ծննդյան և Ամանորի շնորհավորանքը և ուղերձը. izmirlianmedicalcenter.com
«Իզմիրլյան» բժշկական կենտրոնի տնօրեն Արմեն Չարչյանի Սուրբ Ծննդյան և Ամանորի շնորհավորանքը և ուղերձը. izmirlianmedicalcenter.com

Հարգելի հայրենակիցներ, շնորհավորում եմ բոլորիս՝ Սուրբ Ծննդյան և գալիք` 2019 թվականի առիթով, ցանկանում եմ, որ 2019 թվականը լինի առողջության, իմաստության, խաղաղության  և կայունության տարի: Մաղթում եմ, որ փոփոխությունների...

Ամփոփում ենք 2018-ը. «Իզմիրլյան» ԲԿ բուժական գծով փոխտնօրեն Տիգրան Նալբանդյանի Ամանորյա շնորհավորական ուղերձը. izmirlianmedicalcenter.com
Ամփոփում ենք 2018-ը. «Իզմիրլյան» ԲԿ բուժական գծով փոխտնօրեն Տիգրան Նալբանդյանի Ամանորյա շնորհավորական ուղերձը. izmirlianmedicalcenter.com

Անցնող 2018 թվականն «Իզմիրլյան» բժշկական կենտրոնի համար հաջողությունների ամրապնդման տարի էր: Նախորդ տարիների համեմատությամբ մենք ունենք հիվանդների դիմելիության և իրականացված վիրահատությունների կտրուկ աճ...

Շնչառական հիվանդացությունը մանկական տարիքում. Սերգեյ Սարգսյան. arabkirjmc.am
Շնչառական հիվանդացությունը մանկական տարիքում. Սերգեյ Սարգսյան. arabkirjmc.am

Շնչառական հիվանդություններն ամենահաճախն են հանդիպում, քանի որ հիմնականում վիրուսային ծագում ունեն և փոխանցվում են օդակաթիլային ճանապարհով: Հետևաբար, քանի դեռ հաճախ հանդիպող շնչառական վիրուսների...

Մանկական հիվանդություններ Թերապիա
Գիտական գործունեությունն Արաբկիր բժշկական համալիրում. Սերգեյ Սարգսյան. arabkirjmc.am
Գիտական գործունեությունն Արաբկիր բժշկական համալիրում. Սերգեյ Սարգսյան. arabkirjmc.am

«Արաբկիր» բժշկական համալիրում իրականացվող գիտական գործունեության մասին:

«Արաբկիր» բժշկական համալիրում, Երեխաների և դեռահասների առողջության ինստիտուտում...

Բժշկական կազմակերպություններ և կենտրոններ
Քաղցկեղով շատ հիվանդներ նախընտրում են բուժվել Հայաստանում. oncology.am
Քաղցկեղով շատ հիվանդներ նախընտրում են բուժվել Հայաստանում. oncology.am

Վ.Ա. Ֆանարջյանի անվան ուռուցքաբանության ազգային կենտրոնի «Ընդհանուր եւ մանկական քիմիոթերապիայի» բաժանմունքի վարիչ Հասմիկ Պետրոսյանը մանրամասներ է ներկայացնում իր ղեկավարած բաժանմունքի ձեռքբերումների...

Բժշկական կազմակերպություններ և կենտրոններ
Պլաստիկ վիրաբուժության և միկրովիրաբուժության ծառայությունը «Արմենիա» հանրապետական բժշկական կենտրոնում. Արա Մելիքսեթյան. armeniamedicalcenter.am
Պլաստիկ վիրաբուժության և միկրովիրաբուժության ծառայությունը «Արմենիա» հանրապետական բժշկական կենտրոնում. Արա Մելիքսեթյան. armeniamedicalcenter.am

«Արմենիա» հանրապետական բժշկական կենտրոնի պլաստիկ վիրաբուժության և միկրովիրաբուժության ծառայության գործունեության մասին զրուցեցինք պլաստիկ վիրաբույժ և միկրովիրաբույժ Արա Մելիքսեթյան ի հետ...

Բժշկական կազմակերպություններ և կենտրոններ

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ