Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Հրատապ թեմա Հայաստանում

ԵՊԲՀ. Ռազմաբժշկական կրթությունը Հայաստանում վստահ քայլերով առաջ է ընթանում

ԵՊԲՀ. Ռազմաբժշկական կրթությունը Հայաստանում վստահ քայլերով առաջ է ընթանում

Ռազմական բժշկությունը Հայաստանում օրեցօր նոր հաջողություններ է արձանագրում: Հետխորհրդային երկրներից միայն Հայաստանն ու Ռուսաստանն ունեն ռազմաբժշկական ֆակուլտետ, որտեղ պատրաստվում են հայրենիքի համար կարևոր նշանակություն ունեցող մասնագետներ՝ ռազմական բժիշկներ: Մայիսին 19-ին լրանում է ռազմաբժշկական ֆակուլտետի գործունեության 25 տարին: Այս ընթացում ֆակուլտետը հայկական բանակին տվել է շուրջ 700 շրջանավարտ՝ ռազմական բժիշկներ, որոնք իրենց գործունեությունը սկսել են զորամասային օղակից: Ռազմաբժշկական կրթության, զարգացման հեռանկարների մասին զրուցել ենք ԵՊԲՀ ռազմաբժշկական ֆակուլտետի պետ, դոցենտ, բ/ծ գնդապետ Վարդան Ծատուրյանի հետ:

-Պարոն Ծատուրյան, ինչպե՞ս կգնահատեք ռազմաբժշկական կրթությունը Հայաստանում: Ովքե՞ր են ընտրում ռազմաբժշկի մասնագիտությունը: Ֆակուլտետ ընդունվել ցանկացողների առաջ ի՞նչ պահանջներ են դրվում:

-Ռազմաբժշկական կրթությունը Հայաստանում վստահ քայլերով առաջ է ընթանում, զարգանում է: Այս ֆակուլտետ ընդունվում են նրանք, ովքեր իրենց ապագան տեսնում են ռազմական բժշկության մեջ: Ռազմաբժշկական ֆակուլտետ ընդունվելու համար մրցակցությունը միշտ էլ բարձր է եղել, հետևաբար, ընդունվում են այն կուրսանտները, ովքեր բարձր բալեր են հավաքում: Հետագայում նրանք ունենում են բարձր առաջադիմություն, որն ակնհայտ է դառնում տարիների ընթացքում՝ նրանց ուսումնառության ժամանակ:

-Զարգացման ինչպիսի՞ հեռանկարներ ունի ռազմաբժշկական ֆակուլտետը:  Որո՞նք են հիմնական խնդիրները, և ի՞նչ քայլեր են արվել ու արվում դրանք լուծելու համար:

-Մենք այսօր ունենք կայացած Ռազմաբժշկական ֆակուլտետ և Կրթագիտական ռազմաբժշկական կենտրոն, որտեղ իրականացվում են գիտական, ռազմարդյունաբերական նշանակության հետազոտություններ: Ռազմբաժշկական ֆակուլտետը գլոբալ խնդիրներ չունի. ընթացիկ հարցերը լուծվում են շարունակական աշխատանքի արդյունքում: Մեր առաջ դնում ենք ուղենիշեր ու շարժվում ենք առաջ: Այս պահին մեզ համար ուղենիշ է համարվում միջազգային ոլորտը, որը ֆակուլտետը կտանի միջազգայնացման:

Ի սկզբանե ԵՊԲՀ ռազմաբժշկական ֆակուլտետի հիմքում դրվել է Սանկտ Պետերբուրգի ռազմաբժշկական ակադեմիայի ծրագրային հիմքը՝ տեղայնացնելով, համապատասխանեցնելով ՀՀ զիված ուժերի պահանջներին: Համագործակցում ենք միջազգային գործընկերների հետ: Ֆակուլտետում ուսուցումն իրականացվում է երեք լեզվով՝ հայերեն, ռուսերեն և անգլերեն: Ռազմամասնագիտական առարկաներ են անցնում ոչ միայն ապագա ռազմական բժիշկները, այլ նաև ԵՊԲՀ գրեթե բոլոր ուսանողները՝ այդ թվում արտասահմանցիները:

Հայաստանի պայմաններում ռազմաբժշկական ոլորտը գրավչության տեսանկյունից խնդիրներ չունի, այդուհանդերձ, մենք շարունակում ենք ուսումնասիրել նաև միջազգային փորձը՝ ավելի զարգացնելով ռազմաբժշկական ուղղությունը:

-Ի՞նչ հաջողություններ է արձանագրել Ռազմաբժշկական ֆակուլտետը: Համագործակցության ինչպիսի՞ ծրագրեր են իրականացվում:

-ՀԱՊԿ (Հավաքական անվտանգության պայմանագրի կազմակերպություն) երկրների համար ԵՊԲՀ-ն ու Ռազմաբժշկական ֆակուլտետը ճանաչվել են որպես ուսումնական բազա՝ ռազմական բժիշկներ պատրաստելու համար:  Սեպտեմբերից կունենանք կուրսանտներ նաև ՀԱՊԿ երկրներից: Մենք համագործակցում ենք Հունաստանի, Հնդկաստանի և Չինաստանի հետ, ինչպես նաև ապագայում Ինդոնեզիայից և Իրաքից սպասում ենք բժիշկների, որոնք կանցնեն վերապատրաստման դասընթացներ Ռազմաբժշկական ֆակուլտետում: Դա հիմք է հանդիսանում ֆակուլտետի միջազգայնացման համար:

Մեզ մոտ սովորում են նաև ՀՀ պաշտպանության նախարարության պատվերով ուսանողներ, ովքեր ավարտելուց հետո կծառայեն զորամասային առաջին օղակում՝ լրացնելով մեր բանակի շարքերը:

-Հայոց բանակում ի՞նչ դեր ունի ռազմական բժիշկը: Ո՞րն է բժշկի ու ռազմական բժշկի հիմնական տարբերությունը:

-Ռազմական բժշկի ամենակարևոր դերը բանակում զինվորի կողքին լինելն է՝ ցանկացած իրավիճակում: Ռազմական բժիշկը պետք է լինի վստահելի մարդ, որպեսզի զինվորն ինչպես առողջական, այնպես էլ ցանկացած խնդրի դեպքում առանց վարանելու դիմի և ստանա օգնություն: Ռազմական բժիշկը պետք է պատրաստ լինի ցանկացած մարտահրավերների, դժվարությունների: Պետք է շարժվի՝ «Ով, եթե ոչ ես» սկզբունքով: Դրանով դրվում է նաև մասնագիտական հիմքը՝ որպես զինվորական բժիշկ:

Բժշկի և ռազմական բժշկի մասնագիտությունը կարող ենք առանձնացնել այնպես, ինչպես կառանձնացնենք բժշկությունն ու ռազմաբժշկությունը: Ռազմական բժիշկն իր գործունեությունը ծավալում է ավելի էքստրեմալ պայմաններում: Ապրիլյան պատերազմի ժամանակ, բոլոր այն վիրավորները, ովքեր հասցրեցին բժշկական օգնություն ստանալ, նրանց մեծ մասը ողջ մնաց՝ ռազմական բժիշկների կազմակերպչական ու գիտելիքների բարձր մակարդակի շնորհիվ: Դա ուղենիշ է հետագա սերունդների համար:

-Ապագա ռազմական բժիշկները մասնագիտացման ո՞ր ուղղությունն են ավելի հաճախ ընտրում: Հայաստանում ամենաշատն ինչպիսի՞ մասնագետների պահանջարկ կա:

-Տվյալ հակառակորդի դեպքում՝ ամենապահանջված մասնագետները վիրաբույժներն են, հետևաբար, ընտրում են վիրաբուժական ուղղությունը: Սակայն պետք է շեշտեմ նաև թերապևտների մեծ դերը: Ուսումնառության ժամանակ կուրսանտները հավասարապես ուսանում են բժշկության բոլոր ուղղությունները, հետագայում՝ զորքերում երեք տարի ծառայելուց հետո, առնչվելով բժշկական տարբեր ուղղությունների հետ՝ հնարավորություն են ստանում մասնակցելու կլինիկական օրդինատուրայի մրցույթին։ Հատկացված տեղերից, որոնք որոշվում են ըստ բանակի պահանջների, ընտրում են այն, ինչ իրենց հոգեհարազատ է: Այս տարի ևս մեկ նորամուծություն է արվել․ կլինիկական օրդինատուրա ընդունվող ռազմական բժիշկը ստանում է նախանշանակում, թե սկզբնական շրջանում, որ հոսպիտալում պետք է շարունակի իր գործունեությունը: Սա հնարավություն է տալիս պլանավորել ծառայությունը: Մենք, ստեղծելով ընդհանուր համակարգ, ունենում ենք կանխատեսելիություն և ընտրության հնարավորություն կուրսանտի համար: Դիմորդը գիտի՝ եթե ընդունվեց ԵՊԲՀ-ի ռազմաբժշկական ֆակուլտետ, ինչ է սպասվում 6 տարի անց։ Ամբողջ ուղին նախանշված է․ սկզբում՝  ինտերնատուրա, ապա՝ 3 տարի զորքեր և այլն: Դա բարձրացնում է գրավչությունը ֆակուլտետն ընտրողների համար:

Սովորողները կլինիկական օրդինատուրան անցնում են ինչպես Հայաստանում, այնպես էլ տեղեր են հատկացված Սանկտ Պետերբուրգի ռազմաբժշկական ակադեմիայում։ Մենք ունենք նաև Չինաստանում, Գերմանիայում, Հունաստանում վերապատրաստման մեկնած ռազմական բժիշկներ, որոնք վերադառնում են ու լրացնում հայկական բանակի շարքերը: Դա փորձի փոխանակման հիանալի հնարավորություն է, որի արդյունքում հայկական բանակում ունենում ենք այդ բոլոր երկրների լավագույն փորձը: Սա է պատճառը, որ մեր զինվորական բժիշկները մի քանի անգամ ավելի բարձր որակավորում են ունենում: Մենք հպարտանալու շատ առիթներ ենք ունեցել՝ բարձր կարգի ռազմական բժիշկների շնորհիվ:

-ԵՊԲՀ ռազմաբժշկական ֆակուլտետի կուրսանտները լավ արդյունքներ են գրանցում նաև սպորտային մրցաշարերում: Ինչո՞վ է դա պայմանավորված:

-Մեզ համար առաջնահերթություն է, որ կուրսանտներն ընդունվելիս, գիտելիքների հետ մեկտեղ, լինեն նաև պրակտիկ առողջ: Դրանով է պայմանավորված նրանց արձանագրած հաջողությունները ֆուտբոլի, բաստկետբոլի, շախմատի մրցաշարերում։ Այս ամենի հետ մեկտեղ, կարևոր է ընդհանուր զարգացվածությունը: Նրանք անմասն չեն մնում նաև մշակութային միջոցառումներից, ինչն օգնում է զարգանալ՝ բարձր պահելով հայ անվանի ռազմական բժիշկների անունն ու պատիվը։ Դա նրանց պատրաստման և անձի կայացման փուլերից մեկն է։ Ժամանակակից ռազմական բժշկությունը մենք պատկերացնում ենք Լևոն Օրբելու միջոցով։ Ավելին ասեմ՝ ռազմահայրենասիրական դաստիարակության դրվագներից մեկն այն է, որ կուրսանտներն ավարտական դիպլոմների միջուկները ստանում են Ծաղկաձորում՝ Օրբելի եղբայրների տուն-թանգարանում, որտեղ դրվում է անվանի ռազմական բժշկի անձնական կնիքը։

-Պարոն Ծատուրյան, ինչպե՞ս եք ընտրել ռազմական բժշկի մասնագիտությունը:

-Ես ընտրություն էի կատարում բժշկի և իրավաբանի մասնագիտությունների միջև։ Պապս խորհուրդ տվեց, որ եթե ուզում եմ մարդկանց լավություն անել, նախընտրեմ բժշկի մասնագիտությունը։ Հենց իմ ընդունվելու տարում բացվեց Ռազմաբժշկական ֆակուլտետն ու ես դիմեցի այն նկատառումներով, որ նոր, բաց դաշտ է, որտեղ անելիքներն ու հնարավորություններն ավելի շատ են։

-Ինչպես բժշկի դերը հասարակությունում, այնպես էլ ռազմական բժշկի դերը զինված ուժերում անվիճելի է։ Շուտով կտոնենք բանակի կազմավորման 27-ամյակը։ Վստահ եմ՝ կցանկանաք Ձեր շնորհավորանքն ուղղել այդ առիթով։

-Այո՛, հունվարի 28-ի՝ բանակի կայացման օրվա առթիվ շնորհավորում եմ բոլոր զինծառայողներին, զիվորներին, ռազմական բժիշկներին, նրանց ովքեր ներկա պահին գտնվում են զորքերում, ծառայության մեջ և իրականացնում են իրենց վրա դրված մեծ պարտավորությունը: Հայաստանում ռազմական բժիշկները շարժվում են ժամանակին համընթաց, տիրապետում են մասնագիտական անհրաժեշտ հմտությունների, ինչի արդյունքում բանակը մարտական պատրաստությունն իրականացնում է առանց խոչընդոտների։

Եվս մեկ անգամ շնորհավորում եմ բանակի տոնի կապակցությամբ, մաղթում եմ խաղաղ երկինք ու բարի ծառայություն:

Սկզբնաղբյուր. ԵՊ բժշկական համալսարան
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

ՀՀ ԱՆ. Փոփոխություններ` դեղեր դուրս գրելու կարգում
ՀՀ ԱՆ. Փոփոխություններ` դեղեր դուրս գրելու կարգում

Կառավարությունն այսօրվա նիստում ընդունել է «Դեղատոմսեր գրելու, դեղեր բաց թողնելու (ներառյալ` էլեկտրոնային եղանակով) կարգը, դեղատոմսերի ձևերը, ինչպես նաև դեղերի և դեղանյութերի հաշվառման կարգը սահմանելու և...

ԼՈՒՐԵՐ: Դեղագործական շուկան Հայաստանում ԼՈՒՐԵՐ: Հրատապ խնդիրներ Հայաստանում
ՀՀ-ում կատարվող ստենտավորումների 30 տոկոսը՝ 1650 ստենտավորում կատարվել է «Էրեբունի» ԲԿ-ում. erebunimed.com
ՀՀ-ում կատարվող ստենտավորումների 30 տոկոսը՝ 1650 ստենտավորում կատարվել է «Էրեբունի» ԲԿ-ում. erebunimed.com

«Էրեբունի» ԲԿ անգրոգրաֆիկ ծառայության բժիշկների կողքին աշխարհի լավագույն սրտաբաններից մեկն է: Մեր հայրենակից, ակադեմիկոս, ՌԴ ԱՆ գլխավոր էնդովասկուլյար վիրաբույժ Բագրատ Ալեքյանի համար էրեբունի ԲԿ-ն հարազատ վայր է...

ԼՈՒՐԵՐ: Թվեր և փաստեր Հայաստանից ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Զինվորական կոմիսարիատներին կից բժշկական հանձնաժողովներում ընդգրկված բուժաշխատողները փոխհատուցում կստանան
ՀՀ ԱՆ. Զինվորական կոմիսարիատներին կից բժշկական հանձնաժողովներում ընդգրկված բուժաշխատողները փոխհատուցում կստանան

Պաշտպանության նախարարությունը վերակազմավորել է գործող 45 զինվորական կոմիսարիատները և դրանց կից բժշկական հանձնաժողովները` 2018 թվականի  ձմեռային զորակոչին համընթաց: Արդյունքում ձևավորվել է 16 զինվորական կոմիսարիատ՝ 5-ը Երևանում և 11-ը` մարզերում...

ԼՈՒՐԵՐ: Թվեր և փաստեր Հայաստանից
ՀՀ ԱՆ. Անպտղություն ունեցող զույգերին աջակցող նախագիծն ընդունվեց
ՀՀ ԱՆ. Անպտղություն ունեցող զույգերին աջակցող նախագիծն ընդունվեց

Կառավարությունն այսօր ընդունել է առողջապահական հերթական կարևոր` այս անգամ անպտղության հաղթահարմանն ուղղված որոշումը:
Այս քայլով` նախատեսվում է բարելավել անպտղություն ունեցող զույգերի իրավունքների իրացումը, սահմանելով մեխանիզմներ...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Փաստացի, փրկվել է 151 կյանք
ՀՀ ԱՆ. Փաստացի, փրկվել է 151 կյանք

Փետրվարի մեկից գործում է բնակչությանը պետության կողմից երաշխավորված անվճար բժշկական օգնության և սպասարկման շրջանակներում գլխուղեղի սուր և/կամ ենթասուր իշեմիկ կաթվածների թրոմբոլիտիկ բուժման և մեխանիկական թրոմբէկտոմիայի ծրագիրը...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Արդյունավետ համագործակցություն` թվայնացման գործընթացում
ՀՀ ԱՆ. Արդյունավետ համագործակցություն` թվայնացման գործընթացում

Առողջապահության նախարար Արսեն Թորորսյանն այսօր հանդիպել է WHISE-Embleema կոնսորցիումի ղեկավար Վահան Սիմոնյանի, համահիմնադիր Ռոբերտ Չուի և FDA-ի ներկայացուցիչ Ֆրանկ Ուայքոլդի հետ...

ԼՈՒՐԵՐ: Թվեր և փաստեր Հայաստանից
ԵՊԲՀ. Հեռավար ուսուցումը՝ կրթության ժամանակակից գործիք
ԵՊԲՀ. Հեռավար ուսուցումը՝ կրթության ժամանակակից գործիք

Հեռավար ուսուցումը հարմարավետ և ժամանակակից գործիք է կրթությունն ավելի բազմակողմանի դարձնելու համար: ԵՊԲՀ-ում անցկացվեց եռօրյա դասընթաց, որին մասնակցեցին ուսանողներ և դասախոսներ՝ գիտական և տեսական ամբիոներից...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ.Կարևորվել են բնակչության հետ հաղորդակցման ու իրազեկման աշխատանքները
ՀՀ ԱՆ.Կարևորվել են բնակչության հետ հաղորդակցման ու իրազեկման աշխատանքները

Առողջապահության նախարար Արսեն Թորոսյանը հանդիպել է Երևանի առողջության առաջնային պահպանման հաստատությունների` պոլիկլինիկաների տնօրեններին և բուժաշխատողներին: Հանդիպման ընթացքում քննարկվել են առաջնային օղակում մատուցվող բժշկական...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Քննարկվել է առողջապահության ոլորտում համատեղ նոր ծրագրեր իրականացնելու հնարավորությունը
ՀՀ ԱՆ. Քննարկվել է առողջապահության ոլորտում համատեղ նոր ծրագրեր իրականացնելու հնարավորությունը

Առողջապահության նախարարի տեղակալ Հովհաննես Հարությունյանը հանդիպել է «Փարոս» հիմնադրամի գործադիր տնօրեն Փիթր Աբաջյանին և հիմնադրամի ծրագրի ղեկավար Գեղամ Մինասյանին...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Որ ծառայություններն են անվճար հաշմանդամություն ունեցող անձանց և տարեցների համար
ՀՀ ԱՆ. Որ ծառայություններն են անվճար հաշմանդամություն ունեցող անձանց և տարեցների համար

Առաջնային (ամբուլատոր-պոլիկլինիկական) բժշկական օգնության և սպասարկման ողջ ծավալը, ներառյալ` ըստ բժշկական ցուցումների տեղամասային բժշկի ուղեգրմամբ նեղ մասնագիտական խորհրդատվությունները (այդ թվում ակնաբույժի...

ՀՀ որոշումներ
ՀՀ ԱՆ. Բարեփոխումներ` ճառագայթային բուժման ծառայությունում
ՀՀ ԱՆ. Բարեփոխումներ` ճառագայթային բուժման ծառայությունում

Հուլիսի 4-ից ուռուցքաբանական և արյունաբանական հիվանդությունների բժշկական օգնության և սպասարկման ճառագայթային թերապիա ծառայության մասով կատարվել են հետևյալ փոփոխությունները...

ԼՈՒՐԵՐ: Հրատապ խնդիրներ Հայաստանում
ԼՂՀ ԱՆ. Ծառայության կատարելագործում
ԼՂՀ ԱՆ. Ծառայության կատարելագործում

Հուլիսի 11-ին ԱՀ առողջապահության նախարար Արայիկ Բաղրյանը ընդունել է Լոս Անջելեսում ինսուլտի բուժման կենտրոնի տնօրեն, բժիշկ Միքայել Գրիգորյանին և «Էրեբունի» ԲԿ-ի ցերեբրովասկուլյար նյարդավիրաբուժության ծառայության ղեկավար Դավիթ Սահակյանին...

ԼՈՒՐԵՐ: Հրատապ խնդիրներ Հայաստանում
ԼՂՀ ԱՆ. Բժշկական առաքելությունը շարունակվում է
ԼՂՀ ԱՆ. Բժշկական առաքելությունը շարունակվում է

Արցախի առողջապահության նախարարության կողմից մեկնարկած գյուղական բնակչության բժշկական օգնության կազմակերպման ծրագիրը շարունակվում է: Հուլիսի 12-ին համակարգի բարձրակարգ բժիշկ-մասնագետները հերթական այցն իրականացրել են...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Առաջիկայում կարիեսի կանխարգելման ազգային ծրագիր կներդրվի
ՀՀ ԱՆ. Առաջիկայում կարիեսի կանխարգելման ազգային ծրագիր կներդրվի

Առողջապահության նախարար Արսեն Թորոսյանն այսօր ընդունել է «Հովարդ Կարագյոզյան» հիմնադրամի տնօրեն Իրինա Լազարյանին:
Բժշկական բարեգործական հասարակական կազմակերպությունը Հայաստանում գործում է 1992 թվականից...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Մինչև 18 տարեկան երեխաների անվճար բժշկական օգնության և սպասարկման մասին
ՀՀ ԱՆ. Մինչև 18 տարեկան երեխաների անվճար բժշկական օգնության և սպասարկման մասին

«Պետության կողմից երաշխավորված անվճար և արտոնյալ պայմաններով բժշկական օգնության և սպասարկման մասին» կառավարության որոշման մեջ կատարված փոփոխություններներից մեկն էլ վերաբերում է մինչև 18 տարեկան երեխաների հիվանդանոցային...

ԼՈՒՐԵՐ: Հրատապ խնդիրներ Հայաստանում

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ