Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

 

Հրատապ թեմա Հայաստանում

ՀՀ ԱՆ. Արդյունավետ համագործակցությունը` ծրագրերի հաջողության կարևոր պայման

ՀՀ ԱՆ. Արդյունավետ համագործակցությունը` ծրագրերի հաջողության կարևոր պայման

«Առողջապահության ոլորտում բազմաթիվ ծրագրեր են կյանքի կոչվում, նոր նախագծեր ուրվագծվում, ուստի մեր համատեղ աշխատանքն ավելի սերտացնելով միասին պետք է առաջ շարժվենք»,- ողջունելով մարզպետարանների և Երևանի քաղաքապետարանի առողջապահության ոլորտի պատասխանատուներին՝ ասել է Լևոն Ալթունյանը։

Հանդիպման ժամանակ ներկայացվել են 2017թ. ոլորտում իրականացվող բարեփոխումները և գերակա ծրագրերի ընթացքը, ինչպես նաև 2018թ. անելիքները։

Ծանոթացնելով նախարարությունում և ենթակա կառույցներում իրականացվող բարեփոխումներին՝ նախարարի խորհրդական Արտեմիս Տեր-Սարգսյանը շեշտադրել է Երևանում հոգեբուժական կենտրոնների և Հիվանդությունների վերահսկման, կանխարգելման ազգային կենտրոնում իրականացված օպտիմալացումը։ Կատարված մյուս փոփոխությունների նպատակը եղել է գիտականը գործնականին համահունչ դարձնելը և կրկնվող գործառույթները միավորելը։ Արդյունքում տնտեսված 1,8 մլրդ դրամն ուղղվել է դեֆիցիտ ունեցող առողջապահական ծրագրերի ֆինանսավորմանը: 2018թ. համատեղ մշակվելու է համակարգի օպտիմալ կառուցվածքը, որով բժշկական ծառայությունները բնակչության համար ավելի մատչելի և հասանելի կլինեն։

Ֆինանսատնտեսագիտական բաժնի պետի պաշտոնակատար Անի Հարությունյանը նշել է, որ համատեղ որոշակի ճանապարհ են անցել, և ներկաները ծանոթ են նոր, առավել թափանցիկ բյուջեի կառուցվածքին։ Նա ներկայացրել է բյուջետային միջոցների ծախսման արդյունավետության բարձրացման և նոր մեխանիզմների ներդրման, վերահսկողության կատարելագործման արդյունքները։

Նշվել է, որ 2018 թվականի պետական պատվերի տեղադրման պարտադիր նախապայմաններ են արտաքին աուդիտի և գործարար ծրագրերի ներկայացման պահանջը, ինչպես նաև վճարովի ծառայությունները բյուջեի 30%­ին հասցնելը, որոնք մարզային այցերի ժամանակ կարևորվել է նաև վարչապետի կողմից։

2017թ. հոկտեմբերի 1-ից ներդրված սոցիալական փաթեթի շուրջ 100,000 շահառուի համար պետության կողմից ձեռք բերված ապահովագրական փաթեթներով 3 ամսվա ընթացքում բժշկական ծառայություններ է ստացել 35.751 շահառու։ Հիվանդանոցային բուժօգնության 97%-ը եղել է վիրահատական միջամտություն։

Առաջիկայում նախարարությունը կներկայացնի սոցիալապես անապահով և հատուկ խմբերում ընդգրկված 612 հազար անձանց համար հիվանդանոցային բժշկական ծառայությունների ապահովագրական փաթեթների ձեռք բերման ծրագիրը։ Մինչև տարեվերջ շրջանառության մեջ կդրվի ամբողջ բնակչության պարտադիր ապահովագրության հայեցակարգը։

Մահացության ցուցանիշների կառուցվածքում առաջին երեք տեղն են զբաղեցնում սրտանոթային հիվանդությունները (48%), չարորակ նորագոյացությունները (20%), թոքերի քրոնիկ օբստրուկտիվ հիվանդությունները (7%)։

Արդյունավետ համագործակցությունը` ծրագրերի հաջողության կարևոր պայման«Նախարարությունը ներկայացուցչական հանձնաժողովներ է ձևավորել նշված հիվանդություների դեմ պայքարի ազգային ռազմավարությունների հայեցակարգերի մշակման նպատակով»,-ասել է բժշկական օգնության քաղաքականության վարչության պետ Դավիթ Մելիք-Նուբարյանը` մանրամասնելով, որ քաղցկեղի դեմ պայքարում կարևորվում է համապետական միասնական կառավարման համակարգի ներդրումը, իսկ թոքերի քրոնիկ օբստրուկտիվ հիվանդությունների դեմ պայքարում` ռիսկի գործոնների՝ հիմնականում ծխելու դեմ համատեղ պայքարը։

Այս և հանրային առողջապահական մյուս ծրագրերի հաջողությունը մեծապես պայմանավորված է առողջության պահպանման առաջնային օղակի բժիշկների՝ բնակչության հետ ակտիվ, նախաձեռնողական աշխատանքով։ Զուգահեռաբար կընթանա այդ օղակի բարեփոխման ծրագիրը։ Այժմ քննարկվում է պարզ և մատչելի թիրախներին հասնելու համար բուժաշխատողներին խրախուսելու մեխանիզմը։

Կարևորվել է Հայաստանում տուբերկուլոզը 2021­ին հաղթահարելու նպատակով հակատուբերկուլոզային ծառայությունների նոր` արդյունավետ մոդելի կայացումը։ Գլոբալ հիմնադրամի ծրագրերը համակարգող խմբի ղեկավար Հասմիկ Հարությունյանը նշել է, որ տեղական ինքնակառավարման մարմինների առողջապահության ոլորտի պատասխանատուների հետ արդեն սկսվել է հիվանդանոցային ծառայության կենտրոնացման և ապակենտրոնացված պոլիկլինիկական ծառայության ամրապնդման գործընթացը։

Կլինիկական ուղեցույցների, պացիենտի վարման գործելակարգերի և ընթացակարգերի ներդրման աշխատանքային խմբի ղեկավար Հարություն Մանգոյանը ներկայացրել է, որ 2017թ. օտարերկյա լավագույն փորձի հիման վրա թարգմանվել, տեղայնացվել և նախարարի հրամաններով հաստատվել են նախատեսված ավելի քան 300 փաստաթղթերը։ Նա կարևորել է, որ ստեղծված միասնական մեթոդաբանությամբ հստակ ազդակներ են ուղարկվում բժշկին և օգնում կլինիկական որոշումներ կայացնելիս։ Սրանով ոչ միայն ապահովվում են բուժման միջազգային չափորոշիչները, այլև` պացիենտի բուժման որակը և մասնագետի պաշտպանվածությունը։

Նախարար Ալթունյանը հավելել է, որ մշակված և հաստատված փաստաթղթերն այժմ թվայնացվում են, ինչից հետո կմուտքագրվեն էլեկտրոնային առողջապահական համակարգ։

«էլեկտրոնային առողջապահական համակարգը պետք է լինի առողջապահական բոլոր կազմակերպությունների կենսակերպը»,¬ասել է աշխատակազմի ղեկավար Նելսոն Զուլոյանը՝ հավելելով, որ առաջիկայում կկազմակերպվեն բուժաշխատողների դասընթացներ, ձեռք կբերվեն համակարգիչներ։

Ծրագրի համակարգող Վարդան Գևորգյանը նշել է, որ 2017թ. մայիսից պետպատվերով, ինչպես նաև սոցփաթեթի շահառուներին մատուցված ծառայությունների վճարումը բժշկական հաստատություններին կատարվում է համակարգում գրանցվող տվյալների հիման վրա, որի արդյունքում կրճատվել են ամսական վճարումների ժամկետները։ Համակարգի ներդրմանը զուգընթաց առողջապահական ոլորտի հաշվետվությունները նույնպես բժշկական կենտրոնները կներկայացնեն միասնական էլեկտրոնային համակարգի միջոցով։ Հետագայում կյանքի կկոչվեն էլեկտրոնային դեղատոմսերը, դեղերի պաշարի կառավարումը և այլն։ Անցած տարեվերջին կայացել է համակարգիչների գնման մրցույթը։ Առաջիկայում կսկսվի տեխնիկայի մատակարարումը։ Այս տարվա մարտից կմեկնարկի ուժաշխատողների ուսուցումը։

Համարձակ նորամուծություններ են կատարվում կենտրոնացված գնումների կազմակերպման գործում։ Գնումների ոլորտում իրականացվող բարեփոխումների համակարգող Հայկ Սայադյանը ներկայացրել է, որ ամբուլատոր­պոլիկլինիկական համակարգի կողմից անվճար և արտոնյալ պայմաններով դեղերի տրամադրման բոլորովին նոր համակարգի ներդրման նախագիծն արդեն ներկայացվել է ՀՀ կառավարություն։

Սրտի անվճար վիրահատությունների ծրագրի բարեփոխումները կհանգեցնեն պետպատվերի շրջանակում իրականացվող ծառայության ինքնարժեքի իջեցման։ Տնտեսված շուրջ 30% միջոցները հետագայում կուղղվեն ծրագրում ավելի շատ հիվանդներ ընդգրկելուն։ Մրցույթն արդեն կայացել է, պայմանագրերը կնքվում են։ Առաջիկայում նույն մոտեցումը կորդեգրվի պետական այլ ծրագրերի շրջանակում։

Գնումներն արդյունավետ կազմակերպելու գործում բժշկական կազմակերպություններին աջակցելու նպատակով նախարարությունը կազմակերպում է դասընթացներ և խորհրդատվություններ։ Արդեն կես տարի է, կայքում տեղադրվում են դեղերի և բժշկական նշանակության ապրանքների գնման տեխնիկական բնութագրերի օրինակելի ձևեր՝ http://moh.am/#1/737։

Նելսոն Զուլոյանը նշել է, որ անցած տարեվերջին նախարարի գլխավորած պատվիրակության Արցախի Հանրապետություն կատարած աշխատանքային այցի ընթացքում ներկայացված այս ծրագրերն այնտեղ տեղայնացնելու պայմանավորվածություն է ձեռք բերվել։ Այդ առթիվ կնքված Համաձայնագրի շրջանակներում աշխատանքներն ընթանում են։

Ներկայացնելով պետպատվերի տեղադրման պայմանագրերի կնքման ընթացքը՝ ՀՀ ԱՆ ՊԱԳ­ի պետ Ծաղիկ Վարդանյանը ներկաներին հորդորել է ավելի ակտիվ համագործակցել սահմանված ժամկետում այդ աշխատանքներն ավարտին հասցնելու և բժշկական կազմակերպություններին ֆինանսավորելու համար։

«2018 թվականին էլեկտրոնային առողջապահական ծրագրի հնարավորությունների ընդյանման գործընթացն իմ ուշադրության կենտրոնում է լինելու։ Առաջնահերթ խնդիրներից մեկն էլ կլինի առողջության առաջնային պահպանման օղակի բժիշկների հետ փոքրաթիվ խմբերով հանդիպումներ ունենալը»,­ասել է առողջապահության նախարար Լևոն Ալթունյանը` հավելելով, որ ծրագրերի կայացումը կիսով չափ պայմանավորված է, թե դրանք ինչպես են ընկալվում տեղերում և ինչպես հասցվում կատարողներին։

Սկզբնաղբյուր. ՀՀ առողջապահության նախարարություն
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

ՀՀ ԱՆ. «ՇԲՕ մեքենաների հագեցվածությունը թույլ կտա անգամ ծանր հիվանդներին տեղում ցուցաբերել անհրաժեշտ բուժօգնություն». Արսեն Թորոսյան
ՀՀ ԱՆ. «ՇԲՕ մեքենաների հագեցվածությունը թույլ կտա անգամ ծանր հիվանդներին տեղում ցուցաբերել անհրաժեշտ բուժօգնություն». Արսեն Թորոսյան

Շահումյանի անվան հրապարակում այսօր հանդիսավորապես հայտարարվեց Չինաստանի կողմից Հայաստանին նվիրաբերված շտապօգնության մեքենաների ողջ պարկի վերազինման ծրագրի մեկնարկը: Միջոցառմանը...

ԼՈՒՐԵՐ: Հրատապ խնդիրներ Հայաստանում
Տարեվերջին պետական պատվերի ծրագիրը նորովի կներկայացվի շահառուներին. izmirlianmedicalcenter.com
Տարեվերջին պետական պատվերի ծրագիրը նորովի կներկայացվի շահառուներին. izmirlianmedicalcenter.com

Հոկտեմբերի 14-ին «Իզմիրլյան» բշկական կենտրոնում կայացավ հանդիպում, որին ներկա էին առողջապահության նախարար Արսեն Թորոսյանը և հիվանդանոցային բուժօգնություն տրամադրող բոլոր կազմակերպությունների տնօրենները...

ԼՈՒՐԵՐ: Հրատապ խնդիրներ Հայաստանում
ԼՂՀ ԱՆ. Մասնավոր բժշկության զարգացման հեռանկարները
ԼՂՀ ԱՆ. Մասնավոր բժշկության զարգացման հեռանկարները

 Արցախի Հանրապետության առողջապահության նախարար Արայիկ Բաղրյանը հոկտեմբերի 12-ին ընդունել է Հայաստանի ամերիկյան համալսարանի (ՀԱՀ) Թրփանճեան գյուղական համայնքների զարգացման ծրագրի նախագահ...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. ՀՀ-ում կհիմնվի սննդային հավելումների արտադրություն և կլինիկական ուսումնասիրության հետազոտական կենտրոն
ՀՀ ԱՆ. ՀՀ-ում կհիմնվի սննդային հավելումների արտադրություն և կլինիկական ուսումնասիրության հետազոտական կենտրոն

Խոստումից՝ ներդրում. փոխվարչապետ Տիգրան Ավինյանի գլխավորած արտագնա գործարար առաքելության արդյունքում Հայաստանում նոր արտադրություն կհիմնվի...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Գերմանական կողմը կաջակցի ՀՀ հակաքաղցկեղային ռազմավարության իրականացմանը
ՀՀ ԱՆ. Գերմանական կողմը կաջակցի ՀՀ հակաքաղցկեղային ռազմավարության իրականացմանը

Գերմանիայի կառավարությունը պատրաստ է աջակցել ՀՀ-ում տարվող հակաքաղցկեղային ռազմավարությանը 2 հիմնական ուղղությամբ` կլինիկական եւ հանրային առողջապահության: Սա ենթադրում է մասնագետների փոխայցեր...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Պալիատիվ խնամքի խնդիրները` քննարկման թեմա
ՀՀ ԱՆ. Պալիատիվ խնամքի խնդիրները` քննարկման թեմա

Առողջապահության նախարարի տեղակալ Սերգեյ Խաչատրյանը հանդիպել է Ռուսաստանի Դաշնության  առողջապահական պետական բյուջետային հաստատության առողջապահական դեպարտամենտի պալիատիվ...

ԼՈՒՐԵՐ: Հրատապ խնդիրներ աշխարհում ԼՈՒՐԵՐ: Հրատապ խնդիրներ Հայաստանում
ՀՀ ԱՆ. ԲԿ-ներում տեղադրվում են տերմինալներ` պարզելու պացիենտների կարծիքն ու դժգոհությունները
ՀՀ ԱՆ. ԲԿ-ներում տեղադրվում են տերմինալներ` պարզելու պացիենտների կարծիքն ու դժգոհությունները

Առողջապահության նախարարությունը նախաձեռնում է պացիենտի գոհունակության մշտադիտարկման  գործիքի` ինտերակտիվ տերմինալների  ներդրումը որոշ բուժհաստատություններում: Տերմինալների վրա տեղակայված հարցաշարի...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. ՀՀ դպրոցներում կուսումնասիրվեն սննդի անվտանգության հարցերը և դրանց կապը առողջական խնդիրների հետ
ՀՀ ԱՆ. ՀՀ դպրոցներում կուսումնասիրվեն սննդի անվտանգության հարցերը և դրանց կապը առողջական խնդիրների հետ

Առողջապահության նախարար Արսեն Թորոսյանն ընդունել է ՌԴ Պարենային անվտանգության Եվրասիական կենտրոնի աշխատակիցներին, մասնավորապես, Մոսկվայի պետական համալսարանի լաբորատոր ախտորոշման բաժնի վարիչ...

ԼՈՒՐԵՐ: Հրատապ խնդիրներ Հայաստանում
Հարցազրույց ապահովագրական ծառայության աշխատակից Աննա Համբարձումյանի հետ. izmirlianmedicalcenter.com
Հարցազրույց ապահովագրական ծառայության աշխատակից Աննա Համբարձումյանի հետ. izmirlianmedicalcenter.com

Ի՞նչ է սոցիալական փաթեթը, ո՞վ է շահառուն

Սոցիալական փաթեթը ՀՀ պետական աշխատակիցների առողջական, կրթական և այլ խնդիրների ապահովման...

Բժշկական կազմակերպություններ և կենտրոններ
ՀՀ ԱՆ. Քննարկվել են հետագա համագործակցության հարցերը
ՀՀ ԱՆ. Քննարկվել են հետագա համագործակցության հարցերը

Առողջապահության նախարարի տեղակալ Արսեն Դավթյանն ընդունել է ՄԱԿ-ի մանկական հիմնադրամի Եվրոպայի և Կենտրոնական Ասիայի տարածաշրջանային գրասենյակի տնօրեն Աֆշան Խանին,  ՄԱԿ-ի մանկական հիմնադրամի...

ԼՈՒՐԵՐ: Թվեր և փաստեր Հայաստանից
Որո՞նք են առողջապահության ոլորտի առանցքային խնդիրները
Որո՞նք են առողջապահության ոլորտի առանցքային խնդիրները

Առողջապահական ոլորտում համակարգային փոփոխություններ են պետք: Այս նախադասությունը մասնակի փոփոխություններով, բայց իմաստային հենց նույն հնչերանգով շեշտում են առողջապահական ոլորտի մասնագետները...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Կուսումնասիրվի ՀՀ բնակչության մոտ հակամանրէային դեղերի նկատմամբ ձեւավորված կայունությունը
ՀՀ ԱՆ. Կուսումնասիրվի ՀՀ բնակչության մոտ հակամանրէային դեղերի նկատմամբ ձեւավորված կայունությունը

Առողջապահության համաշխարհային կազմակերպության (ԱՀԿ) եվրոպական տարածաշրջանային գրասենյակի փորձագետները սեպտեմբերի 17-20- առաքելական այցով Երեւանում են` նպատակ ունենալով բարելավել...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Արցախի հազարից ավելի բժիշկներ և բուժքույրեր մասնագիտական վերապատրաստում կանցնեն
ՀՀ ԱՆ. Արցախի հազարից ավելի բժիշկներ և բուժքույրեր մասնագիտական վերապատրաստում կանցնեն

ՀՀ և Արցախի առողջապահության նախարարներ Արսեն Թորոսյանի և Արայիկ Բաղրյանի միջև ձեռք է բերվել պայմանավորվածություն Արցախի քաղաքային և շրջանային բուժհիմնարկների ու գյուղական ամբուլատորիաների բժիշկների...

ԼՈՒՐԵՐ: Թվեր և փաստեր Հայաստանից
ՀՀ ԱՆ. Պետպատվերով բուժվող հիվանդի համար բժշկին վճարման մեխանիզմը փոխվում է
ՀՀ ԱՆ. Պետպատվերով բուժվող հիվանդի համար բժշկին վճարման մեխանիզմը փոխվում է

Պետության կողմից երաշխավորված անվճար և արտոնյալ պայմաններով բժշկական օգնություն և սպասարկում իրականացնող կազմակերպությունների հիվանդանոցային ծառայություններում աշխատանքի վարձատրության...

ԼՈՒՐԵՐ: Թվեր և փաստեր Հայաստանից
ՀՀ ԱՆ գլխավոր մասնագետների ինստիտուտն արմատապես փոխվում է
ՀՀ ԱՆ գլխավոր մասնագետների ինստիտուտն արմատապես փոխվում է

ՀՀ առողջապահության նախարարության գլխավոր մասնագետների ինստիտուտն արմատապես փոխվում է, ինչի մասին նախորդիվ պարբերաբար հայտարարում էր առողջապահության նախարար Արսեն Թորոսյանը...

ԼՈՒՐԵՐ: Թվեր և փաստեր Հայաստանից

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ