Հարգելի LUSINE, բարև Ձեզ: Հոնքերի մազերը կարող են թափվել մի շարք դեպքերում, դրա պատճառը հիմնականում ներքին խնդիրներն են: Պատճառ կարող է լինել սթրեսը, վահանագեղձի հիվանդությունները, որոշ դեղերի ընդունումը, այլ էնդոկրին հիվանդությունները: Առանց պատճառը վերացնելու ցանկացած արտաքին միջոց միայն ժամանակավոր էֆեկտ կտա: Կարող եք հոնքերին պարբերաբար փոքր վրձինով գերչակի յուղ քսել: Պատճառը պարզելու և բուժման համար հարկավոր է դիմել մաշկաբանաի, հարկ եղած դեպքում նաև էնդոկրինոլոգի:

Հարգելի Monte, բարև Ձեզ: Մազաթափության պատճառները բազմաթիվ են և հաճախ կապված են ներքին խնդիրների հետ: Արտաքին միջոցների օգնությամբ կարելի է ժամանակավորապես ճնշել ճարպագեղձերի ֆունկցիան, սակայն , եթե կա ներքին խնդիր, որն անընդհատ բերում է ճարպի գերարտադրությանը, հետևաբար նաև մազաթափության, արտաքին միջոցներն անարդյունավետ են: Այդ պատճառով հարկավոր է գտնել պատճառը: Կախված պատճառից թափված մազերը կարելի է վերականգնել: Սակայն, եթե արդեն կա ազարմատնեչ ապաճում վերականգնումը շատ դժվար կլինի:

Հարգելի Diana, բարև Ձեզ: Եթե արտաքին միջոցները արդյունավետ չեն, կամ արդյունքը ժամանակավոր է, դա նշանակում է, որ մազաթափության պատճառը օրգանիզմի ներքին խնդիրն է: Հնարավոր է մազաթափությունն ուղեկցվի այլ գանգատներով: Եթե ունեք այլ գանգատներ, օրինակ մազակալում, դաշտանային ֆունկցիայի խանգարում և այլն, խնդրում եմ նշեք: Ցանկալի է դիմել մաշկաբանի, ցանկալի է նաև գինեկոլոգ-էնդոկրինոլոգի կոնսուլտացիա: Հարկավոր է պարզել պատճառը, հակառակ դեպքում ցանկացած արտաքին բուժում անարդյունավետ կլինի:

Հարգելի QNARIK, բարև Ձեզ: Գլխացավերի պատճառը պարզելու համար հարկավոր է դիմել նյարդաբանի, հնարավոր է դրանք պարզապես լարվածության գլխացավեր են, և հանգստացնող միջոցներ օգտագործելուց որոշ ժամանակ անց ինքնուրույն անցնեն: Իսկ մազաթափության պատճառը պարզելու համար հարկավոր է դիմել մաշկաբանի, հարկ եղած դեպքում նաև էնդոկրինոլոգի և գինեկոլոգի: Հազվադեպ դեպքերում մազաթափությունը և գլխացավերը կարող են կապված լինել իրար հետ, երբ մազաթափության պատճառը հիպերպրոլակտինեմիան է, որը կարող է գլխացավեր առաջացնել, կամ ադրենոկորտիկոտրոպ հորմոնի թերարտադրությունը: 

Հարգելի'  կայքի այցելուներ, տեխնիկական պատճառներով հարցերին պատասխանելը ժամանակավորապես հնարավոր չէր, և որոշ հարցեր, որոնց պատասխանելն այլևս ակտուալ չէ, հեռացվել են կայքից: Խնդրում ենք, եթե Ձեր հարցերը դեռևս ակտուալ են, նորից գրել:  Հայցում են Ձեր ներողամտությունը պատճառված անհարմարության համար:

Հարգելի Eva, բարև Ձեզ: Եթե թափված մազերը փոխարինվում են նորերով, անհանգստանալ պետք չէ: Եթե նկատում եք, որ մազերը նոսրանում են հարկավոր է պարզել նախ պատճառը, քանի որ առանց պատճառը պարզելու ցանկացած արտաքին միջոց միայն ժամանակավոր էֆեկտ կտա: Պատճառները տարբեր են սկսած մաշկային հիվանդություններից, սթրեսից, մինչև հորմոնալ խանգարումներ: Մազերի աճը խթանող միջոցներ կարող եք գտնել մեր կայքի " Մազերի խնամք"  բաժնում:

Հարգելի Armen, բարև Ձեզ: Եթե կա ժառանգական նախատրամադրվածություն, խոսքը գնում է անդրոգենային մազաթափութան մասին, որը ցավոք ներկայումս լիարժեք բուժում չունի: Ինչ վերաբերում է "Մինոկսիդիլ" միջոցին, այն ունի տեղային ազդեցություն, լավացնում է գլխամաշկի արյունամատակարումը և ունի բավականին լավ էֆեկտ: Սակայն Ձեր դեպքում այնքան էլ արդյունավետ չէ: Կարող եք իհարկե օգտագործել , սակայն դա կունենա ժամանակավոր էֆեկտ, տղամարդկանց համար նախատեսված է մինոկսիդիլի 5%-ոց լուծույթը:

Հարգելի Riima, մազաթափության պատճառները բազմաթիվ են, այդ թվում նաև վիտամինների և հանքային նյութերի դեֆիցիտը: Եթե առկա է նման խնդիր, ցանկալի է մանրամասն հետազոտվել:

Հարգելի Արթուր, բարև Ձեզ: Նման տեսակի մազաթափությունը կոչվում է անդրոգենային, հանդիպում է հիմնականում տղամարդկանց մոտ և ունի ժառանգական նախատրամադրվածություն: Ցավոք Ձեր դեպքում բուժման բոլոր մեթոդները անարդյունավետ են, կամ կարող են տալ աննշան էֆեկտ: Անդրոգենային մազաթափությամ ժամանակ հաճախ կատարվում է մազարմատների տրանսպլանտացիա, այսինքն ավելի խիտ հատվածներից մազարմատները տեղափոխվում են ավելի նոսր հաստվածներ: Այս մեթոդը ներկայումս լայն կիրառություն ունի և բավականին էֆեկտիվ է:

Հարգելի Դավիթ, բարև Ձեզ: Ցավալի է, որ երիտասարդ տարիքում կանգնել եք նման դժվարին խնդրի առաջ: Նման տեսակի մազաթափությունը այլ կերպ կոչվում է տոտալ ալոպեցիա: Պատճառները տարբեր են, ինչպես արտաքին, այնպես էլ ներքին: Տոտալ ալոպեցիայի պատճառ կարող է լինել ժառանգական նախատրամադրվածությունը, աուտոմուն պրոցեսները, որոնք կարող են լինլ ինչպես առանց պատճառի, այնպես էլ ինֆեկցիոն պրոցեսների հետևանքով առաջացած: Պատճառ կարող է լինել երկարատև սթրեսը, էնդոկրին հիվանդությունները, ստամոքս-աղիքային տրակտի հիվանդությունները, ռադիկոակտիվ և թունավոր նյութերի հետ շփումը: Ձեր դեպքում շատ կարևոր է մազաթափության պատճառը գտնելը, այնուհետև, եթե հնարավոր է այն վերացնել: Որոշ դեպքերում, օրինակ ժառանգական նախատրամադրվածության կամ աուտոիմուն պրոցեսների ժամանակ հնարավոր չէ պատճառը վերացնել, այդ դեպքում միակ միջոցը մազերի ֆոլիկուլների փոխպատվաստումն է: Հարկավոր է դիմել մաշկաբանի, անցնել մի շարք հետազոտություններ պատճառը պարզելու, այնուհետև, եթե հնարավոր է այն վերացնելու համար: Հարկավոր է ինչպես արտաքին, այնպես էլ ներքին բուժում: Եթե պրոցեսը աուտոիմուն է, նշանակվում են իմունիտետն ընկճող միջոցներ: Դրական էֆեկտ տալիս է մեզոթերապիան, դարսոնվալիզացիան, ֆոնոֆորեզը: Հարգելի Դավիթ, ոչ մի դեպքում ցանկալի չէ ինքնաբուժությամբ զբաղվելը, և փորձել տնային պայմաններում խնդրին լուծում տալ: Որքան հնարավոր է շուտ դիմեք բժշկի, պրոցեսը որոշ չափով կանխելու համար և անդառնալի փոփոխություններից խուսափելու համար:

Հարգելի ANI,գլխամաշկի թեփը առաջանում է ճարպագեղձերի ֆունկցիայի խանգարման հետևանքով,որն էլ իր հերթին նյութափոխանակության և հորմոնալ խանգարումների հետևանք է:Ձեր դեպքում շատ կարևոր է բացառել հորմոնալ շեղումները:Նման ախտանիշներ դիտվում են նաև սեբորեայի ժամանակ:Ստորև ներկայացնում ենք հղումներ,որտեղ կգտնեք մազաթափության դեմ օգտակար միջոցներ.

https://www.med-practic.com/arm/607/33647%201in.am/article.more.html

https://www.med-practic.com/arm/607/28860/.%20ankakh.com/article.more.html

https://www.med-practic.com/arm%20news.am/article.more.html

Հարգելի  Sofi, մազաթափության պատճառները բազմաթիվ են, և  շատ հաճախ մազաթափությունը ո՛չ միայն արտաքին խնդիր է այլ ներքին հիվանդության արտաքին դրսևորում: Արտաքին պատճառներից կարող են լինել  մազերի հաճախակի ներկումը, արհեստական գանգրացումը, ջերմային վնասվածքները`վարսահարդարիչի հաճախակի օգտագործումից: Հաճախ մազաթափություն կարող է լինել նյարդային լարվածության կամ սթրեսսի հետևանքով:
Ներքին խնդիրները ևս բազմաթիվ են ` հորմոնալ խնդիրները, աղիների հետ կապված խնդիրները, հելմինթները, օրգանիզմի ընդհանուր ինտոքսիկացիան և այլն: Մազաթափություն կարող է առաջանալ նաև որոշ դեղամիջոցների ընդունումից: Խորհուրդ է տրվում դիմել մաշկաբանի` մանրամասն հետազոտվելու և համալիր բուժում ստանալու համար: Ստորև ներկայացնում ենք հղումներ, որտեղ կգտնեք մազաթափությունը կանխող միջոցներ .
https://www.med-practic.com/arm/607/19245/article.more.html
https://www.med-practic.com/arm/607/11008/article.more.

Հարգելի  NARE, ինպես գլխամաշկի քորը, այնպես էլ մազաթափությունը, ունեն բազմաթիվ պատճառներ, և հիմնականում դա ոչ թե տեղային խնդիր է, այլ ներքին հիվանդության արտաքին դրսևորում: Ձեր դեպքում քորը, մաշկի գույնի փոփոխությունը և մազաթափությունը փոխկապակցված են: Գլխամաշկի քորը և թեփոտումը, ամենայն հավանականությամբ, գլխամաշկի ճարպագեղձերի ֆունկցիայի խանգարման հետևանք են, որն էլ իր հերթին կարող է բերել մազաթափության: Իսկ ճարպագեղձերի ֆունկցիայի խանգարումը նույնպես տարպեր պատճառներ ունի. հորմոնալ, նյարդային, նյութափոխանակության խանգարումներ, որևէ ինֆեկցիոն ախտահարման հետևանք և այլն: Անհրաժեշտ  է դիմել մաշկաբանի համապատասխան բուժում ստանալու համար: Ստորև օգտակար հղում.
https://www.med-practic.com/arm/337/32221/article.more.html
https://www.med-practic.com/arm/607/28860/%20ankakh.com/article.more.html
https://www.med-practic.com/arm/607/19245/article.more.html

Հարգելի Aghasi, տղամարդկանց մոտ ճաղատությունը պայմանավորված է արյան մեջ տեստոստերոնի բարձր մակարդակով: Քունքային և գագաթային շրջանի մազարմատները զգայուն են տեստոստերոնի նկատմամբ, հետևաբար, երբ արյան մեջ արական սեռին բնորոշ այդ հորմոնի մակարդակը բարձրանում է մազարմատները սկսում են վնասվել, որի արդյունքում նկատվում է մազաթափություն հենց այդ շրջանում: Եթե դա ձեզ այդքան անհանգստացնում է դիմեք պլաստիկ վիրաբույժներին մազարմատների գրաֆտային փոխպատվաստման համար: Միակ տարբերակը կորցրած մազերի վերականգնման դա է:

Հարգելի Maria, բարև Ձեզ, սովորաբար կանայք գանգատվում են ծննդաբերությունից հետո մազաթափությունից, որոնք կապված են մի քանի հանգամանքների հետ՝ ռեժիմի կտրուկ փոփոխություններ, հորմոնալ լուրջ տեղաշարժեր օրգանիզմում, քնի հարկադրված խանգարումներ և այլն: Կայքում Մազերի խնամք խորագրում Դուք կգտնեք տարբեր խորհուրդներ: Բոլոր դեպքերում այն ժամանակավոր բնույթ է կրում: