Իրադարձություններ Հայաստանում
Երևանում իր աշխատանքն է սկսել հայկական ուրոլոգիական ասոցիացիայի 19-րդ տարեկան գիտաժողովը
Հայկական ուրոլոգիական ասոցիացիայի 19-րդ տարեկան գիտաժողովը սեպտեմբերի 22-ից 23-ը Երևանի Մ. Հերացու անվան պետական բժշկական համալսարանում համախմբել է Եվրոպայի, ԱՄՆ-ի, Ռուսաստանի Դաշնության և Վրաստանի համաշխարհային ճանաչում ունեցող մի շարք մասնագետների: Այս տարի մեր գիտաժողովը իր ներկայությամբ պատվել է Եվրոպական ուրոլոգիական ասոցիացիայի նախագահ Քրիստոֆեր Չափըլը: Տեղի և արտերկրից ժամանած մասնագետները կկարդան մի շարք դասախոսություններ արդի ուրոլոգիական խնդիրների շուրջ:
Հայկական ուրոլոգիական ասոցիացիայի 19-րդ գիտաժողովը նվիրված է ուսուցիչ, ուրոլոգիայի նահապետ, երջանկահիշատակ պրոֆեսոր Իվան Գերասիմի Աղաջանյանի հիշատակին: Արդեն 19 տարի է, ինչ Հայկական ուրոլոգիական ասոցիացիան անընդմեջ կազմակերպում է ամենամյա հավաքներ, որոնք վկայում են Հայաստանի ուրոլոգների մասնագիտական որակի, կազմակերպվածության և համախմբվածության մասին:
Այս գիտաժողովները Հայաստանում կազմակերպվող ամենախոշոր մասնագիտական միջոցառումներն են, որոնք տեղի ուրոլոգներին հնարավորություն են տալիս ծանոթանալ ոլորտի նորություններին: Տարեկան կոնգրեսները մեր ամենամյա մասնագիտական ամենալուրջ ստուգատեսն են, թե՛ անհատ մասնագետ ուրոլոգների, թե՛ Հայաստանի ուրոլոգիական համայնքի համար, քանի որ թույլ են տալիս վերլուծել յուրաքանչյուր տարվա ընթացքում կատարած աշխատանքը, արձանագրել ձեռքբերումներն ու բացթողումները, հստակեցնել գերակայությունները և նախագծել հետագա զարգացման ուղիները: Այս տարի ևս մասնակիցներին կտրվեն ՀՀ առողջապահության նախարարության կողմից հաստատված պաշտոնական, տեսական և գործնական շարունակական մասնագիտական զարգացման (ՇՄԶ) կրեդիտներ:
ԵՊԲՀ ռեկտոր Արմեն Մուրադյանն իր խոսքում նշեց, որ 19 տարիների ընթացքում Հայկական ուրոլոգիական ասոցիացիային հաջողվեց առաջատար դիրքեր զբաղեցնել՝ անցնելով ծանր, բայց պատվաբեր ճանապարհ:
Նրա խոսքով՝ առաջին անգամ է, որ ասոցիացիայի տարեկան ժողովը գումարվում է առանց ավագ գործընկեր, պրոֆեսոր Իվան Աղաջանյանի, ով կանգնած է ո՛չ միայն այս մասնագիտական միավորման ստեղծման, այլև մեր երկրում ուրոլոգիայի կայացման ու զարգացան ակունքներում:
Արմեն Մուրադյանն ընդգծեց, որ ասոցիացիան առաջիկայում ևս զարգանալու է միջազգայնացման ճանապարհով և համահունչ այն ձեռքբերումներին, որոնք այսօր աշխարհում առկա են ուրոլոգիայի ոլորտում:
«Հերացի» թիվ 1 հիվանդանոցային համալիրի գլխավոր բժիշկ Արեն Բաբլումյանը մեզ հետ զրույցում ասաց. «Բավականին ձեռքբերումներ ունենք Հայաստանում: Պետք է ասեմ, որ Հայաստանը մի շարք ուղղություններով չի զիջում համաշխարհային բժշկությանը՝ ուրոլոգիային: Սակայն որոշ խնդիրներ, այնուամենայնիվ, կան՝ կապված տեխնիկական հագեցվածության հետ, որոշակի ուսումնական գործընթացների, որը կարծում եմ, ժամանակի խնդիր է, և այդ ձեռքբերումներն, անկասկած, կնվաճենք»:
Խոսելով գիտաժողովի ընթացքում արծարծվող թեմաների մասին՝ Ա. Բաբլումյանն ընգծեց, որ, մասնավորապես, կանդրադառնան ստորին միզուղիների օրգանների ֆունկցիոնալ և այլ խանգարումներին, էրեկտիլ դիսֆունկցիային, լապորոսկոպիկ ուրոլոգիային, միզային համակարգի ուռուցքային հիվանդություններին, անմիզապահության, ռոբոտիկ վիրաբուժությանը և այլ թեմաների:
«Ցանկացած նման ժողով ընտրում է թեմա, որը, իրավամբ, թիրախային է, որտեղ թերանում ենք, որտեղ կա կարիք գիտելիքներն ավելի խորացնելու, հմտություններն ավելացնելու, որպեսզի մեր ազգաբնակչությանը ցույց տանք է՛լ ավելի բարձր որակյալ բուժօգնություն»:
Ասոցիացիայի նախագահ Արթուր Գրաբսկին ասաց, որ երիտասարդ մասնագետների ակտիվություն է նկատում. «Հետաքրքրությունն, իսկապես, շատ է գիտաժողովի հանդեպ, որովհետև ընտրված են այն թեմաները, որոնք յուրաքանչյուր երիտասարդ մասնագետի կտա շարունակական կրթության հնարավորություն: Բժիշկ դառնալու համար միայն համալսարանում սովորելը շատ քիչ է: Եվ այստեղ կարևոր է ամենօրյա աշխատանքը` կրթվածությունը զարգացնելու, շարունակ վերապատրաստվելու ցանկությունը: Եվ պետք է ասեմ, որ մեր ասոցիացիան այնպիսի քաղաքականություն է ընտրել՝ Հայաստան հրավիրել համաշխարհային անուն ունեցող փորձագետների, որպեսզի մեր երիտասարդ բժիշկները անձամբ նրանց հետ շփվեն ու իմանան, որ նրանք աստղերի պես հեռու չեն, և իրենք էլ են եղել երիտասարդ ու, սովորելով ու ջանքեր գործադրելով, անուն են ձեռքբերել: Վերջին երկու տարիներին մեզ հաջողվեց հրավիրել, բացի հարևան երկրներից, նաև համաշխարհային մասշտաբի վարկանիշ ունեցող մասնագետների, և սա հպարտանալու առիթ է»:
Նշենք, որ ռեզիդենտների և երիտասարդ ուրոլոգների համար սեպտեմբերի 18-ից 20-ը երկրորդ անգամ կկազմակերպվի նաև լապորոսկոպիկ ուրոլոգիայի դասընթաց: Հիմնադրման իսկ պահից Հայկական ուրոլոգիական ասոցիացիան ընտրել է համաշխարհային առաջադեմ ուրոլոգիական կազմակերպությունների հետ մասնագիտական ինտեգրման ուղին, փորձելով իր հնարավորությունների սահմանում փոխառել աշխարհում ընդունված առաջադեմ մասնագիտական փորձը:
Կարդացեք նաև
Առողջապահության նախարարությունը հայտարարում է մրցույթ կլինիկական փորձարկումների էթիկայի հանձնաժողովի անդամ ընտրվելու համար...
2023 թվականից կրկնողաբար Երևանում (ԵՊԲՀ «Մանկաբարձության և գինեկոլոգիա»-ի թիվ 1 ամբիոն) տեղի կունենա «Մ.Հերացու անվան պետական բժշկական համալսարան»-ի կողմից կազմակերպվող...
ՀՀ առողջապահության նախարարի «20» ապրիլ 2022թ․ NO1643-Ա հրամանով հաստատված (28 կրեդիտ)՝ Երևանի Մ․ Հերացու անվան պետական բժշկական համալսարանի Ընտանեկան բժշկության ամբիոնի կողմից կազմակերպվող․․․
Անհաս նորածինների բժշկական սպասարկումը և դեղապահովումն իրականացնելու համար առողջապահության նախարարությունն առաջին անգամ ձեռք է բերել...
Գյումրու, Ախուրյանի և Ամասիայի 50-69 տարեկան կանայք կարող են կրծքագեղձի ԱՆՎՃԱՐ սքրինինգային հետազոտություն անցնել շարժական մամոգրաֆի միջոցով...
Վերսկսում ենք ավագ սերնդի համար ֆիզիկական ակտիվության խմբակները` Երևանի տարբեր վարչական շրջաններում...
Ապրիլի 25-ին կկայանա Բժշկական գենետիկայի և Հազվադեպ հիվանդությունների հայկական ասոցիացիաների 1-ին գիտաժողովը (հանդիպում-քննարկում)...
ՄՄԱՊԳՀԿ-ը աշխատանքի է հրավիրում մայրապետերի (սանիտար)՝ մրցունակ աշխատավարձով։
Մանրամասն տեղեկատվություն ստանալու համար...
2024թ. ապրիլի 22-ից մայիսի 3-ը ԵՊԲՀ ընտանեկան բժշկության ամբիոնի կողմից անցկացվելու է «Դիետոլոգիայի և նուտրիցիոլոգիայի արդի խնդիրներ» թեմայով դասընթաց...
Երևանի Մխիթար Հերացու անվան պետական բժշկական համալսարանի մաշկաբանության և սեռավարակաբանության ամբիոնի, պրոֆեսոր Հ.Ա. Քալամքարյանի...
1. Արդյո՞ք անձնական տվյալների գաղտնիությունը չի խախտվում:
2. Ալերգիայի դեպքում, երբ անձի ինքնազգացողությունը կտրուկ վատանում է...
Մարտի 29-ին Մոր և մանկան առողջության պահպանման գիտահետազոտական կենտրոնում «Միկրոանգիոպաթիայի ֆենոմենի նշանակությունը մանկաբարձությունում...
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- Հղիություն. 6-րդ ամիս
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 2-րդ ամիս
- 4-7 ամսական երեխաների սնուցումը
- Ընկերության մասին
- Ամուսնական առաջին գիշերը
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Դիմակներ` մազերի համար
- Հղիություն. 1-ին ամիս
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Էկզեմայի տեսակները և բուժումը
- Ուլտրաձայնային դոպլերոգրաֆիա (երկակի (դուպլեքս) անոթների)
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն