Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ֆարմացևտ պրակտիկ 11-12.2007 (8-9)

Սպիտակ խալաթից լաքաները վերացնելու խորհուրդներ

Սպիտակ խալաթից լաքաները վերացնելու խորհուրդներ

Մասնագետի խալաթը պետք է լինի նույնքան մաքուր և անբասիր, որքան նրա հեղինակությունը։ Մինչդեռ... չես հասցնում աչքդ թարթել, մեկ էլ նկատում ես, որ խալաթիդ թևքի վրա դեղաքսուքից, յոդից կամ մեկ այլ դեղամիջոցից լաքա է առաջացել։

 

Ի՞նչ անել այդ պարագայում, երբ ձեռքի տակ չկա լաքա հանող որևէ ունիվերսալ միջոց։ Պետք չէ հուսահատվել. լաքան հանելու խնդրի լավագույն լուծման համար անչափ կարևոր է հիշել, թե որ լաքան ինչով կարելի է վերացնել։ Ամենակարևորն այն է, որ մի լաքան մյուսի հետ չշփոթեք։ Այսպիսով ձեր ուշադրությանն ենք ներկայացնում լաքան հանելու կարճ մի «դասախոսություն»։

 

ԼԱՔԱՆ ՎԵՐԱՑՆԵԼՈՒ ՀԻՄՆԱԿԱՆ ԿԱՆՈՆՆԵՐԸ

 

1. Լաքան նկատելուց հետո պետք է հնարավորինս շուտ գործի անցնել։ Խալաթի վրա լաքա՞ կա` անմիջապես փոխեք խալաթը և հնարավոր միջոցներ ձեռնարկեք խալաթի «վիրավորված հեղինակությունը» փրկելու համար։


2. Աղով շփելը հարցի լուծում չէ։ Հետո ինչ, որ ձեր տատիկը խորհուրդ է տվել լաքաները աղով շփել։ Աղը կարող է օգնել, եթե, ասենք, սփռոցի վրա գինի է լցվել։ Մյուս բոլոր լաքաների դեպքում աղով շփելը բացարձակապես անօգուտ զբաղմունք է։


3. Ուշադրություն դարձրե՛ք ջրի ջերմաստիճանին։ Որոշ լաքաներ իսպառ վերանում են միայն տաք ջրի ազդեցությունից։ Դրան հակառակ` կան լաքաներ, որոնք դուրս են գալիս միայն սառը ջրով։ Մտապահե՛ք. յուղոտ լաքաների դեպքում ցուցված է տաք ջրով շփումը, հյութերից մնացած լաքաների դեպքում` սառը ջուրը։


4. Ամեն ջանք պետք է չափավոր լինի։ Լաքան հանելու նպատակով խալաթն անդադար տրորելը կարող է հանգեցնել կտորի վրա անցքեր առաջացնելուն։ Արդյունքում ձեր խալաթին այլևս ոչ մի «վերակենդանացում» չի օգնի։


5. Միշտ հիշե՛ք քիմմաքրման ծառայության մասին։ Եթե լաքան մեծ է և դժվարությամբ է դուրս գալիս, ապա ավելի լավ է այդ գործը վստահել քիմմաքրման ծառայության արհեստավարժ աշխատակիցներին։

 

ՇՐԹՆԵՐԿ

 

Երբ ջրակայուն շրթներկը պատահաբար քսվում է ձեր խալաթին, դժվար թե վերջինիս «հյութեղ գույնը» ձեզ հաճելի թվա...

 

ՀՐԱՏԱՊ ԻՐԱՎԻՃԱԿՈՒՄ.

  • Փորձե՛ք լաքան հանել անուշադրի սպիրտի թույլ լուծույթով։


ՏԱՆԸ.

  • Որակյալ լվացքի փոշին ընդունակ է «ջախջախել» նույնիսկ ամենաորակյալ շրթներկին։

  • Եթե լվացքից հետո էլ շրթներկի լաքան չի անցնում, խորհուրդ ենք տալիս ավելորդ հոգսերից ազատվելու համար այդ շրթներկն այլևս չօգտագործել։

 

ՇՈԿՈԼԱԴ

 

ՀՐԱՏԱՊ ԻՐԱՎԻՃԱԿՈՒՄ.

  • Զգուշությամբ խալաթի վրայից հեռացրե՛ք շոկոլադի շերտը։

  • Ինչպես հարկն է ցայե՛ք սենյակային ջերմաստիճանի ջրում այնքան ժամանակ, որ շոկոլադի շերտը կտորի վրայից դուրս գա։

  • Մնացած հետքերը առատ օճառե՛ք, այնուհետև լվացե՛ք տաք ջրով։


ՏԱՆԸ.

  • Խալաթը տաք ջրով լվացե՛ք։

 

ՔՐՏԻՆՔ

 

ՀՐԱՏԱՊ ԻՐԱՎԻՃԱԿՈՒՄ.

  • Քրտինքի թարմ հետքերը սովորաբար աղաջրով շփելուց հետո վերանում են (մեկ ճաշի գդալ աղը լուծել մեկ բաժակ տաք ջրի մեջ)։

  • Եթե քրտինքի հետքերը աղաջրով շփելուց հետո չեն վերանում, ապա կարելի է աղին ավելացնել նաև բորակ (դարձյալ մեկ ճաշի գդալ բորակը լուծել մեկ բաժակ աղաջրի մեջ)։


ՏԱՆԸ.

  • Խալաթը լվացե՛ք սովորական եղանակով։

 

ՍՈՒՐՃ ԿԱՄ ԿԱԿԱՈ

 

ՀՐԱՏԱՊ ԻՐԱՎԻՃԱԿՈՒՄ.

  • Սուրճի կամ կակաոյի լաքան կարելի է լվալ եռացող ջրի մեջ։

  • Մշակե՛ք 1։1 հարաբերակցությամբ ջրի հետ բացված 3%-անոց անուշադրի սպիրտի լուծույթով։


ՏԱՆԸ.

  • Լվացե՛ք տաք ջրով և որակյալ լվացքի փոշիով։

 

ՅՈՒՂ

 

ՀՐԱՏԱՊ ԻՐԱՎԻՃԱԿՈՒՄ.

  • Փորձե՛ք կտորի վրայից յուղը հնարավորինս սրբել-հեռացնել։

  • Խալաթը հոսող տաք ջրի շիթի տակ պահե՛ք այնքան ժամանակ, որ յուղային մասը վերանա։

  • Յուղային մակերեսը հնարավորինս հեռացնելուց հետո լաքայի հատվածին յուղազերծող որևէ միջոց քսե՛ք (օրինակ աման լվալու հեղուկ) և պահե՛ք հոսող տաք ջրի շիթի տակ։


ՏԱՆԸ

  • Խալաթը թրջե՛ք տաք ջրի մեջ, որին նախապես փոքր քանակությամբ քացախ կամ անուշադրի սպիրտ եք խառնել։

  • Լվացե՛ք որակյալ լվացքի փոշիով։

 

ԱՐԴՈԻԿԻՑ ԱՌԱՋԱՑԱԾ ԱՅՐՎԱԾՔՆԵՐ

 

  • Եթե արդուկի թողած հետքը թույլ է, խալաթը լվացե՛ք սովորական եղանակով։

  • «Լուրջ այրվածքները» կարելի է մշակել ջրածնի պերօքսիդի և անուշադրի սպիրտի լուծույթով։

 

ԴԵՂԱԹՈՒՐՄ, ԹԵՅ ԿԱՄ ՀՅՈՒԹ

 

Դեղաթուրմը, մրգերը և թեյը պարունակում են տանին։ Իմացա՛ծ եղեք. տանինի դեմ պայքարելու ամենաարդյունավետ միջոցը «հասարակ» օճառն է։

 

ՀՐԱՏԱՊ ԻՐԱՎԻՃԱԿՈՒՄ.

  • Առանց հապաղելու թրջե՛ք և օճառ քսե՛ք կտորի լաքայոտված մասին։

  • Լվացե՛ք սառը ջրով։


ՏԱՆԸ.

  • Լաքայի վրա լցրե՛ք սպիտակեցնող նյութ։

  • Լվացքի մեքենայով լվալու պարագայում նույն սպիտակեցնող նյութը ավելացրե՛ք լվացքի փոշուն։

 

ԱՐՅՈՒՆ

 

ՀՐԱՏԱՊ ԻՐԱՎԻՃԱԿՈՒՄ.

  • Արյան հետքը մշակե՛ք ջրածնի պերօքսիդի թույլ լուծույթով։

  • Ցայե՛ք սառը ջրով։

  • Եթե արյան հետքը չի անցնում, օճառե՛ք «Մանկական» օճառով։

  • Եվս մեկ անգամ ցայե՛ք սառը ջրով։


ՏԱՆԸ.

  • Եթե լվանալուց հետո արյան հետքն այնուամենայնիվ չի անցել, մշակե՛ք այն անուշադրի սպիրտի լուծույթով (մեկ ճաշի գդալ անուշադրի սպիրտը լուծե՛ք մեկ բաժակ ջրի մեջ)։

  • Արյան բիծը վերացնելուց հետո խալաթը մանրակրկիտ կերպով ցայե՛ք սառը ջրով, որին նախապես ավելացրե՛ք քացախ։

 

ԹԱՆԱՔ

 

Այս նյութի հանդեպ ինքնուրույն պայքարելու յուրաքանչյուր փորձն անիմաստ է։ Ավելի լավ է խալաթն անմիջապես քիմմաքրման տանել։ Տեղին ենք համարում հիշեցնել, որ քիմմաքրման աշխատակիցն է'լ ավելի լավ կպայքարի թանաքից առաջացած լաքայի դեմ, եթե նրան այդ թանաքի նմուշը հանձնեք։

 

ՅՈԴ

 

ՀՐԱՏԱՊ ԻՐԱՎԻՃԱԿՈՒՄ.

  • Յոդից առաջացած լաքան մշակե՛ք հիպոսուլֆատի լուծույթով (մեկ թեյի գդալ հիպոսուլֆատի լուծույթը ավելացրե՛ք 1.5 բաժակ տաք ջրին)։

  • Խալաթը լվացե՛ք հոսող տաք ջրի տակ։


ՏԱՆԸ.

  • Խալաթը լվացե՛ք լվացքի մեքենայի «սովորական ռեժիմով»։

 

ՑԵԽ

 

ՀՐԱՏԱՊ ԻՐԱՎԻՃԱԿՈՒՄ.

  • Սպասե՛ք այնքան, մինչև ցեխը կտորի վրա չորանա։

  • Խոզանակի օգնությամբ հնարավորինս մաքրեք-հեռացրե՛ք ցեխը։

  • Խալաթը պահե՛ք սառը ջրի շիթի տակ` թեթևակիորեն ցայելով ցեխոտված մասը։


ՏԱՆԸ.

  • Խալաթի ցեխոտված մասին քսե՛ք լվացքի փոշուց և ջրից պատրաստված խյուս և 10 րոպե պահե՛ք։

  • Այնուհետև ցայե՛ք սառը ջրով։

  • Խալաթը լվացե՛ք սովորական եղանակով։

 

ԻՆՔՆԱՀՈՍ

 

ՀՐԱՏԱՊ ԻՐԱՎԻՃԱԿՈՒՄ.

  • Օգտագործե՛ք լաքա հանող նյութ։

  • Եթե այդ պահին ձեռքի տակ չունեք նման նյութ, օգտագործե՛ք անուշադրի սպիրտից և կերակրի աղից պատրաստված «կոկտեյլ» (մեկ բաժակ ջրին ավելացրե՛ք 1-2 թեյի գդալ անուշադրի սպիրտ և կերակրի սոդա)։


ՏԱՆԸ.

  • Խալաթը լվացե՛ք տաք ջրով և թույլ սպիտակեցնող նյութով։

 

ԱՆՀԱՅՏ ԾԱԳՄԱՆ ԼԱՔԱ

 

Տեսնես որտեղի՞ց այն հայտնվեց…

 

ՀՐԱՏԱՊ ԻՐԱՎԻՃԱԿՈՒՄ.

  • Նախ և առաջ թողե՛ք այդ «անհայտ ծագման» լաքան չորանա։

  • Փորձե՛ք կտորի վրայից հնարավորինս հեռացնել արտաքին մակերեսը։

  • Լվացե՛ք գոլ ջրով և օճառով։


ՏԱՆԸ.

  • Խալաթի լաքա ունեցող մասը ընկղմե՛ք սպիտակեցնող նյութի լուծույթի մեջ։

  • Լվացե՛ք տաք ջրով և որակյալ լվացքի փոշիով։

Սկզբնաղբյուր. ՀՀ - Ամսագիր ''Ֆարմացևտ պրակտիկ'' 11-12-2007 (8-9)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

Հայաստանի բժիշկ-ուսանողների գիտական ասոցիացիա
Հայաստանի բժիշկ-ուսանողների գիտական ասոցիացիա

Հայաստանի բժիշկ-ուսանողների գիտական ասոցիացիան` (ՀԲՈՒԳԱ) հիմնադրվել է 1991 թ., իսկ արդեն 1994-ին պաշտոնապես գրանցվել է Հայաստանի Հանրապետության Արդարադատության նախարարության կողմից:...

Ասոցիացիաներ
Դեղագործական ընկերությունների դերը բժիշկների իրազեկման գործում
Դեղագործական ընկերությունների դերը բժիշկների իրազեկման գործում

Հարգելի՛ ընթերցողներ, դեղագործական ընկերությունները հաճախ ոչ միայն տեղեկություն են տարածում նոր դեղամիջոցների վերաբերյալ, այլև հանրության ուշադրությունն են սևեռում զանազան լուրջ խնդիրների վրա...

Թվեր և փաստեր Իրադարձություններ Հայաստանում
Բժիշկ-գեղանկարիչ Հ.Մ. Մանվելյան
Բժիշկ-գեղանկարիչ  Հ.Մ. Մանվելյան

''Բժիշկ-արվեստագետ'' խորագրի մեր հերթական հյուրն է ԵՊԲՀ նյարդաբանության ամբիոնի վարիչ բ.գ.դ. Հովհաննես Մորիսի Մանվելյանը:
Մեր հարցազրույցի ընթացքում փորձեցինք պարզել, թե ինչպես...

Բժիշկ-արվեստագետ
Մեր ջուրն աշխարհում երկրորդ տեղն է զբաղեցնում...
Մեր ջուրն աշխարհում երկրորդ տեղն է զբաղեցնում...

Հայաստանի մասին խոսելիս մեզանից շատերը անմիջապես հիշում են Արարատ լեռը, Գառնին, Գեղարդը ու երեքհազարամյա Էրեբունի ամրոցը։Հիշում ենք նաև այն, որ միմիայն շշալցված ջրեր խմող...

Հրատապ թեմա Հայաստանում
Անքնություն - վաղեմի թշնամին` նոր դեմքով
Անքնություն - վաղեմի թշնամին` նոր դեմքով

Այս հոդվածի վերնագրի ընտրությունը պատահական չէ։ Վերջին տասնամյակների ընթացքում անքնությունը (այսուհետև՝ ինսոմնիա) լրջորեն ուսումնասիրվում է համաշխարհային բժշկագիտության մեջ, և, շատ հարցեր բացահայտվելուն...

Քուն, քնի խանգարումներ
Աբորտ. ընտրության ազատություն
Աբորտ. ընտրության ազատություն

Աբորտը միակ բժշկական միջամտությունն է, որի արդյունքում մասնակիցներից մեկին՝ կնոջ առողջությանը հասցվում է զգալի վնաս, իսկ մյուսին՝ դեռ լույս աշխարհ չեկած փոքրիկին, զրկում կյանքի իրավունքից...

Թվեր և փաստեր Հղիություն, ծննդաբերություն Առողջ կին Պերինատոլոգիա, մանկաբարձություն և ուրո-գինեկոլոգիա Հրատապ թեմա Հայաստանում
Արական սեռի հորմոն
Արական սեռի հորմոն

Ֆրանսիացի հայտնի մարդաբան և բժիշկ Բերտրանը «SANTE» («Առողջապահություն») ամսագրում տպագրված իր հոդվածում ընթերցողին մի օրիգինալ հարց է տալիս. - «Ո՞րն է տղամարդու և կնոջ միջև եղած հիմնական տարբերությունը»...

Սեռական կյանք Առողջ տղամարդ Ուրո-անդրոլոգիա
E վիտամին
E վիտամին

Տոկոֆերոլը, ըստ քիմիական բաղադրության, պատկանում է սպիրտների դասին։ Տոկոֆերոլը բազմացման վիտամին է, որը բարենպաստ ազդեցություն է թողնում սեռական և որոշ այլ գեղձերի աշխատանքի...

Վիտամիններ և միներալներ
Վիտամինների պահոց ողջ տարվա համար
Վիտամինների պահոց ողջ տարվա համար

Մեր օրերում գրեթե յուրաքանչյուր քաղաքաբնակ տառապում է վիտամինային քաղցից, հատկապես գարնանը, քանի որ ձմռան երկրորդ կեսին արդեն բանջարեղենի և մրգերի մեծ մասը կորցնում են իրենց վիտամինային պաշարները...

Սնունդը և առողջությունը
Իրական կյանքի մտացածին սարսափները
Իրական կյանքի մտացածին սարսափները

Էկրանների վրա ցուցադրվող և իրականում տեղի ունեցող դաժանություններ

Շատ արկածային և մարտաֆիլմեր ակամայից իրական ոճրագործություններ կատարելու համար ''մասնագիտական տեղեկատու'' են դառնում

Հոգեկան առողջություն

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ