Բաժանմունքը զբաղվում է թոքերի և թոքամզի (պլևրա) ախտաբանությամբ, որոնք պահանջում են վիրահատական միջամտություն:

Բաժանմունքում իրականացվում են գործիքային հետազոտություններ.

• ռենտգենային հետազոտություն,
• թորակոսկոպիա (թոքազննում) բիոպսիայով (անհրաժեշտության դեպքում),
• ֆիբրոպրոնխոսկոպիա (բրոնխազննում) բիոպսիայով (անհրաժեշտության դեպքում):

Վիրաբուժական բուժման սպեկտրը.

Թոքերի, թոքամզի, միջնորմի, կրծքավանդակի նորագոյացություններ.
թոքի մասնահատում կամ հեռացում; թոքամզի հեռացում; ուռուցքի հեռացում միջնորմից:

Խոշոր բրոնխների, միջնորմի, կրծքավանդակի, թոքամզի բարորակ ուռուցքներ.
ուռուցքի արմատական հեռացում:

Թոքերի, թոքամզի թարախային հիվանդություններ.

• թոքի սեգմենտի հեռացում,
• թոքի բլթի հեռացում,
• թոքամզահատում (պլևրէկտոմիա) կեղևազատումով (դեկորտիկացիայով):

Թոքի էխինոկոկոզ.
էխինոկոկի հատում, մասնահատում:

Ինքնածին (սպոնտան) պնևմոթորաքսի կրկնվող ձևերի վիրաբուժական բուժում.

• մասնահատումներ,
• պլևրոդեզ (թոքամզի նեղացում վիրահատական եղանակով):

Թոքերի բնածին արատների (թոքերի բշտեր (կիստաներ), բնածին բրոնխոէկտազներ (բրոնխալայնանք), սեկվեստրացիա, զարկերակաերակային անևրիզմա (անոթների լայնանք) և այլն).

արմատական վիրահատություն:

Թոքախտի քայքայիչ (դեստրուկտիվ) ձևեր.

• խոռոչահատում, թոքային պլաստիկա կամ ախտահարված թոքի լրիվ հեռացում,
• մնացորդային խոռոչի պլաստիկա մկանային լաթով ոտիկի վրա (բրոնխիալ խուղակի առկայությամբ կամ բացակայությամբ):

Բաժանմունքի վարիչ` բ.գ.դ, պրոֆ. Էդուարդ Թադևոսի Կարապետյան

Է.Թ. Կարապետյանը իսկական անդամ է`
             ՀՀ Վիրաբուժական միության,
             Վիրաբույժների հանրապետակական ակադեմիայի,
             Նյու- Յորքի բժշկական ակադեմիայի: