Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ցավ

Ցավեր սրտի շրջանում. հուշում է սրտաբանը

Ցավեր սրտի շրջանում. հուշում է սրտաբանը

Կրծքավանդակի ձախ մասում` սրտի շրջանում ցավեր են առաջացել։ Դա ի՞նչ է նշանակում։ Եթե կարողանանք ինքներս որոշել այդ ցավերի բնույթը, ապա դրանք շատ բան կհուշեն։

 

  • Եթե ցավը ծակող է, տեղակայված է սրտի շրջանում, առաջացել է մրսածության հետևանքով, բարձր ջերմաստիճանի ֆոնի վրա, կամ գրիպով, անգինայով հիվանդանալուց 1-2 շաբաթ անց, եթե ցավում է կրծքավանդակի` սրտից դեպի ձախ ընկած հատվածը և ուժեղանում է խորը շնչելիս, ապա այդպիսի ցավն անուշադրության մատնել չի կարելի։ Այն կարող է դիտվել որպես հիվանդության ընթացքում մանրէների առաջացրած թույներին օրգանիզմի հակազդման պատասխան, որպես սկսվող ռևմատիզմ, սրտամկանաբորբ, որոնք սրտի ձեռքբերովի արատների 90%-ի պատճառն են։ Հնարավոր է, որ անցկացրած գրիպը լիովին չի բուժվել, բարդացել է, վերածվելով ձախ թոքի և դրան արտաքինից պատող թաղանթի (պլևրայի) բորբոքման։ Եվ հենց դա է ցավացողը, քանի որ թոքը չի կարող ցավալ։ Ուրեմն ցավի բուն պատճառը կարող են պարզել թերապևտը, սրտաբանը, ռևմատոլոգը, որոնք մանրակրկիտ քննելով ձեզ, կհանձնարարեն լրացուցիչ հետազոտվել` կատարել արյան ընդհանուր և կենսաքիմիական քննություն, էլեկտրասրտագրություն, սրտի գերձայնային հետազոտություն, անհրաժեշտության դեպքում նաև` թոքերի ռենտգենյան և այլ հետազոտություններ։

  • Մեկ այլ դեպքում ցավը բութ է, անընդհատ, շարունակվում է ժամերով, օրերով, որն ավելի շուտ սրտի շրջանում ճնշման բութ զգացումի է նման, կամ, հակառակը, այն կարճատև, ծակող բնույթ ունի, որը տևում է ընդամենը մի քանի վայրկյան, բայց ավելի ուժեղ է։ Այս տարաբնույթ ցավերը ամենևին կապ չունեն մարմնի շարժումների, ինչպես նաև հանգստի վիճակի հետ և հաճախ որոշակի լարումից հետո կարող են թուլանալ։

Եթե այսպիսի ցավեր ունեցող երիտասարդ տղամարդը, կինը գանգատվում են գերհոգնածությունից, գլխապտույտից, ասում են, թե չեն կարողանում ազատ շնչել և հաճախ աշխատում են խորը շունչ առնել, հորանջում են ու անքնությամբ են տառապում, ապա դա հենց սիրտանոթային համակարգի գործունեության խանգարման հետևանք է, որը հայտնի է «գերբեռնվածության համախտանիշ» անունով։ Այդ խանգարումների պատճառը առաջին հերթին նյարդային, և մեծ մասամբ հոգեկան լարվածությունն է, ընտանեկան կոնֆլիկտները, աշխատանքային անախորժությունները, ինչպես վախի զգացումը մարտից առաջ։ Հավանաբար ընթերցողը ներողամտորեն կժպտա, բայց իզուր, քանի որ նման խանգարումներն անտեսելը և չբուժվելը կարող են մեծ վնաս հասցնել սեփական առողջությանը և, ընդհանրապես, փչացնել տրամադրությունը։ Իսկ նման գանգատներ ունեցող «նյարդայնացած» տնային տնտեսուհուն հարկ է դիմել բժիշկ-հոգենյարդաբանի` անհրաժեշտ խորհրդատվություն ստանալու համար։

 

  • Եթե ցավը ծակող բնույթ ունի, առաջանում է խորը շունչ քաշելիս, գոտկատեղից վեր իրանը թևերի հետ ձախ ու աջ պտտելիս, ապա մի շտապեք ինքներդ ձեզ «սրտային հիվանդի» կարգավիճակ տալ։ Ցավերի պատճառը փնտրեք հենաշարժական ապարատի հիվանդությունների ցանկում։ Նախ և առաջ բացառեք ողնաշարի կրծքային հատվածի օստեոխոնդրոզը, սկոլիոզը, միջկողային նյարդերի ու մկանների բորբոքումները։


Միայն ուսաթիակային կամ միաժամանակ այլ հոդերի հետ համակցված ախտահարումներով ընթացող հոդաբորբերը երիտասարդների շրջանում ավելի հաճախ ռևմատիկ բնույթ են կրում, իսկ տարեցների օրգանիզմում դրանք ձևավորվում են որպես տարիքային, դեֆորմացնող պոլիարթրիտ։ Սակայն ամեն դեպքում անհրաժեշտ է ժամանակին դիմել ռևմատոլոգի, որպեսզի հնարավոր լինի բուժել, այլ ոչ թե ջանալ շտկել ոսկրամկանային համակարգում արդեն տեղի ունեցած համարյա անդարձելի կազմափոխությունները։


Մկանային և ոսկրային ցավերը դժվար չէ տարբերակել սրտի ցավերից։ Բավական է սեղմել մարմնի ախտահարված` վնասված հատվածը, և համապատասխան տեղում ցավ կառաջանա, ինչպես, օրինակ, մարզիկների մոտ է լինում։ Նման դեպքում անհապաղ դիմեք վնասվածքաբանի։ Հնարավոր է, որ նա ձեզ խորհուրդ տա դիմելու ռևմատոլոգի, կամ պարզապես տուն կուղարկի, առաջարկելով մեկ-երկու ամիս հոդը չմրսեցնել, հանգիստ պահել, և ամեն բան ինքնին կանցնի։


Պետք է գիտենալ, որ ոսկրային ախտահարումները, որոնք տեղակայված են կրծքավանդակի շրջանում, երբեմն կարող են մի շարք ծանր, բուժում պահանջող հիվանդությունների պատճառ դառնալ։ Ուստի, եթե դրանք ուղեկցվում են այլ հիվանդագին երևույթներով, ապա մոտակա պոլիկլինիկայում ստացած խորհրդատվությունը կօգնի պարզելու ցավերի բուն պատճառը։


Հիշեք, որ ժամանակին կատարված բուժումն արդեն գործի կեսն է, իսկ ցավերը հաղթահարելուն կօգնեն բժշկի նշանակած հակաբորբոքային դեղամիջոցները, մերսումներն ու բուժական մարմնամարզությունը։

 

  • Ցավեր, որոնք կապված են սննդի կամ ալկոհոլի անգամ փոքր քանակությամբ պարբերաբար ընդունման հետ։

 

 

Երբեմն սիրտը սկսում է ցավալ (նվալ) շատ, մասնավորապես ճարպեր կամ կծու կերակուրներ ուտելուց հետո, ինչպես նաև երկար ժամանակ քաղցած մնալիս։ Նման ցավերն առաջանում են, կապված սրտի և որովայնի խոռոչի օրգանների ընդհանուր նյարդավորման հետ, ուստի դրանք կարող են գաստրիտի` ստամոքսաբորբի, խոցի, պանկրեատիտի` ենթաստամոքսային գեղձի, խոլեցիստիտի` լեղուղիների բորբոքման և աղիքների փքվածության հետևանք լինել։ Ըստ որում, երբ այս հիվանդությունները սուր բնույթի են, առաջին հերթին ենթաստամոքսային գեղձի սուր բորբոքման ժամանակ, ցավը կնվազի նիտրոգլիցերին ընդունելուց հետո, էլեկտրասրտագրի վրա կարող են ի հայտ գալ փոփոխություններ, որոնք բնորոշ են սրտամկանի ինֆարկտին` վերջինիս բացակայության դեպքում։


Բացի այդ, կարող է ուտելուց հետո կրծքավանդակում ճնշող, կոկորդում կոշտ սննդի խցանման զգացում, և վերջապես, հաճախ սննդով խեղդվելու պահեր լինեն, սակայն դրանք անուշադրության են մատնվում։ Այնինչ, եթե կրծքավանդակի շրջանում ձեզ արդեն անհանգստացնում են անորոշ, նվացող, ձգող, երբեմն` ուժեղ ցավերը, որոնք սկզբում դժվար է ճիշտ ախտորոշել, ապա իրական պատկերը պարզելու համար ձեզ օգնության կգա կերակրափողի ռենտգենյան նկարը, որը կպարզի ցավի բուն պատճառը, և բուժող բժիշկը ճիշտ կողմնորոշում կունենա։

 

  • Եթե ցավն առաջացել է միջանցիկ քամու տակ մնալուց հետո և տեղակայված է կրծքավանդակի կողմնային մասում, կողոսկրերի ուղղությամբ, կտրուկ բնույթի է, անհանգստացնում է արդեն մի քանի օր, ուժեղանում է խորը շունչ քաշելիս, ավելի ճիշտ` թույլ չի տալիս խորը արտաշնչել, և եթե դուք մանուկ հասակում հիվանդացել եք ջրծաղիկով, ապա հնարավոր է այդ ցավացող տեղում մեկ շաբաթ անց բշտեր հայտնվեն, որից հետո ցավը կնվազի։ Սա, հավանաբար, նախկին կրած հիվանդության հետևանքն է, որի ապաքինման միջոցներ կձեռնարկի բուժող բժիշկը` թերապևտը, մաշկաբանը, վարակաբանը։

  • գ Եթե ցավը առաջանում է նոպաներով, կապված է ֆիզիկական ծանրաբեռնվածության հետ, տեղակայված է կրծոսկրի հետևում, կարող է տարածվել ձախ թևի, պարանոցի, ստորին ծնոտի շրջանում, թիակի տակ, եթե այն ընթանում է այրոցի, սեղմման զգացումով, չպետք է հետաձգել սրտաբանի դիմելը։ Սա ավելի շուտ ստենոկարդիա է, որը սրտի իշեմիկ հիվանդության ձևերից մեկն է։ Սա կարող է սրտամկանի ինֆարկտով ավարտվել։


Սիրելի ընթերցող, ստենոկարդիան առանձին քննարկման առարկա է։ Այդ մասին կկարդաք մեր հանդեսի առաջիկա համարում։

Հեղինակ. Էլիզաբեթ ԳՐԻԳՈՐՅԱՆ, բ.գ.թ., ԵՊԲՀ թերապիայի N1 ամբիոնի ասիստենտ, սրտաբան
Սկզբնաղբյուր. Առողջապահություն 01.2009
Աղբյուր. med-practic.com
Լուսանկարը. http://sekret-zdoroviya.ru
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Արմինե

03.02.2016

Barev dzez hargeli bjishk,xndrum em ogneq indz.Es shat nyardayin em,amen mi chnchin ban@ karox e azdel nyarderis vra.Erbemn huzvum em ayd vichakic.Erb mi poqr nyardaynanum em srti hatvacum cakocner em unenum,chnshvacutyun.Dzax dzerqs sksum e canranal u tulanal,araj da tevum er mi qani rope,isk hima erkar jamanak edpiai zgacoxutyun unem dzax hatvacum.Angam ete chem el nyardaynanum eli aksum e cakel u dzerqs tulanal.verjers nkatel em vor gisherner@ chem karoxanum qnel,indz tvum e da kap uni srti cakocneri het.Asaceq xndrum em inch anem?(ete hnaravor e shut patasxaneq,anchap shnorhakal klinem).

Կարդացեք նաև

Ցավ աջ թուլակողում. armeniamedicalcenter.am
Ցավ աջ թուլակողում. armeniamedicalcenter.am

Աջ թուլակողում ցավերը կարող են առաջանալ սպոնտան` ընդհանուր լավ վիճակի ֆոնի վրա: Դա համարվում է տագնապային նշան, որը խոսում է որովայնի խոռոչի մեկ կամ մի քանի օրգանների ախտաբանության մասին: Ցավն օրգանիզմի բնական...

Վիրաբուժություն
Տարաբնույթ հիվանդությունների դեպքում ցավային համախտանիշի բուժումը Cosman RF-ի միջոցով. nairimed.com
Տարաբնույթ հիվանդությունների դեպքում ցավային համախտանիշի բուժումը Cosman RF-ի միջոցով. nairimed.com

Միջողային ճողվածքների աբլացիա

Փոքր չափի ճողվածքի դեպքում մենք առաջարկում ենք բուժում Cosman RF տեխնոլոգիայով` ոչ վիրահաատական եղանակով...

Նյարդաբանություն Վիրաբուժություն
Ցավային համախտանիշ կրծքավանդակում՝ նյարդաբանական հիվանդությունների ժամանակ. armeniamedicalcenter.am
Ցավային համախտանիշ կրծքավանդակում՝ նյարդաբանական հիվանդությունների ժամանակ. armeniamedicalcenter.am

Ողնաշարի օստեոխոնդրոզ

Դա միջողային սկավառակի դեգեներատիվ-դեստրուկտիվ ախտահարում է, որի ժամանակ առավել հաճախ պուլպոզ կորիզում...

Նյարդաբանություն
Աճուկային ցավ (Inguinal Pain). urolog.am
Աճուկային ցավ (Inguinal Pain). urolog.am

Աճուկը կամ աճուկային շրջանը հանդիսանում է որովայնի խոռոչի ստորին եզրի մի մասը՝ ազդրին մոտ: Այստեղ է գտնվում աճուկային խողովակը (լատ. canalis inguinalis), որի միջով անցնում են ազդրի խոշոր անոթները և տղամարդկանց մոտ սերմնալարը...

Ցավ կրծքավանդակում. armeniamedicalcenter.am
Ցավ կրծքավանդակում. armeniamedicalcenter.am

Կրծքավանդակի ցավը թորակալգիա/ կապված է կրծքավանդակի օրգանների, ոսկրա-աճառային հյուսվածքների ախտահարման հետ, միոֆասցիալ համախտանշով, ողնաշարի և պերիֆերիկ նյարդային համակարգի կամ պսիխոգեն հիվանդությունների հետ...

Սրտանոթաբանություն
Ցավ կրծքավանդակում. armeniamedicalcenter.am
Ցավ կրծքավանդակում. armeniamedicalcenter.am

Կրծքավանդակի ցավը թորակալգիա/ կապված է կրծքավանդակի օրգանների, ոսկրա-աճառային հյուսվածքների ախտահարման հետ, միոֆասցիալ համախտանշով, ողնաշարի և պերիֆերիկ նյարդային համակարգի կամ պսիխոգեն հիվանդությունների հետ...

Սրտանոթաբանություն
Ցավը քաղցկեղի ժամանակ. oncology.am
Ցավը քաղցկեղի ժամանակ. oncology.am

Ուռուցքաբանների յուրաքանչյուր երկրորդ հիվանդը ցավ է ունենում: Քաղցկեղի տարածված ձևերով հիվանդների 80%-ն ուժեղ կամ չափավոր ցավեր է նշում: Նույնիսկ լիովին ապաքինումից հետո ցավային համախտանիշը կարող է...

Ուռուցքաբանություն
Գոտկային ցավ (flank pain). urolog.am
Գոտկային ցավ (flank pain). urolog.am

Գոտկային ցավերի պատճառները բազմազան են։ Սակայն կարելի է այն բաժանել հիմնական 3 պատճառի...

Ուրո-անդրոլոգիա Միզային համակարգ
Ցավ. հաճախ տրվող հարցեր. izmirlianmedicalcenter.com
Ցավ. հաճախ տրվող հարցեր. izmirlianmedicalcenter.com

Ինչպե՞ս բնութագրել ցավը:
 
Ցավն օրգանիզմի պաշտպանական հատկությունն է, որով վերջինս պայքարում է վնասակար ազդակի դեմ...

Գլխացավերից ազատվելու ժողովրդական բաղադրատոմսեր. 168.am
Գլխացավերից ազատվելու ժողովրդական բաղադրատոմսեր. 168.am

Գլխացավերից ազատվելու հեշտ տարբերակը դեղերի ընդունումն է: Սակայն միշտ չէ, որ դեղերի ընդունումը լավագույն տարբերակ է օրգանիզմի համար: Ստորև ներկայացնում ենք մի քանի բաղադրատոմսեր, որոնք բնական ճանապարհով կօգնեն ազատվել գլխացավից...

Ավանդական բուժման մեթոդներ և միջոցներ
Գլու՞խն է ցավում, ստուգեք անոթները. ultraimaging.am
Գլու՞խն է ցավում, ստուգեք անոթները. ultraimaging.am

Այն հիվանդներին, որոնց հաճախ են անհանգստացնում գլխացավերը, հիշողության վատթարացումը, վարիկոզի նշանները, բժիշկը կարող է գերձայնային դոպլերոգրաֆիա նշանակել: Թե ինչ  ցույց կտա այդ հետազոտությունը և ինչպես է այն տեղի ունենում...

Ախտորոշում
Ինչպես ազատվել ատամի ցավից տնային պայմաններում. 168.am
Ինչպես ազատվել ատամի ցավից տնային պայմաններում. 168.am

Ատամի արմատի ցանկացած վնասվածք անտանելի ցավ է առաջացնում։ Fithacker.ru կայքը գրում է, որ նյարդի վնասման մի քանի պատճառներ կան...

Ստոմատոլոգիա Ավանդական բուժման մեթոդներ և միջոցներ
Գլխացավերը վեգետաանոթային դիստոնիայի ժամանակ. ultraimaging.am
Գլխացավերը վեգետաանոթային դիստոնիայի ժամանակ. ultraimaging.am

Վեգետաանոթային դիստոնիայի ժամանակ առաջացող գլխացավն ամենատհաճ երևույթներից է: Հարկ է նշել, որ բժշկի մոտ զննման ժամանակ հաճախ կարող է որևէ շեղում չհայտնաբերվել, իսկ ցավազրկող դեղերի ընդունման ժամանակ դրական արդյունք  չլինի...

Ցավեր ստորին վերջույթների հոդերում. պատճառները, ախտորոշումը, բուժումը. ultraimaging.am
Ցավեր ստորին վերջույթների հոդերում. պատճառները, ախտորոշումը, բուժումը. ultraimaging.am

Վերջին տարիներին նկատվում է հոդերի հիվանդությունների «երիտասարդացում»: Բժիշկներն այս երևույթը  կապում են կենսակերպի, ցածր ֆիզիկական ակտիվության, ոտքերի վրա անհամաչափ և ոչ ֆիզիոլոգիական...

Ախտորոշում Վնասվածքաբանություն և օրթոպեդիա
7 խորհուրդ, եթե եղանակային փոփոխություններից ցավում է գլուխը. 1in.am
7 խորհուրդ, եթե եղանակային փոփոխություններից ցավում է գլուխը. 1in.am

Կան մարդիկ, ովքեր շատ զգայուն են եղանակի փոփոխությունների նկատմամբ, առավել հաճախ տառապում են գլխացավերով: medicinaportal.com-ը ներկայացնում է այդպիսի գլխացավը հաղթահարելու արդյունավետ մեթոդներ...

Թերապիա

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ