Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Վնասվածքաբանություն և օրթոպեդիա

«Օստեոպորոզի ժամանակակից հիմնախնդիրները» թեմայով դասընթացի շրջանակում. Վարտա Բաբալյանի պատասխանները` մասնագիտական հարցերին

«Օստեոպորոզի ժամանակակից հիմնախնդիրները» թեմայով դասընթացի շրջանակում. Վարտա Բաբալյանի պատասխանները` մասնագիտական հարցերին

Օստեոպորոզի կենտրոնում հայկական ասոցիացիայի կողմից կազմակերպած «Օստեոպորոզի ժամանակակից հիմնախնդիրները» թեմայով հերթական դասընթացի շրջանակում Օստեոպորոզի կենտրոնի տնօրեն, հայկական ասոցիացիայի նախագահ Վարտա Բաբալյանը պատասխանեց մասնագիտական մի քանի հարցերի:


–   Ի՞նչ հիմքերի վրա է հնարավոր օստեոպորոզն ախտորոշել վաղ շրջանում:


–   Անհրաժերտ է գնահատել ռիսկի գործոնները, հաշվի առնելով.

  • ռիսկերի գնահատումը,
  • կենսակերպը,
  • գենետիկ հիվանդությունների առկայությունը,
  • էնդոկրին խանգարումները,
  • ստամոքս-աղիքային խանգարումները,
  • արյունաբանական հիվանդությունները,
  • ռևմատիկ և աուտոիմուն հիվանդությունները,
  • ռիսկի նյարդաբանական և ոսկրա-մկանային գործոնները,
  • բազմազան վիճակներ և հիվանդությունները,
  • դեղորայքի կիրառումը,
  • շրջակա միջավայրի ռիսկի գործոնները,
  • գնահատել FRAX-ը www.armosteo.com կայքում


FRAX նախատեսված է կիրառել դաշտանադադարի շրջանում գտնվող կանանց և 50 տարեկանն անց տղամարդկանց մոտ:


FRAX ալգոռիթմի կիրառումը նպատակահարմար չէ այն հիվանդների մոտ, ովքեր նախկինում անցել կամ ներկայում անցնում են օստեոպորոզի դեմ դեղորայքային բուժում: 

 

«Օստեոպորոզի ժամանակակից հիմնախնդիրները» թեմայով դասընթացի շրջանակում 


–   Օստեոպորոզի ախտորոշումը ՈՀԽ (DXA) օգնությամբ. ո՞վ է ենթակա հետազոտության.


–   Օստեոպորոզի ախտորոշման ոսկե ստանդարտ է դենսիտոմետրիան: Հետազոտման ենթակա են.


  • 65 տարեկանն անց կանայք և 70 տարեկանն անց տղամարդիկ` անկախ ռիսկի կլինիկական գործոնների առկայությունից,
  • ավելի երիտասարդ կանայք հետդաշտանադադարի շրջանում, կանայք դաշտանադադարի զարգացման շրջանում, 50-69 տարեկան տղամարդիկ, որոնց մոտ առկա են կոտրվածքների ռիսկի կլինիկական գործոնները,
  • մեծահասակ մարդիկ, ովքեր 50 տարեկանից հետո ունեցել են որևե կոտրվածք,
  • մեծահասակ մարդիկ, ովքեր տառապում են ոսկրային զանգվածի նվազում առաջացնող որոշակի հիվանդություններով (օրինակ` ռևմաթոիդ արթրիտ) կամ ընդունում են դեղորայք (գլյուկոկորտիկոիդներ. պրեդնիզոն օրական ≥ 5 մգ չափաբաժնով կամ հավասարազոր չափով՝ երեք կամ ավելի ամիսների ընթացքում), որն ազդում է ոսկրային զանգվածի ձևավորման վրա:


–   Ինչպե՞ս կարելի է ստուգել ոսկրային մետաբոլիզմի մակարդակը


  • Որոշել ոսկրային փոխանակության բիոքիմիական ցուցանիշները:
  • Ոսկրային ռեգեներացիայի բիոքիմիական ցուցանիշները [ռեզորբցիոն շիճուկային ցուցանիշներ C-տելոպեպտիդ (CTX), միզային N-տելոպեպտիդ (NTX) և կառուցվածքային շիճուկային ոսկրային սպեցիֆիկ ալկալային ֆոսֆատազա (BSAP), օստեոկալցին (CO) և I տիպի պրոկոլագենի ամինոտերմինալ պրոպեպտիդ (PINP)]:
  • Ռեզորբցիայի  բիոքիմիական ցուցանիշը b-cross labs:
  • Չբուժված հիվանդների մոտ կանխատեսել հետագայում կոտրվածքների հավանականությունը՝ անկախ ՈՀԽ-ից:
  • Չբուժված հիվանդների մոտ կանխատեսել ոսկրային զանգվածի կորստի արագությունը:
  • 3-6 ամիս բուժում ստանալուց հետո կանխատեսել կոտրվածքների հավանականության նվազման աստիճանը:
  • Բուժումից հետո կանխատեսել ՈՀԽ աճի աստիճանը:
  • Օգնել հասկանալ, արդյո՞ք հիվանդը բարեխղճորեն հետևում է նշանակումներին և բուժման սխեմաներին, և բուժում ստանալու հարցում նրա հաստատակամությունը:
  • Օգնել որոշել բուժման դադարի տևողությունը, դրա վերսկսելու անհրաժեշտությունն ու ժամկետները (այս հարցի շուրջ տվյալները առայժմ բավարար չեն,  սակայն հետազոտությունները շարունակվում են):

 

«Օստեոպորոզի ժամանակակից հիմնախնդիրները» թեմայով դասընթացի շրջանակում «Օստեոպորոզի ժամանակակից հիմնախնդիրները» թեմայով դասընթացի շրջանակում

 

–   Ոսկրային համակարգի ո՞ր հատվածի ռենտգեն հետազոտությունն է առավել տեղեկատվական` ախտորոշելու օստեոպորոզը:


–   Ռենտգեն հետազոտությունը չի կարող հիմք լինել օստեոպորոզ ախտորոշելու համար, քանի որ վաղ շրջանում կարող է չբացահայտել այն։ Միայն ծանր օստեոպորոզի դեպքերում կարող է հայտնաբերվել այդ մեթոդի օգնությամբ։ Ռենտգեն հետազոտությունը կարող է օգնել ողնաշարի կոտրվածքները գնահատելու հարցում և կատարվում է հետևյալ դեպքերում.

 

  • 70 տարեկանն անց կանայք, 80 տարեկանն անց տղամարդիկ, եթե ՈՀԽ հետազոտման ընթացքում ողնաշարի, ազդրոսկրի կամ ազդրի վզիկի T-ցուցանիշը ≤ -1.0, 
  • 65-69 տարեկան կանայք և 70-79 տարեկան տղամարդիկ, եթե ՈՀԽ հետազոտման ընթացքում ողնաշարի, ազդրոսկրի կամ ազդրի վզիկի T-ցուցանիշը ≤ -1.5,
  • հետդաշտանադադարում գտնվող կանայք և 50 տարեկանն անց տղամարդիկ, որոնց մոտ հայտնաբերվել են սպեցիֆիկ ռիսկի գործոններ,
  • հասուն տարիքում կանգնած կամ նստած դիրքից ընկնելու հետևանքով տեղի ունեցած կոտրվածք (50 տ.),
  • կյանքի ընթացքում հասակի կորուստ` 4 սմ չափով ,
  • ապագայում հասակի ենթադրյալ կորուստ`  2սմ չափով ,
  • գլյուկոկորտիկոիդների երկարատև ընդունում` նախկինում կամ ներկայում:

Բոլոր դեպքերում` առավել ևս վաղաժամ հայտնաբերման համար, ախտորոշումը հաստատում է դենսիտոմետրիան:


–   Օստեոպորոզի ախտորոշման համար արյան ի՞նչ հետազոտություն է իրականացվում, ի՞նչ մարկերներ գոյություն ունեն:


–   Ոսկրային ռեգեներացիայի բիոքիմիական ցուցանիշները [ռեզորբցիոն շիճուկային ցուցանիշներ C-տելոպեպտիդ (CTX), միզային N-տելոպեպտիդ (NTX) և կառուցվածքային շիճուկային ոսկրային սպեցիֆիկ ալկալային ֆոսֆատազա (BSAP), օստեոկալցին (CO) և I տիպի պրոկոլագենի ամինոտերմինալ պրոպեպտիդ (PINP)]: Ռեզորբցիայի  բիոքիմիական ցուցանիշ b-cross labs:


Լաբորատոր գնահատումը պետք է ներառի ավարտուն արյան հաշվարկ (CBC), համապարփակ նյութափոխանակության վահանակ 25(OH)D, ամբողջական պարատ հորմոն (PTH), ֆոսֆատ և 24 ժամյա մեզի հետազոտություն կալցիումի, նատրիումի և կրեատինի համար: 24-ժամյա մեզում կալցիումի որոշումը պետք է կատարվի այն բանից հետո, երբ հիվանդը հագեցած է վիտամին D-ով և կատարել է խելամիտ կալցիումի ընդունում (օրական 1,000-1,200 մգ ) ամենաքիչը 2 շաբաթվա ընթացքում: Եթե հիվանդն ընդունում է վահանագեղձի հորմոններ կամ կա հիպերթիրեոզի կասկած, թիրեոտրոպ հորմոնը ևս պետք է հետազոտվի: Եթե կա վատ մարսողության կլինիկական կամ բիոքիմիական  փաստ, ցելյագ հակամարմիններ պետք է ընդունել:

 

«Օստեոպորոզի ժամանակակից հիմնախնդիրները» թեմայով դասընթացի շրջանակում 

 

–   Ի՞նչ է ներառում ախտաբանական բուժումը և ի՞նչ կողմնակի ազդեցություններ կարող է ունենալ:


–   Օստեոպորոզի բուժման համար նախատեսված դեղորայք.

  • Բիսֆոսֆոնատներ
    -   Ալենդրոնատ 
    -   Իբանդրոնատ
    -   Ռիզեդրոնատ
    -   Զոլեդրոնատ
  • Կալցիտոնին
  • Էսթրոգենային/Հորմոնալ թերապիա
  • Էսթրոգենի ագոնիստ/անտագոնիստներ
  • Պարաթիրոիդ հորմոն
  • Կապպա-B (RANK) Լիգանդ (RANKL)/RANKL ինհիբիտորի բջջային գործոնի ռեցեպտորային ակտիվատոր:


Տարբեր կողմնակի ազդեցություններից ընդգծվում է գրիպանման համախտանիշը, շատ հազվադեպ դեպքերում` ատիպիկ կոտրվածքները և ստորին ծնոտի նեկրոզը։


Բժիշկը պետք է գնահատի նշանակման և բուժումից խրախուսելու ռիսկերը։


–   Օստեոպորոզի բուժում` ըստ ներկայում միջազգային չափանիշներով կիրառվող ուղեցույցի, մոտեցման սկզբունքները:

 
–   Բուժման ենթակա են, եթե.

  • ազդրոսկրի կամ ողնաշարի կոտրվածք ունեն (կլինիկորեն արտահայտված կամ ողնաշարի ռենտգեն-հետազոտությամբ բացահայտված),
  • T-ցուցանիշը=-2.5 ազդրի վզիկում, ազդրոսկրում կամ ողնաշարի գոտկային հատվածում,
  • ասկրային ցածր զանգված ունեն (T-ցուցանիշը -1.0 և -2.5 միջև ազդրի վզիկում կամ աղնաշարի գոտկային հատվածում), իսկ ազդրոսկրի կոտրվածքի 10-ամյա հավանականությունը ≥3%, կամ օստեոպորոզի հետևանքով խոշոր կոտրվածքի 10-ամյա հավանականությունը ≥20%՝ համաձայն ԱՀԿ ալգոռիթմի:

 


«Օստեոպորոզի ժամանակակից հիմնախնդիրները» թեմայով դասընթացի շրջանակում


–   Օստեոպորոզի բուժման գործընթացում ո՞ր տեսանելի և ոչ տեսանելի կրիտերիաներն են խոսում բուժման արդյունավետության մասին և դադարեցվո՞ւմ է, արդյոք բուժումը, թե՞ դա ամբողջ կյանքի համար է:


–   Բուժումը համարվում է արդյունավետ, եթե մեկ տարի անց կրկնակի դենսիտոմետրիայի պատասխանում նույն ցուցանիշներն են կամ ավելի բարձր են։


Ոսկրային մարկերները կարելի է անցկացնել բուժումը սկսելուց երեք ամիս անց։ Փորձել հնարավորին նվազեցնել վայր ընկնելու ռիսկի գործոնները:
Առաջարկել ֆիզիոթերապիա և/կամ աշխատանքաթերապիա (օրինակ՝ քայլելու համար նախատեսված և այլ նպատակներին ծառայող օժանդակ սարքավորումներ): Հարկ է կատարել ծանրաբեռնող, մկանները ամրացնող և հավասարակշռությունը լավացնող վարժություններ:


Հետագա հսկողություն


Այն անձինք, ովքեր ռիսկի խմբում են և առաջին կանխարգելիչ զննման ժամանակ դեղորայքային բուժման կարիք չեն ունեցել, պետք է շարունակեն հետևել առողջ ապրելակերպին` նվազագույնի հասցնելու ռիսկի գործոնները, և նորից զննվեն` ըստ բժշկական ցուցումների: 
 

Դեղորայք ընդունող հիվանդները՝ ըստ բժշկական ցուցումների, պետք է մեկ տարի անց կատարեն ոսկրային խտության քննություն,  իսկ ավելի հաճախ` լաբորատոր հետազոտություններ:

 

«Օստեոպորոզի ժամանակակից հիմնախնդիրները» թեմայով դասընթացի շրջանակում


Ողնաշարի ռենտգեն-հետազոտությունը պետք է կրկնել.

  • եթե գրանցվում է հասակի կորուստ, մեջքի նոր ցավ, քայլվածքի փոփոխություն,
  • եթե հայտնաբերվում է կասկածելի պատկեր՝ կրծքավանդակի ռենտգեն-հետազոտության ժամանակ, որն իրականացվել է վերջին (կամ առաջին) ողնաշարային նկարն իրականացնելուց հետո,
  • եթե հիվանդը մտադիր է ժամանակավորապես դադարեցնել դեղորայքային բուժումը՝ համոզվելու համար, որ այդ ընթացքում տեղի չեն ունեցել նոր կոտրվածքներ:


Մշտապես՝ առնվազն տարին մեկ անգամ, անհրաժեշտ է ստուգել իրականացվող բուժման համապատասխանությունը նախատեսված ծրագրին և դրա մշտականությունը: Ռեզորբցիայի նվազումը կարող հիմք լինել, որ բուժումն արդյունավետ է։


Ոչ մի դեղի կիրառում չի կարող տևել անսահմանափակ: Բոլոր ոչ-բիսֆոսֆոնատային դեղերն առաջացնում են ժամանակավոր արդյունք, որը թուլանում է դեղորայքի ընդունումը դադարեցնելուց հետո:


Քանի որ բուժման տևողության մասին որոշում կայացնելու վերաբերյալ չկա ոչ մի ծավալուն ապացուցողական հիմք, ուստի յուրաքանչյուր դեպքում այդ որոշումը պետք է կայացվի` ելնելով հիվանդի անհատական տվյալներից: Սկզբնական՝ երեքից հինգ տարի բուժումից հետո անհրաժեշտ է կատարել ռիսկի բազմակողմանի գնահատում


–   Կարո՞ղ է, արդյոք, Ca-ով հարուստ սննդամթերքը փոխարինել պատրաստուներին:


–   50 տարեկանն անց տարիքային խմբին խորհուրդ տրվող կալցիումի ընդունման չափաբաժինը օրական 1200 մգ է (ներառյալ սննդակարգը` գումարած կալցիումի հավելումներ, եթե սննդակարգի ընդունումն անբավարար է:


Կարևոր է հաշվի առնել սննդակարգի պատմությունը՝ նախքան կալցիումի հավելումներ խորհուրդ տալը կալցիումի ընդունումը գնահատելու համար:


Կալցիումի կարբոնատն, ընդհանրապես, ամենամատչելին է և պահանջում է ամենաքիչ քանակի հաբեր առատ կալցիումի պաշարի շնորհիվ (40%):

 

Կալցիումի ցիտրատը հիմնականում ավելի թանկ է, քան կալցիումի կարբոնատը, և պահանջում է ավելի շատ հաբեր ցանկալի դոզային հասնելու համար` ավելի քիչ կալցիումի պարունակության պատճառով (21%)


Օպտիմալ ընդունման համար կալիցիումի հավելումները չպետք է գերազանցեն 500-600 մգ յուրաքանչուր դոզայի համար ՝ պատրաստումից անկախ:
Խորհորդ է տրվում գնահատել կալցիումի և վիտամին D-ի համապատասխանությունը լաբորատոր գնահատման միջոցով` նախքան օստեոպորոզի համար դեղաբանական բուժումը սկսելը:

 

«Օստեոպորոզի ժամանակակից հիմնախնդիրները» թեմայով դասընթացի շրջանակում

 

–   Ca-ի և վիտամին D-ի դերը օստեոպորոզի կանխարգելման մեջ


–   Վիտամին D նշանակվում է դյուրացնելու կալցիումի յուրացմումը, բարձրացնելու մկանային ակտիվությունը, նվազեցնելու ընկնելու ռիսկերը:

 

Բիսֆոսֆոնատային թերապիայի դեպքում արյան հետազոտությունների հիման վրա զուգահեռ նշանակել Ca-ի և վիտամին D-ի պատրաստուկներ (50 և բարձր տարիքի՝ օրական ընդունել վիտամին D-ի  ամենաքիչը 1000 ՄՄ): 


Ca-ի խորյհուրդ տրվող չափաբաժինները.


Տարիքը                                         Սեռը                                         Չափաբաժինը (մգ/օր)  
                                                                                                       
0-6 ամս                                           M + F                                          200   
6-12 ամս                                         M + F                                          260   
1-3 տ                                              M + F                                          700   
4-8 տ                                              M + F                                          1,000   
9-18 տ                                            M + F                                          1,300   
19-50 տ                                          M + F                                          1,000   
51-70 տ                                          M                                                1,000   
51-70 տ                                          F                                                 1,200   
71+ տ                                             M + F                                          1,200   


From Ross et al (77 [EL 4; consensus NE]). Reproduced with permission.  

 
–   Ca-ի և  վիտամին D-ի անվտանգության կրիտերիաները.

 

  • օպտիմալ ընդունման համար, կալիցիումի հավելումները չպետք է գերազանցեն 500-600 մգ յուրաքանչուր դոզայի համար ՝ պատրաստումից անկախ,
  • վիտամին D օրեկան չափաբաժինը պետք է չգերազանցի 10000ՄՄ։
  • Հետդաշտանադադարային շրջանում անհրաժ՞շտ է, արդյոք, Ca-ի և  D-ի ընդունումը
  • Անկախ տարիքից սննդակարգը պետք է լինի կալցիումով և վիտամին D-ով հարուստ։ Գնահատելով ռիսկի գործոնները, հետդաշտանադադարային շրջանում անհրաժեշտ է հետազոտել կալցիումը և վիտամին D-ն արյան մեջ ու, հիմնվելով այդ տվյալների վրա, եթե ցածր մակարդակ է, ստանալ հավելումներ ու ստուգել երկու ամիս անց։


Ստորև օստեոպորոզին վերաբերող նախորդ հարցազրույցներն են.
 
Օստեոպորոզը` բուժել, չշրջանցե՛լ: «Օստեոպորոզի ժամանակակից հիմնախնդիրները» թեմայով դասընթացներ

Օստեոպորոզ. հաճախ տրվող հարցերի (ՀՏՀ) պատասխաններն օստեոպորոզին վերաբերող դասընթացների շրջանակում: ՀՏՀ 1

«Օստեոպորոզի ժամանակակից հիմնախնդիրները» թեմայով դասընթացի շրջանակում. ինչու՞ են կանայք ավելի հաճախ հիվանդանում օստեոպորոզով ՀՏՀ 2

«Օստեոպորոզի ժամանակակից հիմնախնդիրները» թեմայով դասընթացի շրջանակում. կանանց մոտ օստեպորոզի կանխարգելմանը վերաբերող հաճախ տրվող հարցերի պատասխաններ ՀՏՀ 3

Սկզբնաղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

Օստեոխոնդրոզի արդյունավետ բուժում տնային պայմաններում. armeniamedicalcenter.am
Օստեոխոնդրոզի արդյունավետ բուժում տնային պայմաններում. armeniamedicalcenter.am

Օստեոխոնդրոզը ողնաշարի ամենատարածված հիվանդություններից է: Հիվանդության զարգացման մի քանի աստիճան կա, որոնցից յուրաքանչյուրի դեպքում կա համապատասխան բուժում և բժշկական հրահանգներ: Բուժման կոմպլեքսում կարևոր դեր ունի մի քանի պարզ...

Ավանդական բուժման մեթոդներ և միջոցներ
Արթրոզների և արթրիտների տարբերությունը. Զարուհի Սաֆարյան. izmirlianmedicalcenter.com
Արթրոզների և արթրիտների տարբերությունը. Զարուհի Սաֆարյան. izmirlianmedicalcenter.com

Արթրիտը հոդի բորբոքումն է, օստեոարթրոզը` հոդի մաշվածությունը: Արթրիտների ժամանակ կա այտուցվածություն, տեղային ջերմության բարձրացում, հիպերէմիա, շարժումների սահմանափակում, շոշափելիս ցավ...

Համակարգային հիվանդություններ
Ի՞նչ է պետք իմանալ, եթե հոդացավն անհանգստացնում է Ձեզ
Ի՞նչ է պետք իմանալ, եթե հոդացավն անհանգստացնում է Ձեզ

Եթե մարդն առավոտյան արթնանում է բռնված մկաններով, դժվարանում է  շարժվել մեկ ժամից ավելի, և այդ նշանները  պարբերաբար կրկնվում  են,  սա վկայում է առավոտյան մկանային կարկամածության մասին, որը ռևմատոլոգիական հիվանդությունների...

Բժշկի ընդունարանում
Առաջին օգնությունը կոտրվածքների ժամանակ. Ալեքսանդր Արզումանյան. izmirlianmedicalcenter.com
Առաջին օգնությունը կոտրվածքների ժամանակ. Ալեքսանդր Արզումանյան. izmirlianmedicalcenter.com

Կոտրվածքը ոսկրի ամբողջության խախտումն է: Ելնելով քաղաքակրթության ընթացքից, կոտրվածքների առաջացման մեխանիզմները փոխվել են: Հիմա մենք գործ ունենք ավելի մեծ էնեգիայով հարուստ վնասվածք...

Առաջին նախաբժշկական օգնություն
Վալգուսային ձևախախտում՝ հալուքս վալգուս (Hallux valgus). Գուրգեն Բախտամյան. izmirlianmedicalcenter.com
Վալգուսային ձևախախտում՝ հալուքս վալգուս (Hallux valgus). Գուրգեն Բախտամյան. izmirlianmedicalcenter.com

Ի՞նչ հիվանդություն է հալուքս վալգուսը

Հալուքս վալգուսը հիվանդություն է, որի ժամանակ ոտնաթաթի առաջին մատը ծռվում է և շեղվում դեպի մյուս մատները...

Հարթաթաթություն. հարցազրույց Գուրգեն Բախտամյանի հետ. izmirlianmedicalcenter.com
Հարթաթաթություն. հարցազրույց Գուրգեն Բախտամյանի հետ. izmirlianmedicalcenter.com

Կա հարթաթաթության երկու տեսակ՝ պատանեկան և մեծահասակների (30-40 տարեկանից հետո): Հարթաթաթությունը, որպես կանոն, բնածին չի լինում, և մինչև 7-8 տարեկանը նման ախտորոշում ընդհանրապես...

Մանկական օրթոպեդիա. հաճախ տրվող հարցեր. arabkirjmc.am
Մանկական օրթոպեդիա. հաճախ տրվող հարցեր. arabkirjmc.am

Օրթոպեդիան մասնագիտություն է, որը զբաղվում է հենաշարժիչ համակարգի ախտաբանություններով: Մանկական օրթոպեդիան զբաղվում է հենաշարժիչ համակարգի բնածին եւ ձեռքբերովի խնդիրներով...

Մանկական հիվանդություններ
Ոտնաթաթի առաջին մատի «կոճ». հալլուքս վալգուս (hallux valgus կամ bunion). izmirlianmedicalcenter.com
Ոտնաթաթի առաջին մատի «կոճ». հալլուքս վալգուս (hallux valgus կամ bunion). izmirlianmedicalcenter.com

1. Ի՞նչ է ոտնաթաթի առաջին մատի «կոճը»:

 

Ոտնաթաթի առաջին մատի «կոճ» դա լատիներեն` հալլուքս վալգուսն է ( hallux valgus կամ bunion), այսինքն, առաջին մատի շեղում դեպի երկրորդ մատը...

«Օստեոպորոզի ժամանակակից հիմնախնդիրները» թեմայով դասընթացի շրջանակում. կանանց մոտ օստեպորոզի կանխարգելմանը վերաբերող հաճախ տրվող հարցերի պատասխաններ
«Օստեոպորոզի ժամանակակից հիմնախնդիրները» թեմայով դասընթացի շրջանակում. կանանց մոտ օստեպորոզի կանխարգելմանը վերաբերող հաճախ տրվող հարցերի պատասխաններ

Օստեոպորոզի կենտրոնում հայկական ասոցիացիայի կողմից կազմակերպած «Օստեոպորոզի ժամանակակից հիմնախնդիրները» թեմայով հերթական դասընթացի շրջանակում փորձեցինք ստանալ 40 տարեկանն անց կանանց մտահոգող...

Առողջ կին
«Օստեոպորոզի ժամանակակից հիմնախնդիրները» թեմայով դասընթացի շրջանակում. ինչու՞ են կանայք ավելի հաճախ հիվանդանում օստեոպորոզով
«Օստեոպորոզի ժամանակակից հիմնախնդիրները» թեմայով դասընթացի շրջանակում. ինչու՞ են կանայք ավելի հաճախ հիվանդանում օստեոպորոզով

Օստեոպորոզի կենտրոնում հայկական ասոցիացիայի կողմից կազմակերպվել էր ավանդական դարձած «Օստեոպորոզի ժամանակակից հիմնախնդիրները» թեմայով հերթական դասընթացը...

Առողջ կին Իրադարձություններ Հայաստանում
Արթրոզ. հաճախ տրվող հարցեր. izmirlianmedicalcenter.com
Արթրոզ. հաճախ տրվող հարցեր. izmirlianmedicalcenter.com

1.  Ծնկան հոդի արթրոզ և արթրիտ, ինչո՞ւմն է տարբերությունը:

Արթրիտը հոդի բորբոքումն է, իսկ արթրոզը հոդի ձևախեղումն է, աճառների մաշվածությունը և այլն: Ներկայում արթրոզը և արթրիտն...

Մենիսկոպաթիաներ. հաճախ տրվող հարցեր. izmirlianmedicalcenter.com
Մենիսկոպաթիաներ. հաճախ տրվող հարցեր. izmirlianmedicalcenter.com

1.  Ի՞նչ է մենիսկը:

Մենիսկը ծնկան հոդի ներհոդային օրգաններից է, որն ապահովվում է ծնկան հոդի կայունությունը և պաշտպանում աճառները` մաշվելուց...

Եթե կան հոդերի հետ կապված խնդիրներ
Եթե կան հոդերի հետ կապված խնդիրներ

Շատերը, «արթրոզ» ախտորոշումը լսելով` սարսափում են` պատկերացնելով շարժումների սահմանափակում կամ, որ ավելի ահավոր է, «կալանք» 4 պատի մեջ, հաշմանդամություն: Ինչո՞ւ, որովհետև արթրոզը կամ հոդաբորբը նորմալ շարժումը խոչընդոտող ցավ է...

Օստեոպորոզ. հաճախ տրվող հարցերի (ՀՏՀ) պատասխաններն օստեոպորոզին վերաբերող դասընթացների շրջանակում: ՀՏՀ 1
Օստեոպորոզ. հաճախ տրվող հարցերի (ՀՏՀ) պատասխաններն օստեոպորոզին վերաբերող դասընթացների շրջանակում: ՀՏՀ 1

Օստեոպորոզի ուսուցողական կենտրոնում, որը բացվել է  2017 թվականի հուլիսին շարունակվում են ուսուցողական oստեոպորոզի ժամանակակից խնդիրները թեմայով դասընթացները։ Կենտրոնի նպատակն է  հասցնել բժիշկներին հիվանդության բուժման և կանխարգելման նորագույն մեթոդները...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ