Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Վնասվածքաբանություն և օրթոպեդիա

 


 

14 օգտակար խորհուրդ մեջքի ցավի թուլացման համար. med.news.am

14 օգտակար խորհուրդ մեջքի ցավի թուլացման համար. med.news.am

Եթե ձեր մեջքը ցավում է, ապա քնելը դժվար կլինի: Եվ կարող է արատավոր շրջան ստացվել, քանի որ վատ քնելու պատճառով մեջքի ցավը կարող է ուժեղանալ: Քնի ժամանակ անհարմար դիրքը նույնպես կարող է նպաստել ցավի ուժեղացմանը:


Փորձեք կողքի վրա պառկել: Ծնկների միջեւ բարձ դրեք, որպեսզի ողնաշարը չեզոք դիրքում հայտնվի եւ մեջքի ծանրաբեռնվածությունը թուլանա: Եթե դուք մեջքի վրա պառկած եք քնում՝ բարձը ծնկների տակ դրեք: Եվ ավելի լավ է չոր ներքնակի վրա քնել:

 

Մեջքի ցավը եւ կեցվածքը

 

Տատիկը ճիշտ էր: Մեջքը թեքելը վնասակար է: Իսկ վատ կազմվածքը ավելի է ուժեղացնում մեջքի ցավը, հատկապես եթե դուք երկարատեւ անշարժ նստած եք: Մի թեքվեք դեպի ստեղնաշարը: Նստեք ուղիղ, ուսերն առանց լարելու, իսկ մեջքով հենվեք աթոռի թիկնակին: Մեջքի ստորին հատվածի եւ թիկնակի միջեւ բարձ դրեք: Ոտքերը ամուր գետնին հենեք:

 

Դեղորայք մեջքի ցավի համար

 

Մեջքի ցավը թուլացնելու համար դեղամիջոցների 2 խումբ կա. ոչ ստերոիդային հակաբորբոքային դեղամիջոցներ (ՈՍՀԲԴ) եւ ացետամինոֆեն: Սակայն նրանք կողմնակի ազդեցություններ ունեն եւ շատ մարդիկ չեն կարող դրանք ընդունել: Նախքան դրանք խմելը խորհրդակցեք ձեր բժշկի հետ: Եվ հույս չունենաք, թե միայն դեղորայքի միջոցով դուք կարող եք խնդիրը լուծել: Հետազոտությունները ցույց են տալիս, որ անհրաժեշտ է բազմակողմանի բուժում:

 

Ուժեղ ցավազրկող միջոցներ

 

Որոշ հիվանդների անհրաժեշտ կլինեն ուժեղ ՈՍՀԲԴ-եր կամ օփիոիդներ, որոնք դեղատներում բաց են թողնվում միայն դեղատոմսով: Եթե դուք ուրիշ դեղորայք եք ընդունում ապա ակտիվ բաղադրիչների գերդոզավորումից խուսափելու համար խորհրդակցեք ձեր բժշկի կամ դեղագետի հետ: Ձեր բժիշկը կարող է նաեւ միոռելաքսանտներ նշանակել՝ ցավոտ մկանային կծկումները թուլացնելու նպատակով:

 

Հակադեպրեսանտներ

 

Եթե նույնիսկ դուք դեպրեսիա չունեք, ձեր բժիշկը որպես գոտկատեղի ցավերի բուժման մաս կարող է ձեզ հակադեպրեսանտներ նշանակել: Չնայած դրան, անհասկանալի է, թե ինչպես կարող են հակադեպրեսանտները բուժել քրոնիկական ցավը: Ընդունված է համարել, որ հակադեպրեսանտների ազդեցությունը քիմիական միջնորդների (մեսենջեր) վրա կարող է անդրադառնալ օրգանիզմում ցավային ազդակների վրա:

 

Դիմեք ֆիզիոթերապեւտի

 

Ֆիզիոթերապեւտը ձեզ կսովորեցնի, թե ինչպես նստել, կանգնել եւ շարժվել այնպես, որպեսզի ողնաշարը գտնվի մեջքի վրա ծանրաբեռնվածությունը թուլացնող հնարավորինս ուղիղ դիրքում: Նրանք ձեզ հատուկ վարժություններ ցույց կտան, որոնք ամրապնդում են մեջքը պահող հիմնական մկանները: Հետազոտությունները ցույց են տալիս, որ եթե ավելացնել ուժը, ճկունությունը եւ դիմադրողականությունը, մեջքի ցավերը կթուլանան, սակայն դրա համար ժամանակ է անհրաժեշտ:

 

Երկար մի պառկեք

 

Նախկինում մեջքի ցավերի դեպքում անկողնային ռեժիմ էին նշանակում, սակայն այսօր մենք գիտենք, որ պառկելով մենք ավելի ենք խորացնում ցավը: Բացի այդ անշարժ պառկելու հետեւանքով կարող են բարդություններ առաջանալ: Մի պառկեք անշարք մեկ օրից ավելի, ամենաշատը՝ երկու օր: Անհրաժեշտ է փորձել վեր կենալ եւ կամաց շարժվել: Գիտնականները հայտնաբերել են, որ մարզանքը ցավը թուլացնելու ամենաարդյունավետ միջոցներից է: Լողացեք, քայլեք կամ յոգայով զբաղվեք:

 

Ցուրտ եւ տաք

 

Մեջքի ցավող հատվածներին պարբերաբար սառույց դրեք, դա կօգնի հանգստացնել ցավը եւ բորբոքումը: Օրական մի քանի անգամ կրկնեք՝ 20 րոպեով: Մի քանի օրից փոխարինեք այն ջերմակով: Մկանների թուլացմանը նպաստելու եւ դեպի ցավային օջախ արյան հոսքն ուժեղացնելու նպատակով օգտագործեք ջերմակ կամ տաքացնող ներքնակ: Կարող եք նաեւ փորձել տաք վաննաներ ընդունել: Այրվածքներից խուսափելու համար երբեք միացված տաքացնող ներքնակով մի  քնեք:

 

Մերսում

 

Արդյոք օգնում է մերսումը մեջքի ցավերի ժամանակ: Հետազոտությունը ցույց է տվել, որ 10 շաբաթների ընթացքում օրական մեկ անգամ մերսումն օգնել է մեջքի քրոնիկական ցավերով մարդկանց թուլացնել ցավը: Արդյունքը տեւել է մոտ 6 ամիս, սակայն սկսել է կրճատվել մեկ տարի անց: Այլ պրակտիկ մոտեցում է մեջքային մանիպուլյացիան: Այս թերապիան անց է կացվում դիպլոմավորված մասնագետի օգնությամբ եւ իր մեջ ներառում է տարբեր վարժություններ, որոնք կարգավորում են ողնաշարը եւ վերականգնում կորցրած շարժունակությունը:

 

Նյարդի խթանում

 

Ներկայումս բազմաթիվ հետազոտություններ են կատարվում նյարդերի խթանմամբ մեջքի քրոնիկական ցավը թուլացնող որոշակի միջամտությունների ուղղությամբ: Եթե դասական մեթոդները չեն օգնում, ձեր բժիշկը կարող է քննարկել ասեղնաբուժության հարցը: Մյուս բուժումը, որը բժիշկը կարող է նշանակել, դա նյարդերի էլեկտրական ներմաշկային խթանումն է, որի ընթացքում էլեկտրական ազդակները հասնում են նյարդերին եւ արգելակում եկող ցավային ազդակները:

 

Թերապիա՝ մեջքի ցավերի համար

 

Հնարավոր է տարօրինակ թվա մեջքի ցավերի պատճառով հոգեբանին այցելությունը, սակայն հետազոտությունները ցույց են տվել, որ ճանաչողական վարքագծային թերապիան մեջքի ցավերի թուլացման համար բավական արդյունավետ է: Օրինակ հոգեբանը կարող է օգնել ձերբազատվել ֆիզիկական վարժությունների վախից, պարզել հիվանդի շարժվել չցանկանալու պատճառը: Հոգեբանի այցելած մարդիկ հայտնել են ցավի զգալի թուլացման եւ շարժունակության բարձրացման մասին:

 

Մեջքի ցավը եւ կենսաբանական հակադարձ կապը

 

Կենսաբանական հակադարձ կապն օգտագործում է հատուկ մեխանիզմ, որը կօգնի ցավի հանդեպ ռեակցիան վերահսկելու նպատակով մարզել ձեր ուղեղը: Դուք կիմանաք թե ինչպես թուլացնել ձեր շնչառությունը, սրտի զարկերի հաճախությունը, արյան հոսքը եւ մկանային լարվածությունը: Որոշ հետազոտություններ ցույց են տվել, որ սա ավելի լավ է հանգստացնում մեջքի ցավերը, քան դեղորայքը՝ իջեցնելով ցավի ինտենսիվությունը 30%-ով: Այն չունի կողմնակի ազդեցություններ:

 

Մեջքային ներարկումներ

 

Ցավը հանգստացնելու նպատակով բժիշկը կարող է նշանակել մեջքային ներարկումներ: Մեջքի ցավերը հանգստացնելու համար ներարկումների մի քանի տեսակ գոյություն ունի: Օրինակ՝ կորտիկոստերոիդներով ներարկումները կարող են հանել բորբոքումը, որն առաջացնում է ցավ: Կողմնակի ազդեցություններից խուսափելու համար՝ ներարկման տեսակից կախված բժիշկը կարող է սահմանափակել տարեկան դեղաչափը:

 

Վիրահատական միջամտություն

 

Եթե տեղաշարժված միջողնային սկավառակը ճնշում է նյարդին, ապա վիրաբույժը կարող է խորհուրդ տալ դիսկէկտոմիա՝ միջողնային սկավառակի մի մասի հեռացում, կամ լամինէկտոմիա՝ ողի աղեղի հեռացում: Սպինդոլիդեզը (մի քանի ողերի մարմինների միացում) նույնպես կարող է օգնել ողնաշարի կայունացմանը: Ինչպես եւ բոլոր վիրահատությունները, սրանք վտանգ են ներկայացնում եւ ոչ միշտ են բարեհաջող անցնում: Այդ իսկ պատճառով վիրաբուժական միջամտությունը պետք է համարվի ծայրահեղ միջոց:

Սկզբնաղբյուր. med.news.am
Լուսանկարը. novostey.com
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Քունք-ստործնոտային հոդի խնդիրները և դեպրեսիան. nairimed.com
Քունք-ստործնոտային հոդի խնդիրները և դեպրեսիան. nairimed.com

Գոյություն ունի որոշակի կապ՝ դեպրեսիայի ու լարվածության և քունք-ստործնոտային հոդի խանգարումների միջև. խանգարումներ, որոնք ընդգրկում են այդ հոդի բաղադրիչ կազմող մկանային և հոդային տարրերը...

Հոգեկան առողջություն
Նվազ ինվազիվ վիրահատական մեթոդ ծնկահոդի արթրոզների ժամանակ. nairimed.com
Նվազ ինվազիվ վիրահատական մեթոդ ծնկահոդի արթրոզների ժամանակ. nairimed.com

Ի՞նչ է պրոքսիմալ ֆիբուլյար օստեոտոմիան

2017 թվականից սկսած  ո՛չ միայն Հայաստանում, այլև ԱՊՀ երկրներում, ծնկահոդի արթրոզների բուժման նպատակով կիրառվում է պրոքսիմալ ֆիբուլյար օստեոտոմիան: Այդ վիրահատության միջոցով, ի տարբերություն նախկինում իրականացվող...

Բժշկի ընդունարանում
Էնդոպրոթեզավորում. որո՞նք են առավելությունները
Էնդոպրոթեզավորում. որո՞նք են առավելությունները

Եթե ունեք ոչ մշտական բնույթի ցավեր հոդի շրջանում, որոնք երբեմն կարող են ունենալ ճառագայթող բնույթ, ապա այս ախտանիշները կարող են վկայել զարգացող օստեոարթրոզի մասին։ Դեֆորմացնող օստեոարթոզը և հետվնասվածքային արթրոզները...

Բժշկի ընդունարանում
Օստեոխոնդրոզի արդյունավետ բուժում տնային պայմաններում. armeniamedicalcenter.am
Օստեոխոնդրոզի արդյունավետ բուժում տնային պայմաններում. armeniamedicalcenter.am

Օստեոխոնդրոզը ողնաշարի ամենատարածված հիվանդություններից է: Հիվանդության զարգացման մի քանի աստիճան կա, որոնցից յուրաքանչյուրի դեպքում կա համապատասխան բուժում և բժշկական հրահանգներ: Բուժման կոմպլեքսում կարևոր դեր ունի մի քանի պարզ...

Ավանդական բուժման մեթոդներ և միջոցներ
Արթրոզների և արթրիտների տարբերությունը. Զարուհի Սաֆարյան. izmirlianmedicalcenter.com
Արթրոզների և արթրիտների տարբերությունը. Զարուհի Սաֆարյան. izmirlianmedicalcenter.com

Արթրիտը հոդի բորբոքումն է, օստեոարթրոզը` հոդի մաշվածությունը: Արթրիտների ժամանակ կա այտուցվածություն, տեղային ջերմության բարձրացում, հիպերէմիա, շարժումների սահմանափակում, շոշափելիս ցավ...

Համակարգային հիվանդություններ
Ի՞նչ է պետք իմանալ, եթե հոդացավն անհանգստացնում է Ձեզ
Ի՞նչ է պետք իմանալ, եթե հոդացավն անհանգստացնում է Ձեզ

Եթե մարդն առավոտյան արթնանում է բռնված մկաններով, դժվարանում է  շարժվել մեկ ժամից ավելի, և այդ նշանները  պարբերաբար կրկնվում  են,  սա վկայում է առավոտյան մկանային կարկամածության մասին, որը ռևմատոլոգիական հիվանդությունների...

Բժշկի ընդունարանում
Առաջին օգնությունը կոտրվածքների ժամանակ. Ալեքսանդր Արզումանյան. izmirlianmedicalcenter.com
Առաջին օգնությունը կոտրվածքների ժամանակ. Ալեքսանդր Արզումանյան. izmirlianmedicalcenter.com

Կոտրվածքը ոսկրի ամբողջության խախտումն է: Ելնելով քաղաքակրթության ընթացքից, կոտրվածքների առաջացման մեխանիզմները փոխվել են: Հիմա մենք գործ ունենք ավելի մեծ էնեգիայով հարուստ վնասվածք...

Առաջին նախաբժշկական օգնություն
Վալգուսային ձևախախտում՝ հալուքս վալգուս (Hallux valgus). Գուրգեն Բախտամյան. izmirlianmedicalcenter.com
Վալգուսային ձևախախտում՝ հալուքս վալգուս (Hallux valgus). Գուրգեն Բախտամյան. izmirlianmedicalcenter.com

Ի՞նչ հիվանդություն է հալուքս վալգուսը

Հալուքս վալգուսը հիվանդություն է, որի ժամանակ ոտնաթաթի առաջին մատը ծռվում է և շեղվում դեպի մյուս մատները...

Հարթաթաթություն. հարցազրույց Գուրգեն Բախտամյանի հետ. izmirlianmedicalcenter.com
Հարթաթաթություն. հարցազրույց Գուրգեն Բախտամյանի հետ. izmirlianmedicalcenter.com

Կա հարթաթաթության երկու տեսակ՝ պատանեկան և մեծահասակների (30-40 տարեկանից հետո): Հարթաթաթությունը, որպես կանոն, բնածին չի լինում, և մինչև 7-8 տարեկանը նման ախտորոշում ընդհանրապես...

Մանկական օրթոպեդիա. հաճախ տրվող հարցեր. arabkirjmc.am
Մանկական օրթոպեդիա. հաճախ տրվող հարցեր. arabkirjmc.am

Օրթոպեդիան մասնագիտություն է, որը զբաղվում է հենաշարժիչ համակարգի ախտաբանություններով: Մանկական օրթոպեդիան զբաղվում է հենաշարժիչ համակարգի բնածին եւ ձեռքբերովի խնդիրներով...

Մանկական հիվանդություններ
Ոտնաթաթի առաջին մատի «կոճ». հալլուքս վալգուս (hallux valgus կամ bunion). izmirlianmedicalcenter.com
Ոտնաթաթի առաջին մատի «կոճ». հալլուքս վալգուս (hallux valgus կամ bunion). izmirlianmedicalcenter.com

1. Ի՞նչ է ոտնաթաթի առաջին մատի «կոճը»:

 

Ոտնաթաթի առաջին մատի «կոճ» դա լատիներեն` հալլուքս վալգուսն է ( hallux valgus կամ bunion), այսինքն, առաջին մատի շեղում դեպի երկրորդ մատը...

«Օստեոպորոզի ժամանակակից հիմնախնդիրները» թեմայով դասընթացի շրջանակում. Վարտա Բաբալյանի պատասխանները` մասնագիտական հարցերին
«Օստեոպորոզի ժամանակակից հիմնախնդիրները» թեմայով դասընթացի շրջանակում. Վարտա Բաբալյանի պատասխանները` մասնագիտական հարցերին

Օստեոպորոզի կենտրոնում հայկական ասոցիացիայի կողմից կազմակերպած «Օստեոպորոզի ժամանակակից հիմնախնդիրները» թեմայով հերթական դասընթացի շրջանակում Օստեոպորոզի կենտրոնի տնօրեն, հայկական ասոցիացիայի նախագահ Վարտա Բաբալյանը պատասխանեց...

Միջոցառումներ
«Օստեոպորոզի ժամանակակից հիմնախնդիրները» թեմայով դասընթացի շրջանակում. կանանց մոտ օստեպորոզի կանխարգելմանը վերաբերող հաճախ տրվող հարցերի պատասխաններ
«Օստեոպորոզի ժամանակակից հիմնախնդիրները» թեմայով դասընթացի շրջանակում. կանանց մոտ օստեպորոզի կանխարգելմանը վերաբերող հաճախ տրվող հարցերի պատասխաններ

Օստեոպորոզի կենտրոնում հայկական ասոցիացիայի կողմից կազմակերպած «Օստեոպորոզի ժամանակակից հիմնախնդիրները» թեմայով հերթական դասընթացի շրջանակում փորձեցինք ստանալ 40 տարեկանն անց կանանց մտահոգող...

Առողջ կին
«Օստեոպորոզի ժամանակակից հիմնախնդիրները» թեմայով դասընթացի շրջանակում. ինչու՞ են կանայք ավելի հաճախ հիվանդանում օստեոպորոզով
«Օստեոպորոզի ժամանակակից հիմնախնդիրները» թեմայով դասընթացի շրջանակում. ինչու՞ են կանայք ավելի հաճախ հիվանդանում օստեոպորոզով

Օստեոպորոզի կենտրոնում հայկական ասոցիացիայի կողմից կազմակերպվել էր ավանդական դարձած «Օստեոպորոզի ժամանակակից հիմնախնդիրները» թեմայով հերթական դասընթացը...

Առողջ կին Իրադարձություններ Հայաստանում
Արթրոզ. հաճախ տրվող հարցեր. izmirlianmedicalcenter.com
Արթրոզ. հաճախ տրվող հարցեր. izmirlianmedicalcenter.com

1.  Ծնկան հոդի արթրոզ և արթրիտ, ինչո՞ւմն է տարբերությունը:

Արթրիտը հոդի բորբոքումն է, իսկ արթրոզը հոդի ձևախեղումն է, աճառների մաշվածությունը և այլն: Ներկայում արթրոզը և արթրիտն...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ