Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Համակարգային հիվանդություններ

Ինչ է պարբերական հիվանդությունը: Պարբերական հիվանդության բուժման մասին

Ինչ է պարբերական հիվանդությունը: Պարբերական հիվանդության բուժման մասին

Հիվանդության ժառանգման և վտանգների մասին: Պարբերական կամ, ինչպես ժողովուրդն է ասում` «երևանյան» կամ «հայկական հիվանդությունը» դասվում է ժառանգական հիվանդությունների շարքին։

 

Անգլերեն լեզվով լույս տեսնող գիտական գրականությունում ընդունված է «միջերկրածովյան ընտանեկան տենդ» (familial Mediterranean fever) անվանումը։ Այն պայմանավորված է ընդամենը մեկ գենով։ Նորմալ պայմաններում այդ MEFV գենը պատասխանատու է բորբոքային պրոցեսների կանխման համար, իսկ չգործելու դեպքում այդ հատկությունը վերանում է կամ խիստ թուլանում, ինչի հետևանքով բորբոքումները չեն արգելակվում։ Յուրաքանչյուր գեն մարդու օրգանիզմում ներկայացված է 2 օրինակով (այդ թվում` նաև MEFV-ը), որից մեկը նա ժառանգում է հորից, իսկ մյուսը` մորից։ Եթե այդ երկու օրինակներից մեկը նորմալ լինի, անձը պարբերական հիվանդություն չի ունենա։ Միայն երբ նշված MEFV գենի և հայրական, և մայրական օրինակները փոփոխված են` մուտացիայի ենթարկված, ապա պարբերական հիվանդություն է զարգանում։ Փոփոխված գենը սերնդեսերունդ կարող է փոխանցվել և միշտ հանդիպել «առողջ» գենի հետ, սակայն հիվանդի բարեկամներից ոչ մեկը չտառապի պարբերական հիվանդությամբ։

 

Հիվանդի քույրերի և եղբայրների մոտ պարբերական հիվանդության առկայության հավանականությունը կազմում է 1։4։ Եթե պարբերական հիվանդություն ունեցողը ամուսնանա երկու MEFV նորմալ գեն ունեցող անձի հետ, ապա նրանց երեխաները պարբերական հիվանդություն չեն ունենա, սակայն կկրեն հիվանդ ծնողի կողմից ժառանգած և փոփոխված` մուտացիայի ենթարկված մեկական MEFV գեն։ Իսկ եթե պարբերական հիվանդություն ունեցողը ամուսնանա առողջ անձի հետ, որն ունի MEFV-ի մեկ փոփոխված գեն, ապա երեխաների մոտ պարբերական հիվանդության ռիսկը կկազմի 1։2։ Եթե ամուսնանան պարբերական հիվանդություն ունեցող երկու անձինք, ապա բոլոր երեխաները նույնպես կունենան պարբերական հիվանդություն։ 
 
Ընդհանրապես ժառանգական հիվանդությունները հազվադեպ են հանդիպում, սակայն հայերի շրջանում պարբերական հիվանդության հաճախականությունը կազմում է մոտավորապես 1-2 տոկոս։ Հիվանդության գրեթե 15% դեպքերում այն սկսվում է ամենածանր բարդությամբ` ամիլոիդոզով։ Մնացած դեպքերում հիվանդության նոպաները կամ հոդային երևույթները տարիներ և տասնամյակներ շարունակ կրկնվում են, իսկ ամիլոիդոզը զարգանում է միայն դրանցից հետո։


Ամիլոիդոզը տարբեր հյուսվածքներում դժվար լուծվող, այսպես կոչված` ամիլոիդ* նյութի կուտակման հետ կապված հիվանդություն է։ Պարբերական հիվանդության ժամանակ ամիլոիդոզը առաջին հերթին ախտահարում է երիկամները։ Սակայն հնարավոր է նաև աղիքների, սրտի, վահանագեղձի ու այլ գեղձերի, և ընդհանրապես ցանկացած այլ օրգանի ախտահարում, ընդ որում, նշված օրգանների ախտահարումը կարող է նախորդել երիկամայինին։


Բացի ամիլոիդոզից, պարբերական հիվանդություն ունեցողները ենթակա են ավելի վաղ սկսվող և արտահայտված աթերոսկլերոզով հիվանդանալուն, քան բնակչությունն ընդհանրապես։ Երիտասարդ տարիքում կոլխիցինով կանխարգելիչ բուժում չստացած անձինք մտնում են սրտի իշեմիկ հիվանդության, այդ թվում` սրտամկանի ինֆարկտի, ինչպես նաև ինսուլտների բարձր ռիսկի խմբի մեջ։ Նշենք, որ պարբերական հիվանդությունը նպաստում է որովայնի խոռոչում կպումների գոյացմանը, որոնց պատճառով հիվանդի օրգանիզմը հակված է լինում, այսպես կոչված` կպումնային հիվանդության, որն արտահայտվում է ժամանակ առ ժամանակ կրկնվող աղիքային անանցանելիությամբ։ Այդ, ինչպես նաև այլ պատճառներով առաջացած կպումների դեպքում կանանց 20%-ը տառապում է լրիվ, իսկ մյուս 20%-ը` մասնակի անպտղությամբ։ Նույնիսկ երբ զույգը ազատ սեռական կյանք է վարում (առանց պաշտպանվելու), կինը կարող է հղիանալ միայն մի քանի տարին մեկ անգամ։


Պարբերական հիվանդության դեպքում բարձր է նաև բորբոքային հիվանդությունների հաճախականությունը։ Ռևմատոլոգիական հիվանդությունները (ռևմատոիդ արթրիտը, համակարգային կարմիր գայլախտը, հանգուցային պանարտերիտը և այլն) պարբերական հիվանդությամբ տառապողների շրջանում հանդիպում են մի քանի անգամից մինչև մի քանի հարյուր անգամ ավելի հաճախ, քան ընդհանուր բնակչության մոտ։ Ստամոքսաաղիքային տրակտի բոլոր հիվանդությունները նույնպես պարբերական հիվանդությամբ տառապողների մոտ հանդիպում են շատ ավելի հաճախ և շատ ավելի ծանր տարբերակներով։ Դա վերաբերում է ինչպես գաստրիտներին, կոլիտներին, այնպես էլ խոցային հիվանդությանը և նույնիսկ համեմատաբար հազվադեպ հանդիպող, այսպես կոչված` աղիքների բորբոքային հիվանդություններին (ոչ սպեցիֆիկ խոցային կոլիտ, Կրոնի հիվանդություն)։


Անհրաժեշտ է նշել, որ այս բոլոր բարդություններից կարելի է խուսափել, եթե ժամանակին սկսվի կոլխիցինով պարբերական հիվանդության կանխարգելիչ բուժումը։ Արդեն սկսված բոլոր բարդությունները, հատկապես երիկամների ամիլոիդոզը, շատ ավելի դժվար է, իսկ երբեմն նույնիսկ անհնարին է բուժել` եթե սկսվում է ուշացումով։ Եվ քանի որ, ինչպես արդեն ասացի, այդ բարդությունները շատ դեպքերում կարող են լինել պարբերական հիվանդության առաջին կլինիկական արտահայտությունը, ուրեմն նպատակահարմար է, որ յուրաքանչյուր հայ որքան հնարավոր է վաղ տարիքում ենթարկվի գենետիկական քննության, որով հնարավոր կլինի բացահայտել պարբերական հիվանդության դեռևս չարտահայտված դեպքերը։ Ցավոք սրտի, այսօր հայտնի հնարավոր 100 մուտացիաներից Հայաստանում (բժշկական գենետիկայի կենտրոն) որոշվում է միայն 12-ը` առավել հաճախ հանդիպողները։ Մնացած դեպքերում տարին 2 անգամ կանոնավոր բժշկական զննումները և հետազոտությունները թույլ կտան ավելի վաղ շրջաններում հայտնաբերել պարբերական հիվանդության բարդությունները։ Նշենք, որ դա հատկապես վերաբերում է երիկամների ամիլոիդոզին, որի ժամանակ հիվանդը ոչ մի ցավ չի զգում. ուստի, եթե պարբերաբար մեզի քննություն չկատարվի, ապա ամիլոիդոզը կարող է կլինիկորեն ախտորոշվել միայն ուշ շրջանում, երբ արմատական բուժումը քիչ արդյունավետ կլինի։

 

Ինչպես արդեն ասել ենք, պարբերական հիվանդությանը (ՊՀ) բնորոշ են բազմաթիվ, երբեմն նաև ծանր բարդություններ, որոնցից կարելի է խուսափել, եթե ժամանակին սկսվի հիվանդության բուժումը` կոլխիցինի ամենօրյա կանոնավոր կանխարգելիչ կիրառմամբ: Որքան ուշ է սկսվում այն, այնքան հիվանդության բացասական ազդեցությունն օրգանիզմի վրա լինում է ավելի արտահայտված, իսկ շատ դեպքերում` նույնիսկ անդառնալի:

 

Համաշխարհային փորձը ցույց է տալիս, որ մանկական տարիքից սկսած բուժման շնորհիվ կարելի է հիվանդության հնարավոր բարդությունները կանխել այնպես, որ անձը համարյա չտարբերվի առողջներից` բացառությամբ կոլխիցինի ամենօրյա ընդունման անհրաժեշտությունից:

 

Կոլխիցինը (Արտադրվում է թաղանթով պատված հաբերի ձևով) պարբերական հիվանդության ժամանակ սկսել են կիրառել անցած դարի 60-ականների վերջից: Հրեա գիտնական Ս. Գոլդինգերն առաջինն էր, որ 1972 թ. նկարագրեց կոլխիցինի դրական ազդեցությունը պարբերական հիվանդության նոպաների վրա: Կոլխիցինաբուժության սկզբնական շրջանում դա հաստատեցին նաև մի շարք այլ հեղինակներ: Նրանք նշում էին, որ կոլխիցինի ընդունումը դադարեցնելուց հետո ՊՀ-ի նոպաները վերսկսվում են: Այդ դեղամիջոցի առաջին մասշտաբային կիրառման արդյունքները հրապարակեցին Դ. Զեմերը և համահեղինակները` 1976 թ.: 

 

Իսկական հրաշք էր բժշկագիտության մեջ, երբ պարզվեց, որ կոլխիցինը կանխում է ոչ միայն պարբերական հիվանդության նոպաները, այլև նրա ամենածանր բարդությունը՝ ամիլոիդոզը (Ամիլոիդոզը սպիտակուցային փոխանակության խանգարման հետևանքով օրգանների հյուսվածքների, արյունատար անոթների վրա գլոբուլինային սպիտակուցների` ամիլոիդի արտաբջջային կուտակումներից առաջացող սկլերոզի, հյուծման և օրգանների կենսագործունեությունը խաթարող ծանր, անվերադարձելի բարդություն է): Կոլխիցինի կանոնավոր օգտագործման փորձի կուտակման հետ մեկտեղ, նախ` մեկը մյուսի հետևից սկսեցին ի հայտ գալ հաղորդումներ, որոնցում հեղինակները ցույց էին տալիս դեղամիջոցի բարերար ազդեցությունն ամիլոիդոզի ընթացքի վրա, իսկ այնուհետև այդ բարդության կանխման հնարավորությունը:

 

Սկզբից հետազոտողները նշում էին, որ կոլխիցինի կանոնավոր օգտագործումը իսպառ բացառում է ամիլոիդոզի առաջացումը, սակայն հետագայում, ավելի երկարատև դիտարկումների արդյունքում, նրանք եկան այն եզրակացության, որ մոտավորապես մեկ տոկոսի մոտ այն ի վերջո զարգանում է: Պետք է նշել սակայն, որ այդ հետազոտված հիվանդները հիմնականում սեֆարդիկ (Սեֆարդները հրեաների մի մասն է, որոնք խոսում են իսպաներենին նմանվող լեզվով` սեֆարդերենով: Սերված են Պիրենեյան թերակղզում բնակվող նախնիներից և ներկայումս ապրում են Հյուսիսային Աֆրիկայի երկրներում, Փոքր Ասիայում, Բալկանյան թերակղզում, Իսրայելում) հրեաներն էին, որոնց շրջանում հիվանդության՝ ամիլոիդոզով բարդանալու հավանականությունն ավելի մեծ էր, քան՝ հայերի:

 

Ներկայումս ամբողջ աշխարհում 35 տարուց ավելի կոլխիցինաբուժություն ստացել են տասնյակհազարավոր մարդիկ, և այդ քանակակազմը չի տարբերվում ընդհանուր բնակչության քանակակազմից՝ մահվան միջին տարիքի կամ որևէ հիվանդության հավանականության առումով: Այնպես որ, մանկական տարիքից կոլխիցին ստացող հիվանդները կարող են համարվել առողջ մարդիկ, որոնք կյանքի ընթացքում պարզապես ստիպված են ամեն օր ընդունել այդ համեմատաբար անվնաս դեղը: 

 

Ներկայումս մենք որևէ հիմք չունենք շեղվելու բուժման այն սկզբունքներից, որոնցով ամբողջ աշխարհի բժիշկներն առաջնորդվել են անցած տարիների  ընթացքում:

 

Բուժումը սկսում են ամիլոիդոզը կանխող նվազագույն դեղաչափից՝ օրական 1.0 մգ կոլխիցին պարունակող հաբերի ընդունումից: Պետք է ասել, որ կա հիվանդների մի փոքր խումբ, որոնց նոպաները դադարում են նույնիսկ օրական 0.5 մգ կոլխիցին ընդունելիս, սակայն այդ դեղաչափի երկարատև օգտագործման համաշխարհային փորձը բացակայում է: Այդ դեղաչափը երկարատև օգտագործող մեր ոչ այնքան մեծ թվով հիվանդների շրջանում եղել են ամիլոիդոզով բարդացման եզակի դեպքեր, այդ իսկ պատճառով օրական կոլխիցինի 0.5 մգ դեղաչափը չի կարելի խորհուրդ տալ մշտական օգտագործման համար, ինչպես նաև միայն նոպաների նախանշանները ճնշելու նպատակով: Նախ դա քչերին է հաջողվում և այն էլ ոչ երկարատև, բացի այդ, որն ավելի կարևոր է, նման ‚բուժմամբե ամիլոիդոզի զարգացումը չի կանխվում:

 

Բուժման առաջին օրերի ընթացքում հնարավոր է լուծ առաջանա, որի արտահայտված լինելու դեպքում կարելի է մի քանի օր դեղաչափն իջեցնել 0,5 մգ-ի, այնուհետև վերադառնալ օրական 1,0 մգ-ին: Բուժման առաջին օրերի, ամիսների, երբեմն նույնիսկ տարիների ընթացքում հնարավոր են պարբերական հիվանդության աուտոիմունային բնույթի բարդությունների առաջացում (մենինգեալ` ուղեղաթաղանթի ախտահարմանը բնորոշ երևույթներ, ավշային հանգույցների մեծացում, հոդաբորբեր, անոթաբորբեր և այլն): Այնպես որ` գլխացավեր, հոդացավեր, ցան, տեսողության վատացում կամ այլ ոչ սովորական գանգատներ առաջանալու դեպքում հիվանդը որքան հնարավոր է շուտ պետք է դիմի բժշկի:

 

Եթե օրական 1,0 մգ դեղաչափի ֆոնի վրա առաջանում է պարբերական հիվանդության հերթական նոպան, այսինքն` այդ դեղաչափով նոպաները չեն կանխվում, ապա բժիշկը կարող է դեղաչափն ավելացնել` հասցնելով մինչև 1,5 մգ-ի, չսպասելով երկրորդ, երրորդ և հաջորդող նոպաներին: Մեկ նոպան արդեն բավական է, որ հիվանդն ընդմիշտ մոռանա այն դեղաչափը, որի ֆոնի վրա առաջացել է այդ նոպան և բժշկի խորհրդով անցնի ավելի բարձր դեղաչափի ընդունման, իսկ եթե այն կրկնվի, ապա հաջորդ նոպաները կանխելու համար բժիշկը խորհուրդ կտա առաջին իսկ նոպայից հետո անցնել օրական 2,0 մգ կոլխիցինի ընդունման: 

 

Պետք է ասել, որ հայկական քանակակազմում չափազանց հազվադեպ են հանդիպում օրական 2,0 մգ դեղաչափի ֆոնի վրա նոպաներ ունեցող հիվանդներ, այն դեպքում, երբ սեֆարդիկ հրեաների 1/3-ի մոտ նոպաները կարող են դիտվել նաև այդ առավելագույն դեղաչափի պայմաններում, սակայն նրանց շրջանում կոլխիցինի այդ դեղաչափերի կիրառման պայմաններում նկատվել են ամիլոիդոզի եզակի դեպքեր:

 

Համաշխարհային մասշտաբով օրական 2,5 մգ դեղաչափի երկարատև կիրառման փորձը շատ քիչ է, ուստի կոլխիցինի օրական 2 մգ դեղաչափին ‚չպատասխանողե հիվանդների շրջանում ավելի բարձր դեղաչափերի կիրառումը կարող է լինել բացառիկ դեպքերում` բժշկի դիտարկման ներքո, քանի որ օրական 2,5 և նույնիսկ 3,0 մգ դեղաչափի ֆոնի վրա որոշ դեպքերում կարող են նկատվել թունավորման երևույթներ: Սա ստիպում է նորից վերադառնալ օրական 2.0 մգ դեղաչափին:

 

Իհարկե, կոլխիցինաբուժության բոլոր հիմնահարցերը դեռևս լուծված չեն և նշված պարզունակ սխեման ոչ բոլոր դեպքերում է ճիշտ: Այս խնդրին կանդրադառնանք հաջորդ հոդվածում:

 

(շարունակելի)

Հեղինակ. Ալեքսանդր ԱՅՎԱԶՅԱՆ. բ.գ.դ., Երևանի Մխիթար Հերացու անվան ՊԲՀ թերապիայի N2 ամբիոնի վարիչ, պրոֆեսոր, ‚Մուրացանե համալսարանական հիվանդանոցի թերապիայի կլինիկայի ղեկավար
Սկզբնաղբյուր. Առողջապահություն 1, 3.2009
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Elen

27.05.2015

Բարև հարգելի բժիշկ ,նորից պետք է Ձեզ անհանգստացնեմ իմ հարցերով ,նկատեցի ,որ հարցս թերի էի գրել գենետիկ հետազոտության կենտրոնի պատասխանն այսպիսին է M694V,P369S գենի մուտացիա կոմպաուդ-հետերոզիգոտ ձևով,նշել էիք նոպաներ,բայց նոպաներ բոլորովին չի եղել,չի եղել նաև ջերմություն,կոլխիցի ընդունումից հետո կան արյան նորմայից շեղումներ,որն միչև այդ չի եղել,դեղերյաքն ընդունման ժամանակ ջրի շատ պահանջ է լինում օրական 6լիտր,դադարեցվել է դեղն ամեն ինչ նորմալ է.շատ շնորհակալ կլինեմ այս հարցիս պատասխանն էլ պարզաբանեք

Artur

25.05.2015

Բարև հարգելի բժիշկ հարցս վերաբերվում է պարբերական հիվանդությանը, քրոջս մանկահասակ երեխայի մոտ հայտնաբերվել է երեվանյան հիվանդութուն, արդյոք հնարավոր է կանխարգելիչ միջոցներ ձեռնարկել այն չեզոքացնելու համար` ես լսել եմ որ կա գենետիկ հիվանդությունների սառեցման մեթոդ, որի շնորհիվ կարելի է ներարկումների միջոցով կանգնեցնել դրա զարգացումը?

Մեդ-Պրակտիկ

24.05.2015

Հարգելի Էլեն, բարև Ձեզ: Ներկայումս միակ արդյունավետ միջոցը կոլխիցինի ընդունումն է, այն կանխարգելում է հիվանդության հիմնական բարդություն համարվող երիկամների ամիլոիդոզի առաջացումը: Նոպաների ժամանակ կարելի է նաև նշանակել ոչ ստերոիդային հակաբորբաքային միջոցներ, որոնք կնվազեցնեն ցավային զգացողությունը: Երբեմն կապված կոլխիցինի տոքսիկ ազդեցության հետ բուժման ընթացքը բարդանում է, բայց ցավոք այլ տաբերբակ չկա: Եթե անալիզներում կան շեղումներ, հնարավոր է դեղի դոզան որոշ ժամանակով նվազեցնելու կարիք լինի, սակայն դադարեցնել կոլխիցինի ընդունումը չի կարելի:

Մեդ-Պրակտիկ

24.05.2015

Հարգելի ISKUHI, բարև Ձեզ: Ավելի կարևոր են ոչ թե մուտացիաների քանակը, այլ կոնկրետ գենի մուտացիայի տեսակը, այսինքն հոմոզիգոտ, թե հետերոզիգոտ ձևով է: Հոմոզիգոտ մուտացիաների դեպքում հիվանդության արտահայատման հավանականությունը շատ մեծ է, իսկ հետերոզիգոտ մուտացիաների դեպքում հիվանդը լինում է ուղղակի գենի առողջ կրող, և հիվանդությունն արտահայտվում է հազվադեպ դեպքերում: Ինչ վերաբերում է պարբերական հիվանդության կլինիկական ախտանիշներին, տարբերում ենք չորս կլինկական ձև. աբդոմինալ կամ որովայնային, որն ամենահաճախն է հանդիպում, հատկապես հայերի մոտ, թորակալ կամ կրծքային, տենդային և հոդային ձև, որոշ դեպքերում հանդիպում են նաև կոմբինացված ձևեր: Աբդոմինալ ձևի ժամանակ նոպաներն արտահայտվում են հետևյալ կերպ, ցավեր որովայնի շրջանում, որոնք չեն անցնում սովորական ցավազրկողներից, սրտխառնոց, փսխում, ջերմաստիճանի բարձրացում, սովորաբար կլինիկական նշաններն անցնում են ինքնուրույն մի քանի օրից: Թորակալ ձևի ժամանակ, նկատվում են չոր պլևրիտին նմանվող երրևույթներ. սաստիկ ցավեր կրծքային շրջանում, որոնք ուժեղանում են շնչառական շարժումներից կախված, ջերմաստիճանի բարձրացում: Տենդային ձև այնքան հաճախ չի հանդիպում, այս ձևի ժամանակ նկատվում է ջերմաստիճանի բարձրացում առանց պատճառի, նոպան նման մալարիային տենդի նոպային: Իր ընթացքով ամենծանրն ընթանում է հոդային ձևը, արտահայտվում է մոնո կամ պոլիարթրիտի ձևով, որոշ դեպքերում կարող է զարգանալ օստեոպորոզ: Գոյություն ունի նաև պարբերական հիվանդության գաղտնընթաց ձև, որի դեպքում կլինկական ախտանիշները վառ արտահայտված չեն, և հիվանդության մասին հիվանդն իմանում է միայն երիկամային անբավարարության զարգացումից հետո:

kuki

23.05.2015

Hargeli bjishk erexayis mot mek mutacia e heterozivot dzevov V726A .erexas 2 tarekane mi qani angam unecel e barcr taqutyun minchev amenabarcr@ 39.6 vergini depqum phorikn er cavum .Mez asacin vor na chuni parberakan hivandutyun@ anhangstanal petq che.kuzeyi imanal ardyoq hnaravor e tarineri @nthacqum zargana ayn. es ev amusins aroxgh enq gitenq vor generum el chkan.ev mek harc el kariq ka axghkas el axtoroshel te voch gangatner chuni avelacnem vor tras ays 2 amisneri @ntacqum niharel e u mek shabat aragh dzaxakormyan thoqaborbov hivandanocum einq chuner voch haz ev voch hevocner ardyunqum parzvec vor uni cacr hemoglobin 81 erkat dificit bayc voch shat xist . lyardn u phaycarxh@ qich mecacac .xndrum em patasxanel shnorakal em

Մեդ-Պրակտիկ

21.05.2015

Հարգելի Meri, պարբերական հիվանդությունն արտահայտվում է հիմնականում մանկական տարիքից, որոշ դեպքերում, համապատասխան մուտացիաների առկայության դեպքում հնարավոր է , հիվանդությունն արտահայտվի միայն հասուն տարիքում: Որոշ մուտացիաների դեպքում պարբերական հիվանդությունն հասուն տարիքում արտահայտվում է միանգամից երիկամային անբավարարությամբ: Եթե կա ժառանգական նախատրամադրվածություն կամ համապատասխան  կլինիկա, ցանկալի է կատարել գենետիկական հետազոտություն: Քանի որ,  որքան շուտ ախոտորոշվի հիվանդությունը, այնքան շուտ բուժում կսկսվի և բարդություններ ավելի քիչ կլինեն:

Մեդ-Պրակտիկ

21.05.2015

Հարգելի Lusine, բարև Ձեզ: Տղամարդկանց մոտ կրեատինինի մակարդակը նորմայում պետք է լինի մինչև 115 մկմոլ/լ: Ձեր ամուսնու մոտ մի փոքր բարձր է նորմայից, սակայն դա չի նշանակում, որ կա պաթոլոգիա: Կրեատինին մակարդակի բարձրացումը կարող է լինել ֆիզիոլոգիական և պաթոլոգիական: Պաթոլոգիական բարձրացում ավելի հաճախ նկատվում է երիկամների ֆունկցիայի խանգարման դեպքում, սակայն այդ դեպքում նկատվում է կրեատինինի մակարդակի բարձրացում նորմայից մի քանի անգամ ավելի: Ձեր ամուսնու մոտ ամենայն հավանականությամբ ֆիզիոլոգիական բարձրացում է: Քանի որ պարբերական հիվանդության դեպքում մեծ է ռիսկը երիկամային անբավարարության առաջացման,  հարկավոր է անընդհատ հսկողության տակ պահել կրեատինինի մակարդակը: Ինչ վերաբերում է դեղորայքի ընդունումից հետո ցավերի կրկնմանը, հարկավոր է տեղյակ պահել բժշկին, հնարավոր է դեղորայքի դոզան բարձրացնելու կարիք լինի:

ISKUHI

19.05.2015

BAREV DZEZ HARGELI BJHISHK::: MI HAC EM UZUM PARZEL PARBERAKAN HIVANDUTYUN@ MI MUTACIAYI DEPQUM E VTANGAVOR TE ERKUSI DEPQUM ?EV XNDRUM EM NKARAGREQ HIVANDUTYAN AXTANISHNER@ BOLOR HNARAVOR TARBERAKNEROV TEKUZ CHNCHIN MANRUQNER@ DA INDZ HAMAR SHAT KAREVOR E ::SHNORHAKALUTYUN:::

Էլեն

19.05.2015

Նախ շատ շնորհակալություն ,որ հարցս անպատասխան չմնաց,ավելի քան պատասխանն բավարար էր,բայ խնդրում եմ մի հարցի էլ պատասխանեք դեղորյաքն ընդունել է մեկ ամիս ,տվել է արյան ընդհանուր անալիզ և անալիզում արդեն կան շեղումներ ,որ մինչ այդ երբեք չի եղել,չկա հիվանդության հսկելու մեկ այլ մեթոդ,մի թէ հնարավոր չէ հսկել երիկամների աշխատանքն կանխավ շնորհակալություն

Մեդ-Պրակտիկ

18.05.2015

Հարգելի Anna, բարև Ձեզ: Քանի որ պարբերական հիվանդության ժամանակ հիվանդներն ունենում են ընդհանուր թուլություն, վատ ինքնազգացողություն, նյարդային գրգռվածությունը, ագրեսիվությունն այդքան էլ բնորոշ չէ: Այդ հիվանդների մոտ ավելի ցրվածություն և հաճախ ունենում են տրամադրության անկում: Ցանկալի է դիմել նյարդաբանի խորհրդատվության:

Մեդ-Պրակտիկ

17.05.2015

Հարգելի Էլեն, բարև Ձեզ: Եթե գենետիկ հետազոտությամբ ախտորոշումը հաստատվել է, դեղորայքային բուժումը պարտադիր է, համապատասխան դեղորայք չստանալու դեպքում կարող է առաջանալ երիկամային անբավարարություն, որը պարբերական հիվանդության հիմնական բարդություններից է: Ինչ վերաբերում է կլինիկական ախտանիշներին, հնարավոր է Ձեր տղայի մոտ հիվանդության ատիպիկ ձևն է: Պարբերական հիվանդության այլ բուժում ցավոք չկա: Եթե դեղը վատ է տանում, կարող եք դիմել բժշկին այլ երկրի արտադրանք նշանակելու կամ դեղորայքի դոզան նվազեցնելու համար:

Meri

16.05.2015

Հարգելի բժիշկ,կասեք խնդրում եմ,պարբերական հիվանդությունը կարող է ի հայտ գալ 30 տարեկանից հետո;մինչ այդ ոչ մի գանգատներ չեն եղել

Մեդ-Պրակտիկ

15.05.2015

Հարգելի VARSENIK, բարև Ձեզ: Ձեր նշած գեների մուտացիաները պարբերական հիվանդության ավելի հաճախ հանդիպող մուտացիաներն են, հիվանդության արտահայտվելու հավանականությունը կախված է տվյալ մուտացիայի ձևից: Հոմոզիգոտ մուտացիաների դեպքում հիվանդության հանդիպման հավանականությունը շատ բարձր է, իսկ հետերոզիգոտ մուտացիայի դեպքում հիվանդությունը չի արտահայտվում, հիվանդը լինում է միայն գենի առողջ կրող:

lusine

15.05.2015

barev dzez amusins uni 2 mutacia xmum e frasiakan kolxicin 2 habov dadarel e jermutyun@ sur nopanner@ bayc uni hajaxaki caver voronq hishecnum en hivandutyun@ verjers hancnel enq bioqimiakan analiz vortex kreatinin 132 e bijishkn mez asum e vor minchev 140 anhangstanalu che xndrum em patasxaneq ardyoq 132-@ barcr cucanish che amusins 40 tarekan e

Anna

12.05.2015

BAREV DZEZ ARDEN 2 TARI E INDZ MOT HAYTNABEREL EN PARBERAKAN HIVANDUTYUN .ES @NDUNUM EM OREKAN 1 MG COLCHICIN.ES KCANKANAYI IMANAL ARDYOQ AYD HIVANDUTYAN JAMANAK NKATVUM E TRAMADRUTYAN ANKUMNER HACHAXAKI ?PORTKUMNER ,VAT MTQER ,ERBEN AGRESIVUTYUN,NYARDAIN ANHAVASARAKSHRUTYUN .....SHNORHAKALUTYUN

Մեդ-Պրակտիկ

11.05.2015

Հարգելի Lilit, բարև Ձեզ: Երկու հիվանդություններն իհարկե կարող են միասին հանդես գալ, սակայն Դուք նշում եք, որ երեխայի մոտ առկա է պարբերական հիվանդության համար պատասխանատու մեկ գենի մուտացիա հետերոզիգոտ ձևով, իսկ դա նշանակում է, որ երեխան գենի առողջ կրող է: Հազվադեպ դեպքերում նման մուտացիայով հիվանդությունը կարող է ի հայտ գալ, սակայն հավանականությունը շատ քիչ է: Նշված ախտանիշները կարող են ընդհանրապես էլ կապ չունենալ պարբերական հիվանդության հետ, հարկավոր է դիմել մանկաբույժի նախ պարբերական հիվանդությունը վերջնականապես ժխտելու համար և ժխտելուց հետո մանրամասն հետազոտվել որովայնային ցավերի և սրտխառնոցների պատճառն իմանալու համար:

Էլեն

11.05.2015

Բարև Ձեզ,հարգելի բժիշկ խնդրում եմ պատասխանեք,տղաս 24 տարեկան է,մեկ մեկ ունեցել է լյարդի շրջանում ցավեր,առանց ջերմության տևել է մեկ օր,սոնոգրաֆիայով նկատվել է լեղու թեթևակի խտացում,դիետաից և տաք պահելուց ցավերն անցել են,բայց խորհուդ տվեցին գենետիկական անալիզ հանձնել,պատասխանն այպիսին է ...հայտնաբերված են 2 մուտացիաներ M694V ,P369S այսինքն պարբերական հիվանդության ախտանիշն հաստատված է,նշանակել են կոլխիցին,1մգ, մի ամսի չափ օգտագործել է,բայց դեղն վատ է ազդում ,շատ ջուր է խմում,և ունի ծարավի զգացում,դադարեցրել է դեզն ամեն ինչ նորմալ է,չգիտեմ դեղն խմի ,թե ոչ,և չկա մեկ այլ բուժում,և բացի այդ ինչքան կարդում եմ հիվանդության մասին ,ոչ մի ախտանիշ չի համապատասխանում

Մեդ-Պրակտիկ

10.05.2015

Հարգելի ISKUHI, բարև Ձեզ: Լյամբլյոզի հեբատոբիլիար ձևի ժամանակ հնարավոր է դիտվի լյարդի մեծացում: Ինչ վերաբերում է ընդհանուր թուլությանը և քնկոտությանը, դա կարող է կապված լինել օրգանիզմի ինտոքսիկացիայի հետ: Իսկ գղտոցների պատճառը լեղու արտահոսքի խանգարումն է:  Սակայն, քանի դեռ լաբորատոր քննություններով ախտորոշումը հաստատված չէ, որևէ ենթադրություն անել պետք չէ: Ցանկալի է դիմել ինֆեկցիոնիստի և անցնել համապատասխան հետազոտությունները:

VARSENIK

10.05.2015

BAREV DZEZ.SHAT SHNORHAKAL KLINEYI VOR IM HARCERIN PATASXANEYIQ.ES UNEM ERKU DUSTRER EV ERKUSI MOT EL HAYTNABEREL EN ( M694V)-(V726A) MUTACYANER@ KUZEYI IMANAL INCHQANOV E VTANGAVOR AYS MUTACYANER@

Lilit

07.05.2015

barev dzez xndrum em patasxanel im harcin erexayis mot parberakan hivandutyan nshaner chen.im erexan uni m694V|N mutacian heterozigot cevov 2 mutacia uni hayr@ erexas unenum e vorovayni caver srtxarnoc gunatutyun bayc voch jermutyun sakayn uni mkanayin caver poqr hasakum uner hajaxaki jermutyun isk him chuni erexan uni astma vor@ jarangel e genov xndrum em aseq ardyoq 2 hivandutyunern karox e miasin @ndanal

ISKUHI

05.05.2015

BAREV DZEZ SHNORHAKALUTYUN HARCERIN PATASXANELU HAMAR:::MI HARC ISK INCHIC KARA LINI LYARDI MECACUM@ ::PARAZITIC ASENQ HENC LYAMBLYAIC HNARAVOR E LYARDI MECACUM LINI:: SHAT HACHAX UJHEX GXTUM E HATKAPES JERMELU JHAMANAK QUN@ TANUM E::GUYNN@ GCUM E:::NAXAPES SHNORHAKALUTYUN:

Մեդ-Պրակտիկ

05.05.2015

Հարգելի ISKUHI, բարև Ձեզ: Աջ թուլակողային շրջանում գտնվում է լյարդը, լյարդի մեծացման ժամանակ շատ բնորոշ է ծիծաղի կամ լացի ժամանակ առաջացող ցավը: Լյարդի մեծացման ժամանակ ձգվում է նրա պատիճը, որն էլ առաջացնում է ցավային զգացողություն, հարկավոր է բժշկին անպայման տեղյակ պահել ցավերի մասին: Դուք նշել էիք նախորդ հարցում, որ երեխան ունենում է սրտխառնոցներ, դրանք կարող են նաև կապված լինել լյարդի հետ: Ինչ վերաբերում է հելմինթներին, ապա որոշ դեպքերում օրինակ լյամբլիոզի ժամանակ արյան մեջ հայտնաբերվում են հակալյամբլյաին հակամարմիններ: Բացի լյամբլիոզից այդ եղանակով Հայաստանում ախտորոշվում են ևս մի քանի պարազիտներ: Հարկավոր է դիմել ինֆեկցիոնիստի` հետազոտությունները նշանակելու համար:

ISKUHI

02.05.2015

BAREV DZEZ:: ES SHAAAT ERAXTAPART EM DZEZ IM HARCERIN PATASXANELU HAMAR DRANQ SHAT KAREVOR EYIN INDZ HAMAR::ERB BALIKS CICAXUM KAM LACUM E NRA CAVACOX MAS@ GTNVUM E AJ KOXOSKRI NERQEVI HATVACUM KARELI E ASEL VERJIN KOXOSKRI TAK ES KUZEYI IMANAL VOR ORGANNERN EN GTNVUM AYD HATVACUM::MENQ KXANQI ANALIZ TVEL ENQ HERQEL EN KUZEYI IMANAL ARYAN MIJOCOV HNARAVOR E HAYTNABEREL AYNPISI CHICHU VOR KXANQI MEJ CHEN HAYTNABEREL::::NAXAPES SHNORHAKALUTYUN:

Մեդ-Պրակտիկ

01.05.2015

Հարգելի ISKUHI, բարև Ձեզ: Հելմինթը դա պարազիտ է, որն ապրում է հիմնականում մարդու ստամոքս-աղիքային տրակտում, խոսակցական լեզվով դրանք "ճիճուներն" են: Ինչ վերաբերում է ջերմության բարձրացմանը երեք օրը մեկ, կարող է կապված լինել նշիկների խրոնիկական բորբոքման հետ: Իսկ ցավի առաջացումը ծիծաղելուց կամ լացից այնքան էլ բնորոշ չէ պարբերական հիվանդությանը: Եթե երեխայի մոտ հայտնաբերվել է պարբերական հիվանդություն, հատկապես ծանր ընթացքով, անկախ ամեն ինչից հարկավոր է սկսել կոլխիցինի ընդունումը, բարդություններից խուսափելու համար: Կոլխիցինի ընդունումը սկսելուց որոշ ժամանակ անց արդեն կարելի է սկսել համապատասխան բուժում ուղեկցող հիվանդությունների դեմ: Ինչ վերաբերում է երկրից դուրս տանելուն, այո, կա կարծիք, որ դա փոքր ինչ մեղմացնում է հիվանդության ընթացքը:

ISKUHI

30.04.2015

BAREV DZEZ SHNORHAKAL EM IM HACER@ ANPATASXAN CHTOXNELU HAMAR ::::::::ES UZUM EM IMANAL HELMINTNER@ INCH AXTANISH E??:::ES NAEV UZUM EM INDZ ASEQ EREQ OR@ MEK JERMUTYUN@ NUYNPES AYD HIVANDUTYAN NSHAN E??:::HIVANDUTYAN JAMANAK JERMUTYUN@ INQNURUYN IJNUM E??:: KAM CICAXELUC KARA PRISTUP TA HENC CHCICAXI ANCNI?? INDZ HAYTNI E VOR PRISTUP@ SKSELUC VOCHINCH CHI XANGARUM:::: BACI AYD INDZ BJHISHKNER@ ASEL EN VOR EREQ OR@ MEK TAQUTYUN@ AYD HIVANDUTYAN@ BNOROSH CHE :::: EV MEK HARC EM UZUM TAL DZEZ:: BJHISHK@ KAROX E KOLXICINI BUJHUM NSHANAKEL AYN DEPQUM ETE NA TEXYAK CHE VOR EREXAN UNI AYL AROXCHAKAN XNDIRNER ::::BORBOQAYIN:::: ASENQ NSHIKI BORBOQUM:: KOKORDUM STAFILAKOK TESAKI INFEKCIYA::: DIZBAKTERIOZ:: AYD DEPQUM KOLXICIN@ TEKUZ AMENABARCR DOZAN KOGNI CAVER@ DADARECNELUN:: INCHQAN INDZ E HAYTNI KOLXICIN@ NSHANAKELUC ARAJ PETQ E HAMOZVAC LINEN VOR EREXAYI MOT AMEN INCH KARGIN E EV VOCH MI BORBOQAYIN AXBYUR CHKA ORGANIZMUM :::SA ASUM EM NRA HAMAR VOR IM BALIK@ AYDQAN XNDIRNER UNI EV ARANC DRANQ KANXELU NSHANAKVEL E KOLXICIN::: MI HARC EVS ETE EREXAS UNI AYD DIAGNOZ@ ERKRIC DURS HANELIS NRA MOT KNKATVEN POPOXUTYUN DEPI LAV@ ::::::NAXAPES SHNORAKALUTYUN EV KNEREQ AYSQAN ERKARECNELU HAMAR UXAKI ARDEN YOT TARI AYSQAN HARCER ANPATASXAN EN MNACEL MEZ HAMAR :::ANHAMBER KSPASEM DZER PATASXANNERIN INDZ HAMAR SHAT KAREVOR E DRANC: PATASXANNER@

Մեդ-Պրակտիկ

30.04.2015

Հարգելի Mariam, մեկ գենի մուտացիա հետերոզիգոտ ձևով նշանակում է, որ Ձեր երեխան հիվանդ չէ, որոշ ժամանակա անց ևս նոպաներ չեն դիտվի: Ձեր երեխան գենի առողջ կրող է, դա նշանակում է, որ իր սերունդները նույնպես կլինեն գենի կրող կամ կլինեն հիվանդ: Սրտխառնոցը և ցավերը որովայնի շրջանում այլ պատճառ ունեն, ցանկալի է մանկաբույժի կոնսուլտացիա:

Մեդ-Պրակտիկ

30.04.2015

Հարգելի ISKUHI, Ձեր նշած ախտանիշները հիմնականում պարբերական հիվանդության ախտանիշներ են, և եթե երեխան նորից ունենում է ցավեր և ջերմության բարձրացում, նշանակում է դեղի դոզան քիչ է, և հարկավոր է նորից բարձրացնել այն: Դուք նշում եք, որ երեխան հաճախակի ունենում է սրտխառնոց, քաշը նվազում է, և քնած ժամանակ նկատել եք, որ բերանից  "ջուր է գնում", դրանք շատ նման են հելմինթների կլինիկական ախտանիշներին: Ցանկալի է հանձնել կղանքի անալիզ:

Մեդ-Պրակտիկ

28.04.2015

Հարգելի LILIT, գենի հայտնաբերումը դեռ բավական չէ հիվանդության մասին կասկածելու, եթե կա որևէ մուտացիա խնրում եմ նշեք, նաև նշեք, թե մուտացիան հոմոզիգոտ, թե հետերոզիգոտ ձևով է: Ինչ վերաբերում է H.Pylori-ին, ապա դրա առկայությունը ստուգվում է գաստրիտների, ստամոքսի կամ տասներկումատնյա աղու խոցերի դեպքում: Եթե տեստը դրական է, միանշանակ հարկավոր է բուժում, որը պետք է ներառի նաև հակաբակտերիալ միջոցներ: Քանի որ երեխայի մոտ ախտորոշվել է մակերեսային գաստրիտ և դուոդենիտ, որոշել թե ախտանիշները կապ ունեն պարբերական հիվանդության հետ, թե ոչ դժվար է ասել, հատկապես, եթե չգիտեք կա գենի մուտացիա, թե ոչ:

ISKUHI

27.04.2015

IM BALIKI MOT HAYTNABEREL EN HOMOZIGOT DZEV@ MEK MUTACIAYOV :::: INQ@ KOLXICIN@ XMELA ARDEN CHORS TARI :::SKZBIC KES KOCHAK CAVER@ CHDADARECIN:::BJHISHK@ AVELACREC OR@ MEK KOCHAK CHANCAV:::: DARCRECIN MI OR MI KOCHAK MI OR KES KOCHAK U NORIC NUYN@:::: CAVERI JHAMANAK GAZER E UNENUM BERANIC JUR E GNUM ERB VOR QNAC E LINUM:::CAVUM E ERB CICAXUM E ERKU KAM EREQ OR@ MEK JERMUM E ARANC JERMIJECNOX DEXI IJNUM E"""OR E LINUM SHAT E UTUM OR E LINUM SRTXARNOCI PATCHAROV CHI UZUM UTEL :::GLUX@ MEK MEK CAVUM E ERB SRTXARNOC E UNENUM:::GXTUM EINQ@ SHAT NIHAR E LAV UTUM E BAYC CHI CHAXANUM :::BJHISHK JAN XNDRUM EM INDZ ASEQ SRANQ BOLOR@ PARBERAKAN HIVANDUTYAN NSHANNER EN????

mariam

27.04.2015

Hargeli bjishk im erexayi mot mrk mutacia heterozigot dzevov(v726a),na verjers unenum e hajaxaki srtxarnoc poriki caver,da henc nra hivandutyan naxanshanern en te voch?vorovhetev indz genetikayi kentronum asacin vor na chi karox hivandana,nopaner chen arajana.

Կարդացեք նաև

Ո՞ր նախանշաններն են խոսում ռևմատոլոգիական հիվանդությունների մասին
Ո՞ր նախանշաններն են խոսում ռևմատոլոգիական հիվանդությունների մասին

Եթե մարդն առավոտյան արթնանում է բռնված մկաններով, դժվարանում է  շարժվել մեկ ժամից ավելի, և այդ նշանները  պարբերաբար կրկնվում  են,  սա վկայում է առավոտյան մկանային կարկամածության մասին, որը ռևմատոլոգիական հիվանդությունների...

Բժշկի ընդունարանում
Արթրոզների և արթրիտների տարբերությունը. Զարուհի Սաֆարյան. izmirlianmedicalcenter.com
Արթրոզների և արթրիտների տարբերությունը. Զարուհի Սաֆարյան. izmirlianmedicalcenter.com

Արթրիտը հոդի բորբոքումն է, օստեոարթրոզը` հոդի մաշվածությունը: Արթրիտների ժամանակ կա այտուցվածություն, տեղային ջերմության բարձրացում, հիպերէմիա, շարժումների սահմանափակում, շոշափելիս ցավ...

Վնասվածքաբանություն և օրթոպեդիա
Ռևմատոիդ արթրիտ. Զարուհի Սաֆարյան. izmirlianmedicalcenter.com
Ռևմատոիդ արթրիտ. Զարուհի Սաֆարյան. izmirlianmedicalcenter.com

Ի՞նչ հիվանդություն է ռևմատոիդ արթրիտը:

Ռևմատոիդ  արթրիտը  աուտոիմուն  ռևմատիկ հիվանդություն է, որը դրսևորվում է սիմետրիկ էրոզիվ արթրիտով...

Պոդագրա. հաճախ տրվող հարցերին պատասխանում է ռևմատոլոգ Զարուհի Սաֆարյանը. izmirlianmedicalcenter.com
Պոդագրա. հաճախ տրվող հարցերին պատասխանում է ռևմատոլոգ Զարուհի Սաֆարյանը. izmirlianmedicalcenter.com

Պոդագրան համակարգային տոֆուսային հիվանդություն է, որն ուղեկցվում է հոդերում և հարհոդային հյուսվածքներում նատրիումի մոնոուրատի բյուրեղների կուտակումով` առաջացնելով տեղային բորբոքում...

Պարբերական հիվանդությունը մանկական տարիքում. Գայանե Ամարյան. arabkirjmc.am
Պարբերական հիվանդությունը մանկական տարիքում. Գայանե Ամարյան. arabkirjmc.am

Պարբերական հիվանդությանը  (միջերկրածովյան ընտանեկան տենդ) վերաբերող հաճախ տրվող հարցերին պատասխանեց Արաբկիր բժշկական համալիրի  Մանկական գաստրոէնտերոլոգիական ծառայության և Պարբերական հիվանդության...

Մանկական հիվանդություններ
Պսորիազ. հաճախ տրվող հարցեր. izmirlianmedicalcenter.com
Պսորիազ. հաճախ տրվող հարցեր. izmirlianmedicalcenter.com

Ի՞նչ է պսորիազը:

Պսորիազը մաշկային հիվանդություն է, որն արտահայտվում է մաշկային ծածկույթի ցանավորմամբ և թեփոտմամբ...

Մաշկաբանություն
Ռեւմատոլոգիական հիվանդություններ. armeniamedicalcenter.am
Ռեւմատոլոգիական հիվանդություններ. armeniamedicalcenter.am

«Արմենիա» ԲԿ բժիշկ-ռեւմատոլոգ Գոհար Հակոբյանը ռեւմատոլոգիական հիվանդությունների մասին իր մասնագիտական խորհուրդներն է ներկայացնում: Բժշկուհու խոսքին անհրաժեշտ է հետեւեն ո՛չ միայն հիվանդները, այլ նաեւ մարդիկ, ովքեր չեն բախվել խնդրին...

Բժշկի ընդունարանում
Հաճախ տրվող հարցեր ռևմատոլոգին. izmirlianmedicalcenter.com
Հաճախ տրվող հարցեր ռևմատոլոգին. izmirlianmedicalcenter.com

1.  Ի՞նչ հիվանդություններ է բուժում ռևմատոլոգը:

Դրանք բավականին մեծ խումբ կազմող հիվանդություններ են, որոնք ուղեկցվում են հենաշարժական ապարատի և շարակցական...

Ինչպես խուսափել ռեւմատոլոգիական խնդիրներից. հարցազրույց Արմենիա ԲԿ ռեւմատոլոգ Գոհար Հակոբյանի հետ. armeniamedicalcenter.am
Ինչպես խուսափել ռեւմատոլոգիական խնդիրներից. հարցազրույց Արմենիա ԲԿ ռեւմատոլոգ Գոհար Հակոբյանի հետ. armeniamedicalcenter.am

Ժամակակից կյանքում տարածված ռեւմատոլոգիական հիվանդությունները բազմապատճառային են: Ինչպե՞ս խուսափել հիվանդությունից եւ որո՞նք են խնդրի առաջացման պատճառները. այս հարցերին պատասխանում է «Արմենիա»...

Հոդերի հիվանդություններ. ռևմատոիդ արթրիտ. izmirlianmedicalcenter.com
Հոդերի հիվանդություններ. ռևմատոիդ արթրիտ. izmirlianmedicalcenter.com

Ռևմատոիդ արթրիտը շարակցական հյուսվածքի բորբոքային հիվանդություն է: Այն դրսևորվում է հոդերի պրոգրեսիվող քրոնիկական ախտահարումով: Աստիճանաբար քայքայվում  են հոդի բոլոր տարրերը, և զարգանում են կոնտրակտուրաներ...

Տեղեկատվություն աշակերտների՝ ովքեր տառապում են պարբերական հիվանդությամբ, և նրանց ուսուցիչների համար
Տեղեկատվություն  աշակերտների՝ ովքեր տառապում են պարբերական հիվանդությամբ, և   նրանց  ուսուցիչների  համար

Ի՞նչ է ընտանեկան միջերկրածովյան տենդ կամ պարբերական  հիվանդությունը: Ընտանեկան միջերկրածովյան տենդը, կամ պարբերական հիվանդությունը (ՊՀ)  ժառանգական հիվանդություն է, որը  տարածված է  միջերկրածովյան...

Մանկական հիվանդություններ Գենետիկա
Ընտանեկան միջերկրածովյան տենդի կամ պարբերական հիվանդության ժամանակ Կոլխիցինի երկարատև ընդունումը
Ընտանեկան միջերկրածովյան տենդի կամ պարբերական հիվանդության ժամանակ Կոլխիցինի երկարատև ընդունումը

Պարբերական հիվանդությունը (ՊՀ) աուտոբորբոքային բնույթի ժառանգական հիվանդություն է,  բնորոշվում է պարբերաբար առաջացող նոպաներով, որոնք ուղեկցվում են բարձր ջերմությումբ/տենդով...

Գենետիկա
Խորհուրդներ ընտանեկան միջերկրածովյան տենդով կամ պարբերական հիվանդությամբ տառապող հղի կանանց.
Խորհուրդներ ընտանեկան միջերկրածովյան տենդով կամ պարբերական հիվանդությամբ տառապող հղի կանանց.

Պարբերական հիվանդությունը (ՊՀ) ժառանգական հիվանդություն է, որը հազվադեպ է հանդիպում շատ պոպուլյացիաներում, սակայն տարածված է հայերի և Միջերկրածովյան  տարածաշրջանի...

Հղիություն, ծննդաբերություն ԿԻՆ: Հիվանդություններ Գենետիկա Պերինատոլոգիա, մանկաբարձություն և ուրո-գինեկոլոգիա
Ռևմատիզմ. բուսաբուժություն. blognews.am
Ռևմատիզմ. բուսաբուժություն. blognews.am

Ռևմատիզմի և դրա բարդությունների դեպքում դեղորայքային բուժման համակցումը ժողովրդական միջոցների հետ լավ արդյունք է տալիս, ինչպես արտաքին օգտագործման ձևով, այնպես էլ տեղային...

Ավանդական բուժման մեթոդներ և միջոցներ
Ռևմատիզմ. բուսաբուժություն. blog.1in.am
Ռևմատիզմ. բուսաբուժություն. blog.1in.am

Վրեժ Հովսեփյանը ֆեյսբուքյան իր էջում գրում է.

Ռևմատիզմի և դրա բարդությունների դեպքում դեղորայքային բուժման համակցումը ժողովրդական միջոցների հետ լավ արդյունք է տալիս, ինչպես արտաքին օգտագործման ձևով, այնպես էլ տեղային...

Ավանդական բուժման մեթոդներ և միջոցներ

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ