Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Համակարգային հիվանդություններ

Ինչ է պարբերական հիվանդությունը: Պարբերական հիվանդության բուժման մասին

Ինչ է պարբերական հիվանդությունը: Պարբերական հիվանդության բուժման մասին

Հիվանդության ժառանգման և վտանգների մասին: Պարբերական կամ, ինչպես ժողովուրդն է ասում` «երևանյան» կամ «հայկական հիվանդությունը» դասվում է ժառանգական հիվանդությունների շարքին։

 

Անգլերեն լեզվով լույս տեսնող գիտական գրականությունում ընդունված է «միջերկրածովյան ընտանեկան տենդ» (familial Mediterranean fever) անվանումը։ Այն պայմանավորված է ընդամենը մեկ գենով։ Նորմալ պայմաններում այդ MEFV գենը պատասխանատու է բորբոքային պրոցեսների կանխման համար, իսկ չգործելու դեպքում այդ հատկությունը վերանում է կամ խիստ թուլանում, ինչի հետևանքով բորբոքումները չեն արգելակվում։ Յուրաքանչյուր գեն մարդու օրգանիզմում ներկայացված է 2 օրինակով (այդ թվում` նաև MEFV-ը), որից մեկը նա ժառանգում է հորից, իսկ մյուսը` մորից։ Եթե այդ երկու օրինակներից մեկը նորմալ լինի, անձը պարբերական հիվանդություն չի ունենա։ Միայն երբ նշված MEFV գենի և հայրական, և մայրական օրինակները փոփոխված են` մուտացիայի ենթարկված, ապա պարբերական հիվանդություն է զարգանում։ Փոփոխված գենը սերնդեսերունդ կարող է փոխանցվել և միշտ հանդիպել «առողջ» գենի հետ, սակայն հիվանդի բարեկամներից ոչ մեկը չտառապի պարբերական հիվանդությամբ։

 

Հիվանդի քույրերի և եղբայրների մոտ պարբերական հիվանդության առկայության հավանականությունը կազմում է 1։4։ Եթե պարբերական հիվանդություն ունեցողը ամուսնանա երկու MEFV նորմալ գեն ունեցող անձի հետ, ապա նրանց երեխաները պարբերական հիվանդություն չեն ունենա, սակայն կկրեն հիվանդ ծնողի կողմից ժառանգած և փոփոխված` մուտացիայի ենթարկված մեկական MEFV գեն։ Իսկ եթե պարբերական հիվանդություն ունեցողը ամուսնանա առողջ անձի հետ, որն ունի MEFV-ի մեկ փոփոխված գեն, ապա երեխաների մոտ պարբերական հիվանդության ռիսկը կկազմի 1։2։ Եթե ամուսնանան պարբերական հիվանդություն ունեցող երկու անձինք, ապա բոլոր երեխաները նույնպես կունենան պարբերական հիվանդություն։ 
 
Ընդհանրապես ժառանգական հիվանդությունները հազվադեպ են հանդիպում, սակայն հայերի շրջանում պարբերական հիվանդության հաճախականությունը կազմում է մոտավորապես 1-2 տոկոս։ Հիվանդության գրեթե 15% դեպքերում այն սկսվում է ամենածանր բարդությամբ` ամիլոիդոզով։ Մնացած դեպքերում հիվանդության նոպաները կամ հոդային երևույթները տարիներ և տասնամյակներ շարունակ կրկնվում են, իսկ ամիլոիդոզը զարգանում է միայն դրանցից հետո։


Ամիլոիդոզը տարբեր հյուսվածքներում դժվար լուծվող, այսպես կոչված` ամիլոիդ* նյութի կուտակման հետ կապված հիվանդություն է։ Պարբերական հիվանդության ժամանակ ամիլոիդոզը առաջին հերթին ախտահարում է երիկամները։ Սակայն հնարավոր է նաև աղիքների, սրտի, վահանագեղձի ու այլ գեղձերի, և ընդհանրապես ցանկացած այլ օրգանի ախտահարում, ընդ որում, նշված օրգանների ախտահարումը կարող է նախորդել երիկամայինին։


Բացի ամիլոիդոզից, պարբերական հիվանդություն ունեցողները ենթակա են ավելի վաղ սկսվող և արտահայտված աթերոսկլերոզով հիվանդանալուն, քան բնակչությունն ընդհանրապես։ Երիտասարդ տարիքում կոլխիցինով կանխարգելիչ բուժում չստացած անձինք մտնում են սրտի իշեմիկ հիվանդության, այդ թվում` սրտամկանի ինֆարկտի, ինչպես նաև ինսուլտների բարձր ռիսկի խմբի մեջ։ Նշենք, որ պարբերական հիվանդությունը նպաստում է որովայնի խոռոչում կպումների գոյացմանը, որոնց պատճառով հիվանդի օրգանիզմը հակված է լինում, այսպես կոչված` կպումնային հիվանդության, որն արտահայտվում է ժամանակ առ ժամանակ կրկնվող աղիքային անանցանելիությամբ։ Այդ, ինչպես նաև այլ պատճառներով առաջացած կպումների դեպքում կանանց 20%-ը տառապում է լրիվ, իսկ մյուս 20%-ը` մասնակի անպտղությամբ։ Նույնիսկ երբ զույգը ազատ սեռական կյանք է վարում (առանց պաշտպանվելու), կինը կարող է հղիանալ միայն մի քանի տարին մեկ անգամ։


Պարբերական հիվանդության դեպքում բարձր է նաև բորբոքային հիվանդությունների հաճախականությունը։ Ռևմատոլոգիական հիվանդությունները (ռևմատոիդ արթրիտը, համակարգային կարմիր գայլախտը, հանգուցային պանարտերիտը և այլն) պարբերական հիվանդությամբ տառապողների շրջանում հանդիպում են մի քանի անգամից մինչև մի քանի հարյուր անգամ ավելի հաճախ, քան ընդհանուր բնակչության մոտ։ Ստամոքսաաղիքային տրակտի բոլոր հիվանդությունները նույնպես պարբերական հիվանդությամբ տառապողների մոտ հանդիպում են շատ ավելի հաճախ և շատ ավելի ծանր տարբերակներով։ Դա վերաբերում է ինչպես գաստրիտներին, կոլիտներին, այնպես էլ խոցային հիվանդությանը և նույնիսկ համեմատաբար հազվադեպ հանդիպող, այսպես կոչված` աղիքների բորբոքային հիվանդություններին (ոչ սպեցիֆիկ խոցային կոլիտ, Կրոնի հիվանդություն)։


Անհրաժեշտ է նշել, որ այս բոլոր բարդություններից կարելի է խուսափել, եթե ժամանակին սկսվի կոլխիցինով պարբերական հիվանդության կանխարգելիչ բուժումը։ Արդեն սկսված բոլոր բարդությունները, հատկապես երիկամների ամիլոիդոզը, շատ ավելի դժվար է, իսկ երբեմն նույնիսկ անհնարին է բուժել` եթե սկսվում է ուշացումով։ Եվ քանի որ, ինչպես արդեն ասացի, այդ բարդությունները շատ դեպքերում կարող են լինել պարբերական հիվանդության առաջին կլինիկական արտահայտությունը, ուրեմն նպատակահարմար է, որ յուրաքանչյուր հայ որքան հնարավոր է վաղ տարիքում ենթարկվի գենետիկական քննության, որով հնարավոր կլինի բացահայտել պարբերական հիվանդության դեռևս չարտահայտված դեպքերը։ Ցավոք սրտի, այսօր հայտնի հնարավոր 100 մուտացիաներից Հայաստանում (բժշկական գենետիկայի կենտրոն) որոշվում է միայն 12-ը` առավել հաճախ հանդիպողները։ Մնացած դեպքերում տարին 2 անգամ կանոնավոր բժշկական զննումները և հետազոտությունները թույլ կտան ավելի վաղ շրջաններում հայտնաբերել պարբերական հիվանդության բարդությունները։ Նշենք, որ դա հատկապես վերաբերում է երիկամների ամիլոիդոզին, որի ժամանակ հիվանդը ոչ մի ցավ չի զգում. ուստի, եթե պարբերաբար մեզի քննություն չկատարվի, ապա ամիլոիդոզը կարող է կլինիկորեն ախտորոշվել միայն ուշ շրջանում, երբ արմատական բուժումը քիչ արդյունավետ կլինի։

 

Ինչպես արդեն ասել ենք, պարբերական հիվանդությանը (ՊՀ) բնորոշ են բազմաթիվ, երբեմն նաև ծանր բարդություններ, որոնցից կարելի է խուսափել, եթե ժամանակին սկսվի հիվանդության բուժումը` կոլխիցինի ամենօրյա կանոնավոր կանխարգելիչ կիրառմամբ: Որքան ուշ է սկսվում այն, այնքան հիվանդության բացասական ազդեցությունն օրգանիզմի վրա լինում է ավելի արտահայտված, իսկ շատ դեպքերում` նույնիսկ անդառնալի:

 

Համաշխարհային փորձը ցույց է տալիս, որ մանկական տարիքից սկսած բուժման շնորհիվ կարելի է հիվանդության հնարավոր բարդությունները կանխել այնպես, որ անձը համարյա չտարբերվի առողջներից` բացառությամբ կոլխիցինի ամենօրյա ընդունման անհրաժեշտությունից:

 

Կոլխիցինը (Արտադրվում է թաղանթով պատված հաբերի ձևով) պարբերական հիվանդության ժամանակ սկսել են կիրառել անցած դարի 60-ականների վերջից: Հրեա գիտնական Ս. Գոլդինգերն առաջինն էր, որ 1972 թ. նկարագրեց կոլխիցինի դրական ազդեցությունը պարբերական հիվանդության նոպաների վրա: Կոլխիցինաբուժության սկզբնական շրջանում դա հաստատեցին նաև մի շարք այլ հեղինակներ: Նրանք նշում էին, որ կոլխիցինի ընդունումը դադարեցնելուց հետո ՊՀ-ի նոպաները վերսկսվում են: Այդ դեղամիջոցի առաջին մասշտաբային կիրառման արդյունքները հրապարակեցին Դ. Զեմերը և համահեղինակները` 1976 թ.: 

 

Իսկական հրաշք էր բժշկագիտության մեջ, երբ պարզվեց, որ կոլխիցինը կանխում է ոչ միայն պարբերական հիվանդության նոպաները, այլև նրա ամենածանր բարդությունը՝ ամիլոիդոզը (Ամիլոիդոզը սպիտակուցային փոխանակության խանգարման հետևանքով օրգանների հյուսվածքների, արյունատար անոթների վրա գլոբուլինային սպիտակուցների` ամիլոիդի արտաբջջային կուտակումներից առաջացող սկլերոզի, հյուծման և օրգանների կենսագործունեությունը խաթարող ծանր, անվերադարձելի բարդություն է): Կոլխիցինի կանոնավոր օգտագործման փորձի կուտակման հետ մեկտեղ, նախ` մեկը մյուսի հետևից սկսեցին ի հայտ գալ հաղորդումներ, որոնցում հեղինակները ցույց էին տալիս դեղամիջոցի բարերար ազդեցությունն ամիլոիդոզի ընթացքի վրա, իսկ այնուհետև այդ բարդության կանխման հնարավորությունը:

 

Սկզբից հետազոտողները նշում էին, որ կոլխիցինի կանոնավոր օգտագործումը իսպառ բացառում է ամիլոիդոզի առաջացումը, սակայն հետագայում, ավելի երկարատև դիտարկումների արդյունքում, նրանք եկան այն եզրակացության, որ մոտավորապես մեկ տոկոսի մոտ այն ի վերջո զարգանում է: Պետք է նշել սակայն, որ այդ հետազոտված հիվանդները հիմնականում սեֆարդիկ (Սեֆարդները հրեաների մի մասն է, որոնք խոսում են իսպաներենին նմանվող լեզվով` սեֆարդերենով: Սերված են Պիրենեյան թերակղզում բնակվող նախնիներից և ներկայումս ապրում են Հյուսիսային Աֆրիկայի երկրներում, Փոքր Ասիայում, Բալկանյան թերակղզում, Իսրայելում) հրեաներն էին, որոնց շրջանում հիվանդության՝ ամիլոիդոզով բարդանալու հավանականությունն ավելի մեծ էր, քան՝ հայերի:

 

Ներկայումս ամբողջ աշխարհում 35 տարուց ավելի կոլխիցինաբուժություն ստացել են տասնյակհազարավոր մարդիկ, և այդ քանակակազմը չի տարբերվում ընդհանուր բնակչության քանակակազմից՝ մահվան միջին տարիքի կամ որևէ հիվանդության հավանականության առումով: Այնպես որ, մանկական տարիքից կոլխիցին ստացող հիվանդները կարող են համարվել առողջ մարդիկ, որոնք կյանքի ընթացքում պարզապես ստիպված են ամեն օր ընդունել այդ համեմատաբար անվնաս դեղը: 

 

Ներկայումս մենք որևէ հիմք չունենք շեղվելու բուժման այն սկզբունքներից, որոնցով ամբողջ աշխարհի բժիշկներն առաջնորդվել են անցած տարիների  ընթացքում:

 

Բուժումը սկսում են ամիլոիդոզը կանխող նվազագույն դեղաչափից՝ օրական 1.0 մգ կոլխիցին պարունակող հաբերի ընդունումից: Պետք է ասել, որ կա հիվանդների մի փոքր խումբ, որոնց նոպաները դադարում են նույնիսկ օրական 0.5 մգ կոլխիցին ընդունելիս, սակայն այդ դեղաչափի երկարատև օգտագործման համաշխարհային փորձը բացակայում է: Այդ դեղաչափը երկարատև օգտագործող մեր ոչ այնքան մեծ թվով հիվանդների շրջանում եղել են ամիլոիդոզով բարդացման եզակի դեպքեր, այդ իսկ պատճառով օրական կոլխիցինի 0.5 մգ դեղաչափը չի կարելի խորհուրդ տալ մշտական օգտագործման համար, ինչպես նաև միայն նոպաների նախանշանները ճնշելու նպատակով: Նախ դա քչերին է հաջողվում և այն էլ ոչ երկարատև, բացի այդ, որն ավելի կարևոր է, նման ‚բուժմամբե ամիլոիդոզի զարգացումը չի կանխվում:

 

Բուժման առաջին օրերի ընթացքում հնարավոր է լուծ առաջանա, որի արտահայտված լինելու դեպքում կարելի է մի քանի օր դեղաչափն իջեցնել 0,5 մգ-ի, այնուհետև վերադառնալ օրական 1,0 մգ-ին: Բուժման առաջին օրերի, ամիսների, երբեմն նույնիսկ տարիների ընթացքում հնարավոր են պարբերական հիվանդության աուտոիմունային բնույթի բարդությունների առաջացում (մենինգեալ` ուղեղաթաղանթի ախտահարմանը բնորոշ երևույթներ, ավշային հանգույցների մեծացում, հոդաբորբեր, անոթաբորբեր և այլն): Այնպես որ` գլխացավեր, հոդացավեր, ցան, տեսողության վատացում կամ այլ ոչ սովորական գանգատներ առաջանալու դեպքում հիվանդը որքան հնարավոր է շուտ պետք է դիմի բժշկի:

 

Եթե օրական 1,0 մգ դեղաչափի ֆոնի վրա առաջանում է պարբերական հիվանդության հերթական նոպան, այսինքն` այդ դեղաչափով նոպաները չեն կանխվում, ապա բժիշկը կարող է դեղաչափն ավելացնել` հասցնելով մինչև 1,5 մգ-ի, չսպասելով երկրորդ, երրորդ և հաջորդող նոպաներին: Մեկ նոպան արդեն բավական է, որ հիվանդն ընդմիշտ մոռանա այն դեղաչափը, որի ֆոնի վրա առաջացել է այդ նոպան և բժշկի խորհրդով անցնի ավելի բարձր դեղաչափի ընդունման, իսկ եթե այն կրկնվի, ապա հաջորդ նոպաները կանխելու համար բժիշկը խորհուրդ կտա առաջին իսկ նոպայից հետո անցնել օրական 2,0 մգ կոլխիցինի ընդունման: 

 

Պետք է ասել, որ հայկական քանակակազմում չափազանց հազվադեպ են հանդիպում օրական 2,0 մգ դեղաչափի ֆոնի վրա նոպաներ ունեցող հիվանդներ, այն դեպքում, երբ սեֆարդիկ հրեաների 1/3-ի մոտ նոպաները կարող են դիտվել նաև այդ առավելագույն դեղաչափի պայմաններում, սակայն նրանց շրջանում կոլխիցինի այդ դեղաչափերի կիրառման պայմաններում նկատվել են ամիլոիդոզի եզակի դեպքեր:

 

Համաշխարհային մասշտաբով օրական 2,5 մգ դեղաչափի երկարատև կիրառման փորձը շատ քիչ է, ուստի կոլխիցինի օրական 2 մգ դեղաչափին ‚չպատասխանողե հիվանդների շրջանում ավելի բարձր դեղաչափերի կիրառումը կարող է լինել բացառիկ դեպքերում` բժշկի դիտարկման ներքո, քանի որ օրական 2,5 և նույնիսկ 3,0 մգ դեղաչափի ֆոնի վրա որոշ դեպքերում կարող են նկատվել թունավորման երևույթներ: Սա ստիպում է նորից վերադառնալ օրական 2.0 մգ դեղաչափին:

 

Իհարկե, կոլխիցինաբուժության բոլոր հիմնահարցերը դեռևս լուծված չեն և նշված պարզունակ սխեման ոչ բոլոր դեպքերում է ճիշտ: Այս խնդրին կանդրադառնանք հաջորդ հոդվածում:

 

(շարունակելի)

Հեղինակ. Ալեքսանդր ԱՅՎԱԶՅԱՆ. բ.գ.դ., Երևանի Մխիթար Հերացու անվան ՊԲՀ թերապիայի N2 ամբիոնի վարիչ, պրոֆեսոր, ‚Մուրացանե համալսարանական հիվանդանոցի թերապիայի կլինիկայի ղեկավար
Սկզբնաղբյուր. Առողջապահություն 1, 3.2009
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Մեդ-Պրակտիկ

07.03.2016

Հարգելի Tatevik, բարև  Ձեզ:  Ըստ գենետիկական հետազոտության Ձեզ մոտ ոչ թե հայտնաբերվել է  "Պարբերական հիվանդություն" այլ գենի մուտացիա հետերոզիգոտ ձևով, որն ամենևին չի նշանակում, որ Դուք հիվանդ եք: Դա նշանակում է, որ Դուք գենի կրող եք, և հետագայում հիվանդության զարգանալու հավանականությունը շատ փոքր է: Կա ժառանգական նախատրամադրվածություն, որ Ձեր երեխաները կլինեն հիվանդ կամ կլինեն գենի կրող:

Մեդ-Պրակտիկ

07.03.2016

Հարգելի ANUSH, բարև Ձեզ: Կոլխիցինն ունի մի շարք կողմնակի էֆեկտներ, որոնք մանրամասն նկարագրված են ներդիրի մեջ: Կողմնակի էֆեկտներ կարող են դիտվել մարսողական համակարգում, երիկամներում, արյան կազմի մեջ, տղամարդկանց մոտ սեռական համակարգում, կարող է դիտվել մազաթափություն, ալերգիկ ռեկացիաներ: Ինչ վերաբերում է երկրորդ հարցին, խնդրում եմ նշեք դա ինչ հետազոտության արդյունքներ են, և ստացված պատասխանն ամբողջությամբ:

Մեդ-Պրակտիկ

07.03.2016

Հարգելի Գոգա, բարև Ձեզ: Պարբերական հիվանդությունը հակացուցում չէ հակաբիոտիկների ընդունման համար: Ուրեոպլազմոզի դեպքում նշանակվում են մակրոլիդների խմբի հակաբիոտիկներ, որոնք զուգակցվում են տեղային բուժման հետ:

Մեդ-Պրակտիկ

07.03.2016

Հարգելի Araik, բարև Ձեզ: Պարբերական հիվանդության հիմնական բարդությունը կանանց մոտ կպումային պրոցեսն է փոքր կոնքի և արգանդի խոռոչում, որն էլ իր հերթին կարող է անպտղության պատճառ դառնալ: Ձեր դեպքում ցանկալի է ախտորոշիչ հիստերո և լապորոսկոպիա կատարել: Բացի այդ. եթե Ձեր կինը ստանում է կոլխիցին, հղիանալու համար, հարկավոր է որոշ ժամանակով դադարեցնել դրա ընդունումը:

Մեդ-Պրակտիկ

07.03.2016

Հարգելի ARMINE, բարև Ձեզ: Ամենայն հավանականությամբ մենք գործ ունենք պարբերական հիվանդության ատիպիկ ձևի հետ, որի դեպքում նոպաների փոխարեն դիտվում է միայն հոդաբորբ: Պարբերական հիվանդությունը հաստատվում է գենետիկ հետազոտության տվայլների հիման վրա, սխալներ հիմնականում չեն լինում: Եթե կասկածում եք հետազոտության տվյալների վրա կարող եք կրկնել հետազոտությունը:

Մեդ-Պրակտիկ

07.03.2016

Հարգելի Armine, բարև Ձեզ: Պարբերական հիվանդությունը հիմնականում խանգարող հանգամանք չէ հղիանալու համար, եթե բարդություններ կամ այլ խնդիրիներ չկան: Եթե ընդունում եք կոլխիցին, հարկավոր է որոշ ժամանակ դադարեցնել ընդունումը, իհարկե միայն բուժող բժշկի իմացությամբ և նրա հսկողության տակ: Հղիության ընթացքում ևս հարկավոր է ստանալ կոլխիցին:

Մեդ-Պրակտիկ

07.03.2016

Հարգելի Artak, բարև Ձեզ: Միգուցե հաստատվել է գենետիկ մուտացիան, որն ամենևին էլ չի նշանակում, որ Դուք հիվանդ եք: Որոշ մուտացիաների դեպքում մարդն ուղղակի լինում է առողջ կրող: Պարբերական հիվանդությունը չի կարող առանց կլինիկական ախտանիշների ընթանալ, ի վերջո այն կարող է արտահայտվել երկամային անբավարարությամբ:

Մեդ-Պրակտիկ

07.03.2016

Հարգելի Qristine, բարև Ձեզ: Ընդհանրապես հղիներին հակացուցված է կոլխիցինի  օգտագործումը, սակայն բժիշկները հիմնականում նշանակում են հղիության ընթացքում, քանի որ պարբերական հիվանդության նոպաներն ավելի վտանգավոր են հղիության ընթացքի և պտղի զարգացման համար, քան կոլխիցինի կողմնակի էֆեկտները:

Մեդ-Պրակտիկ

16.02.2016

Հարգելի Lili,  բարև Ձեզ: Պարբերական հիվանդության կասկածի դեպքում վերջնական ախտորոշում դրվում է միայն գենետիկ հետազոտություն տվյալների հիման վրա: Բժիշկը լսելով հիվանդի գանգատները, անամնեզը, կարող է միայն ենթադրել հիվանդության մասին, սակայն վերջնական համոզվելու համար, ինչպես նշեցի,  հարկավոր է գենետիկ հետազոտություն: Քանի որ պարբերական հիվանդության պատճառը հենց գենետիկ մուտացիան է, չի կարող լինել կլինիկական դրսևորում առանց գենետիիկ

շեղման:

Tatevik

13.02.2016

Barev dzez hargeli bjishk. Es dzez mi harc unem , indz mot haytnabervel e mek mutacia heterozigot dzevov (V726A), B/B izodzev@ . Xndrum em bacatreq inch e da nshanakum. Es unem parberakan hivandutyun? Naxapes shnorhakalutyun.

ANUSH

08.02.2016

Barev cez hargeli bjishk es mi harc unem kolxicin xmelu depqum hnaravor e axtaharven urish organner . Ev inj e nshanakum AB IZO cyvn. Naxapes shnorhakalutyun.

Գոգա

08.02.2016

Հարգելի բժիշկ եթե հիվանդը ունի պարբերական հիվանդություն և մոտ հայտնաբերվել է սեռավարակ. (ureaplasma) կարելի է որ նա խմի անտիբիոտիկներ և որ խմբի…?

Araik

06.02.2016

Barev zes bjishk jan xndrumem patasxanek im kinn parberakan hivande erexa chunenk amusnacacenk 10 tarie karoxanume hxianal

ARMINE

05.02.2016

BAREV DZEZ BJISHK JAN EREXAS 5TAREKANE UNI SHAT SUR HODACAV U HAYTNABERELEN PARBERAKAN HIVANDUTYUN.CHUNI URISH VOCHMI GANGAT.HNARAVORE VOR XAL DIAGNOZ LINI???

Armine

01.02.2016

barev zes uzumem imanal erevanyan hivandutun unem karoxem hxianal

Artak

31.01.2016

Xndrum em indz aseq hnaravor e vor genetikakan analiz@ sxal lini . PArberakan hivandutyun@ hastatvel e, bayc arden 1,5 tarie caver chunem.naxapes shnorhakalutyun

Qristine

25.01.2016

Hargeli bjishk indz mot ka hivandutyun@ u es uzum em imanal kolxicin@ kazdi hxiutyan vra,kam prxi zargacmam vra....

Մեդ-Պրակտիկ

24.01.2016

Հարգելի Hovo, բարև Ձեզ: Պարբերական հիվանդության ժամանակ տենդ, ջերմության բարձրացում նկատվում է 96-100%  հիվանդների մոտ: Իզոլացված միայն դենդային տեսակը հանդիպում է խիստ հազվադեպ, որն էլ խանգարում է ճիշտ ախտորոշմանը: Պետք է նշեմ, որ այդ դեպքում ջերմիջեցնող միջոցներն անարդյունավետ են լինում, դրանով կարելի է կողմնորոշվել:

lili

21.01.2016

Barev bjishk. Mi harc. Hnaravore genetikakan analizic parzvi vor ance uni ayt hivandutyune kam hakarake. u hnaravore bjishke @ndamene lselov hivandi gangatnere hamazvac lini vor ance uni parberakan hivandutyun. u hnaravore mardu geni mech chlini ayt hivandutyune bayc ance kri. Naxoroq shnorhakalutyun.

Մեդ-Պրակտիկ

19.01.2016

Հարգելի Marine, բարև Ձեզ: Կոլխիցինի  կողմնակի էֆեկտներից մեկը մալաբսորբցիայի համապտանիշի զարգացումն է, երբ խանգարվում է սպիտակուցների, ճարպերի, ածխաջրերի ներծծումը, որը հետագայում կբերի նաև երեխայի աճի դանդաղման: Եթե դեղի դոզան նշանակված է ճիշտ, նշված կողմնակի էֆեկտները հաճախ չեն հանդիպում: Եթե կնկատեք երեխայի աճի դանդաղում կամ այլ նշաններ, հարկավոր է դիմել բժշկի:

Hovo

16.01.2016

Barev dzez hargeli bjishk, parberakan hivandutyan jamanak hnaravor e nopaner@ artahaytven miayn jermutyunov 37.5 michev 38 aranc vorovayni cavi. Shnorhakalutyun

Marine

14.01.2016

barev dzez : im erexan 3.5 tarekan e u arden 1 tari e xmum e kolxicin u caver chuni: ayc hivandutyun2 karox e azdel hasaki kam qshi vra??

Մեդ-Պրակտիկ

13.01.2016

Հարգելի Milena, բարև Ձեզ: Ձեր գանգատները որոշ չափով  նման են պարբերական հիվանդության գանգատներին: Հիվանդության ատիպիկ ձևերի դեպքում նոպաներ հնարավոր է ընդհանրապես էլ չլինեն: Եթե մայրական կողմի հարազատների մոտ կա հիվանդությունը, խորհուրդ կտայի Դուք ևս անցնեք գենետիկ հիվանդություն, վերջնական համոզվելու համար: Հնարավոր է նշված գանգատները կապված են հիվանդության հետ, հնարավոր է նաև, որ ընդհանրապես կապված չլինեն միմյանց հետ, այդ պատճառով ինչպես նշեցի հարկավոր է ժխտել պարբերական հիվանդությունը:

Մեդ-Պրակտիկ

13.01.2016

Հարգելի ANNA, բարև Ձեզ: Պարբերական հիվանդության դեպքում հաճախ բնակավայրի փոփոխությունն ունենում է դրական ազդեցություն, նոպաները կարող են դառնալ հազվադեպ, նույնիսկ որոշ դեպքերում ընդհանրապես չլինել: Սակայն միանշանակ համոզված ասել, թե բնակավայրի փոփոխության դեպքում նոպաները կվերանան, չի կարելի: Ամեն դեպքում փորձել կարող եք, ընտրեք միջերկրական ծովից հնարավորին չափ հեռու երկիր:

Մեդ-Պրակտիկ

11.01.2016

Հարգելի Hovo, բարև Ձեզ: Ցանկացած հիվանդության վերջնական ախտորոշումը դրվում է կլինիկական ախտանիշների և անալզիների արդյունքների հիման վրա: Գենետիկ հետազոտությունը կատարվում է հատուկ մասնագիտացված կենտրոններում, այսինքն սխալմունքի հավանականությունը շատ քիչ է: 

Մեդ-Պրակտիկ

11.01.2016

Հարգելի Elen, բարև Ձեզ: Ցանկացած հիվանդության ախտորոշումը հաստատվում է կլինիկական ախտանիշների և անալզիների արդյունքների հիման վրա: Գենետիկ հետազոտությունը կատարվում է հատուկ մասնագիտացված կենտրոններում, այսինքն սխալմունքի հավանականությունը շատ քիչ է: 

ANNA

09.01.2016

BAREV CEZ HARGELI BJISHK ES CEZ MI HARC UNEM EREXAS UNI PARBERAKAN HIVANDUTYUN ETE POXEM BNAKAVAYRN TANEM URISH ERKIR HNARAVOR E EL NOPANER CHUNENA NAXAPES SHNORHAKALUTYUN

Milena

09.01.2016

Shnorhakalutyun hargeli bjishk ,bayc es vorovaynayin caver shat qich em unenum, poxaren@ unem var artahaytvac porkaputyun , cnkan hodacav vorn aranc dex xmelu inqn iren ancnum e 4 or heto, aynuhetev noric sksvum e . Nshem vor revmatik vochinch chka indz mot stugvel em. Unecel em 2 virahatutyun 2-ic heto el shat shut kpumner em unecel ( isk es gitem vor kpumner@ bnorosh en erevanyan hivandutyan@). Mayrikis generi mej ka ays hivandutyun@. Asace@ xndrem im ays gangatner@ nman en, kam voreve kap unen parbereakan hivandutyan het. Dzer xorhurd@ inch anem. Shnorhakalutyun.

Մեդ-Պրակտիկ

08.01.2016

Հարգելի Milena, բարև Ձեզ: Հիվանդության որվայնային ձևի դեպքում նոպաների ժամանակ աղիների պերիստալտիկան թուլանում է, որն արտահայտվում է փորկապությամբ, որը փոխակերպվում է փորլուծության: Ինչ վերաբերում է հոդացավերին. իհարկե հոդացավերը բնորոշ են պարբերական հիվանդությանը:

Hovo

07.01.2016

Shnorhakalutyun hargeli bjishk, isk hnaravor e genetik analizi patasxan@ sxal lini? mek angam nshem vor generum voch mek@ chi unecel parberakan hivandutyun.

Կարդացեք նաև

Ինչպես խուսափել ռեւմատոլոգիական խնդիրներից. հարցազրույց Արմենիա ԲԿ ռեւմատոլոգ Գոհար Հակոբյանի հետ. armeniamedicalcenter.am
Ինչպես խուսափել ռեւմատոլոգիական խնդիրներից. հարցազրույց Արմենիա ԲԿ ռեւմատոլոգ Գոհար Հակոբյանի հետ. armeniamedicalcenter.am

Ժամակակից կյանքում տարածված ռեւմատոլոգիական հիվանդությունները բազմապատճառային են: Ինչպե՞ս խուսափել հիվանդությունից եւ որո՞նք են խնդրի առաջացման պատճառները. այս հարցերին պատասխանում է «Արմենիա»...

Հոդերի հիվանդություններ. ռևմատոիդ արթրիտ. izmirlianmedicalcenter.com
Հոդերի հիվանդություններ. ռևմատոիդ արթրիտ. izmirlianmedicalcenter.com

Ռևմատոիդ արթրիտը շարակցական հյուսվածքի բորբոքային հիվանդություն է: Այն դրսևորվում է հոդերի պրոգրեսիվող քրոնիկական ախտահարումով: Աստիճանաբար քայքայվում  են հոդի բոլոր տարրերը, և զարգանում են կոնտրակտուրաներ...

Տեղեկատվություն աշակերտների՝ ովքեր տառապում են պարբերական հիվանդությամբ, և նրանց ուսուցիչների համար
Տեղեկատվություն  աշակերտների՝ ովքեր տառապում են պարբերական հիվանդությամբ, և   նրանց  ուսուցիչների  համար

Ի՞նչ է ընտանեկան միջերկրածովյան տենդ կամ պարբերական  հիվանդությունը: Ընտանեկան միջերկրածովյան տենդը, կամ պարբերական հիվանդությունը (ՊՀ)  ժառանգական հիվանդություն է, որը  տարածված է  միջերկրածովյան...

Մանկական հիվանդություններ Գենետիկա
Ընտանեկան միջերկրածովյան տենդի կամ պարբերական հիվանդության ժամանակ Կոլխիցինի երկարատև ընդունումը
Ընտանեկան միջերկրածովյան տենդի կամ պարբերական հիվանդության ժամանակ Կոլխիցինի երկարատև ընդունումը

Պարբերական հիվանդությունը (ՊՀ) աուտոբորբոքային բնույթի ժառանգական հիվանդություն է,  բնորոշվում է պարբերաբար առաջացող նոպաներով, որոնք ուղեկցվում են բարձր ջերմությումբ/տենդով...

Գենետիկա
Խորհուրդներ ընտանեկան միջերկրածովյան տենդով կամ պարբերական հիվանդությամբ տառապող հղի կանանց.
Խորհուրդներ ընտանեկան միջերկրածովյան տենդով կամ պարբերական հիվանդությամբ տառապող հղի կանանց.

Պարբերական հիվանդությունը (ՊՀ) ժառանգական հիվանդություն է, որը հազվադեպ է հանդիպում շատ պոպուլյացիաներում, սակայն տարածված է հայերի և Միջերկրածովյան  տարածաշրջանի...

Հղիություն, ծննդաբերություն ԿԻՆ: Հիվանդություններ Գենետիկա Պերինատոլոգիա, մանկաբարձություն և ուրո-գինեկոլոգիա
Ռևմատիզմ. բուսաբուժություն. blognews.am
Ռևմատիզմ. բուսաբուժություն. blognews.am

Ռևմատիզմի և դրա բարդությունների դեպքում դեղորայքային բուժման համակցումը ժողովրդական միջոցների հետ լավ արդյունք է տալիս, ինչպես արտաքին օգտագործման ձևով, այնպես էլ տեղային...

Ավանդական բուժման մեթոդներ և միջոցներ
Ռևմատիզմ. բուսաբուժություն. blog.1in.am
Ռևմատիզմ. բուսաբուժություն. blog.1in.am

Վրեժ Հովսեփյանը ֆեյսբուքյան իր էջում գրում է.

Ռևմատիզմի և դրա բարդությունների դեպքում դեղորայքային բուժման համակցումը ժողովրդական միջոցների հետ լավ արդյունք է տալիս, ինչպես արտաքին օգտագործման ձևով, այնպես էլ տեղային...

Ավանդական բուժման մեթոդներ և միջոցներ
Ռևմատիզմ. սեզոնային սրացում
Ռևմատիզմ.  սեզոնային սրացում

Ռիսկի գործոնները

Ռևմատիզմը մարդկությանը շատ վաղուց է հայտնի: Դեռ հին եգիպտական ձեռագրերում ու Հիպոկրատի աշխատանքներում նկարագրված են եղել այս հիվանդության ախտանիշները...

Թերապիա Առողջապահության լրատու 18-19.2012
Ռևմատիզմ. բուսաբուժություն
Ռևմատիզմ. բուսաբուժություն

Երկար տարիներ տառապում եմ ռևմատիզմով: Ընդունում եմ բժշկի նշանակած բոլոր դեղերը, բայց կցանկանայի դրա հետ համատեղել նաև բուսաբուժությունը: Ի՞նչ խորհուրդ կտաք...

Ավանդական բուժման մեթոդներ և միջոցներ Առողջապահության լրատու 3.2010 Կանխարգելում և բուժում տանը
Պարբերական հիվանդությունը՝ դարերի խորքից մինչև մեր օրերը
Պարբերական հիվանդությունը՝ դարերի խորքից մինչև մեր օրերը

Պատմությունը: Բացահայտվել են այդ հիվանդությունների բազմաթիվ պատճառային և ռիսկի գործոններ, սակայն մինչև օրս հայտնի չեն ախտաբանական այն օղակները, որոնք իրենց դրսևորումներն են ստանում...

Ֆարմացևտ պրակտիկ 3-4.2009 (15)

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ