Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Պերինատոլոգիա, մանկաբարձություն և ուրո-գինեկոլոգիա

Հղիություն. 9-րդ ամիս

Հղիություն. 9-րդ ամիս

33 շաբաթական հղիություն (մանկաբարձական` 35)
Հնարավոր է, որ նա երկար եղունգներ ունենա, նրա դեմքին կարող են լինել ճանկռվածքներ, որոնք նա ստացել է դեռ արգանդում: Այժմ նրա տեղը նեղ է և անհարմար: Վերջնականորեն ձևավորվում են փոքրիկի բոլոր օրգանները: Մնացել են վեջին նրբագծիկները:


Շարունակվում է ճարպային ցանցաթաղանթի կուտակումը հատկապես ուսերի հատվածում, փոքրիկի ուսերը դառնում են կլորիկ և փափուկ: Աստիճանաբար վերանում են աղվամազերը: Նորածնի աչքերը կապույտ են, սակայն նրանց գույնը կփոխվի ժամանակի ընթացքում:


Որպեսզի ձեր փոքրիկը կարողանա ծննդաբերական ուղիներով գլխով առաջ շարժվել արգանդից, արգանդի վզիկը մեկ կարճանում է և նեղանում, մեկ` լայնանում: Պասիվ փուլը նշանակում է արգանդի վզիկի նեղացում, ակտիվ փուլը՝ կծկումներ և վզիկի լայնացում: Հետո սկսվում է անցումային փուլը, երբ վզիկը բացվում է 10 սմ:

Հղիության 9-րդ ամիս
Հասակը` գագաթից մինչև սրբոսկրը, մոտ 45 սմ է:


Պտղի քաշը կազմում է մոտ 2 կգ 200գ


Սակայն այս ընթացքում հնարավոր են քաշի նշանակալի տարբերություններ, դա նորմայի սահմաններում է: Այս պահից սկսած փոքրիկի քաշը կարող է շաբաթական ավելանալ մոտ 220 գ-ով:

38-40 շաբաթական հղիություն


Այսպիսով, հղիության վերջին՝ իններորդ ամիսն է: Հիշենք, որ հղիության միջին տևողությունը 228 օր է կամ` 40 շաբաթ: Գոյություն ունի մի պարզ միջոց, որը հնարավորություն է տալիս մոտավորապես որոշել ծննդաբերության օրը: Վերջին դաշտանի առաջին օրվան պետք է ավելացնել 7 օր և հետ հաշվել երեք օրացույցային ամիս: Օրինակ, վերջին դաշտանը սկսվել է դեկտեմբերի 5-ին, 5+7= 12, հանած երեք ամիս, ստացվում է սեպտեմբերի 12 –ը: Սակայն դա չի նշանակում, որ ծննդաբերությունը կլինի հենց այդ օրը, հնարավոր է ինչպես մի քանի օր շուտ, այնպես էլ մի քանի օր ուշ, քանի որ նորմալ հղիության տևողությունը բոլորի մոտ նույնը չէ:


Կարող ենք ասել, որ ծնունդը մարդու կյանքի ամենաուժեղ սթրեսն է: Ներարգանդային կյանքի վերջին շաբաթների ընթացքում բնությունն ակտիվորեն նախապատրաստում է փոքրիկի օրգանիզմը, (մասնավորապես` կենտրոնական նյարդային և ներզատիչ համակարգերը), սպասվող ծանր փորձությանը: Մեծանում են մակերիկամները (ավելի մեծ են, քան երիկամները), որոնք ծննդաբերության ժամանակ պետք է արյանը մեծ քանակությամբ ադրենալին և նորադրենալին մատակարարեն: Ինչպես ցույց են տալիս հատուկ հետազոտությունները, այս «սթրեսի հորմոնների» մակարդակը նորածնի արյան մեջ ավելին է, քան մեծահասակի մոտ ուժեղ հուզական լարվածության ժամանակ:


Ավարտվում է սեռական համակարգի անատոմիական ձևավորումը, արական սեռի պտղի մոտ ամորձիներն իջնում են փոշտի մեջ: Նրանք ձևավորվում և զարգանում են որովայնի խոռոչում, սակայն հղիության երկրորդ կեսին բավականին երկար և բարդ ուղի են անցնում, մինչև հայտնվում են իրենց տեղում: Պատահում է, որ ինչ-որ պատճառով ամորձիներից մեկը կամ երկուսն էլ չեն իջնում, դա սարսափելի չէ, կարելի է սպասել ևս մեկ տարի, սակայն, եթե այդ ընթացքում էլ նրանք չեն զբաղեցնում իրենց մշտական տեղը, ապա անհրաժեշտ է դիմել մասնագետի:


Հղիության 9-րդ ամիսՇատ շուտով երեխան կառանձնանա ընկերքից և մայրական օրգանիզմից, և որպեսզի սոված չմնա, ստիպված է լինելու ջանք գործադրել՝ ծծելու կուրծքը: Ծծելու ողջ համակարգը, որի կենտրոնը գտնվում է երկայնավուն ուղեղում, պատրաստվում է աշխատանքի: Երեք հզոր նյարդային ճյուղեր ապահովում են անպայման ռեֆլեքսը, եռորյակ նյարդն ապահովում է ծամողական մկանների աշխատանքը, դեմքի նյարդը նյարդավորում է բերանի մկանները, իսկ հետագայում նաև` ատամները, ենթալեզվային նյարդը՝ լեզուն: Պտղի բերանի խոռոչը համեմատաբար փոքր է, այն գրեթե ամբողջությամբ զբաղեցնում է լեզուն: Ծամողական համակարգը ծննդի պահին թույլ է զարգացած, այն արագ կզարգանա, երբ փոքրիկը սկսի ծծել:


Ծնոտների, լեզվի և այտերի կառուցվածքի առանձնահատկությունները նպաստում են ծծելուն: Այսպես, ծամողական մկանների միջև տեղակայված է ծծողական գլանիկը, հատուկ գլանիկներ կան նաև շուրթերի լորձաթաղանթի և ծնոտների վրա:


Բերանի լորձաթաղանքը վառ կարմիր է, քանի որ հարուստ է արյունատար անոթներով: Դրա շնորհիվ ներծծման պրոցեսը սկսվում է հենց բերանի խոռոչից: Թքագեղձերը դեռ թույլ են զարգացած, որը բացատրելի է՝ ծննդյան առաջին ամիսներին երեխան ստանում է միայն հեղուկ սնունդ, իսկ երբ նրա օրաբաժնում հայտնվի թանձր և նույնիսկ կոշտ սնունդ, թքագեղձերը կակտիվացնեն իրենց գործունեությունը:


Հղիության վերջին աղեստամոքսային համակարգի օրգանները յուրահատուկ ֆունկցիա են կատարում, մոտավորապես իրանի կեսը զբաղեցնում է կերակրափողը, իսկ աղիների հանգույցների երկարությունը տատանվում է 335-460 սմ: Ստամոքսագեղձերն արդեն գործում են, և կարելի է հայտնաբերել նրանց արտադրանքը՝ պեպսինի և շրդոնային մակարդի փոքր քանակություն: Աղիների մկանածածկույթը թույլ է զարգացած, սակայն թավիկները՝ ներծծման ունիվերսալ ապարատը, արդեն գործում են:


Եթե ներարգանդային զարգացման սկզբնական փուլերում կերակրափողի և բարակ աղիների որոշ հատվածներ կարող են ժամանակավորապես խցանված լինել, ապա իններորդ ամսում ողջ մարսողական համակարգն անցանելի է: Պտղի աղիները թույլ պերիստալտիկ շարժումներ են անում՝ ներքև մղելով մեկոնիումին՝ նախնական կղկղանքը: Մեկոնիումի կազմի մեջ մտնում են ստամոքսի և աղիների արտազատուկները, պտղաջրերում պարունակվող ամուր մասնիկները՝ պտղի մաշկի էպիթելեր, առաջնային քսուքի մասնիկներ և այլն: Մեկոնիումի քիմիական հետազոտության արդյունքում նրանում հայտնաբերել են խոլեսթերին, բիլիռուբին, ճարպեր: Եթե մեկոնիումը չի պարունակում լեղիի մասեր և գույնը բաց մոխրավուն է, դա անհանգստացնում է բժիշկներին, քանի որ ահազանգում է կամ լեղածորանների անանցանելիության մասին, կամ` դրանց բնածին բացակայության:


Պտղի մեկոնիումը ստերիլ է, սակայն, բառացիորեն, ծննդյան առաջին ժամերից աղիները սկսում են բնակեցվել զանազան միկրոօրգանիզմներ: Շատ կարևոր է, որ դրանք լինեն օգտակար միկրոբներ, այդ պատճառով կարևոր է կրծքին վարժեցնելը, քանի որ դալն ու կաթը բիֆիդո- և լակտոբացիլիների հարուստ աղբյուր են:


Վերջին ամսում պտուղն ավելի է մոտենում ծննդուղիներին: Նրա մարմնի բոլոր մասերից առավել ծավալ ունեցողը գլուխն է, և եթե գլուխն անցնի ծննդուղիներով, ուրեմն ամեն ինչ կարգին կլինի:


Բնությունը հոգացել է պտղի՝ ծնուղիներով անցնելը հեշտացնելու մասին: Գանգի ոսկրերը փափուկ են ու ճկուն, և պահպանվում է նրանց  միացնող հատուկ հյուսվածքը: Այդ հյուսվածքի զբաղեցրած տարածություններն անվանում են գաղտուն: Նրանցից մեկը՝ շեղանկյունաձևը, գտնվում է առաջնամասում՝ գագաթ-ճակատային հատվածում, երկրորդը՝ եռանկյունաձևը, ծոծրակային հատվածում: Եթե կինը նորմալ չափերի կոնքեր ունի, ապա պտղի գլուխը, փոխելով իր ձևը, դուրս է գալիս ոսկրային օղակի միջով: Ձևափոխված, հնարավոր է թիկունքի հատվածում տափակած, մի փոքր երկարավուն գլուխը չպետք է վախեցնի: Ծննդից մի քանի օր անց փոքրիկի գլուխը կունենա իր սովորական, կլորավուն ձևը: Իհարկե, լինում են նաև յուրահատուկ ձև ունեցող գլուխներ, որոնք փոխանցվում են սերնդե-սերունդ:


Հղիության 9-րդ ամիսՀաշվի առեք, որ ծննդաբերության առաջին նախանշանները հայտնվում են ծննդից մեկ-երկու շաբաթ առաջ: Սովորաբար ավելի հեշտ է դառնում շնչելը, քանի որ արգանդի դիրքը փոխվում է և ստոծանին` իջնում: Երբեմն զգացվում են արգանդի թույլ, միանվագ կծկումներ: Իսկ երբ կծկանքները դառնան կանոնավոր, նշանակում է ծննդատուն գնալու ժամանակն է:


Ծննդի ժամանակ պտուղը, կառավարվելով նյարդային ազդանշանների բարդ համակարգով, կսկսի առաջ մղվել ծննդուղիներով: Բարի գալուստ...


Հետաքրքիր է, որ աքսելերացիան ազդել է մարդու կյանքի բոլոր փուլերի վրա, այդ թվում նաև` սաղմնային: Զարգացած երկրներում 1930-1990 թ.թ. նորածնի մարմնի զանգվածը միջին հաշվով ավելացել է 3200 գ-ից մինչև 3900 գ:


Ժամանակին ծնված երեխայի քաշն ու հասակը զգալիորեն տատանվում են, երեխան կարող է կշռել 2500-5000գ, հասակը` տատանվել 47-60 սմ:


Մարդու ծննդից մինչև 20 տարեկան նրա քաշը միջինում ավելանում է 20 անգամ: Իսկ ձևավորված պտղի քաշը 6 մլրդ և ավելի անգամ գերազանցում է բեղմնավորված ձվաբջջի քաշը:

Հղիության 9-րդ ամիս

Հեղինակ. Ըստ պրոֆ. Ա. Ի. Բրուսիլովսկու «Կյանքը մինչև ծնունդը» գրքի նյութերի
Սկզբնաղբյուր. kiev-mama.com.ua
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

Փոխնակ մայրություն
Փոխնակ մայրություն

Անպտղության հաղթահարման մեթոդ է այն կնոջ համար, որը չի կարող ինքնուրույն կրել և ծննդաբերել երեխա (արգանդի բացակայություն, սովորույթային կրելախախտ, սոմատիկ հիվանդություններ)...

Հղիություն, ծննդաբերություն
Դաշտանադադար. ախտանիշներն ու բուժման եղանակները. վիրաբույժ-գինեկոլոգ Անժելա Լեխլյան, «Նաիրի» ԲԿ. nairimed.com
Դաշտանադադար. ախտանիշներն ու բուժման եղանակները. վիրաբույժ-գինեկոլոգ Անժելա Լեխլյան, «Նաիրի» ԲԿ. nairimed.com

Տարիքի հետ կնոջ օրգանիզմը բազմաթիվ փոփոխություններ է կրում, և դրանից առաջնայինը դաշտանային ցիկլի դադարումն է, որը երբեմն կարող է լինել տիպիկ տարիքային շեմից շուտ, իսկ երբեմն էլ ուշանալ: Երկու դեպքում էլ դաշտանադադարն...

Առողջ կին
Սթրեսը՝ միոմայի պատճա՞ռ
Սթրեսը՝ միոմայի պատճա՞ռ

Սթրեսը կարո՞ղ է միոմայի պատճառ լինել: Կա՞ն, արդյոք, մեթոդներ՝ խուսափելու վիրահատական միջամտությունից...

ԿԻՆ: Հիվանդություններ
Հղիության ընթացքում սեռական հարաբերությունը ցանկալի չէ (տեսագրություն)
Հղիության ընթացքում սեռական հարաբերությունը ցանկալի չէ (տեսագրություն)

Պացիենտներին հուզող հարցերին պատասխանում է Մոր եւ մանկան առողջության պահպանման գիտահետազոտական կենտրոնի մանկաբարձ-գինեկոլոգ Արմեն Բադալյանը...

Հղիություն, ծննդաբերություն
Արգանդի միջնապատը` անպտղության պատճառ. բուժման արդիական մոտեցումները. nairimed.com
Արգանդի միջնապատը` անպտղության պատճառ. բուժման արդիական մոտեցումները. nairimed.com

Արգանդի միջնապատը (Ամերիկյան պտղաբերության դասակարգում, class V) ամենատարածված բնածին արգանդի անոմալիան է, որը կազմում է Մյուլերյան ծորանի անոմալիաների մոտավորապես 55% -ը...

Անպտղություն ԿԻՆ: Անպտղություն
Հետազոտություններ հղիության ընթացքում. tsnndatun.am
Հետազոտություններ հղիության ընթացքում. tsnndatun.am

Հղիության ընթացքում հնարավոր շեղումների  վաղ հայտնաբերման, հնարավոր բարդությունների կանխարգելման  և բուժման նպատակով  անհրաժեշտ է կատարել ընթացիկ հետազոտություններ...

Հղիություն, ծննդաբերություն
Արգանդի միոմայի վիրահատությունը՝ սկզբից մինչեւ վերջ. erebunimed.com
Արգանդի միոմայի վիրահատությունը՝ սկզբից մինչեւ վերջ. erebunimed.com

Ներանոթային վիրաբույժ Արսեն Ծատուրյանը հենց վիրահատության ընթացքում ներկայացնում է` ինչպես է կատարվում բժշկության մեջ առավել նոր` էմբոլիզացիայի եղանակը: Այս միջամտությամբ հնարավոր է առանց կտրվածքների, ներանոթային ճանապարհով...

Ուռուցքաբանություն Վիրաբուժություն
Վարիկոզը հղիության ժամանակ. tsnndatun.am
Վարիկոզը հղիության ժամանակ. tsnndatun.am

Հաճախ երակների վարիկոզ լայնացումն առաջին անգամ արտահայտվում է հենց հղիության ժամանակ. աճող արգանդը ճնշում է կոնքի անոթներին, որն էլ վատացնում է ստորին վերջույթների արյան շրջանառությունը: Բացի դա, հորմոնալ ֆոնի փոփոխության...

Հղիություն, ծննդաբերություն Սրտանոթաբանություն
Հղիություն. 10-րդ շաբաթ. tsnndatun.am
Հղիություն. 10-րդ շաբաթ. tsnndatun.am

Եթե  դեռ չեք գրանցվել գինեկոլոգի մոտ հղիության կապակցությամբ, ապա շտապեք: Ովքեր ծանր են տարել առաջին եռամսյակը, ուրախ լուր ունեն՝ 2 շաբաթ հետո կանցնի տոքսիկոզը, կդադարի առավոտյան սրտխառնոցը և հղիի ընդհանուր վիճակը կբարելավվի...

Հղիություն, ծննդաբերություն Հղիությունը շաբաթներով՝ ըստ ամիսների
Կեսարյան հատում, հաճախ տրվող հարցերին պատասխանում է Կարեն Կուտոյանը. tsnndatun.am
Կեսարյան հատում, հաճախ տրվող հարցերին պատասխանում է Կարեն Կուտոյանը. tsnndatun.am

1.  Ի՞նչ է կեսարյան հատումը։

Կեսարյան հատումը մանկաբարձական վիրահատություն է, որի ընթացքում պտուղն ու ընկերքն արգանդից...

Վիրաբուժություն
Հղիություն. 9-րդ շաբաթ. tsnndatun.am
Հղիություն. 9-րդ շաբաթ. tsnndatun.am

Հղիության մանկաբարձական ժամկետը 9-ը շաբաթ է, իսկ դա նշանակում է, որը բժիշկը կարող է Ձեզ ուղարկել հետազոտության՝ տոքսոպլազմոզի, ցիտոմեգալովիրուսի և կարմրախտի  կապակցությամբ...

Հղիություն, ծննդաբերություն Հղիությունը շաբաթներով՝ ըստ ամիսների
Փորկապությունը հղիության ժամանակ. tsnndatun.am
Փորկապությունը հղիության ժամանակ. tsnndatun.am

Հղիության տարբեր շրջաններում հղիները հաճախ գանգատվում են փորկապությունից: Դրա պատճառը  պրոգեստերոն հորմոնն է, որը թուլացնում է ամբողջ օրգանիզմի, այդ թվում նաև աղիների հարթ մկանները: Սնունդը դանդաղ է շարժվում աղիներով...

Հղիություն, ծննդաբերություն
Հղիություն. ութերորդ շաբաթ. tsnndatun.am
Հղիություն. ութերորդ շաբաթ. tsnndatun.am

Այստեղ դուք կիմանաք, թե ի՞նչ է պետք անել 8-րդ շաբաթում, ե՞րբ խոսել հղիության մասին գործընկերների, ծանոթների հետ, ինչպե՞ս ընտրել կանանց կոնսուլտացիան, որքանո՞վ է կարևոր իմանալ ռեզուս-գործոնի մասին...

Հղիություն, ծննդաբերություն Հղիությունը շաբաթներով՝ ըստ ամիսների
Հղիության տոքսիկոզ. tsnndatun.am
Հղիության տոքսիկոզ. tsnndatun.am

Վաղ տօքսիկոզի ամենատարածված ախտանիշը սրտխառնոցն է՝ քիչ արտահայտվածից մինչև խիստ արտահայտված: Հաջորդն՝ արթնանալուց անմիջապես հետո գլխապտույտը: Դրա համար անհրաժեշտ է մահճակալի կողքին...

Հղիություն, ծննդաբերություն
Առաջին բուժօգնությունը ծննդաբերության ժամանակ. Արմենուհի Ավետյան. armeniamedicalcenter.am
Առաջին բուժօգնությունը ծննդաբերության ժամանակ. Արմենուհի Ավետյան. armeniamedicalcenter.am

Կանանց կոնսուլտացիայում բոլոր հղիներին հաշվառում են, հաշվարկվում է նրանց հղիության ժամկետը և զգուշացնում ծննդաբերության մոտավոր ժամկետի մասին: Հղիները տեղեկացվում են, թե ինչ կլինիկական վիճակի...

Առաջին նախաբժշկական օգնություն

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ