Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Պերինատոլոգիա, մանկաբարձություն և ուրո-գինեկոլոգիա

Հղիություն. 3-րդ ամիս

Հղիություն. 3-րդ ամիս

Հղիության 9-րդ շաբաթ (մանկաբարձական` 11-րդ շաբաթ)

Այս շաբաթը նշանավորվում է սաղմնային շրջանի ավարտով. ապագա երեխան կոչվում է պտուղ: Այժմ, ընդհուպ մինչև 20-րդ շաբաթը, տեղի կունենա նրա հասակի աճ: Ավելանում են արյունատար անոթների քանակն ընկերքում, որպեսզի բավարարի ձեր երեխայի աճող ախորժակը:

 

Ականջիկներն աստիճանաբար պարանոցից շարժվում են իրենց տեղը՝ գլխի կողմնամասերը, ուր և պետք է լինեն: Փոքրիկ օրգանիզմի ներսում ձևավորվում են ներքին օրգանները: Աղիների մի մասը դեռ ընկնում է պորտալարին (այս խնդիրը կլուծվի զարգացման հաջորդ շաբաթում): Սկսում են աշխատել աղիները: Իհարկե, դեռ մարսելու ոչինչ չկա, սակայն հետագայում նրանցով դուրս կնետվեն մեռած բջիջները և ամնիոտիկ ջրերը: Գլխիկը կազմում է ողջ մարմնի կեսը: Այս ամենն այն պատճառով է, որ արագորեն զարգանում է երեխայի ուղեղը: Այս շաբաթ սկզբնավորվում են սեռական օրգանները: Հղիության տասներորդ շաբաթն իրենից ներկայացնում է բեկումնային շաբաթ, տասնմեկերորդ շաբաթից արդեն սաղմը կոչվում է պտուղ:


Պտղի սիրտը ձևավորված է, և ունի երկու նախասիրտ ու երկու փորոք: Պտղի շարժունությունն օրինական բնույթ է կրում, միջինում կազմում է երեք շարժում` տաս րոպեում: Պտղի մակուղեղը սկսում է արտադրել աճի հորմոն, մակերիկամները՝ ադրենոկորտիկոտրոպ հորմոն (АКТГ):


Պտղի դեմքը լավ ձևավորված է, աչքերը գրեթե ամբողջությամբ զարգացած են: Պտուղն իր մատիկներով կարող է բռունցք անել: Կոպերի տակ ավարտվում է աչքերի զարգացումը, հայտնվում է եղջերաթաղանթը:

 

Հղիության 9-րդ շաբաթ (մանկաբարձական` 11-րդ շաբաթ) Հղիության 9-րդ շաբաթ (մանկաբարձական` 11-րդ շաբաթ)

 

Ձևավորվում են ձայնային կապերը: Զարգանում է հոտառությունը:


Գլխուղեղի երկու կիսագնդերն էլ ձևավորված են և զարգանում է ուղեղիկը:


Երիկամներով զտվում է արյունը, չնայած նրան, որ պլացենտան միակ օրգանն է, որ ունակ է պահպանել ներքին քիմիական հավասարակշռությունը: Փոքրիկը ձգվում է, և նրա ձեռքերն ու ոտքերը կարող են մի քանի վայրկյան մնալ այդ վիճակում: Ի հայտ է գալիս բռնվելու ռեֆլեքսը: Փոքրիկի ափիկներն արդեն կարող են փորձել շոշափել:


Նա ունակ է ամբողջությամբ շուռ գալ և երկու վայրկյանում փոխել դիրքը: Դրա համար նա օգտագործում է ոտքերի շարժումները, ինչը հետագայում քայլելու հոյակապ նախատիպն է:

 

 

Պտղի երկարությունը և քաշը


Երկարությունը կազմում է 55 մմ
Քաշը՝ մոտ 7 գրամ


Դուք ինքներդ


Դուք անցնում եք առաջին ուլտրաձայնային ստուգումը: Նա գոյություն ունի... Դուք նրան առաջին անգամ «տեսաք»: Իսկական բացահայտո՛ւմ...


Տեղի է ունենում անտեսանելի հեղափոխություն՝ պլացենտան գրավել է կանաչ մարմնի պրոգեսթերոնի և էսթրոգեների արտադրման ճեպաղեկույցը:


Առաջվա նման հրատապ են առողջ ապրելակերպի խորհուրդները. Չ՞է որ այս շրջանում փոքրիկի մոտ տեղի է ունենում գլխուղեղի զարգացում, և ալկոհոլի, նիկոտինի, քիմիական նյութերի վատ ազդեցությունը կարող են այս կարևորագույն օրգանի արատների պատճառ դառնալ:


Հղիության 10-րդ շաբաթ (մանկաբարձական` 12-րդ շաբաթ) 


Պտղի հասակն արագորեն աճում է, այն վերջին շաբաթներին կրկնապատկվել է: Դեմքը մարդկային գծեր է ձեռք բերել: Չնայած որ օրգանիզմի բոլոր հիմքերն արդեն գցված են, մնում են մի քանի եզրափակիչ քայլեր: Զարգանում են ձեռքի և ոտքի եղունգները: Մկանային համակարգն արդեն բավականին զարգացած է, սակայն շարժումներն անզգույշ են, քանի դեռ ազդակները գնում են ողնուղեղ, քանի որ գլխուղեղը դեռ այդքան զարգացած չէ: Աղիներն արդեն որովայնի խոռոչից դուրս չեն: Պտուղն արդեն բացում է բերանը: Դա արդեն գլխուղեղի և բերանի շրջանի նյարդային համակարգի կապն է ցույց տալիս:


Նաև ռեֆլեքսային են դեմքը, ոտքերը, ձեռքի և ոտքի մատերը: Դա տեղի է ունենում այս շրջաններում հատուկ ըկալիչների առկայության պարագայում, որոնք թրթռոցի հանդեպ զգայուն են: Ձևավորվել են էպիդերմիսի բոլոր շերտերը: Այն դեպքում, երբ ներքին շերտերը շարունակում են նոր բջիջներ արտադրել, արտաքին շերտի մեռած բջիջները պոկվում են և տարալուծվում ամնիոտիկ հեղուկում: Մաշկի տակ կուտակված բջիջներից ձևավորվում են աղվամազերը: Դրանք փափուկ և անգույն են: Դա առաջին հերթին լինում են վերին շրթունքի, կզակի, հոնքերի շրջանում և թարթիչները: Պտուղն արդեն բավականին նման է մարդու, չնայած գլուխը մարմնի համեմատած մեծ է, իսկ ձևավորված վերջույթները դեռ փոքր են: Դուք կնկատեք, որ հղիության առաջին շաբաթի անհարմար զգացողությունն աստիճանաբար անհետանում է: Ժամանակն է հաճախել կանանց առաջին խորհրդատվությանը, եթե դուք դեռ դա չեք արել:


Փոքրիկը մեծանում է: Ժամանակ առ ժամանակ նրան կարելի է գտնել անսովոր զբաղմունքով՝ մատը ծծելուց: Արթմնի ժամանակ փոքրիկն ակտիվորեն մարզում է մկանային համակարգը՝ շրջում է գլուխը, շարժում է ոտքի և ձեռքի մատիկները, բացում և փակում է բերանը: Եթե արտաքին աշխարհը սկսում է նրան անհանգստացնել սուր ձայներով, երեխան փորձում է ձեռքերով փակել ականջները (նա լսում է) և փորձում է աչքերին ընկնող լույսից ծածկվել ափիկով (նա տեսնում է): Եթե կպնեք նրա ափիկին այն բռունցք կսարքի: Այս ամենը վեստիբուլյար համակարգի ձևավորման շնորհիվ է, որն օգնում է տարածության մեջ ուղղություն գտնել:

 

Հղիության 10-րդ շաբաթ (մանկաբարձական` 12-րդ շաբաթ) Հղիության 10-րդ շաբաթ (մանկաբարձական` 12-րդ շաբաթ) Հղիության 10-րդ շաբաթ (մանկաբարձական` 12-րդ շաբաթ)

 

Ներքին օրգանները ձևավորվել են, շատերն արդեն գործում են, այդ իսկ պատճառով պտուղն ավելի քիչ է ենթակա վարակների:


Ձևավորվել են կոպերը, այժմ նրանք ծածկում են աչիկները:


Ի հայտ եկան ականջաբլթակները:


Ամբողջությամբ ձևավորվեցին վերջույթները և մատերը:


Մատիկների վրա աճում են եղունգները:


Դոփլերի միջոցով դուք կարող եք լսել փոքրիկի սրտի զարկը, դա այնքան հաճելի է:


Զարգանում են մկանները, այս իսկ պատճառով պտուղն ավեի շատ է շարժվում:


Աշխատում է բերանի մկանային համակարգը, նա շարժում է շուրթերը, բացում և փակում աչիկները: Նա կարող է ծծել և կուլ տալ հեղուկը, որը նրան շրջապատում է: Կարող է միզել:


Ականջները հստակ երևում են:


Ձեռքերի և ոտքերի մատիկներն ամբողջությամբ ձևավորվել են:


Պտղի երկարությունը և քաշը


Երկարությունը` գագաթից սրբոսկր, կազմում է 70-90 մմ
Քաշը՝ 14-15 գր


Դուք ինքներդ


Ձեր նյութափոխանակությունն ավելի կայուն է դառնում: Հղիության սկզբնական շրջանի մի քանի անհարմարություններ մեղմանում են (քնկոտություն, սրտխառնոց, ուժեղ թքարտադրություն): Մի քանի օրից դրանք լիովին կանհետանան:


Հղիության 11-12-րդ շաբաթ (մանկաբարձական` 13-14-րդ շաբաթ) 


Փոքրիկը մեծացել է և 28 գրամ է:


Աչիկները բացվում են միայն չորս ամիս հետո: Եթե նրա ձեռքերն արդեն բավականին երկար են, ապա նա կսկսի ծծել բութ մատը: Բայց «ծծել» մի քիչ չափազանցված է, երեխան այժմ միայն մատը բերանն է դնում: Կարևոր նորություն՝ բոլոր քսան ատամները, իսկ ավելի ճիշտ դրանց սաղմերը ձևավորվել են և սպասում են լույս աշխարհ գալուն:


Սկսում է հյուսվածք ձևավորվել, որից կսկզբնավորվեն երեխայի ոսկրերը` հատկապես գլխի և վերջույթների: Մի քանի շաբաթից ձեր երեխան կսկսի մեծի պես շարժվել: Նրա կուրծքը շնչելիս կսկսի բարձրանալ, անգամ կարող է մի փոքր ջուր կուլ տալ: Ենթաստամոքսային գեղձը սկսում է ինսուլին արտադրել: Երեխայի սնուցման գործում հիմնական դերն այժմ պլացենտայինն է: Հաջորդ ամսում կարևոր նշանակություն կունենան պտղի շուրջը գնտվող ջրերը: 13-րդ շաբաթում պլացենտան լավ զարգացած է և պատրաստ է ընդունել պրոգեսթերոն և էսթրիոլ հորմոնների արտադրությունը, որոնք կարևոր նշանակություն ունեն հղիության զարգացման հարցում: Պլացենտան մոտ 30 գրամ է: Վերևում, ձախ կողմով անցնում է պորտալարը: Մեմբրանը կազմված է երկու շերտից, որոնք սերտաճած են՝ ամնիոն և խորիոն: Փոքրիկը ևս մեկ ռեֆլեքս է ձեռք բերել, որին հետագայում արագ կսովորի՝ ծծելը:


Ուղեղը և մկանները բավականին զարգացած են, և նա շրջում է գլուխը, շարժում է ձեռքերը, այնպես որ մատիկները կպնում են բերանիկին: Հաճախ ուլտրաձայնն այս շրջանում ցույց է տալիս, որ փոքրիկը մատն է ծծում:


Մինչ այս պահը ձեր երեխայի սեռն անհայտ էր: Սակայն այս շաբաթ տղայի սեռական հանգույցից ձևավորվում է առնանդամը, աղջիկների մոտ այն թույլ է արտահայտված, ավելի ներքևից ձևավորում է հեշտոցը: Տղայի մոտ սկսում է ծածկլվել ուռոգենիտալ ճեղքը: Աղջիկների մոտ այն բաց է մնում և նրա շուրջը ձևավորվում են մեծ և փոքր շուրթերը: Ձեր ապագա փոքրիկն ավելի է նման մարդու՝ չնայած գլխի մեծությանը: Քանի որ գրեթե բոլոր օրգանները ձևավորված են և գործում են, ապա վտանգավոր ազդեցությունը պակասել է:

 

Հղիության 11-12-րդ շաբաթ (մանկաբարձական` 13-14-րդ շաբաթ) Հղիության 11-12-րդ շաբաթ (մանկաբարձական` 13-14-րդ շաբաթ)

 

Պտղի երկարությունը և քաշը


Երկարությունը՝ 10,5 սմ
Քաշը՝ 28,3 գր


Դուք ինքներդ


Արգանդը 13 սմ բարձրություն և 10 սմ լայնություն ունի:


Այն բարձրանում է դեպի որովայնի խոռոչ և տեղակայվում է որովայնի պատի ետևում:


Ամեն օր արգանդն ավելի փափուկ և առաձգական է դառնում: Ձեզ մոտ կարող է արտադրություն լինել, սակայն եթե այն ունի վատ հոտ և դեղնավուն երանգ, ապա դիմեք բժշկի:


Հղիության 12-րդ շաբաթ (մանկաբարձական` 14-րդ շաբաթ) 


Շարունակվում է ձեր երեխայի դեմքի ձևավորումը: Ահա արդեն գծվում են քթիկը, այտերը: Ականջները պարանոցից շարժվում են իրենց հատկացված տեղերը: Աչիկներն արդեն այդքան հեռու չեն իրարից: Այս շաբաթվա հիմնական ձեռքբերումը լանուգոյի հայտնվելն է, որը կրկնում է մաշկի միկրոսկոպիկ պատկերը: Մատիկների վրա այս պատկերը (մատնահետք) կլինի մարդու փորձադրոշմը: Համարվում է, որ լանուգոն ունի պաշտպանող ֆունկցիա: Դեռևս մոր արգանդում լանուգոյին փոխարինող ավելի հաստ և կոշտ մազեր կաճեն, որոնցով էլ ձեր երեխան կծնվի:


Այս շաբաթը ներքին օրգանների համար շատ կարևոր է: Վահանաձև գեղձը բավականին ձևավորվել է, որպեսզի հորմոն արտադրի: Աղջիների մոտ ձվարանները որովայնի խոռոչից իջնում են կոնք-ազդրային հատված:


Երեխայի մոտ արդեն ձևավորվել է դեմքը, աչիկները դեռ կոպերով փակված են: Բացի լանուգոյից նկատվում են նաև հոնքերը: Անգամ գլխի վրա արդեն իսկ կա մազածածկույթի մի փոքրիկ նշան:


Փոքրիկն արդեն միզում է, ու դա անում է հենց ամնիոտիկ հեղուկի մեջ: Նաև նա կարող է փորձել «շնչել» թոքերի ամնիոտիկ հեղուկով: Ընդհանուր առմամբ ամնիոտիկ հեղուկը զարմանալի երևույթ է: Այն ամեն երեք ժամը մեկ ամբողջությամբ վերականգնվում է: Մենք գիտենք, որ այն մասամբ կազմված է երեխայի մեզից, սակայն որտեղ է այն ստեղծվում և որտեղից է վերցվում, ոչ-ոք հաստատ չգիտի:

 

 Հղիության 12-րդ շաբաթ (մանկաբարձական` 14-րդ շաբաթ)  Հղիության 12-րդ շաբաթ (մանկաբարձական` 14-րդ շաբաթ)

 

Քաշը մոտավորապես 90-100 գր է:


Ի հայտ է գալիս ևս մեկ ռեֆլեքս՝ կուլ տալը: Գրեթե ողջ մարմինը արձագանքում է հպմանը: Զգայուն չեն դեռ մեջքը և գանգը:
Փոքրիկը սկսում է թեթևորեն հարվածել բռունցքներով կամ կրունկներով: Շուտով դուք լավ կտարբերեք այս շարժումները, քանի որ հաջորդ շաբաթում ձեր երեխայի չափերը կեռապատկվեն:


Չնայած նրա դիմագծերն ամբողջությամբ ձևավորված չեն, իսկ ֆունկցիաների մեծ մասը կատարյալ չէ, նա արդեն այն փոքրիկի պատկերն է, որին դուք կես տարուց կհանդիպեք:


Դուք ինքներդ


Անսպասելիորեն ձեր քաշը 1,5-2 կգ սովորականից ավելանում է: Այդ հարցում մի մեղադրեք փոքրիկին, որն ընդամենը 50 գր է: Հիշեցնենք՝ դա արյան ծավալի մեծացման արդյունք է: Պտղի և պլացենտայի զարգացումը մոր օրգանիզմից 800 մլ-ով ավելի արյուն է պահանջում (հղիության վերջում արյան ծավալը 40% ավելին է լինում սկզբնականից): Այս նոր արյունն ավելի հարուստ է ջուր, հանքային աղեր, շաքար, սպիտակուցներ, ճարպեր, հորմոններ և վիտամիններ պարունակող պլազմայով, քան արյան գնդիկավոր տարրերով: Ձեր փոքրիկի չի հրաժարվում օգտվել բոլոր այս սնուցող տարրերից, որոնք անհրաժեշտ են աճի և զարգացման համար: Սակայն պետք չէ կարծել, որ նա անտեսում է էրիթրոցիտները: Այն ևս անհրաժեշտ է, չէ որ հենց կարմիր գնդիկներն են թթվածին տալիս նրան: Փորձեք շատացնել ջրի քանակը, քան դուք սովորաբար խմում էիք: Քիչ հեղուկի դեպքում մեզը կարող է գրգռել միզուղիները, ինչը հաճախ վարակի պատճառ է դառնում (ապագա մայրերի 6%-ը տառապում է այս օրգանների բորբոքումներից, այն դեպքում երբ սովորաբար դրանք նկատվում են 2%-ի մոտ):

 

 Հղիության 12-րդ շաբաթ (մանկաբարձական` 14-րդ շաբաթ)  Հղիության 12-րդ շաբաթ (մանկաբարձական` 14-րդ շաբաթ)

 

Առաջին ուլտրաձայնային հետազոտությունը


Սովորաբար անցկացվում է հղիության 10-րդ շաբաթում (12-13 դաշտանի բացակայության դեպքում), այսինքն` 2,5 ամսեկանում:


Նշվում է, որ պտուղը ողջ է (սրտի զարկը կա), ունի գլուխ, ողնաշարի և ողնուղեղի սաղմերը կան, վերին և ստորին վերջույթները տեղակայված են դեմքի առջևում, ունի ուս, թև և դաստակ, ստորին վերջույթներն ունեն ազդր, սրունք և ոտնաթաթ, ձեռքերն ու ոտքերն էլ շարժվում են:


Ի՞նչ է այս բացահայտում:


Ճշգրտում է ձեր փոքրիկի տարիքը (երեք օրվա անճշտությամբ), ինչը թույլ է տալիս ճշտել ծննդաբերության մոտավոր ժամանակը: Դրա որոշման համար օգտագորժվում են մի քանի ապացույցներ:

 

  • Մարմնի երկարությունը գլխից մինչև պոչուկ. եթե այն մոտ 5,8 սմ է, ապա ձեզ մոտ տաս շաբաթական հղիություն է, եթե 6,2 սմ է, ապա` տասնմեկ շաբաթական:

  • Քունքից քունք տրամագիծը, եթե այն մոտ 1,8 սմ է, ապա տաս շաբաթական հղիություն է, եթե 2,2՝ տասնմեկ շաբաթական:

  • Ազդրի երկարությունը, եթե այն 0,5 սմ է, ապա` տաս, եթե 7 սմ` ապա տասնմեկ շաբաթական


Եվս մեկ կարևոր չափում, ծոծրակային ոսկրի հաստությունը, որը թույլ է տալիս բացահայտել Դաունի հիվանդությունը (տրիսոմի 21), այն չպեստք է գերազանցի երեք միլիմետրը: Հակառակ դեպքում խորհուրդ է տրվում անցկացնել ամնիոտիկ հեղուկի պունկցիա, որպեսզի հաստատվի կամ ժխտվի այս կասկածը: Ուլտրաձայնային հետազոտությունը մոտ 60% դեպքերում այս հիվանդությունը հայտնաբերում է:


Ուլտրաձայնային հետազոտությունը թույլ է տալիս բացահայտել արգանդին կպած զիգոտների քանակը, եթե դրանք մի քանիսն են, ապա խոսքը բազմապտուղ հղիության մասին է: Երկու էմբրիոնի առկայության դեպքում կարելի է իմանալ միաբջիջ է, թե` երկբջիջ, այսինքն` մեկ ձվաբջջից են նրանք զարգանում, թե երկու:


Որոշվում է սրտի զարկի հաճախականությունը` մոտավորապես 160 զարկ րոպեում:


Արյան երեք գործոնների վերլուծություն


Բոլոր կանանց խորհուրդ է տրվում այս վերլուծությունը կատարել անկախ նրանց տարիքից` հղիության 12-ից մինչև 15 շաբաթների ընթացքում: Եթե դուք չեք համաձայնվում այս վերլուծությանը, դուք պետք է հետազոտությունից հրաժարվելու դիմում ստորագրեք, որպեսզի պատասխանատվությունը հանեք բժշկից` հիվանդ երեխայի ծնվելու դեպքում:


Վերլուծության արդյունքները պատրաստ են տաս օրից և անմիջապես ուղարկվում են բժշկին: Հետազոտության արժեքը փոխհատուցվում է բժշկական ապահովագրական ընկերության կողմից:


Ի՞նչ է այն բացահայտում:


Կենսաբանները նկատել են, որ որոշ քրոմոսոմային անոմալիաներ՝ անկանոնություններ, մասնավորապես տրիսոմիան, հաճախ ուղեկցվում են փոփոխված հորմոնալ ֆոնով: Օրինակ` ալֆա-պրոտեինը պտղի զարգացմանը զուգահեռ պետք է ակտիվորեն նվազի: Եթե արյան մեջ նրա քանակն ավելանում է ապա դա անոմալիայի կասկած է առաջացնում: Ինչպես նաև հանարավոր է արյան մեջ քորիոնիկ գոնադոտրոպինի (ХГЧ) և էստրիոլի պարունակության փոփոխություն:


Ալֆա-պրոտեինի և էստրիոլի նվազումը քորիոնիկ գոնադոտրոպինի աճի հետ զուգընթաց ցույց է տալիս տրիսոմիա 21:


Բժիշկը ձեզ կբացատրի, որ ստացված արդյունքն ախտորոշում չէ: Սակայն այն որոշում է ռիսկի չափը: Այդ իսկ պատճառով ձեզ ևս մեկ ուլտրաձայնային հետազոտության խորհուրդ կտան:


Օբյեկտիվ պատկերը կազմված է ցուցիչների ամբողջությունից՝ մոր տարիքը, նրա ժառանգականությունը, ծխելու սովորությունը, քաշը և այլն: եթե ռիսկի աստիճանը մեծ է, ապա վերլուծությունը բացահայտում է անկանոնության միայն կասկածը: Դա չի նշանակում, որ ձեր երեխան պարտադիր անոմալիա պետք է ունենա:


Այս հետազոտությունների միայն 4%-ն է տալիս արդյունք, որն ավելի մանրակրկիտ հետազոտության կարիք ունի՝ ամնիոտիկ հեղուկի պունկցիա:

 

 Հղիության 12-րդ շաբաթ (մանկաբարձական` 14-րդ շաբաթ) Հղիության 12-րդ շաբաթ (մանկաբարձական` 14-րդ շաբաթ)

 

Ամնիոտիկ հեղուկի պունկցիա 13-ից 15 շաբաթների մեջտեղում


Բժիշկը ձեզ բացատրում է, որ դուք իրավունք ունեք հրաժարվել այս հետազոտությունից: Տարբեր հետազոտությունները, որոնք սիստեմատիկորեն առաջարկվում են կանանց, պարտադիր չեն բոլոր հղիների համար:


Բնական է, որ դուք կտատանվեք` պունկցիայի որոշում կայացնելուց առաջ, քանի որ այս անալիզը կարող է վիժում առաջացնել (200-ից 1-ը): Պունկցիայի արդյունքները հայտնի կլինեն միայն այն կատարելուց երեք շաբաթ անց:


Ապահովագրական ընկերությունն ամբողջությամբ կվճարի հետազոտության արժեքը, եթե դուք 38 տարեկանից մեծ եք, կամ տրիսոմիա 21 են կասկածում:


Ի՞նչ է այն բացահայտում:


Այս հետազոտությհունը կատարվում է ուլտրաձայնային հետազոտությանը զուգահեռ, որպեսզի հստակորեն որոշվի երեխայի և պլացենտայի տեղը:


Ասեղի օգնությամբ, որը տարվում է մինչև արգանդ, վերցվում է մի քանի սմ³ ամնիոտիկ հեղուկ (ցավն արյան անալիզի ցավից շատ չէ): Ամնիոտիկ հեղուկից վերցվում են բջիջներ`, ապագա երեխայից անջատված էպիդերմիսի, մեզի բջիջներ և այլն: Բջիջներն աճեցվում են և հնարավոր է լինում հաստատել երեխայի կարիոտիպը: Այն իրենից ներկայացնում է քրոմոսոմների լուսանկար, որը թույլ է տալիս հետազոտել դրանց զույգերը և չափերը:


Նորմալը պարունակում է 46 քրոմոսոմ` 23 զույգերով: Եթե այն 47-ն է, ապա առկա է տրոսոմիա 21-ը: 21-րդ զույգում երեք քրոմոսոմ կա: Այստեղից էլ այս արատի անվանումը: 


Աճն ինտենսիվ շարունակվում է և պտղի չափը հասնում է 9 սմ-ի: Մատիկների վրա հայտնվում են եղունգները, գլուխն ուղղվում է, և որոշվում է պարանոցը: Աչքերը ծածկվում են զարգացող կոպերի շնորհիվ: Երրորդ ամսվա երկրորդ կեսին ձևավորվում են սեռական օրգանները:


Փոքրիկ պտղի մոտ ձևավորվում է վահանաձև գեղձը, իսկ նրա ֆունկցիան՝ այսինքն հորմոնի արտադրությունը, նկատվում է արդեն երեքամսյա պտղի մոտ: Այս շրջանում նրա բջիջներում յոդ է կուտակվում: Երրորդ ամսվա ընթացքում պտղի լեզվին տեղադրվում են համի ընկալիչները:

 

Պտղի երկարությունն արդեն 10-13 սմ է,


Երրորդ ամսից սկսվում է պտղային ժամանակաշրջանը, որը տևում է մինչև լույս աշխարհ գալը: Այժմ նրան էմբրիոն ասելն անհարմար է, այս ժամանակահատվածից խոսքը պտղի մասին է: Պտղային շրջանի սկիզբը նշանավորվում է պլացենտայի ձևավորումով: Որպես կանոն, այն տեղակայվում է արգանդի դիմացի կամ ետևի պատին, երբեմն` նրա հատակի շրջանում:


Պլացենտայի մայրական մակերևույթը կպած է արգանդի պատին: Այն կոպիտ է, կարմրամոխրագույն, սակայն հղիության ոչ ցանկալի ընթացքի ժամանակ այն կարող է գույնը փոխել: Մայրական մեկերևույթի կողմից պլացենտայի ողջ ծավալը բաժանվում է 12-20 շերտի: Պլացենտայի պտղին ուղղված մակերևույթը կոչվում է պտղային, որը ծածկված է ջրային թաղանթով՝ ամնիոնով: Պլացենտան լցված է հեղուկով, ինչը պաշտպանում է պտղին` չորանալուց, վնասվելուց և այլն: Ամնիոնի միջով անցնում են մեծ արյունատար անոթները: Պաթոլոգիայի դեպքում ամնիոնի գույնը կարող է փոխվել: Պլացենտան ինքնատիպ խոչընդոտ է մոր և պտղի միջև, կարելի է ասել «մաքսատուն» է: Բազմաթիվ բաներ անցնում են, սակայն որոշներին արգելում է: Այստեղ մի ամբողջ համակարգ է աշխատում: Մոր արյան մեջ պարունակվող բոլոր սնուցող նյութերը և թթվածինը պտղի արյան ճանապարհին,`հանդիպելով պլացենտային, պետք է հաղթահարեն այն: Պտղի արյունից մոր արյան մեջ են անցնում նյութափոխանակության արգասիքները, ինչով էլ բացատրվում է պլացենտայի շնչառական, սնուցող, բաժանող օրգան լինելը:

 

Հղիության 12-րդ շաբաթ (մանկաբարձական` 14-րդ շաբաթ) Հղիության 12-րդ շաբաթ (մանկաբարձական` 14-րդ շաբաթ)

 

Պտղի այս ժամանակահատվածին բնորոշ է երեխայի գլխի և մարնմի երկարության համապատասխանություն: Երրորդ ամսվա սկզբին գլուխը մեծ է՝ նրա հասակի կեսի չափ:


Երրորդ ամսվա վերջին պտղի դեմքը նման է մարդու դեմքի, ականջներն իրենց նորմալ տեղն են զբաղեցնում: Արտաքին սեռական օրգաններով հեշտ է որոշել տղա է, թե՝ աղջիկ: Ի հայտ է գալիս մկանային ակտիվությունը, սակայն պտղի թույլ շարժումները մոր համար դեռ աննկատ են:


Երրորդ ամսում ներարգանդային կյանքի պտղի մաշկը թափանցիկ, վարդագույն է, աղվամազերը դեռ չեն հայտնվել, դրանք դեռ կուտակվում են: Ենթամաշկային ճարպային բջջանյութը դեռ չկա, այդ իսկ պատճառով մաշկի տակ երևում են արյունատար անոթները և մկանները, պտուղը կնճռածածկ և կարմիր է:

Հղիության 3-րդ ամիս (12-րդ շաբաթ)

Հեղինակ. Պրոֆեսոր Ա. Ի. Բրուսիլովսկու «Կյանքը մինչ ծնվելը» գրքի նյութերի հիման վրա:
Սկզբնաղբյուր. kiev-mama.com.ua
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

Փոխնակ մայրություն
Փոխնակ մայրություն

Անպտղության հաղթահարման մեթոդ է այն կնոջ համար, որը չի կարող ինքնուրույն կրել և ծննդաբերել երեխա (արգանդի բացակայություն, սովորույթային կրելախախտ, սոմատիկ հիվանդություններ)...

Հղիություն, ծննդաբերություն
Դաշտանադադար. ախտանիշներն ու բուժման եղանակները. վիրաբույժ-գինեկոլոգ Անժելա Լեխլյան, «Նաիրի» ԲԿ. nairimed.com
Դաշտանադադար. ախտանիշներն ու բուժման եղանակները. վիրաբույժ-գինեկոլոգ Անժելա Լեխլյան, «Նաիրի» ԲԿ. nairimed.com

Տարիքի հետ կնոջ օրգանիզմը բազմաթիվ փոփոխություններ է կրում, և դրանից առաջնայինը դաշտանային ցիկլի դադարումն է, որը երբեմն կարող է լինել տիպիկ տարիքային շեմից շուտ, իսկ երբեմն էլ ուշանալ: Երկու դեպքում էլ դաշտանադադարն...

Առողջ կին
Սթրեսը՝ միոմայի պատճա՞ռ
Սթրեսը՝ միոմայի պատճա՞ռ

Սթրեսը կարո՞ղ է միոմայի պատճառ լինել: Կա՞ն, արդյոք, մեթոդներ՝ խուսափելու վիրահատական միջամտությունից...

ԿԻՆ: Հիվանդություններ
Հղիության ընթացքում սեռական հարաբերությունը ցանկալի չէ (տեսագրություն)
Հղիության ընթացքում սեռական հարաբերությունը ցանկալի չէ (տեսագրություն)

Պացիենտներին հուզող հարցերին պատասխանում է Մոր եւ մանկան առողջության պահպանման գիտահետազոտական կենտրոնի մանկաբարձ-գինեկոլոգ Արմեն Բադալյանը...

Հղիություն, ծննդաբերություն
Արգանդի միջնապատը` անպտղության պատճառ. բուժման արդիական մոտեցումները. nairimed.com
Արգանդի միջնապատը` անպտղության պատճառ. բուժման արդիական մոտեցումները. nairimed.com

Արգանդի միջնապատը (Ամերիկյան պտղաբերության դասակարգում, class V) ամենատարածված բնածին արգանդի անոմալիան է, որը կազմում է Մյուլերյան ծորանի անոմալիաների մոտավորապես 55% -ը...

Անպտղություն ԿԻՆ: Անպտղություն
Հետազոտություններ հղիության ընթացքում. tsnndatun.am
Հետազոտություններ հղիության ընթացքում. tsnndatun.am

Հղիության ընթացքում հնարավոր շեղումների  վաղ հայտնաբերման, հնարավոր բարդությունների կանխարգելման  և բուժման նպատակով  անհրաժեշտ է կատարել ընթացիկ հետազոտություններ...

Հղիություն, ծննդաբերություն
Արգանդի միոմայի վիրահատությունը՝ սկզբից մինչեւ վերջ. erebunimed.com
Արգանդի միոմայի վիրահատությունը՝ սկզբից մինչեւ վերջ. erebunimed.com

Ներանոթային վիրաբույժ Արսեն Ծատուրյանը հենց վիրահատության ընթացքում ներկայացնում է` ինչպես է կատարվում բժշկության մեջ առավել նոր` էմբոլիզացիայի եղանակը: Այս միջամտությամբ հնարավոր է առանց կտրվածքների, ներանոթային ճանապարհով...

Ուռուցքաբանություն Վիրաբուժություն
Վարիկոզը հղիության ժամանակ. tsnndatun.am
Վարիկոզը հղիության ժամանակ. tsnndatun.am

Հաճախ երակների վարիկոզ լայնացումն առաջին անգամ արտահայտվում է հենց հղիության ժամանակ. աճող արգանդը ճնշում է կոնքի անոթներին, որն էլ վատացնում է ստորին վերջույթների արյան շրջանառությունը: Բացի դա, հորմոնալ ֆոնի փոփոխության...

Հղիություն, ծննդաբերություն Սրտանոթաբանություն
Հղիություն. 10-րդ շաբաթ. tsnndatun.am
Հղիություն. 10-րդ շաբաթ. tsnndatun.am

Եթե  դեռ չեք գրանցվել գինեկոլոգի մոտ հղիության կապակցությամբ, ապա շտապեք: Ովքեր ծանր են տարել առաջին եռամսյակը, ուրախ լուր ունեն՝ 2 շաբաթ հետո կանցնի տոքսիկոզը, կդադարի առավոտյան սրտխառնոցը և հղիի ընդհանուր վիճակը կբարելավվի...

Հղիություն, ծննդաբերություն Հղիությունը շաբաթներով՝ ըստ ամիսների
Կեսարյան հատում, հաճախ տրվող հարցերին պատասխանում է Կարեն Կուտոյանը. tsnndatun.am
Կեսարյան հատում, հաճախ տրվող հարցերին պատասխանում է Կարեն Կուտոյանը. tsnndatun.am

1.  Ի՞նչ է կեսարյան հատումը։

Կեսարյան հատումը մանկաբարձական վիրահատություն է, որի ընթացքում պտուղն ու ընկերքն արգանդից...

Վիրաբուժություն
Հղիություն. 9-րդ շաբաթ. tsnndatun.am
Հղիություն. 9-րդ շաբաթ. tsnndatun.am

Հղիության մանկաբարձական ժամկետը 9-ը շաբաթ է, իսկ դա նշանակում է, որը բժիշկը կարող է Ձեզ ուղարկել հետազոտության՝ տոքսոպլազմոզի, ցիտոմեգալովիրուսի և կարմրախտի  կապակցությամբ...

Հղիություն, ծննդաբերություն Հղիությունը շաբաթներով՝ ըստ ամիսների
Փորկապությունը հղիության ժամանակ. tsnndatun.am
Փորկապությունը հղիության ժամանակ. tsnndatun.am

Հղիության տարբեր շրջաններում հղիները հաճախ գանգատվում են փորկապությունից: Դրա պատճառը  պրոգեստերոն հորմոնն է, որը թուլացնում է ամբողջ օրգանիզմի, այդ թվում նաև աղիների հարթ մկանները: Սնունդը դանդաղ է շարժվում աղիներով...

Հղիություն, ծննդաբերություն
Հղիություն. ութերորդ շաբաթ. tsnndatun.am
Հղիություն. ութերորդ շաբաթ. tsnndatun.am

Այստեղ դուք կիմանաք, թե ի՞նչ է պետք անել 8-րդ շաբաթում, ե՞րբ խոսել հղիության մասին գործընկերների, ծանոթների հետ, ինչպե՞ս ընտրել կանանց կոնսուլտացիան, որքանո՞վ է կարևոր իմանալ ռեզուս-գործոնի մասին...

Հղիություն, ծննդաբերություն Հղիությունը շաբաթներով՝ ըստ ամիսների
Հղիության տոքսիկոզ. tsnndatun.am
Հղիության տոքսիկոզ. tsnndatun.am

Վաղ տօքսիկոզի ամենատարածված ախտանիշը սրտխառնոցն է՝ քիչ արտահայտվածից մինչև խիստ արտահայտված: Հաջորդն՝ արթնանալուց անմիջապես հետո գլխապտույտը: Դրա համար անհրաժեշտ է մահճակալի կողքին...

Հղիություն, ծննդաբերություն
Առաջին բուժօգնությունը ծննդաբերության ժամանակ. Արմենուհի Ավետյան. armeniamedicalcenter.am
Առաջին բուժօգնությունը ծննդաբերության ժամանակ. Արմենուհի Ավետյան. armeniamedicalcenter.am

Կանանց կոնսուլտացիայում բոլոր հղիներին հաշվառում են, հաշվարկվում է նրանց հղիության ժամկետը և զգուշացնում ծննդաբերության մոտավոր ժամկետի մասին: Հղիները տեղեկացվում են, թե ինչ կլինիկական վիճակի...

Առաջին նախաբժշկական օգնություն

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ