Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ուռուցքաբանություն

Արգանդի վզիկի քաղցկեղ

Հայաստանում տարեկան բազմաթիվ կանայք մահանում են արգանդի վզիկի քաղցկեղից։ Մահվան յուրաքանչյուր դեպք ինքնին ցավալի է, բայց այս դեպքում կրկնակի ցավալի է, քանի որ այն կարելի էր կանխել։


Արգանդի վզիկի քաղցկեղն իր տարածվածությամբ չարորակ նորագոյացությունների շարքում գրավում է երկրորդ տեղը։ Սակայն, ի տարբերություն քաղցկեղի մյուս տեսակների, այս ձևը կարելի է կանխել հատուկ հետազոտման և արդյունավետ բուժման միջոցներով: Այդ հետազոտությունը, որը կոչվում է «ՊԱՊ» քսուք, հնարավորություն է տալիս արգանդի վզիկի լորձաթաղանթում առկա վտանգավոր փոփոխությունը հայտնաբերել մինչև դրա քաղցկեղի վերածվելը։


Զարգացած երկրներում քաղցկեղի այս տեսակը հազվադեպ է հանդիպում, քանի որ այնտեղ կանանց մեծամասնությունը կանոնավոր ենթարկվում է «ՊԱՊ» քսուքի քննության, և արգանդի վզիկի փոփոխությունները հայտնաբերվում են վաղ շրջանում` երբ հիվանդությունը միանգամայն բուժելի է։ Ցավոք սրտի, Հայաստանում արգանդի վզիկի քաղցկեղով հիվանդացության և մահացության մակարդակը տագնապալի է, որովհետև կանայք հիմնականում չեն ենթարկվում այդ կարևոր կանխարգելիչ քննությանը։


Ավանդույթի համաձայն, հայ կինն իրեն ամբողջովին նվիրելով ընտանիքին` պատշաճ ուշադրություն չի դարձնում սեփական առողջությանը։ Շատ հաճախ նա բժշկի է դիմում, երբ հիվանդությունն այլևս շատ դժվար է հաղթահարել ու բուժել։ Մինչդեռ, եթե ձեզ մոտ քաղցկեղ ախտորոշվի, ապա միայն դուք չէ, որ կկրեք դրա հետևանքների ծանրությունը։ Հիվանդությունն անդառնալի հետևանքներ կթողնի ձեր ընտանիքի` ամուսնու, երեխաների, ծնողների վրա, անավարտ կթողնի ձեր երազանքներն ու նպատակները։ Դա նաև ֆինանսական ծանր բեռ կդառնա ձեր ընտանիքի համար։ Ելնելով այս ամենից, այսօր, առավել քան երբևէ, խիստ կարևոր է, որ յուրաքանչյուր կին իմանա, թե ինչպես կարող է իրեն պաշտպանել արգանդի վզիկի քաղցկեղից։


Սիրելի կանայք, անպայման ենթարկվեք «ՊԱՊ» քսուքի քննության, հետազոտվեք կանոնավոր կերպով, հետևեք բժիշկների խորհուրդներին` արեք դա հանուն ձեր առողջության, հանուն ձեր ընտանիքի և սիրելիների։


Եկեք խոսենք այն մասին, թե ինչ է արգանդի վզիկի քաղցկեղը։
Յուրաքանչյուր առողջ օրգանիզմում բջիջներն աճում և բազմանում են, առաջացնելով նոր` երիտասարդ բջիջներ։ Երբ բջիջը ծերանում ու մահանում է, նրան փոխարինում է նորը։ Երբեմն փոխարինման այդ գործընթացը խախտվում է` նոր բջիջներ են առաջանում, երբ օրգանիզմը դրա կարիքը չունի, իսկ հին բջիջներն էլ դեռ շատ չեն ծերացել ու չեն մահանում։ Այս ավելորդ բջիջների կույտը կոչվում է ուռուցք (նկար 1)։


Նկար 1

Ուռուցքները լինում են բարորակ և չարորակ։ Բարորակ ուռուցքները կյանքի համար վտանգավոր չեն. դրանք արագ չեն աճում և չեն տարածվում։ Չարորակ ուռուցքներն այլ կերպ անվանում են քաղցկեղ, որոնց բջիջները կարող են տարածվել շրջակա հյուսվածքներում և քայքայել դրանք, ինչպես նաև թափանցել մարմնի այլ մասեր։


Արգանդի վզիկը դրա ստորին, նեղացած հատվածն է (նկար 2)։ Վզիկի վրա կան բջիջներ, որոնց հետազոտմամբ հնարավոր է նախաքաղցկեղն ու քաղցկեղը վաղ հայտնաբերել։


Արգանդի վզիկի քաղցկեղը սովորաբար շատ դանդաղ է զարգանում։ Նախքան քաղցկեղի առաջանալը, վզիկի վրա տեղի են ունենում որոշ ախտաբանական փոփոխություններ, որոնց պատճառով ոչ նորմալ բջիջներ են հայտնվում։ Դրանք հետագայում վերածվում են քաղցկեղային բջիջների և սկսում են աճել ու տարածվել։ ժամանակակից բժշկության շնորհիվ քաղցկեղի այս տեսակը կարող է կանխվել նախաքաղցկեղի վաղ հայտնաբերման ու բուժման միջոցով։


  Նկար 2

Հաճախ հարցնում են, թե արժե՞ հետազոտվել, եթե որևէ գանգատ չունեք


Շատ կանանց մոտ կարող է լինել արգանդի վզիկի նախաքաղցկեղ կամ քաղցկեղ, որի մասին նրանք չիմանան, քանի որ սկզբնական շրջանում ախտանշաններ չեն լինում։ Այդ պատճառով շատ կարևոր է, որ կանայք կանոնավոր հետազոտվեն, նույնիսկ եթե ոչ մի գանգատ չունեն։
Արգանդի վզիկի քաղցկեղը վաղ շրջանում կարելի է բուժել, մինչդեռ ուշ հայտնաբերման դեպքում այն դառնում է անբուժելի` ցավալիորեն մահացու ելքով։


Որոնք են արգանդի վզիկի քաղցկեղի առաջացման վտանգի գործոնները


Առավել հաճախ արգանդի վզիկի քաղցկեղ առաջանում է այն կանանց մոտ, ովքեր.

 

  • սեռական կյանքը սկսել են վաղ տարիքում (մինչև 18 տարեկանը),
  • ունեն սեռական շատ զուգընկերներ,
  • ունեն սեռավարակներ, մասնավորապես, այսպես կոչված` «մարդու պապիլոմավիրուս»,
  • ունեցել են հինգից ավելի հղիություն,
  • ծխում են։


Ինչպես կանխել արգանդի վզիկի քաղցկեղի առաջացումը
«ՊԱՊ» քսուքի հետազոտությունը լավագույն միջոց է, որի շնորհիվ կարելի է կանխել քաղցկեղի առաջացումը։
Սկսած 25 տարեկանից` առողջ կանայք առնվազն 3 տարին մեկ անգամ պետք է անցնեն «ՊԱՊ» քսուքի հետազոտություն։
Ելնելով հետազոտության արդյունքներից` բժիշկը կարող է առաջարկել այլ հաճախականության հետազոտություններ։

Ինչ է «ՊԱՊ» քսուքը


«ՊԱՊ» քսուքը լաբորատոր հետազոտություն է, որի միջոցով հնարավոր է արգանդի վզիկի լորձաթաղանթի բջիջներում շեղումներ հայտնաբերել դեռևս նախնական, նախաքաղցկեղային փուլում` մինչև դրանց քաղցկեղի վերածվելը։ Այս հետազոտությունը միանգամայն անցավ է և տևում է 3-4 րոպե։ Բժիշկը հատուկ խոզանակի միջոցով արգանդի վզիկից բջիջներ է վերցնում և դրանք տեղադրում առարկայական ապակու վրա։ Հետագայում այն մշակվում է և հետազոտվում մանրադիտակով։ Հետազոտության պատասխանը ստացվում է երկու կամ երեք շաբաթ անց։ Բժիշկը կասի, թե երբ և ինչպես պետք է ստանալ հետազոտության պատասխանը։


Եթե հետազոտության արդյունքը «նորմալ» կամ «բացասական» է, դա նշանակում է, որ ոչ նորմալ բջիջներ չեն հայտնաբերվել։ Կախված հետազոտության արդյունքից` բժիշկը կորոշի ձեր հետագա հետազոտությունների հաճախականությունը և ժամանակը։ Եթե հետազոտության արդյունքը «ոչ նորմալ» կամ «դրական» է, նշանակում է, որ բջիջներում շեղումներ են հայտնաբերվել։ Պատասխանի հավաստիությունը պարզելու համար բժիշկը կարող է նշանակել ևս մեկ հետազոտություն կամ այլ քննություններ։


«Ոչ նորմալ» կամ «դրական» պատասխանը դեռևս չի խոսում արգանդի վզիկի քաղցկեղի առկայության մասին, սակայն շատ կարևոր է, որ շարունակեք հետազոտվել և համապատասխան բուժում ստանալ։

Բուժումը պայմանավորված է հայտնաբերված շեղումների աստիճանով։ Աննշան շեղումները կարող են անգամ ինքնուրույն անցնել։ Սակայն այս դեպքում «ՊԱՊ» քսուքի քննությունը պետք է կրկնվի 3-6 ամիս անց։


Առավել արտահայտված շեղումների դեպքում բուժումը պարտադիր է, որի նպատակը ոչ նորմալ բջիջների ոչնչացումն է։ Այն կարող է կատարվել էլեկտրակոագուլացիայի, գերսառեցման կամ վիրահատական միջամտությամբ։ Շատ կարևոր է բուժումից 3-6 ամիս անց կրկին հետազոտվելը։


Նման բուժումը լիովին արդյունավետ է։ Չբուժվելու դեպքում այս շեղումների գրեթե 50%-ը կարող է վերածվել քաղցկեղի։

«Պապ» քսուքի քննությունը կատարվում է մարզային, ինչպես նաև Երևան քաղաքի գրեթե բոլոր պոլիկլինիկաներում։ Այս շատ կարևոր կանխարգելիչ քննությունը անցնելու համար հարկ կլինի ծախսել ժամանակ և ջանքեր, որը միգուցե կնախընտրեիք օգտագործել այլ նպատակներով, հատկապես, երբ ձեզ միանգամայն լավ եք զգում։ Սակայն հիշեք, որ ավելի մեծ զրկանքներից խուսափելու համար անհրաժեշտ է ունենալ բարյացակամ վերաբերմունք սեփական անձի նկատմամբ։
Գարնանային ամենագեղեցիկ ծաղիկներից մեկը` նարգիզը աշխարհում հայտնի է որպես քաղցկեղից զերծ մնալու խորհրդանիշ։ Ուրեմն, սիրելիներս, ամեն գարնան, երբ կբացվեն ձեր շրջապատի նարգիզները, հիշեք և հոգացեք ձեր և ձեզ շրջապատող կանանց առողջության մասին։

Գարնանային ամենագեղեցիկ ծաղիկներից մեկը` նարգիզը աշխարհում հայտնի է որպես քաղցկեղից զերծ մնալու խորհրդանիշ։ Ուրեմն, սիրելիներս, ամեն գարնան, երբ կբացվեն ձեր շրջապատի նարգիզները, հիշեք և հոգացեք ձեր և ձեզ շրջապատող կանանց առողջության մասին։

Հեղինակ. Գայանե ԱՎԱԳՅԱՆ մանկաբարձ-գինեկոլոգ, բժշկական գիտությունների դոկտոր
Սկզբնաղբյուր. Առողջապահություն 01.2009
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

Ինֆուզիոն պորտ համակարգի նշանակությունը քիմիաթերապիայի բուժման գործընթացում. oncology.am
Ինֆուզիոն պորտ համակարգի նշանակությունը քիմիաթերապիայի բուժման գործընթացում. oncology.am

Ներկայումս Ուռուցքաբանության ազգային կենտրոնում գործում է Հանրապետությունում ինֆուզիոն պորտ համակարգի ամենամատչելի տեղադրումը (port-a-cath` պորտակատ), որը կիրառվում է քիմիաթերապիայի դեղերի ներարկման համար...

Բժշկական կազմակերպություններ և կենտրոններ
Էլաստոգրաֆիա. ո°ր դեպքում է կատարվում այս հետազոտությունը, ո°րն է մեթոդի առավելությունը: Մանրամասնում է բժիշկ-սոնոգրաֆիստ Նարինե Կրյուչկյանը. oncology.am
Էլաստոգրաֆիա. ո°ր դեպքում է կատարվում այս հետազոտությունը, ո°րն է մեթոդի առավելությունը: Մանրամասնում է բժիշկ-սոնոգրաֆիստ Նարինե Կրյուչկյանը. oncology.am

–  Ի°նչ է Էլաստոգրաֆիան

–  Էլաստոգրաֆիան ժամանակակից գերձայնային հետազոտություն է, որը հնարավորություն է տալիս ուսումնասիրել հյուսվածքների...

Ախտորոշում
Շագանակագեղձի քաղցկեղ. հիվանդության վաղ հայտնաբերման ու բուժման մեթոդները. մանրամասնում է Վարդան Առաքելյանը. oncology.am
Շագանակագեղձի քաղցկեղ. հիվանդության վաղ հայտնաբերման ու բուժման մեթոդները. մանրամասնում է Վարդան Առաքելյանը. oncology.am

Ի՞նչ է իրենից ներկայացնում շագանակագեղձի քաղցկեղը, ինչպե՞ս է դրսևորվում, և ի՞նչ բուժում է ենթադրում...

Ուրո-անդրոլոգիա
Որո՞ նք են թվային մամոգրաֆիայի հիմնական առավելությունները. oncology.am
Որո՞ նք են թվային մամոգրաֆիայի հիմնական առավելությունները. oncology.am

Ուռուցքաբանության ազգային կենտրոնում իրականացվում է կրծքագեղձի հետազոտություն նոր թվային մամոգրաֆով եւ տոմոսինթեզով՝ HOLOGIC Selenia Dimensions, Digital mammography system, Digital Tomosynthesis system...

Ախտորոշում Բժշկական կազմակերպություններ և կենտրոններ
ԿԼԻՆԻԿԱԿԱՆ ՈՒՂԵՑՈՒՅՑՆԵՐ ԵՎ ՎԱՐՄԱՆ ԳՈՐԾԵԼԱԿԱՐԳ. կոլոռեկտալ քաղցկեղ. oncology.am
ԿԼԻՆԻԿԱԿԱՆ ՈՒՂԵՑՈՒՅՑՆԵՐ ԵՎ ՎԱՐՄԱՆ ԳՈՐԾԵԼԱԿԱՐԳ. կոլոռեկտալ քաղցկեղ. oncology.am

Կոլոռեկտալ քաղցկեղով պացիենտների վարման համար մշակված ուղեցույցները հաստատվել են առողջապահության նախարարության կողմից...

ԿԼԻՆԻԿԱԿԱՆ ՈՒՂԵՑՈՒՅՑՆԵՐ ԵՎ ՎԱՐՄԱՆ ԳՈՐԾԵԼԱԿԱՐԳ. մանկական ուռուցքաբանություն. oncology.am
ԿԼԻՆԻԿԱԿԱՆ ՈՒՂԵՑՈՒՅՑՆԵՐ ԵՎ ՎԱՐՄԱՆ ԳՈՐԾԵԼԱԿԱՐԳ. մանկական ուռուցքաբանություն. oncology.am

Վ.Ա. Ֆանարջյանի անվան ուռուցքանության կենտրոնի մանկական բաժանմունքի մասնագետների կողմից մշակվել և առողջապահության նախարարության կողմից հաստատվել են ուղեցույցներ...

ԿԼԻՆԻԿԱԿԱՆ ՈՒՂԵՑՈՒՅՑՆԵՐ ԵՎ ՎԱՐՄԱՆ ԳՈՐԾԵԼԱԿԱՐԳ. կրծքագեղձի քաղցկեղ. oncology.am
ԿԼԻՆԻԿԱԿԱՆ ՈՒՂԵՑՈՒՅՑՆԵՐ ԵՎ ՎԱՐՄԱՆ ԳՈՐԾԵԼԱԿԱՐԳ. կրծքագեղձի քաղցկեղ. oncology.am

Վ.Ա. Ֆանարջյանի անվան ուռուցքաբանության ազգային կենտրոնում մշակվել և ՀՀ առողջապահության նախարարության կողմից հաստատվել են կլինիկական ուղեցույցներ...

Արտալյարդային լեղուղիների քաղցկեղ. oncology.am
Արտալյարդային լեղուղիների քաղցկեղ. oncology.am

Արտալյարդային լեղուղիների քաղցկեղը երկար ժամանակ կարող է ընթանալ անախտանիշ: Դա բավականին հազվադեպ հիվանդություն է, որը հանդիպում է չարորակ ուռուցքով հիվանդների 1%-ի մոտ: Ուռուցքը...

Գաստրոէնտերոլոգիա և լյարդաբանություն
Կոկորդի քաղցկեղ. oncology.am
Կոկորդի քաղցկեղ. oncology.am

Կոկորդի քաղցկեղի առաջացման պատճառներն են՝ ծխախոտի և ալկոհոլի չարաշահումը: Կոկորդի քաղցկեղը ծանր հիվանդություն է, որը բնորոշվում է կոկորդի հյուսվածքներից չարորակ գոյացությունների առաջացմամբ...

Քիթ-կոկորդ-ականջ հիվանդություններ
Ենթաստամոքսային գեղձի քաղցկեղի կանխարգելումը. oncology.am
Ենթաստամոքսային գեղձի քաղցկեղի կանխարգելումը. oncology.am

Համաձայն Քաղցկեղի ամերիկյան միության վերջին գնահատականի՝ ԱՄՆ-ում 2009 թվականին գրանցվել է...

Հարցազրույց Ուռուցքաբանության ազգային կենտրոնի բ.գ.թ. բժիշկ-սոնոգրաֆիստ Լ. Շաքարյանի հետ. oncology.am
Հարցազրույց Ուռուցքաբանության ազգային կենտրոնի բ.գ.թ. բժիշկ-սոնոգրաֆիստ Լ. Շաքարյանի հետ. oncology.am

Ի՞նչ է իրենից ներկայացնում գերձայնային հետազոտությունը կամ սոնոգրաֆիան...

Ախտորոշում Բժշկի ընդունարանում
Հաստ աղիքի պոլիպները և բարորակ ուռուցքները. izmirlianmedicalcenter.com
Հաստ աղիքի պոլիպները և բարորակ ուռուցքները. izmirlianmedicalcenter.com

Պոլիպը լորձաթաղանթի մակարդակից վեր գեղձային էպիթելի ծավալվելն է լայն սնկանման կամ ճյուղավորված նեղ ոտիկի, երբեմն էլ լայն հիմքի վրա...

Գաստրոէնտերոլոգիա և լյարդաբանություն
Քիմիաթերապիային վերաբերող հարցերին պատասխանում է ՀՀ ԱՆ գլխավոր քիմիաթերապևտ Հասմիկ Պետրոսյանը. oncology.am
Քիմիաթերապիային վերաբերող հարցերին պատասխանում է ՀՀ ԱՆ գլխավոր քիմիաթերապևտ Հասմիկ Պետրոսյանը. oncology.am

Ուռուցքային հիվանդությունների բուժման եղանակներից մեկի՝ քիմիաթերապիային վերաբերող հարցերին պատասխանում է Ուռուցքաբանության ազգային կենտրոնի ուռուցքաբան, ՀՀ ԱՆ գլխավոր քիմիաթերապևտ...

Բժշկի ընդունարանում
Նախաքաղցկեղային հիվանդություն. oncology.am
Նախաքաղցկեղային հիվանդություն. oncology.am

Ժամանակակից բժշկության մեջ քաղցկեղի դեմ պայքարը հիմնված է ինչպես նախաքաղցկեղային, այնպես էլ ուռուցքային գործընթացի վաղ ձևերի կանխարգելման,  ժամանակին հայտնաբերման և բուժման վրա...

Սարկոմա. ճշմարտությունը հազվադեպ եվ վտանգավոր հիվանդության մասին. oncology.am
Սարկոմա. ճշմարտությունը հազվադեպ եվ վտանգավոր հիվանդության մասին. oncology.am

Ի՞նչ է սարկոման. Սարկոման չարորակ նորագոյացությունների բավականին մեծ խումբ է, որոնք ձևավորվում են շարակցական հյուսվածքի բջիջներից: Սարկոման կարող է առաջանալ ոսկրային հյուսվածքում (օստեոսարկոմա)...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ