Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Քիթ-կոկորդ-ականջ հիվանդություններ

Քնի օբստրուկտիվ ապնոէ. izmirlianmedicalcenter.com

Քնի օբստրուկտիվ ապնոէ. izmirlianmedicalcenter.com

«Իզմիրլյան» բժշկական կենտրոնի քնի լաբորատորիայում թոքաբան Մ.Ա. Պետրոսյանի կողմից կատարվում է քնի ընթացքում շնչառական խանգարումների ախտորոշում և բուժում: Քնի ընթացքում տեղի ունեցող շնչառական խանգարումների ամենածանր և հաճախ հանդիպող ձևը քնի օբստրուկտիվ ապնոէ համախտանիշն է:

Մարդն իր կյանքի մեկ երրորդն անց է կացնում քնած վիճակում, ուստի նրա առողջական վիճակը քնի ընթացքում չափազանց կարևոր է: Կան հիվանդություններ, որոնք ի հայտ են գալիս միայն քնած ժամանակ: Այդ հիվանդություններից ամենատարածվածը  շնչառություն խանգարումներն են, իսկ այդ խանգարումների ամենավտանգավոր ձևը` քնի օբստրուկտիվ ապնոէն: Այդ հիվանդության անվանումը կարող է անծանոթ լինել, սակայն երևույթը ծանոթ է  բոլորին, քանի որ նրա ցայտուն ախտանիշը` խռմթոցը, լսել են գրեթե բոլորը: Խռմփոցը հայտնի է մարդկությանը վաղեմի ժամանակներից, նկարագրված է Աստվածաշնչում, դասական գրականության մեջ, ինչպես օրինակ, Դիկենսի պատմվածքում և Շեքսպիրի դրամայում: Սակայն դասական բժշկությունը  խռմփոցը հայտնաբերել է որպես հիվանդության ախտանիշ միայն 20-րդ դարի 60-ական թվականներին: Այդ ժամանակ էլ հիմնադրվել է բժշկության մի նոր ասպարեզ` քնի բժշկությունը, որն արագ տեմպերով զարգանում է: Վերջին տարիների ընթացքում այդ ասպարեզում կատարվել է հեղափոխական հայտնագործություն. պարզվել է, որ առողջ քունը կենսապես կարևոր է առողջության համար և քնի խանգարումները հանգեցնում են լուրջ հետևանքների, մասնավորապես, սիրտ-անոթային հիվանդությունների, նյութափոխանակության և հոգեկան խանգարումների: Գիտնականներն այդ տեսակետին են հանգել՝ ուսումնասիրելով շնչառության խանգարումները քնի ընթացքում: Ինչպես արդեն նշվեց, խռմփոցն այդ խանգարումների ամենացայտուն և հեշտ հայտնաբերվող նշանն  է: Այն առաջանում է վերին շնչուղիների նեղացման և լիակատար խցանման` օբստրուկցիայի հետևանքով:

Վերին շնչուղիների խցանումը բերում է շնչառության դադարի, ինչը բժշկական տերմինով կոչվում է ապնոէ: Ահա թե ինչ է կատարվում քնած մարդու հետ. քուն մտնելուն պես վերին շնչուղիները նեղանում են և ամբողջությամբ փակվում, արյան մեջ նվազում է O2-ի և բարձրանում CO2-ի մակարդակը, ինչն ուղեղի կողմից գնահատվում է որպես ծայրահեղ կրիտիկական վիճակ, որի հետևանքով մարդը բարձր խռմփոցով արթնանում է, խորը և արագ շնչում, վերականգնելով O2-ի և CO2-ի մակարդակն արյան մեջ: Այնուհետև՝ նորից քնում է: Սակայն, բավական է որ մարդը քնի, վերին շնչուղիները դարձյալ խցանվում են, շնչառությունը դադարում է և նկարագրված երևույթները կրկնվում են: Այդպես կարող է տեղի ունենալ 300-500 անգամ մեկ գիշերվա ընթացքում: Սովորաբար հիվանդի կողակիցը շատ պատկերավոր նկարագրում է կրկնվող շնչադադարները: Նա նշում է. մի քանի վարկյանների ընթացքում, երբեմն նույնիսկ մեկ րոպեից ավելի, շնչառությունը դադարում է, լռություն է տիրում, սակայն որովայնի և կրծքավանդակի մկանները շարունակում են շարժվել: Շատ անգամ այդ լռությունը և շնչառության դադարը վախ և տագնապ է առաջացնում կողակցի մոտ` ոմանք ստուգում են պուլսը, ոմանք՝ հրում և արդնացնում են, որ նա շունչ քաշի:

Ընդհանրապես, շնչադադարը երկար չի տևում, այլապես մարդը շնչահեղձ կլինի: Մարդու ուղեղը գնահատում է շնչադադարը որպես ծայրահեղ վիճակ, տեղի է ունենում արթնացում,  մարդը բարձր խռմփոցով արթնանում է, խորը և արագ շնչում, ու նորից քուն մտնում: Այդ արթնացումները տևում են շատ կարճ և կարող են չգիտակցվել մարդու կողմից: Դա ուղեղի պաշտպանողական ռեակցիան է, որի նպատակն է փրկել մարդուն շնչահեղձությունից: Սակայն շնչառության դադարների պատճառով առաջացած արթնացումները՝ բացի պաշտպանողական ֆունկցիայից, ունեն նաև բացասական հետևանքներ: Պարզվում է, որ քունն ունի յուրահատուկ կառուցվածք, և առողջ քնի համար բնորոշ է քնի 5 փուլերի կանոնավոր հաջորդականությունը: Շնչառական դադարների պատճառով առաջացած արթնացումները խաթարում են քնի նորմալ կառուցվածքը, ինչը հանգեցնում է բազմազան բարդությունների, որոնցից ամենացայտունը ցերեկային քնկոտությունն է:

Այսպիսով, քնի օբստրուկտիվ ապնոէն հիվանդություն է, որի ժամանակ երկու կենսական ֆունկցիաները` քունը և շնչառությունը, դառնում են անհամատեղելի. բավական է մարդը քնի, և նա չի կարողանում նորմալ շնչել: Ի հետևանք, քունը, որը տրված է մարդուն հանգստանալու համար, վեր է ածվում պայքարի՝ շնչելու համար: Արդյունքում մարդն արթնանում է հոգնած, գլխացավով, բերանի չորությամբ, զարկերակային բարձր ճնշումով: Ցերեկվա ժամերին անընդհատ քնելու ցանկություն է առաջանում, քնում է մարդկանց շրջապատում, աշխատանքի վայրում, ավտոմեքենայի ղեկին: Ցերեկային չափազանց արտահայտված քնկոտության հետ մեկտեղ, գիշերային շնչադադարներին բնորոշ են բազում նշաններ, որոնք ո՛չ հիվանդը, հաճախ նաև զննող բժիշկը չեն կապում քնի խանգարումների հետ: Այդ ախտանիշներն են` զարկերակային հիպերտենզիան (որը կարող է կայուն լինել ճնշում իջեցնող դեղերի նկատմամբ), մետաբոլիկ խանգարումները, 2-րդ տիպի շաքարային դիաբետը, ճարպակալումը, գիշերային հաճախամիզությունը, հիշողության և կենտրոնանալու ունակության նվազումը, տրամադրության անկումը, սեռական խանգարումները:

Վերջին 2-3 տասնամյակում տարբեր երկրներում կատարված լայնածավալ գիտական հետազոտությունների արդյունքում պարզվել է, որ գիշերային շնչադադարները` չբուժելու դեպքում, կարող են հանգեցնել սրտամկանի, ուղեղի կաթվածի, շաքարային դիաբետի, դեպրեսիաների, ճարպակալման, սեռական ցանկությունների և ունակությունների նվազման, ճանապարհատրանսպորտային պատահարների: Չբուժված քնի անոէն ծանր բեռ է հասարակության և մարդու համար, քանի որ բարձրացնում է հիվանդացության և մահացության մակարդակը, նվազեցնում կյանքի որակը:

Այսպիսով, խռմփոցը, որը մեզանում դիտարկվում է որպես անմեղ երևույթ, շատ անգամ նաև՝ կատակի առարկա, ոչ այլ ինչ է, քան լուրջ հիվանդության նշան և  օրգանիզմի ահազանգ՝ օգնություն հայցելու:

Բնականաբար, հարց է ծագում, թե ինչն է նպաստում ապնոէի զարգացմանը: Այդ գործոնները բազմազան են և շատ անգամ մնում են անհայտ: Ամենակարևոր նպաստող գործոններից են՝ ավելորդ քաշը, վերին շնչուղիների նեղ լինելը, դիմածնոտային խնդիրները, շնչառության կենտրոնական կառավարման խանգարումները, վերին շնչուղիների մկանների տոնուսի նվազումը, նյարդամկանային և հորմոնալ խանգարումները և այլն: Շատ անգամ նույնիսկ դժվար է պարզել մեկ  պատճառ, քանի որ, սովորաբար, հիվանդության զարգացման մեջ դեր են խաղում մի քանի գործոն:

Այսպիսով, ներկայացվեց մի հիվանդություն, որը կոչվում է քնի օբստրուկտիվ ապնոէ, որն արտահայտվում է բազում երևույթներով, որոնցից ամենացայտունը խռմփոցն է: Ժամանակակից բժշկությունը խստագույնս պարտադրում է ժամանակին ախտորոշել և բուժել ապնոէն, քանի որ չբուժվելու դեպքում այն հանգեցնում է լուրջ բարդությունների:

Այս պատմության մեջ ուրախալին այն է, որ ապնոէն կարելի է ո՛չ միայն ենթադրել, այլ ստույգ ախտորոշել և արդյունավետ բուժել: Քնի օբստրուկտիվ ապնոէի բուժումը պարգևում է մարդուն լիարժեք քուն և շնչառություն, կանխում կյանքին վտանգ սպառնացող բարդությունների զարգացումը և բարձրացնում մարդու կյանքի որակը:

Բժիշկ-թոքաբան, քնի ընթացքում շնչառության խանգարումների մասնագետ,  քնի լաբորատորիայի ղեկավար, բ.գ.թ., Մարինե Ալբերտի Պետրոսյան
«Իզմիրլյան» բժշկական կենտրոն
Հեռախոս. +374 93 34 35 59
e-mail: info@sleeplab.am
www.sleeplab.am

Սկզբնաղբյուր. izmirlianmedicalcenter.com
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Քթի պլաստիկ վիրահատություն նորագույն մեթոդով. հարցազրույց Հայկ Ենոքյանի հետ. nairimed.com
Քթի պլաստիկ վիրահատություն նորագույն մեթոդով. հարցազրույց Հայկ Ենոքյանի հետ. nairimed.com

«Նաիրի» բժշկական կենտրոնի պլաստիկ և դիմածնոտային վիրաբուժության բաժանմունքը ձեռք է բերել ուլտրաձայնային ժամանակակից սարք` PIEZO, որի օգնությամբ հնարավոր է կատարել քթի ոսկրերի մշակում` առանց վնասվածք պատճառելու (ոսկրի մշակում ուլտրաձայնի միջոցով)...

Բժշկի ընդունարանում Պլաստիկ վիրաբուժություն
Լսողական սարքերի կիրառումը լսողության թուլության ժամանակ. հաճախ տրվող հարցերին պատասխանում է քիթ-կոկորդ-ականջաբան Գարեգին Միրաքյանը. armeniamedicalcenter.am
Լսողական սարքերի կիրառումը լսողության թուլության ժամանակ. հաճախ տրվող հարցերին պատասխանում է քիթ-կոկորդ-ականջաբան Գարեգին Միրաքյանը. armeniamedicalcenter.am

1.  Ի՞նչ է լսողության կորուստը և ե՞րբ է այն դիտվում որպես ախտաբանություն:

Լսողության կորուստը դա այն իրավիճակն է, երբ մարդը այս կամ այն չափով դժվարանում է ընկալել շրջակա ձայները...

Բժշկի ընդունարանում
Ձայնի վերականգնումը կոկորդի հեռացումից հետո. հաճախ տրվող հարցեր. izmirlianmedicalcenter.com
Ձայնի վերականգնումը կոկորդի հեռացումից հետո. հաճախ տրվող հարցեր. izmirlianmedicalcenter.com

1.  Որո՞նք են այն հիվանդությունները, որ բերում են կոկորդի հետ կապված խնդիրների:

Կոկորդի հետ կապված խնդիրների բերող հիվանդություններից են լարինգիտները, ֆարինգիտները, կոկորդի հետին պատի և...

Լսողությունը բարելավող բնական միջոցներ
Լսողությունը բարելավող բնական միջոցներ

Լսողությունը տարբեր պատճառներով կարող է թուլանալ, օրինակ` մրսածության, հարբուխի հետևանքով: Պատահում է, որ անբավարար հիգիենայի հետևանքով է առաջանում ծանր լսողություն: Սակայն կա բնական...

Ավանդական բուժման մեթոդներ և միջոցներ
Միրինգոպլաստիկայի նոր մեթոդ` Արմենիա ՀԲԿ-ում. armeniamedicalcenter.am
Միրինգոպլաստիկայի նոր մեթոդ` Արմենիա ՀԲԿ-ում. armeniamedicalcenter.am

«Արմենիա» հանրապետական բժշկական կենտրոնի լսողության վերականգնման բաժնի վարիչ, դոցենտ Գ.Ա. Միրաքյանը եւ բաժանմունքի ՔԿԱ մասնագետ Տ.Մ. Փխրիկյանը 2017 թվականի հունիսի 1-ին Հայաստանի մտավոր սեփականության...

Բժշկի ընդունարանում Բժշկական կազմակերպություններ և կենտրոններ
Ապնոէ. հաճախ տրվող հարցեր. izmirlianmedicalcenter.com
Ապնոէ. հաճախ տրվող հարցեր. izmirlianmedicalcenter.com

1.  Ի՞նչ է խռմփոցը

Խռմփոցը ձայնային ֆենոմեն է, որն առաջանում է քնած ժամանակ, երբ շնչելիս օդի հոսքն անցնում է նեղացած շնչուղիներով...

Քուն, քնի խանգարումներ
Կոկորդի քաղցկեղ. oncology.am
Կոկորդի քաղցկեղ. oncology.am

Կոկորդի քաղցկեղի առաջացման պատճառներն են՝ ծխախոտի և ալկոհոլի չարաշահումը: Կոկորդի քաղցկեղը ծանր հիվանդություն է, որը բնորոշվում է կոկորդի հյուսվածքներից չարորակ գոյացությունների առաջացմամբ...

Ուռուցքաբանություն
Ի՞նչ է պետք է իմանա քթի պլաստիկ վիրահատություն պլանավորող մարդը
Ի՞նչ է պետք է իմանա քթի պլաստիկ վիրահատություն պլանավորող մարդը

Ժամանակակից աշխարհի ռիթմն ու մրցակցությունը պահանջում է անընդհատ կատարելագործվել ու ընդլայնել արդեն ձեռք բերած կարողություններն ու մասնագիտական որակը: Բժշկության ոլորտում երբեմն նեղ մասնագետների...

Էսթետիկ բժշկություն Պլաստիկ վիրաբուժություն
Ի՞նչ պատճառներից կարող է ականջաբորբ զարգանալ. պարզաբանում է Վասակ Մելիքսեթյանը. armeniamedicalcenter.am
Ի՞նչ պատճառներից կարող է ականջաբորբ զարգանալ. պարզաբանում է Վասակ Մելիքսեթյանը. armeniamedicalcenter.am

Ականջաբորբին վերաբերող հարցերին պատասխանում է քիթ-կոկորդ-ականջաբան, «Արմենիա» հանրապետական բժշկական կենտրոնի ՔԿԱ կլինիկայի ղեկավար Վասակ Մելիքսեթյանը...

Լոգոպեդական աշխատանքի կազմակերպումը. izmirlianmedicalcenter.com
Լոգոպեդական աշխատանքի կազմակերպումը. izmirlianmedicalcenter.com

Ներկայումս ընդունված է լոգոպեդական աշխատանքի վաղ սկիզբը և երկարատև ժամկետը։ Եթե ինսուլտ տարած հիվանդի հետ աշխատանքը սկսվում է առողջական վիճակի կայունացման առաջին իսկ շաբաթներից կամ առաջին...

Ժողովրդական միջոցներ սինուսիտի դեմ.168.am
Ժողովրդական միջոցներ սինուսիտի դեմ.168.am

Երիցուկով և եղեսպակով ինհալացիաները արդյունավետ միջոց են սինուսիտի դեմ: Եթե քթի խոռոչի բորբոքումները հաճախակի են, ապա երիցուկն ու եղեսպակը խառնեք, թեյ պատրաստեք և դրեք կրակին: Թողեք թեյնիկը մնա կրակին ամբողջ գիշեր...

Ավանդական բուժման մեթոդներ և միջոցներ
Բաղադրատոմս` ազատվելու ականջների խցանումից.168.am
Բաղադրատոմս` ազատվելու ականջների խցանումից.168.am

Fithacker.ru կայքը գրում է, որ ականջները պետք է շատ զգույշ մաքրել։ Ականջները մաքրելու համար նախատեսված փայտիկներն ամենևին էլ անվտանգ միջոց չեն։ Դրանք կարող են ականջի խցանման պատճառ դառնալ։ Այս դեպքում դուք երկու...

Անձնական խնամք
Քթային դժվարաշնչություն. Արթուր Մինասյան. armeniamedicalcenter.am
Քթային դժվարաշնչություն. Արթուր Մինասյան. armeniamedicalcenter.am

Մեր զրուցակիցն է «Արմենիա» ՀԲԿ քիթ-կոկորդ-ականջաբան և քիթ, կոկորդ, ականջ հիվանդությունների բաժանմունքի վարիչ Արթուր Մինասյանը...

Քիմիոնը՝ կոկորդի ցավի դեմ.168.am
Քիմիոնը՝ կոկորդի ցավի դեմ.168.am

Կոկորդի ցավն ու տոնզիլիտը դժվարացնում են կլման գործընթացը: Բազմաթիվ օշարակներ, ցողացիրներ և դեղեր խոստանում են մի քանի օրվա...

Ավանդական բուժման մեթոդներ և միջոցներ
Ռինոլալիա. izmirlianmedicalcenter.com
Ռինոլալիա. izmirlianmedicalcenter.com

Ռնգախոսությունը հունարեն  rinos - քիթ և Lalia –խոսք բառերի միացությունից առաջացած տերմին է: Ռնգախոսություն կոչվում է ձայնի տեմբռի և արտաբերական այն խանգարումը, որն ուղեկցվում է արտաբերական ապարատի...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ