Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Քիթ-կոկորդ-ականջ հիվանդություններ

Անգինա

Անգինա

Անգինան սովորական կոկորդաբոբ չէ, որ կարելի է բուժել միայն ողողումներով: Եթե բժիշկը հաստատի, որ անգինա կա, ապա անկողնային ռեժիմը պարտադիր է գոնե այն ժամանակահատվածի համար, երբ ջերմություն, թուլություն ու կոկորդում ցավի զգացում  ունեք: Հիվանդի սպասքը պարտադիր առանձնացրեք:

 

Հիշեք, որ հիվանդ կոկորդով դժվար է կոշտ սնունդ ուտել, ուստի հեղուկ ուտելիքը խիստ ցանկալի է: Առաջարկվում է առատ  ու տաք ըմպելիք: Առաջին հերթին այն նպաստում է առատ միզարտադրությանը (կնշանակի` նաև խարամների դուրսբերմանը), տաքացնում է կոկորդը` նշագեղձերի մակերեսը,  ուր «բնադրվում» են մեծաքանակ մանրէներ: Սակայն արգելվում են խորը տաքացնող թրջոցները. տաքացման արդյունքում արյան հոսք է կատարվում դեպի նշիկներ, նաև ախտահարված հատվածներ, դրա  հետևանքով վարակի տարածման նոր պայմաններ են ստեղծվում դեպի ողջ օրգանիզմ, ինչի հետևանքով հիվանդի վիճակը ծանրանում է:

 

Ողողումներ կարելի է անել կերակրի սոդայի  լուծույթով,  եղեսպակի, երիցուկի  և նիվենու (էվկալիպտի) տերևների եփուկով: Ողողումները հնարավորինս հաճախ կատարեք` օրական առնվազն 3-4 անգամ, իսկ եթե ավելի կարողանաք` հրաշալի է: Բոլորովին պարտադիր չէ ամեն անգամ ողողելուց առաջ լուծույթը տաքացնել:  Կարելի է պարզապես լուծույթով անոթը կամ բաժակը դնել ջեռոցի կողքը կամ էլ օգտագործել սովորական թերմոս: Լավ կլինի, իհարկե, բուժման տարբեր միջոցներն ընդմիջել ու «շփոթության» մեջ պահել մանրէներին, որպեսզի «չիմանան», թե որտեղից է վտանգը գալիս: Անգինայի ,  ինչպես նաև ցանկացած բորբոքային հիվանդության դեպքում մեծանում են տեղի ավշային հանգույցները:  Բժիշկները բարդ ընթացք ունեցող անգինայի դեպքում նշանակում են հակաբիոտիկներ:

 

Հիշեցնենք, որ անգինան բավական լուրջ հիվանդություն է, այն կարող է բարդանալ և հանգեցնել, ասենք, նշիկների այտուցի, իսկ այդ դեպքում արդեն վիրաբուժական  միջամտության անհրաժեշտություն է առաջանում: Իսկ բարդություններից արժե նշել ռևմատիզմն ու սրտի արատները, արթրիտները, երիկամային ու լեղուղիների հիվանդությունները:

 

Հիշե՛ք. անգինան վարակիչ հիվանդություն է, ուստի հիվանդը պետք է մեկուսացվի:

 

Անգինայի հետևանքներից բարդագույնը համարվում է ռևմատիզմը

 

Անկասկած  զանազան վարակիչ հիվանդությունների վտանգը մեծանում է ձմռանը, եթե չասենք, որ այդ իմաստով տարվա չորս եղանակներից ձմեռն առաջատարի դիրքում է:  Հնարավոր է, իհարկե, խուսափել հիվանդությունից, սակայն հնարավոր է՝  այնպիսի հիվանդությամբ վարակվեք կամ հիվանդանաք, որի հետևանքներից տարիներ շարունակ չկարողանաք ազատվել: Դրանցից է ռևմատիզմը:

 

Այս հիվանդությունը հիմնականում «սիրում է » դեռահասներին: Այն գրեթե միշտ ի հայտ է գալիս թարախային անգինայով հիվանդանալուց 1-3 շաբաթ հետո: Նշագեղձերից միկրոօրգանիզմների արգասիքներն ընկնում են արյան մեջ ու «շրջում» ողջ օրգանիզմում` ախտահարելով թույլ դիմադրություն ունեցող օրգանները: Հնում բժիշկներն ասում էին. «Ռևմատիզմը լիզում է հոդերը, կրծում սիրտը».  իսկապես, մանրէների հասցրած «հարվածից» տուժում են կա՛մ սիրտը, կա՛մ հոդերը, կա՛մ էլ նյարդերը: Ի դեպ, գոյություն ունի սխալ կարծիք, թե ռևմատիզմն առաջին հերթին հոդերի հիվանդություն է: Ռևմատիզմն ախտահարում է հիմնականում սիրտը. այն սրտի արատների հիմնական պատճառն է:

 

Ի՞նչ պետք է անել


Եթե ենթադրում եք, որ ռևմատիզմի հետ գործ ունեք, առաջին հերթին բժիշկ հրավիրեք: Սուր ռևմատիզմի դեպքում ցանկացած ծանրաբեռնվածություն հակացուցված է, հիվանդը պետք է անկողնային ռեժիմ պահպանի: Ինքնաբուժումը նույնպես անիմաստ է: Հիվանդությունը կանխել կարող է միայն հակաբիոտիկը, այն էլ` բացառապես բժշկի նշանակմամբ: Ճիշտ բուժում նշանակելու դեպքում կարելի է սրտի արատի զարգացումը 1,5-2 ամսում «սանձահարել»: Ընդ որում, հաշվի առնելով այս հիվանդության «նենգ» բնույթը, բժիշկները ապահովության համար առաջարկում են 5 տարվա ընթացքում կանխարգելման նպատակով հակաբիոտիկներ ընդունել միմիայն բժշկի նշանակմամբ:

 

Կանխարգելում


Այս նպատակի համար պետք է կանխարգելել այն   հիվանդությունը, որի հետևանքով է զարգանում ռևմատիզմը, այն է` թարախային անգինան: Իսկ եթե, այնուամենայնիվ, հիվանդացել եք, պահպանեք ձեզ, մի մրսեք ու վիտամիններով հարուստ սնունդ ընդունեք:

 

Ռևմատիզմի «դիմակները»


Սրտային


Սրտի ախտահարումն այն հիվանդությունն է , որը գուցե անմիջապես չզգաս, քանի որ  կարող է ընթանալ առանց ընդգծված ախտանիշների: Նման դեպքերում հիվանդության մասին իմանում են արդեն հասուն տարիքում, երբ թվում է, թե առողջությունն արդեն անդառնալի վտանգված  է. թարախային անգինայով հիվանդանալուց  հետո տարիներ անց  հնարավոր է` սրտի փականի արատ զարգանա (հաճախ` միտրալ), որը կարող է հաշմանդամության հանգեցնել: Եթե, այնուամենայնիվ, բողոքներ կան,  ապա ոչ թե սրտից, այլ հոգնածությունից, քայլելուց ու վազքից. երեխան  դժվարությամբ է բարձրանում աստիճաններով՝ սրտխփոցի ու շնչարգելության պատճառով: Հետազոտությամբ կպարզվի, որ զարկերակը հաճախացած է, սիրտը` լայնացած, աղմուկ կա, նաև` լուրջ հիվանդության մասին վկայող ուրիշ ախտանշաններ:

 

Հոդային


Հայտնաբերված ռևմատիզմ հիվանդության  50%-ի դեպքում ախտահարվում են հոդերը: Այդ ժամանակ բարձրանում է երեխայի ջերմությունը, հոդերն այտուցվում են, ու սուր ցավ է առաջանում: Ամենից հաճախ ախտահարվում են ծնկային, սրունքաթաթային և արմունկի  հոդերը: Դրանից հետո հիվանդությունը կարող է ախտահարել նաև մանր հոդերը` դաստակի և նույնիսկ ողնաշարի: Մյուս հիվանդություններից սա տարբերվում է նրանով, որ ցավը մի հատվածում 2-3 օրից ավելի չի մնում, հազվադեպ կարող է տևել 1-2 շաբաթ: Սակայն մի հոդում անհետանալով` կարող է «տեղափոխվել»  ուրիշ հոդ և այդպես շարունակ թափառել: Հիվանդությունը կարծես թռչկոտում է մի տեղից մյուսը: Այստեղից էլ առաջացել է տվյալ հիվանդության տարատեսակի  «թռչող» մակդիրը: Մի յուրահատկություն ևս. որքան էլ սուր լինեն ցավերն ու այտուցը, միևնույն է , մեկ շաբաթից դրանք անհետ  ու անհետևանք չքվում են;

 

Նյարդային


Այս տեսակի դեպքում  ախտահարվում է գլխուղեղը: Հիվանդությունը սկսվում է գրեթե աննկատ: Մարդը դառնում է դյուրագրգիռ ու լացկան: Թեթև ջղակծկումներ են առաջանում ձեռքերի շրջանում ու դեմքին: Առարկաները կարող են ձեռքից վայր ընկնել, ձեռագիրն է փոխվում: Երբ այս ամենը կատարվում է երեխայի հետ, սովորաբար այն ճիշտ չի ընկալվում,  երբեմն էլ դրա համար երեխային պատժում են: Դրանից հետո կծկումները ուժեղանում են և հիվանդն այլևս դժվարանում է քայլել կամ ուղիղ նստել, իսկ խոսքը դառնում է  անհասկանալի. ծանրագույն դեպքերում առաջանում է  անդամալուծություն ու խոսքի լիակատար կորուստ:

 

Խոնավություն, սնկեր ու բորբոս. ինչպե՞ս են ազդում դրանք առողջության վրա


Մենք բավական թեթևամիտ վերաբերմունք ունենք աշխատասենյակում կամ բնակավայրում առկա խոնավության ու դրա հետևանքով պատերին առաջացած բորբոսասնկերի նկատմամբ: «Անշառ» հարևանությունը մեծ վնաս է հասցնում մարդու առողջությանը: Նման սենյակներում մարդիկ հաճախ են հիվանդանում` չենթադրելով  անգամ, որ  պատճառը խոնավությունն է, բորբոսը կամ էլ սունկը:

 

Մարդու առողջությանը խոնավության հասցրած վնասները շատ մեծ են: Սնկերի ու բորբոսի համար խոնավ պայմանները պարարտ հող են բազմանալու համար: Սովորաբար նման օջախներ առաջանում են վատ օդափոխվող մակերեսներին: Այդ սպորները մարդու օրգանիզմ են թափանցում շնչուղիներով և ներծծվում արյան մեջ` քայքայելով  օրգանիզմի օգտակար միկրոֆլորան ու ճնշելով իմունիտետը: Դրա հետևանքով սրվում են քրոնիկական հիվանդությունները, ընդհանուր ինքնազգացողությունն է վատանում, մի խոսքով, կյանքն այլևս ուրախություն չի պատճառում:

 

Ռիսկի խմբերի շարքում առաջին տեղում թույլ շնչառական օրգանների տեր մարդիկ են. սրվում են ասթմատիկ (կրծքային հեղձուկ) նոպաները, որոնք ուղեկցվում են հազով: Արյան հոսքի միջոցով վտանգահարույց մանրէները տարածվում են ողջ օրգանիզմում: Այդ մանրէներն ամեն օր, նույն ուժգնությամբ ու հաճախականությամբ քայքայում են մեր առողջությունը, ինչի հետևանքով ծերանում ենք ավելի արագ տեմպերով` վերագրելով երևույթը տարբեր թվացյալ պատճառների:

 

Ոչ մի դեղամիջոց չի օգնի, եթե չհեռացնենք իրական վտանգը, այն է` սունկը, բորոբոսն ու խոնավությունը. վերջինը նախորդ երկուսի ծնող ու սնող պատճառն է: Այս պատճառներով պայմանավորված ամենահաճախ հանդիպող հիվանդություններն են` գրիպային վարակները, ասթման, թոքերի տուբերկուլյոզն, բրոնխիտներն ու ալերգիաները:

Սկզբնաղբյուր. ankakh.com
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Քթի պլաստիկ վիրահատություն նորագույն մեթոդով. հարցազրույց Հայկ Ենոքյանի հետ. nairimed.com
Քթի պլաստիկ վիրահատություն նորագույն մեթոդով. հարցազրույց Հայկ Ենոքյանի հետ. nairimed.com

«Նաիրի» բժշկական կենտրոնի պլաստիկ և դիմածնոտային վիրաբուժության բաժանմունքը ձեռք է բերել ուլտրաձայնային ժամանակակից սարք` PIEZO, որի օգնությամբ հնարավոր է կատարել քթի ոսկրերի մշակում` առանց վնասվածք պատճառելու (ոսկրի մշակում ուլտրաձայնի միջոցով)...

Բժշկի ընդունարանում Պլաստիկ վիրաբուժություն
Լսողական սարքերի կիրառումը լսողության թուլության ժամանակ. հաճախ տրվող հարցերին պատասխանում է քիթ-կոկորդ-ականջաբան Գարեգին Միրաքյանը. armeniamedicalcenter.am
Լսողական սարքերի կիրառումը լսողության թուլության ժամանակ. հաճախ տրվող հարցերին պատասխանում է քիթ-կոկորդ-ականջաբան Գարեգին Միրաքյանը. armeniamedicalcenter.am

1.  Ի՞նչ է լսողության կորուստը և ե՞րբ է այն դիտվում որպես ախտաբանություն:

Լսողության կորուստը դա այն իրավիճակն է, երբ մարդը այս կամ այն չափով դժվարանում է ընկալել շրջակա ձայները...

Բժշկի ընդունարանում
Ձայնի վերականգնումը կոկորդի հեռացումից հետո. հաճախ տրվող հարցեր. izmirlianmedicalcenter.com
Ձայնի վերականգնումը կոկորդի հեռացումից հետո. հաճախ տրվող հարցեր. izmirlianmedicalcenter.com

1.  Որո՞նք են այն հիվանդությունները, որ բերում են կոկորդի հետ կապված խնդիրների:

Կոկորդի հետ կապված խնդիրների բերող հիվանդություններից են լարինգիտները, ֆարինգիտները, կոկորդի հետին պատի և...

Լսողությունը բարելավող բնական միջոցներ
Լսողությունը բարելավող բնական միջոցներ

Լսողությունը տարբեր պատճառներով կարող է թուլանալ, օրինակ` մրսածության, հարբուխի հետևանքով: Պատահում է, որ անբավարար հիգիենայի հետևանքով է առաջանում ծանր լսողություն: Սակայն կա բնական...

Ավանդական բուժման մեթոդներ և միջոցներ
Միրինգոպլաստիկայի նոր մեթոդ` Արմենիա ՀԲԿ-ում. armeniamedicalcenter.am
Միրինգոպլաստիկայի նոր մեթոդ` Արմենիա ՀԲԿ-ում. armeniamedicalcenter.am

«Արմենիա» հանրապետական բժշկական կենտրոնի լսողության վերականգնման բաժնի վարիչ, դոցենտ Գ.Ա. Միրաքյանը եւ բաժանմունքի ՔԿԱ մասնագետ Տ.Մ. Փխրիկյանը 2017 թվականի հունիսի 1-ին Հայաստանի մտավոր սեփականության...

Բժշկի ընդունարանում Բժշկական կազմակերպություններ և կենտրոններ
Ապնոէ. հաճախ տրվող հարցեր. izmirlianmedicalcenter.com
Ապնոէ. հաճախ տրվող հարցեր. izmirlianmedicalcenter.com

1.  Ի՞նչ է խռմփոցը

Խռմփոցը ձայնային ֆենոմեն է, որն առաջանում է քնած ժամանակ, երբ շնչելիս օդի հոսքն անցնում է նեղացած շնչուղիներով...

Քուն, քնի խանգարումներ
Կոկորդի քաղցկեղ. oncology.am
Կոկորդի քաղցկեղ. oncology.am

Կոկորդի քաղցկեղի առաջացման պատճառներն են՝ ծխախոտի և ալկոհոլի չարաշահումը: Կոկորդի քաղցկեղը ծանր հիվանդություն է, որը բնորոշվում է կոկորդի հյուսվածքներից չարորակ գոյացությունների առաջացմամբ...

Ուռուցքաբանություն
Ի՞նչ է պետք է իմանա քթի պլաստիկ վիրահատություն պլանավորող մարդը
Ի՞նչ է պետք է իմանա քթի պլաստիկ վիրահատություն պլանավորող մարդը

Ժամանակակից աշխարհի ռիթմն ու մրցակցությունը պահանջում է անընդհատ կատարելագործվել ու ընդլայնել արդեն ձեռք բերած կարողություններն ու մասնագիտական որակը: Բժշկության ոլորտում երբեմն նեղ մասնագետների...

Էսթետիկ բժշկություն Պլաստիկ վիրաբուժություն
Ի՞նչ պատճառներից կարող է ականջաբորբ զարգանալ. պարզաբանում է Վասակ Մելիքսեթյանը. armeniamedicalcenter.am
Ի՞նչ պատճառներից կարող է ականջաբորբ զարգանալ. պարզաբանում է Վասակ Մելիքսեթյանը. armeniamedicalcenter.am

Ականջաբորբին վերաբերող հարցերին պատասխանում է քիթ-կոկորդ-ականջաբան, «Արմենիա» հանրապետական բժշկական կենտրոնի ՔԿԱ կլինիկայի ղեկավար Վասակ Մելիքսեթյանը...

Լոգոպեդական աշխատանքի կազմակերպումը. izmirlianmedicalcenter.com
Լոգոպեդական աշխատանքի կազմակերպումը. izmirlianmedicalcenter.com

Ներկայումս ընդունված է լոգոպեդական աշխատանքի վաղ սկիզբը և երկարատև ժամկետը։ Եթե ինսուլտ տարած հիվանդի հետ աշխատանքը սկսվում է առողջական վիճակի կայունացման առաջին իսկ շաբաթներից կամ առաջին...

Ժողովրդական միջոցներ սինուսիտի դեմ.168.am
Ժողովրդական միջոցներ սինուսիտի դեմ.168.am

Երիցուկով և եղեսպակով ինհալացիաները արդյունավետ միջոց են սինուսիտի դեմ: Եթե քթի խոռոչի բորբոքումները հաճախակի են, ապա երիցուկն ու եղեսպակը խառնեք, թեյ պատրաստեք և դրեք կրակին: Թողեք թեյնիկը մնա կրակին ամբողջ գիշեր...

Ավանդական բուժման մեթոդներ և միջոցներ
Բաղադրատոմս` ազատվելու ականջների խցանումից.168.am
Բաղադրատոմս` ազատվելու ականջների խցանումից.168.am

Fithacker.ru կայքը գրում է, որ ականջները պետք է շատ զգույշ մաքրել։ Ականջները մաքրելու համար նախատեսված փայտիկներն ամենևին էլ անվտանգ միջոց չեն։ Դրանք կարող են ականջի խցանման պատճառ դառնալ։ Այս դեպքում դուք երկու...

Անձնական խնամք
Քթային դժվարաշնչություն. Արթուր Մինասյան. armeniamedicalcenter.am
Քթային դժվարաշնչություն. Արթուր Մինասյան. armeniamedicalcenter.am

Մեր զրուցակիցն է «Արմենիա» ՀԲԿ քիթ-կոկորդ-ականջաբան և քիթ, կոկորդ, ականջ հիվանդությունների բաժանմունքի վարիչ Արթուր Մինասյանը...

Քիմիոնը՝ կոկորդի ցավի դեմ.168.am
Քիմիոնը՝ կոկորդի ցավի դեմ.168.am

Կոկորդի ցավն ու տոնզիլիտը դժվարացնում են կլման գործընթացը: Բազմաթիվ օշարակներ, ցողացիրներ և դեղեր խոստանում են մի քանի օրվա...

Ավանդական բուժման մեթոդներ և միջոցներ
Ռինոլալիա. izmirlianmedicalcenter.com
Ռինոլալիա. izmirlianmedicalcenter.com

Ռնգախոսությունը հունարեն  rinos - քիթ և Lalia –խոսք բառերի միացությունից առաջացած տերմին է: Ռնգախոսություն կոչվում է ձայնի տեմբռի և արտաբերական այն խանգարումը, որն ուղեկցվում է արտաբերական ապարատի...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ