Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Քիթ-կոկորդ-ականջ հիվանդություններ

Հարցազրույց քիթ-կոկորդ-ականջաբան Գարեգին Միրաքյանի հետ

Հարցազրույց քիթ-կոկորդ-ականջաբան Գարեգին Միրաքյանի հետ

Մեր հյուրն է ԵրՊԲՀ Քիթ-կոկորդ-ականջ հիվանդությունների ամբիոնի դոցենտ, ականջի միկրովիրաբուժության և լսողության վերականգնման կենտրոնի բաժնի վարիչ Գարեգին Միրաքյանը:

 

-Ո՞ր հիվանդություններն են բնորոշ այս սեզոնին։


Գարնանն առավել հաճախ հանդիպող հիվանդություններից են ըմպանի բորբոքումը (ֆարինգիտ), քթաըմպանի և հարքթային խոռոչների բորբոքումները, նշաբորբերը` քրոնիկական և սուր (անգինա)։


Ականջաբորբերից առավել հաճախ հանդիպող տարբերակներից է միջին ականջի սուր բորբոքումը, որը հիմնականում զարգանում է քթաըմպանային հատվածից եվստախյան փողի միջոցով վարակի ներթափանցումից (սուր ռինիտ, գրիպ և այլն)։ Եվստախյան փողի օդափոխման ֆունկցիայի խանգարման հետևանքով թմբկախորշում առաջանում է բացասական ճնշում, որն էլ նպաստում է բորբոքային հեղուկի (էքսուդատի) կուտակմանը։ Հիվանդության տևողությունը տատանվում է մի քանի օրից մինչև մի քանի շաբաթ` կախված ախտանիշների արտահայտվածությունից և բորբոքային պրոցեսի աստիճանից։ Այս հիվանդությանը բնորոշ է ուժեղ ցավը, որը ճառագայթում է դեպի գլխի համապատասխան կեսը և ատամները, մարմնի ջերմաստիճանի բարձրացումը (մինչև 38-39°C), լսողության զգալի վատացումը։


Ֆարինգիտը ըմպանի լորձաթաղանթի սուր կամ քրոնիկական բորբոքումն է, որը հիմնականում զուգակցվում է վերին շնչուղիների բորբոքումների հետ (գրիպ, սուր ռեսպիրատոր հիվանդությունններ և այլն)։ Այս հիվանդությանը բնորոշ է ըմպանում քերման զգացողությունը, կուլ տալու ժամանակ ցավը, որն ավելի զգալի է դառնում թուքը կամ սնունդը կուլ տալիս։


Հաջորդ հաճախակի հանդիպող հիվանդությունն անգինան է, որն իրենից ներկայացնում է սուր վարակածին հիվանդություն` քմային նշիկների ախտահարմամբ։ Վարակը կարող է լինել էկզոգեն (ավելի հաճախ հանդիպող) կամ էնդոգեն (ինքն ավարակում)։ Էնդոգեն վարակն իրականանում է բերանի խոռոչից և ըմպանից (նշիկների քրոնիկական բորբոքում, կարիես ատամներ և այլն.)։ Վարակի աղբյուր կարող են լինել նաև քթի և հարքթային խոռոչների քրոնիկական հիվանդությունները։ Ավելի հաճախ հանդիպող վարակի հարուցիչներն են ստաֆիլոկոկերը, ստրեպտոկոկերը (հատկապես՝ հեմոլիտիկ), պնևմոկոկը, իսկ նախատրամադրող գործոնների դերում են օրգանիզմի տեղային և ընդհանուր սառեցումն ու ընդհանուր դիմադրողականության անկումը։


Քրոնիկական նշաբորբով հիվանդանում են թե՛ երեխաները և թե՛ մեծահասակները, որի պատճառ են հանդիսանում հաճախակի կրկնվող սուր նշաբորբերը, հարքթային խոռոչների ախտահարումը, կարիես ատամները, քրոնիկական ռինիտը և այլն։ Հիմնական ախտանիշներն են` ըմպանում օտար մարմնի զգացումը, բերանից տհաճ հոտը, աշխատունակության անկումը, գլխացավը, հոդացավերը, երբեմն՝ ռեֆլեկտոր հազի նոպաները։


- Ի՞նչ բարդություններ կարող է զարգանալ այս հիվանդությունների հետևանքով։


Քթաըմպանի, ըմպանի բորբոքումները կարող են բարդանալ սուր նշաբորբով, հարքթային խոռոչների և միջին ականջի բորբոքմամբ։ Նշաբորբերը կարող են ունենալ տեղային բարդություններ, ինչպիսիք են միջին ականջի սուր բորբոքումը, սուր լարինգիտը, ըմպանի այտուցը, ինչպես նաև կարող են նպաստել տարբեր օրգան-համակարգերի ախտահարմանը` առաջացնելով խոլեցիստիտ, օրխիտ, ռևմատիզմ։


- Ի՞նչ առանձնահատկություններ ունեն նշված հիվանդությունները մանկական տարիքում։


Նորածինների և կրծքի հասակի երեխաների մոտ միջին ականջի բորբոքման կլինիկական պատկերը տարբերվում է մեծահասակների կլինիկայից։ Նորածինների մոտ սուր ականջ աբորբերը չունեն արտահայտված կլինիկական պատկեր` ընդհուպ մինչև թարախային արտադրության սկսվելը։ Ավելի հաճախ այն արտահայտվում է երեխայի գլխի այս ու այն կողմ թափահարումով, քնի խանգարումով, ակամա ձեռքը դեպի ականջը տանելով։ Երեխան հրաժարվում է կրծքից, քանի որ կուլ տալու ժամանակ միջին ականջում ճնշումը բարձրանում է, որն իր հերթին ուժեղացնում է ականջի ցավը։ Սովորաբար հիվանդությունն ուղեկցվում է ռինո-ֆարինգիտով։ Հնարավոր է նաև մենինգեալ երևույթների համակցում։


Քրոնիկական նշաբորբը երեխաների մոտ, ի տարբերություն մեծահասակների, ավելի ծանր է ընթանում և զուգակցվում է քթաըմպանի լորձաթաղանթի բորբոքման հետ։ Այս դեպքում խանգարվում է նաև քթային շնչառությունը։


Սուր նշաբորբը մանկական տարիքում առավել վտանգավոր է, քանի որ հենց ռևմատիզմի պատճառ հանդիսացող β-հեմոլիտիկ ստրեպտոկոկն օրգանիզմ է ներթափանցում ախտահարված նշիկներով, իսկ, ինչպես գիտենք, ռևմատիզմը մանկական տարիքում հանդիպող հիվանդություն է։


Նշենք ևս մի առանձնահատկություն. նշիկների մեծ չափերը ոչ միշտ են քրոնիկական նշաբորբի ցուցանիշ, քանի որ երեխաների մոտ մեծ նշիկները կարող են ունենալ ֆիզիոլոգիական բնույթ, և, ընդհակառակը, քրոնիկական բորբոքային փոփոխությունները կարող են զարգանալ նաև փոքր նշիկներում։


- Ինչպե՞ս կանխարգելել այս հիվանդությունները։


Քիթ-կոկորդ-ականջ օրգանների հիվանդությունները հիմնականում ունենում են հանկարծակի սկիզբ, ուստի շեշտը դրվում է բուժման և, առավելապես, բարդությունների կանխարգելման վրա։


- Բուժման ի՞նչ եղանակեր կան ժամանակակից բժշկության մեջ։


Ժամանակակից բժշկության շնորհիվ հիվանդի ընդհանուր վիճակը հնարավոր է մեղմել հենց առաջին օրվանից։


Բուժման մոտեցումը տարբեր հիվանդությունների դեպքում տարբեր է։ Միջին ականջի բորբոքումների բուժման համար հակաբիոտիկի նշանակումն անհրաժեշտ պայմաններից մեկն է։ Քանի որ հարուցիչի հայտնաբերումը և հակաբիոտիկի հանդեպ նրա զգայունության որոշումը մի քանի օր տևող գործընթաց է, ուստի, ժամանակ չկորցնելու և հիվանդի վիճակը է՛լ ավելի չբարդացնելու համար, անհրաժեշտ է լայն սպեկտրի հակաբիոտիկի անհապաղ կիրառում։ Այս տեսակետից Օտոֆա (պարունակում է ռիամիցին հակաբիոտիկ) ականջի կաթիլների նշանակումը համակցված միջոցառումների հետ միասին տալիս է հիանալի արդյունք, դրական դինամիկան ցայտուն զգացվում է հիվանդի յուրաքանչյուր հաջորդ այցի ժամանակ։ Հինգերորդ օրը հիվանդի վիճակն արդեն կարգավորվում է։

Քրոնիկական նշաբորբերի դեպքում, եթե շարունակական կոնսերվատիվ բուժումներն անարդյունք են, նպատակահարմար է կատարել վիրահատություն։ Հետվիրահատական շրջանը, անկախ վիրահատության անզգայացման եղանակից, առանձնանում է արտահայտված ցավով, խանգարվում է կլման ակտը, հիվանդները երբեմն գերադասում են քաղցել, քան կուլ տալ ցավ պատճառող սնունդը, երբեմն ունենում են բարձր ջերմություն։


Նշիկների հեռացումից (տոնզիլէկտոմիա) հետո հետվիրահատական հենց առաջին օրը հիվանդներին նշանակվում է Հեքսասփրեյ, որն ունի մանրէականգ և մանէասպան ազդեցություն` օրգանիզմի վրա ամենացածր տոքսիկ ազդեցությամբ ու տեղային ցավազրկող էֆեկտով։ Օգտագործումից արդեն 10 րոպե անց սկսում է գործել նրա բակտերիալ բջջի մուկոպոլիսախարիդային թաղանթը քայքայող ազդեցությունը։ Իր հատկությունների շնորհիվ Հեքսասփրեյի օգտագործումը հետվիրահատական շրջանում նպաստում է հիվանդի ավելի արագ ապաքինմանը։ Արդյունավետ է նաև Հեքսալիզ պատրաստուկի կիրառումը, որը բացի հակամանրէային, հակաբորբոքիչ, հակացավային ազդեցությունից, ցուցաբերում է նաև հակասնկային, հակավիրուսային և իմունոկարգավորիչ ազդեցություն (խթանում է ինտերֆերոնի արտադրությունը)։


Լինելով իրենց բնույթով հակաախտահանիչներ` Հեքսասփրեյը և Հեքսալիզը այլընտրանքային դեղամիջոց են հակաբիոտիկների հանդեպ գերզգայունություն ունեցող անձանց համար։ Այս դեղամիջոցների կիրառումը ցուցված է նաև ֆարինգիտի ժամանակ, որոնց օգտագործման դեպքում պետք է բացառել սառը հեղուկի, կծու սննդամթերքի ընդունումը։


Որոշ հիվանդություններ, ինչպիսիք են, օրինակ. հեմոֆիլիան, թրոմբոցիտոպենիան, II-III աստիճանի սրտային անբավարարությունը և այլն, անհնարին են դարձնում վիրահատությունը։ Այս դեպքում հիվանդի վիճակը մեղմելու համար իդեալական է տեղային միջոցառումների զուգակցումը դեղամիջոցների հետ։ Տեղային միջոցառումներ են անընդհատ կրկնվող լվացումներն (7-8 սեանս) ու ողողումները, որոնք հիմնականում պահանջում են համապատասխան պայմանների և ժամանակի առկայություն, իսկ արդեն հիվանդությունից հոգնած մարդիկ բացասաբար են արձագանքում դրանց։ Ավելացնեմ, որ այս դեղամիջոցները հանդիսանում են նաև տեղային միջոցառումներին փոխարինող գործոն։


- Ինչո՞վ է պայամանավորված երկարատև քթարտադրությունն ապաքինումից հետո և ինչպե՞ս կանխել այն։


Դա հետևանք է վերին քթային անցուղիներում գտնվող ադենոիդների բորբոքման։ Ի տարբերություն ոչ պակաս կարևորություն ունեցող քթի կաթիլների, որոնք ներթափանցում են միայն ստորին քթային անցուղի և չեն հասնում ադենոիդներին ու բերում անոթասեղմիչ արդյունք, Պոլիդեքսա քթի ցողացրիչը հասնում է մինչև ադենոիդ, ցուցաբերելով և՛ անոթասեղմիչ, և՛ հակաբորբոքիչ, և՛ հակամիկրոբային ազդեցություն` դրանով իսկ օգնում խոռոչների անցանելիության վերականգնմանն ու կանխում վարակի տարածումը։ Պոլիդեքսա քթի ցողացրիչը կարելի է նշանակել երեխաներին` սկսած 2,5 տարեկանից։ Ավելի փոքրիկներին կարելի է բուժել Իզոֆրա դեղամիջոցով, քանի որ այն թույլատրված է օգտագործել նորածնային հասակից։ Այն ազդում է և՛ գրամ-դրական, և՛ գրամ-բացասական մանրէների վրա։


- Ի՞նչ առանձնահատկություն ունի հղի կանանց բուժումը։


Այս դեպքում անհրաժեշտ է նշանակել այնպիսի դեղամիջոցներ, որոնք չեն վնասի պտղին կամ կրծքով կերակրվող երեխային։ Հեքսասփրեյը լիովին բավարարում Է այս պահանջներին, որը առավելագույնս տեղային ազդեցության շնորհիվ կարելի է նշանակել և՛ հղի կանանց, և՛ կերակրող մայրերին։

Հեղինակ. Արփինե ՀԱՄԲԱՐՁՈՒՄՅԱՆ
Սկզբնաղբյուր. ՀՀ - Ամսագիր ''Ֆարմացևտ պրակտիկ'' 3-4 2009 (15)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Ani

05.02.2016

Barev cez es mek u kes tari araj virahatvel em ev heracrel en im nshikner@ sakayn verjers unem cakocner ev cav nayev lexvutyun u sksel em xosel qtic mej arten bavakanin jamanake,ete karox eq kxndrey vor asyeq inchne dra patjar@ ev karox em verakangel im cayn@?

Մեդ-Պրակտիկ

08.02.2015

Հարգելի Տաթևիկ, ցավոք քթի ադենոդների դեպքում լիարժեք բուժման միակ միջոցը վիրահատությունն է: 

Տաթևիկ

29.01.2015

Բարև Ձեզ 4՛ տարեկան փոքրիկի մոտ հայտնաբերել են քթի ադենոիդներ և նշանակվել վիրահատություն: Արդյո՞ք միակ ուղին վիրահատականն է Շնորհակալություն

Մեդ-Պրակտիկ

16.11.2013

Հարգելի Սաթենիկ, բարև Ձեզ, մայրիկի մոտ կարող են լինել խնդիրներ կապված կերակրափողի և ստամոքի հետ, կամ խնդիրներ սրտի հետ: Քիչ է Ձեր ներկայացրած տեղեկատվությունը որևէ եզրահանման գալու համար: Նրան անհրաժեշտ է հետազոտվել, առաջին հերթին հրավիրեք թերապևտ և նա կարող է որոշում ընդունել ում դիմել՝ սրտաբանի, թե գաստրոծնտերոլոգի:

Satenik

14.11.2013

մայրիկս գանգատներ ունի ստամոքսի և կերակրափողի շրջանում, պրիստուպի ձևով, այրոցներ, սրտխառնոց, անտանելի ցավեր է ունենում ում կարող ենք դիմել և եթե դժվար չէ պատասխանել որքան կառժենա ստուգումն

Կարդացեք նաև

Քթի պլաստիկ վիրահատություն նորագույն մեթոդով. հարցազրույց Հայկ Ենոքյանի հետ. nairimed.com
Քթի պլաստիկ վիրահատություն նորագույն մեթոդով. հարցազրույց Հայկ Ենոքյանի հետ. nairimed.com

«Նաիրի» բժշկական կենտրոնի պլաստիկ և դիմածնոտային վիրաբուժության բաժանմունքը ձեռք է բերել ուլտրաձայնային ժամանակակից սարք` PIEZO, որի օգնությամբ հնարավոր է կատարել քթի ոսկրերի մշակում` առանց վնասվածք պատճառելու (ոսկրի մշակում ուլտրաձայնի միջոցով)...

Բժշկի ընդունարանում Պլաստիկ վիրաբուժություն
Լսողական սարքերի կիրառումը լսողության թուլության ժամանակ. հաճախ տրվող հարցերին պատասխանում է քիթ-կոկորդ-ականջաբան Գարեգին Միրաքյանը. armeniamedicalcenter.am
Լսողական սարքերի կիրառումը լսողության թուլության ժամանակ. հաճախ տրվող հարցերին պատասխանում է քիթ-կոկորդ-ականջաբան Գարեգին Միրաքյանը. armeniamedicalcenter.am

1.  Ի՞նչ է լսողության կորուստը և ե՞րբ է այն դիտվում որպես ախտաբանություն:

Լսողության կորուստը դա այն իրավիճակն է, երբ մարդը այս կամ այն չափով դժվարանում է ընկալել շրջակա ձայները...

Բժշկի ընդունարանում
Ձայնի վերականգնումը կոկորդի հեռացումից հետո. հաճախ տրվող հարցեր. izmirlianmedicalcenter.com
Ձայնի վերականգնումը կոկորդի հեռացումից հետո. հաճախ տրվող հարցեր. izmirlianmedicalcenter.com

1.  Որո՞նք են այն հիվանդությունները, որ բերում են կոկորդի հետ կապված խնդիրների:

Կոկորդի հետ կապված խնդիրների բերող հիվանդություններից են լարինգիտները, ֆարինգիտները, կոկորդի հետին պատի և...

Լսողությունը բարելավող բնական միջոցներ
Լսողությունը բարելավող բնական միջոցներ

Լսողությունը տարբեր պատճառներով կարող է թուլանալ, օրինակ` մրսածության, հարբուխի հետևանքով: Պատահում է, որ անբավարար հիգիենայի հետևանքով է առաջանում ծանր լսողություն: Սակայն կա բնական...

Ավանդական բուժման մեթոդներ և միջոցներ
Միրինգոպլաստիկայի նոր մեթոդ` Արմենիա ՀԲԿ-ում. armeniamedicalcenter.am
Միրինգոպլաստիկայի նոր մեթոդ` Արմենիա ՀԲԿ-ում. armeniamedicalcenter.am

«Արմենիա» հանրապետական բժշկական կենտրոնի լսողության վերականգնման բաժնի վարիչ, դոցենտ Գ.Ա. Միրաքյանը եւ բաժանմունքի ՔԿԱ մասնագետ Տ.Մ. Փխրիկյանը 2017 թվականի հունիսի 1-ին Հայաստանի մտավոր սեփականության...

Բժշկի ընդունարանում Բժշկական կազմակերպություններ և կենտրոններ
Ապնոէ. հաճախ տրվող հարցեր. izmirlianmedicalcenter.com
Ապնոէ. հաճախ տրվող հարցեր. izmirlianmedicalcenter.com

1.  Ի՞նչ է խռմփոցը

Խռմփոցը ձայնային ֆենոմեն է, որն առաջանում է քնած ժամանակ, երբ շնչելիս օդի հոսքն անցնում է նեղացած շնչուղիներով...

Քուն, քնի խանգարումներ
Կոկորդի քաղցկեղ. oncology.am
Կոկորդի քաղցկեղ. oncology.am

Կոկորդի քաղցկեղի առաջացման պատճառներն են՝ ծխախոտի և ալկոհոլի չարաշահումը: Կոկորդի քաղցկեղը ծանր հիվանդություն է, որը բնորոշվում է կոկորդի հյուսվածքներից չարորակ գոյացությունների առաջացմամբ...

Ուռուցքաբանություն
Ի՞նչ է պետք է իմանա քթի պլաստիկ վիրահատություն պլանավորող մարդը
Ի՞նչ է պետք է իմանա քթի պլաստիկ վիրահատություն պլանավորող մարդը

Ժամանակակից աշխարհի ռիթմն ու մրցակցությունը պահանջում է անընդհատ կատարելագործվել ու ընդլայնել արդեն ձեռք բերած կարողություններն ու մասնագիտական որակը: Բժշկության ոլորտում երբեմն նեղ մասնագետների...

Էսթետիկ բժշկություն Պլաստիկ վիրաբուժություն
Ի՞նչ պատճառներից կարող է ականջաբորբ զարգանալ. պարզաբանում է Վասակ Մելիքսեթյանը. armeniamedicalcenter.am
Ի՞նչ պատճառներից կարող է ականջաբորբ զարգանալ. պարզաբանում է Վասակ Մելիքսեթյանը. armeniamedicalcenter.am

Ականջաբորբին վերաբերող հարցերին պատասխանում է քիթ-կոկորդ-ականջաբան, «Արմենիա» հանրապետական բժշկական կենտրոնի ՔԿԱ կլինիկայի ղեկավար Վասակ Մելիքսեթյանը...

Լոգոպեդական աշխատանքի կազմակերպումը. izmirlianmedicalcenter.com
Լոգոպեդական աշխատանքի կազմակերպումը. izmirlianmedicalcenter.com

Ներկայումս ընդունված է լոգոպեդական աշխատանքի վաղ սկիզբը և երկարատև ժամկետը։ Եթե ինսուլտ տարած հիվանդի հետ աշխատանքը սկսվում է առողջական վիճակի կայունացման առաջին իսկ շաբաթներից կամ առաջին...

Ժողովրդական միջոցներ սինուսիտի դեմ.168.am
Ժողովրդական միջոցներ սինուսիտի դեմ.168.am

Երիցուկով և եղեսպակով ինհալացիաները արդյունավետ միջոց են սինուսիտի դեմ: Եթե քթի խոռոչի բորբոքումները հաճախակի են, ապա երիցուկն ու եղեսպակը խառնեք, թեյ պատրաստեք և դրեք կրակին: Թողեք թեյնիկը մնա կրակին ամբողջ գիշեր...

Ավանդական բուժման մեթոդներ և միջոցներ
Բաղադրատոմս` ազատվելու ականջների խցանումից.168.am
Բաղադրատոմս` ազատվելու ականջների խցանումից.168.am

Fithacker.ru կայքը գրում է, որ ականջները պետք է շատ զգույշ մաքրել։ Ականջները մաքրելու համար նախատեսված փայտիկներն ամենևին էլ անվտանգ միջոց չեն։ Դրանք կարող են ականջի խցանման պատճառ դառնալ։ Այս դեպքում դուք երկու...

Անձնական խնամք
Քթային դժվարաշնչություն. Արթուր Մինասյան. armeniamedicalcenter.am
Քթային դժվարաշնչություն. Արթուր Մինասյան. armeniamedicalcenter.am

Մեր զրուցակիցն է «Արմենիա» ՀԲԿ քիթ-կոկորդ-ականջաբան և քիթ, կոկորդ, ականջ հիվանդությունների բաժանմունքի վարիչ Արթուր Մինասյանը...

Քիմիոնը՝ կոկորդի ցավի դեմ.168.am
Քիմիոնը՝ կոկորդի ցավի դեմ.168.am

Կոկորդի ցավն ու տոնզիլիտը դժվարացնում են կլման գործընթացը: Բազմաթիվ օշարակներ, ցողացիրներ և դեղեր խոստանում են մի քանի օրվա...

Ավանդական բուժման մեթոդներ և միջոցներ
Ռինոլալիա. izmirlianmedicalcenter.com
Ռինոլալիա. izmirlianmedicalcenter.com

Ռնգախոսությունը հունարեն  rinos - քիթ և Lalia –խոսք բառերի միացությունից առաջացած տերմին է: Ռնգախոսություն կոչվում է ձայնի տեմբռի և արտաբերական այն խանգարումը, որն ուղեկցվում է արտաբերական ապարատի...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ