Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Արյունաբանություն

Հեմանգիոմաները մանկական հասակում

Հեմանգիոմաները մանկական հասակում

Հեմանգիոման անոթային բարորակ գոյացություն է, որն առաջանում է պտղի սաղմնային շրջանում` անոթների ոչ բնականոն զարգացման պատճառով: Այն կազմում է երեխաների փափուկ հյուսվածքների ուռուցքների 50%-ը: Չնայած իրենց բարորակ բնույթին, հեմանգիոմաները կարող են բուռն զարգանալ, հաճախ հասնելով մեծ չափսերի: 

 

Սովորաբար հեմանգիոմաները հայտնաբերվում են երեխայի ծնվելուց անմիջապես հետո, ավելի հազվադեպ` կյանքի առաջին երկու ամիսների ընթացքում: Դեպքերի 75%-ը հանդիպում է մինչև մեկ տարեկան, իսկ նրանց կեսը` մինչև 6 ամսական երեխաների շրջանում: Հեմանգիոմաների առավել արագ աճ նկատվում է երեխաների կյանքի առաջին կես տարում, հետագայում դրանց զարգացման ընթացքը դանդաղում է:

 

Կապված հեմանգիոմաների տեսակի ու տեղակայման հետ, առանձնացվում են դրանց հասարակ, կավերնոզ, համակցված, խառը տեսակները:

 

Հասարակ հեմանգիոման տեղակայվում է մաշկի վերին շրջանում, կավերնոզը` մաշկի տակ, համակցվածը` ենթամաշկի և մաշկի վրա, խառը տեսակը կազմված է տարբեր հյուսվածքներից: Հեմանգիոմաներին բնորոշ է վարդագույնից մինչև ալ կարմիր գույնը: Սեղմելիս հեմանգիոման տափակում և գունազրկվում է (արյան արտահոսքի հետևանքով), իսկ երբ երեխան լացում է, ճչում և հազում, այն մեծանում է, որի պատճառն արյան ներհոսքն է:

 

Աղջիկների շրջանում հեմանգիոմաները 2-3 անգամ հաճախ են հանդիպում, քան` տղաների:

 

Որտե՞ղ են ավելի հաճախ տեղակայվում հեմանգիոմաները


Ըստ հաճախականության` առաջին տեղում գլխի շրջանն է: Հիմնականում լինում են կոպերի, ճակատի վրա, գլխի մազածածկ հատվածում, քթարմատի կամ քթի վերջնամասում, այտերի, աչքերի լորձաթաղանթի շրջանում: Երկրորդ տեղում սեռական օրգանների շրջանն է, որոնք մեզով և կղանքով աղտոտվելիս, տակաշորի կամ հագուստի հետ շփվելիս կարող են հեմանգիոմաների խոցոտվելու և արյունահոսության, ինչպես նաև վարակի ներթափանցման պատճառ դառնալ:

 

Հաճախ հեմանգիոմաները տեղակայվում են երեխայի մարմնի վերին հատվածներում, ձեռքերի և ոտքերի վրա, երբեմն նաև աչքի համար անտեսանելի մասերում` ներքին օրգաններում, փափուկ հյուսվածքներում և ոսկրերում: Հանդիպում են նաև բազմաթիվ հեմանգիոմաներ մարմնի տարբեր մասերում:

 

Կարո՞ղ են, արդյոք, հեմանգիոմաներն անցնել առանց բուժման

 

 Հեմանգիոմաների կենտրոնում սպիտակավուն մաշկի հայտնվելը վկայում է, որ սկսվել է առողջացման ընթացքը: Հետագայում սպիտակավուն մաշկը տարածվում է կենտրոնից դեպի հեմանգիոմայի եզրերը: 30% դեպքում ներծծման ընթացքն ամբողջովին չի ավարտվում և պահանջվում է հետագա լրացուցիչ միջամտություն:

 

Անհրաժե՞շտ է, արդյոք, բուժել հեմանգիոմաները

 

Բուժումը հիմնականում պետք է սկսել որքան հնարավոր է շուտ` ախտորոշումից անմիջապես հետո: Այն ավելի արդյունավետ է երեխայի կյանքի առաջին ամիսներին: Եթե հեմանգիոման տեղակայված է լինում դեմքին կամ սեռական օրգանների շրջանում, ապա դա համարվում է որպես հրատապ դեպք և համապատասխան բուժումը սկսվում է ախտորոշման հաստատումից անմիջապես հետո: Մարմնի այլ մասերում տեղակայված լինելիս անհրաժեշտ է հսկողությունը շարունակել, հետագայում չափսերը մեծանալու դեպքում` վիրահատել: 

 

Երեխաների հեմանգիոմաների բուժման եղանակները տարբեր են` վիրահատական, կրիոթերապիա` հեղուկ ազոտով սառեցում, սկլերոզացնող, ճառագայթային, լազերային, հորմոնային բուժում և իմունաբուժում:

 

Ներկայումս հեմանգիոմաների 20%-ը բուժվում է վիրահատական եղանակով: Այն ցուցված է անոթային ուռուցքի խորը տեղակայման դեպքում, երբ հնարավոր է հեմանգիոման հեռացնել ամբողջությամբ: Վիրահատական եղանակը նպատակահարմար է կիրառել նաև այն դեպքում, երբ բուժման մյուս մեթոդներն անարդյունավետ են եղել: 

 

Կրիոթերապիան այժմ հեմանգիոմաների բուժման ամենահաճախ կիրառվող մեթոդն է: Դա չի պահանջում անզգայացում նույնիսկ վիրահատության ժամանակ և երեխայի հոսպիտալացում: Կրիոթերապիայի հիմնական առավելությունը նրա պարզ լինելն ու կոսմետիկ արդյունքն է, հատկապես դեմքի հեմանգիոմաների դեպքում: 

 

Ճառագայթային բուժումը հնացած մեթոդներից է, քանի որ թողնում է մի շարք բացասական հետևանքներ: 

 

Սկլերոզացնող բուժումն անցկացվում է սկլերոզացնող նյութերով, որոնք ներարկվում են ուռուցքի մեջ: 

 

Լազերով հեռացումն այսօր բուժման այլընտրանքային մեթոդ է, որի ամենակարևոր առավելությունն այն է, որ բոլոր տիպի անոթային հիվանդությունները կարելի է բուժել ցանկացած փուլում: 

 

Հորմոնային և իմունային բուժումն անցկացվում է ուժեղ ազդող դեղորայքով: Այս եղանակը կիրառվում է բացառիկ դեպքերում, երբ մյուս մեթոդները տարբեր պատճառներով հնարավոր չէ կիրառել:

Հեղինակ. Գրիգոր Բադալյան բ.գ.թ., պրոֆեսոր ՀՀ ԱՆ Վ. Ֆանարջյանի անվան ուռուցքաբանության ազգային կենտրոն, մանկական ուռուցքաբանության և քիմիաթերապիայի բաժանմունք
Սկզբնաղբյուր. Առողջապահություն 4.2011 (293)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Մեդ-Պրակտիկ

17.12.2014

Հարգելի Նաիրա, այո, լինում են դեպքեր, երբ հեմագիոման ինքնուրույն, առանց միամտության անցնում է, դա կապված է նրանից, թե ինչ ծագումնաբանություն ունի այն:

Նաիրա

19.11.2014

Իսկ ճիշտ է այն, որ 1-4 տարեկան այն հնարավոր է առանց միջամտման անցնի...

Կարդացեք նաև

Արյան դոնորները. ո՞վ կարող է արյուն հանձնել և ի՞նչ հաճախականությամբ. 1in.am
Արյան դոնորները. ո՞վ կարող է արյուն հանձնել և ի՞նչ հաճախականությամբ. 1in.am

Արյան դոնորը կամովին հիվանդներին փոխներարկման, ինչպես նաև բուժման պատրաստուկների պատրաստման նպատակով արյուն հանձնող մարդն է: Արյուն կարող են հանձնել 18 տարին լրացած անձինք, ովքեր չունեն...

Երկաթի պակասի 15 նշան
Երկաթի պակասի 15 նշան

Երկաթն անհրաժեշտ է օրգանիզմին  հեմոգլոբինի ստեղծման համար՝ սպիտակուցի, որն օգնում է էրիթրոցիտներին թթվածնով մատակարարել ամբողջ մարմինը: Առանց դրա սկսվում է անեմիա...

Հեմոֆիլիա. ինչպե՞ս է Հայաստանում բուժվում կամ կանխվում այս ծանր հիվանդությունը. ankakh.com
Հեմոֆիլիա. ինչպե՞ս է Հայաստանում բուժվում կամ կանխվում այս ծանր հիվանդությունը. ankakh.com

Հեմոֆիլիան ժառանգական հազվադեպ հիվանդություն է, որով, ըստ վիճակագրության, տառապում է 10 հազարից մեկ մարդ։ Այն գոյություն ունի նաև մեզանում...

Անեմիա.արդյունավետ և անվտանգ թերապիա
Անեմիա.արդյունավետ և անվտանգ թերապիա

Բժիշկներին, գարնան գալուն պես և այնուհետև, դիմում են բազմաթիվ պացիենտներ, գանգատվելով ուժերի անկումից, հոգնելիությունից, իմունիտետի նվազումից, ախորժակի բացակայությունից, եղունգների ու մազերի կոտրտվածությունից...

Բուժում Առողջապահության լրատու 8-9.2012
Փայծաղ. բուժե՞լ, թե՞ հեռացնել
Փայծաղ. բուժե՞լ, թե՞ հեռացնել

Ինձ մոտ բժիշկներն ախտորոշել են փայծաղի մեծացում և առաջարկում են հեռացնել այն: Սակայն ես չեմ ցանկանում վիրահատվել: Ժողովրդական ի՞նչ միջոցներ կան դրա դեմ:  Գ.Նալբանդյան, ք.Երևան...

Ավանդական բուժման մեթոդներ և միջոցներ Կանխարգելում և բուժում տանը Առողջապահության լրատու 6-7.2012
Բուսակերությունը կարող է անեմիա հրահրել, սակայն փրկել ինֆարկտից
Բուսակերությունը կարող է անեմիա հրահրել, սակայն փրկել ինֆարկտից

Բուսակերները հակված են հենա-շարժական ապարատի, արյան և ստամոքս-աղիքային համակարգի հիվանդություններին, դրա հետ մեկտեղ, նրանք պաշտպանված են սրտային հիվանդություններից, քանի որ նրանց օրգանիզմ խոլեստերին գործնականում չի ներմուծվում, հաղորդել են ռուս գիտնականները...

Սնունդը և առողջությունը Սրտանոթաբանություն Առողջապահության լրատու 1.2011

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ