Բրուցելոզ.abmed.am

Հետազոտության մեթոդը. իմունաֆերմենտային հետազոտություն (ԻՖՀ)

Ինչպիսի՞ կենսանյութ կարելի է կիրառել հետազոտության համար.

Երակային արյուն։

Ինչպե՞ս պետք է ճիշտ նախապատրաստվել հետազոտությանը.

• հետազոտությունից 2-3 ժամ առաջ սնունդ չի կարելի ընդունել, կարելի է խմել մաքուր, չգազավորված ջուր։
• հետազոտությունից առաջ 30 րոպեի ընթացքում չի կարելի ծխել։

Ինչի՞ համար է կիրառվում հետազոտությունը.

• վարակի հայտնաբերման համար (սուր և քրոնիկական)։

Ե՞րբ է նշանակվում հետազոտությունը.

• բրուցելոզի ախտանիշների դեպքում (սուր սեպտիկ ձև). բարձր ջերմություն՝ 39-40 °С և բարձր, սարսուռ, քրտնարտադրություն, ընդհանուր թուլություն, մկանային ցավեր, հոդացավեր, արթրիտ,
• միզասեռական համակարգի և հոդերի մեկուսացված ախտահարմամբ հիվանդների հետազոտման ժամանակ, ովքեր անամնեզում նշում են այծի հում կաթի ընդունում, հատկապես բրուցելոզի էնդեմիկ շրջաններում, և մասնագիտական առանձնահատկություններ (անասնաբույժներ, կաթի և մսի արտադրության աշխատողներ),
• բնակչության համաճարակաբանական հետազոտության և բրուցելոզի դեմ վակցինացիայի համար մարդկանց ընտրության ժամանակ,
• գրիպի, որովայնային տիֆի, մալարիայի, ինֆեկցիոն մոնոնուկլեոզի, լեպտոսպիրոզի, լիմֆոգրանուլեմատոզի, ռևմատոիդ պոլիարթրիտի հետ տարբերակիչ ախտորոշման համար։

Ի՞նչ են նշանակում արդյունքները.

Ռեֆերենս արժեքներ՝ հակամարմիններ չեն հայտնաբերվել։

Պոզիտիվության գործակից.

• < 1.0 ՝ բացասական արդյունք (հակամարմիններ չեն հայտնաբերվել),
• 0,9 – 1,0 ՝ կասկածելի արդյունք (գորշ գոտի),
• > 1,1 ՝ դրական արդյունք (հակամարմիններ են հայտնաբերվել)։

Միավոր ծավալում սպեցիֆիկ հակամարմինների կոնցենտրացիան. որքան վերջինս բարձր է, այնքան բարձր է հակամարմինների կոնցենտրացիան։

Բացասական/կասկածելի արդյունք.

• վարակի բացակայություն,
• պացիենտի թույլ իմունային ռեակցիա,
• հակամարմինների ցածր մակարդակ։

Դրական արդյունք.

• սուր վարակ,
• հիվանդության կրկնություն,
• վարակի քրոնիկական ձև։

Կասկածելի արդյունք ստանալու դեպքում խորհուրդ է տրվում կրկնել հետազոտությունը 10-14 օր անց: Կրկնակի կասկածելի արդյունք ստանալու դեպքում անհրաժեշտ է այն դիտարկել որպես բացասական:

Brucella մանրէով վարակման դեպքում սկզբում առաջանում են IgM հակամարմինները, իսկ որոշ ժամանակ անց` IgG հակամարմինները: «Սուր բրուցելոզ» ախտորոշումը հաստատվում է հիվանդության սուր ախտանիշների դեպքում հակամարմինների հայտնաբերմամբ՝ միաժամանակ IgG, IgA, IgM կամ միայն IgM: Բուժման դեպքում 2-4 ամսվա ընթացքում IgG կոնցենտրացիան, որպես կանոն, զգալիորեն նվազում է:

Քրոնիկական բրուցելոզի դեպքում հատուկ նշանակություն ունեն IgG և IgA հակամարմինները: Դրանք վկայում են նաև նախկինում տարած վարակի մասին:

IgA, IgG առկայությունը IgM-ի բացակայության դեպքում խոսում է քրոնիկական վարակի կամ բրուցելայով կրկնակի վարակման մասին:

Հարցեր, պատասխաններ, մեկնաբանություններ