Content on this page requires a newer version of Adobe Flash Player.

Get Adobe Flash player

Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Դեղաբույսեր

Կոճապղպեղ նույնն է՝ իմբիր, Ginger եւ Zingiber Officinale

Կոճապղպեղ նույնն է՝ իմբիր, Ginger եւ Zingiber Officinale

Բույսի վերգետնյա մասը երկարավուն տերեւներով, մինչեւ 2 մ բարձրության ցողուն է։ Վառ կարմիր ծաղիկները ունեն մեկ առէջք։ Կոճապղպեղի հիմնական հարստությունը հոտավետ, այրող համ ունեցող արմատն է։

 

Կոճապղպեղը բազմամյա բույս է։ Հայրենիքն է` Հարավ-Արեւելյան Ասիան։ Բույսը հայտնի է եղել Հնդկաստանում եւ Չինաստանում դեռեւս հնագույն ժամանակներից։

Սանսկրիտով գրված ձեռագրերում այն անվանվում է «sringavere»։ 4000 տարի առաջ հնդիկները կիրառում էին բույսը «Կարի» համեմունքային խառնուրդի մեջ։ Եվրոպացիներն իմացան կոճապղպեղի եւ այլ համեմունքների մասին Ալեքսանդր Մակեդոնացու (մ.թ.ա. 327) արշավանքների ժամանակ։ Հռոմեացիները կանոնավոր ձեւով կատարում էին սեւ պղպեղի, դարչինի եւ կոճապղպեղի առեւտուր, պահեստավորելով այդ համեմունքները Եգիպտական Ալեքսանդրիա քաղաքում։ Հռոմի անկումից հետո (5-րդ դար) այդ համեմունքների հետ ծանոթացան նաեւ գերմանական ցեղերը։ 3-րդ դարում գրված «De re coquinaria» խոհարարական գրքում Ապիցիուս Կաելիուսը բազմիցս հիշատակում է կոճապղպեղի մասին։ Մեր ժամանակներում կոճապղպեղն առավել օգտագործվում է արաբական երկրներում, Չինաստանում, Ճապոնիայում, Անգլիայում եւ ԱՄՆ-ում։ Անգլիայում կոճապղպեղը կիրառվում է 9-րդ դարից, Մարկո Պոլոն առաջին եվրոպացին էր, որը տեսել եւ նկարագրել էր կոճապղպեղը (եւ այլ բույսեր) իր ճամփորդությունների գրքում` 1298 թվականին։

Հին Հայաստանում 15-րդ դարի բժշկապետ Ամիրդովլաթ Ամասիացին իր դեղամիջոցների միջնադարյան հանրագիտարանում կոճապղպեղի վերաբերյալ գրում է հետեւյալը. «Կոճ պղպեղ, զանճապիլ, իմպիր, տաքկոճ, սնգրվեղ, զանճաֆիլ։ Լինում է երկու տեսակ՝ չինական եւ հնդկական։ Օգտակար է կաթվածի, ընկնավորության եւ այն հիվանդությունների դեպքում, որոնց հետեւանքով լորձ է առաջանում։ Կոճապղպեղի ընդունման չափաբաժինը 1,5 գրամ է։ Բայց վնասակար է տաք բնույթ ունեցող մարդկանց համար»։

16-րդ դարում իսպանական ազնվական Մենդոզան Ջամայկա կղզում կոճապղպեղի պլանտացիաներ հիմնադրեց, որտեղից մինչ մեր օրերը արտահանվում է այս արժեքավոր բույսի արմատը։

Հիմնական արտահանող երկրներն են նաեւ Հնդկաստանը, Չինաստանը, Արեւմտյան Աֆրիկայի արեւադարձային գոտու երկրները։ Կոճապղպեղը բազմացնում են վեգետատիվ ձեւով, կտրատելով բույսի կոճղարմատները, առաջին բերքը կարելի է հավաքել 6-12 ամիս անց։ Բույսի արմատը վաճառվում է կտրատած, աղացած, շաքարապատ կամ շոկոլադապատ ձեւով, նաեւ գարեջրի համար նախատեսված էքստրակտի ձեւով։ Մանր աղացած արմատը կիրառում են քաղցրավենիքների, ապուրների, մսային եւ ձկնային ուտեստների մեջ։

Կոճապղպեղը հարուստ է եթերային յուղերով, տանինով, բջջանյութով, օսլայով, ազոտային միացություններով։ Կոճապղպեղը պարունակում է վիտամիններ՝ C, B1, B2, ենթավիտամին A, միկրոտարրեր (նատրիում, կալիում, մագնիում, ֆոսֆոր, կալցիում, երկաթ, ցինկ)։ Կարեւոր ամինաթթուներ (վալին, ֆենիլանին, մետիոնին, լեյզին, տրեոնին, տրիպտոֆան)։

Կոճապղպեղի թեյը նպաստում է ստամոքսահյութի արտադրմանը, ունի ցավամոքիչ հատկություն, որի հետեւանքով լավացնում է մարսողությունը, հանգստացնում որովայնի ցավերը, լավացնում նյութափոխանակությունը, արյան շրջանառությունը, օգտակար է նաեւ շնչառական ուղիներին։

Ստամոքսի ցավերը հանգստացնող թեյ. խառնել մեկ քառորդ թեյի գդալ կոճապղպեղ, 1 պատիճ հիլ (կարդամոն), 1 թեյի գդալ դեղին թեյ, ավելացնել 250 մլ տաք ջուր, թրմել 30 րոպե։

Որպես ցավազրկող միջոց` միմյանց խառնել կես թեյի գդալ կոճապղպեղի փոշին եւ 1 ձվի դեղնուցը, քսել վնասվածք ստացած հատվածին։ Այս դեղատոմսն օգնում է նաեւ գլխացավի դեպքում (քսել քիմքին)։

Յուղ ոտքերի մերսման համար. 1 ճաշի գդալ աղացած կոճապղպեղին ավելացնել 200 մլ արեւածաղկի յուղ, 1 շաբաթ թրմել մութ, հով տեղում։ Պարբերաբար խառնել փայտե գդալով։

Շագանակագեղձի բորբոքման դեպքում օգտակար է հետեւյալ աղցանը.

Կտրատել կանաչ խնձորը (կեղեւի եւ միջուկի հետ միասին), քարավուզի թարմ տերեւները, համեմը, ավելացնել կիտրոնի հյութ եւ կոճապղպեղի յուղ (ըստ ճաշակի)։

Բկաբորբի դեպքում

Խառնել հավասար քանակությամբ կոճապղպեղի, ծովաբողկի, սեւ պղպեղի փոշի։ 1 թեյի գդալ խառնուրդին ավելացնել 1 ճաշի գդալ արեւածաղկի յուղ։ Մի փոքր տաքացնել։ Հովանալուց հետո թրջոցի ձեւով դնել պարանոցին, 5-10 րոպեից հանել, փաթաթել բրդե շալով։

Նիհարեցնող թեյեր

Մանր կտրատել կոճապղպեղի արմատը (4 սմ) եւ 2 ատամիկ սխտոր։ Այդ բոլորը լցնել ջերմապահի մեջ, ավելացնել մեկ լիտր եռջուր, թրմել 10 ժամ, քամել։ Պարունակությունը խմել օրվա ընթացքում։

Խառնել մանրացրած 60 գրամ դաղձի տերեւներ, կես ճաշի գդալ կոճապղպեղ, կես թեյի գդալ հիլ։ Խառնուրդի վրա լցնել 500 մլ եռջուր։ Թրմել 30 րոպե, քամել, ավելացնել 30 մլ նարնջի եւ 80 մլ կիտրոնի հյութեր։ Քաղցրացնել 1 ճաշի գդալ մեղրով, խմել սառը վիճակում։

Դիմադրողականությունը բարձրացնող դեղատոմսեր

Մեկ օրվա չափաբաժին. մեկ փափկեցրած ադամաթուզին ավելացնել 100 մլ կաթ, 1 թեյի գդալ մեղր, 1 թեյի գդալ կոճապղպեղ։ Խառնիչով լավ խառնել։ Օգտագործել 7-10 օր։

- Խառնել 1 թեյի գդալ սրոհունդի ծաղիկները, կեսական թեյի գդալ ուրց եւ կոճապղպեղի փոշի։ Ավելացնել 500 մլ եռջուր։ Թրմել 1 ժամ, քամել։ Բաժանել մասերի, խմել օրվա ընթացքում։

Օգտակար խուրհուրդներ

- Փորկապության դեպքում ուտելուց հետո ընդունել 1-3 գրամ կոճապղպեղի փոշի։

- Բկաբորբի դեպքում (նաեւ ստոմատիտի) ծամեք մի փոքր կտոր կոճապղպեղի արմատ։

- Սրտխառնոցի դեպքում խմեք (գազը հանած) հանքային ջրի մեջ լուծված 1,5 գրամ (կես թեյի գդալ) կոճապղպեղի փոշի։

- Ցուրտ եղանակներին կոճապղպեղի թեյը խմելուց հետո չի կարելի անմիջապես տնից դուրս գալ։

- Խմեք (ուտելուց առաջ) մեկ թեյի գդալ կոճապղպեղի թարմ հյութը, խառնած մի պտղունց աղի հետ։

Հանգստացնում է կոկորդային ցավերը։

- Սովորական թեյի կամ սուրճի մեջ խառնած մի պտղունց կոճապղպեղի արմատի փոշին կարգավորում է ճնշումը, ամրացնում դիմադրողականությունը։

Հեղինակ. Ջուլիետա ՍԱՀԱԿՅԱՆ
Սկզբնաղբյուր. 168.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Մեդ-Պրակտիկ

22.07.2015

Հարգելի Anna, բարև Ձեզ: Ցիտոմեգալովիրուսային ինֆեկցիային դեպքում բուժման էֆեկտիվությունը կարելի է մեծացնել իմունիտետը խթանելով: Դուք կարող եք օգտագործել հոդվածի "Դիմադրողականությունը բարձրացնող դեղատոմսեր"  հատվածում նշված բաղադրատոմսը: Կարող եք օգտագործել նաև կոճապղպեղից  պատրաստած թեյ: 1 ճաշի գդալ մանրացված կոճապղպեղին ավելացնում եք 1լ եռացրած ջուր, մի փոքր դարչինի փոշի, ցանկության դեպքում մեկ երկու շերտ կիտրոն: Թողնում եք որոշ ժամանակ, այնուհետև օրական մեկ բաժակ օգտագործում: Նշված բաղադրատոմսը ոչ միայն բարձրացնում է իմունիտետը այլև մաքրում օրգանիզմը: 

Anna

22.06.2015

barev dzez es ayjm bujvumem dexorayqayin mijocnerov citomegalovirusi dem,,,,xndrumem aseq inchpes hasnem aveli drakan ardyunqi kochapxpexi mijocov....xndrumem anpayman patasxaneq,naxapes shnorhakalutyun

Մեդ-Պրակտիկ

18.12.2014

Հարգելի Narine, դեմքի լաքաները վերացնելու համար կարող եք օգտագործել հետևյալ խառնուրդը. հավասար քանակներով (2 կաթիլ) թուրինջին, վարդի, իմբիրի և նուշի եթերային յուղերը խառնել: Ստացված խառնուրդը քսել դեմքին և 15-20 րոպե հետո լվանալ տաք, այնուհետև՝ սառը ջրով: Կարելի է օգտագործել շաբաթը 2 անգամ: Այս խառնուրդը չի կարելի օգտագործել գերզգայուն մաշկի դեպքում:

Մեդ-Պրակտիկ

06.12.2014

Հարգելի Alvard, կերակրող մայրերին կոճապղպեղը հակացուցված չէ, սակայնկանաչ թեյն՝ յաո, հակացուցված է, ուստի այն չեք կարող օգտագործել:
Օգտակար հղումներ.

http://beremennost.gorod-znaek.ru/pitanie-pri-beremennosti/imbir-dlya-beremennych

http://beremennost.gorod-znaek.ru/pitanie-pri-beremennosti/chai-pri-beremennosti-kakie-polezny-a-kakie-vredny

http://irinazaytseva.ru/zelenyj-chaj-s-imbirem-poleznye-svojstva-recepty-protivopokazaniya.html

Մեդ-Պրակտիկ

05.12.2014

Հարգելի ELNA ինչպես իմբիրի ,այնպես էլ ցանկացած այլ նիհարեցնող միջոցի օգտագործումը դադարեցնելուց հետո հնարավոր է նախքին քաշի վերականգնում: Ստորև ներկայացնում ենք Ձեզ հղում,որը կօգնի  գտնել հուզող հարցի պատասխանը.
http://www.med-practic.com/arm/78/27729/article.more.html

Մեդ-Պրակտիկ

15.11.2014

Հարգելի ELNA, ցանկացած սննդակարգի պահպանումից հետո, եթե նորից անցնեք ոչ ճիշտ սննդակարգի և, ընդհանրապես, անառողջ ապրելակերպի, ապա որոշ ժամանակ անց նույն խնդրի առջև կկանգնեք:

Alvard

08.11.2014

Injpes patrastel kanach surj@ imbirov ev ardyoq vnas che kerakrox mor@ ev ardyunq kta

Մեդ-Պրակտիկ

04.11.2014

Հարգելի Անի, չի բացառվում, որ իմբիրը հրահրի կամ հենց ինքը դառնա ալերգեն: Յուրաքանչյուր օրգանիզմ ունի իր առանձնահատկությունները` այս կամ այն նյութի նկատմամբ սպեցիֆիկ ռեակցիա տալու տեսանկյունից: Լավ կլինի նման սննդամթերք օգտագործելուց առաջ խորհրդակցեք սննդաբանի հետ: 

Narine

29.10.2014

Barev dez . hnaravore imbiov dimak patrastel demqi laqaner@ maqrox.

ELNA

14.10.2014

Barev Dez.Ete hnaravore patasxaneq harcis.Ete @ndatenq imbiri ogtagorcum@ hnaravore noric giranal.naxapes shnorakalem.

Անի

05.10.2014

Բարև ձեզ, ես խմել եմ իմբիր, թեյի տեսքով առանց քաղցրի, հնարավոր է իմբիրը առաջացնել ալերգիա, մաշկի բորբոքում՝ ատոպիկ դերմատիտ

Մեդ-Պրակտիկ

29.07.2014

Հարգելի Ani, գրականության մեջ դեռևս չկան հիշատակումներ իմբիրի այդօրինակ ազդեցության մասին:

Մեդ-Պրակտիկ

25.07.2014

Հարգելի MELANYA, բարև Ձեզ, ի՞նչ դասընթացների մասին է խոսքը, երևի ինչ-որ բան շփոթել եք:

Ani

25.07.2014

BAREV DZES.XNDRUM EM ASEQ IMBIRN OGNUM E MIOMAYI MASHVELUN EV INCH QANAKUTYAMB PETQ E XMEM.

MELANYA

23.07.2014

DZEZ MOT DAS@NTACNER@ MATCHELI EN/? ev inch anem amusins chapic shat e qnum .toxnem orerov kqni oqneq xndrum em na 30 tarekan e

Մեդ-Պրակտիկ

14.07.2014

Հարգելի Անուշ, այն կարելի է գնել դեղատներից:

Անուշ

10.07.2014

Իսկ Հայաստանում որտեղ կարելի է իմբիր գնել և ինչ գնով:

Մեդ-Պրակտիկ

07.07.2014

Հարգելի JULIK, բարև Ձեզ, ստորև հոդվածի հղումն է, որը կօգնի ստանալ հարցի պատասխանը.

http://snadobye.ru/2012/06/imbir-ot-toshnoty/

JULIK

23.06.2014

l Barev dzez..Xndrum em patasxaneq transportum srtxarnoc em unenum.Lsel em vor kochapxpex ogtagorceluc ancnum chshit oktagorcelu dzev@ chgidem xndrum em greq.Naxoroq shnohakalem.

Lilit

21.03.2014

Barev dzez,xndrum em asel te orekan inch qanakutyamb petq e xmel sxtoric ev imbiric patrastvac turmy,vor ogut ta ev niharacni

Մեդ-Պրակտիկ

16.03.2014

Հարգելի Ararat, բարև Ձեզ, որպեսզի ամբողջական լինի խորհրդատվությունը, ստորև ներկայացնում ենք շաքարային դիաբետի ժամանակ իմբիրի օգտագործմանը վերաբերող ռուսական սկզբնաղբյուրներ.

http://tvoelechenie.ru/endokrinologiya/poleznye-svojstva-imbirya-pri-saxarnom-diabete.html

http://diabet-help.ru/kategoriya/pitanie-pri-diabete/imbir-pri-diabete/

http://saharnyydiabet.ru/imbir-pri-saxarnom-diabete.html

Ararat

09.03.2014

inchpes ogtagorcel imbir@ shaqarayin diabeti jamanak

Մեդ-Պրակտիկ

22.02.2014

Հարգելի Maria, բարև Ձեզ, ուրեմն համոզված եղեք, որ դա ոչ թե վիտմինի գերավելցուկի խնդիր է, այլ ցիտրուսների շատ օգտագործման արդյունք՝ պիգմենտի գունավորման հետևանք:

Կոճապղպեղն ինքնին ունի նիհարեցնող հատկություն, ուստի օգտագործման բոլոր տարբերակներում նա կարող է օգտակար լինել, այլ հարց է ընտրած բաղադրատոմսի արդյունավետության չափը:

Maria

19.02.2014

shat shnorhakal em,xorhrdi hamar,anpayman aravotyan kanem pordz@ ev kgrem, vitaminner chem ogtagorcel,uxxaki shat em citrus ogtagorcel,ev entadrum em,vor mots A vitamini avelcuk ka,isk inch veraberum e kojapxpxein i nkati unem ete aranc vorevice bani,uxxaki poshin jri mej lucelov xmem hnaravor e niharel?

Մեդ-Պրակտիկ

18.02.2014

Հարգելի Maria, կոճոպղպեղը կարելի է համարել սննդամթերք է, ու այն կարելի օգտագործել տարբեր կերպ, այլ բան է, թե ի՞նչ նպատակով եք այն օգտագործում և հատկապես Ձեր նկարագրած տարբերակով:

Մեդ-Պրակտիկ

18.02.2014

Հարգելի Maria, բարև Ձեզ, ինչու՞ եք կարծում, որ դեղնության պատճառը գերվիտամինոզն է, Դուք վիտամիննե՞ր եք օգտագործել: Ուշադիր հետևեք՝ այլ մասերում նույնպես նկատում ե՞ք դեղնություն, թե՞ ոչ: Կատարեք նման մի փորձ. առավոտյան մեզի մեջ ավելացրեք մի քանի կաթիլ յոդ, թափահարեք ու հետևեք՝ արդյո՞ք գույնը փոխվում է, եթե գույնը պատի, անպայման դիմեք բժշկի: Գրեք նաև մեզ:

Maria

18.02.2014

xndrum em patasxaneq harceris shat karevor e indz hamar

Maria

16.02.2014

knereq mi harc el,arden 1amis e,vor dzerqers ev votqers dexnel en, amenayn havanakanutyamb gervitaminoz e,hnaravor e kojapxpex ogtagorcelov maqrel organizm@?

Maria

16.02.2014

barev dzez,karox enq ogtagorcel kojapxpex@ hetevyal kerp,2teyi gtal kojapxpexi poshi,1bajak jur ev aydpes or@ 3angam xmel?

Մեդ-Պրակտիկ

30.01.2014

Հարգելի Liana, բարև Ձեզ, գրականության մեջ կոճոպղպեղի  օգտակար բաղադրատոմսերը, որոնք ներկայացվում են, միաժամանակ մատնանշում են և’ ապտղության համար ցուցված, և’ նիհարելուն, քանի որ 2-ի դեպքում նրա ռաողջարարական սկզբունքը նույննէ: Ուստի ստորև բաղադրատոմսերով հոդվածի հղումն է.
http://www.med-practic.com/arm/78/27729/article.more.html

Կարդացեք նաև

Կապար - Каперсы колючие - Capparis spinosа
Կապար - Каперсы колючие - Capparis spinosа

Կապարը [Capparis spinosа, (Каперсы колючие)] կապարազգիների ընտանիքին պատկանող կիսաթուփ է` փայտացած հիմնական ցողունով, որից ճառագայթաձեւ տարածվում են մինչեւ 2 մ երկարության հասնող խիտ տերեւապատ...

Ջուլիետա Սահակյանի բուժարանը
Եղեսպակ - Шалфей - Salvia officinalis
Եղեսպակ - Шалфей - Salvia officinalis

Եղեսպակ բժշկականը շրթնածաղկավորների ընտանիքին պատկանող, մինչեւ 75սմ բարձրության հասնող բազմամյա խոտաբույս է:

Ընձյուղները բազմաթիվ են: Տերեւները կոթունավոր, ամբողջաեզր, ձվաձեւ, երկարավուն, նոր...

Ջուլիետա Սահակյանի բուժարանը
Պատատուկ: Այուրվեդայի գաղտնիքները
Պատատուկ: Այուրվեդայի գաղտնիքները

Պատատուկ դաշտայինը պատատուկազգիների (Convolvulaceae) ընտանիքի բազմամյա, երկշաքիլավոր խոտաբույս է: Արմատն առանցքային է՝ 1-3 մ խորացող, կյանքի 2-3 տարիներին կողային հորիզոնական արմատներից սկսում են զարգանալ...

Ջուլիետա Սահակյանի բուժարանը
Բաղեղի բուժիչ հատկությունները բազմաթիվ են ու արդյունավետ
Բաղեղի  բուժիչ  հատկությունները  բազմաթիվ  են  ու  արդյունավետ

Արալիազգիների  ընտանիքին պատկանող սողացող թուփ է: Ցողունի վրա ունի մշտադալար տերեւներ  ու բազմաթիվ  կառչող արմատներ: Տերեւները կոթունավոր են, փայլուն  կաշվետիպ: Ծաղկում է աշնանը...

Կանաչ աշխարհ Ջուլիետա Սահակյանի բուժարանը
Արտիճուկ. առասպելական դեղաբույս, որն ունի փայլուն ապագա
Արտիճուկ. առասպելական դեղաբույս, որն ունի փայլուն ապագա

Արտիճուկն (կանկար) աստղածաղկավորների ընտանիքին պատկանող բազմամյա բույս է: Հայտնի է եղել հին Եգիպտոսում, պատկերված է Կարնակի տաճարներից մեկի սյուների վրա: Պլինիուս Ավագի խորհրդով հռոմեացիները ընթրիքին պարտադիր...

Սնունդը և առողջությունը Ջուլիետա Սահակյանի բուժարանը
Կոճապղպեղի ցավազրկող հատկությունները. tert.am
Կոճապղպեղի ցավազրկող հատկությունները. tert.am

Արթրիտի ուսումնասիրությամբ զբաղվող ամսագրում  հրապարակվել  են  նոր հետազոտության արդյունքները, որում բացահայտվում է կոճապղպեղի ցավազրկող հատկությունները: Ինչպես նշում է healthy food star-ը` այս համեմունքի ցավազրկող...

Սնունդը և առողջությունը
10 պատճառ մասուրը կանոնավոր օգտագործելու համար. 1in.am
10 պատճառ մասուրը կանոնավոր օգտագործելու համար. 1in.am

Շատերը գիտեն, որ C վիտամինի պարունակությամբ մասուրն առաջատար է: Սակայն, բացի այդ փաստից, այն շատ այլ օգտակար հատկություններ ունի: Telegraf.com.ua-ն ներկայացնում է 10 պատճառ մասուրը կանոնավոր...

Սնունդը և առողջությունը
ՈւՆԱԲԻ: Արևելյան բժշկության գաղտնիքները
ՈւՆԱԲԻ: Արևելյան բժշկության գաղտնիքները

Դժնիկավորների ընտանիքի տերեւաթափ ծառ է, երբեմն աճում է որպես թուփ: Ճյուղերի անկյունավոր բեկվածքներում աճում են 2-ական սուր, ամուր, մինչեւ 3 սմ երկարությամբ փշեր: Տերեւները  կաշվեկերպ են, փայլուն, մուգ կանաչավուն...

Ջուլիետա Սահակյանի բուժարանը
Դանդուռը` մի շարք հիվանդություններից ազատվելու միջոց. tert.am
Դանդուռը` մի շարք հիվանդություններից ազատվելու միջոց. tert.am

Healthy life land-ը ներկայացրել է դանդուռի օգտակար հատկանիշները: Այն հայտնի է նաև պորտուլակ անունով (Portulaca oleracea) և աճում է աշխարհի բազմաթիվ երկրներում: Դանդուռից հաճախ պատրաստում են աղցաններ և թթուներ...

Սնունդը և առողջությունը
Արևածաղիկ
Արևածաղիկ

Բույսի լատիներեն անվանումն է Helianthus, որը համահունչ է հայերենին՝ Արեւի ծաղիկ: Բույսն ունի նաեւ հայերեն ՝արեւելած, արեւերթիկ, այլ անվանումներ: Արեւածաղկի արեւամետ բնույթը բնորոշում է աուքսին բուսահորմոնը, որը...

Սնունդը և առողջությունը Ջուլիետա Սահակյանի բուժարանը
Հաղարջի զարմանալի հատկությունները. 1in.am
Հաղարջի զարմանալի հատկությունները. 1in.am

Հաղարջն ամառային հատապտուղ է: Պտուղներում առկա են գլյուկոզա և ֆրուկտոզա: Ազատ օրգանական թթուներից հաղարջի մեջ գերակշռում են խնձորաթթուն և կիտրոնաթթուն...

Սնունդը և առողջությունը
Դափնու տերևից օգտակար և բուժիչ թուրմեր պատրաստելու եղանակներ. tert.am
Դափնու տերևից օգտակար և բուժիչ թուրմեր պատրաստելու եղանակներ. tert.am

Դափնու տերևներ կան գրեթե բոլորի խոհանոցներում և դրանք օգտագործում են սննդի մեջ դարեր շարունակ։ Դրանցից համեղ ուտեստներ կարելի է պատրաստել...

Սնունդը և առողջությունը Ավանդական բուժման մեթոդներ և միջոցներ
Հոնի բուժիչ հատկությունները տարբեր հիվանդությունների դեպքում. tert.am
Հոնի բուժիչ հատկությունները տարբեր հիվանդությունների դեպքում. tert.am

Healthy Food Star-ը ներկայացրել է հոնի բուժիչ հատկությունները, որոնք մարդկանց հայտնի էին դեռևս հնագույն ժամանակներում: Հոնն աճում է ամենուր...

Հալվեի (алое) 10 օգտակար հատկությունները. 1in.am
Հալվեի (алое) 10 օգտակար հատկությունները. 1in.am

marketium.ru-ն ներկայացնում է ալոեի 10 օգտակար հատկությունները: Հալվեն օգտակար է...

Չիայի սերմերի օգտակար հատկությունները. tert.am
Չիայի սերմերի օգտակար հատկությունները. tert.am

Չիայի սերմի բուժիչ հատկությունները բազմաթիվ են, որոնցից մի քանիսը հատկապես նշանակալի են: Ինչպես գրում է Healthy Life Tricks-ը` Չիայի սերմը, թեև այդքան էլ հայտնի ու տարածված չէ, սակայն դրա օգտակար հատկությունների մասին...

Սնունդը և առողջությունը

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

4Life Research USA, LLC ամերիկյան դեղագործական ընկերություն
Трансфер Фактор
Доставка по
России и СНГ.
Без посредников,
от производителя.

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ