Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

ՏՂԱՄԱՐԴ: Հիվանդություններ

Արտադրություն սեռական օրգանից. ո՞ր ախտանիշենրի դեպքում զգոն լինել. urolog.am

Արտադրություն սեռական օրգանից. ո՞ր ախտանիշենրի դեպքում զգոն լինել. urolog.am

Տղամարդու մոտ առնանդամից արտադրությունը կարող է նորմայի տարբերակ լինել, սակայն կարող է հանդիսանալ նաև տարբեր հիվանդությունների ախտանիշ: Հենց այդ պատճառով պետք է հասկանալ, թե որ դեպքերում է անհրաժեշտ դիմել բժշկի՝ հետազոտման և բուժման նպատակով:

Ֆիզիոլոգիական արտադրություն

Սեռական հարաբերության ժամանակ տղամարդու մոտ տեղի է ունենում սերմնաժայթքում (էյակուլյացիա)` սերմնահեղուկի արտադրություն, որն իրենից ներկայացնում է անթափանց, մածուցիկ, սպիտակամոխրագույն հեղուկ՝ հում շագանակի հոտով: Սերմնահեղուկը ներառում է շագանակագեղձի կողմից արտադրված սերմնային պլազմա, որի մեջ առկա են ամորձիների կոմից արտադրված սպերմատոզոիդներ: Արտադրված սերմնահեղուկի քանակը պայմանավորված է մի շարք գործոններով՝ օրգանիզմի անհատական առանձնահատկություններով, առողջական վիճակով, տարիքով, նույնիսկ խմած հեղուկի ծավալով, սակայն միջինը մեկ սերմնաժայթքման ժամանակ այդ կենսաբանական հեղուկը արտադրվում է մոտ 5 մլ ծավալով: 

Սերմնահեղուկ արտադրվում է նաև դեռահասների մոտ, հաճախ քնի ընթացքում, այս երևույթը կոչվում է երազախաբություն: Երազախաբություն կարող է լինել նաև հասուն տղամարդու մոտ՝ երկար ժամանակ սեքսով չզբաղվելու դեպքում:

Կա ևս մեկ կենսաբանական հեղուկ, որը նորմայում անջատվում է առնանդամից, իրենից ներկայացնում է մածուցիկ և թափանցիկ հեղուկ, հոսում է միզուկից սեռական գրգռման ժամանակ և կոչվում է լիբիդոզային ուրեթրոռեա: Այս արտադրությունն անջատվում է միզուկի գեղձերի կողմից: Այն սպերմատոզոիդների համար ստեղծում է բարենպաստ, հիմնային միջավայր և սեռական հարաբերության ժամանակ հեշտացնում է առնանդամի մուտքը հեշտոց:  Լիբիդոզային ուրեթրոռեայում պարունակվում են նաև քիչ քանակությամբ սպերմատոզոիդներ: Որոշ դեպքերում ուրեթրոռեա անջատվում է նաև կղազատման ժամանակ: Դրանից վախենալ պետք չէ, դա նորմայի տարբերակ է: 

Սմեգման ևս ֆիզիոլոգիական արտադրության տարատեսակ է: Այն սպիտակ, ճարպանման նյութ  է՝ բաղկացած  թլիպի ճարպագեղձերի կողմից արտադրվող յուղոտ արտադրությունից և էպիթելի մահացած բջիջներից:  Տղամարդու մոտ սմեգման առաջանում է իր ողջ կյանքի ընթացքում և առնանդամի գլխիկի համար ծառայում է որպես քսանյութ՝ հեշտացնելով նրա սահումը թլիպից դուրս գալու ժամանակ: Անհրաժեշտ է ամեն օր լվացման միջոցով հեռացնել սմեգման:   Հակառակ դեպքում, եթե այն մեծ քանակությամբ կուտակվի, ապա կարող է բերել թլիպի բորբոքման՝բալանոպոստիտի: 

Ախտաբանական արտադրություններ

Ախտաբանական արտադրություններն առնանդամից կարող են վկայել վարակի, բորբոքային պրոցեսի, ուռուցքների կամ վնասվածքների հետևանքների մասին:

Այդպիսի արտադրության պատճառը միայն տեսքով հնարավոր չէ որոշել, քանի որ միևնույն ախտաբանությունը կարող է տարբեր ձևով դրսևորվել, և, ընդհակառակը, միևնույն արտադրությունը կարող է տարբեր հիվանդություններին ուղեկցել: Բացի այդ, սեռական ճանապարհով փոխանցվող շատ հիվանդություններ հաճախ ընթանում են «ձեռք ձեռքի տված», այսինքն պատճառը միանգամից մի քանի հարուցիչներն են հանդիսանում, ինչը էականորեն փոխում է կլինիկական պատկերը: Այդ պատճառով առնանդամից ոչ  բնորոշ արտադրության դեպքում անհրաժեշտ է դիմել մասնագետին, հատկապես եթե այն ուղեկցվում է նաև այլ ախտանիշներով, ինչպիսիք են քորը, ցավը, այրոցը և այլն: 

Հարկ է զգոն լինել հետևյալ ախտանիշների առկայության դեպքում:

  • Առնանդամից անջատվող թափանցիկ հեղուկը կարող է լինել քրոնիկական խլամիդիոզի ախտանիշ:
  • Առնանդամից կիսաթափանցիկ, կաթնասպիտակավուն արտադրություն առաջանում է սեռական ճանապարհով փոխանցվող վարակի սրացման ժամանակ: Ընդ որում, փրփրավուն արտադրությունը, որն ուղեկցվում է քորով, դիտվում է տրիխոմոնիազի ժամանակ, եթե հեղուկը կպչում է առնանդամի գլխիկին, ապա դա հնարավոր է խլամիդիոզի ժամանակ:
  • Մեծ քանակությամբ խիտ և կպչուն դեղնականաչավուն արտադրությունը, որն ուղեկցվում է ցավով և անհարմարավետությամբ, բնորոշ է գոնորեային միզուկաբորբին (ուրեթրիտին):
  • Սպիտակ կաթնաշոռանման արտադրություն լինում է կանդիդոզի՝ սնկային վարակի ժամանակ:
  • Սպիտակ արտադրությունը, որն ուղեկցվում է միզարձակման դժվարություններով, կարող է առաջանալ պրոստատիտի ժամանակ:
  • Միշտ ախտաբանության մասին են վկայում առնանդամից արյունային արտադրությունը կամ արյունը: Սրա պատճառները բազմաթիվ են և բոլորն էլ բավականին լուրջ են՝ սկսած երիկամների ախտահարումից մինչև միզասեռական համակարգի օրգանների չարորակ ուռուցքներ: Արյուն կարող է անջատվել մեզի, սերմնահեղուկի հետ և պարզապես միզուկից: Ամեն դեպքում պետք է անհապաղ դիմել բժշկի:
  • Ախտաբանություն է համարվում նաև սերմնահեղուկի անջատումը սեռական հարաբերության (ինքնաբավարարման) բացակայության ժամանակ: Այս երևույթը կարող է առաջանալ նյարդային համակարգի որոշ հիվանդությունների կամ քրոնիկական բորբոքումների ժամանակ:
  • Մածուցիկ, խիտ, սպիտակ հեղուկը, որն անջատվում է միզարձակումից կամ կղազատումից հետո, շագանակագեղձի արտադրությունն է: Այն կարող է խոսել շագանակագեղձի կամ միզապարկի որոշ հիվանդությունների մասին:



Շատ կարևոր է առնանդամից ցանկացած ոչ բնորոշ արտադրության դեպքում ինքնաբուժմամբ չզբաղվել, այլ օգնության համար դիմել մասնագետներին: Բանն այն է, որ ժամանակակից հակաբիոտիկները հեշտությամբ են հաղթահարում բորբոքային և վարակիչ հիվանդությունների ախտանիշները: Դրանց ընդունումից հետո անհանգստացնող արտադրությունը և այլ տհաճ զգացողություններն անհետանում են, սակայն դա չի նշանակում, որ հիվանդությունը բուժվել  է: Այն պարզապես ժամանակավորապես նահանջել է, իսկ հետո նորից կարող է վերադառնալ, իսկ ամենավատն այն է, որ հակաբակտերիալ պրեպարատների չվերահսկված ընդունումը կարող է վերջիններիս նկատմամբ ախտածին միկրոօրգանիզմների մոտ կայունություն ձևավորել: Այս դեպքում հիվանդության նոր դրսևորման ժամանակ այդ պրեպարատներն այլևս արդյունավետ չեն լինի:

Սկզբնաղբյուր. urolog.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում

 Էսթետիկ բժշկության ծառայություներ Հայաստանում

Դա Վինչի կլինիկա

Երևան, Ամիրյան փող., 4/6 շենք  

+374 10 54 82 73 ,

+374 55 54 82 73 

+374 96 54 82 73

davinci-clinic@yandex.com

davinciclinic.am

 

Share |

Հարցեր, պատասխաններ, մեկնաբանություններ

Կարդացեք նաև

Կարո՞ղ է, արդյոք, պրոստատիտը բերել անպտղության. urolog.am
Կարո՞ղ է, արդյոք, պրոստատիտը բերել անպտղության. urolog.am

Դժվար թե գտնվի մեկը, ով գոնե ընդհանուր գծերով չգիտի այս պրոստատիտ հիվանդության մասին։ Իսկ երբևիցե մտածե՞լ եք, թե ինչ հետևանքներ կարող է ունենալ քրոնիկական պրոստատիտը։ Երբ մարդու մոտ բորբոքվում է ծնկան հոդը, ապա նա դժվարությամբ է...

Ուրո-անդրոլոգիա Անպտղություն
Առնանդամի ցավ. urolog.am
Առնանդամի ցավ. urolog.am

Առնանդամը տղամարդու վերարտադրողական համակարգի արտաքին սեռական օրգաններից է: Այն ծառայում է միզապարկից մեզի արտազատման, սերմնաժայթքման համար, ինչպես նաև կոպուլատիվ օրգան է: Տարբերում են օրգանի հետևյալ մասերը...

Ուրո-անդրոլոգիա
Շագանակագեղձի ցավ (Prostate pain). urolog.am
Շագանակագեղձի ցավ (Prostate pain). urolog.am

Շագանակագեղձի տրամագիծը 3-4 սմ է: Մի կողմից այն արտադրում է այնպիսի նյութեր, որոնք նպաստում են սերմնահեղուկի նորմալ հասունացմանը և սպերմատազոիդների ակտիվության պահպանմանը, մյուս կողմից մասնակցում է տեստոստերոնի փոխանակությանը...

Ուրո-անդրոլոգիա
Ցավ ամորձիներում. urolog.am
Ցավ ամորձիներում. urolog.am

Տղամարդու հիմնական վերարտադրողական ֆունկցիան իրականացնում են ամորձիները: Նրանց ֆունկցիան կարող է խանգարվել, և այդ ժամանակ առաջանում են նվացող, պուլսացող կամ կրակող բնույթի ցավեր...

Ուրո-անդրոլոգիա
Ֆիտոթերապիայի կիրառումը շագանակագեղձի բուժման մեջ. urolog.am
Ֆիտոթերապիայի կիրառումը շագանակագեղձի բուժման մեջ. urolog.am

Շագանակագեղձի բարորակ հիպերպլազիան տարածված հիվանդություն է տարեց մարդկանց շրջանում: Հատկապես հանդիպում է 40 տարեկանից հետո, այսպես՝ 60 տարեկան տղամարդկանց 50%-ից ավելին ունեն շագանակագեղձի...

Ուրո-անդրոլոգիա
Ուրեթրիտ (Urethrtis). urolog.am
Ուրեթրիտ (Urethrtis). urolog.am

Միզուկաբորբը դա միզուկի լորձաթաղանթի ախտահարումն է բակտերիալ կամ վիրուսային ինֆեկցիայով: Հիվանդության զարգացման ընթացքում տեղի է ունենում միզուկի այտուց և բորբոքում...

Ուրո-անդրոլոգիա
Վերականգնվո՞ւմ է, արդյոք, սեռական ֆունկցիան ուրոլոգիական վիրահատություններից հետո. urolog.am
Վերականգնվո՞ւմ է, արդյոք, սեռական ֆունկցիան ուրոլոգիական վիրահատություններից հետո. urolog.am

Որոշ ուրոլոգիական վիրահատություններից հետո (կոնքի օրգանների վիրահատություններ՝ հատկապես շագանակագեղձ, միզապարկ և հաստ աղիք) տղամարդու մոտ կարող է առաջանալ էրեկտիլ դիսֆունկցիա (ԷԴ) կամ սեռական այլ խանգարումներ...

Ուրո-անդրոլոգիա
Շագանակագեղձի հիվանդություններին վերաբերող հաճախ տրվող հարցեր. izmirlianmedicalcenter.com
Շագանակագեղձի հիվանդություններին վերաբերող հաճախ տրվող հարցեր. izmirlianmedicalcenter.com

1.  Ի՞նչ է շագանակագեղձի բորբոքումը:

Շագանակագեղձի բորբոքումը` պրոստատիտը (prostatitis, prostata – շագանակագեղձ + -itis-բորբոքում), տերմին է, որը...

Ուրո-անդրոլոգիա
Շագանակագեղձի քաղցկեղի ախտանշաններ, որոնք պետք չէ աանտեսել. tert.am
Շագանակագեղձի քաղցկեղի ախտանշաններ, որոնք պետք չէ աանտեսել. tert.am

Շագանակագեղձի քաղցկեղի ախտանիշներն ի հայտ չեն գալիս հիվանդության վաղ փուլում: Այս մասին գրում է  Healthy food team-ը-ը և խորհուրդ տալիս կանոնավոր բուժզննումներ անցնել և հետևել հետևյալ ախտանիշների առաջացմանը...

Ուրո-անդրոլոգիա
Կրծքի քաղցկեղը սպառնում է և՛ կանանց, և՛ տղամարդկանց
Կրծքի քաղցկեղը սպառնում է և՛ կանանց, և՛ տղամարդկանց

Հայաստանում ավելացել են կրծքագեղձի քաղցկեղի դեպքերը, եւ հիվանդությունն էլ երիտասարդացել է: Ցուցանիշների ավելանալը պայմանավորված է նաեւ նրանով, որ մարդիկ սկսել են ավելի հաճախ դիմել բժշկի...

ԼՈՒՐԵՐ: Տղամարդ. հիվանդություններ ԼՈՒՐԵՐ: Տղամարդ. թվեր և փաստեր Լրահոս տղամարդկանց համար ԼՈՒՐԵՐ: Թվեր և փաստեր Հայաստանից ԼՈՒՐԵՐ: Հրատապ խնդիրներ Հայաստանում
Վատ եղանակը՝ շագանակագեղձի քաղցկեղի պատճառ
Վատ եղանակը՝ շագանակագեղձի քաղցկեղի պատճառ

Ցուրտ եղանակը եւ արեւային լույսի պակասը կարող են հանգեցնել շագանակագեղձի քաղցկեղի առաջացման՝ գտնում են ԱՄՆ-ի Այդահոյի համալսարանի գիտնականները...

ԼՈՒՐԵՐ: Տղամարդ. հիվանդություններ ԼՈՒՐԵՐ: Ուրոանդրոլոգիա ԼՈՒՐԵՐ: Ուռուցքաբանություն ԼՈՒՐԵՐ: Ի՞նչն է վնասակար
Խորհուրդներ տղամարդկանց շագանակագեղձի քրոնիկ բորբոքման դեպքում

Շագանակագեղձի քրոնիկ բորբոքման համար շատ օգտակար է մաղադանոսի հյութը: Օգտագործել 1 թեյի գդալ` օրը 3 անգամ, 20 օր շարունակ: 10 օր ընդմիջում անել ու նորից կրկնել բուժման կուրսը...

ԼՈՒՐԵՐ: Տղամարդ. հիվանդություններ ԼՈՒՐԵՐ: Ուրոանդրոլոգիա ԼՈՒՐԵՐ: Ավանդական բուժման մեթոդներ և միջոցներ ԼՈՒՐԵՐ: Կանխարգելում և բուժում տանը

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ