Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Հղիություն, ծննդաբերություն

Հղիություն. 7-րդ ամիս

Հղիություն. 7-րդ ամիս

28 շաբաթական հղիություն (մանկաբարձական` 30)

Երեխան սկսում է ձեզ ավելի լավ հասկանալ: Նա զգում է, երբ դուք մերսում եք ձեր որովայնը Բրեկստոն-Հիքսի կծկացավերի ժամանակ: Թեև այդ կծկացավերը մի քիչ ցավոտ են երեխայի համար, սակայն նրան վնաս չեն պատճառում, քանի որ նա ապահով պաշտպանված է պտղաջրերով:

 

Երեխան արդեն սկսում է վարժեցնել իր թոքերը` ռիթմիկ բարձրացնելով կրծքավանդակը: Արդյունքում նա երբեմն պտղաջրեր է կուլ տալիս, որը զկրտոց է առաջացնում: Այժմ ձեր փոքրիկը բավականաչափ ճարպային հյուսվածքներ ունի և վաղաժամ ծննդաբերությունը նրա համար սարսափելի չէ:


Մենք հաճախ մտածում ենք, թե արգանդը մութ տեղ է, սակայն այն կարող է մութ լինել՝ կախված մոր գտնվելու վայրից: Դուք ավելի ու ավելի լավ եք հասկանում երեխայի քունն ու օրգանիզմի ցիկլերը: Սովորաբար թվում է, թե երեխան ուզում է քնել այն ժամանակ, երբ դուք ակտիվ եք, և ընդհակառակը, ակտիվություն ցուցաբերել, երբ դուք քնած եք: Դա երեխայի անքնության ցուցանիշ չէ, և նրա օրգանիզմի ցիկլերը կարող են ընդհանրապես չհամապատասխանել նրա ներարգանդային կյանքի ցիկլերին:


Երեխայի ակտիվությունը


Այժմ ուլտրաձայնային հետազոտությունը հիանալի ցույց է տալիս այն ամենը, ինչ անում է ձեր փոքրիկը: Նրա մոտ մշակվել է քնի և ակտիվության սեփական ռիթմը, սակայն թվում է, թե առավելագույն ակտիվություն նա դրսևորում է այն ժամանակ, երբ դուք փորձում եք քնել:


Ինչ է տեղի ունենում փոքրիկի հետ


27-րդ շաբաթ: Կապեր են հաստատվում ներզատիչ համակարգի և մակերիկամների` երեխայի արտաքին պայմաններին վարժվելու և կենսագործունեության համար պատասխանատու կառավարման ուղեղային կենտրոնների հետ:


26-րդ շաբաթ: Աճում են մկանները, ամրանում ու երկարում են ոսկրերը, հասունանում են թոքերը, նրանցում արտադրվում է հատուկ նյութ` սուրֆակտանտ, որն օգնում է փոքրիկի առաջին շնչին և կանխարգելում թոքերի փակվելը:


28-րդ շաբաթ:
Երեխան զբաղեցնում է ողջ արգանդախոռոչը, սակայն դեռ կարող է շրջվել, ինչպես կամենա: Նա արդեն եղունգներ ունի, սակայն դրանք դեռ մատների ծայրերին չեն հասնում:


29-րդ շաբաթ: Փոքրիկը կարողանում է ժպտալ և կկոցել աչքերը: Նրա աչքերը կիսաբաց են:


Հղիության 7-րդ ամիսԵրեխայի հասակն ու քաշը


Հասակը` գագաթից մինչև սրբոսկրը, մոտ 37,5 սմ


Քաշը՝ մոտ 1360-1400 գ:

 

Ձեր ճիշտ սնունդն ու ֆիզիկական ակտիվությունը կօգնեն խուսափել թունավոր հղիությունից` հղիության երկրորդ կեսում:


Յոթերորդ ամսում արգանդի բարձրությունը ցայլոսկրից կազմում է 24 սմ և կարող է արձագանքել երեխայի շարժումներին` կծկացավերի տիպի լարվածությամբ, որոնք, սակայն, անցավ են: Դա յուրօրինակ մարզանք է, որով արգանդը պատրաստվում է ծննդաբերությանը: Պառկեք կողքի, հանգստացեք, թուլացեք, և ամեն ինչ կանցնի:


Նշանակալիորեն ավելանում է երեխայի կալցիումի պահանջը, սկսվում է կմախքի ինտենսիվ աճը: Կալցիումի պակասը ձեզ մոտ կարող է հանգեցնել մկաննների ջղաձգության (հատկապես գիշերները), փչանում են ատամները: Նախկինում բացակայող ատամների քանակով բժիշկներն անսխալ որոշում էին, թե քանի անգամ է կինը ծննդաբերել: Մեր օրերում հղիների համար նախատեսված համալիր դեղամիջոցներն ու ճիշտ սնունդը թույլ են տալիս խուսափել ատամնաբուժական խնդիրներից:


Ձեր գործողությունները


Հղիության 7-րդ ամիս Հղիության 7-րդ ամիս


Հղիությունը ֆիզիկական վարժություններից հրաժարվելու պատճառ չէ: Այժմ պետք է զբաղվել մկանների ամրացմամբ, որոնց վրա է ընկնում ծննդաբերության հիմնական ծանրությունը: Լավագույն միջոցը լողն է: Ջուրն օգնում է թուլանալ, հանգստացնում է հոդերի և ողնաշարի լարվածությունը: Լողավազանում վարժանքներն օգնում են ճիշտ շնչել, կառավարել սեփական մարմինը: Գտեք այնպիսի սպորտային ակումբ, որն առաջարկում է ջրային մարմնամարզություն` նախատեսված ապագա մայրերի համար: Լողի հետ միաժամանակ պետք է զբաղվել հղիների համար նախատեսված մարմնամարզությամբ, իսկ տանը կատարել Կեգելի վարժությունները` շեքի մկանների համար: Ներարգանդային կյանքի   յոթերորդ ամիսը կարելի է բնութագրել որպես մանկան զգայարանների կայացման շրջան: Նա տարբերում է որոշ հոտեր, համ է զգում և տեսողական ընկալում ունի: Դժվար է հավատալ, սակայն փորձերը հաստատում են, որ եթե ուլտրաձայնային հետազոտության ժամանակ մոր փորին վառ լույս ուղղեն, ապա էկրանին երևում է, թե փոքրիկն ինչպես է ցնցվում և փոխում դիրքը: Յոթ ամսեկան փոքրիկը ոչ միայն լսում է, այլև լավ տարբերում ձայները, ինչպես նրանք, որոնցով մշտապես շրջապատված է` մոր սրտի բաբախյունը, նրա աղիների գալարակծկանքը, պորտալարի բաբախումը, այնպես էլ արտաքին ձայները:


Այն, որ երեխան լսում է և նույնիսկ «խոսում» ծնողների հետ, համոզվել են 700 ապագա ծնողներ, որոնք 1986 թ. ԱՄՆ-ում հատուկ ծրագրով անցել են երեխայի՝ ներարգանդային կյանքի շրջանի ուսուցում: Հղիության հինգերորդ ամսում փոքրիկի ուշադրությունը գրավում էին` օրական երկու անգամ թեթևակի խփելով մոր որովայնին: Երկու ամիս անց երեխան միշտ այդ շարժմանն արձագանքում էր շարժումով: Այս դպրոցի մասնակիցներից մեկը պարբերաբար այտը հպում էր կնոջ փորին և հստակ արտաբերում՝ «Փոքրիկ, ես քո հայրն եմ»: Ծննդից հետո երեխան միշտ ճանաչում էր այդ արտահայտությունը, իսկույն դադարում էր լացը և փորձում գլուխը թեքել ծանոթ ձայնի կողմը: Բոլոր երեխաները, որոնք «սովորել» էին այդ արտասովոր դպրոցում, իրենց հասակակիցներից ավելի շուտ են սկսել քայլել, խոսել, քիչ են լացել և կարողացել են երկար և ուշադիր լսել ծնողներին:


Այս ամենը վկայում է, որ ներարգանդային կյանքի ընթացքում երեխան արտաքին աշխարհից դրական ազդեցության կարիք ունի: Այդ պատճառով ձեր ապագա փոքրիկի համար հաճախակի դասական երաժշտություն միացրեք՝ Վիվալդի, Մոցարտ, Բախ... Առավել ևս` ըստ որոշ դիտարկումների, դասական երաժշտությունը հանգստացնում է, նպաստում, որ մոր սիրտը հանգիստ բաբախի: Չէ՞ որ բոլոր ձայների մեջ փոքրիկը հստակ առանձնացնում է մոր սրտի ռիթմիկ բաբախյունը, և քանի դեռ այդ բաբախը նորմալ է, երեխան իրեն անվտանգ է զգում: Նույնիսկ ծննդից հետո փոքրիկն արագ հանգստանում է, երբ մայրը վերցնում է նրան ձեռքերի վրա և սեղմում ձախ կրծքին՝ հնարավորություն տալով ունկնդրել սրտի ծանոթ «մեղեդին»:


Հղիության 7-րդ ամիսՅոթ ամսեկան պտուղն ակտիվ է ոչ միայն զգայարանների և շարժողական ռեակցիաների հետևանքով, այլև նա դառնում է իր սեփական աճի և հասունացման ակտիվ մասնակիցը:


Ինչպես արդեն ասվել է, հղիության ողջ ընթացքում պտուղը սերտորեն կապված է մայրական օրգանիզմին և ապրում է «մայր-ընկերք-պտուղ» բարդ համակարգի կանոններով: Այս համակարգի յուրաքանչյուր օղակ աշխատում է ոչ միայն իր, այլև մյուսների համար: Այժմ` հղիության վերջին շրջանում, պտուղն արդեն ամբողջությամբ կախված չէ մորից և ընկերքից, իրեն անհրաժեշտ բիոքիմիական շատ նյութեր ինքն է արտադրում, ինչպես օրինակ` հորմոնները: Այս ընթացքում մեծանում է աճի հորմոնի դերը, որն արտադրվում է մակուղեղի կողմից, նաև վահանաձև գեղձի, մակերիկամների, ենթաստամոքսային գեղձի հորմոնները:


Արտադրվող հորմոնների և ֆերմենտների (նյութեր, որոնք ակտիվացնում և ուղղորդում են օրգանիզմի բիոքիմիական ռեակցիաները) շնորհիվ պտուղը ձևավորում է իր յուրօրինակ նյութափոխանակության համակարգը:


Այնուամենայնիվ դեռ վերջնական ինքնուրույնությունը շատ հեռու է: Նրա ներարգանդային զարգացումը մեծավ մասամբ պայմանավորված է նրան շրջապատող միջավայրով: Պտուղն ապրում է բաց երանգով ու թափանցիկ ամնիոտիկ հեղուկում, որի ծավալը յոթերորդ ամսում կազմում է 700 մմ, և իր կազմով հիշեցնում է արյունը, սակայն նրա հիմնական բաղադրամասը ջուրն է: Նրանում պարունակվում են նաև պտղի տարբեր օրգանների և հյուսվածքների բջիջներ:


Պտղաջրերը մշտապես թարմացվում են: Դա նման է լողավազանների հայտնի խնդրին, երբ խողովակի մի կողմից ջուրը հոսում է դեպի ավազան, մյուս կողմից՝ արտահոսում է: Այդպես էլ ամնիոտիկ հեղուկը՝ մշտապես արտադրվում է և կլանվում մանկան կողմից` մասամբ մաշկի միջոցով, մասամբ` մարսողության օրգանների և նույնիսկ` թոքերի: Համարվում է, որ օրական 3-4 անգամ տեղի է ունենում ամնիոտիկ հեղուկի ամբողջությամբ նորացում: Պտուղն անտարբեր չէ պտղաջրերի ինչպես ավելացման, այնպես էլ պակասեցման նկատմամբ:


Պտղաջրերի կազմից կարելի է պատկերացում կազմել պտղի հասունացման և նրա օրգանների գործառույթների մասին: Մասնավորապես, թոքեերի հասունացման նշան է համարվում ալվեոլներում սուրֆակտանտի (հատուկ նյութ, առանց որի թոքերի բազմաթիվ ալվեոլները չեն կարող բացվել և շնչել ) առկայությունը: Սուրֆակտանտի հիմնական բաղադրամասը ֆոսֆոլիպիդներն են, որոնց քանակությունը պտղաջրերում կարող է պատկերացում տալ, թե ինչպես է ընթանում թոքերի հասունացումը: Մեթոդներից մեկը` այնպիսի ֆոսֆոլիպիդների, ինչպիսին լեցիտինն ու սֆինգոմիելինն են, հարաբերակցության որոշումն է: Եթե, օրինակ, հարաբերակցությունը 1:5 է, ապա մասնագետները գալիս են եզրակացության, որ թոքերը պատրաստ չեն լիարժեք գործելու և վաղաժամ ծննդաբերության ելքը պտղի համար բարենպաստ չէ: Եթե մոր արյան ռեզուսը բացասական է, ապա պտղաջրերում պարունակվում են մոր օրգանիզմում արտադրվող հակամարմիններ` պտղի սպիտակուցի դրական ռեզուսի նկատմամբ: Այդ պատճառով բացասական ռեզուսով հղիների մոտ հեմոլիտիկ հիվանդության ախտորոշման համար նշանակվում է ամնիոցենտեզ:


Կինն այս ընթացքում պետք է խիստ ուշադիր լինի իր օրգանիզմի վիճակի և պտղի նկատմամբ: Հղիներն այս շաբաթների ընթացքում, որպես կանոն, դեռ աշխատում են, սակայն նրա աշխատանքն արդեն պետք է թեթև լինի: Պետք է աշխատել զերծ մնալ սթրեսներից և բացասական հուզումներից: Նույնիսկ ուսանողուհու համար այնպիսի սովորական իրավիճակը, ինչպիսին քննություն հանձնելն է, կարող է դառնալ սթրեսային գործոն ու հանգեցնել վաղաժամ ծննդաբերության: Կինը պետք է զգուշանա որովայնի ստորին հատվածում ցավերից և արգանդի մկանների լարվածությունից: Դրանք կարող են հղիության ընդհատման առաջին նշանները լինել: Այդ դեպքում հարկավոր է անհապաղ դիմել բժշկի:


Եթե ծննդաբերությունը, այնուամենայնիվ, սկսվում է, մի հուսահատվեք, յոթ ամսեկան երեխան բավականին կենսունակ է: Ժամկետից շուտ ծնվելու հետևանքով նա, իհարկե, թույլ է, դժվար է ինքնուրույն հարմարվել նոր կենսապայմաններին, սակայն ժամանակակից բժշկությունը նրան ապրելու հնարավորություն է տալիս:

Հղիության 7-րդ ամիս

Հեղինակ. Ըստ պրոֆ. Ա. Ի. Բրուսիլովսկու «Կյանքը մինչև ծնունդը» գրքի նյութերի
Սկզբնաղբյուր. kiev-mama.com.ua
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Մեդ-Պրակտիկ

29.02.2016

Հարգելի Maria, բարև Ձեզ: -4.5D-ը համարվում է միջին աստիճանի կարճատեսություն, դա կեսարյան հատման հարաբերական ցուցում է: Ճիգային շրջանը ցանկալի չէ,  և կարճատեսությունը կարող է խորանալ:

Մեդ-Պրակտիկ

23.02.2016

Հարգելի Ռուզան, բարև Ձեզ: Հղիության ընթացքում կարճ պորտալարն առանձնապես վտանգ չի ներկայացնում, ավելի վտանգավոր է երկար պորտալարը, քանի որ մեծ է փաթաթման վտանգը: Կարճ պորտալարը կարող է վտանգ ներկայացնել ծննդաբերության ժամանակ, կախված երկարությունից, հատկապես ճիգային շրջանում, երբ պտղուղն անցնում է ծննդաբերական ուղիներով, դա կարող է պտղի ներարգանդային հիպօքսիայի և պլացենտայի վաղաժամ շերտազատման պատճառ դառնալ:

Anushik

02.02.2016

Barev dzez.xndrumem kbacatreq inc e nshanakum erexayi srti mej spitak keti arkayutyuny ete karucvacqayin vocmi xndir cen tesnum bzishknery.bayc cen haskanum te da inc e.erexan zarganum e, srti karucvacqy normal e, babaxy nuynpes.

sysan

30.01.2016

Barev dzez hargeli bjljsk es ynem nevroz. aseq xndrymem incqanov kanradarna ptxi zargacman vra

Narine

30.01.2016

Barev dzez,hargeli bzhishk ,indz anhangstacnum en stamoqsum uzhex ayrocner,asaceq xndrem ka mijoc vor@ karoxe tetevacnel ayroc@..Naxapes shnorhakalutyun

Մեդ-Պրակտիկ

28.01.2016

Հարգելի Anna, բարև Ձեզ: Պտղի ներարգանդային աճի դանդաղման դեպքում բացի դեղորայքային բուժումից,  շատ կարևոր է համապատասխան սնունդը, շնչառական վարժությունները, զբոսանքը, ֆիզիկական ակտիվությունը: Հարկավոր է ընդունել վիտամիններով, միներալներով, սպիտակուցներով և ածխաջրերով հարուստ  սնունդ: Ածխաջրերը թերևս ամենակարևորն են: Վիտամիններից շատ կարևոր է վիտամիններ Ց-ն և Ե-ն: Օգտագործեք շատ մրգեր, բանջարեղեն, կաթնամթերք, ձու և հատիկավորներ, որոնք ածխաջրերի հարուստ աղբյուր են: Ստորև ներկայացնում ենք կայքի հղում, որտեղ կգտնեք պտղի ներարգանդային աճի դանդաղման դեպքում հղիին անհրաժեշտ սննդամթերքների ցանկը, ըստ հղիության ժամկետի.

 

http://mama66.ru/pregn/819

Maria

27.01.2016

Hargeli bjishk,xndrum em patasxanel.es karchatesutyyn unem dzerqberovi,-4.5e,konqers normal e,uzum em bnakan chanaparhov unenal,riskayin e???

Ռուզան

23.01.2016

Բարեվ Ձեզ, խնդրում եմ ասեք ինչ վտանգ կարող է ներկայացնել կարճ պորտալարը

Anna

16.01.2016

Barev dzez. Xndrum em patasxaneq. Es hxiutyan 34-rd shabatum em, ev indz asacin vor petqe lav snvem vorpeszi erexayi qashn avelana. Xndrum em kaseq vor snndamterqnern en ognum erexayi qashi avelacman@?

haekus

21.12.2015

HARGELI BZISK SAT SAT SHORAKALEM INC OGHELU HAMAR

Covinar

19.12.2015

Shaat shnorhakalem dzez harcs anpatasxan chtoxnelu hama. Ardyunqneri madin anpayman khaytnem dzez.

Մեդ-Պրակտիկ

18.12.2015

Հարգելի Haekush, բարև Ձեզ: Հղիության վերջին շաբաթներին պտղի խաղի ակտիվությունը մոտ երկու անգամ նվազում է, դա կապված է այն փաստի հետ, որ պտուղը չափերով մեծանում, և արդեն ազատ տարածությունը փոքրանում է ակտիվ շարժվելու համար, հատկապես, եթե պտղի ենթադրյալ քաշն ավել է նորմայից: Եթե պտղի խաղը 12 ժամվա ընթացքում 10 անգամից քիչ է, հարկավոր է դիմել բժշկի:

Եթե հայտնաբերվել է պորտալարի փաթաթում, հարկավոր է հղիին պահել հսկողության տակ, սակայն դա չի նշանակում, որ փաթաթումը կունենա միանշանակ վատ հետևանքներ: Որոշ դեպքերում, երբ սեղմվում են պորտալարի անոթները առաջանում է պտղի ներարգանդայի հիպօքսիա, նաև աճի դանդաղում: Եթե պղտի զարգացումը նորմալ է ընթանում, անհանգսըանալու կարիք չկա;

Մեդ-Պրակտիկ

18.12.2015

Հարգելի Covinar, բարև Ձեզ: Կոնկրետ սնկերը պտղի զարգացման վրա չեն ազդի, այնուամենայնիվ բուժում պետք է ստանալ: Սնկերի առաջացման հիմնական պատճառը հեշտոցի միկրոֆլորայի խանգարումն է, բուժման արդյունավետության համար նախ և առաջ հարկավոր է կարգավորել միկրոֆլորան, պրոբիոտիկների միջոցով: Օրեկան երկու անգամ կատարեք լվացում երիցուկի թուրմով: Կարող եք օգտագործել " Զալաին"-ի մոմիկ, այն հակացուցված չե հղիության ժամանակ: Մոմիկը հարկավոր է օգտագործել ընդամենը մեկ օր: Երեկոյան քնելուց առաջ կատարեք լվացում երիցուկի թուրմով, այնուհետև դրեք մոմիկը հեշտոց և պարկեք: Եթե գանգատները շարունակվեն, հարկավոր է մեկ շաբաթ անց նորից կրկնել: Լվացումները կարող եք կատարել նաև հետագա օրերին:

haekush

16.12.2015

barev cez sat snorakalem harcin patasxanelu hamar mi hat el xhtrahq unem hargeli bzisk ima hxiutean 8erord amsumem erexai xax sat cacr em zgum inc tvuma esa kicni erexai portalar 1angam patatvaca vzin xndrum em sat em xndrum stap patasxaneq da vtangavore

Covinar

15.12.2015

Barev dzez. Indz qori ev artadrutyan hamar nshanakelen izokonazol momik arajin ogtagorcumic heto ameninch laver bayc 20 or anc noric krknvec, ekrord ogtagorcum@ azdec 10 or voch avel. Bjishks poxec ayd momik@ pimafucinov bayc anogut, sa @ndhanrapes vochinch chpoxec. Xndrumem aseq inch karelie anel ev ardyoq ayd qor@ karoxe vnasel poqrikis.

Մեդ-Պրակտիկ

14.12.2015

Հարգելի Covinar, բարև Ձեզ: Խնդրում եմ մանրամասն գրեք ինչ բուժում եք ստացել, ըստ այդմ կկողմնորոշվենք ինչ կարելի անել:

Covinar

13.12.2015

Barev dzez. Es gtnvumem hxiutyan 28rd shabatum u erkar jamanake vor unem antaneli qor ev artadrutyun. Handznelem analiz patadxan@ ekele snker, ogtagorcelem momikner bayc vochmiogut chen tvel an@ndhat krknvume xndrumem ogneq. Inch karelie anel miayn chaseq vor dimem bjshkis vorovhetev bjishka arele hnaravor amen inch.

Մեդ-Պրակտիկ

31.10.2015

Հարգելի'  կայքի այցելուներ, տեխնիկական պատճառներով հարցերին պատասխանելը ժամանակավորապես հնարավոր չէր, և որոշ հարցեր, որոնց պատասխանելն այլևս ակտուալ չէ, հեռացվել են կայքից: Խնդրում ենք, եթե Ձեր հարցերը դեռևս ակտուալ են, նորից գրել:  Հայցում են Ձեր ներողամտությունը:

Մեդ-Պրակտիկ

06.09.2015

Հարգելի Qristine, բարև Ձեզ: Դեռևս վաղ է խոսել պտղի վերջնական առաջադրության մասին, քանի որ մինչ ծննդաբերությունը դիրքը փոխելու հավանականությունը մեծ է: Որոշ դեպքերում հնարավոր է, որ պտղի դիրքը չփոխվի, և ծննդաբերությունը սկսվելու ժամանակ պտղի դիրքը լինի հետքույքային: Դա վտանգավոր չէ, պարզապես հարկավոր է որոշել ծննդալուծման հետագա պլանը: Հետույքային առաջադրության դեպքում, հատկապես առաջնածինների մոտ, ավելի նախընտրելի է ծննդալուծումը կեսարյան հատման ճանապարհով, ելներով պտղի և մոր շահերից:

Մեդ-Պրակտիկ

06.09.2015

Հարգելի ARMINE, բարև Ձեզ: Եթե պտղի ներարգանդային զարգացումն ընթանում է նորմալ, պտուղը իր բոլո պարամետրերով համապատասխանում է հղիության տվյալ ժամկետին, անհանգստանալու կարիք չկա: Որովայինի մեծացումը, քաշի ավելացումը տարբեր կանանց մոտ տարբեր է: Խնդրում եմ նշեք Ձեր սկզբնական և այժմյան քաշը, որոշելու համար, քաշի ավելացոմը համապատասխանում է նորմայի սահմաններին, թե ոչ: Ինչ վերաբերում է զարկերակային ճնշման իջեցմանը, հղիության վաղ ժամկետներում, դրա պատճառը հիմնականում հղիության տոքսիկոզն է, բացի ճնշման իջեցումից նկատվում է նաև սրտխառնոց, թուլություն: Հղիության ավելի ուշ ժամկետներում, դրա պատճառը նեյրոցիրկուլյատոր դիտոնիան է, այսինքն կապված է անոթների տունուսի իջեցման հետ: Եթե նշված ճնշումը բավականին ցածր է Ձեր ելքային ճնշումից, գանգատվում եք ընդհանուր թուլությունից, շնջարգելությունից, հարկավոր է անպայման տեղյակ պահել բժշկին, բացի այդ հարկավոր է սրտաբանի կոնսուլտացիա անցնել: Նման դեպքերում հարկավոր է կարգավոր է սննդի ռեժիմը, ստանալ լիարժեք, սննդանյութերով հագեցած սնունդ, հաճախակի լինել մաքուր օդում, քայլել, կատարել ֆիզիկական վարժություններ, շատ հեղուկներ ստանալ, չափավոր քանակով թույլատրելի է սուրճի և թեյի օգտագործումը:

Մեդ-Պրակտիկ

06.09.2015

Հարգելի Meri, բարև Ձեզ: Ցավերը կարող են կապված լինել հղիության հետ, կարող են և կապված չլինել: Անկախ ամեն ինչից հարկավոր է դրանց մասին տեղյակ պահել Ձեր կոնսուլտացիայի բժշկին: Եթե պորտի հատվածում ցավերը մակերեսային են, և ցավերից բացի նկատում եք նաև պորտային օղի արտափքում, չի բացառվում, որ դա պորտային ճողվածք է, հարկավոր է անպայման դիմել վիրաբույժի:

Մեդ-Պրակտիկ

06.09.2015

Հարգելի Karine, բարև Ձեզ: Ինչ ասել է, թե նորմալ քաշով: Եթե նկատի ունեք հասուն պտղի միջին քաշը, ապա ոչ, նման բան հնարավոր չէ:

Մեդ-Պրակտիկ

06.09.2015

Հարգելի Luiza, բարև Ձեզ: Հնարավոր է, որ մինչ ծննդաբերության սկսվելը երեխայի դիրքը փոխվի, սակայն որոշ դեպքերում պտղի դիրքն անփոփոխ է մնում: Վտանգավոր ոչինչ չկա, հետույքային առաջադրությունը, այսինքն, երբ պտղի առաջադիր մասը ոչ, թե գլուխն է, այլ հետույքը, առաջադրության ոչ հաճախակի հանդիպող տեսակներից է: Եթե մինչ ծննդաբերության սկսելը դիրքը չփոխվի, հնարավոր է ծննդալուծում կատարվի կեսարյան հատման ճանապարհով:

ARMINE

06.09.2015

Inchu cheq patasxanum?

Qristine

03.09.2015

Barev zez. es 30 shabatekan hxi em. ev aysor asecin vor erexan hetuyqayin e. shat vtangavor e u mekel minchev 9 erord amis kuxvi?naxapes shnorakalutyun

ARMINE

02.09.2015

Barev DZez nereceq es 25 shabatakan hxi em unem qashis het kapvac xndir .qashs grete 4i avelanum .vorovaynis chap@ poqra isk chnshums himnakanum ijnuma 80/50.cheiq asi inchova da paymanavorvac, inch hetevanqner karoxa da unenal naxapes shnorhakalutyun.

Meri

06.08.2015

barev zez es unem31 sabatakan hxiutjun inz mot arden 1sabat e zaver en aragazel portis srganum da sat vtangavor e naxapes snorhakalutjun

Մեդ-Պրակտիկ

28.07.2015

Հարգելի Թագուհի, բարև Ձեզ: Սակավաջրությունը ազդում է հղիության հետագա ընթացքի և պտղի զարգացման վրա: Առաջին հերթին ամնիոտիկ հեղուկն ունի պաշտպանական նշանակություն, սակավաջրության ժամանակ պտուղը լինում է ավելի քիչ պաշտպանված արտաքին մեխանիկական ազդակներից: Բացի այդ ամնիոտիկ հեղուկը պարունակում է սննդանյութեր, որոնք անհրաժեշտ են պտղին: Սակավաջրության ժամանակ մեծ է ռիսկը վաղաժամ ծմմդաբերության: Կախված սակավաջրության աստիճանից որոշվում է վարման հետագա պլանը: 

karine

27.07.2015

barev Dzez.hnaravor e 28 shabatakanum erexan cnvi normal qashov?

Luiza

23.07.2015

Barev dzedz es Luizan em. Im hxiutyun@ 33 shabatakan e ev erexan glxayin dirq chi @ndunel.na glxov depi verev e ... Es kcankanay imanal da normal e ? Hnaravor e vor erexan minchev 9@ amsekan mna ayd dirqum ??? Shnorhakalutyun...

Կարդացեք նաև

Հղիության 26-րդ շաբաթ. morevmankan
Հղիության 26-րդ շաբաթ. morevmankan

Վերջանում է երկրորդ եռամսյակը, որը համարվում է երեխային սպասելու ընթացքի ամենախաղաղ ժամանակը: 26-րդ շաբաթը երեխայի համար կարևոր է այնքանով, որ նա արդեն կենսունակ է դարձել: Վաղաժամ ծննդաբերության դեպքում, բժշկական ճիշտ խնամքի...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Ինչպես մեծացնել հղիանալու հնարավորությունը. Հարվարդի գիտնականների 6 խորհուրդը. morevmankan
Ինչպես մեծացնել հղիանալու հնարավորությունը. Հարվարդի գիտնականների 6 խորհուրդը. morevmankan

Անգլիական հետազոտողներն` ուսումնասիրելով 15 հազարից ավելի կանանց, պարզել են, որ Բրիտանիայի յուրաքանչյուր 10-րդ գեղեցիկ սեռի ներկայացուցիչը բախվում է անպտղության խնդրի հետ...

Հղիության 25 շաբաթ. morevmankan
Հղիության 25 շաբաթ. morevmankan

Ժամանակն արագ է անցնում՝ հղիության 6 շաբաթներն արդեն մոտենում են ավարտին: Դեռ արագորեն քաշ եք ավելացնում, որովայնն ավելի է մեծանում, այն արդեն խանգարում է կռանալ, կոշիկները հագնել: Սա հրաշալի ժամանակ է մաքուր օդում...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Հղիության 24 շաբաթ. morevmankan
Հղիության 24 շաբաթ. morevmankan

Շարունակվում է հղիության երկրորդ եռամսյակը՝ ամենահանգիստ և հարմարավետ շրջանը: Քանի դեռ ժամանակ կա, առանց շտապելու պետք է ընտրել ծննդատունը և հավաքել շտապ անհրաժեշտության իրերի պայուսակը...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Հղիության 23- րդ շաբաթ
Հղիության 23- րդ շաբաթ

23 շաբաթում փոքրիկի մարմնի երկարությունը կազմում է մոտ 29 սմ, քաշը` մոտավորապես 510 գր: Հղիության այս շրջանում ապագա մայրը մշտապես լարված հետևում է իր մանկիկին, նրա շարժումններին: Երեխան արդեն մշակել է իր օրվա ռեժիմը...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Մոր սնունդը ծննդաբերությունից հետո. urolog.am
Մոր սնունդը ծննդաբերությունից հետո. urolog.am

Շատ կանայք ծննդաբերությունից հետո արագ քաշ են գցում՝ երեխայի, պլացենտայի և պտղաջրերի քաշից զատ. 1-2 շաբաթում օրգանիզմից հեռանում է մոտավորապես 2 լիտր կուտակված հեղուկ: Ծննդաբերությունից հետո մի քանի շաբաթ տևող արյունահոսությունը համարվում է...

Հղիության 22-րդ շաբաթ. morevmankan
Հղիության 22-րդ շաբաթ. morevmankan

Մեծավ մասամբ հղիությունն այս շրջանում ընթանում է հանգիստ՝ տոքսիկոզն այլևս չի տանջում, իսկ ապագա ծննդաբերության ապրումները դեռ չեն անհանգստացնում: Արյան ծավալի ավելացումը ո՛չ միայն անախորժ հետևանքներ, այլ նաև կնոջ օրգանիզմում...

ԼՈՒՐԵՐ: Մանկաբարձություն և ուրոգինեկոլոգիա Հղիությունը շաբաթներով՝ ըստ ամիսների
Ալերգիան հղիության ժամանակ. morevmankan
Ալերգիան հղիության ժամանակ. morevmankan

Ալերգիան իմուն համակարգի ծայրահեղ ռեակցիան է որոշ նյութերի՝ ալերգենների նկատմամբ, որոնք, սովորաբար, անվնաս են մյուսների համար: Հնարավոր չէ կանխատեսել, թե ինչպես հղի կնոջ օրգանիզմը կվերաբերվի պոտենցիալ ալերգենին...

Պերինատոլոգիա, մանկաբարձություն և ուրո-գինեկոլոգիա Ալերգոլոգիա
Հղիության 21-րդ շաբաթ. morevmankan
Հղիության 21-րդ շաբաթ. morevmankan

21 շաբաթում կնոջ քաշը կարող է շատ ավելացած լինել` համեմատած հղիության սկզբնական շրջանի հետ: Իրանը դառնում է լայն, լայնանում են ազդրերը, մեծանում են կրծքագեղձերը, լավ արտահայտված է որովայնը: Ժամանակն է մտածել զգեստապահարանի լրացման...

Պերինատոլոգիա, մանկաբարձություն և ուրո-գինեկոլոգիա
Սեղմակապ ծննդաբերությունից հետո. morevmankan
Սեղմակապ ծննդաբերությունից հետո. morevmankan

Հետծննդաբերական սեղմակապերն օգնում են ծննդաբերությունից հետո արգանդի կրճատման արագացմանը: Դա հատկապես ակտուալ է կեսարյան հատումից հետո: Այդպիսի սեղմակապը ֆիքսում է հետվիրահատական կարերը, պահում է որովայնի առաջային պատի...

Հղիության 20-րդ շաբաթ. morevmankan
Հղիության 20-րդ շաբաթ. morevmankan

20-րդ շաբաթը հղիության հասարակածն է: Արդեն գտնվում եք երեխայի հետ հանդիպման ճանապարհի ուղիղ մեջտեղում: Պտղի խաղն արտահայտված է ավելի ցայտուն, նա շատ ակտիվ պտտվում է, հարվածում, շրջվում, ինչպես նաև...

Պերինատոլոգիա, մանկաբարձություն և ուրո-գինեկոլոգիա
Ինչպիսի սեղմակապ (բանդաժ) կրել ծննդաբերությունից առաջ և հետո. morevmankan
Ինչպիսի սեղմակապ (բանդաժ) կրել ծննդաբերությունից առաջ և հետո. morevmankan

Երկրորդ եռամսյակի կեսում ապագա մոր որովայնը սկսում է ակտիվորեն աճել: Անհրաժեշտություն է առաջանում զգեստապահարանը համապատասխանեցնելու նոր վիճակին՝ ձեռք բերել ազատ ձևվածքի զգեստներ, նոր վերնաշապիկներ և տաբատներ...

Որովայնը` հղիության ժամանակ. morevmankan
Որովայնը` հղիության ժամանակ. morevmankan

Ապագա մոր շաբաթը-շաբաթի մեծացող որովայնը հղիության ինքնատիպ խորհրդանշանն է: Որովայնը չափերով մեծանում է պտղի, արգանդի աճի և շուրջպտղային հեղուկի (ապագա երեխայի կենսամիջավայրը) հաշվին: Որովայնի մաշկի խնամքով պետք է զբաղվել...

Հղիությունը շաբաթներով՝ ըստ ամիսների
Հղիության 19 շաբաթ. morevmankan
Հղիության 19 շաբաթ. morevmankan

Այս շաբաթն արդեն գրեթե հղիության կեսն է: Դա բավականին խաղաղ և հարմարավետ շրջան է ապագա մոր համար: Նա արդեն չի տառապում տոքսիկոզից, և դեռ չկան գոտկային շրջանի ցավեր, ստամոքսի այրոց և այլ անախորժ զգացողություններ...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Հղիության 18 շաբաթը. morevmankan
Հղիության 18 շաբաթը. morevmankan

Մի փոքր էլ, և կհայտնվեք հղիության կեսում: Թերևս, հիմա սկսվում է ամենալավ ժամանակը. շրջապատողներն արդեն նկատում են մեծացած որովայնը, և այլևս կարիք չունեք հղիությունը գաղտնի պահել: Ավելի հավանական է, որ արդեն հիանալի կերպով զգում եք...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ