Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Հղիություն, ծննդաբերություն

Հղիություն. 6-րդ ամիս

Հղիություն. 6-րդ ամիս

21 շաբաթական հղիություն (մանկաբարձական` 23)

Չնայած երեխան արագ տեմպերով ճարպ է հավաքում, սակայն նա դեռ կարմիր է և կնճռապատ: Դա տեղի է ունենում, քանի որ մաշկածածկույթն ավելի արագ է ձևավորվում, քան կհասցնեն նրա տակ ձևավորվել բավարար չափով ճարպային կուտակումներ:

 

Կարմրությունը պայմանավորված է մաշկի մեջ պիգմենտների կուտակմամբ, որոնք այն դարձնում են ավելի քիչ թափանցիկ:


Երեխան ավելի ու ավելի ակտիվ է դառնում, սակայն շարժումներն ու հարածները դեռ թույլ են: Էնդոսկոպիայով պտղի տեսապատկերներում կարելի է տեսնել, ինչպես է պտուղն արգանդում պորտալարը բռնում և հրվում նրա շրջակա աշխարհը կազմող ամնիոնի մեջ:


Երեխան շարունակում է փոքր քանակներով կուլ տալ շրջակա հեղուկից և հեռացնել այն օրգանիզմից մեզի տեսքով: Պտղաջրերից ստացած հեղուկն ու շաքարը նրա համար ընկերքից և պորտալարից ստացված սննդի կարևոր աղբյուր են: Հեղուկի կլանումը կարող է զկրտոց առաջացնել, որը դուք կզգաք` կթվա, թե պտուղը կարծես «ցատկոտում» է ձեր ներսում:


Մաշկի պիգմենտացիայի շնորհիվ երեխայի ձեռքերը կարմրավարդագույն են: Դեռ վերջերս նա բերանն էր մտցնում բութ մատը, իսկ այժմ սկսում է, իրոք, ծծել: Ամբողջությամբ ձևավորված են երեխայի եղունգները: Երեխան շարունակում է աճել և պատրաստվել լույս աշխարհ գալուն: Նա արգանդում իրեն հարմարավետ է զգում, Բրեկստոն-Հիքսի կծկացավերը չեն անհանգստացնում: Այժմ նրանում նախնական կղկղանք` մեկոնիում է կուտակվում:


Հասակը` գագաթից մինչև սրբոսկրը, կազմում է մոտ 30 սմ:Հղիության 6-րդ ամիս


Քաշը` մոտ 500-510 գ:


Հետևելով վաղածին երեխաներին, որոնց քնի ռիթմը նման է պտղի քնի ռիթմին, հնարավոր է պարզել, թե ինչպես է կազմակերպված պտղի օրական ակտիվությունը հղիության հինգերորդ ամսում: Ամեն ինչ շատ պարզ է. նա քնում է գրեթե 24 ժամ, և ակտիվության կարճատև ընթացքին հետևում է 50 րոպե տևողությամբ հանգիստը: Նրա սիրտը բաբախում է նույն ռիթմով, որն ապացուցում է, որ նա քնած է խորը և շարունակական քնով մինչև ներարգանդային կյանքի 28-րդ շաբաթը:


Այնուամենայնիվ, նա ձեզ հրում է ոտքերով, բայց դա չի նշանակում, որ նա, արթնանալով, լիարժեք շփում է հաստատում ձեզ հետ: Նա լողում է ամնիոտիկ հեղուկում, կպչելով արգանդի պատերին, ռեֆլեքսորեն պատասխանելով ձեր մարմնի շարժումներին: Ռեֆլեքսորեն, քանի որ կամայական պատասխանի համար պետք է ուղեղի հասունություն, որի զարգացումը դեռ չի ավարտվել:


Զարգացման այս ընթացքում նրա կամայական շարժումները հնարավոր են դառնում, քանի որ, սկսած երրորդ ամսից, ողնուղեղի նյարդաթելերը, որոնք մտածողության օրգաններ չեն, հետևողականորեն միանում են նրա մկանների նյարդաթելերին:


Այսպիսով նա կանխորոշում է այն քայլերը, որոնք կզարմացնեն մանկաբույժներին ծննդի ժամանակ: Խոսքն ավտոմատ քայլերի մասին է, որը գրանցված է նրա գեներում: Այս շարժումները ողնուղեղում ոչ վաղուց ձևավորված նեյրոնների` ռիթմի գեներատորների, շնորհիվ են:


Դուք ինքներդ


Դուք ավելի հստակ եք տարբերում ապագա փոքրիկի շարժումները ո´չ միայն այն պատճառով, որ նա մեծանում է և ավելի հաճախ շարժվում, այլ որ նրանց հաճախականությունը հնարավորություն է տալիս ավելի հստակ տարբերակել դրանք:


Դուք նկատում եք, որ փոքրիկն իր վարժությունների համար օգտագործում է այն ժամանակը, երբ դուք հանգստանում եք: Իրականում դա այդպես չէ, ուղղակի այդ ժամանակ դուք ավելի ուշադիր եք նրա շարժումների նկատմամբ:


22 շաբաթական հղիություն (մանկաբարձական` 24)


Պտղի երկարությունը կազմում է մոտ 30 սմ, քաշը` 600-680 գ:


Այսպիսի պտուղը կարող է ծնվել կենդանի և կատարել արտարգանդային շնչառական շարժումներ, նույնիսկ ապրել հատուկ ինկուբատորային պայմաններում` թոքերի արհեստական օդափոխության և ինտենսիվ թերապիայի և վերակենդանացման հատուկ միջոցների օգտագործմամբ: 


Նրա ականջը ոչ միայն լսողության օրգան է, այլև հավասարակշռության կենտրոն: Վեստիբուլյար ապարատը տեղակայված է ներքին ականջում: Վերջինիս շնորհիվ փոքրիկը կարող է պտտվել` առանց գլխապտույտ զգալու, ինչպես նաև տարբեր դիրքեր ընդունել, երբ լողում է ամնիոտիկ հեղուկում:


Ձեր փոքրիկի վեստիբույլար ապարատը կատարյալ է, վերջինիս շնորհիվ նա կողմնորոշվում է տարածության մեջ` իր «տրամադրությանը» համապատասխան, և ոտքերով հենվելով արգանդի պատերին՝ հարմար տեղավորվում:


Հետազոտողները ենթադրում են, որ նա այս մեթոդն ու վեստիբույլար ապարատից ստացված ինֆորմացիան օգտագործում է, որպեսզի լույս աշխարհ գալու համար հարմար դիրք ընդունի: Կարելի՞ է արդյոք եզրակացնել, որ ծննդաբերության պահին այլ դիրք ունեցող փոքրիկի վեստիբուլյար ապարատը թերզարգացած է:


Մաշկի տակ շարունակվում է ճարպային շերտի կուտակումը, որը թույլ է տալիս պահպանել մարմնի օպտիմալ ջերմաստիճանը և խուսափել գերսառեցումից: Այդ պատճառով վաղածին փոքրիկներին պահում են հատուկ ինկուբատորներում, առանց այս պայմանների նրանք ուղղակի չեն ապրի:


Դուք ինքներդ


Արգանդը հասնում է ստոծանուն, և ձեր թոքերը զրկվում են ամբողջ ծավալով շնչելու հնարավորությունից: Որպեսզի թոքերը կարողանան ողջ ծավալով օդով լցվել, կրծքավանդակը լայնանում է 5-7 սմ: Այս լայնացումը հնարավորություն է տալիս կլանել 20% ավելի թթվածին, որն անհրաժեշտ է ձեր երկուսին:


Այս շաբաթում դուք կարող եք զգալ արգանդի կրճատումները (որովայնային պատի լարվածություն)` այսպես կոչված Բրեկստոն-Հիքսի կծկացավերը: Դա նորմալ է՝ արգանդը կամաց-կամաց սկսում է նախածննդաբերական վարժությունները: Սակայն դուք պետք է իմանաք նաև այն զգացողությունների մասին, որոնք չի կարելի անուշադրության մատնել: Վաղաժամ ծննդաբերության նշանները հետևյալն են՝

 

  • Արգանդի կծկացավերի հաճախականությունը հասնում է ժամում 5 և ավելի անգամի,
  • Սեռական օրգաններից ալ կարմիր արյան արտահոսք,
  • Պրեկլամփսիայի (սուր կամ երկարատև ցավեր որովայնում, սրտխառնոց) նշաններ
  • Անսպասելիորեն սեռական օրգաններից թափանցիկ հեղուկի արտահոսք,
  • Մղկտուն ցավեր գոտկատեղում,
  • Կոնքերի ներքին հատվածում ուժեղ ճնշում,


Նման նշանների առկայության դեպքում անհրաժեշտ է անհապաղ դիմել բժշկի:


Երեխայի շարժողական ակտիվությունն արտաքինից հիշեցնում է նորածնի շարժումների:


23 շաբաթական հղիություն (մանկաբարձական` 25) 


Երեխան աճում է ոչ թե օրերով, այլ ժամերով: Նրա քաշը մոտ 700 գրամ է: Շարունակվում է ոսկրա-հոդային համակարգի ինտենսիվ ամրացումը:


Հղիության 6-րդ ամիսԱյս շաբաթում երեխան կամաց-կամաց սկսում է բացել աչքերը, այժմ նրանք գրեթե ամբողջությամբ ձևավորված են, ակնախնձորի բոլոր շերտերն այնպիսին են, ինչպես կլինեն ծնվելու ժամանակ: Եթե երեխան երկնագույն աչքեր ունի, ապա նրանք արդեն երկնագույն են: Սա արդարացի է ցանկացած ռասայի մարդու համար չնայած այն հանգամանքին, որ աչքերի վերջնական գույնը կպարզվի միայն ծննդից ամիսներ անց:


Երեխան դեռ բավականին թույլ է և նիհար, բայց դա շուտով կփոխվի, քանի որ ճարպի կուտակումը հիմնականում տեղի է ունենում հղիության ավելի ուշ շրջանում: Նրա քաշը ծննդաբերության ժամանակ նշանակալիորեն կավելանա, կգիրանա և բոլոր նորածիններին բնորոշ թմբլիկություն ձեռք կբերի: Մաշկը նախկինի պես կարմրավուն է և խորշոմավոր, սակայն ենթամաշկային ցանցաշերտի զարգացմանը զուգընթաց կհարթվի և ավելի բաց գույն ձեռք կբերի: Երեխան արդեն ունի եղունգներ, թարթիչներ և հոնքեր, բայց հարաբերականորեն փոքր են և շարունակում են աճել: 


Երեխայի մաշկի տակ երևում են երակները: Փոքրիկը լսում է ձեզ և այն ամենը, ինչ տեղի է ունենում ձեր շուրջը: Թեև մենք ենթադրում ենք, որ արգանդում լուռ է, սակայն փոքրիկը, այնուամենայնիվ, ձեր ներսում շրջապատված է աղմուկով՝ ձեր համար ալսելի ձեր սրտի բաբախյունը, մարսողության ժամանակ փորի ղռղռոցը, և այլն: Դուք նույնիսկ կարող եք զգալ, որ երեխան լսում է՝ քանի որ անսպասելի բարձր ձայնից նա կարող է ուժեղ հրել կամ կտրուկ շարժվել ձեր ներսում: Նաև երեխան տեսնում է արգանդ թափանցող լույսը: Հետևաբար այն կարծիքը, որ երեխան արգանդում մթության և լռության մեջ է, սխալ է: 


Փոքրիկի երկարությունը` գագաթից մինչև սրբոսկրը, մոտ 32,5-33 սմ է


Քաշը` մոտ 794-800 գ:


Վեցերորդ ամիսը, ինչպես և հինգերորդը, կարելի է անվանել շարժման ամիսներ: Պտուղն ակտիվորեն շարժվում է, եթե քնած չէ, իսկ քունը կազմում է նրա օրվա մեծ մասը՝ 16-20 ժամ:


Վերլուծելով քնած պտղի ուղեղի կենսահոսանքների գրանցումը՝ էլեկտրոենցեֆալոգրաման, մասնագետները զարմանքով պարզեցին, որ նա ևս ունի քնի երկու փուլ՝ դանդաղ և արագ քուն, ինչը բնորոշ է հասուն մարդուն:


Վեցերորդ ամսում պտուղը դառնում է խոշոր և շարժուն, ուրվագծվում է նրա անհատականությունը, նա արդեն «դեմքի արտահայտություն» ունի: Ուղեղի ծավալը մեծանում է, կառուցվածքը՝ կատարելագործվում, ձևավորվում են ուղեղի գալարները: Նա պատրաստվում է մտածելու, տեսնելու, լսելու և զգալու:


Այս ժամանակից երեխան սկսում է կատարել մշտական շնչառական շարժումներ: Շնչառական համակարգի հիմքը դրվում է հղիության երկրորդ-երրորդ շաբաթներում, իսկ հետո` 18 շաբաթվա ընթացքում, այս համակարգի օրգանները բարդանում են և ճյուղավորվում: Բրոնխային ծառը բառացիորեն աճում է և ճյուղավորվում բրոնխների և բրոնխիոլների: Աճելով թոքերի մեջ` նրանք բաժանում են վերջինիս հյուսվածքները մասերի և հատվածների: Ամենաուշ ձևավորվում են թոքաբշտիկային ալվեոլային ելքերը`  ալվեոլներով լեցուն նրբագույն օդատար խողովակները: Այս մանրադիտակային պղպջակների նրբագույն պատերի միջոցով տեղի է ունենում ածխաթթու գազի փոխարինումը կենսական թթվածնով: Սակայն ալվեոոլները կուղղվեն ու կլցվեն օդով միայն նորածնի առաջին շնչի հետ: Այժմ փոքրիկն ընդամենը «մշակում» է համակարգը՝ կատարելով րոպեում 50-60 շնչառական շարժումներ:


Ընդ որում թոքային հյուսվածքներում օդ չի հասնում, իսկ պտղաջրերը հասնում են: Սակայն նրանց քանակությունը փոքր է, նրանք շուտ ներծծվում են և պտղին վնաս չեն պատճառում: Շնչառական շարժումները կարող են դադարել 1-1,5 ժամ, ապա նորից վերականգնվել:


Շնչառական շարժումներ կատարելու հնարավորությունն ապահովում է շնչառական կենտրոնը, որը վերջնականապես ձևավորվում է երկայնաձիգ ուղեղում 22-23-րդ շաբաթվա ընթացքում: Այս կենտրոնի զարգացումը զգալիորեն դանդաղում է, եթե մոր օրգանիզմը ենթարկվում է դիպվածային, առավել ևս մշտական թունավորման այն նյութերով, որոնք պարունակում են ծխախոտն ու ծխախոտի ծուխը, ալկոհոլը, թմրանյութերը: Այս նյութերի ազդեցության տակ, որոնց համար, փաստորեն, ընկերքի արգելքը չի գործում, ճնշվում է պտղի կենտրոնական նյարդային համակարգը, հետևաբար նաև գլխուղեղում գտնվող շնչառական կենտրոնը: Իսկ դա կարող է հանգեցնել նրան, որ ծննդյան պահին ո´չ շնչառական կենտրոնը, ո´չ թոքերը, ո´չ էլ բրոնխները ամբողջությամբ պատրաստ չլինեն կատարելու իրենց գործառույթները:


Այժմ պտղի թթվածնով ապահովվածությունը կախված է նրանից, արդյո՞ք զարգացած է ընկերքի մազանոթային համակարգը և ինչ ինտենսիվությամբ է կատարվում արգանդաընկերքային արյան շրջանառությունը: Եթե անոթային համակարգի վրա կինը գրեթե չի կարող ազդել, քանի որ ընկերքն ու նրա համակարգը ձևավորվել են երրորդ ամսի վերջին, ապա արյան շրջանառությունը ակտիվացնել հաջողվում է: Դրա համար պետք է մշտապես կատարել որոշակի ֆիզիկական վարժություններ, որոնք կօգնի ընտրել հղիությանը մշտապես հետևող բժիշկը, և որքան հնարավոր է շատ գտնվել մաքուր օդում, շատ շարժվել:


Հղիության 6-րդ ամիսՎեցերորդ ամսում լավ ձևավորված են պտղի մարսողական համակարգի բոլոր հատվածները՝ կերակրափողը, ստամոքսը, բարակ և հաստ աղիները, լյարդը, ենթաստամոքսային գեղձը: Ստամոքսի և աղիների լորձաթաղանթում արդեն կան արտազատական բջիջներ, որոնք ծննդից հետո կսկսեն արտադրել աղիքային և ստամոքսային հյութերը: Լյարդն ակտիվորեն անցնում է իր հիմնական գործառույթների կատարմանը, այդ թվում` գլիկոգենի սինթեզին և պահպանմանը, որոնք պտղի ածխաջրերի հիմնական աղբյուրն են: Արյունաստեղծ գործառույթներն ամբողջությամբ իրենց վրա են վերցնում կարմիր ողնուղեղը, փայծաղը, լիմֆատիկ հանգույցները:


20-րդ շաբաթից սկսած՝ պտուղը մորից ընկերքի միջոցով սկսում է իմունոգլոբիններ ստանալ, որոնք ապահովում են նրա պասիվ իմունիտետը, սակայն փոքրիկի իմունային ուժը դեռ շատ թույլ է և նրա գլխավոր պաշտպանը մայրական օրգանիզմն է:


Եթե մայրը հիվանդանում է, օրինակ, գրիպով, դա կարող է իր հետքը թողնել պտղի սիրտ-անոթային, արտազատական և այլ համակարգերի վրա: Այդ ազդեցությունը կարող է լինել ինչպես հազիվ նշմարելի, այնպես էլ` բավականին լուրջ: Ելնելով դրանից` գրիպի համաճարակի դեպքում պետք չէ գտնվել մարդկանց կուտակման վայրերում, որտեղ հնարավոր է  անկախ ձեր կամքից շփում գրիպով կամ օդակաթիլային ճանապարհով տարածվող այլ հիվանդություններով հիվանդների հետ: Խիստ կարևոր է ժամանակին հայտնաբերել և բուժել սեռական օրգանների հիվանդությունները, մաշկի թարախային հիվանդությունները, ուշադիր հետևել քիթ-կոկորդային համակարգին և ատամներին: Լավ կլինի, եթե այդ ամենն արվի մինչև հղիությունը:


Վեցերորդ ամսվա ընթացքում ավարտվում է գլխուղեղի հատվածների անատոմիական ձևավորումը, ավելի վաղ ձևավորված հատվածներին միանում են միջին ուղեղն ու փոքր ուղեղը, իսկ գլխուղեղի մակերևույթին ավարտվում է գալարների և ակոսների ձևավորումը: Այնուամենայնիվ դեռ չի ավարտվում կենտրոնական նյարդային համակարգի զարգացումը, որը շարունակվում է նաև ծննդից հետո:


Վեց ամսական պտղի դեմքը դառնում է բավականաչափ իմաստավորված: Կոպերը բացում են լավ ձևավորված աչքերը, որոնց վերևում հստակ տարբերակվում են հոնքերը: Բավականին հստակ գծագրվում է քիթը, սակայն ամենահետաքրքիրն ականջներն են, որոնց չափերը մեծանում են և վերջնական տեսքի գալիս: Ականջախեցին, որի զարգացումը սկսվել էր սաղմնային կյանքի երկրորդ ամսում, ձևավորվում է աստիճանաբար մեծացող ելունդների խմբից: Դա խիստ անհատական գործընթաց է և երբեք հայտնի չէ, թե քանի ելունդ կաճեն և որտեղ կլինի նրանց սերտաճումը: Այստեղից էլ` տարբեր մարդկանց մոտ ականջախեցիների ձևերի տարբերությունը: Պատահական չէ, որ քրեագիտության մեջ դա անձի իդենտիֆիկացիայի հիմնական մեթոդներից մեկն է:


Թեև վեցերորդ ամսում բոլոր օրգանները ձևավորված են և կատարում են իրենց գործառույթները, պտուղը դեռ հասունացած չէ: Եթե նա ծնվի այս ընթացքում, ինչը կարող է պատահել ընկերքի շերտազատման կամ այլ պատճառներից, նրա կենդանի մնալու հավանականությունը քիչ է՝ չնայած ժամանակակից բժշկության ձեռքբերումներին:


Վեցերորդ ամսում արագորեն աճում է գլխուղեղի ծավալը: Համեմատություն՝ 2 ամսեկանում այն կշռում է 2,0 գ, 5-ում՝ 20-25 գ, իսկ 6-րդ ամսի վերջին՝ 100գ:


Խիստ կրճատվում է ողնուղեղի հարաբերակցությունը գլխուղեղի նկատմամբ՝ երեք ամսեկանում այն 1:18 էր, իսկ 6 ամսեկանում՝ 1:100 :
Վեցերորդ ամսում գործում են պտղի բոլոր զգայական օրգանները: Այդ գործառույթների ձևավորումը տեղի է ունենում հետևյալ հաջորդականությամբ. Սկզբում` երեք ամսեկանում, ձևավորվում են մաշկի շոշափողական զգայարանները, 3,5 ամսեկանում՝ համային, հինգերորդ ամսում նրանց է միանում վեստիբույլար գործառույթը, որն ապահովում է հավասարակշռության պահպանումը, իսկ հետագայում՝ հինգ-վեց ամսեկանում ձևավորվում են տեսողական և լսողական զգայարանները:

Հղիության 6-րդ ամիս

Հեղինակ. Ըստ պրոֆ. Ա. Ի. Բրուսիլովսկու «Կյանքը մինչև ծնունդը» գրքի նյութերի
Սկզբնաղբյուր. kiev-mama.com.ua
Աղբյուր. med-practic.com
Լուսանկարը. baby.ru
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Մեդ-Պրակտիկ

17.12.2015

Հարգելի Gayane, բարև Ձեզ: Հղիության ցանկացած ժամկետում էլ ցանկալի չէ մազերը ներկել, հատկապես վտանգհավոր է առաջին եռամսյակում, քանի որ պտղի օրգանները դեռ լիովին ձևաևվորված չեն, և ներկի կազմի մեջ մտնող քիմիական նյութերը կարող են վնասել պտղին: Եթե այնուամենայնիվ որոշել եք ներկել, ընտրեք բնական ծագում ունեցող և առանց ամիակի ներկեր:

Մեդ-Պրակտիկ

17.12.2015

Հարգելի Lena, բարև Ձեզ: Քանի որ կա պտղի ներարգանդային աճի դանդաղում, հարկավոր է անընդհատ հսկողություն, հետևելու համար պտղի աճին: Կոնկրետ աճի դանդաղումը հակացուցում չե ինքնաթիռ նստելու համար: Քանի որ կա խնդիր, հարկավոր է անընդհատ հսկղության տակ լինել, եթե նույնիսկ մեկնում եք որոշ ժամանակով:

Մեդ-Պրակտիկ

17.12.2015

Հարգելի ARPINE, բարև Ձեզ: Գրականության մեջ նմանատիպ դեպքեր նկարագրված չեն, միգուցե եզակի դեպքերում հանդիպում է, միանշանակ պնդել չի կարելի: Ամեն դեպքում հսկողություն պետք է: Երեխայի ծնվելուց հետո հարկավոր է անպայման հետազոտել, ըստ այդմ որոշել հետագա տակտիկան:

Gayane

14.12.2015

hargeli bjishk, kareli e hxiutyan jamanak kin@ nerki ir maxer@ te da azdum e yerexayi vra

Lena

10.12.2015

Bjishk jan 26 shabatakan hxi em...25 shabatakan dopleri jamanak asecin vor baliks erku shabat het e @nkel qashe 580 gramm er bayc organnere u mnacac amen inche idealakan ... erku koxmic anotneris snucume lav cher katarvum .... Bjishkas asec anhangstanalu ban chka ..hima xmum em kardiomagnil ev angiovit... inc petq e imanal nman xndire karox e patchar linel vorpeszi chkaroxanam inqnatir nstel ???? xndri araj karox em kangnel... asem vor chnshums amen or chpumem ore 5 angam der 110?80ic bardz chi exel.... XNDRUM EM PATASXANEQ!!!

ARPINE

23.11.2015

HARGELI BJISHK ES 25 SHABATEKAN HXI EM 22 SHABATAKANUM ARVEL E DOPLER HETAZOTUTYUN EV EREXAYI CAX ERIKAMI MEJ QAR EN HAYTNABEREL INC AACIN VOR DA EZAKI ERVUYT CH U NMAN DEPQERY SHAT EN BAYC AYL BJISHKNERIC LSEL EM VOR DA HNARAVOR CHE HMA NC HETAQRQIR E DA HNARAVOR E TE VOCH AYS AMSVA VERJ NUYN BJISHKY KANCHEL E NORIC HETAZOTVELU

Մեդ-Պրակտիկ

22.11.2015

Հարգելի Rafaela, բարև Ձեզ: Խնդրում եմ գրեք, Ձեզ ինչի համար է նշանակվել գենետիկական հետազոտությունն: Ձեր բացասական արյունն առաջին հղիության ընթացքում բարդություններ չի առաջացնի: Ծննդաբերությունից անմիջապես հարկավոր է պարզել երեխայի ռեզուս պատկանելիությունը, եթե երեխայի արյունը նույնպես բացասական լինի, ոչինչ հարկավոր չէ անել: Եթե երեխան լինի ռեզուս դրական, հարկավոր է Ձեզ ներարկել հակառեզուսային իմունոգլոբուլին, որպեսզի հաջորդ հղիությունների  ժամանակ պտղի մոտ հեմոլիտիկ հիվանդություն չառաջանա:

Մեդ-Պրակտիկ

22.11.2015

Հարգելի Սոնա, բարև Ձեզ: Կարդիոմագնիլը իհարկե վտանգավոր չէ, այն նվազեցնում է արյան մակարդունակությունը: Ինչ վերաբերում է կլեքսանին, այն ևս պետք է նշանակվի անոթաբանի կամ հեմատոլոգի կողմից: Հղիության 23 շաբաթում  "Դ դիմերի"  քանակը Ձեզ մոտ նորմայի սահմաններում է, սակայն կախված հղիության ընթացքից, հնարավոր է նորից կլեքսան ստանալու կարիք լինի: Ցանկալի է խորհրդակցել անթաբանի հետ:

Մեդ-Պրակտիկ

22.11.2015

Հարգելի Haekush, բարև Ձեզ: Խնդրում եմ նշեք, այժմ քանի շաբաթական է Ձեր հղիությունը: Եթե պլացենտան կենտրոնական տեղակայում չի ունեցել, շատ հավանական է, որ հղիության վերջին ամիսներին պլացենտայի առաջադրություն չլինի, հատկապես եթե նախկինում եղել է եզրային: Դա կարելի է պարզել ՈՒՁՀ միջոցով:

Մեդ-Պրակտիկ

22.11.2015

Հարգելի Hermine, բարև Ձեզ:  -3.5 կարճատեսությունը համարվում է միջին աստիճանի միօպիա, և եթե կեսարյան հատման համար այլ ցուցումներ չկան,  համարվում է հարաբերական ցուցում: Քանի որ Ձեր արդեն չորրորդ ծննդաբերությունն է, ցանկալի է ծննդաբերել բնական ծննդաբերական ուղիներով:

Մեդ-Պրակտիկ

21.11.2015

Հարգելի Nana, բարև Ձեզ: Ներկա դրությամբ "Դ"դիմերի քանակը Ձեզ մոտ նորմայի սահմաններում է, սակայն հետագա բուժման համար անպայման հարկավոր է դիմել Ձեր բուժող բժշկին և անոթաբանին, քանի որ կախված ընդհանուր վիճակից, գենետիկ հետազոտությունների տվալներից բուժման պլանը տարբեր է, հատկապես, եթե նախկինում վիժումներ եք ունեցել:

Rafaela

03.11.2015

Barev dzez hargeli bjishk.es 25 shabatakan hxiem unem rezus bacasakan aryun isk amusins drakan.30 shabatakanum petqe handznem genetikakan aryan analiz. Inchqanove vtangavor im rezus bacasakan@ erexayi hamar.naxapes shnorhakalutyun

Սոնա

03.11.2015

Բարև Ձեզ հարգելի բժիշկ ես 23 շաբաթական հղի եմ, 5 շաբաթականում վիժում էր սկսում, 11 շաբաթականում հեմատոմա հայտնաբերվեց, դ դիմեր անալիզ հանձնեցի 900 եր, 2 շաբաթ կլեկսան եմ սրսկվել փորից, մեկ շաբաթ առաջ նորից հանձնեցի 228 էր հիմա հեմատոման անցել է, բժիշկս ասեց նորից սրսկվեմ մինչև վերջ, արյունաբանից հարցրեցի ասեց անգիովիտ ու կարդիոմագնիլ խմեմ,հիմա դուք ինչ խորհուրդ կտաք ,կարդիոմագնիլը վտանգավոր է???? Նախապես շնորհակալություն

Մեդ-Պրակտիկ

24.10.2015

Հարգելի'  կայքի այցելուներ, տեխնիկական պատճառներով հարցերին պատասխանելը ժամանակավորապես հնարավոր չէր, և որոշ հարցեր, որոնց պատասխանելն այլևս ակտուալ չէ, հեռացվել են կայքից: Խնդրում ենք, եթե Ձեր հարցերը դեռևս ակտուալ են, նորից գրել:  Հայցում են Ձեր ներողամտությունը պատճառված անհարմարության համար:

hermine

24.10.2015

barev dez es unem 3 balik voronc unecel em bnakan zevov hima 4-rd hxiutyunns e asum en kataten kesaryan nshem vor unem -3,5 karcatesutyun arje te voch? naxapes shnrhakalutyun

haekush

24.10.2015

barev dez hargeli bjishk hxiutyans skzbum unecel emarajnayin @nkerqi drutyun hima karox e ayn linelhetin pati drutyun

Nana

23.10.2015

Barev dzez bjishk, es 22 shabatakan hxi em, im mot 3-rd hxiutyunn e, 2 angam korcrel em araji angam im mot uroplazma e haytnabervel bujum em arel, 2 angam ddimers barcr er, hima 15 shabatakanum handzneci 900 er ddimer@, 2 shabat kleksan em srskvel 0.2 ic, esor handzneci 228 er, sharunakem srskum@ te che , ete chsrskvem vtangavor e ??? naxapes shnorhakalucyun, xndrum em patasxanek harcis shat karevore

Մեդ-Պրակտիկ

13.07.2015

Հարգելի Nare, բարև Ձեզ: Արդեն առաջացած բծերը վերացնել ցավոք հնարավոր չէ, սակայն կարող եք կանխել դրանց հետագա առաջացումը: Կարող եք օգտագործել հատուկ հղիեների համար քսուքներ կամ լոգանքի գելեր, որոնք բարձրացնում են մաշկի էլաստիկությունը և կանխում բծերի առաջացումը: Կարող եք ձեռք բերել դեղատներից: Մաշկի էլաստիկությունը բարձրացնելու համար շատ արդյունավետ է նաև նշի յուղի օգտագործումը, որը ևս կարող եք ձեռք բերել դեղատներից:

Մեդ-Պրակտիկ

13.07.2015

Հարգելի SATENIK, բարև Ձեզ: Պտղի խաղը առաջնածինները նորմայում զգում են 19-20-րդ շաբաթից սկսած, իսկ կրկնածինները մեկ շաբած ավելի շուտ: Արդեն 24-րդ շաբաթում պետք է որ նորմալ ռիթմով զգայիք պտղի խաղը: Հարկավոր է անպայման դիմել գինեկոլոգի, կատարել ՈՒՁՀ, հարկ եղած դեպքում նաև Դոպլերոգրաֆիա, համոզվելու համար, որ արգանդ-ընկերքային արյան շրջանառության խանգարում չկա:

Մեդ-Պրակտիկ

13.07.2015

Հարգելի Lian, բարև Ձեզ: Հղիության երկրորդ եռամսյակում հարբուխն այնքան վտանգավոր չէ, եթե չկա ջերության բարձրացում և հազ: Կարող եք օգտագործել վիտամին Ց: Եթե կունենաք ջերմաստիճանի բարձրացում, հազ, դիմեք տեղամասային գինեկոլոգին համապատասխան բուժում ստանալու համար:

Մեդ-Պրակտիկ

13.07.2015

Հարգելի Lili, բարև Ձեզ: "Կարդելիպ"-ն իր մեջ պարունակում է ձկան յուղ, որը նպաստում է արյունատար անոթների, նյարդային համակարգի զարգացմանը, ինչպես նաև կարգավորում է նյութափոխանակային պրոցեսները: Դեղի ընդունման ցուցումներում նշված է, որ հղիության ընթացքում ընդունելուց առաջ հարկավոր է խորհրդակցել բժշկի հետ: 

Մեդ-Պրակտիկ

07.07.2015

Հարգելի Alina, բարև Ձեզ: Հղիության ընթացքում օրգանիզմում տեղի են ունենում հորմոնալ տեղաշարժեր, որոնք բերում են քթի անոթների փխրունության, ավելանում է շրջանառող արյան ծավալը, որոնց հետևանքով երբեմն նկատվում է քթային արյունահոսություն: Եթե արյունահոսության դեպքերը հաճախակի չեն, օրինակ շաբաթական մեկ անգամից ավելի չեն լինում, անհանգստանալու կարիք չկա: Քթային արյունահոսություն հղիության ժամանակ կարող է դիտվել նաև կալցիումի, երկաթի և վիտամին K-ի անբավարարության դեպքում: Ցանկալի է դիմել գինեկոլոգի, նշված միներալների և վիտամինի պակասը լրացնող վիտամինային կոմպլեքս նշանակելու համար:

nare

28.06.2015

hargeli bjishk inc mot 25 shabatakan hxiutyun e vorovaynis vra karmir gcer en sksel arajanal@ inch kareli e anel ev da kancni te voch?

SATENIK

28.06.2015

BAREV DZEZ HARGELI BJISHK IM MOT 24 SHABATAKAN HXIUTYUN E SAKAYN ES PTXI XAX@ NORMAL CHEM ZGUM ORVA MEJ MEK ANGAM SHAT ANNSHAN KAM CHI EL LINUM XNDRUM EM XORHURD TVEQ INCH ANEM DA NORMALA TE VOCH NAXAPES MERSI

lian

21.06.2015

HARGELI BJISHK ES VEC AMSEKAN HXIEM U MOTS GRIPOZ VIJAKE SHAAATEM ANHANGSTANUM EREXAYIS HAMAR XNDRUMEM PATASXANEQ HNARAVORE DA VTANGAVOR LINI EREXAYIS HAMAR?????

Lili

17.06.2015

Barev Dzez hargeli bjishk, es 23 shabatakan hxi em. Hxiutyuns hskox bjishk@ inc "карделип" e nshanakel, asum e vor lavacnum e erexayi glxuxexi zargacumy, shat lav e hxineri hamar ev nman mi sharq baner. Sakayn dexi instrukciayi mech grvac e vor ayn hakacucvac e hxinerin. Hima es chgitem xmem et dexy te chxmem... Xndrum em xorhurd tveq inch anem.. Spasum em Dzer patasxanin. Naxapes shnorhakalutyun.

Մեդ-Պրակտիկ

16.06.2015

Հարգելի MARIAM, բարև Ձեզ: Հղիության ընթացքում օրգանիզմում տեղի ունեցող հորմոնալ տեղաշարժերի հետևանքով կարող է նկատվել լիբիդոյի` սեռական ցանկության  իջեցում, երբեմն նաև ուժեղացում: Անհանգստանալու կարիք չկա, դա կապված է հղիության հետ: Հատկապես հղիության երկրորդ եռամսյակում կանանց մեծ մասի մոտ նկատվում է սեռական ցանկաության իջեցում: 

Alina

14.06.2015

bjishk Jan es vec amsekan hxiem....erku Angame arden qtics tetevaki aryun e galis?erbeve nman bin inc het CHI exe,...inchic da karoxe linel??

Մեդ-Պրակտիկ

12.06.2015

Հարգելի SARA, բարև Ձեզ: Առաջնաիծին կանայք պտղի խաղը նորմայում զգում են հղիության 20-րդ շաբաթից սկսած: Մինչև 24-րդ շաբաթը համարվում է նորմա: Կախված օրգանիզմի առանձնահատկություններից կարող են լինել որոշ տատանումներ: Եթե հղիությունն ընթանում է նորմալ և ըստ ՈՒՁՀ տվյալների պտղի ենթադրյալ քաշը համապատասխանում է ժամկետին, անհանգստանալու կարիք չկա:

Մեդ-Պրակտիկ

08.06.2015

Հարգելի ELEN, բարև Ձեզ: Կալցիումի օրական պահանջը կարելի է լրացնել նաև այլ սննդամթերքների միջոցով, օրինակ մսամթերքի: Բավականաչափ կալցիում պարունակվում է նաև բալի, խնձորի, կաղամբի, նեխուրի մեջ: Նշված մթերքների ամենօրյա օգտագործումը բավարար է օրգանիզմում կալցիումի դեֆիցիտը կանխարգելելու համար: Ընդհանրապես կալցիումի պրեպարատներ հղիության ընթացքում նշանակվում են այն դեպքում, երբ առկան են կալցիումի դեֆիցիտի կլինիկական նշաններ, կամ արյան անալիզի միջոցով, պարզվել է, որ կալցիումի քանակը նորմայից քիչ է: Օրգանիզմում կալցիումի դեֆիցիտն արտահայտվում է եղունգների փխրունությամբ, մազերի թափվելով, մկանների ջղակծկումներով և այլն:

Կարդացեք նաև

Հղիության 26-րդ շաբաթ. morevmankan
Հղիության 26-րդ շաբաթ. morevmankan

Վերջանում է երկրորդ եռամսյակը, որը համարվում է երեխային սպասելու ընթացքի ամենախաղաղ ժամանակը: 26-րդ շաբաթը երեխայի համար կարևոր է այնքանով, որ նա արդեն կենսունակ է դարձել: Վաղաժամ ծննդաբերության դեպքում, բժշկական ճիշտ խնամքի...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Ինչպես մեծացնել հղիանալու հնարավորությունը. Հարվարդի գիտնականների 6 խորհուրդը. morevmankan
Ինչպես մեծացնել հղիանալու հնարավորությունը. Հարվարդի գիտնականների 6 խորհուրդը. morevmankan

Անգլիական հետազոտողներն` ուսումնասիրելով 15 հազարից ավելի կանանց, պարզել են, որ Բրիտանիայի յուրաքանչյուր 10-րդ գեղեցիկ սեռի ներկայացուցիչը բախվում է անպտղության խնդրի հետ...

Հղիության 25 շաբաթ. morevmankan
Հղիության 25 շաբաթ. morevmankan

Ժամանակն արագ է անցնում՝ հղիության 6 շաբաթներն արդեն մոտենում են ավարտին: Դեռ արագորեն քաշ եք ավելացնում, որովայնն ավելի է մեծանում, այն արդեն խանգարում է կռանալ, կոշիկները հագնել: Սա հրաշալի ժամանակ է մաքուր օդում...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Հղիության 24 շաբաթ. morevmankan
Հղիության 24 շաբաթ. morevmankan

Շարունակվում է հղիության երկրորդ եռամսյակը՝ ամենահանգիստ և հարմարավետ շրջանը: Քանի դեռ ժամանակ կա, առանց շտապելու պետք է ընտրել ծննդատունը և հավաքել շտապ անհրաժեշտության իրերի պայուսակը...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Հղիության 23- րդ շաբաթ
Հղիության 23- րդ շաբաթ

23 շաբաթում փոքրիկի մարմնի երկարությունը կազմում է մոտ 29 սմ, քաշը` մոտավորապես 510 գր: Հղիության այս շրջանում ապագա մայրը մշտապես լարված հետևում է իր մանկիկին, նրա շարժումններին: Երեխան արդեն մշակել է իր օրվա ռեժիմը...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Մոր սնունդը ծննդաբերությունից հետո. urolog.am
Մոր սնունդը ծննդաբերությունից հետո. urolog.am

Շատ կանայք ծննդաբերությունից հետո արագ քաշ են գցում՝ երեխայի, պլացենտայի և պտղաջրերի քաշից զատ. 1-2 շաբաթում օրգանիզմից հեռանում է մոտավորապես 2 լիտր կուտակված հեղուկ: Ծննդաբերությունից հետո մի քանի շաբաթ տևող արյունահոսությունը համարվում է...

Հղիության 22-րդ շաբաթ. morevmankan
Հղիության 22-րդ շաբաթ. morevmankan

Մեծավ մասամբ հղիությունն այս շրջանում ընթանում է հանգիստ՝ տոքսիկոզն այլևս չի տանջում, իսկ ապագա ծննդաբերության ապրումները դեռ չեն անհանգստացնում: Արյան ծավալի ավելացումը ո՛չ միայն անախորժ հետևանքներ, այլ նաև կնոջ օրգանիզմում...

ԼՈՒՐԵՐ: Մանկաբարձություն և ուրոգինեկոլոգիա Հղիությունը շաբաթներով՝ ըստ ամիսների
Ալերգիան հղիության ժամանակ. morevmankan
Ալերգիան հղիության ժամանակ. morevmankan

Ալերգիան իմուն համակարգի ծայրահեղ ռեակցիան է որոշ նյութերի՝ ալերգենների նկատմամբ, որոնք, սովորաբար, անվնաս են մյուսների համար: Հնարավոր չէ կանխատեսել, թե ինչպես հղի կնոջ օրգանիզմը կվերաբերվի պոտենցիալ ալերգենին...

Պերինատոլոգիա, մանկաբարձություն և ուրո-գինեկոլոգիա Ալերգոլոգիա
Հղիության 21-րդ շաբաթ. morevmankan
Հղիության 21-րդ շաբաթ. morevmankan

21 շաբաթում կնոջ քաշը կարող է շատ ավելացած լինել` համեմատած հղիության սկզբնական շրջանի հետ: Իրանը դառնում է լայն, լայնանում են ազդրերը, մեծանում են կրծքագեղձերը, լավ արտահայտված է որովայնը: Ժամանակն է մտածել զգեստապահարանի լրացման...

Պերինատոլոգիա, մանկաբարձություն և ուրո-գինեկոլոգիա
Սեղմակապ ծննդաբերությունից հետո. morevmankan
Սեղմակապ ծննդաբերությունից հետո. morevmankan

Հետծննդաբերական սեղմակապերն օգնում են ծննդաբերությունից հետո արգանդի կրճատման արագացմանը: Դա հատկապես ակտուալ է կեսարյան հատումից հետո: Այդպիսի սեղմակապը ֆիքսում է հետվիրահատական կարերը, պահում է որովայնի առաջային պատի...

Հղիության 20-րդ շաբաթ. morevmankan
Հղիության 20-րդ շաբաթ. morevmankan

20-րդ շաբաթը հղիության հասարակածն է: Արդեն գտնվում եք երեխայի հետ հանդիպման ճանապարհի ուղիղ մեջտեղում: Պտղի խաղն արտահայտված է ավելի ցայտուն, նա շատ ակտիվ պտտվում է, հարվածում, շրջվում, ինչպես նաև...

Պերինատոլոգիա, մանկաբարձություն և ուրո-գինեկոլոգիա
Ինչպիսի սեղմակապ (բանդաժ) կրել ծննդաբերությունից առաջ և հետո. morevmankan
Ինչպիսի սեղմակապ (բանդաժ) կրել ծննդաբերությունից առաջ և հետո. morevmankan

Երկրորդ եռամսյակի կեսում ապագա մոր որովայնը սկսում է ակտիվորեն աճել: Անհրաժեշտություն է առաջանում զգեստապահարանը համապատասխանեցնելու նոր վիճակին՝ ձեռք բերել ազատ ձևվածքի զգեստներ, նոր վերնաշապիկներ և տաբատներ...

Որովայնը` հղիության ժամանակ. morevmankan
Որովայնը` հղիության ժամանակ. morevmankan

Ապագա մոր շաբաթը-շաբաթի մեծացող որովայնը հղիության ինքնատիպ խորհրդանշանն է: Որովայնը չափերով մեծանում է պտղի, արգանդի աճի և շուրջպտղային հեղուկի (ապագա երեխայի կենսամիջավայրը) հաշվին: Որովայնի մաշկի խնամքով պետք է զբաղվել...

Հղիությունը շաբաթներով՝ ըստ ամիսների
Հղիության 19 շաբաթ. morevmankan
Հղիության 19 շաբաթ. morevmankan

Այս շաբաթն արդեն գրեթե հղիության կեսն է: Դա բավականին խաղաղ և հարմարավետ շրջան է ապագա մոր համար: Նա արդեն չի տառապում տոքսիկոզից, և դեռ չկան գոտկային շրջանի ցավեր, ստամոքսի այրոց և այլ անախորժ զգացողություններ...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Հղիության 18 շաբաթը. morevmankan
Հղիության 18 շաբաթը. morevmankan

Մի փոքր էլ, և կհայտնվեք հղիության կեսում: Թերևս, հիմա սկսվում է ամենալավ ժամանակը. շրջապատողներն արդեն նկատում են մեծացած որովայնը, և այլևս կարիք չունեք հղիությունը գաղտնի պահել: Ավելի հավանական է, որ արդեն հիանալի կերպով զգում եք...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ