Content on this page requires a newer version of Adobe Flash Player.

Get Adobe Flash player

Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

ՄԱԲՀ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Հղիություն, ծննդաբերություն

Հղիություն. 5-րդ ամիս

Հղիություն. 5-րդ ամիս

Չորրորդ ամսում պտղի աճը մաքսիմալ արագության է հասել, նրա չափերը կրկնապատկվել են: Նա գլուխը ուղիղ է պահում, ինչը թույլ է տալիս նրան թեքել այն, ընդ որում` նրա պարանոցը կարող է շրջվել 180°:

 

Ձեռքերն  աճել և երկարել են այնքան, որ նա կարող է ափերը միացնել գլխի վերևում: Նա ակտիվ շարժումներով պատասխանում է ձեր ամեն մի ազդակին (մարմնի դիրքի փոփոխում, ձայնային ազդակ և այլն):


Փոքրիկի ողջ մարմնին հայտնվում է լանուգոն, որը ծնվելուց առաջ կանհետանա: Հազվադեպ դեպքերում այդ մազիկները կարելի է տեսնել նաև ծնվելուց հետո նորածնի ականջներին և մարմնի այլ հատվածներին:


Դուք ինքներդ


Պլացենտան շարժում է սկսում, որը մանկաբարձները կոչում են «միգրացիա»: Այն հեռանում է վզիկից և տեղափոխվում արգանդի խորքը:


Դուք արդեն պետք է ապագա մայրերի դպրոց ընտրեք: Մենք խորհուրդ ենք տալիս այցելել նման դպրոց, քանի որ ապագա մայրերի համար դա օգտակար տեղեկություն է և հատուկ ֆիզկուլտուրա` ապագա ծննդաբերության նախապատրաստվելու: Վիճակագրական տվյալները ցույց են տալիս, որ նման նախապատրաստական դասընթացներ անցած կանայք ծննդաբերության ժամանակ շատ ավելի քիչ խնդիրներ են ունենում:


Հղիության 18-րդ շաբաթ (մանկաբարձական` 20-րդ շաբաթ) 


Գլխի վրա հայտնվել են մազեր (լանուգո):


Ձևավորվում են ատամները:


Ձևավորվում է նախատիպային ճարպը՝ սպիտակ քնարաձև նյուք, որը պաշտպանում է փոքրիկի մաշկը արգանդում (ինչ-որ տեղ լսել եմ, որ ծննդատներում բուժքույրերը և մանկաբարձները այդ ճարպն օգտագործում են ձեռքերի խնամքի համար նախատեսված կաթի փոխարեն, քանի որ այն հոյակապ փափկացնող հատկություն ունի):


Հղիության 18-րդ շաբաթ (մանկաբարձական` 20-րդ շաբաթ) Ձեռքերը և ոտքերն արդեն զարգացած են:


Ձեր մաշկի միջոցով փոքրիկին են փոխանցվում պաշտպանիչ նյութեր, որոնք ապահովում են օրգանիզմի դիմադրողականությունը:


Փոքրիկը շատ ակտիվ է. սկզբում դուք կզգաք նրա շարժումը, կարծես թույլ դող լինի: Այն կարող է պատասխանել արտաքին ձայներին: Սակայն եթե հրումները հաճախ չեն, մի անհանգստացեք. այս ժամանակահատվածում շատերի մոտ գալիս է հանգստի ժամանակահատվածը:


Փոքրիկը կարող է սեղմել բռունցքները:


Ոտքերը համամասնության մեջ են մյուս մասերի նկատմամբ:


Փոքրիկի երկարությունը և քաշը


Երկարությունը՝ 25 սմ


Քաշը՝ մոտ 283-285 գր


Օրվա ընթացքում նա միզում է 7-14 մլ քանակությամբ: Նրա երիկամները նորմալ գործում են:


Ֆոտոընկալիչների մեծ մասն արդեն զարգացած են, և տեղում են գտնվում` ակնաթաղանթի վրա, սակայն դրանք ամբողջությամբ կզարգանան միայն երեխայի ծնվելուց հետո: Այնուամենայնիվ, նա լույսի նկատմամբ զգայուն է. ամնիոսկոպիայի ժամանակ մոր հեշտոց տարված լույսը ստիպում է նրան շարժվել: Ընկնող աղվամազերից և մաշկի բջիջներից ձևավորվում է ծննդաբերության քսուքը: Այն սպիտակա-կաթնագույն է, և ծածկում է ապագա երեխայի ծալքերը ու մարմնի այլ մասերը: Երբեմն այս քսուքը մնում է ընդհուպ մինչև ծննդաբերությունը և այն մաքրում են ստերիլ անձեռոցիկներով` նորածնի առաջին զուգարանի ժամանակ:


Դուք ինքներդ


Դուք սկսում եք զգալ նրա շարժումները: Առաջին շարժումները դժվար է տարբերել, քանի որ դրանք հիշեցնում են ստամոքսում ղռղռոց:


Երկրորդ ուլտրաձայնային հետազոտություն


Այն սովորաբար կատարվում է մոտ 20 շաբաթական հղիության ժամանակ, այսինքն` 18-20-ի մեջտեղում: Այն ամենահարմար պահն է մանրակրկիտ հետազոտության անցկացման համար, քանի որ ամնիոտիկ հեղուկը շատ է: ՈՒՁՀ տեխնիկան օգտագործում է ուլտրաձայների ռեզոնանսը, իսկ ձայնը ավելի լավ է տարածվում հեղուկ միջավայրում:


Ի՞նչ է այն ցույց տալիս:

 

  • ծոծրակոսկրի հաստությունը. որը չպետք է գերազանցի 5 մմ-ը, որպեսզի ամբողջությամբ հերքի տրիսոմիա 21-ի կասկածը,
  • աչքերի շրջանակների հեռավորությունը, որպեսզի համոզվեն, որ չկա աչքերի անկանոն տարաձայնություն,
  • պտղի հասակի երեք հիմնական ցուցիչները. գլխի տրամագիծը` քունքից քունք, որը չպետք է գերազանցի 5,4 սմ-ը, գանգի շրջանակը (20սմ), որովայնի լայնակի տրամագիծը, ազդրի, ոտնաթաթի երկարությունը: Վերջին երկուսի չափերը գրեթե նույնն են և կազմում են մոտ 38 սմ:


Գլխի տրամագիծը` քունքից քունք, որովայնի լայնակի տրամագիծը և ազդրի երկարությունը կազմում են միջին հասակի կորագիծը, որը թույլ է տարիս որոշել արդյո՞ք պտղի զարգացումը համապատասխանում է նրա տարիքին և սեռին (աղջիկների մոտ մարմնի չափերի տարբերություն է նկատվում), թե այն ինչ-որ չափով ետ է մնում: Այս հետազոտությունը կարող է նաև ճշտել երեխայի տարիքը և սեռը:


Բժիշկը չափում է ուղեղիկը: Նրա չափը միլիմետրերով պետք է համապատասխանի դաշտանի բացակայության շաբաթներին +2, այսինքն՝ օրինակ. 20(շաբաթ) + 2 = 22 (մմ):


Ձեր ցանկությամբ բժիշկը կարող է ասել երեխայի սեռը, քանի որ այս շրջանում նրա սեռական օրգանները լավ երևում են և սխալի հավանականություն գրեթե չկա:


Հետո բժիշկn անցնում է օրգանների հետազոտությանը: Դրանք բոլորը տեղում են, սակայն ամբողությամբ ձևավորված չեն:


Չափվում են նրա վերջույթների չափերը, տեղակայվածությունը, շարժը, ծալվել-բացվելը, հաշվվում են մատերը, ափերի բացել-փակելը:


Օրգանների, ձեռքերի, ոտքերի, դեմքի ուսումնասիրությունը կատարվում է `բացառելու որևէ արատ:


Բժշկին նաև հետաքրքրում է պտղի կենսամիջավայրը, որը նրա զարգացման համար բարվոք պայմաններ է ստեղծում` ամնիոտիկ հեղուկի փոփոխությունը, պորտալարի երկարությունը, պլացենտայի դիրքը: Չնայած այս պահին պլացենտան կարող է շատ մոտ լինել վզիկին կամ` ուղղակիորեն արգանդի վզիկին, այն դեռ անհանգստություն չի առաջացնում, քանի որ անընդհատ «միգրացիա» է կատարում:


Բժիշկը նաև չափում է մոր մայր-զարկերակների պուլսի արագությունը, քանի որ դրանից է կախված երեխայի նորմալ զարգացումը` արդյո՞ք մոր արյան շրջանառությունը նորմալ ապահովում է պտղի պահանջները:


Հղիության 19-րդ շաբաթ (մանկաբարձական` 21-րդ շաբաթ) 


Ձեր երեխայի արյան մեջ արդեն արյան կարմիր բջիջների քանակը բավականին շատ է, սկսում են արտադրվել սպիտակ բջիջները, որոնք պատասխանատու են վարակների ճնշման համար: Լեզվի վրա սկսում են ձևավորվել համի պտկիկները: Մարսողական տրակտն արդեն ունակ է ջուրը և շաքարն առանձնացնել ամնիոտիկ հեղուկից, և այն բաց թողնել ընդհուպ մինչև ուղիղ աղի:


Հղիության 19-րդ շաբաթ (մանկաբարձական` 21-րդ շաբաթ) Ճակատին և վերին շրթունքին կարելի է տեսնել զսպանակաձև աճող աղվամազ, որը հատկապես առատ է աչքերն և հոնքերին: Հատկապես դեմքի հենց այս մասն էլ ծածկված է քսուքով, որը երեխան սկսել էր արտադրել դեռ անցյալ շաբաթ: Աչիկները դեռ թաքնված են կոպերի տակ: Դուք երևի ուզում եք իմանալ ձեր երեխայի սեռը: Դուք անշուշտ կարող եք դա անել, բայց արդյո՞ք ձեր փոքրիկը կցանկանա, որ իրեն «գաղտնազերծեն», քանի որ շատ և արագ շարժվում է ամնիոտիկ հեղուկում: Այս եռամսյակի ավարտին ձեր փոքրիկը կամրանա ինչ-ոչ մի դիրքում` սովորաբար գլուխը դեպի ներքև, սակայն 3-4% փոքրիկներ շարունակում են մինչև հղիության ավարտը մնալ կոնքային դիրքում:


Երկարությունը՝ մոտ 25 սմ:


Քաշը՝ մոտ 360-370 գր:


Ամնիոտիկ հեղուկի ծավալը, ուր նա լողում է, հասնում է 500 մլ-ի: Նրա հիմնական աղբյուրը մնում է նրա մեզը: Այս պատասխանատու միսիան դրված է երիկամների վրա, որոնք դեռ մաքրող կենսակարևոր դեր չունեն, և եթե դրանք ճիշտ չգործեն, ապա սա կարող է առաջացնել երկու խախտում, որոնք լուրջ արատների են հանգեցնում՝ օլիգոամնիոս՝ ամնիոտիկ հեղուկի պակաս, աամնիոս՝ ամնիոտիկ հեղուկի բացակայություն, որը շատ հազվադեպ է լինում: Երրորդ խախտումը հիդրամնիոսն է` ամնիոտիկ հեղուկի չափից դուրս լինելը, ինչը կարող է պայթեցնել պտղապարկը:


Դուք ինքներդ


Դուք մոտեցել եք հղիության ժամկետի կեսերին, եթե խոսքը վաղաժամ ծննդաբերւթյանը չի վերաբերում, կամ` ուշացմանը:


Արգանդը փոխում է իր ձևը, այն դառնում է գնդաձև:


Արգանդի պատերն էլ չեն հաստանում, արգանդն աճում է, պատերը բարակում են, և միայն հատակը և վերևի հատվածներն են մի քիչ ավելի ամուր, քան մյուսները:


Եթե դուք սովորել եք մեջքի վրա քնելուն, ապա այս պահից լավ կլինի հրաժարվեք ձեր սիրելի դիրքից: Արգանդն այնպիսի չափերի և քաշի է հասնում, որ պլացենտայի արյան շրջանառության համար պատասխանատու զարկերակին սկսում է ճնշել: Այդ իսկ պատճառով` մեջքի վրա երկար մնալու դեպքում, ձեր փոքրիկը տառապում է թթվածնի պակասից:


Հղիության 20-րդ շաբաթ (մանկաբարձական` 22-րդ շաբաթ) 


Հղիության 5-րդ ամիսՊտղի երկարությունը 25-26 սմ է, քաշը՝ 420-425 գր: Յուրաքանչյուր շերտ ունի կարմիր գույն և ծածկված է աղվամազով` այսպես կոչված կաթնաշոռ հիշեցնող քսուքով, որը ճարպագեղձերի աշխատանքի արդյունքն է: Աղիներում սկսում է ձևավորվել նախնական կղանքը (մեկոնիում):


Պտուղը կարող է լսել և տարբերել մոր ձայնը:


Հղիության 20-րդ շաբաթում առաջնեկով հղիները սկսում են զգալ պտղի շարժումները (մյուսները զգում են երկու շաբաթ ավելի շուտ):


Մանկաբարձի ստեթոսկոպի օգնությամբ հղիության այս փուլում հնարավոր է առաջին անգամ լսել պտղի սրտի աշխատանքը:


Ամեն օր ընդլայնվում է նրա ընկալումը: Ուղեղն արդեն պարունակում է բջիջ-նեյրոնների ամբողջական քանակը: Հպումը միջոց է երեխայի շրջակա միջավայրի ճանաչման համար:


Հպումը երեխայի առաջին կարողություններից մեկն է: Նա սովորում է հասկանալ` ինչպես ծալել ոտքերը և ձեռքերը, ինչպես շարժել դրանք, որտեղ են գտնվում նրա մարմնի մասերը, ինչպես են դրանք համապատասխանում: Փոքրիկը սովորում է կպչել իր իսկ դեմքին, նայել իր ձեռքերին և ոտքերին: Եթե նա ուզում է ծծել մատը, նա ունակ է կամ մատը մոտեցնել բերանին, կամ գլուխը կախել` նրան մոտ: Այս հմտությունները ծնվելուց հետո շարունակում են ամրանալ: Փոքրիկը սովորում է աչքերով ուսումնասիրել աշխարհը, բերանն է տանում այն, ինչ ընկնում է ձեռքը: Սա ևս հետաքրքրասիրության արտահայտություն է:


Ձեր փոքրիկի եղունգիկներն արդեն աճել են: Նա ծծում է իր մատը, երբեմն կպնում է դեմքին... սովորում է: Հոնքերը ևս աճել են:


Երկարությունը` գագաթից սրբոսկր, 27-27,5 սմ:


Քաշը՝ մոտ 420-425 գր :


Ձեռքերի և ոտքերի մատիկների շոշափելի բարձիկներին փոխարինում է փափուկ հյուսվածքը:


Հղիություն. 5-րդ ամիսՀղիության 20-24 շաբաթները համարվում են զարգացման վճռական ժամանակահատված` պտղի ֆունկցիոնալ հասունացման շրջան:


Նրա ընկալումն ամեն օր կատարելագործվում է:


Նրա մարմինն ամբողջությամբ պատված է մազիկներով, որոնք կանհետանան ծնվելուց մի քանի օր առաջ:


Այս մազածածկի տակ շարունակում է արտադրվել հատուկ ճարպանյութը՝ սկզբնական քսուքը: Այն նախատեսված է նրա մաշկը` երկար ժամանակ ամնիոտիկ հեղուկում գտնվելու պայմաններում, պաշտպանելու համար: Այս քսուքի մասերը լողում են ամնիոտիկ հեղուկում սպիտակ փաթիլների ձևով:


Դուք ինքներդ


Արգանդը բարձրանում է և մոտենում է ստոծանուն, ինչը քչացնում է թոքերի տարողությունը:


Արգանդը ճնշում է նաև ստամոքսին՝ դժվարեցնելով մարսողությունը: Երբեմն նկատվում է այրոցք:


Ապագա մայրիկի մոտ ակտիվանում են նաև սեռական ձգտումները: Դա կապված է կնոջ մոտ արյան շրջանառության մեծացման հետ, որը լավացնում է սեռական օրգանների արյունալեցվածությունը, և ուժեղացնում օրգազմի զգացողությունը:


Հինգերորդ ամսվա սկզբում տեղի է ունենում մի իրադարձություն, որին յուրաքանչյուր հղի կին անհամբերությամբ է սպասում՝ առաջին անգամ պտուղը բացահայտ շարժվում է: Ճիշտ է, սա նրա առաջին «քայլերը» չեն, քանի որ նա սկսում է շարժվել ձեռքերով, ոտքերով, գլխով մինչև հինգերորդ ամիսը, սակայն այս շարժումները կարելի էր նկատել միայն ուլտրաձայնային սարքերի միջոցով: Այժմ ոչ մի սարք հարկավոր չէ, որպեսզի զգաս նրա շարժումները: Շատ կանայք հենց առաջին իսկ շարժումներից սկսում են պտուղն ընկալել որպես իրենց երեխան:


Սկզբում պտղի շարժումները կանոնակարգված չեն, աստիճանաբար դրանք կանոնակարգվում են և ուժ են ձեռք բերում: Կես ժամվա ընթացքում հինգ ամսական երեխան 20-60 հրում է կատարում, երբեմն` ավելին, երբեմն` ավելի շատ: Մի խոսքով` տեմպը, ռիթմը փոփոխվում են կախված օրվա ժամերից, մոր ֆիզիկական և հոգեկան վիճակից:


Այժմ անկհայտ է, որ մոր և պտղի հարաբերությունները միայն նյութափոխանակությունը չէ: Ծնվելուց շատ առաջ ապագա երեխան սկսում է զգալ, հնարավոր է նաև` տխրել և ուրախանալ: Եվ այս ամենն արտացոլվում է նրա շարժումների մեջ: Օրինակ. եթե մայրը ճնշված է, երեխան քիչ է շարժվում, հատկապես, եթե նա հիվանդ է ու ջերմություն ունի:


Երեխան շատ սուր է պատասխանում ծխած սենյակում թթվածնի պակասին (ապացույց, որ պասիվ ծխելը պակաս վնասակար չէ ակտիվից): Բացի այդ, փոխվում են նաև նրա սրտի զարկերը, և կարելի է զգալ, թե փոքրիկին որքան դժվար է նման միջավայրում մնալը:


Դեռ Արիստոտելը կարծում էր, որ շարժումը կյանք է: Եվ ահա խնդրեմ, մարդը երբեք շարժումների լեզվով այսքան ցայտուն չի խոսում իր անհանգստության, ուրախության ու վայելքի մասին, որքան ներարգանդային կյանքում: Եվ ապագա մայրը պետք է սովորի հասկանալ այդ լեզուն, ու փորձի անել ամեն ինչ, որպեսզի զարգացող երեխան լինի առողջ և հանգիստ: Եթե կինը կատարում է բժշկի խորհուրդներն ու առողջ ապրելակերպ է վարում, ապա նա անշուշտ կլսի շնորհակալության «բառեր» շարժումների լեզվով: Եթե քսանչորս ժամվա ընթացքում  երեխան չի շարժվում, ուրեմն լուրջ անհանգստանալու առիթ է: Այս դեպքում պետք է անհապաղ դիմել բժշկի:


Շարունակվում է պտղի կենտրոնական նյարդային համակարգի զարգացումը, ավելի է բարդանում գլխուղեղը: Վերահսկողության գործառույթներին նյարդային համակարգի հետ ակտիվորեն միանում է էնդոկրին համակարգը: Ներարգանդային կյանքի հինգերորդ ամսում սկսում են գործել գրեթե բոլոր ներզատիչ գեղձերը՝ մակուղեղը, վահանաձև և հարվահանաձև գեղձերը, ենթաստամոքսային գեղձը, մակերիկամները, սեռական գեղձերը: Այս գեղձերի հորմոնները, որոնք շրջանառվում են օրգանիզմի հեղուկ միջավայրում՝ արյուն, ավիշ, միջբջջային հեղուկ, գնալով ավելի մեծ ազդեցություն են ունենում օրգանիզմի նյութափոխանակության վրա: Նյարդային և հումորալ (գումոր՝ հեղուկ) մեխանիզմների միությունը, ներզատիչ և նյարդային համակարգերի փոխազդեցությունը, որոնք հաստատվում են այս ընթացքում, հետագա ողջ կյանքի ընթացքում կպայմանավորեն ողջ օրգանիզմի հստակ, կարգավորված աշխատանքը:


Հղիության 5-րդ ամիսԻհարկե, փայծաղի միացումը արյունաստեղծ օրգաններին այնպիսի կարևոր իրադարձություն չէ, ինչպես պտղի առաջին խաղը, սակայն չի կարելի թերագնահատել այս օրգանի դերը: Հենց փայծաղում են «ստեղծվում» լիմֆոցիտներն ու մոնոցիտները՝ արյան սպիտակ բջիջները, որոնք օրգանիզմում պաշտպանիչ գործառույթ ունեն: Այստեղ տեղի է ունենում թերի էրիթրոցիտների՝ հեմոգլոբինի կրիչ արյան կարմիր բջիջների տեսակավորումն ու ոչնչացումը: Իսկ այդ ընթացքում ազատվող գեղձերն օրգանիզմի կողմից օգտագործվում են կարմիր ոսկրածուծում նոր էրիթրոցիտների գոյացման համար: Հինգ ամսեկան պտղի արտաքին տեսքը դեռ գրավիչ չէ: Հինգերորդ ամսի վերջին պտղի հասակը կազմում է 20-25 սմ, քաշը՝ 250-350 գր: Պտղի մաշկն այլևս վառ կարմիր չէ, սակայն նախկինի պես կնճռոտ է: Մաշկը ծածկված է մոխրասպիտակ գույնի կաթնաշոռ հիշեցնող սկզբնական քսուքով: Այդ քսուքը կուտակվում է հատկապես ճարպագեղձերի կուտակման տեղերում՝ գլխին, դեմքին, ականջների ետևում, թևատակերի և աճուկների ծալքերում, ձեռքերի և ոտքերի ծալման հատվածներում: Քսուքը, որը կազմված է ճարպագեղձերի արտազատուկներից և վերնամաշկի թեփուկներից, ոչ միայն պաշտպանում է պտղի նուրբ մաշկը մեխանիկական վնասվածքներից, այլև տարբեր միկրոօրգանիզմներից, քանի որ մանրէասպան հատկություն ունի: Գոյություն ունեն հատուկ լուսանկարներ, որոնք շվեդ լուսանկարիչ Լեննարտ Նիլսոնին հաջողվել է հատուկ տեխնիկայի միջոցով նկարել արգանդի ներսում: Նրա կողմից արված հազարավոր նկարները մինչև ծնունդը` կյանքի մասին ֆանտաստիկ պատմություններ են: Նկարներից մեկում հինգ ամսեկան պտուղն ակտիվորեն ծծում է իր բութ մատը, իսկ մյուսում նայում է իր պտղապարկից դուրս և ծիծաղում: Նա նման է անկշռելիության մեջ ճախրող տիեզերագնացի: Ընդամենը չորս ամիս հետո նա դուրս կգա «բաց տիեզերք»՝ մեծ կյանք:


Առաջին շարժումները գրանցվում են վեց շաբաթական պտղի մոտ: Համաձայն որոշ տվյալների՝ բռնողական ռեֆլեքսը ձևավորվում է 12-րդ շաբաթում, ծծելու ռեֆլեքսը՝ 13-րդ շաբաթում, իսկ 17-րդ շաբաթում պտուղն սկսում է կկոցել աչքերը:


Եթե երկվորյակներ են զարգանում, կարող է այնպիսի տպավորություն ստեղծվել, որ պտղի շարժումներն ինտենսիվ են և զգացվում են ամենուրեք: Ուլտրաձայնային հետազոտությունը կօգնի ցրել կասկածները: Եթե հաստատվում է, որ որ արգանդում զարգանում են երկվորյակներ, չարժե կրկնապատկել անհանգստությունը, այլ պետք է երկու անգամ ավելի ուշադիր լինել բժշկի խորհուրդներին:


Արգանդի չափերը հենց սկզբից սկսում են մեծանալ, սակայն, որպես կանոն, շրջապատի համար դա նկատելի է դառնում չորրորդ ամսվա վերջին, հինգերորդ ամսվա սկզբին: Երկրորդ ամսվա ընթացքում այն մեծանում է միջին խնձորի չափ: Չորրորդ ամսում այն հասնում է ցայլքի և պորտի միջև հեռավորության միջնամասին, իսկ հինգերորդ ամսում` հասնում է պորտին:

 

Հեղինակ. Պրոֆեսոր Ա. Ի. Բրուսիլովսկու «Կյանքը մինչև ծնունդը» գրքից
Սկզբնաղբյուր. kiev-mama.com.ua
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Մեդ-Պրակտիկ

23.07.2015

Հարգելի Hexine, բարև Ձեզ: Ցանկացած դիրքով կարող եք քնել, որը Ձեզ համար ավելի հարմար կլինի: Իհարկե ցանկալի չէ քնել փորի վրա, հասկանալի պատճառներով:

Մեդ-Պրակտիկ

23.07.2015

Հարգելի Satenik, բարև Ձեզ: Հղիության 20 շաբաթում խոսել պտղի դիրքի մասին իմաստ չունի, քանի որ պտուղն իր վերջնական դիրքն է ընդունում ավելի մեծ ժամկետներում և մինչ այդ շատ անգամներ կարող է փոխել դիրքը: Միգուցե նկատի են ունեցել, պլացենտայի տեղադրությունն է ցածր: Խնդրում եմ մանրամասն գրեք ՈՒՁՀ հետազոտության պատասխանը, կփորձենք օգնել Ձեզ:

Մեդ-Պրակտիկ

06.07.2015

Հարգելի ALLA, բարև Ձեզ: Հղիության ընթացքում ձեռնաշարժությունը կարող է ունենալ ինչպես դրական, այնպես էլ բացասական հետևանքներ: Մի կողմից բավարարվում է սեռական ցանկությունը, որը կարևոր է կնոջ օրգանիզմի համար: Մյուս կողմից, եթե հղիության ընթացքում կան բարդություններ, օրինակ վիժման սպառնալիք, արգանդի հիպերտոնուս և այլն, հեշտանքը ցանկալի չէ, քանի որ այն բերում է արգանդի տունուսի բարձրացման, որն էլ իր հերթին կարող է բերել վիժման կամ վաղաժամ ծննդաբերության սպառնալիքի, կախված հղիության ժամկետից:

Hexine

02.07.2015

Barev dzez bshij jan.es hxiutyan 20 shabatumem.gisherner@ shat anhangistem qnum u larvac.erbemn qnis mej dzgvumem. xndrumem aseq vor dirqov qnem vor im u poqrikis hamar lav lini.naxapes shnorhakalutyn

Satenik

21.06.2015

Barev dzez.. hargeli bjishk im hxiutyan 20shabatakanum exo arecin ev asacin placentan 5.. u meknabanecin vor indz mot erexan bavakanin ijac e... kxndrei indz aseiq inch astichani bardutyun e indz mot ev inch hetevanq karox e linel. Es bnakvum e barcelonum u shat kuzenai imanal mer hay bjishki meknutyun@ ev xorhurd@... naxapes shnorhakalutyun.

ALLA

13.06.2015

hargeli bjishk ete hxiyucyan shrjanum serakan cankucunem unenum isk amusins koghqis che karelie inqnabavararmamb zbaghvel ...ete vtangavor hghiutyun che ? ev orgazm@ vtangavor che ptghi hamar ete hachaxakie linum? patasxaneq xndrum em

Մեդ-Պրակտիկ

03.06.2015

Հարգելի Էլմիրա, բարև Ձեզ: Հղիության ընթացքում ատամների հեռացում կատարվում է միայն անհետաձգելի դեպքերում, եթե կա ուժեղ ցավ, բորբոքում և այլն: Եթե այնուամենայնիվ անհրաժեշտ է հեռացնել ատամը, դա կատարվում է տեղային անեսթետիկների ազդեցության տակ: Ընդ որում հղի կանանց անզգայացման համար օգտագործվում են վերջին սերնդի անեսթետիկները, որոնք չեն անցնում պլացենտար պատնեշով և չեն վնասում պտղին: Կոնկրետ անեսթետիկի ընտրությունը որոշում է բժիշկ-ստոմատոլոգը, կախված օրգանիզմի առանձնահատկություններից: Ինչ վերաբերում է ատամների բուժմանը, լիցքին (пломба), ապա կարելի է: Ցանկալի է ատամների բուժմամբ զբաղվել հղիության 13-32 շաբաթական ժամկետներում:  Իհարկե գերադասելի է ատամների բուժմամբ զբաղվել պլանավորվող հղիությունից առաջ: Ատամների բուժման և լիցքի ժամանակ անեսթեիկ միջոցների ընտրությունը կատարվում է նույն սկզբունքով: 

Մեդ-Պրակտիկ

02.06.2015

Հարգելի Iren, եթե հեշտոցի քսուքով ինֆեկցիա կամ սունկ չի հայտնաբերվել, հնարավոր է քորը կապված է ալերգիայի հետ, կարող եք կատարել արտաքին լվացումներ երիցուկի թուրմով, եթե մի քանի որից քորը չանցնի, հարկավոր է դիմել բժշկի: Ինչ վերաբերում է արտադրությանը, եթե այն լորձային է և քիչ քանակի, անհանգստանալու կարիք չկա: 

Էմիլիա

28.05.2015

Բարև Ձեզ հարգելի' բժիշկ : Հղիության ընթացքում արդյոք թույլատրելի է ատամների հեռացումը, եթե այո, ապա խնդրում եմ նշել ինչ ցավազրկող նյութով( քանի տոկոսանոց) կարելի է ցավազրկել, որպեսզի պտղին վնաս չլինի: Եվ կցանկանայի խորհուրդ տայիք նաև ատամնալիցքերի հետ կապված: Ավելացնեմ ,որ հղիությունս 21- րդ շաբաթական է: Նախապես շնորհակալություն:

Iren

26.05.2015

Hargeli bjishk, barev dzez. Xosqs henc heshtoci qsuki analizi masin e, asem vor artadrutyun nuynpes ka, sakayn voch aynqan shat...

Մեդ-Պրակտիկ

25.05.2015

Հարգելի Iren, բարև Ձեզ: Խնդրում եմ մանրամասնեք, կոնկրետ ինչ անալիզի մասին է խոսքը: Եթե քորն ուղեկցվում է արտադրությունով, ապա ամենայն հավանականությամբ կա սնկային ախտահարում, որը հաճախ է հանդիպում հղիության ընթացքում, կամ ինֆեկցիոն պրոցես: Պարզելու համար հարկավոր է հանձնել հեշտոցի քսուք:

Iren

21.05.2015

Barev dzez.. Indz mot 19 shabatakan hxiutyun e, serakan organnerum qor unem. analizneris patasxanner@ maqur en stacvel. Inchi het karox e da kapvac linel ev vtangavor e ardyoq ptxi hamar? Naxapes shnorhakalutyun...

Մեդ-Պրակտիկ

20.05.2015

Հարգելի MANE, հղիության առաջին եռամսյակում և մեծ ժամկետներում ձեռնաշարժությամբ զբաղվելը, ինչպես նաև նորմալ սեռական հարաբերությունը ցանկալի չէ: Դա բերում է արգանդի տոնուսի բարձրացման, հղիության վաղ ժամկետներում կարող է վիժման սպառնալիքի, իսկ արդեն ուշ ժամկետներում վաղաժամ ծննդաբերության սպառնալիքի պատճառ դառնալ: Բացի այ ձեռնաշարժությունը հակացուցված է, եթե հղիության ընթացքում կան բարդություններ:

Մեդ-Պրակտիկ

17.05.2015

Հարգելի Anna, հղիության 4-րդ շաբաթում արգանդը գտնվում է ցայլքի տակ և արտաքինից չի շոշափվում: Որովայնի մեծացում կնկատեք 13-րդ շաբաթից սկսած: Անհանգստանալու կարիք չկա

Մեդ-Պրակտիկ

17.05.2015

Հարգելի Rita, բարև Ձեզ: Հղիության 13-րդ շաբաթից սկսած արգանդի հատակը արդեն դուրս է գալիս ցայլքի տակից: 16-րդ շաբաթում, արգանդի հատակը շոշափվում է պորտի և ցայլքի միջնամասում և նկատվում է որովայնի շրջագծի մեծացում: Եթե հղիությունն ընթանում է նորմալ և պտուղը նորմալ զարգանում է, անհանգստանալու կարիք չկա, դա կարող է կապված լինել կառուցվածքային առանձնահատկությունների հետ:

MANE

14.05.2015

HARGELI BJISHK KNEREQ MI HARC HXIUTYAN @NTACQUM INQNQBAVARARMAMB ZBZXVEL@ VTANGAVOR E TE VOCH... NAXAPES MERSI...........

Rita

11.05.2015

Barev dzez im hxiutyan 16-rd shabatne pors chi erevum dzer karciqov da normal e?

Anna

11.05.2015

Knerek im hxiutyuny 4shabatna poris ch erevum da normala?

Մեդ-Պրակտիկ

10.05.2015

Հարգելի Nyura, բարև Ձեզ: Հղիության 20-րդ շաբաթում պտղի քաշը նորմայում պետք է լինի 280-300գր-ի սահմաններում, Ձեր նշած թիվը մի փոքր ավելի է նորմայից, սակայն անհանգստանալու կարիք չկա:

Nyura

06.05.2015

Barev dzez . Indz mot 20 shabatakan hxiutyun e u stugman endacqum asacin vor erexayi qashe 350 gram e ... da normal kshir w 20 shabatakani depqum ?

Մեդ-Պրակտիկ

05.05.2015

Հարգելի SONA, հղիության ամբողջ ընթացքում հարկավոր է 2 անգամ հանձնել հեշտոցի քսուք, անկախ նրանից կա պաթոլոգի արտադրություն թե ոչ: Եթե արտադրությունն անհանգստացնում է Դուք կարող եք ցանկացած գինեկոլոգիական կլինիկայում հանձնել հեշտոցի քսուք, անկախ նրանից, թե որտեղ եք հաշվառված, այդ դեպքում ծառայությունը վճարովի կլինի: Դուք կարող եք փոխել կոնսուլտացիան կամ բժշկին, եթե Ձեզ չի բավարարում բժշկական սպասարկումը: 

SONA

02.05.2015

HARGELI BJISHK ES 17 SHABATAKAN HXI EM UNEM ARTADRUTYUN VOR NMANECNUM EM SNKAYIN EREVUYTI SAKAYN NUYNISK IM PAHANJIC HETO INCANIC QSUK CHEN VERCNUM AYN HIVANDANOCUM VORTEX ES HACHAXUM EM EV GRANCVAC EM .INCH ANEL? NAXAPES SHNORHAKALUTYUN.

Մեդ-Պրակտիկ

21.04.2015

Հարգելի Karine, բարև Ձեզ: Հայցում ենք Ձեր ներողամտությունը տեխնիկական սխալի համար, այն արդեն ուղղված է: Շնորհակալություն ուշադիր լինելու համար:

Karine

18.04.2015

Duq erexayi qash@ 19 shabatum grel eq 360-370 gram,isk 20 shabatum 280-300 gram.Da vonc haskananq?

Մեդ-Պրակտիկ

12.04.2015

Հարգելի Ani.h, բարև Ձեզ: Ամենայն հավանականությամբ  Ձեզ մոտ բրոնխիտ է, հարկավոր է անպայման դիմել բժշկի համապատասխան բուժում ստանալու համար: Իհարկե ցանկացած ինֆեկցիոն կարող է ազդել պտղի նորմալ զարգացման վրա, այդ պատճառով որքան հնարավոր է շուտ հարկավոր է բուժում ստանալ:

Ani.h.

09.04.2015

Barev dzes... bjishk es arden 4.5 amsakan hxiem, ev mtavor 1shabatic avel unem xorxot haz, ardyoq da vtandavore poqrikis hamar, ev karoxe heragayum nra mor xndirner arajana....naxapes shnorhakalutyun.

Մեդ-Պրակտիկ

18.03.2015

Հարգելի Narine, ստամոսքի այրոց հաճախակի է լինում հղիության ընթացքում: Հղիության ընթացքում օրգանզիմում արտադրվող պրոգեստերոնի մեծ քանակության հետ կապված, տեղի է ունենում ստամոքս-կերակրափողային սեղմանի թուլացում, որի հետևանքով բարձր թթվայնություն ունեցող ստամոքսահյութը անցնում է կերակրափող և առաջացնում այրոցի զգացողություն: Այրոցից կարող եք խուսափել սնվելու ճիշտ ռեժիմի օգնությամբ: Սնունդը ընդունեք փոքր չափաբաժիններով, աշխատեք երեկոյան ժամերին օրգանիզմը չծանրաբեռնել դժվարամարս սնունդով: Ուտելուց անմիջապես հետո մի պարկեք: Այրոցի դեպքում շատ օգտակար է իմբիրով կամ երիցուկով թեյը, չգազավորված հանքային ջուրը: Այրոցին կարող է օգնել օրինակ յոգան: Եթե այս բոլոր միջոցները օգուտ չտան հարկավոր է դիմել գինեկոլոգի` ստամոքսի թթվայնությունն իջեցնող դեղորայքի նշանակման համար: 

narine

15.03.2015

Bjishk jan arden 6 amsakan hxiem u amen ereko unenumem jok.vonc payqarem dra dem

Մեդ-Պրակտիկ

14.03.2015

Հարգելի liana, բարև Ձեզ: Եթե երեխան չունի առողջական խնդիրներ, և ամեն ինչ նորմալ է, ցանկալի է տեղափոխել 6 ամսեկանից ոչ շուտ: Տրանսպորտային միջոցի ընտրությունը էական չէ: 

Մեդ-Պրակտիկ

12.03.2015

Հարգելի Lilit, բարև Ձեզ: Ցավում ենք, որ նման դժբախտություն է պատահել: Հղիությունից հետո, եթե կատարվել է կեսարյան հատում օրգանիզմի հորմոնալ ֆոնը և արգանդի սպին վերականգնվում են մոտավորապես 2 տարվա ընթացքում: Այսինքն 2 տարի անց Ձեր օրգանիզմը լիովին պատրաստ կլինի հղիության համար: Հղիանալ իհարկե հնարավոր է ավելի շուտ, սակայն բարդություններից խուսափելու համար ցանկալի է պահպանել նշված ժամանակահատվածը:

Կարդացեք նաև

Խորհուրդներ ընտանեկան միջերկրածովյան տենդով կամ պարբերական հիվանդությամբ տառապող հղի կանանց.
Խորհուրդներ ընտանեկան միջերկրածովյան տենդով կամ պարբերական հիվանդությամբ տառապող հղի կանանց.

Պարբերական հիվանդությունը (ՊՀ) ժառանգական հիվանդություն է, որը հազվադեպ է հանդիպում շատ պոպուլյացիաներում, սակայն տարածված է հայերի և Միջերկրածովյան  տարածաշրջանի...

ԿԻՆ: Հիվանդություններ Գենետիկա Պերինատոլոգիա, մանկաբարձություն և ուրո-գինեկոլոգիա Համակարգային հիվանդություններ
Երբ կատարել ՈՒՁՀ հղիության ժամանակ. erebouni.am
Երբ կատարել ՈՒՁՀ հղիության ժամանակ. erebouni.am

Տնային պայմաններում՝ տեսնելով երկու գծիկ հղիության որոշման թեստի վրա, շատ կանանց մոտ հարց է առաջանում, թե երբ պետք է գնալ բժշկի և կատարել առաջին ՈՒՁՀ հետազոտությունը: Հղիության ընթացքում...

Պերինատոլոգիա, մանկաբարձություն և ուրո-գինեկոլոգիա
Ինչու՞ են հղիներն անցնում ուլտրաձայնային հետազոտություն. erebouni.am
Ինչու՞ են հղիներն անցնում ուլտրաձայնային հետազոտություն. erebouni.am

Քրիստիան Դոպլերը ֆիզիկոս էր, որն ապրել է երկու դար առաջ և չէր էլ պատկերացնում, որ իր հայտնագործությունը կօգնի մարդկանց աշխարհ գալ առավել...

Պերինատոլոգիա, մանկաբարձություն և ուրո-գինեկոլոգիա
Վիժման պատճառների, հղիությունների միջև ընկած ժամանակահատվածի ու հղիության վարման մասին. Մերի Թադևոսյան. morevmankan.am
Վիժման պատճառների, հղիությունների միջև ընկած ժամանակահատվածի  ու հղիության վարման մասին. Մերի  Թադևոսյան. morevmankan.am

Med-practic-ի ընթերցողներին հղիության վարման, վիժման պատճառների, հղիությունների միջև ընկած ժամանակահատվածի մասին կներկայացնի և օգտակար խորհուրդներ կտա...

ԼՈՒՐԵՐ: Մանկաբարձություն և ուրոգինեկոլոգիա
Հետծննդյան դեպրեսիա. harmonia.am
Հետծննդյան դեպրեսիա. harmonia.am

Երեխայի ծնունդը անասանելի երջանկություն է պարգևում ոչ միայն նրա ծնողներին, այլև բոլոր նրանց, ովքեր սպասում էին այդ օրվան անհամբերությամբ ու անհանգստությամբ...

Հղիության պլանավորում, առաջին նշաններ, հղիության թեստեր, ուլտրաձայնային հետազոտություն. morevmankan.am
Հղիության պլանավորում, առաջին նշաններ, հղիության թեստեր, ուլտրաձայնային հետազոտություն. morevmankan.am

Ընթերցողները հաճախ են հարցնում հղիության պլանավորման, առաջին նշանների, հղիության թեստերի և ընթացիկ հետազոտությունների մասին: Շատերիս հետաքրքրող այս թեման մեզ համար լուսավորեց Մոր և մանկան...

Պերինատոլոգիա, մանկաբարձություն և ուրո-գինեկոլոգիա
9 խորհուրդ հղի ժամանակ գրիպով չվարակվելու համար. news.am
9 խորհուրդ հղի ժամանակ գրիպով չվարակվելու համար. news.am

Հայտնի է, որ հղիության ընթացքում իմունային համակարգը թուլանում է, ուստի գրիպով եւ այլ հիվանդություններով հիվանդանալու հավանականությունը մեծանում է: Քանի որ կնոջ սրտի եւ թոքերի աշխատանքը...

Հղիություն. ինչին չպետք է հավատալ
Հղիություն. ինչին չպետք է հավատալ

Նոր մարդու ծնունդն ինքնին հրաշք է, ու իզուր չէ, որ այդ հրաշքի հետ կապված բազմաթիվ նախապաշարումներ, լեգենդներ ու տաբուներ կան: Դրանցից մի քանիսն այնքան հաստատուն են որոշ մշակույթներում...

Կանանց ստերջացումը՝ երկրորդ ամենատարածված հակաբեղմնավորիչ մեթոդ. news.am
Կանանց ստերջացումը՝ երկրորդ ամենատարածված հակաբեղմնավորիչ մեթոդ. news.am

ԱՄՆ-ում ամենատարածված հակաբեղմնավորիչ միջոցները հորմոնալ դեղահաբերն են, իսկ երկրորդ ամենատարածված միջոցը, ինչքան էլ տարօրինակ հնչի, կանանց ստերջացումն է՝ փողերը կապելու միջոցով։ Նման...

13 մոլորություն՝ հղիության մասին. news.am
13 մոլորություն՝ հղիության մասին. news.am

Հղիության եւ ծննդաբերության վերաբերյալ բազմաթիվ մոլորություններ գոյություն ունեն: Ստորեւ փաստերի՝ երեւակայության արգասիքից տարանջատման 13 փորձ է...

18 տարօրինակ փաստ հղիության մասին. 1in.am
18 տարօրինակ փաստ հղիության մասին. 1in.am

Ցանկացած մայր կարող է ձեզ ասել, որ հրաշք ծննդին նախորդում են 9 դժվարին ամիսներ՝ սկսած առավոտյան սրտխառնոցից և վերջացրած ծննդյան ցավերով։ Հարկ է լինում շատ բանի դիմանալ աշխարհին նոր կյանք պարգևելու համար...

...
Խորհուրդներ կանանց, ովքեր հղիանալու անհաջող փորձեր են անում. news.am
Խորհուրդներ կանանց, ովքեր հղիանալու անհաջող փորձեր են անում. news.am

Այո, վաղ թե ուշ գալիս է մի օր, երբ կնոջ մոտ երեխա ունենալու ցանկություն է առաջանում: Դադարեցնում է հակաբեղմնավորիչների կիրառությունն ու՝ սպասում: Մեկ ամիս, թերեւս նաեւ՝ երկու: Իսկ երբ երրորդ ամսին...

Հղիության ընթացքում ալկոհոլի օգտագործումը երեխաների մոտ ուշադրության խախտումներ կարող է առաջացնել. 1in.am
Հղիության ընթացքում ալկոհոլի օգտագործումը երեխաների մոտ ուշադրության խախտումներ կարող է առաջացնել. 1in.am

Բրիսթոլի համալսարանի ուսումնասիրողները հետազոտել են հղիության ընթացքում ալկոհոլի ազդեցությունը երեխայի հոգեկան առողջության և հիպերակտիվության վրա: Պարզվել է, որ նույնիսկ մեկ բաժակ գինի օգտագործելու դեպքում...

ԼՈՒՐԵՐ: Հղիություն, ծննդաբերություն ԼՈՒՐԵՐ: Առողջ երեխա Լրահոս երեխաների մասին
Ինչպե՞ս պետք է սնվեն հղի հանայք. news.am
Ինչպե՞ս պետք է սնվեն հղի հանայք. news.am

Գաղտնիք չէ, որ հղի կանայք հավելյալ սնուցման կարիք ունեն: Սակայն դա բոլորովին չի նշանակում, թե հարկավոր է կրկնակի ծավալով սնունդ ընդունել...

Ծննդաբերության ցավերը մեղմելու 10 եղանակ
Ծննդաբերության ցավերը մեղմելու 10 եղանակ

Եթե մտադիր եք Ձեր փոքրիկին լույս աշխարհ բերելիս խուսափել բոլոր տեսակի միջամտություններից եւ, մասնավորապես, կեսարյան հատման տարբերակից...

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

4Life Research USA, LLC ամերիկյան դեղագործական ընկերություն
Трансфер Фактор
Доставка по
России и СНГ.
Без посредников,
от производителя.
 
Հանրապետական գիտաբժշկական գրադարան
 
http://med-practic.com/arm/99/15/view_disease.html

Հղիությունն ըստ շաբաթների` նկարներում

Content on this page requires a newer version of Adobe Flash Player.

Get Adobe Flash player

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ