Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Հղիություն, ծննդաբերություն

Հղիություն. 4-րդ ամիս

Հղիություն. 4-րդ ամիս

13 շաբաթական հղիություն (մանկաբարձական` 15-րդ շաբաթ) 

Փոքրիկն ունի նուրբ, թափանցիկ մաշկ, որի տակից երևում են անհամար մազանոթները: Շարունակում են աճել գլխի մազերը, խտանում են հոնքերը: Եթե երեխան պետք է լինի սևահեր, նրա ֆոլիկուլները սկսում են հատուկ պիգմենտ արտադրել:

 

Երեխան դառնում է շարժուն և ճկուն: Ձեռքերը սկսում են ծալվել արմունկներում և բազուկներում, կարողանում է ձեռքերը բռունցք անել: Շարունակում է կմախքի և ողնուղեղի ձևավորումը:


Ճակատի թաքանցիկ մաշկի տակ կարելի է տեսնել արյունատար անոթների նուրբ ցանցը: Նախկինում այս անոթների արյունը արտադրվում էր լեղապարկի կողմից, այժմ այն չորացել է, և վերջինիս ֆունկցիան իր վրա է վերցրել պտղի ողնուղեղը:

Հղիության 13-րդ շաբաթ (մանկաբարձական` 15-րդ շաբաթ)

 

Պտղի հասակն ու քաշը


Հասակը գագաթից մինչև սրբոսկր՝ 93-103 մմ, քաշը՝ մոտ 70 գր:


Փոքրիկն աճում է և շատ արագ քաշ հավաքում, որի հետևանքով պտղապարկը չի հասցնում զարգանալ նույն համամասնությամբ: Փոքրիկի գլխին սկսում են աճել առաջին մազերը, զարգանում են նրա օրգանները, մկանները, հյուսվածքներն ու ոսկրերը: Սրտիկն ավելի արագ է սկսում բաբախել, մաշկը չափազանց բարակ է, որի հետևանքով ապագա փոքրիկն ավելի շուտ կարմիր է, քան վարդագույն: Նա լողում է 100 մլ ամնիոտիկ հեղուկում, որն ամբողջությամբ թարմացվում է ամեն երեք ժամը մեկ:


Նա հեշտությամբ շարժվում է այս «տաք լողարանում» (մոտ 37°С), որն ունի նույն խտությունը, ինչ որ մարմինը և ճախրում է անկշռելիության մեջ: Ամնիոտիկ հեղուկը «սովորական ջուր չէ ջրավազանում».

 

  • այն թույլ չի տալիս ապագա փոքրիկին շփվել արգանդի պատերի հետ,

  • պաշտպանում է փոքրիկի օրգաններն ու հյուսվածքները հարվածներից ու ցնցումներից, որոնց կարող է ենթարկվել մայրը, ինչպես նաև պաշտպանում է արգանդի մկաննների ճնշումից,

  • ձևավորում է մարմինը մակընթացություն և տեղատվություն հիշեցնող ալիքաձև շարժումների միջոցով,

  • մերսում է մարմինը՝ թույլ չտալով արյանը լճանալ վերջույթներում,

  • կարգավորում է ջերմաստիճանը և պաշտպանում արտաքին ազդեցությունից,

  • ապահովում է պտղի շնչառական շարժումները, երբ նրա կրծքավանդակն սկսում է «շնչել»,

  • նրանում պտուղն ակտիվ շարժվում է՝ մարզելով հոդերը. առանց այս շարժումների պտուղը դատապարտված կլիներ հոդերի դանդաղաշարժության կամ անշարժության և նույնիսկ ոսկրերի տձևացման: Հոգեբանները հանգում են նույն եզրակացության, որ պտուղը, լողալով արգանդում՝ ամնիոտիկ հեղուկում, հաճելի զգացողություններ է ունենում, և այս շրջանի հիշողությունները մնում են մարդու մոտ ընդմիշտ:

 

Հղիության 13-րդ շաբաթ (մանկաբարձական` 15-րդ շաբաթ) Դուք ինքներդ


Պլացենտան այս ընթացքում կիսակլոր տեսք ունի: Շատ հաճախ այն ամրանում է արգանդի վզիկի մոտ և պատահում է, որ ծածկում է այն: Դրա համար անհանգստության առիթ չկա, պլացենտան կշարժվի և կազատի երեխայի ճանապարհը... հինգ ամիս անց:


Հայելու մեջ նայելիս դուք որովայնի վրա կարող եք նկատել մուգ գիծ՝ պորտից մինչ ցայլք: Դա «մելանին» անվամբ պիգմենտի արտացոլքն է, որը կանհետանա ծննդաբերությունից հետո:


14 շաբաթական հղիություն (մանկաբարձական` 16-րդ շաբաթ) 


Հայտնվում են հոնքերը և թարթիչները: Մարմինը և դեմքը ծածկված են նուրբ թավիշով (լանուգո):


Փոքրիկի մաշկն այնքան բարակ է, որ արյունատար անոթների ցանցը ամբողջությամբ նկատվում է:


Ձևավորվել են ձեռքերի և ոտքերի հոդերը, սկսվել է ոսկրերի կարծրացումը:


Սեռական օրգաններից արդեն կարելի է որոշել սեռը, չնայած ուլտրաձայնային հետազոտությամբ դա միշտ չէ, որ հնարավոր է:


Կրծքավանդակը շնչառական շարժումներ է կատարում:


Նա արդեն կարող է մատիկը ծծել: Շատ շարժուն է, դեռևս շատ հավանական է` դուք դա չեք զգում:


Սիրտը երկու անգամ ավելի արագ է բաբախում, քան ձերը: 14-րդ շաբաթից հետո բժիշկը կամ բուժքույրը կարող են լսել այն` հատուկ ստեթոսկոպի օգնությամբ:


Հղիության 14-րդ շաբաթ (մանկաբարձական` 16-րդ շաբաթ) Այս ամսում պտուղն արագորեն մեծանում է:


Նրա ոտիկները երկարում են, և դառնում ձեռքերից ավելի երկար, որոնք նույնպես մեծանում են: Նա օգտվում է իր մարմնի նոր հնարավորություններով, որ մշակի կուլ տալու և ծծելու շարժումները, նա բերանն է տանում ոտիկների և ձեռքերի մատիկները: Այսպես նա սովորում է ծծել և կուլ տալ` առանց խեղդվելու: Սա նրան պետք է գալու ծնվելուց անմիջապես հետո, երբ մայրիկը նրան կուրծք կտա: Բռնվելու ռեֆլեքսն ի հայտ է գալիս, այնպես, որ նա սկսում է բռնել ամեն ինչ, ինչ հասանելի է՝ մյուս ձեռքը, ոտքը, պորտալարը: Ինչ վերաբերում է վերջինին, կարելի է չանհանգստանալ դրա համար: Պորտալարի երակները և զարկերակները պատված են լորձաթաղանթով՝ պաշտպանելով այն ապագա երեխայի կողմից հնարավոր վնասվածքից:


Պորտալարը շատ ամուր է և ունակ է 5-6 կգ պահել: Դրա հետ մեկտեղ նա շատ ճկուն է: Բնությունն այնպես է ստեղծել, որ այն հատվածը, ուր պորտալարն ամրանում է որովայնին, ծածկված է ավելի հաստ մաշկով` դա նրա ապագա պորտիկն է: Եվ վերջապես, որպեսզի փոքրիկին ամնիոտիկ հեղուկում ազատ շարժվելու հնարավորություն լինի, պորտալարն ամեն ամիս երկարում է և հասնում է 40-50 սմ-ի մոտ երկու սանտիմետր տրամագծով: Հինգերորդ շաբաթում արդեն սկսում է ձևավորվել նյարդային բջիջները, իսկ այժմ դրանց արտադրությունը արդեն ինքնուրույն է: Ամեն վայրկյան ձևավորվում է 5000 նեյրոն: Վեցերորդ ամսվա վերջում նրանց թիվը կհասնի միլիարդների:


Գլուխն անհամեմատ մեծ է մարմնից:


Փոքրիկն արդեն պարանոց ունի:


Մատիկների վրա արդեն կան ինքնատիպ մատնահետքերը: Արդեն ամբողջությամբ ձևավորվել են եղունգները, դրանք շատ երկար ու սուր են:


Փոքրիկը միզում է ամեն 40-45 րոպեն մեկ: Կարևոր նորություն՝ ուլտրաձայնի օգնությամբ կարելի է որոշել երեխայի սեռը:


Պտղի երկարությունը և քաշը


Երկարությունը՝ 16 սմ
Քաշը՝ 85 գր


15 շաբաթական հղիություն (մանկաբարձական` 17-րդ շաբաթ) 


 Հղիության 15-րդ շաբաթ (մանկաբարձական` 17-րդ շաբաթ) Պտուղն արագորեն մեծանում է, նրանից ետ չի մնում նաև պլացենտան, այն արդեն կազմում է 480 գր: 17-րդ շաբաթում պլացենտան ամբողջությամբ ձևավորված է, արյունատար անոթների խիտ ցանց ունի, որոնց միջոցով գալիս են սննդանյութերը և արտանետվում արտաթորանքը: Այս շաբաթ կուտակվում է, այսպես կոչված, «գորշ ճարպը», որը ճարպային հյուսվածքի մի հատուկ տեսակ է` շատ կարևոր օրգանիզմի ջերմափոխանակության համար:


Այս շրջանում պտղի մարմինը պատվում է նուրբ լանուգոյով, որը մաշկի միկրոսկոպիկ պատկերն է, և յուրահատուկ է ամեն մարդու համար: Պտղի մաշկը դեռ բարակ է՝ առանց ճարպի: Սակայն ենթամաշկային ճարպաշերտը սկսում է կուտակվել: Այն կօգնի նրան պահպանել նորմալ ջերմաստիճան` ծնվելուց հետո: Այժմ փոքրիկն ավելի ծանր է, քան պլացենտան: Ոչ մի նոր օրգան և կառուցվածք չի ձևավորվում:

 

Արգանդի մեջ բարձր ձայները զարմացնում են փոքրիկին:


 Հղիության 15-րդ շաբաթ (մանկաբարձական` 17-րդ շաբաթ) Ուղեղն ամբողջությամբ զարգացած է, փոքրիկը կարող է ծծել, կուլ տալ, ցավ զգալ: Ներարգանդային շնչառությունը չի կարելի համեմատել արտարգանդայինի հետ: Այս շնչառական շարժումները շատ կարևոր են, դրանք նպաստում են պտղի սիրտ գնացող արյանը, բրոնխեր և թոքեր գնացող ամնիոտիկ հեղուկին, ինչը շատ կարևոր է պտղի շուրջը գտնվող ջրերի կարևոր մեխանիզմի համար: Պտղի մաշկը համարյա թափանցիկ է: Ի հայտ են գալիս ոսկրացման առաջին միջուկները: Պտուղն ակտիվ շարժումներ է կատարում:


16 ամսական հղիությունն արդեն օպտիմալ ժամանակ է ուլտրաձայնային հետազոտության համար, որը կբացառի սրտի հնարավոր պաթոլոգիաները:


Պտղի երկարությունը և քաշը


Երկարությունը՝ 15-17 սմ
Քաշը՝ 142 գր

16 շաբաթական հղիություն (մանկաբարձական` 18-րդ շաբաթ)


Ձեր փոքրիկն արդեն արձագանքում է արտաքին աշխարհին և թույլ է տալիս իր մասին իմանալ այնքանով, որ ձեր փորիկին հրում է ոտքով: Փոքրիկը անգամ լսում է ձեզ. Լսողական համակարգն արդեն ձրավորվել է, և ուղեղի լսողության համար պատասխանատու հատվածն աշխատում է: Փոքրիկին չի վախեցնում ո′չ արյան հոսքի ձայնը, ո′չ ձեր սրտի աշխատանքի ձայնը: Սակայն բարձր ձայները նրան վախեցնում են: Մի փոքր զգայուն է դառնում նաև ակնաթաղանթը: Այս փուլում դեռ «ազատ տեղ» կա արգանդում, պտուղը շատ ակտիվ է, հաճախ փոխում է դիրքը: Նա կարող է խաչել ոտքերը, կամ ծծել բութ մատը:


Հղիության 16-րդ շաբաթ (մանկաբարձական` 18-րդ շաբաթ)Չնայած ձեզ թվում է, թե ձեր փոքրիկը քնած է, իրականում նա զգում է դրսում կատարվող ամեն ինչ: Օրինակ, եթե դուք ձեր որովայնը պահեք արևի ուժեղ ճառագայթներին, ձեր փոքրիկը կտեսնի նուրբ-վարդագույն ճառագայթում: Այս շաբաթից արդեն սկսեք խոսել փոքրիկի հետ, երգեք նրա համար՝ նա ձեզ ուշադիր լսում է:


Պտղի քաշը և երկարությունը


Երկարությունը՝ 20,5 սմ
Քաշը՝ մոտ 198-200 գր


Հենց որ նա բացում է բերանը, կուլ է տալիս մի քիչ ամնիոտիկ հեղուկ: Այս հարցում նրան օգնում են թոքերը, որոնք նախաշնչառական շարժումներ են անում: Այս շարժումների արդյուքնում հեղուկը մտնում և դուրս է գալիս բերանից: Այս շարժումների շնորհիվ հեղուկի մուտքը և ելքը, օդի բացակայության պայմաններում, հսկայական դեր են կատարում թոքերի զարգացման գործում: Ամնիոտիկ հեղուկի մի մասը դուրս է գալիս բերանից, մյուս մասը` երիկամների միջոցով ֆիլտրացվում է, և դուրս է գալիս մեզի տեսքով: Ամնիոտիկ հեղուկը` ընկնելով աղեստամոքսային համակարգ, նպաստում է նրա զարգացմանը:


Ողնուղեղը զարգացել էր դեռ երրորդ ամսվա ընթացքում, այժմ նա ունի այն կառուցվածքը, որը կպահպանվի մինչև ծնվելը: Նա նպաստում է էրիթրոցիտների և լեյկոցիտների ձևավորմանը:


Օրգանոգենեզի վերջում` պարանոցի ձևավորմանը զուգահեռ, զարգանում է նաև թիմուսը: Այս գեղձն (իր սեփական լիմֆոցիտները) «սովորեցնում» է ոչնչացնել ագրեսորներին:


Ծնվելու ժամանակ արյան բջիջները կստեղծվեն միայն ողնուղեղի և 2իմուսի կողմից, լյարդը շուտով «խաղից դուրս կգա»:


Դուք ինքներդ


Արգանդը հասնում է պորտի բարձրությանը (մոտ 16 սմ բարձրության): Այն շատ ավելի ներդաշնակ կոկոսի է նման, որը հարմար տեղավորվում է կոնքոսկրի հատակում` իր ողջ չափով:


Փորիկին արդեն հնարավոր չէ թաքցնել: Երեխային թթվածնով և անհրաժեշտ սննդանյութերով հագեցնելու համար արյունն ավելի շատ թթվածին է վերցնում թոքերիվ, քան սովորական ժամանակ: Այդ իսկ պատճառով ձեր շնչառությունն արագանում է: Երբ այս ջանքերը սպառեն թթվածնի պահուստը, դուք հևոց կզգաք:


Այս շաբաթ դուք կարող եք զգալ ձեր փոքրիկի շարժումները: Սա շատ ավելի հավանական է, եթե դա ձեր առաջին հղիություն չէ, կամ դուք նիհար եք:


Դատեք ինքներդ՝


Հղիության 16-րդ շաբաթ (մանկաբարձական` 18-րդ շաբաթ)Ներարգանդային կյանքի չորրորդ ամսում պտղի մարմնի երկարությունը հասնում է 14 սմ, քաշը` 200 գր: Նման արագ աճն առաջին հերթին կապված է կմախքի ինտենսիվ զարգացման, ինչպես նաև` որովայնի խոռոչի զագացումով:


Այս շրջանում պտղի բոլոր օրգաններն իրենց ֆունկցիան են ձեռք բերում: Օրինակ, լյարդը, որը նախորդ ամիսներին արյունաստեղծ օրգան էր, այժմ դառնում է մարսողական համակարգի օրգան: Իսկ արյունաստեղծ ֆունկցիան վերցնում է կարմիր ոսկրածուծը: Այն ավելի ու ավելի է ուժեղանում և այս ժամանակ պտղի արյան մեջ կարելի է գտնել գրեթե բոլոր մասնկները՝ էրիթրոցիտներ, լիմֆոցիտներ, լեյկոցիտներ...: Ու, չնայած նրանց մեջ դեռ շատ են չհասունացածները, այնուամենայնիվ, արյան խումբը, ինչպես նաև ռեզուս-գործոնը, արդեն կարելի է որոշել:


Եթե կինն ունի ռեզուս-բացասական արյուն, իսկ պտուղը ռտեզուս-դրական է, ապա կարող է զարգանալ լուրջ իմունոլոգիական հակամարտություն: Չէ որ մոր արյան մեջ են ընկնում պտղի էրիթրոցիտները, որոնք ռեզուս-դրական են: Նրա օրգանիզմի համար դրանք օտար են, ու ահա` արտադրվում են հակամարմիններ: Անցնելով պլացենտայի միջով` դրանք ընկնում են պտղի արյան մեջ, և գրոհում ու ոչնչացնում էրիթրոցիտները` առաջացնելով հեմոլիտիկ հիվանդություն: Եվ որքան մեծ է հղիությունը, այնքան շատ տոքսիներ են կուտակվում ու վատ ազդեցություն թողնում ողջ օրգանիզմի վրա, և հատկապես` պտղի ուղեղի վրա: Ահա թե ինչու է անհրաժեշտ հղի կնոջը` հնարավորինս շուտ դիմել բժշկի: Սա հատկապես շատ կարևոր է, եթե կինն ունի ռեզուս-բացասական արյուն, իսկ երեխայի հայրը` ռեզուս դրական: Բժիշկը կարող է պարզել` արդյո ՞ք հղի կնոջ արյան մեջ հակամարմիններ չեն հայտնվել, և եթե դրանք կան, ապա անհրաժեշտ է միջոցներ կիրառել:


Չորրորդ ամսում սկսում են գործել երիկամները: Երիկամները զարգացման բավականին բարդ ճանապարհ են անցնում: Սկզբում առաջանում է նախաերիկամը, երկրորդ ամսում` առաջնային երիկամը, որը մասնակցում է սեռական համակարգի ձևավորմանը: Երիկամի զարգացման նման բարդ ընթացքը ինչ-որ չափով բացատրում է, թե ինչու են երիկամների ի ծնե արատները հաճախ հանդիպում:


Չորրորդ ամսվա վերջում երիկամներն իրենց վերջնական տեղն են գրավում, ներառվում նյութափոխանակության մեջ և սկսում մեզ զատել: Այս մեզն անընդհատ ավելացնում է ամնիոտիկ հեղուկի ծավալը, որը զարգացող երեխայի համար բնակության միջավայր է` ընդհուպ մինչև ծնունդը: Ի դեպ, հենց ամնիոտիկ հեղուկն էլ երեխան կուլ է տալիս: Սակայն հիմնական առանձնացնող ֆունկցիան շարունակում է կատարել պլացենտան: Այդ իսկ պատճառով, եթե անգամ երիկամները ճիշտ չեն զարգանում և ամբողջ ուժով չեն աշխատում, դա գրեթե ոչ մի կերպ չի ազդում փոքրիկի վրա: Սակայն ծնվելուց հետո, երբ երիկամներն այլևս չեն կարող իրենց պարտականություններն ուրիշին «հանձնել», դրանց անբավարարության խնդիրը կարող է շատ սուր ու լուրջ խնդիր դառնալ:


Մարսողական տրակտի օրգանները ևս սկսում են գործել: Իր յուրահատուկ ֆունկցիաներն են ձեռք բերում ստամոքսը, աղիները, լեղապարկը: Աղիներում հայտնվում է առաջին պարունակությունը: Դա հիմնակում կազմված է լեղուց և առաջանում է մակոնիեմը:

 

Հղիության 4-րդ ամիս


Չորս ամիս շարունակ տեղի էր ունենում ամենակարևոր օրգաններից մեկի` գլխուղեղի, մակերեսի զարգացումը: Ինտենսիվորեն ստեղծվում են նյարդային բջիջները, նրանց թիվն անընդհատ աճում է, և անտեսանելի քանդակագործի ձեռքով քանդակվում են ակոսներն ու գալարները: Կենտրոնական նյարդային համակարգն ավելի ու ավելի վստահ իր ձեռքն է վերցնում օրգանիզմի կառավարման ակոսները: Նրան միանում է էնդոկրին համակարգը:


Այս շրջանում էնդոկրին սեկրեցիայի՝ արտազատման, ամենամեծ գեղձը մակերիկամներն են: Նախորդ երեք ամիսներին տեղի էր ունենում նախապատրաստական աշխատանքներ, որոնք այժմ մակերիկամներին թույլ են տալիս արտադրել հորմոնների անհրաժեշտ քանակություն: 16-րդ շաբաթում սկսում է գործել նար հիպոֆիզը՝ հաստատվում են նրա կապերն ուղեղի այլ կարևոր կենտրոնների հետ:


Եվ միայն շնչառական համակարգն է, որ չի շտապում աշխատանի մեջ մտնել: Չնայած պտղին դեռ թոքեր հարկավոր չեն, չէ՞ որ նա պլացենտայի միջոցով է շնչում:


Չորրորդ ամիսը հենց այն ամիսն է, երբ դրանից այն կողմ չի կարելի չշտապել բժշկի գնալ: Բժշկին այցելելու կարևոր պայման կարող է լինել նաև ծնողների ընտանիքի որևէ անդամի ժառանգական հիվանդությունը:


Ռիսկի գործոն է համարվում նաև հղի կնոջ տարիքը. փոքր` 18-ից, կամ` 35-ից մեծ: Այս դեպքերում շատ կարևոր է հետազոտություն անցկացնել և իմանալ գենետիկների ենթադրություններն առողջ երեխայի ծնվելու հավանականության մասին: Այս շրջանում կարելի է իմանալ նաև արդյոք զարգանում է մե՞կ պտուղ, թ՞ե` երկվորյակներ:


Ամնիոցենտեզը դա ամնիոտիկ հեղուկի հետազոտությունն է: Անհրաժեշտության դեպքում այն, որպես կանոն, կատարվում է հղիության չորրորդ ամսում: Ամնիոտիկ հեղուկի 8-10 մլ-ը թույլ է տալիս գնահատել պտղի ժառանգական համակարգը: Կարելի է որոշել պտղի սեռը, որոշել` ինչպես է ընթանում նրա զարգացումը:


Ամնիոցենտեզը բավականին բարդ հետազոտություն է և կատարվում է միայն խիստ ցուցումով:

Հեղինակ. Պրոֆեսոր Ա. Ի. Բրուսիլովսկու «Կյանքը մինչ ծնվելը» գրքի նյութերի հիման վրա:
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

Մեդ-Պրակտիկ

16.02.2016

Հարգելի Ման, բարև Ձեզ: Առաջնածին կանայք պտղի խաղը սկսում են զգալ հղիության 18-19 շաբաթից սկսած, կրկնածինները մի փոքր ավելի վաղ: Կարծում եմ անհանգստանալու առիթ չունեք :)

Մեդ-Պրակտիկ

16.02.2016

Հարգելի Armine, բարև Ձեզ: Նախ պետք է նշեմ, որ գարդներելյոզը ինֆեկցիա չէ, դա հեշտոցի նորմալ միկրոֆլոայի խանգարման արդյունք է: Կոնկրետ գարդներելյոզը չի բերում վաղաժամ ծննդաբերության, հատկապես բուժման ֆոնի վրա:

Ման

12.02.2016

Բարև բժիշկ, ես 16 շաբաթ և 3 օրական հղի եմ, հղիության սկզբից մինչև հիմա չեմ ունեցել սրտխարնոց կամ այլ զգացողություններ, ես ինձ շատ լավ եմ զգում. Անցել եմ ուլտրաձայնային հետազոտություն երեխայիս մոտ էլ ամեն բան լավ է, բայց ես դեռ չեմ զգում նրա շարժը, սա նորմալ է? Ասեմ որ աղջիկ է :) նախապես շնորհակալություն :) ♡

Armine

21.01.2016

Barev zez...gardnerella infekcian karox e berel vaxarjam cnndaberuryan,ete hxiutyan @ntacqum stanum es bujum??????????????????+

manana

20.01.2016

Shat shnorhakal em hargeli bjishk larvac ei darcel tetevaca,che hot aryoc chka

Մեդ-Պրակտիկ

16.01.2016

Հարգելի Manana, բարև Ձեզ: Հղիության առաջին ամիսներին, հորմոնալ տեղաշարժերի հետ կապված կարող է նկատվել սպիտակավուն կամ քիչ դեղնավուն արտադրություն: Եթե հոտ, քոր կամ այրոցի զգացողություն չկա, անհանգստանալ պետք չէ:

Մեդ-Պրակտիկ

16.01.2016

Հարգելի Gayane, բարև Ձեզ: Դուք չեիք կարող ծննդաբերությունից անմիջապես հետո դաշտան տեսնել: Ծննդաբերությունից հետո առաջին մի քանի օրերինի նկատվում է արյունային արտադրություն, հետզհետե արտադրությունը դառնում է արյունաշճային, շճային, լորձային: Այս ամեն կարող է տևել ամենաշատը մինչև 15 օր: Փաստորեն ստացվում է Դուք մոտավորապես մեկ ու կես ունեցել եք արյունային արտադրություն և դա Ձեզ չի անհանգստացրել: Հարկավոր էր տեղյակ պահել բժշկին: Ինչ վերաբերում է հղիանալուն, եթե կերակրում եք հղիանալու հավանականություն քիչ է: Կարող եք հղիության տեստ անել: Խորհուրդ կտայի դիմել գինեկոլոգի, հետազոտվել:

manana

12.01.2016

hargeli bjishk mot 1 amsekan hxi em shat kich dexnavun artadrutyun unem,karox e da vtangavor linel?

Gayane

12.01.2016

Hargeli bjishk indz kesaryan hatum en arel septemberi 21_in ev minchev noyemberi 10 dashtan em tesel amen or....poqrikis henc arajin orvanic krcqov em kerakrum........uxaki hima anhangstanum em hnaravor e vor hxiem?

Մեդ-Պրակտիկ

08.01.2016

Հարգելի Gayane, բարև Ձեզ: Ձեր հարցը մի փոքր անհասկանալի է: Ծննդաբերությունից հետո քանի օր անց եք դաշտան տեսել, քանի օր է տևել դաշտանը և քանի օրը մեկ է եղել,  կրծքով կերակրել եք այդ ընթացքում, թե ոչ: Խնդրում եմ մանրամասն գրել, կփորձենք օգնել Ձեզ: 

Ĝayane

05.01.2016

Hargeli bjishk es cnndaberel em septemberi 21 ev cnndaberutyunic heto dashtan tesel em minchev noyemberi 10. Aysinqn 50 or dashtan em tesel u dranic heto minchev hima dashtan chem tesel hamarya 2 amisa.., xndrum em aseq da normal e shatem anhangstanum?

Meri

14.11.2015

Hargelg.bshisk.sat.snorhakalem.xordi.hamar.

Մեդ-Պրակտիկ

02.11.2015

Հարգելի MARGARITA, բարև Ձեզ: Ծննդալուծման օպտիմալ տարբերակն ընտրելու համար հարկավոր է անոթաբանի խորհրդատվություն: Ծննդալուծման տեսակը կախված է վարիկոզի արտահայտվածության աստիճանից, որոշ դեպքերում կարող է ցուցված լինել կեսարյան հատումը, որոշ դեպքերում ոչ: Դա որոշում է անոթաբանը:

Մեդ-Պրակտիկ

02.11.2015

Հարգելի Meri, բարև Ձեզ: Ավելի արդյունավետ միջոց է ներարգանդային պարույրի տեղադրումը: Արդյունավետ է նաև կոմբինացված հորմոնալ հակաբեղմնավորիչների օգտագործումը, որոնք պետք նշանակվեն միայն գինեկոլոգի կողմից:

Մեդ-Պրակտիկ

01.11.2015

Հարգելի Anahit, բարև Ձեզ: Խնդրում եմ նշեք, ունենում եք նաև սրտխառնոց և փսխում, եթե այո, ապա քանի անգամ: Թքարտադրության ակտիվացումը բնորոշ է հղիության վաղ տոքսիկոզին, որը հղիության 12-13 շաբաթից հետո ինքնոուրույն անցնում է: Եթե գերթքարտադրությունը շատ արտահայտված չէ, ոչինչ անել հարկավոր չէ:

Մեդ-Պրակտիկ

01.11.2015

Հարգելի Գաբի, բարև Ձեզ: Հղիության 12-րդ շաբաթից հետո արգանդը նոր դուրս է գալիս ցայյքի տակից, և որովայնի շրջագծի մեծացումն աստիճանաբար նկատելի է դառնում:

Մեդ-Պրակտիկ

01.11.2015

Հարգելի NANA, բարև Ձեզ: Տեխնիկական խնդիրների պատճառներով, Ձեր հարցին հնարավոր չի եղել նշված ժամկետներում պատասխանել, որի համար հայցում ենք Ձեր ներողամտությունը: Եթե խնդիրը դեռևս ակտուալ է խնդրում ենք նորից գրել: Կփորձենք հնարավորինս շուտ արձաքանքել:

MARGARITA

19.10.2015

BAREV DZEZ IM MOT ARKA EN ERAKNERI LAYNACUM VOTERI U HESHTOCI VRA ARDEN IM CNDABERUTYAN JAMANAKN EE U CHGITEM ARDYOQ KAROX EM IM UJEROV BEREL TE KISARYAN HATUMOV I DEP 3 BALIKS EE NAXAPES SHNORHAKALUYTUN XNDRUM EM MI XORHURD TVEQ....

Meri

18.10.2015

barev dzezs. Bjishk jan unem 2 erexa chem uzum hxianam inch xorhurd ktaq? inch anem/ naxapes shnorhakalutyun

Anahit

12.10.2015

Barev dzez,es gtnvum em hxiutyan 4 amsum arden erku amis e inch beranums an@ndhat jur e havaqvum,inch xordurd ktaq inch karelai anel ???????naxapes shnorhakalutyun

Գաբի

10.10.2015

Բարև Ձեզ որքա՞ն ժամանակ հետո է նկատվում հղիությունը։

NANA

01.09.2015

Barev dzez,es 14 shabatakan hxi em, hematoma unem, mug artadrucyun , esor el aryunain artadrucyun uneca bjishks magne b6 u dyufaston nshanakec, bayc aryan xndir el unem d dimer@ barcra 665 er ancac amis , esor sonografian asec vor larvacucyun el ka argandis mej. Ardyok erexun vtang chi sparnum?????

Մեդ-Պրակտիկ

27.07.2015

Հարգելի APAGA MAYRIK, բարև Ձեզ: Նորմայում առաջնածին կանայք պտղի խաղը զգում են հղիության 18-19-րդ շաբաթից սկսած, իսկ կրկնածինները մոտ մեկ շաբաթ ավելի շուտ: Սակայն, կախված օրգանզմի առանձնահատկություններից, կարող են լինել որոշ տատանումներ: 27.07.15 դրությամբ Ձեր հղիությունն արդեն 22 շաբաթ մի քանի օրական է, և արդեն պետք է որ զգաք պտղի խաղը: Եթե ըստ ՈՒՁՀ և օբյեկտիվ տվյալների պտղի զարգացումը նորմալ է ընթանում անհանգստանալու կարիք չկա:

Մեդ-Պրակտիկ

27.07.2015

Հարգելի Syuzi, բարև Ձեզ: Իհարկե ցանկալի էր կատարել ՈՒՁՀ հետազոտություն ավելի վաղ ժամկետներում: Որոշ խնդիրների դեպքում գանգատներ կարող էիք և չունենալ, այդ պատճառով ցանկալի է որքան հնարավոր է շուտ անցնել այդ հետազոտությունը, համոզվելու համար, որ պտղի զարգացումնը նորմալ է ընթանում:

APAGA MAYRIK

09.07.2015

BAREV DZEZ HARGELI BJISHKA ES EKRORD HXIUTYUNSEM TANUM SAKAYN ARAJINN KORCRELEM 3AMSEKANUM...HIMA 4AMSEKAN HXIEM AMENINCH MOTS NORMALE SAKAYN EREXAYI XAX CHEM ZGUM VERJIN DASHTANS EXELE PETRVARI 19IN ARDYOQ DER NORMALE VOR XAX CHKA??ASEM BAVAKANIN POQRAMARMIN EV NIHAREM

Մեդ-Պրակտիկ

07.07.2015

Հարգելի Sat, բարև Ձեզ: Առաջնածին կանայք պտղի խաղը զգում են հղիության 19-20-րդ շաբաթից սկսած, իսկ կրկնածինները մոտ մեկ շաբաթ ավելի շուտ: Կախված օրգանիզմի առանձնահատկություններից կարող են լինել որոշ տատանումներ: Անհանգստանալու կարիք չկա: 

Մեդ-Պրակտիկ

03.07.2015

Հարգելի Anna, բարև Ձեզ: Արտադրությունը սեռական ուղիներից ամենևին չի նշանակում, որ դա ինֆեկցիոն բնույթ ունի: Հղիության ընթացքում արտադրությունը հաճախ կապված է սնկային ախտահարման հետ, դրա պատճառը հղիության ընթացքում հեշտոցի միկրոֆլորայի խախտում է: Արտադրության բնույթը պարզելու համար, հարկավոր է հանձնել հեշտոցի քսուք, որոշ դեպքերում նույնիսկ հղիության ընթացքում կարելի է ստանալ համապատասխան բուժում: 

Syuzi

29.06.2015

Barev hargeli bjshkuhi jan, mi harc unem, es 16shabatakan hxi em minchev hima es uzi chem ancel bayc bjishks 2 angam konsultaca ancel em hertagrvac em uxaki txteri het kapvac ushqcreci uzin da vtangavor e kam inch vor ban karoxa lini u es chimanam, nshem vor hxiutyun tarel em lav exel e srtxarnoc bayc tetev hima vapshe vochmi ban chka hangist em anhangstacnox vochinch chunem

sat

14.06.2015

barev dzez, mi harc unem,,,ete hxiutyunn 4 amsekan e bayc der erexayi xax chi nkatvel ardyoq da vtang e paryakum ir mejjj ,,

Մեդ-Պրակտիկ

13.06.2015

Հարգելի SHUSHAN, բարև Ձեզ: Հղիության առաջին եռամսյակում սեռական ուղիներից արյունային արտադրությունը, ցավերը գոտկային և աճուկային շրջաններում, վիժման սպառնալիքի նշան են: "Դյուֆաստոն" դեղամիջոցն իրենից ներկայացոնում է պրոգսետերոնի սինթետիկ անալոգ, հենց պրոգեստերոնի պակասն էլ դառնում է վիժման սպառնալիքի պատճառ: Շարունակեք բուժումը, արյունային արտադրության կամ ցավերի դեպքում անպայման նորից դիմեք գինեկոլոգի:

Կարդացեք նաև

Հղիության 26-րդ շաբաթ. morevmankan
Հղիության 26-րդ շաբաթ. morevmankan

Վերջանում է երկրորդ եռամսյակը, որը համարվում է երեխային սպասելու ընթացքի ամենախաղաղ ժամանակը: 26-րդ շաբաթը երեխայի համար կարևոր է այնքանով, որ նա արդեն կենսունակ է դարձել: Վաղաժամ ծննդաբերության դեպքում, բժշկական ճիշտ խնամքի...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Ինչպես մեծացնել հղիանալու հնարավորությունը. Հարվարդի գիտնականների 6 խորհուրդը. morevmankan
Ինչպես մեծացնել հղիանալու հնարավորությունը. Հարվարդի գիտնականների 6 խորհուրդը. morevmankan

Անգլիական հետազոտողներն` ուսումնասիրելով 15 հազարից ավելի կանանց, պարզել են, որ Բրիտանիայի յուրաքանչյուր 10-րդ գեղեցիկ սեռի ներկայացուցիչը բախվում է անպտղության խնդրի հետ...

Հղիության 25 շաբաթ. morevmankan
Հղիության 25 շաբաթ. morevmankan

Ժամանակն արագ է անցնում՝ հղիության 6 շաբաթներն արդեն մոտենում են ավարտին: Դեռ արագորեն քաշ եք ավելացնում, որովայնն ավելի է մեծանում, այն արդեն խանգարում է կռանալ, կոշիկները հագնել: Սա հրաշալի ժամանակ է մաքուր օդում...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Հղիության 24 շաբաթ. morevmankan
Հղիության 24 շաբաթ. morevmankan

Շարունակվում է հղիության երկրորդ եռամսյակը՝ ամենահանգիստ և հարմարավետ շրջանը: Քանի դեռ ժամանակ կա, առանց շտապելու պետք է ընտրել ծննդատունը և հավաքել շտապ անհրաժեշտության իրերի պայուսակը...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Հղիության 23- րդ շաբաթ
Հղիության 23- րդ շաբաթ

23 շաբաթում փոքրիկի մարմնի երկարությունը կազմում է մոտ 29 սմ, քաշը` մոտավորապես 510 գր: Հղիության այս շրջանում ապագա մայրը մշտապես լարված հետևում է իր մանկիկին, նրա շարժումններին: Երեխան արդեն մշակել է իր օրվա ռեժիմը...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Մոր սնունդը ծննդաբերությունից հետո. urolog.am
Մոր սնունդը ծննդաբերությունից հետո. urolog.am

Շատ կանայք ծննդաբերությունից հետո արագ քաշ են գցում՝ երեխայի, պլացենտայի և պտղաջրերի քաշից զատ. 1-2 շաբաթում օրգանիզմից հեռանում է մոտավորապես 2 լիտր կուտակված հեղուկ: Ծննդաբերությունից հետո մի քանի շաբաթ տևող արյունահոսությունը համարվում է...

Հղիության 22-րդ շաբաթ. morevmankan
Հղիության 22-րդ շաբաթ. morevmankan

Մեծավ մասամբ հղիությունն այս շրջանում ընթանում է հանգիստ՝ տոքսիկոզն այլևս չի տանջում, իսկ ապագա ծննդաբերության ապրումները դեռ չեն անհանգստացնում: Արյան ծավալի ավելացումը ո՛չ միայն անախորժ հետևանքներ, այլ նաև կնոջ օրգանիզմում...

ԼՈՒՐԵՐ: Մանկաբարձություն և ուրոգինեկոլոգիա Հղիությունը շաբաթներով՝ ըստ ամիսների
Ալերգիան հղիության ժամանակ. morevmankan
Ալերգիան հղիության ժամանակ. morevmankan

Ալերգիան իմուն համակարգի ծայրահեղ ռեակցիան է որոշ նյութերի՝ ալերգենների նկատմամբ, որոնք, սովորաբար, անվնաս են մյուսների համար: Հնարավոր չէ կանխատեսել, թե ինչպես հղի կնոջ օրգանիզմը կվերաբերվի պոտենցիալ ալերգենին...

Պերինատոլոգիա, մանկաբարձություն և ուրո-գինեկոլոգիա Ալերգոլոգիա
Հղիության 21-րդ շաբաթ. morevmankan
Հղիության 21-րդ շաբաթ. morevmankan

21 շաբաթում կնոջ քաշը կարող է շատ ավելացած լինել` համեմատած հղիության սկզբնական շրջանի հետ: Իրանը դառնում է լայն, լայնանում են ազդրերը, մեծանում են կրծքագեղձերը, լավ արտահայտված է որովայնը: Ժամանակն է մտածել զգեստապահարանի լրացման...

Պերինատոլոգիա, մանկաբարձություն և ուրո-գինեկոլոգիա
Սեղմակապ ծննդաբերությունից հետո. morevmankan
Սեղմակապ ծննդաբերությունից հետո. morevmankan

Հետծննդաբերական սեղմակապերն օգնում են ծննդաբերությունից հետո արգանդի կրճատման արագացմանը: Դա հատկապես ակտուալ է կեսարյան հատումից հետո: Այդպիսի սեղմակապը ֆիքսում է հետվիրահատական կարերը, պահում է որովայնի առաջային պատի...

Հղիության 20-րդ շաբաթ. morevmankan
Հղիության 20-րդ շաբաթ. morevmankan

20-րդ շաբաթը հղիության հասարակածն է: Արդեն գտնվում եք երեխայի հետ հանդիպման ճանապարհի ուղիղ մեջտեղում: Պտղի խաղն արտահայտված է ավելի ցայտուն, նա շատ ակտիվ պտտվում է, հարվածում, շրջվում, ինչպես նաև...

Պերինատոլոգիա, մանկաբարձություն և ուրո-գինեկոլոգիա
Ինչպիսի սեղմակապ (բանդաժ) կրել ծննդաբերությունից առաջ և հետո. morevmankan
Ինչպիսի սեղմակապ (բանդաժ) կրել ծննդաբերությունից առաջ և հետո. morevmankan

Երկրորդ եռամսյակի կեսում ապագա մոր որովայնը սկսում է ակտիվորեն աճել: Անհրաժեշտություն է առաջանում զգեստապահարանը համապատասխանեցնելու նոր վիճակին՝ ձեռք բերել ազատ ձևվածքի զգեստներ, նոր վերնաշապիկներ և տաբատներ...

Որովայնը` հղիության ժամանակ. morevmankan
Որովայնը` հղիության ժամանակ. morevmankan

Ապագա մոր շաբաթը-շաբաթի մեծացող որովայնը հղիության ինքնատիպ խորհրդանշանն է: Որովայնը չափերով մեծանում է պտղի, արգանդի աճի և շուրջպտղային հեղուկի (ապագա երեխայի կենսամիջավայրը) հաշվին: Որովայնի մաշկի խնամքով պետք է զբաղվել...

Հղիությունը շաբաթներով՝ ըստ ամիսների
Հղիության 19 շաբաթ. morevmankan
Հղիության 19 շաբաթ. morevmankan

Այս շաբաթն արդեն գրեթե հղիության կեսն է: Դա բավականին խաղաղ և հարմարավետ շրջան է ապագա մոր համար: Նա արդեն չի տառապում տոքսիկոզից, և դեռ չկան գոտկային շրջանի ցավեր, ստամոքսի այրոց և այլ անախորժ զգացողություններ...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Հղիության 18 շաբաթը. morevmankan
Հղիության 18 շաբաթը. morevmankan

Մի փոքր էլ, և կհայտնվեք հղիության կեսում: Թերևս, հիմա սկսվում է ամենալավ ժամանակը. շրջապատողներն արդեն նկատում են մեծացած որովայնը, և այլևս կարիք չունեք հղիությունը գաղտնի պահել: Ավելի հավանական է, որ արդեն հիանալի կերպով զգում եք...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ