Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Հղիություն, ծննդաբերություն

Հղիություն. 2-րդ ամիս

Հղիություն. 2-րդ ամիս

Բեղմնավորումից հետո 5-րդ շաբաթ (7-րդ մանկաբարձական)

Այս շաբաթվա ընթացքում նոր փոփոխություններ են տեղի  ունենում երեխայի վերջույթների, դեմքի, մարմնի սաղմերի հետ: Սկսում է ձևավորվել մարսողական համակարգը, արդեն առկա է ուղիղ աղիքը: Դեռ կա «պոչիկը», բայց 10-11-րդ շաբաթում այն արդեն չի լինի:

 

Պտղի մոտ ձևավորվում են նաև թոքերը: Ընկերքը հաստանում է, պորտալարը ամրանում է արգանդի պատին: Ի հայտ են գալիս դեմքի, աչքերի (եղջերաթաղանթի), բերանիկի, քթիկի սաղմերը: Կարելի է անգամ տարբերել փոքրիկ քթածակերը: Ընդամենը մեկ շաբաթ է անցել, ինչ հայտնվել էին վերջույթների սաղմերը, բայց արդեն կարելի է գլխի ընկնել որտեղ է ձեռքը, որտեղ` ուսը: Սկսվել է բոլոր ներքին օրգանների զարգացումը: Պտուղն ունի իր սեփական արյան խումբը: Տեսանելի են ապագա երեխայի դեմքի առանձնահատկությունները: Աչքերն ունեն ցանցաթաղանթ և ակնաբյուրեղ: Ձևավորվում է մկանային համակարգը, պտուղը կարող է շարժվել:

 

Պտղի մոտ սկսում է ձևավորվել փոքրիկ դեմքը: Գլխի կողքին կան երկու փոքրիկ պիգմենտային շրջանակներ: Հաջորդող մի քանի ամիսների ընթացքում դրանք կտեղադրվեն դեմքի վրա և կվերածվեն աչքերի: Սկսում են ձևավորվել ափիկները: Արդեն առկան են նաև երեխայի սեռական օրգանների սաղմերը, սակայն դեռ այս շաբաթում հնարավոր չէ որոշել՝ աղջիկ է, թե տղա: Շատ արագ սկսում են զարգանալ երիկամները: Տրանսվիգինալ կապն արդեն 100% հավանականությամբ ցույց կտա պտղիկին և նրա սրտի աշխատանքը: Կոպերն աստիճանաբար ծածկում են աչիկները՝ այսպիսով պաշտպանելով զարգացող աչքերը լույսից և չորությունից (28-րդ շաբաթից հետո աչիկները երեխայի ցանկությամբ կարող են բացվել): Հղիության այս շրջանում ձևավորվում է փոքրիկի ներքին ականջը, ձևավորվում է ծնոտը, առաջանում են ատամների սաղմերը: Բայց, ամենակարևորը, երեխան սկսում է շարժվել: Բայց, քանի որ այն շատ փոքր է, մայրը դեռ չի զգում նրա շարժումը: Հսկա գլուխը կախված է կրծքին:


Բեղմնավորումից հետո 5-րդ շաբաթ (7-րդ մանկաբարձական)Բեղմնավորումից հետո 5-րդ շաբաթ (7-րդ մանկաբարձական)Բեղմնավորումից հետո 5-րդ շաբաթ (7-րդ մանկաբարձական)

 

Ձևավորվում է դեմքը, բայց աչքերը դեռ կողքի են և ամուր փակված են: Աչքերի մաշկի տակ տեսանելի է սև պիգմենտը:


Լավ տարբերվում են ոտքերը և ձեռքերը` վերջինիս բաժանումներով, որոնք կվերածվեն մատների:


Սիրտը սկսում է սաղմի մարմնով արյուն մղել:


Ընդհանուր գծերով ձևավորվել է կենտրոնական նյարդային համակարգը:


Սաղմն արդեն թոքեր, աղիքներ, լյարդ, երիկամներ և ներքին օրգաններ  ունի, բայց այս ամենը դեռ ամբողջությամբ չի ձևավորվել:


Սաղմի երկարությունը և քաշը:


Երկարությունը մինչև սրբոսկր կազմում է մոտավորապես 7-9 մմ:
Քաշը` մոտ 0,8 գ.:


Բեղմնավորումից հետո 5-րդ շաբաթ (7-րդ մանկաբարձական)Բեղմնավորումից հետո 5-րդ շաբաթ (7-րդ մանկաբարձական)Բեղմնավորումից հետո 5-րդ շաբաթ (7-րդ մանկաբարձական)

 

Պտղի շնչափողը ընդլայնվում է և ձգվում է դեպի վար, ձևավորվում են ապագա բրոնխները:


Փոքրիկ վերջույթները երկարում են, ընդ որում ձեռքերն ավելի ակտիվ, քան` ոտքերը, և բաժանվում են երեք մասի՝ ուս, նախաբազուկ, բազուկ, ազդր , սրունք, ներբան:


Ոտքերի միջև առաջանում է ելունդ, որից էլ ձևավորվում են արտաքին սեռական օրգանները:


Երեխայի ապագա դեմքի թմբիկները (քթի, վերին և ստորին ծնոտների), որոնք հայտնվել էին անցած շաբաթվա ընթացքում, տեղափոխվում են դեմքի կենտրոն` թողնելով մեկ բաց ճեղք, դա նրա ապագա բերանիկն է:


Բերանային խեղքը ծածկող վերնամաշկը թեքվում է դեպի ծնոտը` պայտի տեսքով, հենց այստեղ են տեղակայվելու ատամների սաղմերը:


Խռիկային ճեղքերն անհետ կորում են: Գլխիկի և մարմնի միջև ձևավորվում է նեղացում, դա ապագա պարանոցն է:


Դուք ինքներդ


Ձեր փոքրիկը սկսում է սննդի պահանջ զգալ: Ձեր մարմնում արյան քանակը շատանում է, որպեսզի բավարարի նրա պահանջները: Դա առաջացնում է արյան կանգ ստորին վերջույթներում, և դուք հղիների համար բնութագրական ոտքերում ծանրություն եք զգում, որը ձեզ կուղեկցի նաև հետագայում:


 6-րդ շաբաթ (մանկաբարձական 8-րդ շաբաթ)


Ձեռքերի և ոտքերի սաղմերից սկսում են ձևավորվել փոքրիկ մատիկները, ձեռքերն արդեն սկսում են բաժանվել արմնկի և դաստակի: Պարանոցի երկու կողմերում սկսում են ձևավորվել ականջախեցիները, դեմքին հայտնվում է վերին շրթունքը, քթի ձևը: Աչքերը դեռևս շատ լայն են տեղադրված, բայց արդեն նկատելի են կոպերը: Աղիքներն այն երկարության են դառնում, որ երբեմն դուրս են գալիս պորտալարի շրջան. դա այսպես կոչված ֆիզիոլոգիական ճողվածքն է:

 

Երեխան արդեն նմանվել է մեծ մարդու: Սիրտը բաբախում է, ստամոքսը ստամոքսահյութ է արտադրում, սկսում են գործել երիկամները: Մկանները կծկվում են իմպուլսների ազդեցության տակ, որոնք գալիս են ուղեղից: Երեխայի արյունից կարելի է արդեն որոշել նրա Rh-պատկանելիությունը: Ձևավորվել են մատները և հոդերը: Երեխայի դեմքը ձեռք է բերում սեփական գծերը, միմիկան սկսում է արտահայտել այն, ինչ կատարվում է նրա միջավայրում: Երեխայի մարմինը արձագանքում  է հպմանը: Սաղմը պտուղ է դարձել, նրան արդեն կարելի է նորածին անվանել:

 

Հղիության 6-րդ շաբաթ (մանկաբարձական 8-րդ շաբաթ)Հղիության 6-րդ շաբաթ (մանկաբարձական 8-րդ շաբաթ)Հղիության 6-րդ շաբաթ (մանկաբարձական 8-րդ շաբաթ)

 

Ձևավորվել են բոլոր գլխավոր ներքին օրգանները, սակայն դրանք դեռ սաղմնային վիճակում են և մարմնի մեջ վերջնական դիրքը դեռ չեն զբաղեցնում:

 

Որոշվեց դեմքը. քթի ծայրը հայտնվեց, գծագրվեցին քթանցքները, ձևավորվեց բերանը:


Արդեն կա լեզու:


Ձևավորվում է ներքին ականջը:


Ձևավորվեցին մատները:


Հստակ երևում է ուղեղի ծոծրակային հատվածը:


Ոտքերը և ձեռքերն ավելի երկար են դարձել, ձևավորվել են ուսերը, արմունկները, ազդրերը և ծնկները:


Պտուղը բավականին շարժուն է, սակայն դուք դա դեռ չեք զգում:


Պտղի երկարությունը և քաշը


Երկարությունը գագաթից մինչև սրբոսկր կազմում է մոտ 8-11 մմ: Պտուղը ելակի չափ է:


Քաշը`  1,5 գ:

Պտուղն իր շրջապատող միջավայրում՝ ամնիոտիկ պարկում,  շարժուն է: 8-րդ ամսվա վերջում պտղի երկարությունը հասնում է 22 մմ: Հնարավոր է սաղմի հստակ նույնականացում (գլուխ, իրան, վերջույթներ և այլն): Սիրտը կծկվում է րոպեում 112-136 զարկ: Հենց այս ժամանակ էլ քթի խոռոչները ձեռք են բերում հոտառության ընկալիչներ, սակայն քիթը դեռ լորձով փակ է և չի գործում: Փոքրիկն իրեն շրջապատող հեղուկային միջավայրում չի կարող շնչել: Ձևավորվում է տեսողական նյարդի սաղմը: Այն աճում է առաջնային ուղեղից և երկարում է՝ հասնելով դեմքին: Դեմքի մաշկի մակերեսին նյարդերի վերջույթները ճյուղավորվում են և ձևավորում ցանցաթաղանթ: Հետո բջիջների տարանջատման ճանապարհով ձևավորվում է ակնաբյուրեղը և դրա հետ մեկտեղ` եղջերաթաղանթը:


Դուք ինքներդ


Արգանդի մուտքն ամուր փակվում է մակարդված լորձով՝ պաշտպանելով արգանդը` վարակներից:


Այդ իսկ նպատակով՝ հնարավոր միկրոբների վարակի դեմ պայքարելու համար ավելանում է նաև հեշտոցային հատվածի թթվայնությունը: Դրա հետ մեկտեղ, սակայն, հեշտոցն առավել հակված է լինում սնկային հիվանդության:  Ավելանում է սնկային հիվանդությամբ վարակվելու ռիսկը:


Ուշադրություն դարձրե՛ք. այն դեպքում, երբ դուք ռեզուս-բացասական եք, իսկ երեխայի հայրը` ռեզուս-դրական, այժմ ամենահարմար պահն է արյան մեջ հակամարմինների անալիզ հանձնելու: Բանն այն է, որ հենց այս ժամանակ է երեխայի մոտ սկսում ձևավորվել ռեզուսի սպիտակուցները (եթե ապագա երեխան ռեզուս-դրական է) և մոր մարմինը կարող է արձագանքել դրանց` հակամարմիններ արտադրելով:


7-րդ շաբաթ (մանկաբարձական 9-րդ)


Սկսում են ձևավորվել սեռական օրգանները: Գլուխը շատ է թեքված առաջ և կախվում է կրծքի վրա:


Մարմինը երկարում է: Ետևի մասում անհետանում է փոքրիկ պաչիկը (մեր հին անցյալը հիշեցնող), որով ավարտվել էր ողնաշարը:


Հղիության 7-րդ շաբաթ (մանկաբարձական 9-րդ)Նա մարդկային դեմք է ստանում: Գլուխը գնդաձև է դառնում: Թմբիկները, որ նշանակում են քթածակերը և ծնոտները, մոտենում են, Նախկինում ավելի վեր տեղադրված աչքերը շարժվում են դեպի քիթը, սակայն դեռ նրա հիմքի մոտ են: Քանի որ այժմ արդեն կարելի է խոսել քթի մասին, ապա նրա քթի խորշերն այս շրջանում У տառի նման բաժանված են և ձևավորում են քթի թևերը, բայց դեռ տափակ է: Դեմքը, որ մինչ այս պահը հարթ էր, կորանում է, և նրա վրա քիթն ու աչքերն առաջ են գալիս: Բերանի անկյունները երկարում են, առաջանում են շուրթերը:


Ակտիվորեն զարգանում են կմախքային մկանները:, կարող է ծալվել արմունկները մարմնի համեմատ 90°-ով: Ծնկները հիմնականում անկյան ձևով են, բայց առաջ են ուղղված, ոտնաթաթերը զուգահեռ են տեղակայված:


Առաջանում են հինգ բրոնխները: Սկսում է բրոնխային ծառի ճյուղավորումը:


Ինչպես նախորդ շաբաթում` ձեռքերի, այժմ էլ հայտնվում են ոտքերի մատները: Պտղի հաստացման հաշվին առաջանում են եղունգները, բայց տարօրինակ ձևով: Դրանք հայտնվում են ափի և ներբանի կողմում: Բայց, շնորհիվ պտտվող ու սահող շարժումների, եղունգները շարժվում են դեպի մատների ծայրերը, ուր և նրանք կշարունակեն աճել: Նրանց փոխորեն ափի և ներբանի մակերևույթին առաջանում  են շոշափողական թմբիկները:


Պտղի մեջքը սկսում է ուղղվել, իսկ պոչիկը` ոչնչանալ: Գլուխը դեռ մեծ է, ուղղված կրծքին: Աչքերն արդեն բավականին ձևավորված են, բայց ծածկված են մեմբրաններով: Պտուղն արդեն մկաններ ունի, և այն դադնաղ սկսում է շարժվել: Բայց այն կարող է միայն արձանագրել ուլտրաձայնը: Վերջույթները շարունակում են ձևավորվել, ընդ որում` ձեռքերն ավելի արագ, քան` ոտքերը: Ձևավորվում են մատները, նրանց մեջտեղների թաղանթները վերանում են: Արդեն արմունկ ունի: Սկսում է ամրանալ ոսկրային համակարգը:


Դուք ինքներդ


Ինքնաբուխ վիժման հնարավորությունը դեռ անհանգստացող է: Եթե այն հանկարծ կատարվի, ապա` հավանաբար, պտղի զարգացման խախտման հետևանքով: Այսպիսով` բնությունը որոշում է արատավոր հղիությունը չհասցնել մինչև վերջ:


Դեռ երկու շաբաթ վիժելու ռիսկը կա:


Բժշկին առաջին այցելության համար կոնկրետ ժամանակ չկա, սակայն առաջին զննումը պետք է անցնել հղիության 9-12 շաբաթների ընթացքում: Այս ժամանակահատվածը բացատրվում է նրանով, որ որոշ ապագա մայրիկներ` ոչ կանոնավոր դաշտանային ցիկլ ունեցող, բավականին ուշ են նկատում, որ հղի են: Պետք է շահագրգռված լինել առաջին զննումն անցնել որքան հնարավոր է վաղ, որպեսզի վտանգի դեպքում շուտ իմանալ:

 

Առաջին մինչծննդաբերական պարտադիր խորհրդատվություն


Նրանում ներառված են.

 

  1. Կլինիկական զննում` ներառյալ անոթային ճնշման փոփոխությունները, սրտի զարկի լսում, կշռում, որովայնի շոշափում, հեշտոցային զննում. այսպես են լինելու նաև մնացած վեց մինչծննդաբերական կոնսուլտացիաները:

  2. Մեզի անալիզը նույնպես պարտադիր է բոլոր նախածննդաբերական խորհրդատվությունների համար: Նրանում հատուկ ուշադրություն է դարձվում սպիտամիզությանը (սպիտակուցի անջատումը մեզի հետ) և գլյուկոուրիայի (շաքարի անջատումը մեզի հետ):

  3. Արյան անալիզ


Ի՞նչ է ցույց տալիս արյան առաջին անալիզը:


Արյան առաջին անալիզի արդյունքները որոշում են ուշադրության այն աստիճանը, որ բժիշկները և մանկաբարձները կդարձնեն ձեր հղիությանը և ծննդաբերությանը:


Հղիության 7-րդ շաբաթ (մանկաբարձական 9-րդ)1.    Արյան խմբեր

 

А, В, АВ կամ 0, ձեր քարտի վրա պարտադիր կերպով ցույց կտրվի արյան խումբը, որպեսզի արտակարգ իրավիճակի դեպքում արյան խումբը պարզ լինի:

 

2.    Ռեզուս-գործոն. + կամ  —


Եթե էրիթրոցիտները շրջապատող մեմբրանն ունի բացասական ռեզուս-գործոն՝ հատուկ սպիտակուցային նյութ, ապա ձեր ռեզուսը դրական է, իսկ եթե այս սպիտակուցը բացակայում է, ապա ռեզուսը բացասական է:
Խնդիրներ է ծագում, երբ մոր ռեզուսը բացասական է, հորը` դրական:


3.    Հակամարմինների որոշումը կարմրախտի դեմ կատարվում է Միջազգային միավորներով


Եթե դուք երբեք չեք հիվանդացել կարմրախտով, բայց դրանով վարակվել եք հղիության առաջին չորս ամիսների ընթացքում ,պտուղը կարող է լուրջ արատներ ունենալ: Արյան անալիզը կարմրախտի դեմ` նրանում պարունակվող հակամարմինների հանդեպ` կպարզաբանի պատկերը:
10 և ավելին միջազգային միավորը դա արյան մլ-ում հատուկ հակամարմինների պարունակության ցուցանիշն է, դրանով կարելի է հաստատել,  որ դուք մանկության ժամանակ կարմրախտով հիվանդացել եք, և ունեք դրա դեմ իմունիտետ: Ձեր երեխան այս դեպքում ոչ մի վտանգի չի ենթարկվում, ինչպես նաև այն հղիները, որոնք չունեն իմունիտետ, և դուք նրանց հետ շփվում եք:  Կարմրախտով երկրորդ անգամ չեն հիվանդանում , այդ իսկ պատճառով դուք վարակի աղբյուր չեք և չեք կարող դառնալ այս հիվանդության վարակի փոխանցող:
10 միջազգային միավորից պակաս. Դուք երբեք չեք հիվանդացել կարմրախտով, այդ իսկ պատճառով դուք պետք է անընդհատ հետևեք արյան մեջ հակամարմինների պարունակությանը: Դրանց շատացումը ցույց է տալիս, որ դուք վարակված եք: Սա դեռ չի նշանակում, որ ձեր երեխան էլ է վարակված: Դա ճշտելու համար բժիշկը կկատարի պտղի արյան անալիզ, որը վերցվում է պորտալարից` ուլտրաձայնի հսկողությամբ:  Վարակի հայտնաբերման դեպքում անհապաղ անցկացվում է  համապատասխան բուժում: Եթե, դժբախտաբար, երեխայի մոտ զարգացման լուրջ արատներ են նկատվում (տեսողության, լսողության, նյարդային համակարգի հետ կապված), բժիշկը կարող է ընդհատել հղիությունը:


4.     ՎՌ (Վեսսերմանի ռեակցիա)՝ սիֆիլիսով վարակվելու ցուցանիշ

Այս վարակիչ հիվանդությունն այժմ հազվադեպ է: Եթե արյան անալիզը բացահայտում է, որ դուք գունատ տրեպոնեմայի կրող եք, ձեզ պենիցիլինով բուժում են նշանակում, որը շատ արդյունավետ է և չի վնասում երեխային: Հսկող անալիզներ են անցկացվում հղիության ողջ ընթացքում:


5.    Ոչ պարտադիր հետազոտություններ


ՄԻԱՎ-ի որոշում


Այն պարտադիր չէ, բայց խորհուրդ է տրվում: ՄԻԱՎ-ը առաջացնում է ՁԻԱՀ, և դրա հայտնաբերման դեպքում ապագա մայրիկը բուժում է ստանում, որի շնարհիվ բավականին քչանում է երեխայի վարակվելու ռիսկը:


Հեպատիտ Բ-ի հակածինների և հակամարմինների հետազոտություն


Դուք կարող եք վարակի կրող լինել` չիմանալով այդ մասին, իսկ ձեր երեխան վտանգված է` ծննդաբերության ժամանակ  վարակվելու: Սակայն այժմ գոյություն ունի շիճուկ և պատվաստանյութ, որոնք կանխում են երեխայի վարակվելը, եթե անհրաժեշտ քայլերը կատարվում են անմիջապես ծնվելուց հետո:


Արյան հետազոտության  քանակական ցուցանիշները


Այս անալիզը բացահայտում է սակավարյունությունը և մակարդման խանգարումները: Այն գրանցում է 1մլ³-ում էրիթրոցիտների քանակը (ցածր ցուցանիշն ահազանգում է սակավարյունության մասին), արյան 1մլ³-ում լեյկոցիտների քանակը (բարձր ցուցանիշը խոսում է վարակի առկայության մասին), թրոմբոցիտների քանակը 1մլ³-ում, որոնք կարևոր դեր ունեն արյան մակարդման համար,  էրիթրոցիտներում հեմոգլոբինի միջին պարունակությունը. այս ցուցանիշի նվազումը ևս թույլ է տալիս սակավարյունության կասկած, ունենալ: Արյան մեջ հեմոգլոբինի ընդհանուր մակարդակը թույլ է տալիս գնահատել այս մոլեկուլի հնարավորությունը մոր օրգանիզմում թթվածնի փոխանցման համար, և հետևաբար նաև, նրա երեխային:


Հղիության առաջին ամիսներից ձեր մոտ կարող է էրիթրոցիտների պակաս և լեյկոցիտների ավելացում նկատվել Որպեսզի մորը և երեխային բավական արյուն լինի, արյան քանակը ամիս առ ամիս պետք է շատանա, հատկապես դա վերաբերում է հեղուկային մասին՝ պլազմային: Պլազմայի քանակությունը բավականին արագ է շատանում,  քան էրիթրոցիտների քանակը, և հղի կնոջ արյունը մի տեսակ նոսրացած է դառնում էրիթրոցիտների հարցում: Սակայն լեյկոցիտներն ունակ են արագ բազմանալու,  հետևաբար, նրանց ցուցիանիշի ավելացումը հղիների մոտ բորբոքային պրոցես չի նշանակում:


Իմանալով այս յուրահատկության մասին՝ բժիշկը ուշադիր կերպով կհետևի արյան հետազոտությանը, հատկապես արյան ձևավոր տարրերի հավասարակշռությանը:


8(10)-րդ շաբաթ


10-րդ շաբաթը մի յուրահատուկ մեկնարկակետ է ձեր երեխայի համար: Արդեն ձևավորված են մարմնի հիմնական պարամետրերը, և հաջորդ 6,5 ամիսներին բջիջները կլրացնեն նրա կառուցումը: Ձեր երեխան ինքն-իրեն ավելի է նմանվում: Մատիկները արդեն առանձնացված են, հայտնվում է լեզվի համային պտկիկը և ատամնային սաղմերը: Պոչիկն արդեն չկա, ուղեղը շարունակում է զարգանալ, ընդ որում` ֆենոմենալ արագությամբ: Յուրաքանչյուր վայրկյան արտադրվում են 1/4 մլն նեյրոններ:  Սիրտը ևս ձևավորված է:


Հղիության 8(10)-րդ շաբաթՀղիության 8(10)-րդ շաբաթՀղիության 8(10)-րդ շաբաթ

 

Չնայած արտաքին սերմնարանները դեռ որոշված չեն, բայց արդեն արդեն կան ամորձիները, եթե այն տղա է, սկսում են արտադրել տեստոստերոն՝ տղամարդու հորմոնը, որը նրան կդարձնի տղա: Եթե 10-րդ շաբաթում սաղմի հետ ամեն ինչ նորմալ է, ուրեմն՝  ուռա~: Նրան էլ չեն սպառնում բնածին անոմալիաներ:  Այս շաբաթվանից ձեր երեխան կոչվում է պտուղ:


Անցած երկու ամիսներին այն մեծ փոփոխություններ է կրել ներարգանդային կյանքում: Հաջորդ յոթ ամիսներում կկատարելագործվի այն, ինչ արդեն հիմնվել է: Զարգացման փուլերն առանձնացնող իրադարձությունները կարող են քիչ տպավորիչ լինել:


Կմախքը, հոդերը, մկանները՝  հենաշարժիչ համակարգի բոլոր տարրերն առկա են: Նրանք դեռ մի փոքր փոփոխության կենթարկվեն:
Համի առաջին ընկալիչներն առաջանում են  բերանի ներքին մակերեսում և դրա շուրջը: Շատ շուտով դրանց քանակը կգերազանցի մեծերինին: Ապագա երեխան նաև շատ զգայուն է խթանման նկատմամբ, որոնք ազդում են նրա վերին շրթունքի վրա: Նա դրանց պատասխանում է դեմքի շարժումով:


Կոպերը ձգվում են և փակվում. նայելու բան էլ  դեռ չկա:


Աճառներն աստիճանաբար ոսկրային հյուսվածքի են վերածվում:


Ձեռքերը, ոտիկները, մատիկները, ծնկներն արդեն ներկա են մանրանկարում: Շուտով ձեր երեխան կսկսի ծծել բութ մատը: Նա արդեն շարժվում է, ճիշտ է` դեռ ակամա: Աչքերը փակ են կոպերով և այսպես կշարունակվի մինչև 25-27 շաբաթները:  Ձևավորվել է ականջախեցին: Ձևավորվել է վերին շրթունքը:


Պտղի երկարությունը և քաշը


Երկարությունը գագաթից մինչև սրբոսկր մոտ 27- 35 մմ է:
Քաշը` 4 գրամ:


Դուք ինքներդ


Ձեր սիրտը րոպեում  կես լիտր արյուն  է մղում: Դրա աշխատանքը կուժեղանա ամեն ամիս և հղիության վերջում այս ցուցանիշը կհասնի րոպեում վեց լիտրի:


Այս քրտնաջան աշխատանքը կարտահայտվի նաև սրտային զարկի հաճախականության վրա: Նախկինում այն րոպեում 80-90 անգամ էր,  այժմ հասել է 100-ի և աշխատում է արագացված տեմպով:


Սաղմնային կյանքի երկրորդ ամսում պտղի զարգացման մեջ տեղի է ունենում որակական թռիչք: Շնորհիվ նրա, որ սաղմի շերտերի բջիջներն ակտիվորեն բազմանում են, տարածվում և մասնագիտանում են, կատարվում է օրգանների և հյուսվածքների ձևավորում: Սաղմն արտահայտիչ կերպով փոփոխվում է:


4-ից 8-րդ շաբաթվա ընթացքում սաղմի արտաքին շերտի բջիջներն աշխատում են կենտրոնական և ծայրամասային նյարդային համակարգի էսքիզի վրա. Հիմնադրվում է գլխուղեղը և ողնուղեղը, որոնք փոխանցում են նյարդային ուղիները:  Սկզբում ուղեղը հարթ մակերես ունի` ձկների նման: Հետո ի հայտ են գալիս ակոսների առաջին նշանները, և այն նմանվում է սողունների ուղեղին: Եվ ներարգանդային կյանքի միայն ավարտին սաղմի ուղեղը կդառնա մարդկային ուղեղ:


Արտաքին շերտից նաև ձևավորվում են ականջները, քթի, աչքերի, մաշկի, մազերի եղունգների զգացող հյուսվածքը՝ էպիթելը:

 

Հղիության 8(10)-րդ շաբաթ Հղիության 8(10)-րդ շաբաթ

Փոքրիկի ձեռքերը

Այս շաբաթում երեխայի ձեռքերը շատ արագ են զարգանում 48-րդ օրը և երեք օր անց

 

Միջին շերտի բջիջները սկիզբ են տալիս կմախքի մկաններին, ներքին օրգաններին, հոդերին, սրտին, արյանը, լիմֆային, արյունատար անոթներին և լիմֆոգեղձերին, աճառային հյուսվածքին և ոսկրերին, փայծաղին, երիկամներին, սեռական ուղիներին և, վերջապես, թաղանթներին, որոնք ծածկում են մարմնի բոլոր խոռոչները:


Ներքին շերտի բջիջները կձևավորեն մարսողական  օրգանների էպիթելը, ինչպես նաև լյարդի և ենթաստամոքսային գեղձի էպիթելը:  Նույն գենետիկ կազմով մի քանի տասնյակ բջիջներից ձևավորվում են ոսկրային հյուսվածքի կոշտ բջիջները, նյարդային համակարգի գերբարդ բջիջները, էնդոկրին օրգանների բջիջները, մկանային առաձգական բջիջները, մի խոսքով` մարդկային օրգանիզմի բջիջների բազմությունը:


Տարբերակման գործընթացը, դրանց մասնագիտացումը չափազանց բարդ է:


Ինչպես ցույց են տվել հետազոտությունները, մասնագիտացման աստիճանում յուրաքանչյուր բջիջ «պարզ» է: Դրա զարգացման համար նրան անհրաժեշտ են հատուկ պայմաններ: Նախ` առաջինը, դրա համար միևնույնը չէ, թե ինչ աղեր և ինչպիսի միացություններ  են պարունակվում այն ողողող արյան մեջ և հյուսվածքային հեղուկում: Երկրորդ՝ նրա մասնագիտացման վրա կարող են ազդել մյուսների՝ հարևան բջիջների կենսագործունեության նյութերը: Հայտնի է, որ այս նյութերի փոխանակումը կատարվում է արյան միջոցով, լիմֆայի միջոցով, մկանային հեղուկի միջոցով: Եվ երրորդ, յուրաքանչյուր բջջի անհրաժեշտ է կոնկրետ ինդուկցող հյուսվածքի հետ կապ: Օրինակ, աչքի եղջերաթաղանթը զարգանում է միայն ակնաբյուրեղի հետ կապի պարագայում: Հավի վրա փորձարկման ժամանակ, երբ ակնաբյուրեղի փոխարեն տեղադրեցին մաշկի բջիջներ, ապա եղջերաթաղանթի  փոխարեն այնտեղ փետուր աճեց:


Լինում է նաև, որ սարսափելի փորձություններ է անում հենց ինքը` կյանքը: Միջավայրի տարբեր անբարենպաստ պայմանները, մոր վարակիչ  հիվանդություններն ունակ են խախտելու բջիջների տարբերակման ինտիմ մեխանիզմները, օրգանների հիմնումը, իսկ սա հանգեցնում է ողբերգական հետևանքների՝ երեխայի ի ծնե այլանդակվածության:


5-6-րդ ամիսներին հատկապես շատ արագ են զարգանում սաղմի վերջույթները: Դրանք երկարում են, նկատվում են մասերի բաժանումները, հայտնվում են ձեռքերը և ոտքերը` ավելի շատ նման թիակի հինգ ճառագայթների, որոնք ապագա մատիկներն են:


7-րդ շաբաթում սկսվում է կմախքի ոսկրացումը, որն ավարտվում է միայն 20-25 տարեկանում:

5-6-րդ շաբաթում տեղի է ունենում ևս մեկ կարևոր իրադարձություն. պտուղը դեմք է ձեռք բերում: Նրա աչքերը, որոնք նախկինում գրեթե գլխի կողմնային մասերում էին, մոտենում են: Դեռ չկան կոպեր, այդ իսկ պատճառով դրանք փոքրիկ գլխի վրա հսկա են թվում: Սաղմն ունի շատ «խելացի» ճակատ: Իսկ հարթ, դուրս ցցված քթածակերով քթից դժվար է կռահել ապագա հանդուգն կճատաքիթը կամ «ազնվականի» քիթը՝ փոքրիկ կորությամբ, կամ էլ` Բուրատինոյի հետաքրքրաշարժ երկար քիթը... Շրթունքները նոր են նկարվում, իսկ լնդերի խորքում ձևավորվում են կաթնատամների սաղմերը:


Ո՛չ, նրան սիրունիկ ասել չի կարելի: Սակայն պարզ է, որ այն մարդ է, և ոչ թե ուրիշ մի բան: Այսպիսով` ընդամենը երկու ամսում միաբջիջ «ամեոբան» դառնում է մարդ: Ավելի ճիշտ` դրա առաջին ուրվագիծը, էսքիզը: 50-60 օրում օրգանները և օրգանիզմի համակարգերը հասցնում են ձևավորվել միայն ընդհանուր գծերով:  Հաջորդ յոթ ամիսներին օրգանիզմը կշարունակի զարգանալ և ավելի բարդանալ ու ինքնակատարելագործվել: Կյանքը` մինչև ծնվելը, շարունակվում է:


Ուշադրությո՛ւն: 4-8 շաբաթները կրիտիկական  են ապագա երեխայի կյանքի համար, երբ սաղմը ցանկացած տիպի վնասող գործոնի նկատմամբ ավելի զգայուն է:


Ընկերքը բացարձակ պաշտպան չէ պտղի համար: Տարբեր քիմիական նյութեր, այդ թվում և որոշ դեղեր, ունակ են թափանցել ընկերքի միջով և բացասական ազդեցություն ունենալ սաղմի զարգացման վրա:


Դեղամիջոցների նկատմամբ զգույշ եղե′ք, հատկապես հղիության առաջին և երկրորդ ամիսներին, երբ ընթանում է բոլոր օրգանների և երեխայի համակարգի  ստեղծումը: Դեղամիջոցներ օգտագործեք միայն բժշկի թույլտվությամբ:


Բոլոր այն գործոնները, որոնք ունակ են խառնվելու բջիջների մասնագիտացման մեջ, կոպտորեն դրանց խախտել,ու և հանգեցնելու անոմալիաների, կոչվում են տերատոգեն (հունարեն «տերատոս»-այլանդակ) բառից:


Նման հատկություն ունեն ճառագայթման մեծ չափաբաժինները, ռենտգեն ճառագայթումը, բազմաթիվ քիմիական նյութեր և այլն:


Սննդանյութը ևս կարող է անտարբեր չլինել մոր և պտղի համար: Մասնավորապես` կոֆեինը, որի մեծ քանակությունն ունակ է հղիության վաղ շրջանում հանգեցնելու ինքնակամ վիժման:


ԱՄՆ-ում հետազոտել են 550 հղիների, ովքեր սիրում էին սուրճ: 14 կանանցից , որոնք խմում էին օրական 6 բաժակ սուրճ, միայն մեկն է կարողացել  պահպանել հղիությունը: Մնացած 13-ի մոտ պտղի զարգացումը դադարել է և հղիությունն ընդհատվել է:

 

Հղիություն. 2-րդ ամիս

Հեղինակ. Ա.Ի. Բրուսիլովսկիի «Կյանքը մինչ ծնվելը» գրքի նյութերով
Սկզբնաղբյուր. kiev-mama.com.ua
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Մեդ-Պրակտիկ

21.02.2016

Հարգելի ROZI, բարև Ձեզ: Անկախ նրանից կատարվել է արհեստական բեղմնավորում, թե հղիացել եք բնական ճանապարհով, հղիության ժամկետը հաշվվում է վերջին դաշտանի առաջին օրվանից:

Մեդ-Պրակտիկ

21.02.2016

Հարգելի Has11, բարև Ձեզ: Հղիության ընթացքում ներկել մազերը քիմիական ներկերով ցանկալի չէ, քանի որ դրանց կազմի մեջ մտնող քիմիական նյութերը բացասաբար են ազդում պտղի վրա: Եթե այնուամենայնիվ ցանկանում եք ներկել մազերը, գնեք առանց ամմիակի կամ բնական հիմքով մազի ներկեր:

ROZI

07.02.2016

barev dez ,uzumem imanal ete inz mot verci dastan@ exele hunvari 11 .zvabjijs vertrelen 22 bexnavorumit heto 25 texadrelen ,arten hxiyem , hima vor orvanit petke hasvem

Has11

02.02.2016

Barev dez mi harc unem es 8 shabatakan hxi em uzum em mazers ktrem ev nerkem meter asum en chi kareli hxiutyan @tacqum .inchu ev erbe kareli ..

Մեդ-Պրակտիկ

02.02.2016

Հարգելի ARMINE, բարև Ձեզ: Հղիության առաջին հավանական նշանը դաշտանի ուշացումն է: Եթե կա դաշտանի ուշացում, կարող եք հղիության տեստ անել:

Մեդ-Պրակտիկ

02.02.2016

Հարգելի  Albina, բարև Ձեզ: Հղիության ընթացքում որովայնի շրջանում ցանկալի չէ կատարել մազահեռացում: Մազահեռացման ընթացքում Դուք մեխանիկական, ջերմային ազդեցության եք ենթարկում որովայնի պատը, հետևաբար նաև հղի արգանդը, որը ցանկալի չէ:

ARMINE

22.01.2016

BAREV vonch imanam vor hxi eM

Albina

20.01.2016

isk vorovayni shrjanum karelie katarel mazaheracum?

Մեդ-Պրակտիկ

01.11.2015

Հարգելի Albina, բարև Ձեզ: Կոնկրետ մարմնի որ հատվածենր մազահեռացման մասին է խոսքը: Ցայլքի շրջանում այնքան էլ ցանկալի չէ;

Մեդ-Պրակտիկ

01.11.2015

Հարգելի Անետա, բարև Ձեզ: Ձեր նկարագրած գանգատները բնորոշ են հղիության վաղ տոքսիկոզին: Հղիության 12 շաբաթից հետո դրանք հիմնականում ինքնուրույն վերանում են: Խնդրում եմ մանրամասենք Դուք ունենում եք փսխումներ, թե ոչ, եթե այո, օրը քանի անգամ: Եթե ունեք փոխումներ, ապա օրգանզիմը կորցնում է հեղուկ, և սրտխփոցի պատճառը հենց դա է: Հարկավոր է դիմել գինեկոլոգի սրտխանոցի դեմ դեղորայք ստանալու համար, հնարավոր է նաև օրգանիզմի հեղուկի ծավալը վերականգնելու կարիք լինի: Քաշի նվազումը և օրգանզիմի թերսնումը կարող է ազդել պտղի նորմալ զարգացման վրա:

Մեդ-Պրակտիկ

31.10.2015

Հարգելի Arus, բարև Ձեզ: Ձեր հարցը անհասկանալի է շարադրված, խնդրում եմ ավելի մանրամասն նկարագրել կոնկրետ ինչ խնդիր ունի Ձեր ընկերուհին: Կփորձենք օգնել;

Մեդ-Պրակտիկ

31.10.2015

Հարգելի Գայանե, բարև Ձեզ: 31.10.2015 դրությամբ Ձեր հղիությունը 12 շաբաթական 2 օրական է:

Albina

22.10.2015

Barev dzez,xndrum em indz aseq ardyoq karelie hxiutyan amoxj @ntacqum katarel mazaheracum voski, shaqarajri mijocov,naxapes shnorhakalutyun

Անետա

06.10.2015

Barev dez xndrum em patasxanel indz anhangstacnum e ayn vor im hxutyunn mek u kes amis e ev im mot ka srtxarnoc axorjaki pakum .. srtxarnoci patcharov chem karoxanum normal utel hetevabar qash em korcrel hnaravore im qashi patcharov vat anradardz unenam im poqriki vra

Arus

23.09.2015

Barev cez mi harcem uzum tam cez knereq harcis hamar @nkeruhis nman xndir uni ev amacume dimel bjski incic e vor sxin jamanak shneri nman kcvumen ev erkar jamanak mnumen etpes naxapes snorhakalutyun

Գայանե

17.09.2015

Բարև Ձեզ: Ես 20 տարեկան եմ, արդեն մեկ շաբաթ է, ինչ իմացել եմ, որ հղի եմ, վերջին դաշտանս եղել է Օգոստոսի 6-ին, խնդրում եմ կասեք, թե մոտավորապես քանի շաբաթական է հղիությունս : Նախապես շնորհակալություն :

Մեդ-Պրակտիկ

01.08.2015

Հարգելի Lilit, բարև Ձեզ: Ձեզ հետաքրքրող հարցի պատասխանը կարող եք գտնել սեղմելով ստորև նշված հղումներին.

 

http://www.med-practic.com/arm/131/19236/article.more.html

 

 http://www.med-practic.com/arm/131/28913/article.more.html

Մեդ-Պրակտիկ

01.08.2015

Հարգելի Մոնո, բարև Ձեզ: Աղիների աշխատանքը կարելի է կարգավորել սննդի միջոցով: Աշխատեք երեկոյան ժամերին շատ միրգ և բանջարեղեն չուտել, կաթը, ձավարեղենը  ևս ակտիվացնում են գազերի առաջացումը: Սնվեք հաճախակի, փոքր չափաբաժիններով: Որովայնի փքվածությունը նույնպես կարող է արգանդի հիպերտոնուսի պատճառ լինել: Հղիության վաղ ժամկետներում ակտիվ սեռական կյանքով ապրելն այնքան էլ ցանկալի չէ: 12-րդ շաբաթից սկսած կարելի է: Հղիության ուշ ժամկետներու ևս ցանկալի չէ, քանի որ առաջանում են արգանդամկանի կծկումներ, որն էլ կարող է վաղաժամ ծննդաբերության սպառնալիքի պատճառ դառնալ: 

Մոնո

14.07.2015

Բարև Ձեզ, ես 7 շաբաթական հղի եմ, 4 շաբաթականում վիժում էր սկսվում, բժիշկս կարողացավ կանխել, հիմա դեղեր եմ օգտագործում, արգանդիս տոնուսը բարձր էր, այսօր սոնոգրաֆիաի եմ գնացել բժիշկը ասած, որ ամեն ինչ նորմալա, բայց աղիքների խնդիր ունեմ գազերա շատ առաջանում ու շատ ժամանակ ցավեր եմ ունենում մեջքիս ու փորիս հատվածում, ու մի հարց էլ եմ ուզում տամ սեռական հարաբերությունը որ շաբաթիցա կարելի???????

Lilit

14.07.2015

Barev dzez xndrum em indz ogneq es gtnvum em Krasnadarum 4oric petq e gam Haysta hxiutyuns 7-8shabatakan e kareli e inqnatir nstel atdyog vtangavor chi

Մեդ-Պրակտիկ

09.07.2015

Հարգելի Arus, բարև Ձեզ: Կարևոր է նախ պարզել վիժման պատճառը: Առատ դաշտանի պատճառները տարբեր են, հիմնականում կապված է հորմոնալ խանգարման հետ, որի հետևանքով տեղի է ունենում արգանդի լորձաթաղանթի գերաճ: Առատ դաշտան կարող է լինել նաև արգանդի միոմայի դեպքում: Ցանկալի է դիմել գինեկոլոգի, կատարել ՈՒՁՀ, հորմոնալ քննություն, հարկ եղած դեպքում նաև արգանդի խոռոչից ասպիրատ վերցնել, պատճառը պարզելու և համապատասխան բուժում նշանակելու համար: 

Մեդ-Պրակտիկ

08.07.2015

Հարգելի Arina, բարև Ձեզ: Հայցում ենք Ձեր ներողամտությունն ուշացած պատասխանի համար: 08.07.15 դրությամբ Ձեր հղիությունը մոտ 7 շաբաթական է: Առաջնածին կանայք պտղի խաղը նորմայում զգում են 18-19 շաբաթից սկսած, իսկ կրկնածինները մեկ շաբաթ ավելի շուտ: Կախված օրգանիզմի առանձնահատկությունների հետ կարող են լինել տատանումներ: Ինչ վերաբերում է ցավերին, դրանք հիմնականում կապված են արգանդի տոնուսի բարձրացման հետ: Հենց այս ժամկետից սկսած էլ կարող եք դիմել գինեկոլոգի, հնարավոր է տոկոլիտիկ միջոցներ նշանակելու կարիք լինի: Բացի այդ հետևեք աղիների աշխատանքին, փորկապությունը, մետեորիզմը ևս կարող են ցավերի պատճառ դառնալ:

arina

08.07.2015

Knereq ete djvar chi kpatasxaneq im harcin

arina

06.07.2015

Xndrum em kpatasxaneq im harcin

arina

02.07.2015

Barev bjishk jan..es mi yarc unem cez...es hxi em uzym em imanam qani amsekanic e sksum xaxal u verjin dashtan@ tesel em mayisi 20 in uzum em imanal qani shabatakane hziutuns u erb gnam bjshki konsultacuayi..orva mej mi erku angam vorovaynis shrjanum shanjuner em unenum vtangavor ban ka??naxapes shnorhakalutun.

Arus

16.06.2015

Barev cez hargeli bjishq inc mot 9 sabatakan hxiutyuner erb sksvec dastani nman aryun gal bayc minc ayd 2angam unecelem qsvox aryun u mejqacav erb aryan hosq@ satacav dimeci bjiaki asecin arten @nkerqd anjatvela u stipvac dimecin hixiutyan @ntatman hima dashtani jamanak unem sat arat aryun incic klini e inc anel snorhakalutyun

Մեդ-Պրակտիկ

24.04.2015

Հարգելի Anul))), բարև Ձեզ: Ինչպես գիտեք հղիության արհեստական ընդհատումը միշտ էլ իր բացասական հետևանքներն է ունենում կնոջ օրգանիզմի վրա: Նախկինում բազմաթիվ արհեստական ընդհատումները կարող են առաջացնել հղիության ընթացքի բարդություններ, քանի որ հղիության արհեստական ընդհատումն բերում է արգանդի լորձաթաղանթի վնասման, նաև հորմոնալ խանգարումների:

Anul)))

20.04.2015

Barev dzez.hxiutyan skzbnakan shrjanym erevum e vor abort en arel naxqan hxianal@

Մեդ-Պրակտիկ

19.04.2015

Հարգելի ANI, բարև Ձեզ: Հղիության վաղ ժամկետներում ուժեղ ցավերը որովայնի ստորին կամ աճուկային շրջանում և առատ արյունային արտադրությունը սկսվող վիժման նշաններ են ցավոք, և համապատասխան միջոցներ չկիրառելու դեպքում անպայման վիժում կլինի: Հնարավոր է, որ Ձեր նշած գոյացությունը հենց պտուղն էլ լինի: Հարկավոր է դիմել գինեկոլոգի, պարզելու համար ադյոք արգանդի խոռոչում մնացել են պտղաձվի մնացորդներ, եթե այո, անպայման պետք է կատարվի արգանդի խոռոչի քերում կամ վակուում: 

ANI

16.04.2015

ES 5 SHABATKAN HXIEM ,UNECELEM UJEX CAVER EV ARYUN,HETAZOTVELEM EKEL TUN HETO ARYAN MEJ MOT 3 SM ERKARUTYAMB MSAYIN INCH VOR BANEM HAYTNABEREL.HNARAVORE DA PTUXNE EXEL?

Կարդացեք նաև

Հղիության 26-րդ շաբաթ. morevmankan
Հղիության 26-րդ շաբաթ. morevmankan

Վերջանում է երկրորդ եռամսյակը, որը համարվում է երեխային սպասելու ընթացքի ամենախաղաղ ժամանակը: 26-րդ շաբաթը երեխայի համար կարևոր է այնքանով, որ նա արդեն կենսունակ է դարձել: Վաղաժամ ծննդաբերության դեպքում, բժշկական ճիշտ խնամքի...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Ինչպես մեծացնել հղիանալու հնարավորությունը. Հարվարդի գիտնականների 6 խորհուրդը. morevmankan
Ինչպես մեծացնել հղիանալու հնարավորությունը. Հարվարդի գիտնականների 6 խորհուրդը. morevmankan

Անգլիական հետազոտողներն` ուսումնասիրելով 15 հազարից ավելի կանանց, պարզել են, որ Բրիտանիայի յուրաքանչյուր 10-րդ գեղեցիկ սեռի ներկայացուցիչը բախվում է անպտղության խնդրի հետ...

Հղիության 25 շաբաթ. morevmankan
Հղիության 25 շաբաթ. morevmankan

Ժամանակն արագ է անցնում՝ հղիության 6 շաբաթներն արդեն մոտենում են ավարտին: Դեռ արագորեն քաշ եք ավելացնում, որովայնն ավելի է մեծանում, այն արդեն խանգարում է կռանալ, կոշիկները հագնել: Սա հրաշալի ժամանակ է մաքուր օդում...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Հղիության 24 շաբաթ. morevmankan
Հղիության 24 շաբաթ. morevmankan

Շարունակվում է հղիության երկրորդ եռամսյակը՝ ամենահանգիստ և հարմարավետ շրջանը: Քանի դեռ ժամանակ կա, առանց շտապելու պետք է ընտրել ծննդատունը և հավաքել շտապ անհրաժեշտության իրերի պայուսակը...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Հղիության 23- րդ շաբաթ
Հղիության 23- րդ շաբաթ

23 շաբաթում փոքրիկի մարմնի երկարությունը կազմում է մոտ 29 սմ, քաշը` մոտավորապես 510 գր: Հղիության այս շրջանում ապագա մայրը մշտապես լարված հետևում է իր մանկիկին, նրա շարժումններին: Երեխան արդեն մշակել է իր օրվա ռեժիմը...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Մոր սնունդը ծննդաբերությունից հետո. urolog.am
Մոր սնունդը ծննդաբերությունից հետո. urolog.am

Շատ կանայք ծննդաբերությունից հետո արագ քաշ են գցում՝ երեխայի, պլացենտայի և պտղաջրերի քաշից զատ. 1-2 շաբաթում օրգանիզմից հեռանում է մոտավորապես 2 լիտր կուտակված հեղուկ: Ծննդաբերությունից հետո մի քանի շաբաթ տևող արյունահոսությունը համարվում է...

Հղիության 22-րդ շաբաթ. morevmankan
Հղիության 22-րդ շաբաթ. morevmankan

Մեծավ մասամբ հղիությունն այս շրջանում ընթանում է հանգիստ՝ տոքսիկոզն այլևս չի տանջում, իսկ ապագա ծննդաբերության ապրումները դեռ չեն անհանգստացնում: Արյան ծավալի ավելացումը ո՛չ միայն անախորժ հետևանքներ, այլ նաև կնոջ օրգանիզմում...

ԼՈՒՐԵՐ: Մանկաբարձություն և ուրոգինեկոլոգիա Հղիությունը շաբաթներով՝ ըստ ամիսների
Ալերգիան հղիության ժամանակ. morevmankan
Ալերգիան հղիության ժամանակ. morevmankan

Ալերգիան իմուն համակարգի ծայրահեղ ռեակցիան է որոշ նյութերի՝ ալերգենների նկատմամբ, որոնք, սովորաբար, անվնաս են մյուսների համար: Հնարավոր չէ կանխատեսել, թե ինչպես հղի կնոջ օրգանիզմը կվերաբերվի պոտենցիալ ալերգենին...

Պերինատոլոգիա, մանկաբարձություն և ուրո-գինեկոլոգիա Ալերգոլոգիա
Հղիության 21-րդ շաբաթ. morevmankan
Հղիության 21-րդ շաբաթ. morevmankan

21 շաբաթում կնոջ քաշը կարող է շատ ավելացած լինել` համեմատած հղիության սկզբնական շրջանի հետ: Իրանը դառնում է լայն, լայնանում են ազդրերը, մեծանում են կրծքագեղձերը, լավ արտահայտված է որովայնը: Ժամանակն է մտածել զգեստապահարանի լրացման...

Պերինատոլոգիա, մանկաբարձություն և ուրո-գինեկոլոգիա
Սեղմակապ ծննդաբերությունից հետո. morevmankan
Սեղմակապ ծննդաբերությունից հետո. morevmankan

Հետծննդաբերական սեղմակապերն օգնում են ծննդաբերությունից հետո արգանդի կրճատման արագացմանը: Դա հատկապես ակտուալ է կեսարյան հատումից հետո: Այդպիսի սեղմակապը ֆիքսում է հետվիրահատական կարերը, պահում է որովայնի առաջային պատի...

Հղիության 20-րդ շաբաթ. morevmankan
Հղիության 20-րդ շաբաթ. morevmankan

20-րդ շաբաթը հղիության հասարակածն է: Արդեն գտնվում եք երեխայի հետ հանդիպման ճանապարհի ուղիղ մեջտեղում: Պտղի խաղն արտահայտված է ավելի ցայտուն, նա շատ ակտիվ պտտվում է, հարվածում, շրջվում, ինչպես նաև...

Պերինատոլոգիա, մանկաբարձություն և ուրո-գինեկոլոգիա
Ինչպիսի սեղմակապ (բանդաժ) կրել ծննդաբերությունից առաջ և հետո. morevmankan
Ինչպիսի սեղմակապ (բանդաժ) կրել ծննդաբերությունից առաջ և հետո. morevmankan

Երկրորդ եռամսյակի կեսում ապագա մոր որովայնը սկսում է ակտիվորեն աճել: Անհրաժեշտություն է առաջանում զգեստապահարանը համապատասխանեցնելու նոր վիճակին՝ ձեռք բերել ազատ ձևվածքի զգեստներ, նոր վերնաշապիկներ և տաբատներ...

Որովայնը` հղիության ժամանակ. morevmankan
Որովայնը` հղիության ժամանակ. morevmankan

Ապագա մոր շաբաթը-շաբաթի մեծացող որովայնը հղիության ինքնատիպ խորհրդանշանն է: Որովայնը չափերով մեծանում է պտղի, արգանդի աճի և շուրջպտղային հեղուկի (ապագա երեխայի կենսամիջավայրը) հաշվին: Որովայնի մաշկի խնամքով պետք է զբաղվել...

Հղիությունը շաբաթներով՝ ըստ ամիսների
Հղիության 19 շաբաթ. morevmankan
Հղիության 19 շաբաթ. morevmankan

Այս շաբաթն արդեն գրեթե հղիության կեսն է: Դա բավականին խաղաղ և հարմարավետ շրջան է ապագա մոր համար: Նա արդեն չի տառապում տոքսիկոզից, և դեռ չկան գոտկային շրջանի ցավեր, ստամոքսի այրոց և այլ անախորժ զգացողություններ...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների
Հղիության 18 շաբաթը. morevmankan
Հղիության 18 շաբաթը. morevmankan

Մի փոքր էլ, և կհայտնվեք հղիության կեսում: Թերևս, հիմա սկսվում է ամենալավ ժամանակը. շրջապատողներն արդեն նկատում են մեծացած որովայնը, և այլևս կարիք չունեք հղիությունը գաղտնի պահել: Ավելի հավանական է, որ արդեն հիանալի կերպով զգում եք...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ