ՀՀ ԱՆ. Դեղարտադրողները ներկայացրել են իրենց մտահոգություններն ու առաջարկները

Ավելի քան 1 տասնյակ տեղական դեղարտադրողներ առողջապահության նախարարությունում կազմակերպված հանդիպման ժամանակ ներկայացրել են ոլորտին առնչվող իրենց դիտարկումները, մտահոգություններն ու առաջարկները: Մի շարք տնտեսվարողներ անդրադարձել են դեղերի գրանցման, վերագրանցման եւ փորձաքննության գործընթացներին` նպատակահարմար համարելով, որ պետությունն այս հարցում աջակցի իրենց` կրճատելով դրանց ժամկետերն ու ծախսերը:

Առաջարկ է հնչել, հիմք ընդունելով դեղարտադրության գերակա լինելը, ոլորտի տնտեսվարող սուբյեկտներին տրամադրել մատչելի վարկեր, որպեսզի տեղական արտադրանքը շուկայում կարողանա մրցունակ լինել թե գնով, թե արտադրության ծավալներով: Հանդիպման մասնակիցները հետաքրքրվել են դեղերի ներմուծումն ԱԱՀ-ից ազատելու հնարավորությամբ:

ՀՀ առողջապահության փոխնախարար Անահիտ Ավանեսյանը ներկայացրել է այս առումով նախարարության դիրքորոշումը` խնդիրները պետք է լսելի լինեն առավել հաճախակի հանդիպումների միջոցով ու լուծելի` կառուցողական երկխոսության միջոցով:

Դեղերի ու բժշկական տեխնոլոգիաների փորձագիտական կենտրոնի ղեկավար Հակոբ Թոփչյանն իր հերթին տեղական դեղարտադրողներին հորդորել է դեղերի գրանցումն ու դեղի գրանցման փաստաթղթերի փաթեթի (դոսյե) կազմումն իրականացնել միջազգային պահանջներին համապատասխան, որպեսզի խուսափեն արտահանման խնդիրներից:

Հարցեր, պատասխաններ, մեկնաբանություններ