ԼՈՒՐԵՐ: Թվեր և փաստեր Հայաստանից
ՀՀ ԱՆ. Հանրապետությունում ապահովվում է նորածինների լսողության սքրինինգի հարյուրտոկոսանոց ծածկույթ
Հետայսու հանրապետությունում կունենանք նորածինների լսողության սքրինինգի հարյուրտոկոսանոց ծածկույթ` «Արաբկիր» բժշկական համալիր-երեխաների և դեռահասների առողջության ինստիտուտում հայտարարել է առողջապահության նախարար Արսեն Թորոսյանը:
«Մեր գործընկերների` Ճապոնիայի դեսպանատան և «Հավատ» ՀԿ-ի համատեղ ջանքերի շնորհիվ մեր բոլոր ծննդատները կապահովվեն նորածինների լսողության հետազոտման ախտորոշիչ սարքավորումներով: Սրանց կիրառմամբ, հետևաբար, կապահովվի լսողական խնդիրների վաղ հայտնաբերումը, վաղ միջամտությունը, մասնագիտացված բուժօգնության տրամադրումը: Սա է ցանկալի արդյունքը` ապահովել երեխայի նորմալ զարգացումը, որպեսզի նա կարողանա հաճախել սովորական դպրոց, ունենալ ընկերներ և խուսափել մինչ այդ անխուսափելի թվացող հաշմանդամությունից ու հատուկ կրթական հաստատության սան լինելու հեռանկարից»,-շեշտել է նախարար Թորոսյանը:
Մինչ օրս լսողության սքրինինգ իրականացվել է հանրապետության ծննդատների 48%-ում, որտեղ ծնվել է երեխաների 63%-ը: Դա նշանակում է, որ այդ երեխաների համար առկա չէր լսողության խնդիրների վաղ հայտնաբերման հնարավորություն: Այս խնդիրն արդեն հետևում կմնա:
Մինչ օրս իրականացված սքրինինգների միջոցով առ այսօր հայտնաբերվել է լսողության խնդիրներով 199 երեխա, այսինքն ամեն 900 նորածնից 1-ը: Այս ցուցանիշը համադրելի է միջազգային միջին ցուցանիշերի հետ և վկայում է սքրինինգի իրականացման որակի մասին: Լսողական խնդիր ունեցող բոլոր երեխաները վերցվել են դիսպանսերային հսկողության, նրանք կամ պրոթեզավորվել են բարձրակարգ լսողական սարքերի միջոցով, կամ ենթարկվել կոխլեար իմպլանտացիայի:
Ճապոնական կողմի հետ «Հավատ» ՀԿ-ի համագործակցությունը սկսվել է 2010թ-ից: Ճապոնիայի դեսպանատունն այս ընթացքում ֆինանսավորել է «Արաբկիր» ԲԿ-ի սուրդոլոգիական կաբինետի նորոգումը, լսողության խանգարումներ ունեցող տասնյակ երեխաների համար FM համակարգերի ձեռքբերումը, նաև 10 ծննդատների ապահովել է նորածինների լսողության հետազոտման ախտորոշիչ սարքերով:
Այժմ Ճապոնիայի դեսպանատունը ֆինանսավորել է ևս 22 սարքի ձեռք բերում, ինչի արդյունքում լսողության նորածնային սքրինինգ կիրականացվի բոլոր նորածինների մոտ:
Հայաստանում Ճապոնիայի արտակարգ և լիազոր դեսպան Ջուն Յամադան փոխանցել է իր ուրախությունն ու հպարտությունը, որ ճապոնական կողմի աջակցությամբ Հայաստանում այսօրինակ կարևոր խնդիր է լուծվում` իրենց ֆինանսական օժանդակությամբ ձեռք բերելու նորածինների լսողության հետազոտման ախտորոշիչ սարքեր: «Սա հայ-ճապոնական սերտ գործակցության ևս մեկ օրինակ է»,-շեշտել է դեսպանը:
ՀՀ ԱԺ նախագահ, «Արաբկիր» ԲԿ-ի հիմնադիր Արա Բաբլոյանն ընդգծել է Հայաստանում ծնվող ամեն երեխայի համար այս սքրինինգի հնարավորության ապահովումը և վստահություն հայտնել, որ սարքերը ծառայելու են իրենց նպատակին` հատկացվելով հանրապետության բոլոր ծննդատներին:
Հանդիպման ընթացքում ներկաները դիտել են սքրինինգի արդյունքում ժամանակին հայտնաբերված լսողական խնդիրներ ունեցող երեխաների ելույթները, ովքեր անհրաժեշտ միջամտության արդյունքում ունեն վարժ խոսք, արտասանում են և երգում:
Կարդացեք նաև
Երևանի 7 վարչական շրջանում մեկնարկել է «Ավագ սերնդի շրջանում ֆիզիկական ակտիվության խթանման» հանրային արշավը...
Նկարում Սերինեն է, ծնվելուց հետո 90 օր գտնվել է Էրեբունի ծննդատան նորածնային բաժանմունքում: Նա ծնվել է հղիության 25-րդ շաբաթում...
«Էրեբունին» հանրապետությունում որպես խոշոր, բազմապրոֆիլ և առաջատար բժշկական կենտրոն մշտապես արդիականացվում է, վերազինվում գերժամանակակից սարքավորումներով...
«Էրեբունի» բժշկական կենտրոնի վերակենդանացման բաժանմունք էր ընդունվել ծայրահեղ ծանր վիճակում, կրիտիկական ցուցանիշներով՝ գրեթե անգիտակից, բարձր ջերմությամբ...
Նա եկել էր Հայաստանի ֆուտբոլային ակումբներից մեկում խաղացող ֆուտբոլիստ ամուսնուն տեսակցության՝ 24-շաբաթական հղիության ժամկետում...
Ուրախ ենք տեղեկացնել, որ «Նաիրի» ԲԿ-ի նյարդաբանության և նյարդավիրաբուժության բաժանմունքի ղեկավար Արման Պարգևի Հակոբյանը` որպես խոսնակ...
Մոր և մանկան առողջության պահպանման ԳՀԿ էր դիմել 29 տ. կին, ում մոտ ախտորոշվել էր գիգանտ միոմա։ Նա Կանադայից էր, համացանցով փնտրել և ընտրել էր իր համար վստահելի...
Օրերս Մոր և մանկան առողջության պահպանման գիտահետազոտական կենտրոնում մեկնարկել է վերապատրաստման ծրագիր՝ միջին բուժաշխատողների համար...
Մարտի 14-ին Մոր և մանկան առողջության պահպանման գիտահետազոտական կենտրոնում դասախոսությամբ հանդես եկավ...
«Նաիրի» բժշկական կենտրոնը համալրվել է վերջին սերնդի, գերհզոր ևս մեկ սարքավորումով, որը դեռևս միակն է Հայատսանում: Siemens Healthineers ընկերության...
Հոգեկան առողջության խնդիրներ ունեցող անձանց ծառայություններ մատուցող բժշկական կենտրոնների շենքային պայմանները շարունակում են բարելավվել...
Մարտի 5-ին Մոր և մանկան առողջության պահպանման ԳՀԿ-ում (ՄՄԱՊԳՀԿ) տեղի ունեցավ «Սուր փուլի պատասխան» թեմայով դասախոսությունը...
«Նաիրի» բժշկական կենտրոնի գլխավոր տնօրեն Նարինե Մամիկոնյանը և փոխտնօրեն, էնդոկրինոլոգ Նոնա Մարտիրոսյանը Ֆլորենցիայում մասնակցել են...
Համալսարանական մասնագետները մեթոդաբանական և գործնական օգնություն են ցուցաբերում մարզային հիվանդանոցներին...
Փետրվարի 27-ին Մոր և մանկան առողջության պահպանման գիտահետազոտական կենտրոնում (ՄՄԱՊԳՀԿ) կազմակերպվել էր դասախոսություն՝ «Օնկոգենեզի ժամանակակից տեսությունները» թեմայով...
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- Հղիություն. 6-րդ ամիս
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 2-րդ ամիս
- 4-7 ամսական երեխաների սնուցումը
- Ընկերության մասին
- Ամուսնական առաջին գիշերը
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Դիմակներ` մազերի համար
- Հղիություն. 1-ին ամիս
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Էկզեմայի տեսակները և բուժումը
- Ուլտրաձայնային դոպլերոգրաֆիա (երկակի (դուպլեքս) անոթների)
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն