Որպեսզի ցիստիտը չվերադառնա, պետք է ամեն օր լրացուցիչ խմել 6 բաժակ ջուր. armeniamedicalcenter.am

Նոր ամերիկյան հետազոտության JAMA-ում հրապարակված տվյալների համաձայն, կանայք, ովքեր օրը 1,5 լիտր ավելի ջուր են խմել, քան առաջ, 50 տոկոսով ավելի քիչ են կրկին հիվանդացել ցիստիտով:

Կանանց կեսից ավելին կյանքի ինչ-որ պահի կարող է հիվանդանալ սուր չբարդացած ցիստիտով, կամ միզուղիների ինֆեկցիաներով: Առաջին տարած ցիստիտից հետո 75 տոկոս դեպքերում մեկ տարվա ընթացքում այն կրկնվում է:

Հետազոտության հեղինակների խոսքով, ստորին միզուղիների ինֆեկցիայի ռեցիդիվի հաճախականության նվազումը, տվյալ դեպքում, կախված է այն բանի հետ, որ մեզի ավելացած քանակն այն մաքրում է հիվանդագին մանրէներից: Նրանք հայտարարել են նաև, որ դա խմած ջրի քանակի բարձրացման օգտին կատարվող խորհուրդների առաջին լուրջ կլինիկական հետազոտությունն է:

Օրվա ընթացքում խմած 1.5 լիտր ջուրը համապատասխանում է մոտավորապես 6 բաժակի:  Սան-Ֆրանցիսկոյի կալիֆորնյան համալսարանից դոկտոր Դեբորա Գրեդին ուղեկցող հոդվածում պնդում է, որ այս դեպքում ջուրը կարող է լինել մաքուր, խմելու ջուր:

Բայց կա մեկ այլ խնդիր ևս, ինչպես ասում են հետազոտության հեղինակները. «նման ինֆեկցիաների բուժումն իրականացվում է օգտագործվող հակամանէային դեղերի մոտավորապես 15 տոկոսով, ինչը նպաստում է անտիբիոտիկների նկատմամբ կայունության խնդիրների աճին»:

Այդ պատճառով կանաց ավելի ու ավելի հաճախ է խորհուրդ տրվում դեղորայքի փոխարեն, կամ նրա հետ, փոխել ապրելակերպը:

Դմիտրի Կոլեսնիկ

Հարցեր, պատասխաններ, մեկնաբանություններ