«Իզմիրլյան» բժշկական կենտրոնի գործունեությունը բարձր գնահատվեց Շվեյցարիայի «Իզմիրլյան» ֆոնդի գործադիր տնօրեն Գրեգորի Ջերեջյանի կողմից. izmirlianmedicalcenter.com

«Իզմիրլյան» բժշկական կենտրոնում հյուրընկալվեց Շվեյցարիայի «Իզմիրլյան» ֆոնդի գործադիր տնօրեն Գրեգորի Ջերեջյանը և Հայաստանում «Իզմիրլյան» ֆոնդի տնօրեն Լուսինե Գալաջյանը:

Յուրաքանչյուր տարի «Իզմիրլյան» ֆոնդի գործադիր տնօրենը Հայաստան կատարած այցի շրջանակներում այցելում է նաև բժշկական կենտրոն, ծանոթանում ընթացող աշխատանքների, ձեռքբերումների ու հնարավոր խնդիրների հետ:

Հանդիպում-քննարկումից հետո շրջայց կատարվեց և այցելություն օրթոպեդիա և սպորտային տրավմաների բաժանմունքում գտնվող երկու սիրիահայ հիվանդներին:

Գրեգորի Ջերեջյանը պատմեց իր ակնկալիքների և  «Իզմիրլյան» հիվանդանոցից ստացած տպավորությունների մասին.

«Շատ տպավորված եմ կենտրոնի առաջադիմությամբ: Այս 12 ամիսների ընթացքում հսկայական փոփոխություններ են տեղի ունեցել:

Սպասելիքներս գերազանցված են: Վիրահատությունների քանակի զգալի աճը թույլ է տալիս ենթադրել, որ այստեղ, իսկապես, լավ մասնագետներ են աշխատում, որ լավագույն սարքավորումներն են կիրառվում: Այստեղ նույն չափանիշներն են, ինչ Նյու Յորքում, Հոնկոնգում կամ այնպիսի երկրներում, ինչպես Շվեդիան է, Գերմանիան»:

«Իզմիրլյան» բժշկական կենտրոնի զարգացման ծրագրերի և հեռանկարների մասին պրոֆեսոր Արմեն Չարչյանը նշեց, որ առաջինը` բժշկական որակի ապահովումն է, բարձրակարգ բուժօգնությունը մեր բոլոր պացիենտներին, երկրորդը` նոր ուղղությունների զարգացումն է: Մեր առաջիկա գործունեությունում ներառված են շատ հավակնոտ ծրագրեր: Եվ բոլոր ձեռքբերումներից զատ, մեր մշտական աշխատանքը պետք է ուղղված լինի եղած ձեռքբերումների պահպանմանն ու ամրապնդմանը:

Հարցեր, պատասխաններ, մեկնաբանություններ