Ուլտրաձայնային ալիքները քաղցկեղային բջիջներին թույլ չեն տալիս կիսվել. գիտնականներ. 1in.am

Կալիֆոռնիայի համալսարանի գիտնականները գլխուղեղի քաղցկեղի բուժման ինովացիոն մեթոդ են առաջարկել, հայտնում է MedikForum-ը: Նորույթի էությունը հետևյալն է՝ հիվանդին ուլտրաձայնային իմպլանտներ են ներդրվում, որոնք կետայնորեն ազդում են քաղցկեղի բջիջների վրա՝ դրանց թույլ չտալով կիսվել:

Ամերիկացի գիտնականների նախնական հետազոտությունն ապացուցել է, որ ուլտրաձայնային թրթռումները բավականին արդյունավետ միջոց են քաղցկեղային բջիջների դեմ պայքարի համար, ընդ որում՝ նույնիսկ մետաստազների փուլում: Չարորակ բջիջները ձայնի կետային ազդեցությամբ պարզապես դադարում են կիսվել, նշում են գիտնականները:

Ենթադրվում է, որ շուտով ուլտրաձայնային իմպլանտները կկարողանան բժշկության մեջ փոխարինել քիմիաթերապիային և ճառագայթային թերապիային: «Ձայնի մեթոդը», բժիշկների գնահատմամբ, գործնականում անվնաս է մարդու համար, նույնիսկ հիվանդության բարդ ձևերի դեպքում:

Ուլտրաձայնային իմպլանտների զանգվածային օգտագործման գիտնականների նախնական կանխատեսումները 2020 թվականն է:

Հարցեր, պատասխաններ, մեկնաբանություններ