Վաղաժամ սերմնաժայթքման խնդիրը կարող է վերջնական լուժում ստանալ. news.am

Ixchelsis ընկերության կողմից ներկայացված դեղահաբը, որը «սիրո հորմոնի»՝ օքսիտոցինի աշխատանքը արգելափակելու հատկություն ունի, կարող է վաղաժամ սերմնաժայթքման խնդիրը պատմության գիրկն ուղարկել, հաղորդում է The Daily Mail-ը:

Դեղամիջոցի կլինիկական փորձարկումները ընթացիկ ամսին են մեկնարկելու: Օքսիտոցինը ո՛չ միայն էմոցիոնալ կապվածության համար է պատասխանատու, այլ կարող է նաեւ գրգռման մակարդակի աճ եւ սերմնաժայթքում հրահրել: 

Նորահայտ դեղամիջոցը վերոհիշյալ հորմոնին օրգանիզմի բջիջներին կապվելու հնարավորությունից է զրկում, ինչն էլ սերմնաժայթքման հասունացման գործընթացի երկարաձգման կարող է հանգեցնել: Վաղաժամ սերմնաժայթքումը երբեմն շաքարախտի, ցրված սկլերոզի, արյան բարձր ճնշման, շագանակագեղձի հիվանդության, ինչպես նաեւ վահանաձեւ գեղձի գերակտիվ կամ անբավարար ակտիվ աշխատանքի արդյունք կարող է լինել: Խանգարումը հոգեբանի ծառայության, ցավազրկողների եւ հակադեպրեսանտների օգնությամբ է բուժվում, սակայն թերապիայի այս միջոցները ոչ միշտ են արդյունավետ եւ կարող են կողմնակի ազդեցություններ առաջացնել: 

Դեղամիջոցի՝ մեկ տարի տեւողությամբ նախանշված փորձարկմանը 18-60 տարեկան 90 տղամարդիկ են մասնակցելու: Կամավորներն այդ ընթացում սեռական ակտից 1-7 ժամ առաջ դեղամիջոցի տարբեր չափաբաժիններ ընդունելու հանձնարարություն կստանան: Այդուհանդերձ, մասնագետները չեն մոռանում, որ դեղորայքային բուժումից զատ, հարկավոր է նաեւ խնդրի հոգեբանական գործոնները հաշվի առնել:

Հարցեր, պատասխաններ, մեկնաբանություններ