Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Առողջապահություն 2.2011

Մաշկի ամառային խնամքը

Մաշկի ամառային խնամքը

Առանց արևի կյանքն անհնար է, արեվոտ օրերի պակասը որոշ դեպքերում հանգեցնում է դեպրեսիայի: Նույնիսկ այս պարագայում, սակայն, չպետք է կորցնել չափի զգացումը:

 

Կոփվելու նպատակով ամռանը արևային լոգանքներ ընդունելու և մաշկին դարչնագույն երանգ տալու` արևայրուկի մասին երազելով` մեծավմասամբ անտեսվում է Արեգակի ճառագայթների երկարատև ազդեցության հետևանքները: Արևայրուկը մաշկի պաշտպանական ռեակցիան է արևի ճառագայթների հանդեպ: Ուլտրամանուշակագույն ճառագայթները մաշկի բջիջներում առաջացնում են ազատ ռադիկալներ, որոնք մաշկի վրա քայքայիչ ազդեցություն են թողնում:

 

Արևի ճառագայթների ազդեցության ներքո մաշկում գտնվող գունանյութը` մելանին պիգմենտը, որի քանակությամբ է պայմանավորված մաշկի գունային զանազան երանգավորումը, նաև էկրան է և անդրադարձնում է ուլտրամանուշակագույն ճառագայթները` պաշտպանելով մաշկը վնասվածքներից: Հայտնի է, որ բաց գույնի մաշկ, մազեր, աչքեր ունեցող մարդկանց մոտ արևային լոգանքները մինչև արևայրուկն ավելի արագ են այրվածքներ առաջացնում: Դա բացատրվում է մաշկում գտնվող մելանինի սակավությամբ. կարճ ժամանակահատվածում դրա քանակը չի հասնում անհրաժեշտ մակարդակի: Արևային լոգանքի չարաշահումը կարող է հանգեցնել ոչ թե հանգստի, այլ` բուժման: Կոփվելու նպատակով առաջին 2-3 օրերին արևի տակ պետք է գտնվել մի քանի րոպե: Դա կնպաստի ուլտրամանուշակագույն ճառագայթների մեծ չափաբաժիններին օրգանիզմի նախապատրաստմանը, մաշկն աստիճանաբար կկոփվի և կպաշտպանվի այրվածքներից: Պետք է խուսափել արևի ամենաակտիվ ճառագայթման շրջանում` ժամը 11-17-ը արևի տակ գտնվելուց:

 

Ինչպես արդեն հանդեսի նախորդ համարներում նշվել է` տարվա յուրաքանչյուր եղանակ մաշկի խնամքի միջոցների ընտրության նպատակահարմարության առումով ունի իր ուրույն պահանջներն ու եղանակները: Ամառը, արևի առավելագույն ակտիվության հետ կապված` մաշկի խնամքի միջոցների նկատմամբ նույնպես իր խնդիրներն է առաջադրում: Այս հոդվածով ավարտում ենք տարվա եղանակով պայմանավորված` դեմքի մաշկի խնամքի միջոցների ընտրությանն ու պահանջներին վերաբերող հոդվածաշարը, որը, ինչպես միշտ, պարզաբանում է դեղագործ-կոսմետոլոգ ԵԼԵՆԱ ՍԻՄՈՆՅԱՆՑԸ:

 

Գեր մարդիկ ավելի զգայուն են արևի ճառագայթների հանդեպ, քան նիհարները. արևից վնասվում է հատկապես ճարպոտ մաշկը: Կանայք տղամարդկանցից ավելի լավ են դիմանում արևի ուժեղ ճառագայթների ազդեցությանը: Չնայած մաշկի դարչնագույն երանգն ավելի թարմ տեսք է տալիս երիտասարդներին` նրանց կողմից արևի ճառագայթների չարաշահումը ևս կարող է հանգեցնել կնճռոտման: 

 

Առաջին օրվա վերջում սովորաբար արևի ազդեցությունը նկատվում է ուսագոտու ու կոնքերի մաշկի վրա: Երեկոյան այդ մասերին պետք է խոնավացնող, լավ ներծծվող և ճարպոտ թաղանթ չառաջացնող քսուքներ քսել, իսկ հաջորդ օրը` պաշտպանել արևից: Մաշկը այրվելուց, վաղաժամ ծերացումից ու գրգռվածությունից պաշտպանելու համար պետք է օգտագործել արևայրուկի համար նախատեսված միջոցներ` յուղեր ու քսուքներ: Այդ միջոցների օգտագործումը կապված է մաշկի առանձնահատկության հետ, ուստի դրանք պետք է զգուշորեն ընտրել` ալերգիաներից խուսափելու համար: Դրանց բաղադրության մեջ պետք է ընդգրկված լինեն C և E վիտամիններով, ֆերմենտներով և անտիօքսիդանտներով հարուստ նյութեր, որոնք մաշկը կպաշտպանեն ազատ ռադիկալների և ուլտրամանուշակագույն ճառագայթների քայքայիչ ազդեցությունից: Այդ քսուքներն ամբողջ օրը չի կարելի թողնել մաշկի վրա, քանի որ ճարպոտները կարող են մաշկի գերտաքացում, իսկ ոչ ճարպոտները` խիտ, համարյա անանցանելի թաղանթ և ալերգիկ ռեակցիաներ առաջացնել: 

 

Ցանկացած միջոց օգտագործելուց առաջ նախապես ստուգեք, թե արդյո±ք նրա բաղադրության մեջ մտնող նյութերից որևէ մեկի նկատմամբ ալերգիա չունեք. պատրաստված խառնուրդից նախապես քսեք մաշկի մի փոքր հատվածի վրա, և եթե որոշ ժամանակ անց մաշկը չգրգռվի, կարող եք օգտագործել:

 

Արևային այրվածքների հետևանքները վերացնելու համար խորհուրդ է տրվում այրված մասերին դնել կիտրոնի բարակ շերտեր, մի քիչ կարող է մրմռալ, բայց արդյունքը զգալի է լինում:

 

Անհրաժեշտ է արձակուրդից առնվազն 2-3 շաբաթ առաջ և դրանից հետո սննդակարգում բուսական ծագման սպիտակուցներով, վիտամիններով հարուստ անտիօքսիդանտային սննդամթերք ընդգրկել, քանի որ` 

 

  • բետա-կարոտինն ամրապնդում է օրգանիզմի դիմադրողականությունը և կարևոր նշանակություն ունի մաշկի ու մազերի որակի, ոսկրերի ու ատամների ամրության, տեսողության համար և այլն: Այն մեծ քանակությամբ պարունակում են սպանախը, պղպեղը, հազարը, դդումը, սեխը, ծիրանը: 

  • C վիտամինը բարձրացնում է օրգանիզմի դիմադրողականությունը, նպաստում մաշկի ճկունության և թարմ տեսքի պահպանմանը: Մեծ քանակությամբ պարունակում են բալը, սև հաղարջը, մասուրը, թուրինջը, կիտրոնը, նարինջը, ազնվամորին, կաղամբը և այլն:

  • D վիտամինն ամրացնում է ոսկրային հյուսվածքներն ու եղունգները:

  • E վիտամինն օգնում է օրգանիզմի բջջային մակարդակով կատարվող նյութափոխանակության կարգավորմանը, օրգանիզմից թունավոր նյութերի դուրս մղմանը, որի անտիօքսիդանտային հատկության շնորհիվ դանդաղում է կնճիռների առաջացման գործընթացը: Մեծ քանակությամբ պարունակում են ածիկը, կարագը, եգիպտացորենի ձեթը, դեղձը, նուշը, պնդուկը, հնդկահավի միսը, թառափը:

  • Սելեն միկրոտարրը խթանում է էնզիմի արտադրությունը, որը պայքարում է ազատ ռադիկալների դեմ: Մեծ քանակությամբ պարունակում են միսը, ձուկը, հացը, կաթը, ընդեղենը, վարունգը:


Գեղեցիկ և առողջ մաշկ ունենալու գաղտնիքը նաև ջրային բալանսի պահպանումն է 

 

Մաշկի առողջությունը էականորեն կապված է օրգանիզմի ջրային բալանսի հետ: Առողջ մաշկ ունենալու համար շատ կարևոր է, որ օրգանիզմը բավականաչափ հեղուկ ստանա: Ջրային բալանսն օգնում է մարմնի ջերմաստիճանի կարգավորմանը, որն իր հերթին նպաստում է մաշկային բջիջների ճշգրիտ աշխատանքին: Հակառակ դեպքում առաջ են գալիս տարբեր խնդիրներ, և մաշկը դառնում է անպաշտպան, որի հետևանքով կորցնում է ճկունությունը, փափկությունը, տոնուսը, դառնում չոր: Պետք է հիշել, որ ջրազրկման հետևանքով ամենաշատը տուժում են դեմքը, պարանոցը, ձեռքերը և նախաբազկի շրջանը: 

 

Ընդհանրապես խորհուրդ է տրվում խմել օրական 2-2,5 լիտր հեղուկ, սակայն կապված սեռի, տարիքի, ֆիզիկական ակտիվության աստիճանի կամ արտաքին ջերմաստիճանի հետ` ջրի քանակը կարող է փոփոխվել: ևոգ ժամանակ կարելի է քանակությունն ավելացնել, քանի որ ջերմաստիճանի բարձրացմանը զուգընթաց մեծանում է նաև ջրի կորուստը, իսկ ջրազրկված օրգանիզմը դադարում է ծարավի զգացում ունենալուց: Մրգերը և բանջարեղենը նույնպես նպաստում են հիդրատացիային` ջրակցմանը, քանի որ մեծ քանակությամբ ջուր են պարունակում: Սպորտով զբաղվողները պետք է հեղուկ ընդունեն մարզվելու ընթացքում և մարզվելուց հետո, քանի որ քրտնելու հետևանքով ավելի շատ հեղուկ են կորցնում: Քրտնելու ժամանակ, բացի ջրից, դուրս են գալիս նաև կենսականորեն անհրաժեշտ հանքային աղերը, ուստի խորհուրդ է տրվում օգտագործել դրանցով հարուստ սննդամթերք կամ միջոցներ: Պետք է խուսափել ալկոհոլային խմիչքներից. ծխելն ու ալկոհոլի օգտագործումը նպաստում են օրգանիզմի արագ ջրազրկմանը: Խորհուրդ չի տրվում օգտագործել օծանելիք, քանի որ արևի ազդեցության հետևանքով այն մաշկի վրա վերածվում է շագանակագույն բծերի:

 

Գեղեցիկ արևայրուկ ապահովում է գազարից պատրաստած դիմակը


  • Գազարը քերեք, ավելացրեք մեկ ձվի դեղնուց և մեկ թեյի գդալ ձիթապտղի յուղ, խառնեք և քսեք դեմքին: 15-20 րոպե հետո լվացվեք գոլ, ապա ցայվեք սառը ջրով:

 

Բացի պաշտպանիչ քսուքներ օգտագործելուց, կարևոր է նաև մաշկը մաքրելը


Ամռան տաք օդը բազմաթիվ մանրէների և բակտերիաների գոյատևման համար կատարյալ միջավայր է: Օդում փոշու մեծ քանակության առկայության դեպքում մաշկն արագ է կեղտոտվում, այդ պատճառով անհրաժեշտ է ամեն օր առավոտյան և երեկոյան այն մաքրել համապատասխան միջոցներով:

 

  • Չոր մաշկը մաքրելու համար խորհուրդ է տրվում դեմքը լվանալ հանքային ջրով: Ավելի լավ է հրաժարվել օճառից և օգտագործել հատուկ փրփուրներ կամ խոնավացնող միջոցներ: Պետք չէ թողնել, որ դեմքն ինքնուրույն չորանա, քանի որ ջրի գոլորշիացման հետ ջրազրկվում է նաև մաշկը: Ավելի խորը մաքրում կատարելու նպատակով բավարար է շաբաթը մեկ անգամ մաշկը մաքրել, մեռուկացած շերտերը հեռացնել համապատասխան քսուքներով: 

  • Լվացման համար նախատեսված գելերն ու փրփուրները կարելի է հերթագայել լորենու, երիցուկի, կատվալեզվի ծաղիկներից պատրաստած եփուկով: Երկար ժամանակ դրսում գտնվելուց հետո խորհուրդ է տրվում այդ եփուկներից որևէ մեկով թրջած անձեռոցիկները դնել դեմքի վրա: 

 

Ճարպոտ մաշկին շատ լավ է սառը ջուրը կամ երիցուկի թուրմը, ինչպես նաև թրթնջուկով դիմակը


  • Վերցնել թրթնջուկի միջին չափի մի քանի թերթիկ, գդալով ճզմել ու ավելացնել 1 թարմ ձվի դեղնուց, խառնուրդը բարակ շերտով քսել դեմքին, չորանալուց հետո` հաջորդ, այնուհետև` երրորդ շերտը: 15 րոպե անց դեմքը լվանալ թեյի լուծույթով:

 

Մաշկի բոլոր տեսակներին լավ է եղինջով դիմակը

 

  • Մեկ բաժակ չոր եղինջի տերևներին ավելացնել 1 բաժակ օղի ու 2 շաբաթ պահել հով և մութ տեղում, քամել, ավելացնել 3 ճաշի գդալ եռացրած ջուր ու դեմքը մաքրել:

  • Երեք ճաշի գդալ չորացրած եղինջի տերևների վրա ավելացնել մի քիչ եռացրած ջուր, այնքան, որ ստացվի շիլայանման զանգված ու ջրային բաղնիքում եռացնել 10-15 րոպե: Այնուհետև սառեցնել ու շերտ-շերտ քսել դեմքին: 15-20 րոպե պահելուց հետո դեմքը լվանալ սենյակային ջերմաստիճանի ջրով: 

 

Դեմքի մաշկի համար օգտակար են ծովի աղով կամ քացախաջրով լոգանքները

 

  • Մեկ թեյի գդալ ծովի աղը խառնել մեկ լիտր ջրում 

  • Մեկ թեյի գդալ քացախը խառնել մեկ լիտր ջրում: 

  • Ջուրը պետք է լինի սենյակային ջերմաստիճանի:

 

Չոր և նորմալ մաշկի սնուցման համար կարելի է շաբաթը 3 անգամ պատրաստել դդումի հյութով դիմակ


  • Մեկ ճաշի գդալ դդումի թարմ հյութին ավելացնել 1 ճաշի գդալ կիտրոնի հյութ, 1 ձվի դեղնուց, 2 թեյի գդալ թթվասեր: Այս ամենը լավ խառնել ու քսել դեմքին, 20 րոպե հետո գոլ ջրով լվացվել:

 

Խառը տիպի մաշկի սնուցման համար անհրաժեշտ է շաբաթը 3 անգամ խատուտիկի տերևներից պատրաստված դիմակ դնել

 

  • Խատուտիկի 3-5 տերևները մանր կտրատել ու փայտե գդալով լավ տրորել, խառնել 2 թեյի գդալ ոչ յուղոտ կաթնաշոռի հետ ու քսել դեմքին: 20 րոպե անց դիմակը մաքրել թղթե անձեռոցիկով ու հետո դեմքին կաթ քսել:

    Դեմքի մաշկը կարելի է խոնավացնել և սնուցել նաև բանջարեղենի ու մրգերի հյութերով. վարունգ, լոլիկ, ելակ, ծիրան, դեղձ, ձմերուկ, խաղող և այլն:

 

Վարունգը խոնավացնող, սպիտակեցնող և թարմացնող հատկություն ունի 

 

  • Վարունգի կեղևը դրեք դեմքին կամ քերած վարունգը լցրեք թանզիֆի վրա, այնուհետև դրեք դեմքին: 

 

Կեռասից պատրաստված դիմակներն օգտակար են կնճռոտ և ծակոտկեն մաշկին

 

  • Կես բաժակ առանց կորիզի կեռասը տրորեք, ավելացրեք 1 թեյի գդալ մեղր և կիտրոնի հյութ: Խառնուրդը քսեք դեմքին և վզին, 15 րոպե հետո լվացվեք:

 

Դեղձի հյութը կանխում է մաշկի ծերացումը

 

  • Մեկ ճաշի գդալ վարսակի ալյուրին ավելացրեք մեկ դեղձի հյութ և չեռացրած կաթ, քսեք դեմքին, 20 րոպե հետո լվացվեք սառը ջրով:

 

Զգայուն, հեշտությամբ գրգռվող և լայնացած անոթներով մաշկի համար օգտակար է հետևյալ դիմակը

 

  • Մեկական ճաշի գդալ վարդի թերթիկները, եղեսպակը, երիցուկը, դաղձը, մաղադանոսը, եզան լեզուն, հալվեն լցնել ապակե ամանի մեջ, ավելացնել 0,5 լ եռացրած ջուր, ծածկել կափարիչով, թրմել 2 ժամ, քամել: Ավելացնել 1-2 ճաշի գդալ ցանկացած թթվահամ մրգի կամ հատապտղի հյութ:

    Մաշկի արյան շրջանառության և տոնուսի բարձրացման լավագույն միջոց է խոտաբույսերից պատրաստած սառցե խորանարդիկներով շփումը: 

 

Պեպենների ու պիգմենտային լաքաների գունազրկման, սպիտակեցման համար օգտագործվում են մրգային ու բանջարեղենային դիմակներ

 

  • Պեպեններին քսեք կարմիր հաղարջի հյութ, չորանալուց հետո վրայից` ձվի սպիտակուցի և 2 թեյի գդալ բորաթթվի խառնուրդը: 10-15 րոպե հետո այն լվացեք վարունգի հյութով, որից հետո ցայվեք սառը ջրով, սրբվեք և դեմքին քսեք ձեր մաշկին համապատասխան քսուք:

 

Ամռանը օրգանիզմի քրտնարտադրությունը մեծանում է, որը նույնպես որոշակի խնդիր է առաջացնում: Մշտապես քրտնելու դեպքում կօգնեն եղեսպակից, կաղնու կեղևից պատրաստված թուրմերը: Օգտակար է նաև եղեսպակի 50 գրամից պատրաստած ջրաթուրմը, որը խմեք օրվա մեջ 2 անգամ, մեկ շաբաթվա ընթացքում: 

Հեղինակ. Սամվել Այվազյան
Սկզբնաղբյուր. Առողջապահություն 2.2011 (291)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

Աշխարհասփյուռ հայ բժիշկների երրորդ համագումարը
Աշխարհասփյուռ հայ բժիշկների երրորդ համագումարը

 ՀՀ առողջապահության, կրթության և գիտության ու սփյուռքի նախարարությունների նախաձեռնությամբ վերջերս Երևանի Մ. Հերացու անվան պետական բժշկական համալսարանի նիստերի դահլիճում կայացավ հայ բժիշկների միջազգային երրորդ համագումարը...

Իրադարձություններ Հայաստանում Միջոցառումներ
Նորը` Հայաստանի բժշկական գրադարանում
Նորը` Հայաստանի բժշկական գրադարանում

Երկու տարի առաջ էր, որ լրացավ ՀՀ ԱՆ հանրապետական գիտաբժշկական գրադարանի 70 տարին: Իր գոյատևման ընթացքում գործելով`«Առավելագույնս նպաստել Հայաստանի բժշկագիտության զարգացմանը»նշանաբանով...

Միջոցառումներ
Հայաստանի միջազգային բուժքույրական առաջին համագումարը
Հայաստանի միջազգային բուժքույրական առաջին համագումարը

Մեր հանրապետությունում բուժքույրերի շահերի և իրավունքների պաշտպանության, պրակտիկ գործունեություն և կրթական պատշաճ մակարդակ ապահովելու նպատակով «Էրեբունի» պետական բժշկական քոլեջի...

Իրադարձություններ Հայաստանում Միջոցառումներ
Համառոտ` ցողունային բջիջների մասին

Բանալի բառեր. ռեգեներատիվ բժշկություն, արյունաստեղծ, մեզենխիմային, սաղմնային ցողունայինբջիջներ

Դեռևս X դարի սկզբներին մեծն Ավիցեննան նշում էր, որ բժշկի գործիքներն են խոսքը, բույսը և դանակը...

Բուժման մեթոդներ
Ֆիտոբեզոարի առաջացրած բարակաղիքային անանցանելիության բուժման մեր փորձը

Բանալի բառեր. ֆիտոբեզոար, բարակաղիքային անանցանելիություն

Ներածություն: Բարակաղիքային մեխանիկական անանցանելիությունը բարակ աղիքի վիրաբուժական միջամտություն պահանջող և առավել հաճախ հանդիպող ախտաբանական վիճակ է...

Գաստրոէնտերոլոգիա, լյարդաբանություն Վիրաբուժություն Բուժման մեթոդներ
Միզասեռական կանդիդոզի բուժումը միկոֆլու դեղամիջոցով

Բանալի բառեր. Միզասեռական կանդիդոզ, միկոֆլու, ֆլուկոնազոլ

Ներածություն: Մանկաբարձագինեկոլոգիական հիվանդությունների կառուցվածքում սնկային` կանդիդային վուլվովագինիտը (ԿՎՎ) շարունակում է զբաղեցնել առաջատար...

Վարակաբանություն Պերինատոլոգիա, մանկաբարձություն և գինեկոլոգիա Ուրոլոգիա Վեներաբանություն Դեղագիտություն
Աղիքների դիսբակտերիոզի (դիսբիոզ) բուժման նոր տարբերակ
Աղիքների դիսբակտերիոզի (դիսբիոզ) բուժման նոր տարբերակ

Մակրոօրգանիզմը` իր միկրոֆլորայի հետ միասին, ամբողջական էկոլոգիական համակարգ է, որը մշտապես գտնվում է հավասարակշռության վիճակում: Չնայած օրգանիզմի վրա արտաքին միջավայրի տարբեր գործոնների...

Գաստրոէնտերոլոգիա և լյարդաբանություն
Լեյշմանիոզներ` մոռացված հիվանդություններ
Լեյշմանիոզներ` մոռացված հիվանդություններ

Առաջին անգամ «մոռացված, արհամարհված հիվանդություններ» (neglected diseases) տերմինն օգտագործվել է Առողջապահության համաշխարհային կազմակերպության (ԱՀԿ) կողմից` 2001թ., ինֆեկցիոն և մակաբուծային բնույթի մի խումբ...

Վարակաբանություն
Սթրես

Սթրեսը վտանգի, մարտահրավերների և միջավայրի փոփոխությունների դեպքում առաջացած ընդհանուր հարմարվողական համախտանիշն է, որի հայեցակարգը մշակել և զարգացրել է կանադացի բնագետ...

Հոգեկան առողջություն
Այսպես պետք է լինի միշտ և ամենուր
Այսպես պետք է լինի միշտ և ամենուր

Հայաստանի Հանրապետության Կառավարությունը տարվա ամենաերկար օրվա նախօրեն մշտապես նվիրել է երկարօրյա աշխատանքին վարժված, այլոց հոգսերն իրենցը դարձնելու երդմանը հավատարիմ բուժաշխատողներին...

Միջոցառումներ
Սամվել Անուշավանի Խաչատրյան. սիրած գործի նվիրյալը
Սամվել Անուշավանի Խաչատրյան. սիրած գործի նվիրյալը

Սամվել Անուշավանի Խաչատրյան. ով թեկուզ մեկ անգամ գործ է ունեցել բժշկական տեխնոլոգիաների և տեխնիկայի հետ, կճանաչի այդ ոլորտում բացառիկ գիտելիքներ և փորձառություն ունեցող...

Բժիշկներ
Սումամեդ` վերին շնչուղիների հիվանդությունների բուժման համար

Բակտերային ռինոսինուսիտների և տոնզիլոֆարինգիտների ժամանակ անհրաժեշտ է կիրառել ընդհանուր հակաբիոտիկոթերապիա: Մասնագետների մեծ մասի կարծիքով, մինչև 2 տարեկան երեխաներին ևս բոլոր դեպքերում հակաբիոտիկային...

Դեղամիջոցներ Շնչառական համակարգ
Երիկամաբորբ (նեֆրիտ)
Երիկամաբորբ (նեֆրիտ)

Մեզ խնդրել են գրել երիկամաբորբի մասին: Սակայն երիկամների` արտաթորության այս օրգանի մասին առանց տեղեկություններ տալու, դժվար կլինի պատկերացնել, թե ինչպիսի վնասակար ազդեցություն կարող են ունենալ հիվանդությունները...

Միզային համակարգ
Պարօդոնտ, պարօդոնտոզ
Պարօդոնտ,  պարօդոնտոզ

Այս երկու հիվանդությունների դեպքում ախտահարման օջախը նույնն է` պարօդոնտը (լատ. par-հար և odontos-ատամ): Խոսքը վերաբերում է հիմնականում ատամի արմատին հարող լնդոսկրային շերտին...

Ստոմատոլոգիա
Առաջին օգնությունը ուշագնացության ժամանակ
Առաջին օգնությունը ուշագնացության ժամանակ

Դժվար թե գտնվի մարդ, որն իր կյանքում ականատես եղած չլինի ինչ-որ մեկի ուշագնացությանը: Ըստ ամերիկյան վիճակագրական տվյալների, չափահաս մարդկանց մոտավորապես մեկ երրորդի կյանքում եղել է ուշագնացության գոնե մեկ դեպք...

Առաջին նախաբժշկական օգնություն

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ