Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժիշկներ

Շնորհակալագիր. izmirlianmedicalcenter.com

Շնորհակալագիր. izmirlianmedicalcenter.com

13 տարի ծանր Ալցհեյմերով հիվանդ մայր խնամելուն զուգահեռ, բժիշկները կոկորդի քաղցկեղ աշխորոշեցին այս անգամ ամուսնուս՝ Մարատի մոտ։ Անահիտ Հանեյանը՝ մայրս, վաստակաշատ գիտնական է, մեկն, ով իր կենդանության օրոք արդեն ընթերցվում է Հարվարդում ու Օքսֆորդում, հայերենի քերականական համակարգի ու բարբառների բացառիկ գիտակ։ Ես և Մարատը տարիներով մեր համեստ ապրուստն ուղղել ենք այսպիսի մայրիկի առողջության պահպանմանը, նրա խնամքին։ Մարատի հիվանդության լուրն ուղղակի ամպրոպ էր՝ պարզ երկնքում։ Բոլոր առումներով, այդ թվում՝ նյութական։ Գոյացությունն օր օրի էր մեծանում, իսկ մենք ի վիճակի չէինք անգամ պարզ ՄՌՏ հետազոտություն անցնելու․․․

Փնտրտուքները մեզ հասցրին Իզմիրլյան հիվանդանոց, որովհետև այստեղ էր աշխատում ձայնալարերի գոյացության լավագույն մասնագետը՝ Վալերի Գարեգինովիչ Ստեփանյանը։  Առողջապահության նախարարությունից ստացանք պետպատվերի ուղեգիր, սակայն որ հիմնարկ դիմեցինք, լսեցինք մեկ պատասխան․ տարեվերջ է, սպառվել են պետության կողմից բուժհաստատություններին փոխանցվող գումարներն ու անվճար տեղերը։ Կրկին ուղղվեցի  Իզմիրլյան, այս անգամ տնօրեն Արմեն Չարչյանի աշխատասենյակ, ում մասին միայն լսել էի, որ նա Հայաստանի օրթոպեդիայի ու վնասվածքաբանության լեգենդն է։ ,,Մեզ շտապ ՄՌՏ է պետք,,,- ասացի։ Պետք է՝ կանենք,-ժպտալով պատասխանեց տնօրենը, անմիջապես պատվիրակելով մասնագետին ու հավելելով՝ այս կյանքում միայն պաշտոնականությունը չէ, նաև՝ մարդկային հարաբերություններն են կարևոր․․․

Կոկորդի գոյացությունը հաստատվում է, Մարատին նշանակվում է հրատապ վիրահատություն։ Մինչդեռ վիրահատությունն արժե մոտ մեկ միլիոն դրամ,  կրկին կանգնում ենք չարաբաստիկ նյութականի անբավարարության փաստի առջև։ Օր-օրի ավելի ու ավելի ծանր շնչառություն, հետո՝ հեղձուկ, և ի վերջո՝ հիվանդանոցի վերակենդանացման բաժանմունք․․․  Ճարահատյալ՝ կրկին զանգում եմ Իզմիրլյան։ Մամուլի քարտուղարն ուղեկցում է ինձ հիվանդանոցի փոխտնօրենի մոտ։  Խնդրի հրատապությունը ներկայացնելուց հետո հնարավորություն է ընձեռնվում պայմանագիր ստորագրելու, որ հիվանդի վիճակը չբարդացնելու նկատառումով վիրահատությունը կարվի անմիջապես,  վճարումը՝ եռամսյա ժամկետում։ Այդպես էլ վարվում ենք։

Այժմ ամուսինս ապաքինվում է՝ հետևում թողնելով շուրջ եռամսյա մղձավանջը․․․

Սակայն հետաքրքիրը վերջում էր։ Պարզվեց, որ այս ամենից իր արձակուրդ մեկնելուց առաջ քաջատեղյակ էր Իզմիրլյան ԲԿ տնօրեն պարոն Չարչյանը և հանձնարարել էր ամեն գնով ընդառաջել բարդ վիճակում հայտնված  հիվանդին։

Եվ այսօր նաև ես եմ փաստում, որ պարոն Չարչյանը ոչ միայն փայլուն բժիշկ է, առողջապահական հաստատության անթերի կառավարիչ ու լավ մարդ, այլև բացառիկ վեհանձն ու բարեհոգի անձնավորություն, ում հիվանդները հարգում են։ Խորին երախտագիտություն նրան․․․

Բարեսիրտ ու հազվագյուտ պրոֆեսիոնալ մեր բժշկին ևս շնորհակալություն, մարդ, ով լինելով ոչ միայն Հայաստանի, այլև՝ հարավկովկասյան տարածաշրջանի երկրների լավագույն վիրահատող քիթ-կոկորդ-ականջ բժիշկը, այնքան համեստ է, որ  թվում է՝ այս տեքստն ընթերցելով կասի ՛՛Նանե ջան, դրա կարիքը չկար՛՛։ Վալերի Գարեգինովիչ, երախտապարտ ենք, մեր չընդհատված լուսաբացներով ենք Ձեզ պարտական։

Հատուկ շնորհակալություն Ամալյային՝ Իզմիրլյանի մամուլի և հասարակայնության հետ կապերի պատասխանատուին։ Նա այնքան հանգիստ է, որ թվում է՝ ինքն էլ է բժիշկ, թեև տպավորում է նաև հաղորդակցվելու իր անթերի կարողությամբ։

Եվ վերջապես, Իզմիրլյանի փոխտնօրեն Տիգրան Նալբանդյանին ենք մեր երախտիքի խոսքն ուղղում․ շնորհակալություն մեզ չմերժելու, վիրահատության գնի զեղչման և վերջապես՝ Ձեր անսպառ լավատեսության համար, որ Մարատի մոտ ամեն բան լավ է լինելու։

Հուսանք՝ այդպես էլ կլինի․․․

Ն. Մակուչյան,
Ապաքինվող Մարատ Հովհաննիսյանի կինը,
Երևան, 2018թ․

Սկզբնաղբյուր. izmirlianmedicalcenter.com
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Մասնագիտությունը՝ բժիշկ, շարքից. Խաչատուր Տիգրանի Էյրամջյան. armeniamedicalcenter.am
Մասնագիտությունը՝ բժիշկ, շարքից. Խաչատուր Տիգրանի Էյրամջյան. armeniamedicalcenter.am

Խաչատուր Տիգրանի Էյրամջյան, «Արմենիա» ՀԲԿ վիրաբուժական բաժանմունքի վարիչ

Խաչատուր Էյրամջյանը ծնվել է 1969թ. մարտի 7-ին, ք. Երևանում: Նախնական կրթությունը ստացել է...

Բժշկի ընդունարանում
ԵՊԲՀ. Մեզանից յուրաքանչյուրը ԵՊԲՀ-ի պատմության լույսի մի ճառագայթն է. Սուրեն Ստեփանյան
ԵՊԲՀ. Մեզանից յուրաքանչյուրը ԵՊԲՀ-ի պատմության լույսի մի ճառագայթն է. Սուրեն Ստեփանյան

Վիրաբուժության բնագավառը ինչ-որ չափով խորհրդավոր է, նրա մասին հաճախ հնչում են իրարամերժ կարծիքներ, նույն վիրաբույժի մասին կարող են գրվել գովերգող գրական ստեղծագործություններ և լսվել խիստ քննադատություններ...

Հայաստանում մասնագիտական վերապատրաստման տեսլականը. զրույց Րաֆֆի Ավետիսյանի հետ
Հայաստանում մասնագիտական վերապատրաստման տեսլականը. զրույց Րաֆֆի Ավետիսյանի հետ

Մեր զրուցակիցն է ԱՄՆ-ի հայտնի «Քլիվլենդ» կլինիկայի պրոֆեսոր, անեսթեզիոլոգ Րաֆֆի Ավետիսյանը, ում հետ խոսեցինք նեյրոանեսթեզիոլոգիայի, դրա հրատապության, պրոֆեսորի կողմից իրականացված մի շարք ծրագրերի և հետագա պլանների մասին...

Բժշկի ընդունարանում
ԵՊԲՀ. Ֆանարջյանների ընտանիքում պահպանվում է բժիշկ դառնալու ավանդույթը
ԵՊԲՀ. Ֆանարջյանների ընտանիքում պահպանվում է բժիշկ դառնալու ավանդույթը

«Ֆանարջյան» ազգանունը մեր երկրում նույնացվում  է բժշկագիտության  հետ։ Ֆանարջյանների ընտանիքը Հայաստանի բժշկական ամենամեծ գերդաստաններից է, որի վառ ներկայացուցիչ՝ «Հերացի» թիվ 1 հիվանդանոցային համալիրի...

ՀՀ ԱՆ. Պատվոգիր է շնորհվել անմնացորդ աշխատանքի համար
ՀՀ ԱՆ. Պատվոգիր է շնորհվել անմնացորդ աշխատանքի համար

Առողջապահության նախարարի տեղակալ Անահիտ Ավանեսյանն ընդունել է Իտալիայի Սուրբ Կամիլլո Միաբանության Հայր Մարիո Կուկարոլլոյին: Վերջինս Շիրակի մարզի Աշոցքի «Տիրամայր Նարեկ» հիվանդանոցում երկարատև...

ԵՊԲՀ. «Եղնիկների» բժշկուհին
ԵՊԲՀ. «Եղնիկների» բժշկուհին

Արցախյան պատերազմին իր մասնակցության մասին Արմինա Նալբանդյանը խոսել չի սիրում: Հարցերի միջոցով փորձում ենք «գաղտնազերծել» բժշկուհու կյանքի կարևոր այդ փուլի մանրամասները: Աշխատում է «Արմենիա» բժշկական կենտրոնում, վիրաբույժ է...

Մի պացիենտի հետքերով. Թիվ 1 համալսարանական կլինկիա, Հմայակ Սոսի Սիսակյան
Մի պացիենտի հետքերով. Թիվ 1 համալսարանական կլինկիա, Հմայակ Սոսի Սիսակյան

Մեդ-Պրակտիկ թիմը` լսելով թիմի անդամներից մեկի դրվատանքի խոսքերն` ուղղված Թիվ 1 համալսարանական կլինիկայի սրտաբանության բաժանմունքի ամբողջ անձնակազմին, որտեղ վերջին օրերին բուժվում էր իր ծեր մայրը, որոշեց պարզել` ո՞րն էր...

Բժշկի ընդունարանում
Ապրիլի 3-ին ծնվել է ռուս բժիշկ, ծանր ատլետ, ողնուղեղային վնասվածքներով հիվանդների ռեաբիլիտացիայի մեթոդիկայի հեղինակ Վալենտին Դիկուլը
Ապրիլի 3-ին ծնվել է ռուս բժիշկ, ծանր ատլետ, ողնուղեղային վնասվածքներով հիվանդների ռեաբիլիտացիայի մեթոդիկայի հեղինակ Վալենտին Դիկուլը

Վալենտին Իվանովիչ Դիկուլը ծնվել է 1948 թ. ապրիլի 3-ին Կաունաս (Լիտվա) քաղաքում: Ծնողների մահվան պատճառով տղան ապրել է մանկատանը: Այնտեղ նա սովորել է ձեռնածություն և ակրոբատիկա...

Պատմության էջերից Հիշարժան օրեր, տարեթվեր, տոներ
Դեկտեմբերի 22-ին ծնվել է ռուս սրտային վիրաբույժ, գիտնական և բժշկական գիտության կազմակերպիչ Լեո Բոկերիան
Դեկտեմբերի 22-ին ծնվել է ռուս սրտային վիրաբույժ, գիտնական և բժշկական գիտության  կազմակերպիչ Լեո Բոկերիան

Բոկերիան աշխարհի այն քիչ սրտավիրաբույժների շարքին է դասվում, ովքեր կատարում են սրտի հետ կապված վիրահատությունների հայտնի արսենալ՝ ամենատարբեր ախտահարումների դեպքում: Վիրահատություններից շատերն այսօր աշխարհում չունեն...

Հիշարժան օրեր, տարեթվեր, տոներ
Հարցազրույց վիրաբույժ-պրոկտոլոգ Արարատ Սահակյանի հետ. izmirlianmedicalcenter.com
Հարցազրույց վիրաբույժ-պրոկտոլոգ Արարատ Սահակյանի հետ. izmirlianmedicalcenter.com

«Իզմիրլյան» բժշկական կենտրոնի պրոկտոլոգիայի բաժանմունքի գործունեության, առաջընթացների մասին զրուցեցինք վիրաբույժ- պրոկտոլոգ, Երևանի Մ. Հերացու անվան բժշկական համալսարանի պրոկտոլոգիայի...

Բժշկի ընդունարանում Բժշկական կազմակերպություններ և կենտրոններ
Հարցազրույց Ռ.Օ. Յոլյանի անվան արյունաբանական կենտրոնի տնօրենի պաշտոնակատար Սամվել Դանիելյանի հետ
Հարցազրույց Ռ.Օ. Յոլյանի անվան արյունաբանական կենտրոնի տնօրենի պաշտոնակատար Սամվել Դանիելյանի հետ

–   Ինչպիսի՞ն է արյունաբանության ոլորտն այսօր Հայաստանում:


–   Արյունաբանության ոլորտը Հայաստանում հետևում է միջազգային փորձին և ձեռքբերումներին: Մենք ունենք...

Բժշկի ընդունարանում
Հարցազրույց պրոկտոլոգ Անահիտ Գևորգյանի հետ. izmirlianmedicalcenter.com
Հարցազրույց պրոկտոլոգ Անահիտ Գևորգյանի հետ. izmirlianmedicalcenter.com

Գևորգյան Անահիտ Գեղամի - բժշկակական գիտությունների թեկնածու, դոցենտ, բժիշկ կոլոպրոկտոլոգ

Ինչպե՞ս որոշեցիք դառնալ բժիշկ-պրոկտոլոգ...

Բժշկի ընդունարանում
Միակ կին պրոկտոլոգ-վիրաբույժը Հայաստանում. մենք միշտ աշխատում ենք բարդացած դեպքերի հետ. izmirlianmedicalcenter.com
Միակ կին պրոկտոլոգ-վիրաբույժը Հայաստանում. մենք միշտ աշխատում ենք բարդացած դեպքերի հետ. izmirlianmedicalcenter.com

Անահիտ Գևորգյանը այսօրվա դրությամբ Հայաստանում միակ կին պրոկտոլոգ- վիրաբույժն է։ 1984-ին նա եկել է աշխատելու Պրոկտոլոգիայի նորաբաց ինստիտուտ, որը հետագայում դարձել է «Իզմիրլյան» բուժկենտրոն։ Բժշկի խոսքով՝  իր հիվանդների 80 տոկոսը...

Բժշկի ընդունարանում
ԵՊԲՀ. Անվանի սրտաբան Կառլեն Ադամյանն արժանացել է ակադեմիկոս Միրախիմովի անվան մեդալի
ԵՊԲՀ. Անվանի սրտաբան Կառլեն Ադամյանն արժանացել է ակադեմիկոս Միրախիմովի անվան մեդալի

Ղրղզստանի Առողջապահության նախարարության ակադեմիկոս Միրսաիդ Միրախիմովի անվան սրտաբանության և թերապիայի ազգային կենտրոնի և Ներքին հիվանդություններով զբաղվող բժիշկների ասոցիացիայի կողմից ԵՊԲՀ սրտաբանության ամբիոնի վարիչ...

Ես հասկացա, թե իրականում ինչ է անմարդկային զենքը. բժշկի հիշողությունները ապրիլյան պատերազմի մասին. izmirlianmedicalcenter.com
Ես հասկացա, թե իրականում ինչ է անմարդկային զենքը. բժշկի հիշողությունները ապրիլյան պատերազմի մասին. izmirlianmedicalcenter.com

Այնտեղ՝ Արցախում ես հասկացա, թե իրականում ինչ է անմարդկային զենքը: Այն նախատեսված է ոչ թե հակառակորդի չեզոքացման, այլ ոչնչացման համար: Այս մասին NEWS.am Medicine-ի թղթակցի հետ զրույցում ասաց Երեւանի «Իզմիրլյան» բժշկական կենտրոնի ուրոլոգ...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ