Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժիշկներ

Դիալիզը փոխարինող թերապիա է, և այն կարող է երկարացնել մարդու կյանքը. էքստրակորպորալ դետոքսիկոլոգ Ռաֆայել Բաղդասարյան. armeniamedicalcenter.am

Դիալիզը փոխարինող թերապիա է, և այն կարող է երկարացնել մարդու կյանքը. էքստրակորպորալ դետոքսիկոլոգ Ռաֆայել Բաղդասարյան. armeniamedicalcenter.am

Մեր զրուցակիցն է «Արմենիա» ՀԲԿ հեմոդիալիզի բաժանմունքի վարիչ, էքստրակորպորալ դետոքսիկոլոգ Ռաֆայել Ֆելիքսի Բաղդասարյանը:

– Որքա՞ն վաղուց է իրականացվում դիալիզային բուժումը:

– Դիալիզը շուրջ մեկդարյա պատմություն ունի, սակայն կլինիկական կիրառությունը սկսվել է XX դարի 50-ական, իսկ հայաստանում` 70-ական թվականներից: Սկզբնական շրջանում բուժումն իրականացվում էր Վիրաբուժության ինստիտուտում: Սպիտակի աղետալի երկրաշարժից հետո կտրուկ զարգացում է նկատվել  այս ծառայության ոլորտում:

1988 թվականից կազմավորվել է «Արմենիա» հանրապետական բժշկական կենտրոնի հեմոդիալիզի բաժանմունքը Հոլանդիայի և Բելգիայի «Բժիշկներ առանց սահմանների» կազմակերպության աջակցությամբ: Զուգահեռաբար, հեմոդիալիզի բաժանմունքներ կազմավորվել են  Գյումրիում և Վանաձորում:

– Ի՞նչ է հեմոդիալիզը:

– Կարելի է ասել կենսակերպ. հիվանդը շաբաթական 3 անգամ պետք է հաճախի հեմոդիալիզի բաժանմունք և առնվազն 4-ական ժամ ստանա անհրաժեշտ միջամտությունը: Այսինքն՝ «մենք» աշխատում ենք նրա երիկամների փոխարեն: Սա է հեմոդիալիզի հիմնական էությունը:

 

– Ի՞նչ խնդիրների դեպքում է միջամտությունը դառնում անխուսափելի:

– Քրոնիկ երիկամային բոլոր հիվանդությունների վերջնակետը սահմանային քրոնիկ երիկամային անբավարարությունն է, որի ժամանակ անհրաժեշտություն է առաջանում կյանքը երկարացնել հեմոդիալիզի միջոցով:

Սահմանային երիկամային անբավարարության կարող են հանգեցնել շաքարային դիաբետը, պարբերական հիվանդությունը, արյան զարկերակային գերճնշումը, մի շարք համակարգային հիվանդություններ և այլն:

– Հիվանդը կարո՞ղ է խույս տալ հեմոդիալիզից:

 

–  Թեև քիչ դեպքերում է հնարավոր խույս տալ որպես անխուսափելի բուժման միջոց, սակայն  նրան հանգեցնող հիվանդությունների վաղաժամ հայտնաբերումը և բուժումը կարող է հետաձգել, իսկ որոշ դեպքերում` վերացնել հետագա դիալիզային բուժման անհրաժեշտությունը։

Դիալիզային բուժման հետաձգումը պետք է ինքնանպատակ չլինի, քանի որ ապացուցողական բժշկագիտությամբ հաստատված է. հեմոդիալիզային բուժման ժամանակին սկսելը կտրուկ իջեցնում է հիվանդների մահացությունը, պահպանում նրանց կյանքի որակը։


Դիալիզային բուժման անհրաժեշտություն ունեցող հիվանդների քանակն անընդհատ աճում է։ Դա է վկայում նաև միջազգային վիճակագրությունը։ Այստեղ բժշկագիտության  զարգացումն ունի բազմակի ազդեցություն։

Մի կողմից` սահմանային երիկամային անբավարարության հանգեցնող հիվանդությունների որակյալ ախտորոշումը և բուժումը, ինչպես նաև օրգանների փոխպատվաստման զարգացումը նվազեցնում դիալիզային բուժման կարիք ունեցող հիվանդների քանակը։ Մյուս կողմից, մարդու, այդ թվում նաև արդեն դիալիզային բուժում ստացող հիվադների կյանքի տևողության երկարումը բերում է հեմոդիալիզային բուժման կարիք ունեցող հիվանդների թվի ավելացման: Այսպես է ամբողջ աշխարհում, այդ թվում նաև` Հայաստանում:


 «Արմենիա» ՀԲԿ , Հեմոդիալիզի բաժանմունք–   Ե՞րբ է անհրաժեշտ սկսել հեմոդիալիզային բուժումը:

– Ինչպես և ցանկացած բուժական միջոց, այն ունի իր ցուցումները։ Օրինակ, երբ նվազել է երիկամների կծիկային ֆիլտրացիայի արագությունը՝ 15 մլ/ր-ից, ինչը նորմայում 80-120 մլ/ր է:

– Ինչպե՞ս է ընթանում միջամտությունը:

– Պլանավորված տարբերակում նախապես նախաբազկի շրջանում փոքրիկ և անվտանգ վիրահատություն է կատարվում` զարկերակ-երակային ֆիստուլավորում, ինչը տալիս է մեկ երակի լայնացման հնարավորություն: Այն իրականացնում են միկրովիրաբույժները կամ անոթային վիրաբույժները: Վիրահատությունից  հետո մեկ-երկու ամիս անց սկսվում է բուժումը ծրագրային հեմոդիալիզի եղանակով։ Պայմանավորված ժամին պացիենտը ներկայանում է, և երակի միջոցով միացվում է սարքին։ Սկսվում է միջամտական փուլը: Ամբողջ ընթացքում նա գտնվում է բաժանմունքի անձնակազմի հսկողության տակ:

– Ինչպե՞ս պատրաստվել հեմոդիալիզի:

– Առանձնապես նախապատրաստում չի պահանջվում։ Ցանկալի է նախքան հեմոդիալիզային բուժումը պատվաստվել հեպատիտ Բ-ի դեմ, քանի որ միջամտությունն անմիջական կապ ունի արյան հետ և անհրաժեշտ է հնարավորինս բացառել արյան միջոցով փոխանցվող հիվանդությունները: Այն կատարվում է անվճար: Հիվանդի շահերից է բխում նաև հոգեբանորեն հեմոդիալիզային բուժմանը պատրաստ լինելը:

– Ցավո՞տ է միջամտությունը:

– Ո՛չ, այնքանով, որքանով երակը ծակելը կարող է լինել ցավոտ:

 

– Պացիենտի ինքնազգացողությունը հեմոդիալիզից առաջ և հետո...

– Ինքնազգացողության հետ որևէ բան չի  կատարվում՝ ոչ առաջ, ոչ` հետո: Իհարկե՛, խոսքը սննդակարգը պահպանող պացիենտին է վերաբերում: Շատ դեպքերում հիվանդները չեն պահպանում ջրային և սննդային ռեժիմը: Յուրաքանչյուր հիվանդի համար բժիշկը հաշվարկում է համապատասխան իդեալական քաշի ցուցանիշ, ինչն իրավունք ունի տատանվել 3-5 տոկոսից ոչ ավելի՝ ըստ եվրոպական տվյալների: Շատ պացիենտներ խախտում են դա, ինչի պատճառով հեմոդիալիզի սեանսի վերջում լինում են վերջույթների ձգման երևույթներ, ճնշման անկում, թուլության զգացում: Ինքնազգացողության որևէ այլ փոփոխություն պացիենտները չեն նշում:

– Հեմոդիալիզի սեանսներ ստանալու ընթացքում պացիենտները կարո՞ղ են աշխատել:

– Աշխատունակության վրա բուժման ընթացքը, ինչ խոսք, ազդում է: Սակայն ասել, որ նրանք աշխատունակ չեն, ճիշտ չէ: Այստեղ նույնպես կարևորվում է այն փաստը, թե ինչպես է հիվանդն իրեն հետևում: Նա հասարակության համար լիարժեք անդամ է: Կան նույնիսկ հեմոդիալիզով ապրող մարզիկներ, ովքեր լեռնային հեծանվասպորտով են զբաղվում…

– Դիալիզը միա՞կ ելքն է:

– Այո, միակ ելքն է: Երբ հիվանդի մոտ երիկամներն արդեն չեն կարող ապահովել իրենց գործառույթները և կյանքի համար անհամատեղելի վիճակ է ստեղծվել, դիալիզը փոխարինող միակ թերապիան է, որը կարող է երկարացնել մարդու կյանքը:


 «Արմենիա» ՀԲԿ , Հեմոդիալիզի բաժանմունք
– Կախյալություն առաջացնու՞մ է հեմոդիալիզը:

–  Հեմոդիալիզը կախյալություն չի առաջացնում, ավելին` սուր երիկամային անբավարարության ժամանակ բուժման կարևորագույն և միակ միջոցն է. պացիենտի մոտ սեփական երիկամների փոխարեն աշխատում են արհեստական երիկամները, ինչը նաև սեփական երիկամների համար շանս է «հանգստանալու» և վերստին գործելու: Այս պահին ունենք սուր երիկամային ախտորոշմամբ հիվանդ, ում մոտ երիկամները սկսել են գործել, և շուտով նրան կհանենք հաշվառումից: Սուր երիկամային անբավարարություն կարող է առաջանալ ցանկացած առողջ մարդու մոտ` անգամ ջերմության բարձրացումից, և ո՛չ միայն: Բուժումից հետո մարդը վերադառնում է լիարժեք կյանք: Հեմոդիալիզն, անշուշտ, վախ է առաջացնում, ինչն իր հիմքերն ունի, սակայն չետք է մոռանալ, որ այն վերջին տասնամյակներում որակապես փոխվել է և նվազագույնի են հասցվել բարդությունները։

 

–  Անհրաժեշ՞տ է, արդյոք, պահպանել սննդակարգ հեմոդիալիզային բուժման ժամանակ:

–  Հեմոդիալիզ ստանող հիվանդի սննդակարգը շատ ավելի լայն է, քան նույն պացիենտինը նախքան դիալիզային բուժումը: Նեֆրոլոգի կողմից նշանակված թերսպիտակուցային՝ խնայող սննդակարգը, ավելի շատ «չիկարելիներ» է պարունակում, քան մենք պարտադրում ենք հեմոդիալիզ ստանող պացիենտներին:

–  Ձեր խորհուրդը:

–  Եթե հիվանդությունը զարգանում է և դիալիզային բուժումն անխուսափելի է, ապա հոգեբանորեն տրամադրվեք դրան: Այցելեք բաժանմունք, ստացեք համապատասխան խորհրդատվություն։ Ժամանակին իրականացվող հեմոդիալիզը հնարավորություն է տալիս պահպանել սեփական երիկամների մնացորդային, թեկուզ և չնչին գործառույթները, շեշտակի իջեցնում է բարդությունների, այդ թվում նաև ամենաանցանկալի հավանականությունը:

–  Ի՞նչ այլ մեթոդներ են իրականացվում բաժանմունքում

– Բաժանմունքում իրականացվում է նաև մեկ այլ էքստրակորպորալ դետոկսիկացիոն մեթոդ` պլազմաֆերեզ, որի կիրառությունը բժշկության մեջ նորություն չէ և տասնամյակներ շարունակ նա ապացուցում է իր արդյունավետությունն ու անվնասությունը։ Այն կիրառվում է բժշկության բազմաթիվ ոլորտներում, ինչպիսիք են գինեկոլոգիան, թոքաբանությունը, էնդոկրինոլոգիան և այլն։

Սկզբնաղբյուր. armeniamedicalcenter.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Մասնագիտությունը՝ բժիշկ, շարքից. Խաչատուր Տիգրանի Էյրամջյան. armeniamedicalcenter.am
Մասնագիտությունը՝ բժիշկ, շարքից. Խաչատուր Տիգրանի Էյրամջյան. armeniamedicalcenter.am

Խաչատուր Տիգրանի Էյրամջյան, «Արմենիա» ՀԲԿ վիրաբուժական բաժանմունքի վարիչ

Խաչատուր Էյրամջյանը ծնվել է 1969թ. մարտի 7-ին, ք. Երևանում: Նախնական կրթությունը ստացել է...

Բժշկի ընդունարանում
ԵՊԲՀ. Մեզանից յուրաքանչյուրը ԵՊԲՀ-ի պատմության լույսի մի ճառագայթն է. Սուրեն Ստեփանյան
ԵՊԲՀ. Մեզանից յուրաքանչյուրը ԵՊԲՀ-ի պատմության լույսի մի ճառագայթն է. Սուրեն Ստեփանյան

Վիրաբուժության բնագավառը ինչ-որ չափով խորհրդավոր է, նրա մասին հաճախ հնչում են իրարամերժ կարծիքներ, նույն վիրաբույժի մասին կարող են գրվել գովերգող գրական ստեղծագործություններ և լսվել խիստ քննադատություններ...

Հայաստանում մասնագիտական վերապատրաստման տեսլականը. զրույց Րաֆֆի Ավետիսյանի հետ
Հայաստանում մասնագիտական վերապատրաստման տեսլականը. զրույց Րաֆֆի Ավետիսյանի հետ

Մեր զրուցակիցն է ԱՄՆ-ի հայտնի «Քլիվլենդ» կլինիկայի պրոֆեսոր, անեսթեզիոլոգ Րաֆֆի Ավետիսյանը, ում հետ խոսեցինք նեյրոանեսթեզիոլոգիայի, դրա հրատապության, պրոֆեսորի կողմից իրականացված մի շարք ծրագրերի և հետագա պլանների մասին...

Բժշկի ընդունարանում
ԵՊԲՀ. Ֆանարջյանների ընտանիքում պահպանվում է բժիշկ դառնալու ավանդույթը
ԵՊԲՀ. Ֆանարջյանների ընտանիքում պահպանվում է բժիշկ դառնալու ավանդույթը

«Ֆանարջյան» ազգանունը մեր երկրում նույնացվում  է բժշկագիտության  հետ։ Ֆանարջյանների ընտանիքը Հայաստանի բժշկական ամենամեծ գերդաստաններից է, որի վառ ներկայացուցիչ՝ «Հերացի» թիվ 1 հիվանդանոցային համալիրի...

ՀՀ ԱՆ. Պատվոգիր է շնորհվել անմնացորդ աշխատանքի համար
ՀՀ ԱՆ. Պատվոգիր է շնորհվել անմնացորդ աշխատանքի համար

Առողջապահության նախարարի տեղակալ Անահիտ Ավանեսյանն ընդունել է Իտալիայի Սուրբ Կամիլլո Միաբանության Հայր Մարիո Կուկարոլլոյին: Վերջինս Շիրակի մարզի Աշոցքի «Տիրամայր Նարեկ» հիվանդանոցում երկարատև...

ԵՊԲՀ. «Եղնիկների» բժշկուհին
ԵՊԲՀ. «Եղնիկների» բժշկուհին

Արցախյան պատերազմին իր մասնակցության մասին Արմինա Նալբանդյանը խոսել չի սիրում: Հարցերի միջոցով փորձում ենք «գաղտնազերծել» բժշկուհու կյանքի կարևոր այդ փուլի մանրամասները: Աշխատում է «Արմենիա» բժշկական կենտրոնում, վիրաբույժ է...

Մի պացիենտի հետքերով. Թիվ 1 համալսարանական կլինկիա, Հմայակ Սոսի Սիսակյան
Մի պացիենտի հետքերով. Թիվ 1 համալսարանական կլինկիա, Հմայակ Սոսի Սիսակյան

Մեդ-Պրակտիկ թիմը` լսելով թիմի անդամներից մեկի դրվատանքի խոսքերն` ուղղված Թիվ 1 համալսարանական կլինիկայի սրտաբանության բաժանմունքի ամբողջ անձնակազմին, որտեղ վերջին օրերին բուժվում էր իր ծեր մայրը, որոշեց պարզել` ո՞րն էր...

Բժշկի ընդունարանում
Ապրիլի 3-ին ծնվել է ռուս բժիշկ, ծանր ատլետ, ողնուղեղային վնասվածքներով հիվանդների ռեաբիլիտացիայի մեթոդիկայի հեղինակ Վալենտին Դիկուլը
Ապրիլի 3-ին ծնվել է ռուս բժիշկ, ծանր ատլետ, ողնուղեղային վնասվածքներով հիվանդների ռեաբիլիտացիայի մեթոդիկայի հեղինակ Վալենտին Դիկուլը

Վալենտին Իվանովիչ Դիկուլը ծնվել է 1948 թ. ապրիլի 3-ին Կաունաս (Լիտվա) քաղաքում: Ծնողների մահվան պատճառով տղան ապրել է մանկատանը: Այնտեղ նա սովորել է ձեռնածություն և ակրոբատիկա...

Պատմության էջերից Հիշարժան օրեր, տարեթվեր, տոներ
Դեկտեմբերի 22-ին ծնվել է ռուս սրտային վիրաբույժ, գիտնական և բժշկական գիտության կազմակերպիչ Լեո Բոկերիան
Դեկտեմբերի 22-ին ծնվել է ռուս սրտային վիրաբույժ, գիտնական և բժշկական գիտության  կազմակերպիչ Լեո Բոկերիան

Բոկերիան աշխարհի այն քիչ սրտավիրաբույժների շարքին է դասվում, ովքեր կատարում են սրտի հետ կապված վիրահատությունների հայտնի արսենալ՝ ամենատարբեր ախտահարումների դեպքում: Վիրահատություններից շատերն այսօր աշխարհում չունեն...

Հիշարժան օրեր, տարեթվեր, տոներ
Հարցազրույց վիրաբույժ-պրոկտոլոգ Արարատ Սահակյանի հետ. izmirlianmedicalcenter.com
Հարցազրույց վիրաբույժ-պրոկտոլոգ Արարատ Սահակյանի հետ. izmirlianmedicalcenter.com

«Իզմիրլյան» բժշկական կենտրոնի պրոկտոլոգիայի բաժանմունքի գործունեության, առաջընթացների մասին զրուցեցինք վիրաբույժ- պրոկտոլոգ, Երևանի Մ. Հերացու անվան բժշկական համալսարանի պրոկտոլոգիայի...

Բժշկի ընդունարանում Բժշկական կազմակերպություններ և կենտրոններ
Հարցազրույց Ռ.Օ. Յոլյանի անվան արյունաբանական կենտրոնի տնօրենի պաշտոնակատար Սամվել Դանիելյանի հետ
Հարցազրույց Ռ.Օ. Յոլյանի անվան արյունաբանական կենտրոնի տնօրենի պաշտոնակատար Սամվել Դանիելյանի հետ

–   Ինչպիսի՞ն է արյունաբանության ոլորտն այսօր Հայաստանում:


–   Արյունաբանության ոլորտը Հայաստանում հետևում է միջազգային փորձին և ձեռքբերումներին: Մենք ունենք...

Բժշկի ընդունարանում
Հարցազրույց պրոկտոլոգ Անահիտ Գևորգյանի հետ. izmirlianmedicalcenter.com
Հարցազրույց պրոկտոլոգ Անահիտ Գևորգյանի հետ. izmirlianmedicalcenter.com

Գևորգյան Անահիտ Գեղամի - բժշկակական գիտությունների թեկնածու, դոցենտ, բժիշկ կոլոպրոկտոլոգ

Ինչպե՞ս որոշեցիք դառնալ բժիշկ-պրոկտոլոգ...

Բժշկի ընդունարանում
Միակ կին պրոկտոլոգ-վիրաբույժը Հայաստանում. մենք միշտ աշխատում ենք բարդացած դեպքերի հետ. izmirlianmedicalcenter.com
Միակ կին պրոկտոլոգ-վիրաբույժը Հայաստանում. մենք միշտ աշխատում ենք բարդացած դեպքերի հետ. izmirlianmedicalcenter.com

Անահիտ Գևորգյանը այսօրվա դրությամբ Հայաստանում միակ կին պրոկտոլոգ- վիրաբույժն է։ 1984-ին նա եկել է աշխատելու Պրոկտոլոգիայի նորաբաց ինստիտուտ, որը հետագայում դարձել է «Իզմիրլյան» բուժկենտրոն։ Բժշկի խոսքով՝  իր հիվանդների 80 տոկոսը...

Բժշկի ընդունարանում
ԵՊԲՀ. Անվանի սրտաբան Կառլեն Ադամյանն արժանացել է ակադեմիկոս Միրախիմովի անվան մեդալի
ԵՊԲՀ. Անվանի սրտաբան Կառլեն Ադամյանն արժանացել է ակադեմիկոս Միրախիմովի անվան մեդալի

Ղրղզստանի Առողջապահության նախարարության ակադեմիկոս Միրսաիդ Միրախիմովի անվան սրտաբանության և թերապիայի ազգային կենտրոնի և Ներքին հիվանդություններով զբաղվող բժիշկների ասոցիացիայի կողմից ԵՊԲՀ սրտաբանության ամբիոնի վարիչ...

Ես հասկացա, թե իրականում ինչ է անմարդկային զենքը. բժշկի հիշողությունները ապրիլյան պատերազմի մասին. izmirlianmedicalcenter.com
Ես հասկացա, թե իրականում ինչ է անմարդկային զենքը. բժշկի հիշողությունները ապրիլյան պատերազմի մասին. izmirlianmedicalcenter.com

Այնտեղ՝ Արցախում ես հասկացա, թե իրականում ինչ է անմարդկային զենքը: Այն նախատեսված է ոչ թե հակառակորդի չեզոքացման, այլ ոչնչացման համար: Այս մասին NEWS.am Medicine-ի թղթակցի հետ զրույցում ասաց Երեւանի «Իզմիրլյան» բժշկական կենտրոնի ուրոլոգ...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ